Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KFOR COMMANDER MEETS MITROVICA-SOUTH MAYOR

by

Gjenerali Miglietta: Prania e KFOR-it, shumë e rëndësishme për qytetarët e Mitrovicës dhe tërë Kosovës/

Pristina, 17 September 2015. KFOR Commander, Major General Guglielmo Luigi Miglietta, met today the Mayor of Mitrovica South, Mr Hagim Bahtiri, in the City Hall of the town.

They discussed on the security and economic prospects for improving living conditions in Mitrovica with specific focus on the South.

Mayor Bahtiri expressed gratitude to General Miglietta for the presence of KFOR, and the impartial and effective effort in favour of peace.

“We have worked hard, together with leaders of the new municipality in the north to improve the security situation, mobility and freedom of movement of people and goods and to improve interethnic relations. Thanks to this work, but also to communication, cooperation and support that we had from the Commander of peacekeepers – KFOR in northern Kosovo, today throughout Mitrovica we have a much relaxed situation, which is moving with firm steps towards full stabilization”, Mr Bahtiri said.

On the other hand, General Miglietta confirmed the fully commitment of KFOR soldiers in promoting a stable and tolerant environment in Mitrovica. The General also highlighted the importance to conduct a constructive dialogue and a fruitful cooperation between the Mitrovica South and North municipalities aimed to guarantee an economic and social development.

General Miglietta stated that “KFOR’s presence here is very important for the citizens of Mitrovica and the whole Kosovo too.”

***

Gjenerali Miglietta: Prania e KFOR-it, shumë e rëndësishme për qytetarët e Mitrovicës dhe tërë Kosovës

–Komandanti i KFOR-it takon kryetarin e komunës së Mitrovicës së jugut–

Nga Behlul Jashari/ PRISHTINË, 17  Shtator  2015/ Komandanti i KFOR-it, Gjeneralmajori Guglielmo Luigi Miglietta, konfirmoi zotimin e plotë të ushtarëve të KFOR-it në promovimin e mjedisit të qëndrueshëm dhe tolerant në Mitrovicë. Gjenerali gjithashtu nënvizoi rëndësinë e realizimit të dialogut konstruktiv dhe bashkëpunimit të frytshëm në mes të komunës së Mitrovicës së jugut me atë të veriut me synim të garantimit të zhvillimit ekonomik dhe social.

Gjenerali Miglietta tha se “prania e KFOR-it këtu është shumë e rëndësishme për qytetarët e Mitrovicës dhe tërë Kosovës”.

Komandanti i KFOR-it, Gjeneralmajori Guglielmo Luigi Miglietta, takoi sot kryetarin e komunës së Mitrovicës së jugut, Agim Bahtiri, në objektin e komunës në këtë qytet.

Ata diskutuan gjendjen e sigurisë dhe perspektivën ekonomike për përmirësimin e kushteve të jetesës në Mitrovicë, me fokus të veçantë në jug, thekson njoftimi dërguar nga KFOR.

Kryetari Bahtiri falënderoi Gjeneralin Miglietta për praninë e KFOR-it dhe për punën efektive dhe të paanshme në favor të paqes.

“Kemi punuar shumë, bashkë me drejtuesit e komunës së re në veri të qytetit, që situata e sigurisë, lëvizja dhe qarkullimi i lirë i njerëzve dhe mallrave, si dhe raportet ndëretnike të përmirësohen. Falë kësaj pune, por edhe komunikimit, bashkëpunimit dhe mbështetjes që kemi pas nga komandanti i paqeruajtësve të KFOR-it për veriun e Kosovës, sot në tërë Mitrovicën kemi një situatë shumë më të relaksuar, e cila po shkon me hapa të sigurt drejt stabilizimit të plotë”, tha  Bahtiri.

Kosova përgëzohet për vendimet e kohëve të fundit

by

-Zëvendëskryeministri Hashim Thaçi u takua me ministrin për Evropë të Mbretërisë së Bashkuar, David Lidington-/

Londër, 17 shtator 2015/ Zëvendëskryeministri i parë, njëherësh ministër i Punëve të Jashtme i Republikës së Kosovës, Hashim Thaçi, gjatë vizitës zyrtare në Britaninë e Madhe, u takua sot me ministrin për Evropë të Mbretërisë së Bashkuar, David Lidington.Gjatë takimit, zëvendëskryeministri Thaçi e njoftoi ministrin Lidington  për fuqizimin dhe konsolidimin e vazhdueshëm të shtetësisë dhe të subjektivitetit ndërkombëtar të Republikës së Kosovës, thekson njoftimi dërguar nga Londra i MPJ-së kosovare.

