dgreca – Page 4400 – Dielli

VATRA- PROPOZIM PËR EMËRTIME RRUGËSH APO INSTITUCIONESH ME EMRA VATRANËSH TË SHQUAR

September 18, 2014 by dgreca

Në një thirrje publike drejtuar organeve të pushtetit lokal në Tiranë dhe qarqet e Shqipërisë, Federata Vatra, apelon, që emra vatranësh të shquar,që kanë dhënë jo vetëm për Vatrën, por edhe për Kombin, është e mira që të përdoren për emërtime të rrugëve, shesheve, apo institucioneve të vendit.Mire do te ishte qe ky propozim te merret ne konsiderate edhe bashkite e komunat nga vinin keta vatrane.Ja një pjesë e emrave që Vatra propozon:

1- Fan S. Noli- Themelues Kishës Autoqefale, Themelues i Vatrës dhe Diellit, Ministër i Jashtëm, kryeministër.
2- Faik Konica, themelues i Vatrës, drejtues i Diellit, Ambasador i Shqipërisë në Washington.
3- Mehmet Konica, delegati i Vatrës në Londër
3- Aqif Përmeti, drejtues i Trupave Vullnetare të Vatrës për mbrojtjen e kufijëve të Shqipërisë, Komandant i Mbrojtjes Kombëtare.
4- Charles Telford Erickson, diplomat i Vatres ne Washington, perfaqesues i Vatres ne Konferencen e Paqes ne Paris dhe ne Konferencën e San Fraciskos
5- Kolë Tromara, Kryetar i Vatrës, ndër themeluesit e Bandës Kombëtare “VATRA”, Prefekt i Gjirokastrës, Ministër i Kulturës-Korce
6-Kristo Kirka, bashkëthemelues i Vatrës, menaxher i Diellit, Deputet në Parlamentin e Shqipërisë, nën/prefekt i Himarës, Bilishtit, kryetar i bashkisë Korcë.
7-Bahri Omari, editor i Gazetës Dielli per 8 vite, prefekt, deputet në Parlament, Ministër i Punëve të Jashtme.
8- Kostë Cekrezi- Editor i Diellit, përfaqësues i Shqipërisë në Washington,themelues i Shoqatës Shqipëria e Lirë dhe Gazetës”Liria”, autor librash shkollore dhe historik etj.-Korce
9- Dr. Mihal Turtulli, delegati i Vatrës në Zvicër, inisiator i Fushatës së madhe të Vatrës” Për Shpëtimin e Shqipërisë”, i zgjedhur anëtar i këshillit të Lartë në Kongresin e Lushnjës
10- Aqile Tasi-ish kryetar i Vatrës, editor i Diellit, Drejtor i Bibliotekes Kombetar.
11-Kristo Dako- Kryetar i Vatrës, editor i Diellit- Korce, Kryetar i Partise Politike ne SHBA, autor librash etj.
12-Kristo Floqi- Bashkëthemelues i Vatrës, editor i Diellit, autor veprash letrare
13- Loni Kristo- Sekretar i VATRES, editor i Diellit-Korce, deputet i Parlamentit etj.
14 – Nelo Drizari- Editor i Diellit, autor librash-Mallakaster-Fier
15- Qerim Panariti, editor i Gazetes Immigranti,editor i Diellit & sekretar i Vatres per 18 vite, editor i revistes Studenti etj.
16 Antoni Athanas, kryetar i Vatres, sponsor i saj per dy dekada.
17, Athanas Gega, editor i Diellit, autor i librash- Shkoder.
18-Xhevat Kallajxhiu, drejtor i Gazetes Demokratia-Gjirokaster, nen/prefekt ne Gostivar, gazetar i zerit te Amerikes, editor i Diellit, autor librash.
19- Refat Xh Gurrazezi, sekretar dhe editor i Diellit.
21- Thoma Nassi, drejtuesi i Bandës “VATRA”, profesor, kompozitor etj.
22- Nexhmie Zaimi, gazetare, zv/kryetare e Vatres, autore librash- Libohove-Gjirokaster
23- Arshi Pipa, stdiues dhe shkrimtar i njohur, pedagog, ish Kryetar i Vatres dhe editor i Diellit.
24- Ali Kuci, udheheqes i fushates se Vatres per Shpetimin e Shqiperise-Berat
25- Kristo Thanas, kryetar i Vatres-Kolonje-Korce
26 Petraq Kolonja,gazetar, mesues per shkollat shqipe, punetor i madh per Kulturen Kombetare.
27- Peter (Petraq) Ktona, gazetar, autor i librit “Misioni i Federatës Vatra dje dhe sot.

