dgreca – Page 671 – Dielli

KORONAVIRUSI ARMË BIOLOGJIKE APO AKSIDENT NATYRE?

March 26, 2020 by dgreca

NGA ASLLAN BUSHATI/

Në emisionin “opinion” të TV Klan të datës 25 mars 2020, opinion publik shqiptar u pyet në se: ”koronaviruesi ishte virus i përgatitur në laborator, apo një aksident natyre”? Në këtë testim (vullnetarisht) morën pjesë mbi 21 mijë teleshikues, prej të cilëve 87 përqind mendonin se është virus i përgatitur qëllimisht në laboratoret e kërkimeve biologjike dhe 13 përqind mendonin se është aksident natyre.

Këto ditët e fundit (mars 2020), Presidenti i SHBA-së Donald Trump, në daljet e tij publike para mediave e cilësoi koronavirusin si “virusi kinez”. Kur e dëgjuan kinezët këtë, u hidhruan shumë dhe thanë se ky emërtim është fyes për ne. Në daljet e tjera publike Presidenti Trump jo vetëm që nuk e tërhoqi, togfjalshin e më sipërm, por shtoi se:”Kjo nuk është fyese. E vërteta është se virusi erdhi nga Kina”.

Ky qëndrim i amerikanëve i shtoi shumë hamendësimet, sepse në një farë mënyre gishti u drejtu atje nga erdhi virusi. Të ndodhur në një situatë që nënkuptonte përgjegjësi të mëdha botrore për jetët e humbura dhe shkatrrimin e bizneseve, kinezët prodhuan kundërvënien duke deklaruar se ”në vjeshtë pati ushtarë amerikan në rajonin e Uhanit në Kinë dhe ata janë shkaktarët- thanë disa zyrtarë të niveli të dytë në Kinë”. Këtë deklaratë e amplifikuan edhe rusët e iranianët etj, duke u përpjekur që përgjegjësia të adresohet tek amerikanët.

Amerikanët realisht u gjendën para pandemisë botrore njëlloj të papërgatitur, si e gjithë pjesa tjetër e globit. Kurse kinezët jo vetëm qenë të vonuar, por edhe shumë të rezervuar në deklarimin e të dhënave të koronavirusit. Madje tashmë ata po përpiqen ta paraqesin vehten dhe veprimtarinë e tyre para botës si të mencur, të matur e triumfatore. Domethënia e kësaj është se ne koronavirusin e shkatrruam në vendin tonë dhe tani jemi në gjendje ti vijmë ndihmë kujtdo në botë .

Për një këndshikim më të gjërë, të këtij problem madhor e shumë të rrezikshëm me të cilin sot po përballet gjithë planetin, do të sjellë në kujtesën e lexuesve dy vendime të rëndësishme që ndryshuan strategjinë ushtarake ndaj armës biologjike.

Së pari: Marrë shkas nga përvoja e hidhur në këtë fushë para vitit 1980, me propozim të Presidentit Regan, Kongresi Amerikan miratoi doktrinën ushtarake lidhur me armën biologjike (përfshi edhe atë toksike), ku thuhet:”Shtetet e Bashkuara nuk do ta përdorin kurrë armën biologjike. Edhe në qoftë se ne do të goditemi nga të tjerët me armë biologjike, përfshi këtu edhe atë toksike. SHBA-të nuk do të përgjigjen kurrë me përdorimin e armës biologjike”. Kjo doktrinë ushtarake u adaptu edhe nga antarët e tjerë të NATO-s në 1983.

Së dyti: me inisiativën e SHBA-së, Asambleja e Përgjithëshme e OKB-së, mbajti dy konferenca të posacme në 1980-1986 për ndalimin dhe mospërhapjen e armës biologjike. Po ashtu në verën e vitit 1987 OKB-ja “adoptoi vendimet e ekspertve teknik të vendeve pjesmarrëse në konference për ndalimin, mospërhapjen, mos përdorimin dhe kontrollin për agjentët biologjik”.

Edhe sot kjo është doktrina ushtarake e SHBA-së dhe NATO-s, është në fuqi ku asgjë nuk ka ndryshuar që nga Presidenti Regan deri tek Presidenti Trump.

Tani para se të nxjerrim disa përfundime për situaten tronditëse që po kalojmë, shkarazi le të cekim fare pak njohuri nga përdorimi i armës biologjike.

Arma biologjike në mendimin ushtarak konsiderohet armë e dëmtimit masiv (ADM). Ajo bazohet në veprimin dëmtues të mikrobeve patogjene (me helmet e tyre) dhe toksinat e ndryshme që përdoren për dëmtimin dhe asgjësimin masiv të njerzve dhe kafshëve.

Literatura na bën të ditur se përvoja historike e epidemive të së kaluarës, shërbeu si bazë për zhvillimin e armës biologjike. Për këtë ka shumë shembuj nga paslufta e Dytë Botrore që tregojnë se si mikrobet e toksinat u përgatitën nëpër laboratore për tu vënë në shërbim të mendimit ushtarak. Përvoja e parë (e cilësuar negative) ishte lufta e Koresë.

Por ish Bashkimi Sovjetik u muar gjatë me këtë ADM. Në këtë fushë ai prodhoi shumë toksina dhe u paraqit në opinion se ato janë derivate i armës kimisë, madje duke i konsideruar hapur jo si ADM, po si degë e municioneve të zakonshme . Mbështetur mbi këtë ide filluan ti përdorin toksinat në Afganistan në vitin 1980 kundër forcave Muxhahidine. Pra përvojën e punës laboratorike e trasferuan në veprimtari konkrete ushtarake në teren.