Zëvendëskryeministri Thaçi po ashtu theksoi avancimin e procesit të anëtarësimit të Kosovës në organizatat e ndryshme ndërkombëtare, duke përmendur punën e madhe që po bëhet për anëtarësimin e Kosovës në UNESCO, UEFA, FIFA, Interpol, etj.

Zëvendëskryeministri Hashim Thaçi theksoi edhe angazhimin e Kosovës për të vendosur dialog politik me NATO-n.

Ministri për Evropë i Mbretërisë së Bashkuar, David Lidington, përgëzoi Republikën e Kosovës për vendimet e vështira, por të drejta dhe të guximshme që ka marrë kohët e fundit.

Ministri Lidington po ashtu theksoi përkrahjen, si dhe inkurajimin e vendeve tjera që të përkrahin anëtarësimin e Republikës së Kosovës në organizatat ndërkombëtare.

Zëvendëskryeministri Hashim Thaçi gjatë takimit, po ashtu, ka theksuar rëndësinë e avancimit të proceseve eurointegruese të Kosovës.

 “Republika e Kosovës është në rrugë të drejtë. Bashkimi Evropian të mos vonohet me ne dhe të na trajtojë njëjtë sikur vendet tjera të rajonit”, theksoi zëvendëskryeministri Hashim Thaçi.

Gjatë vizitës zyrtare në Londër, zëvendëskryeministri Thaçi ka zhvilluar takime me përfaqësues shtetëror të Mbretërisë së Bashkuar, përfaqësues të Parlamentit, të shoqërisë civile, përfaqësues të bizneseve dhe të mediave./b.j/

“ Bombë “ në Beograd ?!

by

Titull shokues ne shtypin shqiptar : Tahiri Brukselit: “Na shpërbleni për dialogun me Serbinë”/

Nga Fahri XHARRA/
( Ajo po ashtu kërkoi që Bashkimi Evropian të njohë rezultatet e Kosovës në dialogun e Brukselit dhe të vendosë sa më parë për nënshkrimin e Marrëveshjes së Stabilizim  Asociimit  me Kosovën dhe liberalizimin e vizave për qytetarët e Kosovës (; 16 Shtator 2015  http://www.shekulli.com.al/p.php?id=317591 )
Dhe tjetra: “Lufta e Parë Botërore /Historiografia serbe flet, e jona jo: si u zhdukën  200 mijë serbë në malet shqiptare”( Mund të quhet një ekspozitë mirëfilli politike kjo që do të çelet në Galerinë Kombëtare të Arteve më date 17 shtator nga Auron Tare, e konsideruar një ekspozitë modeste organizuar nga Agjencia Kombëtare e Bregdetit në bashkëpunim me Ambasadën e serbe, si dhe konsullatën austriake të Shkodrës….“Historiografia serbe flet për rreth  200 000 serbë të zhdukur në malet dhe moçalet shqiptare. Për shkak të humbjes masive të jetës, kjo tërheqje e ushtrisë serbe nëpër Shqipëri konsiderohet si tragjedia më e madhe në historinë e kombit të tyre. Ekspozita organizohet ne kuadër tre 100 vjetorit tre Luftës  se Pare  Botërore dhe ka të bëjë me një ngjarje historike shumë interesante dhe aspak e njohur nga publiku shqiptar. Tërheqja e Armatave Serbe nëpërmjet maleve shqiptare në dimrin e 1915 dhe kalvari i gjatë i këtij marshimi më një përfundim tragjik”, shkruan Tare në njoftimin për mediet.; http://www.standard.al/lufta-e-pare-boterore-historiografia-serbe-flet-e-jona-jo-si-u-zhduken-200-mije-serbe-ne-malet-shqiptare/ )
Miq të nderuar, nëse diplomacia shqiptare dhe ajo e Kosovës nuk e dine këte: “Diplomacia si instrument konkret i aftësisë së udhëheqjes së politikës së jashtme të një vendi nuk ishte më një privilegj i rrethit të caktuar familjar, fisnor apo puthadorësh që shpesh udhëhiqej nga interesat e posaçme individuale e klanore.”(fxh)
“Diplomacia është një art në vete, e cila nuk mund të udhëhiqet pa i njohur teoritë moderne të rëndësishme të saj: të Teorisë së Forcës, Teorisë së Lojës, Teorisë së Integrimit, dhe Teorisë së Globalizimit të ndërvarur. (fxh)