SOFRA E DIELLIT- POEZI ITALIANE DHE SHQIPTARE SI MIRESEARDHJE PER PAPEN

September 18, 2014 by dgreca

POEZI ME RASTIN E VIZITËS SE PAPES NE TIRANË/
ANNA MANNA/
Në vitin 1996 themelon Shoqatën kulturore Manna dhe ishte presidente e saj deri në vitin 2007. Çmimi Lulja e shkëmbit që e futi në listën e çmimeve letrare, është një ballafaqim i guximshëm mes disiplinave të ndryshme. Organizon shumë evente që meritojnë mirënjohje: Medalja e artë e Komisionit të Shanseve të Barabarta, Çmimin Zire’ e artë pranë Universitetit të Akuilës për Vullnetarizmin kulturor, Çmimin Simpatia e Presidentit, Çmimin e kulturës të Kryeministrit. Ka botuar shumë libra me poezi dhe prozë dhe libri Larg pluhurit është prezantuar si libri i parë i një gruaje në Parlamentin Europian në Romë/

MËNGJES PASHKE/

Në dritën
e marsit
dhimbja
shfaqet
në ngjyrat e gjalla
të ankthit pa cipë
apo mashtrime.
Ajo zbehtësi
e tërbuar
brenda
trungjeve të thatë
Reklamon
dëshirën tonë
në ndonjë qelizë
ende rreh një hipotezë lulëzimi.
Këtë mëngjes
mezi dallova
një fole
mbi degët e njomura
me mahnitje të re bleruar.

PËRKËDHELJE PAKUFI

Mëmbetinëfaqe
Përkëdhelja e atittim,
Përkëdhelja e Papëssëmirë

Prejvelittëbesimitcikur
Nënjënatë me zjarrendezur
nëRomë

Nështëpifamilja
Përrethtryezësprejditëve
Tekvështronshpresën
E drojturpërtëardhmen

Mëmbetinëmendje
Zëri i tij
Prejtelevizoritkurdilte
Dhepërhapejnëbotë

U bëfasovatekmendoja
Se mëshpejt se njëavion
Ai fluturonte

I kapërcentetëgjithëkufijtë
Nëshpirtin e çdoshtëpie
Ai zbriste

Gjithënatënmbetanëballkon
Me sytëmbërthyer
Tekzëri i tij
Qëmesyjeve
Ta zbulojaatë mister

ORNELLA CAPPUCCINI
Lindur dhe banuese në Romë. Është Kavaliere nderi e Republikës italiane, poete, tregimtare dhe eseiste e njohur edhe për praninë e saj të madhe në panoramën letrare italiane. Ka botuar volume lirike si përtej horizontit, Trigonometria e luleve, Elegji të Jubileut. Ka marrë edhe Çmimin e nderit për poezi fetare.

TË KËRKOJ
Në jehonën e erës të kërkoj,
Në iluzionin e kohës,
Në fluturimet arabe me pendë,
Në pëshpërimën e luleve,
Në harmoninë e netëve të buta,
Në dritën e agmit të parë,
Në shkëlqimin e agimeve perlë,
Në rrëpirën e burimeve të argjendta,
Në degët me flokënajë të bollshme,
Në magjinë e një cicërime,
Në skutat e mbledhura të Unit.

Dhe…kur në errësirën e natës
Nga thellësia, i lehtë ngrihet
Mendimi para Pafundësisë,
Nga përshpejtimi i rrahjeve
Të zemrës e zbuloj se je përgjithmonë
Tek mua,
Mes bukurisë së KRIJESËS.

NË KËMBË TË KRYQIT
( Të Birit ia ndërron ngjyrën e fytyrës )

Më mbështjell,
I errët dhe i zi, Misteri,
Shpata më e pabesë
Zemrën time ma shpon,
Ndërsa në këmbë të kryqit
Fytyra jote, O Zot,
Botën ma ndriçon.
Shpirti dorëzohet, o Krishti im,
S’e kap dot kujtimin Tënd
Herën e parë
Në piqi mbi gjunjtë e mi!