Gazetari danez Bernard Debruin pa helikopterë sovjetik që hidhnin kutija mbi fshatrat që mbroheshin nga Muxhahidinët.” Kutitë shpërthyen dhe nxirrnin një tym të verdh të ndotur. Pesë orë më pas, Debruin hyri në fshat dhe fotografoi viktima me lëkura të nxira të infektuara e me flluska të mbushura mbi trup. Viktimat villnin gjak. Brenda pak orësh disa nga viktimat e helmuara më në fund për pak minuta ndalonin të vjellurat dhe vdisnin menjëherë. Në momentin e fundit tek viktima cfaqej një spazëm dhe nga goja, hundët e jashtqitja dilte një shkumë gjaku”.

Ngjarja e mësipërme ndodhi në qershor 1980 dhe duke u transmetuar nëpërmjet masmedias tronditi rëndë gjithë opinionin publik botror. Por mbi të gjitha lajmi shkaktoi “furtunë” në qarqet ushtarake të shumë vendeve përfshi edhe atë të NATO-s. Këto të fundit, nën drejtimin e amerikanëve u pozicionuan hapur ndaj kësaj masakre dhe “në kundërshtim me sovjetikët e cilësuan armën toksinë si pjesë të armës biologjike të ndaluar për përdorim ushtarak me konventë ndërkombëtare”. Mbi këtë bazë denoncuan pikpamjet sovjetike për përdorimin e armës biologjike ku sipas tyre”arma biologjike mund të përdoret në funksion të një roli të vecantë strategjik për mbështetjen e trupave sulmuese ose për shkatrrimin e resurseve të bimëve e të kafshëve”.

Marrë shkas nga sa më sipër, nga përvoja negative e luftës së Koresë, nga përvoja brenda strukturave ushtarake amerikane, mendimi ushtarak amerikan rreth armës biologjike , u sintetizu në doktrinën ushtarake Regan të cilën e përmendëm më lart dhe që në esencë nënvizon se amerikanët kurrë nuk do ta përdorin atë edhe sikur të tjerët ta përdorin kundër tyre. Kjo është në fuqi edhe sot.

Tani kthehemi tek koronavirusi i cila është kthyer në një makth, rrezikshmëri serioze për jetën, panik, stres psikologjik e paralize e ekonomisë botrore. Nga kjo situatë (qesharake për shekullin 21), edhe nga njerzit më të thjeshtë e më me pak përvojë në botë dalin disa pyetje:

Pse Kina fillimisht u përpoq ta fshihte (ose minimizonte) koronavirusin në Uhan, kur për ngjarje të tilla ka konventa ndërkombëtare ?

Pse Kina ishte shumë e vonuar në dhënien e informacioneve dhe këto të fundit hershëm ishin sipërfaqsore e me gjuhë të drujtë? Në vend që të sherbenin si përvojë për të tjerët.

Pse vetë Kina nuk kërkoi ndihmë nga partnerët ndërkombëtar dhe tashmë ju ofron ndihmë e eksperiencë të tjerve? A mos ajo ishte e parapërgatitur për një situatë të tillë?

Vedhja e sekreteve të tenologjisë botrore (nga ndonjë shtet i vecantë) është kthyer në gjënë më të paskrupullt. Po supozoj për një moment se në një laborator(qoftë ky amerikan, kanadez, francez ose i dikujt tjetër), po studiohet krijimi i viruseve artificiale për qëllime studimore e humane dhe këtë e vjedh dikush dhe nga mos dija i plas “bomba në dorë” atij që e vjedh. Atherë përgjegjsinë e ka ai që merrët me studim apo ai që vjedh?

Edhe në se në koronavirus (kovid 19), shkencërisht nuk ka asnjë dyshim për veprimtari subversive, njeriu më i thjeshtë në botë kërkon si domosdoshmëri imperative një investigim ndërkombëtar shkencor e të paanshëm që kjo hije e shëmtuar antinjerzore të hiqet.

Unë nuk kam të drejtë të akuzoj askënd në botë për këtë katraurë botrore që po ndodh në sytë tanë, por jam dyshues edhe sikur një njeri i vetëm të menojë se është veprimtari agjenturore. Prandaj lypset investigim sapo emergjenca të fillojë të ulet.

Në gjykimin tim, postkoronavirusi do të sjellë ndryshime të rëndësishme në organizimin e rendit botror. Ata do të jenë të shumanëshe që nga individi e deri tek shteti e rruzulli toksor. Do të ndryshojnë mendimin e mënyrën tonë të jetesë. Ne duhet ti përqasemi të resë. Shpresojmë të mbetemi gjallë e shëndosh nga pandemia , shpresojmë se ditë më të mira do të vijnë për të gjithë.