Fjala e Edita Tahirit dhe njoftimi publik i Auron Tares tregon që diplomatet shqiptar janë largë diplomacisë  “dhe se diplomacia ashtu edhe “strategjia” e cila vetëkuptohet është vetë paraqitja e politikës së jashtme të një shteti dhe  dhe është një tregues i vërtetë i forcës dhe mençurisë kombëtare.(fxh):  “: Marrëdhëniet ndërkombëtare vejërohen në kontekstin e mbisundimit të konflikteve dhe gjetjen e interesave krahasuese (komparative) por që edhe në këtë rast forca është mjeti më i mirë për kënaqjen e interesave qenësore të shteteve. Diplomati i shkolluar dhe me përvojë duhet ta dijë se elementet thelbësore të marrëdhënieve ndërkombëtareve bazohen në madhësi të interesit dhe forcës i cili në bashkëveprim pozitiv e paraqet forcën kombëtare. Diplomati i rryer duhet të dijë që, duke i mësuar mundësitë e realizimit të interesave nacionale në përputhje me marrëdhëniet ndërkombëtare, ai duhet dhënë rëndësi shumë të madhe si diplomacisë ashtu edhe “strategjisë” e cila vetëkuptohet që është vetë paraqitja e politikës së jashtme të një shteti dhe një tregues i vërtetë i forcës dhe mençurisë kombëtare.(fxh)” (  Fahri Xharra, Ç’është diplomacia? http://www.telegrafi.com/lajme/c-eshte-diplomacia-26-4129.html   )
Së pari , nëse bisedohet në Europë për hatër të dikujt, ajo bisedë duhet te ketë edhe : “Diplomati i mirëfilltë e di se Teoria e Lojës niset nga ajo që qëllimi i çdo loje është përfitimi i potezave dhe pozitave më të mira ndaj kundërshtarit. Qëllimi i fundit është fitimi apo përfitimi i cili arrihet me përzgjedhjen e strategjisë më të mirë diplomatike.” e jo pritje  e shpërblimeve . Dhe për ekspozitën në Tiranë , diplomacia duhet ta di : “Diplomati që ballafaqohet me diplomaci e ky është roli i tij e di mirë se ekzistojnë lojërat me rezultatin e “ Zeros “ dhe ato të “ jo Zeros”. Te lojërat me rezultatin e  “Zeros “ humbjet janë të njëjta për të dy pjesët dhe që loja me rezultatin e “Jo zeros “ nuk është e thënë që të arrihet gjithmonë me humbjen e tjetrit. “ Pra ?

A kishim me qenë në gjendje , apo a na ka shkuar mendja ndonjëherë ( konkretisht në Shqipëri ) të kërkojmë që në Beograd të hapet një ekspozitë e njëjtë, reciproke me titullin ‘ Golgota shqiptare “ ku edhe ne të qanim dhe vajtonim me te madhe për një gjë , një kohë një tragjedi që populli serb nuk është i njoftuar, kurse për popullin shqiptar as mos të flasim: “Përndryshe nuk ka si të shpjegohet dalja e një fakti historik që ka ndodhur në tokat tona, që historiografia jonë nuk e ka përmendur, ndërsa ajo serbe e ka cilësuar si një nga tragjedia më e madhe në historinë e kombit serb. Ekspozita bën fjalë pikërisht për këtë ngjarje.(standard.al , po aty)
Duhet bindur opinion edhe shqiptar e edhe ai serb se ekspozita “Golgota shqiptare”nuk kishte me qenë bombë në Beograd , por një ulje e krenarisë serbe në garën diplomatike me ne .
Por: Diplomati është një burrështetas, ndërsa në kuptimin figurativ e pasqyron një njeri shumë të matur, të kujdesshëm dhe të mprehtë. Diplomacia i shpreh marrëdhëniet ndërkombëtare duke e nënkuptuar aktivitetin njerëzor si një “zanat” dhe shkencat politike. Shteti me anë të diplomacisë duhet të përmbushë detyrat e vetvetes, duke mos dobësuar asgjë nga obligimet e tij ndaj bashkësisë ndërkombëtare .

