Albanian American Newspaper Devoted to the Intellectual and Cultural Advancement of the Albanians in America | Since 1909
Njoftojmë komunitetin shqiptar se ka ndërruar jetë Mrika Xhema, bashkëshortja e Xhim Xhemës, biznesmenit të njohur, humanistit, veprimtarit të shquar të Komunitetit Shqiptar, kontributorit më të madh për Çështjen Kombëtare.
Kryetari i Vatrës, z. Elmi Berisha, në emër të familjes dhe Vatrës, ngushëllon mikun e tij, z. Xhim Xhema për humbjen e bashkëshortes. Shpirti i Mrikës pushofët në Paqë!
ELMI BERISHA
KRYETAR I VATRËS
-KFOR mbetet vigjilent dhe vazhdon të monitorojë dhe vlerësojë situatën në koordinim të ngushtë me Institucionet në Kosovë dhe Ministrinë e Shëndetësisë në veçanti, si dhe me Organizatat e Sigurisë dhe Komunitetin Ndërkombëtar/
PRISHTINË, 18 Prill 2020-Gazeta DIELLI/ KFOR – Forca e Kosovës e udhëhequr nga NATO, dërgoi sot këtë komunikatë:
Në përgjigje ndaj pandemisë globale të virusit Corona, Forca e Kosovës e udhëhequr nga NATO po vazhdon në mënyrë të rregullt misionin e saj të mandatuar nga Kombet e Bashkuara për të siguruar një mjedis të qetë dhe të sigurt si dhe liri të lëvizjes për të gjitha komunitetet në Kosovë, duke ndërmarrë të gjitha masat e nevojshme për të mbrojtur ushtarët e saj, partnerët dhe popullsinë e Kosovës.
Në javët e fundit, njësitë e KFOR-it kanë kryer patrullime, aktivitete ndërlidhëse dhe monitoruese si dhe kanë mbështetur institucionet dhe komunitetet lokale, përmes dhurimit të pajisjeve mbrojtëse personale dhe dërgimit të ushqimit dhe rrobave për familjet në nevojë, në koordinim me Kryqin e Kuq në Kosovë. Si reagues i parë i sigurisë, KFOR-i i ofron mbrojtje Manastirit të Deçanit, vend i rëndësisë së madhe fetare ortodokse dhe kulturore.
Radio K4 transmeton çdo ditë në gjuhën shqipe dhe serbe informacione mbi mënyrën si t’i përgjigjemi pandemisë dhe të parandalojmë përhapjen e virusit.
KFOR mbetet vigjilent dhe vazhdon të monitorojë dhe vlerësojë situatën në koordinim të ngushtë me Institucionet në Kosovë dhe Ministrinë e Shëndetësisë në veçanti, si dhe me Organizatat e Sigurisë dhe Komunitetin Ndërkombëtar.
“Kapacitetet e KFOR-it në kryerjen e operacioneve për të kontribuar në sigurinë e të gjitha komuniteteve në Kosovë nuk janë dobësuar. Ne mbetemi absolutisht të përkushtuar për të ruajtur forcen tone parandaluese dhe te mbrojtjes, ndërsa ndihmojmë në kufizimin e përhapjes së virusit. Forcat tona mbeten të gatshme dhe puna jonë thelbësore vazhdon, nën mandatin e dhënë nga Rezoluta 1244 e Këshillit të Sigurimit të Kombeve të Bashkuara te vitit 1999 “, deklaroi gjeneralmajor Michele Risi, Komandant i KFOR-it.
Në aspektin e parandalimit, që nga fillimi i pandemisë COVID-19, KFOR-i ka zbatuar masa të kujdesshme bazuar në rekomandimet e Organizatës Botërore të Shëndetit, me qëllim te lehtesimit te rreziqeve për personelin e saj dhe për të gjitha komunitetet e Kosovës.
Masat e tilla zbatohen në të gjitha bazat dhe objektet e KFOR-it dhe përfshijnë masa të rrepta higjienike, ekzaminim dhe kontrolle të të gjithë personelit ushtarak, kufizime të përkohshme në aktivitete jo thelbësore. Kontraktuesit lokalë të Kosovës që tregojnë shenja ose kanë një histori ekspozimi nuk lejohen te hyjne në baza.
