Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

FILMI I KOSOVËS “ZGJOI”;TRE ÇMIME NË AMERIKË

by

FILMI I KOSOVËS “ZGJOI”  TRE ÇMIME NË SHBA/

-Arritje historike e filmit të Kosovës, “Zgjoi” nga Blerta Basholli fiton tri çmimet kryesore në Sundance – festivalin më të madh të filmit të pavarur në Shtetet e Bashuara të Amerikës/

3 Shkurt 2021-Gazeta DIELLI  nga korrespondenti në Kosovë Behlul Jashari/  Filmi artistik nga Kosova, ‘Zgjoi’ me regji nga Blerta Basholli bëri historinë sot duke rrëmbyer tri çmimet kryesore të Sundance Film Festival: Filmi më i mirë, Regjisorja më i mirë, dhe çmimin e vlefshëm të publikut të festivalit më të madh të filmit të pavarur në Shtetet e Bashuara të Amerikës.

“Të shpërblehem nga festivali im i preferuar, ka rëndësi të papërshkrueshme për mua. Dua t’i ndaj këto çmime me të gjithë ekipën, aktorët dhe posaçërisht me Fahrije Hotin të cilën e mbaj në zemër që nga momenti i parë që e kam takuar, dhe e cila është shembull për të gjithe ne” u shpreh Blerta përmes një video mesazhi me rastin pranimit të çmimit Regjisorja më e mirë, gjatë ceremonisë së ndarjes çmimeve.

“Kemi punuar shumë dhe gjatë që ta sjellim këtë film para jush, publikut, dhe jemi shumë të nderuar që na shpërblyet”; “Duam t’ia dedikojmë këtë çmim vendit tonë të dashur dhe të bukur, Kosovës.” u shpreh Yll Uka, producenti i filmit me rastin e pranimit të çmimit të Publikut dhe çmimit Filmi më i mirë (Grand Jury Prize).

‘Zgjoi’ është i frymëzuar nga historia e vërtetë e Fahrijes (interpretuar nga Yllka Gashi) nga Krusha e Madhe, e cila në kërkim të burrit të saj të humbur gjatë luftës në Kosovë, fillon një biznes bujqësor për t’a siguruar mbijetësën e familjes, në një ambient tradicionalisht patriarkal ku ambicia për t’u zhvilluar nuk shihet me sy të mirë.

Në rolin kryesor luan Yllka Gashi, ndërsa në rolet tjera luajnë Çun Lajçi, Kumrije Hoxha, Aurita Agushi, Kaona Sylejmani, Mal Noah Safçiu, Adriana Matoshi, Astri Kabashi, Molikë Maxhuni, Blerta Ismaili, Valire Haxhijaj Zeneli, Armend Smajli, Ilir Prapashtica, Xhejlane Terbunja, Shkelqim Islami etj; me producent Yll Ukën, drejtor fotografie Alex Bloom, montazher Enis Saraçi dhe Félix Sandri, dhe me bashkëproducentë Valon Bajgorën, Agon Ukën, Britta Rindelaub-in, Kristijan Burovski-n, Tomi Salkovski-n, dhe Paskal Semini-n.

“Zgjoi“ është bashkëprodhim filmik në mes të Kosovës, Zvicrës, Shqipërisë dhe Maqedonisë së Veriut, mbështetur nga Qendra Kinematografike e Kosovës, Zyra Federale për Kulturë FOC dhe Cinéforom (Zvicërr), Agjencia e Filmit e Maqedonisë së Veriut dhe Qendra Kombëtare për Kinematografi (Shqipëri), prodhuar nga Ikonë Studio dhe Industria Film, me bashkëprodhim nga Alva Film Production, Black Cat Production, AlbaSky, Swiss National TV, ndërsa të drejtat e shitjes globale i ka LevelK.

MINISTRJA VLORA DUMOSHI: SUKSESI I FILMIT “ZGJOI” ËSHTË SUKSES I TËRË KOSOVËS

Pas suksesit të arritur të filmit “Zgjoi” nga Kosova, në “The Sundance Film Festival”, festivalin më të madh të pavarur të filmit në SHBA, Ministrja e Kulturës, Rinisë dhe Sportit, Vlora Dumoshi, ka takuar skenaristen dhe regjisoren e filmit Blerta Basholli.

Ministrja Dumoshi e ka përgëzuar regjisoren Basholli për suksesin e arritur në festivalin “Sundance” duke rrëmbyer tri çmime, atë të jurisë, audiencës dhe për regjinë më të mirë.