SHTETET E BASHKUARA TË AMERIKËS QËNDROJNË PRANË POPULLIT TË KOSOVËS

March 26, 2020 by dgreca

-Deklaratë e përbashkët nga i dërguari i posaçëm presidencial Richard Grenell, ambasadori Philip Kosnett, përfaqësuesi i posaçëm për Ballkanin perëndimorë Matthew Palmer/

Gazeta DIELLI nga korrespondenti në Kosovë Behlul Jashari/

PRISHTINË, 26 Mars 2020/ Ambasada e Shteteve të Bashkuara të Amerikës në Kosovë dërgoi sot këtë deklaratë:

Deklaratë e përbashkët nga i dërguari i posaçëm presidencial Richard Grenell, ambasadori Philip Kosnett, përfaqësuesi i posaçëm për Ballkanin perëndimorë Matthew Palmer

Shtetet e Bashkuara të Amerikës qëndrojnë pranë popullit të Kosovës. I lëvdojmë përpjekjet e vazhdueshme të profesionistëve të shëndetësisë dhe të të tjerëve që po punojnë me mund e me rrezik të madh për të zvogëluar përparimin e COVID-19 në Kosovë. Në këtë kohë pasigurie, i nxisim udhëheqësit e Kosovës që t’i përmbahen Kushteturës së Kosovës dhe sundimit të ligjit. Jemi të përkushtuar për të punuar me çfarëdo qeverie të formuar përmes procesit kushtetues.

Përveç kësaj, vazhdojmë t’i nxisim udhëheqësit e Kosovës për ta hequr plotësisht taksën. Ne besojmë se taksa po e dëmton popullin e Kosovës duke penguar bashkëpunimin rajonal kundër COVID-19 – përshirë edhe duke vonuar hyrjen në Kosovë të furnizimeve të nevojshme – dhe po pengon rritjen ekonomike.

Dëshirojmë ta bëjmë të qartë se nuk ka asnjë plan të fshehtë për shkëmbim të tokës ndërmjet Kosovës dhe Serbisë, siç kanë spekuluar disa. I dërguari i posaçëm presidencial, Richard Grenell kurrë nuk ka parë apo diskutuar një plan të tillë. Përqendrimi i qeverisë amerikane për t’i mbështetur marrëveshjet e kohëve të fundit për rivendosjen e lidhjeve ajrore, hekurudhore dhe rrugore ndërmjet Kosovës dhe Serbisë ka për qëllim që të përmirësojë ekonominë dhe të krijojë momentum ekonomik. Ne besojmë se ky momentum do t’i japë energji të re procesit të dialogut që do të çonte te njohja e ndërsjellë.

Joint Statement of Special Presidential Envoy Richard Grenell, Ambassador Philip Kosnett, and Special Representative for the Western Balkans Matthew Palmer on Kosovo

The United States stands with the people of Kosovo. We commend the continued efforts of the health professionals and others who are working hard, at great risk, to reduce the progress of COVID-19 in Kosovo. In this time of uncertainty, we urge Kosovo’s leaders to follow Kosovo’s Constitution and the rule of law. We are committed to working with any government formed through the constitutional process.

In addition, we continue to urge Kosovo’s leaders to lift the tariffs completely. We believe the tariffs are harming the people of Kosovo by hindering regional cooperation against COVID-19 – including by delaying the entry into Kosovo of needed supplies – and hindering economic growth.

We want to make clear there is no secret plan for land swaps between Kosovo and Serbia, as some have speculated. Special Presidential Envoy Richard Grenell has never seen nor discussed such a plan. The U.S. Government’s focus on supporting the recent agreements to re-establish air, rail, and highway connections between Kosovo and Serbia aims to improve the economy and create economic momentum. We believe this momentum will give new energy to a dialogue process that would lead to mutual recognition.Special Presidential Envoy Richard Grenell, Ambassador Philip Kosnett, Special Representative for the Western Balkans Matthew Palmer.

AMERIKA E LA PAS KINËN, E PARA NË BOTË PËR NUMRIN E TË INFEKTUARËVE

March 26, 2020 by dgreca

PARASHIKIM I FRIKSHEM PËR SHBA, NËSE NUK MERREN MASA MË TË FORTA PARANDALUSE/

KRYEBASHKIAKU DE BLASIO: GJYSËM MILIONI NJUJORKEZË DO TË MBETEN PA PUNË/

NGA DALIP GRECA/

Sipas të dhënave të ditës së Enjte, 26 mars 2020, Shtetet e Bashkuara të Amerikës arritën ta linin pas Kinën me numrin e të infektuarëve nga COVID-19 me 82,830 raste nga 81,285 që regjistron Kina, ndërkohë që Bota numëronte 528,487 raste, sipas statistikave që ofron Universitetit Johns Hopkins.

Siaps analistëve dhe komenteve duket se numri real nuk është ky, ndoshta për shkak të vështirësive në mbarë vendin për të kryer teste të plota në një numër më të madh të popullsisë.

Megjithatë, statistikat nënvizojnë faktin se epiqendra e pandemisë vazhdon të jetë Nju Jorku. Ndërkohë që bota e kaloi gjysëm milonshin( 528.487 me 123,364 te sheruar, dhe 23953 vdekje), Amerika regjistroi sërish një shifër rekord të të infektuarëve gjatë 24 orëshit të fundit me 14,619 të infektuar,dhe me 166 vdekje për 24 orë, duke e çuar numrin e përgjitshëm të jetëve të humbura nga COVID-19 në 1193. Ndërkohë, Kina nuk raportoi as një të infektuar të ri dhe asnjë vdekje të re në 24 orëshin e fundit. Italia mbanë rekordin e jetëve të humbura me 8215, ndërkohë që të infektuarit e rinj në 24 orë regjistruan shifrën 6,203, të vdekur për 24 orë 712, shifër kjo që u kalua vetëm nga Spanja me 718.

Shqipëria regjistroi vdekjen e 6-të dhe 174 të infektuar, 28 për 24 orët e fundit.

