FOTO: XHEVDET (IMER) GASHI(1969-2015)/
Njoftojmë miqtë, shokët, dashamirët dhe të afërmit se me rastin e vdekjes te vellaut tone te dashur XHEVDET GASHI, që ndërroi jetë papritmas ne moshen 46 vjeçarë, në Pejë me datën 2 Janar 2015, I ndnjeri u varros me nderime në Pejë me datën 3 Janar, 2015.
Ramadan Gashi me vellezer, kusheri dhe miq, hapin të pame për burra e gra me datën 25 Janar 2015 (ditë e Dielë) prej orës 10 AM-5PM, në “Royal Regency Hotel” 165 Tuckahoe Road, Yonkers, NY 10710. Tel. 914 476-6200
Tel: i familjes Gashi: 212 534-7321
Arrestohet një amerikan nën dyshimet për terrorizëm
Një amerikan u arrestua në shtëpinë e tij në Ohio nën dyshimet për një komplot për të vendosur bomba në kryeqytetin amerikan dhe për të qëlluar punonjës federal në ndërtesat përreth.
Christopher Cornell u ndalua nga agjentët federalë disa momente pasi bleu armë në një dyqan të mërkurën.
Ndaj tij janë ngritur akuza për posedim armësh dhe përpjekje për të vrarë punonjës të qeverisë amerikane.
I jati i të dyshuarit beson se FBI-ja po mblidhte informacione kundër djalit të tij për disa kohë, përfshi vizitat e tij në një xhami.
Sipas dokumentave të gjykatës, Christopher Cornell besonte se sulmi do të tregonte mbështetje për Shtetin Islamik dhe se ai kishte qënë në kontakt me persona jashtë vendit në lidhje me komplotin.
Shënohet përvjetori i ngjarjeve në Reçak
Në ditën e sotme të vitit 1999, forcat serbe vranë 45 civilë të fshatit Reçak në jug të Prishtinës. Ajo ngjarje shënoi një pikë kthese në luftën e Kosovës
Në Kosovë po shënohet gjashtëmbëdhjetë vjetori i ngjarjeve në fshatin Reçak të komunës së Shtimes, rreth 30 kilometra në jug të Prishtinës, ku forcat serbe vranë 45 shqiptarë.
Kjo ngjarje e cila që cilësuar si një nga masakrat më të rënda, shënoi një pike kthese në luftën e Kosovës. Ambasadori William Walker, drejtonte atëbotë Misionin Verifikues të Organizatës për Siguri dhe Bashkëpunim në Evropë, që vëzhgonte armëpushimin e brishtë të vendosur në nëntor të vitit 1998, në një marrëveshje ndërmjet të dërguarit amerikan Richard Holebrooke dhe Beogradit.
Ai i cilësoi vrasjet në Reçak si masakër dhe krim kundër njerëzimit. Ngjarja shënoi fillimin e një fushate të re diplomatike në përpjekje për t’i dhënë fund luftës dhe një muaj më vonë përfaqësuesit e Kosovës dhe të Serbisë u takuan në Rambouillet të Francës, në bisedimet e ndërmjetësuara nga bashkësia ndërkombëtare.
Në mars të atij viti marrëveshja e hartuar nga diplomatët ndërkombëtarë nuk u nënshkrua nga Beogradi dhe NATO-ja filloi fushatën 78ditëshe të bombardimeve që detyroi tërheqjen e forcave serbe nga Kosova dhe vendosjen e NATO-s dhe administratës së Kombeve të Bashkuara në Kosovë.
Gjashtëmbëdhjetë vjet pas ngjarjeve në Reçak, Kosova po mbush shtatë vjet të shpalljes së pavarësisë së saj, që vazhdon të kundërshtohet nga Serbia.
Udhëheqësit politik të Kosovës thonë se një kërkim faljeje nga Serbia, mbase mund ta lehtësonte udhën e bashkëpunimit në mes dy vendeve fqinje që kanë interesa të shumta për të pasur marrëdhënie të mira.