“Suksesi i filmit ‘Zgjoi’ është një fitore për tërë Kosovën në arenën ndërkombëtare, ku është treguar cilësia dhe tradita në kinematografi që tashmë është ndërtuar në vendin tonë. Dua t’i përgëzoj tërë ekipin e filmit për këtë rezultat të arritur dhe si ministri ndjehemi të kënaqur tej mase që nëpërmjet Qendrës Kinematografike të Kosovës kemi mbështetur këtë film”, ka thënë ministrja Dumoshi.

Tematika e filmit është shumë e fuqishme, ka vlerësuar ministrja, duke potencuar faktin se përmes këtij krijimi artistik rrëfehet një ngjarje e vërtetë e një gruaje me zemër të madhe siç është Fahrije Hoti, e cila ka pësuar në luftën e fundit në Kosovë të shkaktuar nga regjimi serb. Ndonëse me dhimbje e pikëllim për tragjedinë që ka përjetuar në familje, znj. Hoti ka arritur të mbledh forcat dhe të bëhet një prej prodhuesve dhe ndërmarrësve serioze për të treguar se sa të fuqishme janë gratë e Kosovës. Nëpërmjet filmit Blera e ka prezantuar me sukses këtë ngjarje, është shprehur ministrja.

Ndërkaq, skenaristja e filmit ‘Zgjoi’, Blerta Basholli, tha se e falënderon ministren Dumoshi dhe MKRS-në për përkrahjen e dhënë për filmin. Ajo tha se këtë sukses ia dedikon znj. Fahrije Hoti nga Krusha e Madhe e Rahovecit.

“I falënderoj të gjithë kastën dhe ekipin tjetër të filmit dhe të gjithë ata që kanë mbështetur prodhimin e tij për të ndriçuar ekranin e madh të kinemasë. Rrëfimi që ka filmin përçon mesazhin e një gruaje nga Kosova që përkundër dhimbjes e mërzisë, paragjykimeve përreth ajo ia del duke u bërë e suksesshme”, tha Basholli.

Filmi ‘Zgjoi’ shënon një prej sukseseve historike dhe është dëshmi e fuqishme që prezanton në arenën ndërkombëtare një të vërtetë nëpër të cilën ka kaluar populli i Kosovës. 

MINISTRJA MELIZA HARADINAJ-STUBLLA: “ZGJOI” ËSHTË E VËRTETA E KOSOVËS

Ministrja Kosovare e Punëve të Jashtme dhe Diasporës, Meliza Haradinaj-Stublla, i është gëzuar suksesit të filmit artistik “Zgjoi” / “Hive”, i cili bëri mbrëmë historinë duke fituar tri çmimet kryesore në Sundance Film Festival. 

Ministrja Haradinja-Stublla tha se suksesi i filmit “Zgjoi” është ndër arritjet më të mëdha ndërkombëtare të kulturës dhe filmit kosovar. 

“Zgjoi’ është e vërteta e Kosovës, një histori prekëse e grave të Krushës së Madhe, që rindërtuan jetën e tyre mbi dhimbjen. Këtë histori të vërtetë të gjenocidit të Serbisë të kryer në Kosovë, bota edhe pas 21 vitesh ka nevojë ta dëgjojë e ta rikujtojë”.

Shefja e diplomacisë kosovare ka falënderuar komunitetin e jashtëzakonshëm artistik e kulturor të Republikës së Kosovës, të cilët gjithmonë arrijnë të promovojnë Kosovën në botë, në të shumtën e herave me vetëiniciativë. “Për arritjen e mbrëmshme përgëzoj veçanërisht regjisoren Blerta Basholli dhe ekipin e saj fantastik”. 

KUJTESA- Para 21 viteve në veri të Mitrovicës shqiptarët u vranë e dëbuan

by

-Përkujtohen vrasjet e dëbimi i shqiptarëve nga veriu i Mitrovicës natën mes 3 dhe 4 shkurtit të vitit 2000/

-Presidentja në detyrë e Kosovës, Vjosa Osmani: Njëzetë e një vjet më parë, më 3 e 4 shkurt struktura paralele të dirigjuara nga shteti i Serbisë vranë në Mitrovicë 10 qytetarë shqiptarë, i plagosën 25, teksa i dëbuan nga shtëpitë e tyre 1564 familje/

MITROVICË, 3 Shkurt 2021-Gazeta DIELLI  nga korrespondenti në Kosovë Behlul Jashari/  Në Mitrovicë – pjesën veriore të qytetit tani me shumicë serbe,  para 21 vitesh, natën e masakrës mes 3 dhe 4 shkurtit të vitit 2000, janë vrarë 10 shqiptarë e plagosur 25 të tjerë, ndërsa u dëbuan nga shtëpitë e veta me dhunë vetëm brenda asaj nate rreth 100 familje shqiptare, e brenda muajit 1564 familje me gjithsej 11.394 anëtarë.