Frikën se COVID-19 nuk pyet fort për moshë, pas vdekjes të adoleshentit nën 18 vjeç në Los Angeles, po e provon dhe gjendja kritike e mësueses 30 vejçare të shkollës charter në Brooklyn, Rana Zoe Mungin.Rana u shtrua në Spitalin Brookdale në 20 Mars me shqetësim akut të frymëmarrjes, një gjendje e rrezikshme në të cilën mushkëritë fillojnë të mbushen me ujë. Pasi gazetat e Nju Jorkut shkruan për çështjen e saj, u sigurua transferimi në Mt. Sinai Hospital.

Shtypi shkroi edhe për rastin e vdekjes të një punëtori të Metros të Nju Jork-ut, i cili ishte një ndër 52 punonjësit e MTA të infektuar me COVID-19.

***

New York City, që ka numrin më të lartë të të infekruarëe dhe të vdekjeve, do të ketë 2.500 ventilatorë më shumë sesa kishte 10 ditë më parë, tha kryebashkiaku Bill de Blasio të enjten gjatë një konference për shtyp.Kjo shifër është një kombinim i ventilatorëve të dërguar nga Agjensia Federale e Menaxhimit të Emergjencave dhe përpjekje të tjera, shtoi ai.De Blasio shpreson të trefishojë numrin e shtretërve në spital deri në maj.Tani për tani ekzistojnë rreth 34,000 shtretër spitalore në krahasim me 20,000 që kishte më parë, tha de Blasio, ndërkohë që pritet të vijë anija e Marinës në fundjavë.

PARASHIKIM I FRIKSHEM PËR SHBA, NËSE NUK MERREN MASA MË TË FORTA PARANDALUSE

Parashikimet nuk janë optimiste, aq më shumë kur këtë e thonë studiuesit. Në një raport të marsit nga Universiteti i Massachusetts Amherst, 18 studiues të modelimit të sëmundjeve infektive parashikojnë se shpërthimi i koronavirusit në Amerikë mund të evoluojë në muajt e ardhshëm. Studiuesit vlerësuan se rreth 195,000 njerëz mund të vdesin deri në fund të vitit.

Por një raport tjetër nga Kolegji Imperial i Londrës vlerësoi se deri në 2.2 milion njerëz mund të humbin jetët nëse nuk ndërmerren veprime për të ndaluar transmetimin e coronavirusit në SH.B.A.

Ekspertët e sëmundjes infektive nuk janë të sigurtë se sa do të zgjasë pandemia e COVID-19, por ata bashkohen në një mendim: Më e keqja nuk ka ardhur akoma në SH.B.A.

Javën e kaluar, vendi pa se rastet e tij ishin rritur më shumë se 40% në vetëm 24 orë. Këtë javë, numri i përditshem i të infektuareve vazhdon të rritet, edhe pse Amerikanët po praktikojnë distanca sociale duke punuar nga shtëpia, duke kufizuar ekskursione në natyrë dhe duke qëndruar 6 metra larg njëri-tjetrit.

Për të përcaktuar shkallen e infeksionit dhe te ardhmes në Shtetet e Bashkuara te Amerikes, 18 studiues të modelimit të sëmundjeve infektive publikuan parashikimet e tyre për mënyrën se si shpërthimi mund të evoluojë në muajt e ardhshëm. Ata vlerësuan se vetëm 12% e të gjitha rasteve të koronavirusit (përfshirë ato asimptomatike) ishin raportuar në SH.B.A. deri me 15 Mars, që do të thoshte se rreth 29,000 infeksione ishin diagnostikuara deri në atë kohë.

Mesatarja e parashikimeve të studiuesve sugjeron që virusi mund të vriste rreth 195,000 njerëz në SH.B.A. deri në fund të vitit, por ai numër ndryshon shumë në varësi të modelit.

Modeli më ekstrem parashikoi që deri në 1.2 milion njerëz mund të vdisnin. Për krahasim, një sezon tipik i gripit të zakonshëm në SHBA shkaton midis 11,000 dhe 95,000 të vdekur, sipas Qendrave për Kontrollin dhe Parandalimin e Sëmundjeve.Studiuesit thanë se një valë e dytë e infeksioneve ka të ngjarë të ndodhë në vjeshtë, diku midis gushtit dhe dhjetorit.Që nga muaji shkurt, studiuesit nga Universiteti i Massachusetts Amherst kanë kryer anketime javore të 25 ekspertëve të sëmundjes infektive në trajektoren e shpërthimit të koronavirusit në SH.B.A. Përgjigjet e tetëmbëdhjetë ekspertëve u botuan në një raport më 18 mars.Modeluesi i sëmundjes që kreu studimin, Thomas McAndreë, tha se ai nuk u kërkoi studiuesve që të llogaritnin masat për distancimin shoqëror në modelet e tyre, por studiuesit e kishin mundësinë e këtij parashikimi.

“Unë mendoj se ata duhet të kenë spekuluar se si ndërhyrjet do të ndikonin në vdekjet për shkak të COVID-19”, tha McAndrew për Business Insider.

Një studiues i përfshirë në raport – Andrew Lover, një epidemiolog nga Universiteti i Masaçusets – tha se modeli i tij ishte i bazuar në shpërthime e COVID-19 në vende të tjera, pastaj i përshtati për normat e testimit në SHBA dhe llogariti densitetin e popullsisë.

Disa parashikuan që SH.B.A. mund të shihte 1 milion vdekje deri në fund të vitit 2020, ndërsa të tjerët parashikuan që numri i vdekjeve do të ishte në mijëra.