Ashtu si në pjesën tjetër të shoqërisë, disa nga pjesetaret e personelit tane janë testuar pozitiv, dhe për fat të keq dy punëtorë civilë humbën jetën. Cilido ushtar i KFOR-it që tregon shenja të infektimit nga COVID-19 apo ka pasur kontakte me dikë të infektuar, vendoset në karantinë. Nëse ushtarët e KFOR infektohen, ata trajtohen ne hapesirat mjekësore në bazat e KFOR-it dhe futen në karantinë për të zvogëluar ekspozimin, përpara se të evakuohen.
COVID-19: KFOR CONTINUES ITS IMPORTANT WORK IN AN EFFECTIVE AND SAFE MANNER
In response to the global pandemic of Corona virus the NATO-led Kosovo Force is continuing on a regular basis its UN-mandated mission to provide a safe and secure environment and freedom of movement for all communities in Kosovo, whilst taking all necessary precautions to protect its soldiers, partners and the population of Kosovo.
In the last weeks, KFOR units have performed patrols, liaison and monitoring activities and supported local institutions and communities, through the donation of personal protective equipment and the delivery of food and clothes to families in need, in coordination with the Red Cross in Kosovo. As first responder, KFOR is providing protection to the Monastery of Visoki-Decani, a major Orthodox religious and cultural site.
Radio K4 is broadcasting every day in both Albanian and Serbian language information on how to respond to the pandemic and prevent the spread of the virus.
KFOR remains vigilant and continues to monitor and assess the situation in close coordination with the Institutions in Kosovo and the Ministry of Health in particular, as well as with the Security Organizations and the International Community.
“KFOR’s ability to conduct operations to contribute to the safety and security of all communities in Kosovo has not been undermined. We remain absolutely committed to maintaining our credible deterrence and defence, whilst helping to limit the virus’ spread. Our Forces remain ready, and our crucial work goes on, under the mandate provided by the United Nations Security Council Resolution 1244 of 1999,” stated Major General Michele Risi, the Commander of KFOR.
In terms of prevention, since the beginning of the COVID-19 pandemic, KFOR has implemented prudent measures based on the recommendations of the World Health Organization, in order to mitigate risks for its personnel and for all communities of Kosovo.
Such measures apply in all KFOR bases and facilities and include stringent hygiene measures, screening and checks of all military personnel deployed in theatre, temporary limitations on non-essential activities. Local Kosovo contractors showing signs or having a history of being exposed are not allowed on the bases.
As in the rest of society, some of our personnel have tested positive, and sadly two civilian workers lost their lives. Any KFOR soldier that shows signs of being infected by COVID-19 or has had contact with someone infected is placed in precautionary quarantine. If KFOR soldiers become infected, they are treated by medical facilities on KFOR bases and placed into quarantine in order to reduce additional exposure, before being evacuated.
VIDEO:
Nga Ligor Shyti/ *
Ndërsa kthehesha nga varrezat e fshatit ku ai lindi dhe mbas 73 vitesh u kthye po në atë fshat, i futur në arkën e drurit me llustër, në mend më vinin fjalët e mikut tim në ceremoninë mortore të poetit, i cili, ndër të tjera tha se ky prill ishte “prill i thyer”. Nuk e di pse ai çast më kujtoi romanin e Ismail Kadaresë, “Prilli i Thyer”. E kisha lexuar atë roman nga vitet 80, por asnjëherë nuk e kisha parë prillin si një muaj të dhimbshëm gjer në asht. Asnjëherë nuk e kisha menduar se do të vinte një prill tjetër, po kaq i thyer dhe po kaq i trishtë si ky i sivjetmi. Pandemia botërore ishte për të gjithë dhe si e tillë ajo tashmë po kthehej një e keqe që nuk i përkiste vetëm prillit, por ikja e poetit, e mikut, e mësuesit, e filozofit popullor siç do ta quante profesor P. Kabo, pikërisht në atë ditë të së Premtes së Zezë, ditën e pashkëve ortodokse, do të më shkaktonte një dhimbje të madhe.