“Pasojat e sulmeve kriminale serbe të asaj nate në lagjet veriore të Mitrovicës ishin të tmerrshme. Dhunshëm u dëbuan nga pronat shqiptarët dhe në këtë mënyrë ajo pjesë u spastrua etnikisht dhe u ndryshua realiteti, duke u bërë serbët shumicë, që deri atëherë ishin pakicë”, është theksuar në veprimtaritë e përvitshme përkujtimore.

Në Mitrovicë masakra e para 21 viteve ndodhi pas luftës së përfunduar në qershorin e vitit 1999, dërsa gjatë luftës nga forcat serbe janë vrarë 455 shqiptarë,  nga moshat 2 muaj e deri 89 vjet, janë zhdukur 279 dhe janë plagosur 450 shqiptarë. Janë rrënuar  9540 shtëpi shqiptare.

Presidentja në detyrë e Kosovës, Vjosa Osmani, në  një deklaratë të dërguar sot nga Presidenca përkujton:

 Njëzetë e një vjet më parë, më 3 e 4 shkurt struktura paralele të dirigjuara nga shteti i Serbisë vranë në Mitrovicë 10 qytetarë shqiptarë, i plagosën 25, teksa i dëbuan nga shtëpitë e tyre 1564 familje.

Dy dekada më pas, kujtimi për civilët jeton bashkë me brengën për ata që më nuk arritën të kthehen në vatrat e tyre.

Nuk mund të ketë as paqe të qëndrueshme e as stabilitet nëse njerëzit në çdo cep të Kosovës nuk ndihen të lirshëm për të jetuar e për të lëvizur.

Koha është që tërësia territoriale e Kosovës të mos jetë vetëm në letër, por edhe në praktikë. Për një Kosovë në të cilën krimet nuk mbeten statistika në raporte, por trajtohen në organet e drejtësisë!

Që historia e 3-4 shkurtit kurrë më të mos përsëritet, nevojitet vendosmëri dhe guxim shtetëror për ta garantuar sigurinë e secilit qytetar të Kosovës, në çdo cep të saj.Qoftë i paharrueshëm kujtimi për civilët shqiptarë të varë me 3-4 shkurt!

KOSOVO ISRAEL FORMALIZE TIES, EU OPPOSES PLANS FOR KOSOVO’S JERUSALEM EMBASSY

by

Kosovo and Israel established diplomatic relations in a ceremony held online on Monday. Kosova’s Foreign Minister Meliza Haradinaj-Stublla and Israeli counterpart, Gabi Ashkenazi, signed joint declaration from Jerusalem and Pristina due to the coronavirus pandemic. The establishment of diplomatic relations between the two states was part of US brokered agreements last September between Kosovo, Serbia and the Trump administration. 

Mr. Ashkenazi stated that he had already approved an application to open the Kosovo embassy. The online ceremony included the unveiling of a plaque on the future site of Kosovo’s embassy to Israel in Jerusalem. The decision for Kosovo to open its embassy in Jerusalem was criticized at the time, including by Turkey, the Arab League and the European Union. Peter Stano, the EU’s spokesperson for external affairs, reiterated that criticism highlighting that all EU member states’ embassies to Israel were located in Tel Aviv. “In line with UN Security Council resolution 478, which called on all UN members to move their embassies to Tel Aviv, all EU member states’ embassies, as well as the EU delegation to Israel are located in Tel Aviv,” said Mr. Stano, adding that the Union expects Kosovo to act accordingly or risk undermining its European perspective.“Kosovo has identified EU integration as its strategic priority,” he said. “The EU expects Kosovo to act in line with this commitment so that its European perspective is not undermined.”

The sides also signed two memoranda of understanding on diplomatic consultations and cooperation. The documents were scanned and emailed during the ceremony, which included Ashkenazi unveiling a plaque to be placed at Kosovo’s Embassy in Jerusalem once the facility is opened.

Mrs. Haradinaj-Stublla noted that the establishment of diplomatic relations “would not have been possible without the blessing and strong commitment of the United States.”

The new administration of U.S. President Joe Biden applauded the Kosovo-Israel agreement as a “historic day.” “When our partners are united, the United States is stronger. Deeper international ties help further peace and stability in the Balkans and Middle East,” State Department spokesman Ned Price tweeted.

In September 2020, former U.S. President Donald Trump gathered the leaders of Kosovo and Serbia at a White House summit meant to work toward long-stalled normalization of ties between the neighbors. The decision prompted criticism from Palestinians, most Muslim-majority countries, and many European states, concerned that it would undermine prospects for a two-state solution to the Israeli-Palestinian conflict. 