Modele të tjera parashikojnë se deri në 2.2 milion njerëz mund të vdesin në SH.B.A.

Kohët e fundit New York Times përdori të dhënat e CDC për të modeluar se si mund të përhapet virusi nëse nuk merren masa për të ndaluar transmetimin në SH.B.A. Modelet tregojnë se midis 160 milion dhe 214 milion njerëz mund të infektohen dhe deri në 200,000 deri në 1.7 milion njerëz mund të vdesin.

Modelet e tjera kanë dhënë projeksione edhe më shqetësuese. Më 16 mars, epidemiologët në Imperial College London lëshuan parashikime se si masat distancuese sociale mund të ngadalësojnë përhapjen e virusit në SH.B.A. Ata parashikuan që 2.2 milion në SHBA mund të vdisnin nëse nuk bëheshin përpjekje për të kontrolluar shpërthimin. Sipas këtij skenari, numri i të vdekurve do të arrinte në fund të majit ose fillim të qershorit dhe rreth 81% e popullsisë amerikane përfundimisht do të infektoheshin, këto nëse nuk merreshin masa për parandalim.

***

Bill de Blasio: Të paktën gjysmë milioni Njujorkezë do të jenë të papunë

Vlerësimet e të të dhënave të papunësisë tregojnë së paku se gjysmë milioni njujorkezë e kanë humbur ose do të humbasin punën e tyre për shkak të koronavirusit, tha de Blasio.

Mbi 3 milion të papunë në SHBA u raportuan javën e kaluar për shkak të pandemisë të shkaktuar nga COVID-19.

Kryetari i Bashkisë së New York Bill de Blasio tha të enjten se vlerësimet e të dhënave të papunësisë tregojnë të paktën gjysmë milioni njujorkas kanë humbur ose do të humbasin punën e tyre për shkak të pandemisë të koronavirusit, e cila ka detyruar zyrtarët shtetërorë dhe lokalë të mbyllin bizneset dhe shkollat në të gjithë shtetin .

Amerikanët paraqitën mbi 3 milion kërkesa të papunësisë javën e kaluar pasi pandemia e koronavirusit, dërgoi në shtëpi një numër rekord punëtorësh.

Senati miratoi njëzëri një paketë lehtësie prej $ 2 trilion dollarë të mërkurën në mbrëmje, por de Blasio tha që shuma nuk është e mjaftueshme për të ndihmuar New York City, epiqendra e shpërthimit të epidemisë. Rastet me COVID-19 në të gjithë shtetin janë dyfishuar çdo tre ditë dhe tani llogaritet më shumë se gjysma e të gjitha rasteve të SHBA-së.

Projekt-ligji i Senatit synon të ndihmojë bizneset e vogla dhe të përmirësojë treguesit e papunësisë. Projekt-ligji siguron 5 miliardë dollarë për Nju Jorkun, i cili nuk afrohet për të mbuluar mungesën e parashikuar të të ardhurave nga shteti, tha guvernatori Andrew Cuomo të enjten. Shteti tashmë ka shpenzuar të paktën 1 miliard dollarë duke iu përgjigjur shpërthimit të epidemisë së deritanishme.

Cuomo kritikoi lehtësimin e paketuar si “të papërgjegjshëm” dhe “të pamatur” sepse nuk ofron para të mjaftueshme për të mbuluar humbjen e madhe të shtetit në të ardhurat nga taksat.

Koronavirusi ka infektuar më shumë se 21.800 njerëz vetëm në qytet dhe ka vdekur të paktën 281, tha de Blasio. Qyteti ka 20,000 shtretër spitalor, por do të duhen tre herë më shumë se shuma deri në maj, tha ai.Ndër viktimat e Coronavirusit është edhe një infermiere e NYC midis 281 të vdekurve.

Kryetari i bashkisë pret që koronavirusi të jetë më i keq në muajin Prill sesa në Mars. Qyteti po kërkon 15,000 ventilatorë. Aktualisht qyteti ka rreth një të gjashtën e totalit të siguruar.Mendohet se anija spitalore e Marinës USNS Comfort do të arrijë në New York në fundjavë ose të hënën, ç’ka se do të ndihmojë për zbutjen e kërkesave për shtertër e hapsirë spitalore.

PER DINJITETIN E POPULLIT DHE REPUBLIKES SE KOSOVES

March 26, 2020 by dgreca

Shkruan: Sami Repishti, PhD./

Ridgefield, CT.-Nxitja për shkrimin e këtyne shenimeve erdhi nga leximi i nji analize të gjendjes së tanishme të Republikës së Kosovës, botue në “Peacefare.net-Peace Through Understanding”. Titulli i analizës ashtë “A bad deal” (Nji zgjidhje e keqe) dhe u postue në portalin Daniel Serwer. Profesor Serwer ashtë nji shkollar amerikan i njohun mirë në qarqet akademike; ai jep mësim në Universitetin Johns Hopkins të qytetit Baltimore, Md, dhe shumë i njohun për interesimin e tij, dhe kontributin për zgjidhjen e drejtë të “problemit kosovar”. Unë kam pasë fatin e mirë të njihem dhe të shoqënohem në disa konferenca mbi Kosovën, dhe kënaqsinë me ndigjue e lexue opinionet e tia mbi këte subjekt.

Shkrimi mban datën 13 mars 2020. Autori i analizës ashtë diplomati amerikan i pensionuem, Z. Shaun Byrnes, i cili ka sherbye si Shef Misioni Diplomatik amerikan në Kosovë gjatë viteve vendimtare 1998 dhe 1999, dy vjet para çlirimit definitiv të vendit nga okupacioni ushtarak serb, dhe rregjimi i terrorit millosheviqian.