Gjashtëmbëdhjetë vjet pas ngjarjeve në Reçak, Kosova përballet me detyrimet për përmirësimin e jetës së qytetarëve dhe angazhimin për ripajtim e tolerancë ndëretnike, të cilat pothuajse ishin shuar nga pasojat e luftës.
“Charlie Hebdo”, karikaturë për 4 klerikët shqiptarë
Në numrin e fundit të revistës satirike ‘Charlie Hebdo’ që doli ditën e mërkurë në shenjë homazhi për 12 të vrarët në aktin terrorist të 7 janarit dhe u shit në 5 mln kopje në disa gjuhë të botës gjendet edhe një karikaturë kushtuar 4 klerikëve shqiptarë, marshimi i të cilëve në homazhet e mbajtura në nder të viktimave u prit me duartrokitje të shumta nga qytetarët e mbledhur në rrugët e Parisit.
Përfaqësues të 4 feve mbajnë secili moton ‘Je suis Charlie’, shprehje që pushtoi ditën që nga sulmi i përgjakshëm dhe shoqërohen nga mbishkrimi: ‘Nouveaux Amis’-Miq të rinj.
15 janar 2015 (gazeta-Shqip.com
Kontinenti i goditur
Nga Ismail Kadare*/
Goditja ishte e rëndë, dramatike. Ishte më e pakta gjë që mund të thuhej. Fjalët se Europa ishte goditur mu në zemër të saj nuk mungonin pothuajse në asnjë formulim lajmesh. Kishte në to befasim, dhimbje, tmerr, si për diçka që ndodhte për herë të parë.
Pavarësisht prej hijes së saj prej zonje të rëndë, Europa nuk ka qenë e pagoditshme. Madje kishte ndodhur që dy nga katër gadishujt e saj, atë Iberik dhe atë Ballkanik, ia kishin shkëputur me forcë shekuj më parë. I përkas njërit prej popujve ballkanas , që e ka humbur dy herë Europën: në shekullin e XV dhe atë XX, në komunizëm. Mendoj se popujve që u ka rënë një fat i tillë, kanë një qasje të veçantë, tepër të ndjeshme, për atë që ndodhi.
Ndonëse e përsëritur, tragjedia jepte, siç u tha, përshtypjen e diçkaje të re, të panjohur. Nën ndriçimin e saj, u qartësua befas edhe një herë, raporti i kontinentit europian me krejt globin tokësor. Është e vërtetë se ky konsiderohet si kontinenti që më shumë se kushdo, ka përfituar prej planetit tokë, por ndërkaq është po ai që më shumë se kushdo i ka dhënë këtij planeti. Ajo çka Europa ka dhënë, i përket një sfere të epërme, asaj të vlerave shpirtërore: mendim, art, letërsi, demokraci, gjer te liria e shprehjes, për të cilën u godit.
Tipari i parë i këtyre vlerave bën pjesë në aktet më sublime të njeriut. Ndryshe nga pasuritë lëndore tokësore, ndryshe nga pyjet, nafta, bankat, që secili vend i gëzon për vete, vlerat shpirtërore i nënshtrohen ligjeve të tjera. Asnjë popull ose familje popujsh nuk i krijon ato vetëm për vete, por njëherësh, aty për aty, qysh në ditën e parë të krijimit të tyre, natyrshëm ua fal, pra ua dhuron tërë popujve. Kështu Europa krijoi Danten, Shekspirin, Bethovenin, vetë Parisin, për vete dhe për krejt botën. Ky ka qenë, me sa dukej, ai zbulim që u qartësua befasisht, si nën ndriçimin e një rrufeje: mirënjohja planetare për Europën, kontinentin e goditur. Bashkë me mesazhin se Europa është e shtrenjtë për krejt njerëzimin, ndaj ajo jo vetëm ka të drejtë, por e ka për detyrë të mbrohet. Për vete dhe për të gjithë.
Shkrimi është botuar në gazetën franceze “Le Monde”