Giovanni Campisi
Poet, poliglot, tregimtar, eseist, botues dhe themelues i Edizioni Universum prej 20 vjetësh. Është edhe studiues i problemeve të natyrës njerëzore. Jeton në Capri Leone në provimcën e Mesinës. Është e njohur kudo veprimtaria e tij letrare mbi 30 vjeçare.

Çdo ditë me Zotin
Faleminderit, O Zot,
për këtë ditë të re
që më dhuron,
për gjërat e bukura apo të këqia
qofshin që mund t’i shoh,
për njerëzit apo qëniet e tjera
që mund t’i takoj,
për këtë ditë tjetër jete
që brenda meje mund të çelë,
për gëzimet dhe dhimbjet
që sot mund të ndjej,
për dëshirën që ta këndoj
Himnin tënd të jetës
Q ti ë ma dhurove.
O Zot, të falenderoj !

Në emër të Zotit

Në emër të Zotit
para ujërave të pakufi të detit
për orë pafund u ula
pa nxjerrë asnjë fjalë.

Në emër të Zotit
me mijëra njerëz punova
pa vënëkurrë kushte,
që të përgatit të ardhmen
e brezave të rinj.

Në emër të Zotit
qava para një morie njerëzish
për jetët që më s’jetojnë.

ARJAN KALLÇO
Lindi në vitin 1967 në qytetin e Korçës ku edhe aktualisht jeton. Është poet, përkthyes, tregimtar, studiues, kritik, gazetar. Autor i disa vëllimeve me poezi, tregime, përkthime, i artikujve të shumtë në gazeta.

TASH QË TI NUK JE MË
(Papa Gjon Palit II)

Tash që fizikisht nuk jeton më
Mes shqetësimeve të botës,
Ajo s’rresht së kërkuari.
Ndihet jetime pa fjalën tënde
Që të dielave e trondiste
Përgjumjen përbuzëse
Përballë varfërisë.
Ndihet jetime pa dhelitë e tua
Që të dielave i përkdheklte
Ëndrrat e njerëzve që ëndrra
Mbetën.
Tash që fizikisht nuk je më
Po të shpallin shenjt, ligësi e maskave,
Sepse kur ishe gjallë, s’deshin
T’u besonin mrekullive që përsëriteshin
Prej dashurisë tënde.
Këmbëngulin të dergjen mes mëkateve
Të parasë dhe pangopësisë
Se gjithçka mund të blihet, bile edhe
Vetë nderi.
Tash që fizikisht nuk je më
U shfaqet guximi yt i drejtë, prandaj
Vazhdojnë të mos besojnë
Tek engjëlli apo i përzgjedhuri.
Tash që fizikisht nuk je më
E ndiej mungesën tënde, sepse kur udhëtoje
Me ty udhëtoja dhe unë, me bindjen
Se bota që ende flinte gjumë
Do të zgjohej një ditë.

29 Aprile 2011

MARY, MARY
Eh, sa Poetë shkruan
Këngë për emrin Mary,
Sa vargje janë derdhur
Lumë :
Mary e Qiellit
Mary e Hënes
Mary e Tokës
Mary e Diellit.
Por askush s’u kujtua
Për ty,
Asnjë varg s’ke dëgjuar.
Në jetë s’ka kuptim fjala Kurrë
Ngjan me fundin pa fillim.
Diç ke lënë pa ke shpresë,
Ja ku je në vargun tim.

Angelo Sagnelli
Poet italian lindur në vitin 1945 në lendinara, Romë. Ka botime të shumta qysh nga viti 2000. Nga tetori 2011 tek Kafja e vjetër greke në Romë promovon kulturën italiane.
KURORA
Kurorat e shumta ndër duar
Janë shikime drejt qiellit,
Janë drithëra që i djegin duart,
Janë çelësa që çelin mistere.

Në to fshihen stinët
Koha e pritjeve dhe e heshtjes
Dëshira që të flasim me Zotin
Historia e tokës dhe e njerëzve.

Besimi që na bashkon është dashuri
Ta jep shpresë dhe e mund frikën;
Është qëllimi që jetën e justifikon,
Burimi që çdo shkretëtirë e njom.