Analiza fillon me sqarimin se Presidenti i Kosovës, Z. Thaçi, nji nga udhëheqsit e lëvizjes ushtarake UÇK, dhe Presidenti i Serbisë, Z. Vuçiq, ish ministër në qeverinë e ish-Presidentit Millosheviq, besohet se kanë përgatitë nji projekt-marrëveshje gjithëpërfshirëse që synon përfundimin e konfliktit kosovar-serb i cili “zgjatet ma shumë se nji shekull”. Flitet gjithashtu se ky projekt-marrëveshje ashtë i gatshëm për firmim nga të dy palët, por pengohet nga KM i Kosovës, Z. Albin Kurti, për dy arsye:

E para, simbas Kushtetutës së Kosovës, marrëveshje të tilla duhen firmue nga Kryeministri, kryetar i Qeverisë (jo nga Presidenti); dhe,

E dyta, dyshohet se projekt-marrëveshja përmban klauzula ku të dy palët janë dakordue me ba shkembime territoriale. Ashtë fjala për prekjen e integritetit territorial të Republikës së Kosovës, nji element thelbësor i pavarësisë së Republikës. Presidenti Thaçi, me diplomaci personale, fillimisht ka pranue “korrigjime kufitare” por para kundërshtimit të fortë të popullsisë, ai ashtë tërheqë .

Këto “korrigjime”ose “shkembime” territoriale përfshijnë pjesë tokësore në Veri të lumit Iber të Kosovës që i shkojnë Serbisë, dhe disa pjesë të Luginës së Preshevës që i kalojne Kosovës; plus, asociacioni i komunave serbe në Kosovë, sot me autoritet të percaktuem do të zhvillohet simbas modelit “Srpska Republika” e Bosnjes, eventualisht me të drejtën e shkëputjes nga Kosova, ekstra-territorialitet për Monastiret serbe në Kosovë, jo njohje zyrtare de iure të Kosovës nga Serbia, por nji premtim serb se nuk do të pengohet antarësimi i Kosovës në OKB. Se ciii do të jetë qendrimi opozitar rus në Këshiilin e Sigurimit për këte çeshtje mbetet pyetje, megjithëse Presidenti Putin ka deklarue në vitin 2008 se “Rusia përkrahë çdo qendrim të përbashkët që mbajnë Serbia dhe Kosova. Me nji fjalë, nji premtim rus!

Le të mos harrojmë se çdo ndryshim kufijsh të njohun zyrtarisht sjellë në mënyrë te paevitueshme shkembimin e ndersjellë të popullsive vendëse – nji akt barbar në vete- eksperiencë që shqiptarët njohin shumë mirë gjatë marrëdhanjeve të tyne me shtetet fqinj: Mal i Zi, Serbi dhe Greqi. Le të mos harrojmë gjithashtu se asnji herë shkembimet tokësore kanë favorizue shqiptarët. Ata janë imponue nga “të huejtë” dhe për interesa të “të huejve”, kryesisht nga “okupatori turk”. Rastë i sotëm, ashtë rasti i parë në historinë mijëvjeçare të tokave arbënore ku ndryshimet bahen me vullnetin e lirë të shqiptarëve, dhe nuk duhen pranue.

Nji arsye e dytë ka implikime ma të gjana: Ballkani ashtë nji përziemje permanente e pakicave kombëtare me shtetet ku banojnë. Ka ardhë koha që të pranojmë pakicat kombëtare si nji fakt i jetës sonë politike, të trajtojmë ata si pjesë e pandame e dy shtetevet tona shqiptare dhe të insistojmë që pakicat shqiptare në vendet ku jetojnë të trajtohen me drejtësi dhe dinjitet. Kjo ashtë rruga europiane që na preferojmë me ndjekë, dhe zgjidhja ma demokratike. Mbyllja në suazën e shteteve kombëtare monolite i përket së kaluemes, dhe ka dhanë rezultate shkatërruese; ajo duhet abandonue. Shpresojmë me hy në nji Europë të lirë, të bashkueme, demokratike dhe paqësore, dhe duhet të japim kontributin tonë modest në këte drejtim….ashtu si veprojmë në NATO, KESB, UNESCO etj.

Kësaj situate të ngarkueme me përgjegjsinë ma të madhe duhet ti shtojmë se takimet, bisedimet, dhe përfundimet e arrijtuna janë ba në mënyrë “sekrete” dhe me udhëheqjen e Zonjës Mogherini, Komisionere për politikën e jashtëme dhe të sigurimit europian, nji zhvillim jo transparent dhe i dyshimtë për interesat tona, ashtu siç ngjet gjithëmonë me “diplomacitë personale”….

Para së gjithash, duhet të dijmë se historikisht Kosova ka humbë tokë dhe popullsi në çdo ndryshim kufini me fqinjtë. Në lidhje me Serbinë, simbas studjuesve kosovarë:

-në vitin 1833, u shperngulën shqiptarët nga Krusheva, Paraqini, Rozhaj, SokoBanje, Timok e Negotin;

-në vitin 1876-80, u shperngulën rreth 130.000 shqiptarë nga Sanxhaku i Nishit, Toplice, Prokuplje, Kurshumli, Pirot, Leskovac, Vranje; ata u vendosën në Prishtinë dhe rrethe. Edhe sot kemi zonat e tyne që quhen “mehalla e muhaxhirëve” (‘lagjet e refugjatëve”). Pa numërue shqiptarët e Malit të Zi e Çamërisë.