Po kthehesha në qytetin tim, në qytetin tonë të vogël, por të bukur, që tashmë më dukej bosh. Jo për shkak të pandemisë, as për mungesë të shokëve, të miqve që më rrethonin, as të qytetarëve të mi të dashur që po e përjetonin keq këtë pranverë të hidhur për shkak të pandemisë. Jo. Kjo nuk e kishte ngacmuar aspak shpirtin tim të vrarë ato çaste. Mendja më rrinte tek miku dhe shoku im poet, tek ai njeri që la gjurmë të thella në jetën time, por për më tepër, tek ky qytet, të cilit tashmë do t’i mungojë fizikisht. Nuk do të ndihen më hapat e tij të rëndë pasditeve kur dilnim së bashku nëpër lulishte dhe ai përshëndeste e ngacmonte miqtë e tij me batuta shpesh të “Çuditshme”. Nuk do ta shohë më ky qytet poetin me flokë të gjatë e të bardhë që mbante një lule në dorë në çdo stinë. Nuk do të dëgjohet më zëri i tij i lartë, edhe në mes të shëtitores, kur bëhej fjalë për padrejtësitë. Shokët, miqtë, e tij, nuk do ta dëgjojnë më zërin e tij brilant dhe këngët e tij karakteristike popullore, sa herë që mblidhej me miqtë dhe ndihej i gëzuar. Personalisht nuk do ta kem më vështrimin e ashpër të mësuesit që kur dëgjonte se përdorja ndonjë fjalë të huaj, më shikonte ashpër dhe më pyeste me zë të lartë: “Si the? Si the?…”
Lexuesi përmetar dhe ai shqiptar, kudo që ndodhen, nuk do ta kenë më rastin të flasin e të këmbejnë mendime me autorin brilant të poezisë trivargshe, apo vjeshat e tij me motive të bukura për natyrën, për shpirtin, për shoqërinë e politikën. Vështirë se do të kemi në Përmet një poet me një stil të niveleve të larta si poeti Dhimitër Miti. Familja humbi njeriun e saj të dashur. Shokët, miqtë, të afërmit, humbën një njeri me vlera të larta njerëzore dhe humane. Arti përmetar dhe ai më gjerë, humbi një artist të përmasave kombëtare. Klubi i Shkrimtarëve dhe Artistëve “Naim Frashëri” humbi një anëtar të denjë, një njeri të përkushtuar e të palodhur që nuk kursehej kurrë për të bërë gjëra të bukura për Përmetin dhe përmetarët. Letërsia humbi një vlerë të pakthyeshme. Veprat e tij letrare, ato të shskruara dhe ato që ende nuk e kanë parë dritën e botimit, do të ngelen një thesar i paçmuar në libraritë e lexuesve të shumtë kudo që ndodhen. Kujtimet e poetit Dhimitër Miti do të mbeten të gjalla kudo që ai la gjurmë; Në Përmet, në Shkodër, në Tiranë, në Prishtinë, në Gjakovë, në Burrel dhe gjer në Italinë e Jugut ku ai la gjurmë me vizitat e tij.
Miqtë e tij, në Përmet, në Shqipëri, në Kosovë, në Maqdoni e gjetkë, do të ndihen krenar me atë figurë të lartë njerëzore e krijuese, sepse ai i tillë ishte. Humbja e Tij, humbja e një poeti, do të na lërë një boshllëk të madh në jetën tonë, edhe pse ai do të mbetet i gjallë në mendjet dhe në zemrat tona. Lamtumirë miku ynë Dhimitër Miti.
Kryetar i Klubit të Shkrimtarëve dhe Artistëve “Naim Frashëri” Përmet.
Përmet, më 17.04.2020
Ndalim virusiAstrit Lulushi
Ka ndonjë, të cilit nuk i pëlqen mënyra se si tjetri është a duket, i ri, meso apo plak; madje i cakton edhe orarin se kur duhet të dalë për të shëtitur. Sot edhe një qen a mace nuk mund t’a trajtosh a shkelmosh në këtë mënyrë. Mos vallë ai ka sistem imun, apo ka çelsat e virusit dhe e komandon atë? Sepse kështu duket, dhe faji pastaj i bie teorive konspirative, të tilla do tē ketë, nëse mungon informacioni. Si mund t’i thuhet tjetrit nëse e ka mirë apo keq, gabim apo drejtë? Çdo njeri e gjen vetë vendin ku jeton, alternativa tjetër quhet diktat a robëri. Njeriu ka disa parime; kur i krijon vetë, ecën sipas tyre, i ndjek ato dhe mund t’i ndryshojë, të vetat janë; kur parimet i merr nga të tjerët, ecën mbi ‘to, i shkel vrazhdë me këmbë, pa ndjesi, si ai që kalon në udhën e hapur nga të tjerët. Por ka edhe nga ata, të cilët fshihen nën parime, që herë mbufaten herë shfryhen, kjo varet nga rehatia që ndjejnë ose nga hija që merr eprori i tyre. Zëri i tyre bëhet rrufe kur dikush ia shkel parimet, jo rrufe që flet, por rrufe e shkruar në fletë të bardhë, e cila nxirros faqet dhe njerëzit, si dikur decibaot’ në Shqipërinē komuniste a në Kinën e Maos. E keqja është se njeriu asnjëherë nuk thotë atë që mendon. Liria është nocion që fshihet thellë në mendje, të cilën po nuk e trazove nuk lëviz e jo më të dalë në sipërfaqe. Sa i qetë ndjehet konformisti. Me kalimin e kohës, ai bëhet parazit që jeton duke u fshehur e ushqyer brenda tjetrit.