Angelo Mundula
Lindi në vitin 1934, me profesion avokat dhe poet metafizik italian. Është autor i shumë volumeve me poezi dhe pjesë në antologji të ndryshme.
Kujtim për Zotin

Muzikë hyjnore. Mos e kërko gjetkë Jezusin,
Në telat e shpirtit gjendet gjithmonë.
Nëse e dëgjon në heshtje
Buron muzika e thellë e Mikut të pastrehë
Dhe përditë në zemrën e njeriut e kërkon
Shtëpinë e tij të lindjes.
Çdo portë hapet e mbyllet,
Çdo barkë e nxjerr në det Mendimtarin
E përjetshëm, që të jetë
Gjithmonë i bollshëm mishi dhe
Në tryezën e të ftuarve
Buka kurrë të mos mungojë.

Përgatiti për botim
Arjan Kallço

Mirësevjen At i Shenjtë!

September 18, 2014 by dgreca

Nga Fatmir Lamaj/
Po afrohet ora e madhe kur këmba e Papa Françeskut do të shkelë mbi tokën shqiptare, duke sjellë me vete mesazhin hyjnor për gjithë shqiptarët se Zoti i Madh dhe ne nuk na ka harruar, përkundrazi jemi në vemendjen e tij përderisa përfaqësuesi më i lartë i klerit katolik është i angazhuar direkt në dhënien e këtij mesazhi. Ardhja e Atit të Shenjtë është një ngjarje e madhe për popullin tonë të shumëvuajtur, por gjithashtu edhe një detyrim shpirtëror për vlerësimin që po na bëhet nëpërmjet kësaj vizite për të gjithë ne si shqiptarë. Në zemrën e çdo shqiptari ravijëzohet në mënyrën më të sinqertë një “mirëseardhje” e frymëzuar dhe mbështetur në vlerat më të mira shpirtërore. Duke përjashtuar klasën politike e cila për arsyet e veta pragmatiste kërkon t’a shndërrojë këtë vizitë në një fasadë politike për të nxjerrë në pah ato merita që s’i ka pasur kurrë ndonjëherë, përkundrazi mbetet klasa politike më e korruptuar në Ballkan. Papa Françesku do të vijë në këtë vend për këtë popull aq shumë të përvuajtur nga komunizmi enverist, si modeli më i shëmtuar dhe më gjakatar që ka njohur deri më sot historia e zezë e komunizmit. Ai njëkohësisht duhet të mësojë dhimbshëm se të persekutuarit e djeshëm janë edhe sot pothuaj aq të persekutuar sa edhe dje, dhe persekutorët në vazhdimësi brezash janë po ata të djeshmit, natyrisht me fytyra të reja. Ti do të shikosh o Papë fotografitë e priftërinjve të pushkatuar nga regjimi komunist, por për të gjitha ato krime që ndodhën mbi popullin shqiptar për 50 vjet rrjesht, asnjë kriminel nuk u dënua qoftë edhe një ditë të vetme përkundrazi, bijtë e xhelatëve sot i ke biznesmen e politikanë që akoma vazhdojnë t’i bëjnë gjëmën këtij populli të inkurajuar nga mosndëshkimi i etërve të tyre. Etërit xhelatë ecin sot krenar për krimet e bëra, sepse janë të sigurtë se bijtë e tyre në pushtet të vazhdueshëm, janë garancia absolute e mosndëshkimit fyes për një popull të tërë. Mirësevjen o At i Shenjtë në tokën shqiptare, në këtë tokë me aq shumë halle. Populli shqipëtar njëherazi t’a uron mirëseardhjen… por sërish t’i duhet t’i hedhësh sytë mbas fasadës llamburitëse që do të ofrojnë pushtetarët, për të parë realisht atë që ka ndodhur dhe po ndodh në këtë vend. Ti do të shikosh pallatet e larta dhe natyrisht do të gëzohesh për përparimin “e madh” që ka bërë Shqipëria, por ato pallate i kanë ngritur “kapitalistët e rinj” duke j’u rrëmbyer tokën pronarëve të vjetër me lloj-lloj