Source: White House, EU Press Release

KRYETARI I VATRËS NGUSHËLLON VATRANIN BARDH TOMAJ PËR HUMBJEN E NËNËS SË TIJ TË DASHUR

by

Me dhimbje mësova lajmin se në Poughkeepsie -New York, të martën me 2 shkurt 2021 ndërroi jetë në moshën 81 vjecare Gjane (Paloka) Tomaj, nëna e vatranit Bardh Tomaj, e motra e publicistit Tom Paloka. Në emrin tim dhe të Vatrës u përcjell ngushëllimet më të thella familjeve Tomaj e Paloka si dhe miqëve.

Arkivoli me trupin e pajetë tw Gjane Tomaj do të qëndrojë në Shtëpinë Mortore Pleasant Manor Funeral Home, Inc. në Thornwood, NY. Ndërsa Mesha do të kremtohet të Premten me 5 Shkurt 2021, në orën 11.00 a.m në Kishën Katolike Shqiptare “Zoja e Shkodrës”në adresën 
361 West Hartsdale Avenue- Hartsdale, NY 10530. 

Pas meshës do të organizohet ceremonia e varrimit rreth orës: 12:45 PM. Adresa:
Gate of Heaven Cemetery
10 West Stevens Ave.
Hawthorne, NY 1053.

Pushoftë në Paqë shpirti i Gjane Tomaj!

Elmi Berisha

Kryetar i Federatës Panshqiptare të Amerikës”VATRA”

Kujtesë

by

Astrit Lulushi

Nga Astrit LULUSHI/Pse bëjmë mirë? Sepse Zoti (Krisht, Budë a Mohamed) thotë kështu; janë figura të rëndësishme në histori që duhet t’i dëgjojmë. Por nuk janë as të parët e as të fundit që thonë “mos bëj keq”. Njeriu bën mirë sepse është gjë e duhur për të bërë. Është në ADN, nuk është shpirtërore, por është e nevojshme. Kur bën një të keqe, dëmton veten dhe të tjerët.
Sa herë duhet që miu në laborator të kalojë nëpër një labirinth derisa të gjejë rrugën e daljes? Sa më shumë prova aq më i shpejtë bëhet. Me kalimin e kohës, tenton ta përshkojë udhën me gjithnjë e më pak gabime derisa i eleminon të gjitha. Ndërsa lëviz, krijon një hartë të brendshme të botës së tij. Shkencëtarët përdorin studime labirinth për të ndihmuar në identifikimin e parimeve të përgjithshme në lidhje me të mësuarit dhe kujtesën. Dhe ajo që mësojnë mund të zbatohet për specie tê tjera, madje edhe për njeriun. Në lojërat në kompjuter këto parime hasen sa herë që njeriu luan duke përdorur kujtesën për të mësuar, përshtatur dhe avancuar.
Pa shqetësime, nuk arrijmë askund. Si do të ndiheshit sikur të mos u besonit më kujtimeve tuaja? Duke e përshkruar të kaluarën me ngjyra, lule  a “udhëheqës të lavdishëm”, shumë njerëz sot kanë një kujtesë të qartë të diçkaje që nuk ka ndodhur; dhe kjo qartësi i çmend nga gëzimi nëse ajo kohë do të kishte mundësi të kthehej. 
Kështu, Zoti krijoi Tokën dhe na lë të bëjmë me të çfarë të duam. Megjithse, sgurisht, na dha edhe disa udhëzime, një libër të tërë (Biblën e vjetër). Ne kurrë nuk mund t’i dimë plotësisht efektet e tij; kurrë nuk do të arrijmē ta prekim kuptimin e jetës, megjithatë e dimë se ka gjithmonë një qëllim, vdekjen. Njeriu nuk mund të merret me të tashmen, ndërsa gënjen a mohon bazën e saj, të shkuarën. 
Neurologët thonë se kujtimet janë si zinxhirë me neurone e sinapse, dhe nganjëherë duhet vetëm një molekulë për t’i mbajtur të gjitha së bashku (fatkeqësisht askush nuk mund të parashikojë se cilën të mbajë). Truri nuk është si kuti, ku mund të mbash gjithçka të paprekur; gjërat përzihen, ngatërrohen jo në të njëjtën mënyrë dhe jo në të njëjtën kohë. Atëherë, kjo nuk ka asnjë lidhje me memorien ose trurin, por me një realitet tjetër.
Pra, kujtimi i rremë është krijuar, ku njeriu kujton diçka që nuk ka ndodhur ose e kujton ndryshe; keqinformimi, zbutja e tmerreve dhe mosdënimi i fajit ushqejnë kujtesën false, duke e bërë njeriun, që s’e ka jetuar atë kohë, të mendojē se kjo është e vërteta.