–Protestat në Miçigen, Ohajo, Karolinën Veriore, Minesota, Utah, Virxhinia dhe Kentaki,janë në krah të presidentit që po lufton për zhbllokimin e konomisë/
NGA DALIP GRECA/
Edhe dita e Premte kishte oshilacionet e veta në shifra për ecurinë e koronavirusit në Shtete e Bashkuara të Amerikës, por pozitiviteti qëndron në treguesin e lehtësimit të spitaleve dhe uljen e numrit të të shtruarëve të rinj. Statistikat e infeksionit dhe numrit të viktimave ende janë të larta. Numri i të vdekurëve regjistroi shifrën ditore 2 mijë e 535, duke e çuar numrin e të vdekurëve në 37 mijë e 158, ndërkohë që të infektuar të rinj u raportuan 32 mijë e 165, duke e rritur numrin total të të infektuarëve në 710 mijë 021. New Yorku pat një prapaktheu në ditët e këqia për numrin e viktimave, regjistroi 1 mijë e 25 të vdekur(nga 606 një ditë më parë), duke e çuar numrin e përgjithshëm të të vdekurëve në 17 mijë e 131, ndërsa shifra ditore e të infektuarëve ishte 7 mijë e 753, me një shifër totale 233 mijë e 951. New Jersey raportoi shifrën ditore të 322 të vdekur (numri i përgjithshëm i viktimave 3 mijë e 840), ndërsa të infektuar të rinj ditorë 3 mijë e 175 (shifra në total e të infektuarëve 78 mijë e 467). Massachusetts raportoi 159 të vdekur gjatë ditës së Premte, Michigani 134, Pannsylvania 120, Kalifornia 90, Ilinois 62, Florida 58, Georgia 51,Connecticut 65 etj.
***
Edhe pse kjo tablo shifrash duket e zymtë, gjithandej po flitet për hapjen e ekonomisë. Madje në disa prej shteteve ka pasur demonstrime që vënë nën presion qeveritë e shteteve. Protestat, në të cilat u është bërë thirrje autoriteteve për t’i dhënë fund izolimit janë zhvilluar në Miçigen, Ohajo, Karolinën Veriore, Minesota, Utah, Virxhinia dhe Kentaki.
Presidenti Donald Trump, i cili duket se i përkrah këto protesta, po përcjell udhëzimet që shtetet të fillojnë të hapin ekonomitë e tyre të mbyllura nga pandemia e koronavirusit.
Plani që u bë publik të enjten,dhe që u komentua gjërsisht të premten, përfshin tre faza. Ky plan u jep qeveritarëve autorizimin të marrin vendime se si shtetet e tyre do të procedojnë në javët dhe muajt e ardhshëm për një hapje graduale.
Udhëzimet ” Riapja e Amerikës” u njoftuan të enjten në Shtëpinë e Bardhë pas një komunikimi me guvernatorët e të 50 shteteve dhe u komentuan gjërsisht të premten. Presidenti u jep shteteve autoritetin të marrin vendime se si të procedojnë. Trump kishte thënë në fillim të javës se ishte autoriteti i Tij, që do të vendoste se kur do të pushonin kufizimet, por gjatë javës ai u tërhoq nga ky pretendim duke pasur kundër, jo vetëm guvernatorët, por edhe figura të njohura republikane.
“Disa shtete do të hapen më shpejt se të tjerët”, sepse nuk kanë të njëjtën situatë, argumentoi presidenti Trump, duke sjellë shembuj krahasimor.
Plani tre fazor nuk do të fillojë derisa shtetet të kenë 14 ditë rresht ulje të rasteve të koronavirusit dhe të kenë kryer testime masive si dhe të kenë siguruar aftësi spitalore për t’iu përgjigjur ndonjë goditjeje të COVID-19. Udhëzimet e mbylljes aktuale të përcaktuara nga grupi i punës i Shtëpisë së Bardhë përfundojnë më 1 maj, por disa shtete si ato të Verlindjes, kanë përcaktuar 15 majin.