formash dhe mundësish që i krijoi pushteti neokomunist i pseudodemokracisë i pas viteve ’90. Pronarëve të vërtetë në Shqipëri j’u është marrë prona me dhunën e shtetit e mëshiruar në të gjitha ligjet e miratuara për pronën deri më sot në Shqipëri e sidomos me ligjin (antiligj) 7501. Sot pronarët e vërtetë janë shtresa më e varfër, më e përbuzur dhe më e persekutuar e këtij vendi, ndërsa pushtetarët e djeshëm dhe të sotëm mbeten pa më të voglin dyshim shtresa më e privilegjuar apo më mirë e vetprivilegjuar, e cila i ka dhënë të drejtën vetes të grabisë e rrëmbejë çdo gjë që i del përpara, që ka vlerë materiale dhe monetare. Ata kanë grabitur e po grabisin pa ndrojë gjithçka që ishte dhe është krijuar me mundin, djersën dhe gjakun e një populli të tërë. Ata nën ngasjen e pangopësisë perverse të zullumqarëve pa cak rrëmbyen dhe grabitën dhe pronën më të madhe fizike që kishte shteti shqipëtar, tokën në pronësi të shetit e cila e kalonte masën e 52 % të sasisë së tokës në Shqipëri. Mijëra njerëz janë vrarë në Shqipëri për pronën, e mijëra të tjerë do të vriten akoma në të ardhmen, por kjo nuk i shqetëson fare pushtetlënësit dhe pushtetmbajtësit shqipëtarë ( në qoftë se ata e meritojnë të quhen të tillë ), mjafton që ata të shijojnë pa u shqetësuar pronat e grabitura e të rrëmbyera. O At i Shënjtë ! A nuk është ky paradoksi më makabër i kohës që jetojmë, i pseudodemokracisë shqipëtare që ata që deri dje s’kishin asnjë kacidhe në xhep dhe as një metër tokë të trashëguar nga të parët e tyre, sot janë bërë zotërit e vërtet të këtij populli dhe këtij vëndi? Mirësëvjen o Papë në atdheun e errësirës për të sjellë pak dritë e për të ndriçuar sadopak shtigjet e ngushta ku zvarritet në grahmat e saj të fundit shpresa për pak drejtësi e dinjitet në këtë vënd e për këtë popull. At i Shenjtë, të gjithë shqipëtarët të presin krahëhapur pa dallim feje, por më shumë të presim me gjithë ngrohtësinë e shpirtit ne viktimat e komunizmit, ish të burgosurit politikë, ish pronarët dhe ish të persekutuarit që dhe sot vazhdojnë të jenë sërish viktima të padrejtësive të mëdha që kanë ndodhur e po ndodhin në këtë vënd. At i Shenjtë, ne të persekutuarit politikë të diktaturës komunisto-enveriste e dimë ç’është urrejtja, sepse kemi qënë vet viktima të një urrejtje çnjerëzore dhe pa shkak e cila s’njihte kurrë ndonjëherë kufij e moral, por ne kurrë nuk iu nënshtruam ndonjëherë ngasjes së saj djallëzore duke dhënë mesazhin e madh dhe aq të nevojshëm për kohën se: Duhet të falim deri në dhimbje për mos të krijuar më dhimbje të tjera. Mirësevjen o At! Ju në vizitën tuaj nuk mund ti shmagni dot takimet me parin politike të këtij vëndi e cila ka në përbërjen e saj edhe banditë e kusar, horra e vrastar, të cilët është e natyrshme që nuk e meritojnë bekimin tënd, përvec mallkimet që duhet të marrin si shpërblim i vonuar për atë që kanë bërë e po bëjnë mbi shqipëtarët e aq shumëvuajrur. O At, lutju Zotit për këtë vënd e për këtë popull që mbi errësirën ku dergjet aktualisht, Ai të dërgojë pak dritë për ta zbuar njëherë e përgjithmon errësirën dhe demonët e saj prej tokës së begatë shqipëtare.