-në vitin 1912-1919 u shperngulën qindëra mijëra shqiptarë nga Presheva Bujanovci, Medvegja, Sanxhaku etj. (pa shqiptarët e Malit të Zi dhe Çamërisë!)

-në vitet 1923-1938, rreth 400.000 shqiptarë merguen në Turqi me marrëveshje jugosllavo-turke. Gjithëherë, vendimet u morën nga okupatori pesëqind vjeçar imperatoria turke, pa aprovimin shqiptar….!

Të gjitha tokët e zbrazuna u aneksuen padrejtësisht dhe definitivisht me mjete ushtarake nga Serbia. Shkembimi i territoreve kosovare të njohuna zyrtarisht nga bashkësia ndërkombëtare si tokë shqiptare do të siellte nji pakësim tjetër të territorit kosovar, dhe nji valë të re refugjatësh shqiptarë, si dhe denimin e tyne me jetë në vorfëni. Ngjarjet e viteve 1998-99 janë nji mësim për të gjithë ne.

Kjo zgjidhje ashtë logjikisht e pa pranueshme, dhe moralisht e denueshme! Le të presim për ditë ma të mira. Koha punon për ne!

Fatkeqsisht, Administrata e Presidentit Trump kercënon Kosovën me tërheqjen e trupava amerikane nga Kosova dhe me ndërpremjen e ndihmës financiare për zhvillimin e Kosovës. Washingtoni kercënon Republikën e lirë e të pavarun të Kosovës për mosbindje. Çuditërisht, Presidenti i Kosoves, Z. Thaçi, perdorë këte presion amerikan për luftën e tij kundër KM Albin Kurti që refuzon kërkesen amerikane. Me këte qendrim Presidenti Thaçi, shpreson me dobësue pozitën e qeverisë Kurti dhe marrjen në dorë të fatit të Republikës pa kundërshtarë të aftë me e pengue. Arsytimi i Z. Thaçi ashtë se qendrimi i KM Kurti dobëson lidhjet e ngushta që Kosova ka me SHBA-në…. Infantile!

“Udhëheqsit e Kosovës duhet të dijnë se miqësia me SHBA-në ashtë sot, dhe do të mbetet edhe nesër e fortë, pavarësisht nga mosmarrëveshja per “tarifat doganore“, thekson analisti i njohun dhe diplomati Shaun Byrns. Dhe këtu qendron kyçi i marrëdhanjeve SHBA-Kosovë. Ashtë naive me mendue se politika amerikane lëkundet simbas erës që frynë. Ajo politikë ashte realiste dhe nuk devijon pa nji arsye të shkallës së parë siç janë interesat e SHBA-së.

Në këte situatë, KM Kurti ka mbajtë qendrim parimor. Tarifat doganore do të hiqen krahas me veprime reciproke të Serbisë. Me 16 mars 2020 u hoqën tarifat për “landët e para” që përbajnë afërsisht 80 përqind të tarifave të blokueme. Tashti, ai kerkon që dialogu me Serbinë të krysohet nga qeveria e jo nga presidenca, nji kerkesë legjitime simbas Kushtetutës, dhe e përshtatëshme, sepse eliminon faktorin “sekret” të bisedimeve të deritanishme.

Qendrimi i LDK-së, pjesë e Administratës Kurti ashtë nji enigmë. Vetëm nji muej mbas formimit të Qeverisë së re, kerkesa e tyne me elimnue tarifat doganore pa asnji reciprocitet nga ana serbe tingëllon si nji akt opozitar mbrenda Qeverisë. Nji kompromis u tentue nga Speakeri i Parlamentit, Zonja V.Osmani, n/krytare e LDK-së. Ajo propozoi në sesionin e jashtëzakonshëm të Parlamentit të Kosovës, me 11 mars 2020, heqjen e tarifave dhe marrjen përsipër nga Qeveria drejtimin e dialogut me Serbinë. Përpjekje pa sukses!

Metoda e bisedimeve hap mbas hapi, e fillueme në vitin 2013 nga Bashkimi Europian për arrtijen e nji marrëveshje gjithëpërfshirëse u abandonue pa arrijtë objektivin e dëshiruem: njohjen e ndërsjellë në mes të dy palëve. Vetëm disa marrëveshje të dorës së dytë u aplikuen. Fryma sekrete “shkëmbimi i territoreve” dhe përcaktimi i pozitës së “asociacionit të komunave serbe” krijuen nji valë shqetësimi në qarqet diplomatike. Ndamja e territorit të Kosovës kercënon dhunën nga ana e popullsive të shkëputuna me forcë dhe rrezikon nji konflikt ma të madh që Kosova sidomos, nuk ashtë në gjendje me përballue. Konflikti ringjallë kerkesat shoviniste, sidomos në Serbi, dhe nga nji incident në nji atmosferë të ketillë shpërthen konflikti i armatosun. Kjo nuk lejohet nga Europa dhe SHBA.