Plani Tre fazor i presidentit ka patur mbështetje dhe kundërshtime. Dy mjekë nga Harvardit vlerësuan natyrën graduale të planit të Presidentit Donald Trump për rihapjen e vendit, por të dy thanë se kombi duhet të forcojë aftësitë e testimit. Barry Bloom, profesor i shëndetit publik dhe William Hanage, profesor i asociuar i epidemiologjisë, e quajtën planin “të menduar”. Hanage theksoi se problemi, që duhet zgjidhur qëndron tek Testimi.
Shumë guvernatorë kanë deklaruar se kufizimet do të përfundojnë në maj; disa janë bashkuar në aleanca rajonale për planet e rihapjes. Presidenti Trump duket se dëshiron të sigurojë të paktën një kornizë ligjore Kombëtare për mënyrën se si vendi do të rihapet, përkundër paralajmërimeve nga të gjitha anët se kapaciteti i testimit për koronavirus është ende shumë i vogël.
Një numër i guvernatorëve u shprehën se ndërsa do të merrnin në konsideratë udhëzimet e presidentit, ata do të jenë të kujdesshëm të lëvizin gradualisht.
Disa nga guvernatorët, i pari ai New Yorkut, kanë dhënë alarmin për çështjet e pazgjidhura, si mungesa e testimit në masë.
Testimet janë të domosdoshme dhe të dobishme ,- tha Guvernatori demokrat i Connecticut, Ned Lamont, të premten në TV NBC.
Guvernatorja e New Meksikos, Michelle Lujan Grisham, ndërsa pranoi sugjerimet e Shtëpisë së Bardhë, u shpreh në mënyrë figurative tek tha se “fakti i qartë thelbësor është se ne nuk mund ta vendosim karrocën para kalit.”Ajo u shpreh se ekspertët e shëndetit publik kanë paralajmëruar se New Mexico nuk ka arritur ende në pikën e sigurisë për rihapje, nëse do të vepronim para kohe, do të rrezikonim shumë njerëz.
Gjithësesi Plani “Trump” kërkon që para hapjes shtetet të përmbushin disa kritere si : rënie e rasteve të COVID-19,rënie e shtrimeve spitalore për një periudhë dy javore etj. Nëse i kanë këto, shtetet mund të fillojnë hapjen e bizneseve, restoranteve dhe shkollave në faza të ndryshme. Guvernatorët kanë fjalën e fundit se si shtetet e tyre do të rifillojnë hapjen.
Guvernatori republikan i Maryland Larry Hogan, njëkohësisht dhe kryetar i Shoqatës Kombëtare të Guvernatorëve, tha që përpara se qeveritarët të fillojnë të lehtësojnë kufizimet e vendosura për të kontrolluar përhapjen e koronavirusit, shtetet e tyre, duhet të kenë aftësinë për të testuar më shumë njerëz, si dhe të kenë aftësi për të kryer gjurmimin e kontaktit. Spitalet gjithashtu duhet të kenë pajisje të përshtatshme mbrojtëse personale për punonjësit e kujdesit shëndetësor, tha ai në një deklaratë të Premten.
Presidenti Trump duke shigjetuar në distancë guvernatorin e New Yorkut Andrew Cuomo, tha se përgjegjës për testimet janë vetë shtetet. Më herët Presidenti kritikoi qeveritarët e New Yorkut se kishin bërë kërkesa të fryra për hapsira spitalore, shtretër dhe ventilatorë, më shumë se ç’ishin nevojat. Nga ana e tij guvernatori i New Yorkut replikoi, duke ia hedhur fajin zyrtarëve të presidentit që parashikuan shifra të fryra.
Gjithësesi Guvernatori Cuomo, krahas ankesave dhe kërkesave për më shumë fonde nga Qeveria Federale dhe duke ia hedhur asaj topin në fushë për të siguruar materialet testuse, ka thënë se do të lëshoi Urdhrin Ekzekutiv, që iu drejtohet të gjithë laboratorëve publik dhe privat të NYS për të koordinuar me Departamentin e Shëndetit të Shtetit për t’i dhënë përparësi Testimit Diagnostik të Koronavirusit.
Ky veprim është pjesë e përpjekjeve të Shtetit për të shtuar testimet. Urdhri Ekzekutiv do të ndihmojë në bashkëpunimin e 301 laboratorëve dhe spitaleve në shtet, që janë të liçensuar për të kryer analiza të tilla.
Guvernatori përsëriti gjithashtu thirrjen e tij për qeverinë federale të sigurojë fonde të pakufizuara për shtetet për të ndihmuar në stabilizimin e ekonomisë dhe t’i lejojë shtetet të kryejnë funksionet e tyre për rihapjen.