Flet “Albanian Bear – Ariu Shqiptar”, Kampioni që nuk njeh rivalë

September 18, 2014 by dgreca

Quhet Reshat Mati ose “Ariu Shqiptar” dhe nuk njeh rivalë, duke fituar trofe të shumtë në SHBA e botë/
Nga BEQIR SINA – Staten Island NYC/
STATEN ISLAND NY : Gjatë këtyre dy dekadave të fundit kam pasur rastin për të shkruar në lidhje për shumë fëmijë të shqiptarëve në Amerikë,. Bëhet fjalë për talente dhe fëmijë të suksesshme – fëmijë që edhe pse ka lindur në Amerikë, por janë më se krenar shqiptarë, dhe kanë arritje befasuese. Ndonjëri prej tyre ka ngjitur shkallët e suksesit dhe arritjeve deri në rang kombëtar në SHBA, dhe ndonjëri prej tyre edhe shkallë ndërkombëtarë. Çdo njeri prej tyre ka qenë një djalë apo një vajzë e vogël – shqiptari në Amerikë, i cili porsi nga një “det me peshk” del mbi fëmijët Amerikan – si një delfin “. Aq sa ndonjërit prej tyre është ‘peshkuar” edhe nga shtypi Amerikan, i cili ka kushtuar vëmendje të veçantë, duke përfshirë , edhe mendimet e trajnerëve, specialistëve, ekspertëve, komentatorëve , artdashësve, dhe sportdashësve, në të gjithë Shtetet e Bashkuara të Amerikës.
Rasti për të njohur një fëmijë shqiptarë është edhe ky i Reshat Matit. Një fëmijë i cili veçse 15-vjeç, është mjaft i mirë për tju prezantuar, si një fëmijë tjetër shqiptarë. Fëmijë që po çuditë, fëmijë shqiptarë i cili po shkëlqen në sportin Amerikan, dhe është krenar të dalë në ringun amerikan me bluzën me flamurin kuq e zi. Ai është pikërisht Reshat Mati, i njohur këtu në SHBA, si “Albanian Bear – Ariu Shqiptarë”, një 15 vjeçar, që tashmë është një kampion bote, në Kickboxer, Muay Thai dhe “luftëtar” në Grappler, në Shtetet e Bashkuara, kampion kombëtarë në boks fitues i Dorezave të Argjenta (nëpërmjet vlersimit të MMA TKO).
“Ariu shqiptar” është emri që po bën bujë në artet parciale në Amerikë, por jo thjesht për sukseset, të cilat nuk i ka të pakta. Ai është vetëm 15 vjeç tani, dhe konsiderohet si fëmija-mrekulli në boks dhe arte parciale. Është kaq i avancuar në të gjitha disiplinat që stërvitet, sa që është praktikisht i pamposhtshëm. Është kampion i Amerikës në boks dhe shkëlqen në sportet Muai tai, kickboxing boksin dhe mundje.
I biri i dy prindërve nga Dibra e Madhe – quhet Reshat Mati, dhe jeton në ishullin njujorkez Staten Island në dhe shpreson që në vitet e ardhshëm e gjithë bota të dëgjojë për të. Duket në rrugën e duhur, pasi deri tani nuk ka pësuar asnjë humbje në kikboks, boks e Muai tai. Babai i tij, Adrian Mati, tregon se i biri, prej katër vjetësh, është kampion bote në kickboxing, ndërkohë që është kampion i Amerikës Veriore në Xhui Xhitsu.