Fahri Xharra,17.09.15
Gjakovë



Foto nga “Golgota shqiptare”









Tirane-Ambasadori Lu: Reforma në Drejtësi, hapi më i rëndësishëm

by

Ambasadori amerikan në Tiranë, Donald Lu, nga tryeza e reformës për drejtësinë organizuar nga “Forumi Civil” hodhi një paralele të kujdesshme mes drejtësisë dhe politikës në Pakistan dhe asaj në Shqipëri. Lu tregoi historinë e një mikut të tij gjykatës, i cili nuk u thye përballë karteleve të drogës në Pakistan, përfaqësues të të cilëve i hynin politikës për të influencuar drejtësinë në lirimin e bosëve të drogës. Për reformën në drejtësi që ka nisur, Lu tha:-“Pakistani është sigurisht një vend i ndryshëm nga Shqipëria, por disa prej sfidave janë të njëjta. Në të dyja vendet, ne shqetësohemi për gjykatësit e korruptuar, për politikanë kriminelë dhe një sistem, ku më të pasurit e blejnë drejtësinë e tyre. Lufta për reformën në drejtësi sapo ka nisur. Njerëz me integritet, në të djathtë e në të majtë, besohen në këtë luftë. Gjykatës, prokurorë dhe politikanë të korruptuar dhe të paaftë do t’i kundërpërgjigjen kësaj reforme, por ne nuk duhet t’i lejojmë ata të fitojnë. Kjo reformë është e vetmja më e rëndësishme që prej rënies së komunizmit”, u shpreh ambasadori amerikan Donald Lu. Nga kjo tryezë, ish-Presidenti Alfred Moisiu, bashkëthemelues i “Forumit Civil” tha se duhet një ligj i veçantë, për t’i bërë një skaner të plotë pasurisë së të gjithë gjyqtarëve dhe prokurorëve, duke zbatuar parimin e barrës së provës, madje edhe për familjarët e tyre. Një tjetër sugjerim i Moisiut lidhej me zgjedhjen e Presidentit nga populli. “Sado që të bëhen ndryshime kompetencash, kam bindjen se politika në të gjitha rastet do të përpiqet për ta bërë Presidentin palë të sajën. E pra, kjo modifikohet vetëm duke zgjedhur njerëzit e duhur në atë detyrë dhe duke zgjedhur kryetarët e shtetit drejtpërdrejtë nga populli. Nuk e kuptoj, përse deri tani te ne hezitohet për të dalë në një zgjidhje të tillë, kur pothuajse e gjithë Lindja e zgjedhin Presidentin drejtpërdrejtë nga populli”, deklaroi ish-Presidenti i Republikës, Alfred Moisiu, bashkëthemelues i “Forumi Civil 2010”. Ambasadori gjerman, Helmut Hoffman u shpreh se “nëse reforma në drejtësi nuk kryhet tani, Shqipëria do të humbasë 10 vite kohë”.

 

Admirali Ferguson takon Komandantin e KFOR-it

by

Admirali i Marinës së SHBA-ve, Mark E. Ferguson III, Komandanti i Forcës së Përbashkët “Komanda Napoli”, u takua të mërkurën me Komandantin e KFOR-it, Gjeneralmajor Guglielmo Luigi Miglietta, në kampin “Film City”, Shtabin e KFOR-it të NATO-s. Kjo ishte vizita e parë e admiralit Ferguson në selinë e KFOR-it që nga emërimi i gjeneralit Miglietta si Komandant i KFOR-it, më 7 gusht. Admirali Ferguson është njoftuar në mënyrë të hollësishme nga Komandanti i KFOR-it dhe stafi i shtabit të përgjithshëm mbi zhvillimet e fundit dhe gjendjen aktuale të sigurisë e asaj politike në Kosovë dhe në rajonin e Ballkanit.
“Komandanti i Forcës së Përbashkët në Napoli shprehu vlerësimin e tij në angazhimin e trupave të KFOR-it për stabilitetin e së ardhmes të Kosovës dhe theksoi rëndësinë e mbështetjes së saj në zhvillimin e institucioneve të sigurisë, të cilat janë në gjendje të funksionojnë pa ndihmën e NATO-s”, thuhet në një komunikatë të shpërndarë nga KFOR.