Megjithëse ka fituar gjithë këta tituj, Reshati nuk ndryshon nga moshatarët e tij më pak të famshëm, për shumë gjëra. Për shembull, ende bëhet nervoz kur nuk ia arrin për diçka në sy të babait, i cili e ka stërvitur që kur ishte në kopsht. “Dua t’i provoj babait se jam i zoti në boks”, thotë Reshati. Por, nga ana tjetër, rreth tij është ngritur shqetësimi i ligjshëm për shëndetin e tij, duke pasur parasysh numrin e goditjeve që merr në kokë. I ati këmbëngul se familja e kupton rrezikun e ushtrimit të sporteve të rëndë. “Nëse shoh që im bir goditet rëndë apo po rrihet keqazi në ndonjë ndeshje, do ta ndaloj ndeshjen menjëherë”. Deri tani nuk ka pasur asnjë problem, thjesht sepse 15-vjeçari nuk është mundur asnjëherë. Kur të ndodhë, me siguri që do të ngrihen pyetje, por, duke parë rrugën e tij deri këtu, me siguri që ajo kohë do të vonojë të vijë.
Gazeta jonë foli eskluzivisht me “Ariu shqiptar”
Si e keni filluar kik-boksin ……..?
Kam filluar me karate në moshën 4 vjeçare dhe një herë kam marrë rripin e zi për t’u zhvendos për në ring në fillim me kikboksin, dhe tani me boksin. Jam i pasionuar pas Muay tajlandeze, MMA, delikuenca braziliane xhicu dhetani bëj edhe mundje – romake.
Çfarë është ajo që ju bëri të bini në dashuri me sportet e vështira kik- boksin?
…… Kam ra në dashuri me këto dy sporte të vështira – kikboks dhe boks, sepse, unë kam pasu trajnerë të mëdhenjë dhe mua më gëzojnë punët e vështira ndjhem me i lumtur kur fitoi në këto dy lloj sporti. Kur i kam fituar dyluftimet dhe jam bërë i pamposhtur kam bër që të më adhurojnë sa mëshumë fansa për atë që unë jam duke bërë, sepse unë e ndjejë se jamë duke bërë më të mirën qysh në këtë moshë.
Çfarë do të bënit për të ruajtur një gjendje të tillë të mirë psiko-fizike në ring ?
Për të ruajtuar një gjendje të madhe fiziko – psikike, zhvillojë një trajnim të fortë të cilin unë e filloi qysh në mëngjes me një vrapim në natyrë me 6 milje dhe 6 orë në ditë trajnim.
Më tregoni për ndeshjen tuaj të parë? ……
Ndeshja ime e parë ishte kickboxing në moshën 7 vjeç dhe atë e fitova. Ai dyluftim shkoi shumë mirë dhe shkoi rrugën time aq sa më nxiti të mos i ndahem dhe të jem më kërkues ndaj vetes i motivuar se do të jemë edhe më i mirë.
Kush është boksieri juaj i preferuar?
Dhe boksieri im më i preferuar është Muhamed Ali
Cila është jeta juaj në shkollë ?
Unë jam tani Junior në Shkollën e Mesme dhe kam synim shkollën e lartë. Unë jam duke mësuar shumë mirë. Sepse, pa u ndarë nga boksi unë dua të shkoj në kolegj. Unë dua të të marrë një arsimimin të lartë dhe të vazhdojë të bëhem një ” luftëtar” i madh dhe shpresoj që të bëhem
Më lejoni të pyes pak pas ndeshjes së fundit me Mike Ayeboafo Lufta ime me Mike Ayebosfo shkoi shumë mirë. Unë definitivisht besoj se kam fituar luftën. Megjithëse, mund të bëja një boksim edhe me mënyrë më të mirë – por sidoqoftë ndihem mirë me atë që arrita – ndeshje të tjera më presin
A mund të pyes për atë si ndiheni si shqiptar ? Sigurisht po! e pelqej këtë pyetje, kur ma drejtojnë gazetarët për të treguar ashtu si kam emrin dhe si e demostroi në ring se jam SHQIPTAR! .Unë jamë shqiptarë sepse kam lindur shqiptar me trashëgiminë e Madhe Shqiptare.Prindërit e mi janë të dy shqiptarë , gjyshërit e mi janë shqiptare dhe e gjithë trashëgimia edhe këtu në Amerikë janë shqiptarë. Unë jam krenar që jam shqiptar. Mbajë Shqiponjën dhe flamurin Shqiptarë me krenari dhe mburrem me ato në çdo ndeshje.

A po formohet “ Ushtria e Sanxhakut”?

September 18, 2014 by dgreca

Në rrjetet sociale janë paraqitur disa faqe të cilat kanë të bëjnë me krijimin e “Ushtrisë së Sanxhakut”. Në një faqe të hapur në facebook para 4-5 ditëve, bëhet thirrje për formimin e “Ushtrisë së Sanxhakut”. Në disa postime tjera ftohet çdo individ që të armatoset sa më mirë. E gjithë kjo arsyetohet me mbrojtjen e popullsisë boshnjake dhe territorit të Sanxhakut./
Nga Ismet Azizi/
Në lidhje me hapjen e kësaj faqe të internetit, për prononcimet dhe thirrjet që janë bërë, është deklaruar edhe Reshat Pllajoviq në emër të Bashkësisë Islame. Ai për TV B92 ka deklaruar: “Konsiderojmë se ky është një keqpërdorim i një manifestimi të qetë kulturor me qëllim të diskreditimit të sajë si dhe organizatorët e tij, dhe po ashtu edhe nxitje të mosbesimit dhe panik ndërmjet qytetarëve të këtij regjioni”.
Pllajoviq, poashtu, ka shtuar se kush qëndron pas kësaj thirrje dhe këtij keqpërdorimi përgjigjen mund dhe duhet ta gjej te organet përgjegjëse të këtij shteti. Gjithashtu, ai deklaroi se mbrojtja e qytetarëve dhe e regjionit është detyrë e shtetit dhe organeve të tij. Ai shtoi se pas këtyre thirrjeve “qëndrojnë ata të cilët gjatë këtyre ditëve në mediet serbe vazhdojnë të paraqesin-shtrojnë akuza të tmerrshme dhe gënjeshtra në llogari të BI dhe ndaj udhëheqësish së sajë, të cilët në këtë mënyrë sigurojnë edhe më tutje vëmendjen e medieve”.
Nuk dihet se kush i ka hapur këto faqe në internet. Prokurori serb për kriminalitet të lartë teknologjik, Branko Stamenkoviq, për TV B92 deklaroi se tashmë ka reaguar dhe ka kërkuar nga Ministria e Brendshme të grumbulloj informacione.
Prokurori Stamenkoviq tha se menjëherë, sapo është njoftuar se një faqe e tillë ekziston, është hapur procedura dhe ka kërkuar nga Ministria e Brendshme që të mbledhë të gjitha të dhënat. “Ka disa indikacione të caktuara se mundë të veprohet në këtë çështje, dhe pasi të mblidhet materiali, do të njoftohet opinioni publik”, ka deklaruar Stamenkoviq.
Supozohet se qëllimi i formimit të “Ushtrisë së Sanxhakut,” sipas shkrimeve të autorit në faqen e internetit, është mbrojtja e popullsisë boshnjake dhe jo serbe, po ashtu edhe mbrojtja e territorit të Sanxhakut. Kjo dukuri është duke ndodhur pas kërcënimeve të çetnikëve të kthyer nga Ukraina, të cilët kanë paralajmëruar marshimin nëpër rrugët e Pazarit të Ri .
“Presim që autoritetet shtetërore do të reagojnë sa më shpejtë që është e mundur, për shkak se ky është momenti i fundit për të treguar seriozitetin e sistemit, se institucionet punojnë, që askush nuk mund të krijojë një panik të tillë,” ka deklaruar për B92 Meho Omeroviq anëtarë i Komisionit Parlamentar për të Drejtat e Njeriut dhe të Pakicave. Omeroviq shtoi se këtu bëhet fjalë për shkelje të ligjit.
Duhet përmendur se TV B92 nuk ka transmetuar deklaratën e drejtorit të medresesë Reshad Pllojoviqit, e cila është bërë me kërkesë të korrespondentit të B92, dhënë këtij televizioni.
Në një takim me simpatizantët e tij në Novi Pazar, zëvendëskryeministri i Serbisë Rasim Lajiq, vuri në dukje se një grusht njerëzish sipas tij, duan të tërheqin vëmendjen për veten e tyre dhe me budallallëqet e tyre të ndryshme po i shkaktojnë dëme të mëdha tërë popullit.
“Marshimi në uniforma të gjelbra, deklarata të ndryshme ekstremiste dhe nacionaliste, përmendja e sërishme e autonomisë për Sanxhakun dhe çdo gjë tjetër që kemi dëgjuar në 15-20 ditët e fundit në Novi Pazar na kthen në vitet e nëntëdhjeta, të kaluarën e shëmtuar dhe na shkakton dëme të mëdha. Por , Novi Pazari iu thotë jo këtyre veprimeve. Shumica e njerëzve këtu duan punë, rrugë, shkolla, investitorë të huaj dhe prosperitet. Shumica këtu dëshirojnë në vend të uniformave ushtarake të shohin ato të punëtorëve, inxhinierëve, mjekëve … ” tha përveç tjerash Lajiq duke abstrahuar faktin se ai më tepër se 20 vite është në pushtet, dhe se për gjendjen e mjerueshme në Sanxhak pikërisht ai më së shumti është fajtorë. Edhe më tepër, sipas shumë analistëve, Lajiq është ministër i “përhershëm” në qeverinë serbe, pavarësisht se cila parti është në pushtet.
Të gjitha këto ngjarje po ndodhin në prag të zgjedhjeve për Këshilla Nacionale. Si duket kundërshtarët politik i ka kapluar paniku, sidomos Rasim Lajiqin, të cilin po e pengon përafrimi i Bashkësisë Islame në krye me myftiun Zukorliq dhe Partia e Aksionit Demokratik (SDA) e Sulejman Uglaninit.