Ndërsa BE-ja ka pershëndetë qendrimin e KM Kurti si i arsyeshëm dhe premtues, SHBA-ja e ka refuzue. Ky qendrim ka krijue dyshime edhe në qarqet politike të Kongresit amerikan. Senatori David Purdue (R.Georgia) i përkrahun nga izolacionisti Senator Rand Paul (R.Ky), Ambasadori Grenell , zyrtari i naltë i

Këshillit Kombëtar të Sigurimit, Amasadori O’Brian, folën haptazi për nji qendrim të këtill. E çuditshëm mbetet përkrahja e këtij qendrimi edhe nga Donald Trump, Jr. djali i Presidentit Trump që përsëriti kercënimet e dy senatorëve. Z. Trump, Jr . ashtë afarist privat i aftë, pa eksperiencë në diplomaci ose në fushën ushtarake

Nga këtu lindi dyshimi se ndërhymja e Z. Trump, Jr. motivohet nga përpjekjet e denduna me pergatitë terrenin për rizgjedhjen, në nandor 2020, të Presidentit Trump, i cili ka nji rekord mossuksesi në politikën e jashtëme. Nji marrëveshje kosovaro-serbe do të ishte nji “fitore” për Presidentin Trump i cili ka premtue se firmimi i marrëveshjes do të bahet në lulishtën e Shtëpisë së Bardhë, nji privilegj i rrallë. Tani per tani, dialogu do të ndërpritet deri mbas zgjedhjeve parlamentare serbe të 26 prillit 2020, por të pasigurta për arsye të epidemisë coronavirus. Analisti Daniel Serwer, në nji intervistë me gazetën Bota Sot, tha…

”Kjo duket si nji marrëveshje për shkëmbm territoresh që nuk garanton antarësimin (e Kosovës) në OKB dhe do t’i ofroj asociacionit të komunave serbe” më shumë se ka lejue Gjykata Kushtetuese. Eshtë shumë e qartë që populli i Kosovës nuk don shkembim territoresh. Pjesa e mesazhit tim per Presidentin (Thaçi) eshtë që (Ambasadori ) Grenell nuk eshtë mik i Kosovës. Eshtë fakt i njohur që ka lobim proserb shumë aktiv në SHBA”.

(Shenim: Ish Kogresmeni M. Pence, sot N/President i SHBA-se, ka qenë gjat viteve 1990-ta nji kundërshtar aktiv i pavarësisë së Kosovës, dhe përkrahës i fortë i Kongresistes Helen Deliq-Bentley, me origjinë serbe, përkrahëse e hapun e diktatorit S.Millosheviq, dhe figura kryesore e lobit serb në Washington,D.C. SR)

***

Sot, ballafaqohemi me dy faktorë kryesor të gjendjes politike në Kosovë:

I pari, zhvillimet politike të vendit dhe mungesa e akordimit të forcave politike në sherbim të kauzës së përbashkët: interesat e Republikës së Kosovës sidomos mbas ardhjes në pushtet të koaliconit të Z. Albin Kurti, kryeministër dhe aleanca me Lidhjen Demokratike të Kosoves, grumullim partiak i krijuem nga presidenti historik i Kosovës, i ndjeri Dr. Ibrahim Rugova.

I dyti, nji mirëkuptim logjik, i drejtë dhe konkret i qendrimit të botës së jashtëme, kryesisht amerikane dhe të BE-së për Republikën e pavarun të Kosovës.

KM Albin Kurti ka ardhë në fuqi mbas shumë përpjekjesh me heshtë ate dhe partinë e tij politike.Prandej, kundërshtimet që dalin sot nuk janë të paprituna. Por ai gëzon emën të mirë si luftar konsekuent kundër korrupsionit endemik në Kosovë.

Refuzimi i Presidentit serb Vuçiq me rifillue dialogun vetëm mbas votimeve të 26 prillit 2020 i jep Z. Kurti kohë të çmueshme me rishikue qendrimin e tij dhe me pergatitë nji platformë politike ma të pranueshme nga popullsia e vendit, nga “sovrani”, Përkrahja e BE-së inisiativës tij fillestare, tregon se ai shikohet me optimizëm nga Europa. Përkrahja e Speaker V.Osmani, nenkrytare e LDK-ës lehtëson barren e tij dhe kundërshtimin e organizuem të të gjithë atyne që kerkojnë përmbysjen e Qeverisë Kurti . Me gjithë përpjekjet e Presidentit Thaçi mos me heqë dorë nga drejtimi i dialogut me Serbinë, ka mundësi që Presidenti të dështojë dhe të pranojë kërkesën kushtetuese për dialog që ashtë prerogativë e Kryeministrit, jo e Presidentit. Sot, konflikti vazhdon me konsekuenca të randa për vendin, sidomos në kredibilitetin e Republikës me u vetë-administrue .

“Aleati srategjik” i Kosovës, Shtetet e Bashkueme të Amerikës, nenkupton se vlen për të dy palët: strategjia amerikane ashtë afatgjatë dhe përfshinë edhe mbrojtjen e Kosovës, pavarësisht nga ndryshimet qeveritare; ashtu siç ashtë edhe për Kosovën: miqësia e patundun me Shtetet e Bahkueme, pavarësisht nga partitë politike që drejtojnë shtetin amerikan. Presidenti Trump nuk ashtë i përherëshëm; politika e jashtëme amerikane ashtë afatgjatë dhe me synime të mirëcaktueme.

Në analizën e diplomatit Shaun Byrnes:

“Ashtë me randësi për udhëheqsit e Kosovës të mos harrojnë se nji marrëveshje gjithëpërfshirëse ashtë e pamundun perballë frymës anmiqsore që “serbët” kanë ndaj ish-krahinës së tyne. Për derisa Serbia të mos njohë dhe pranue ate që ajo ka ba në Kosovë nen shtetin e Milosheviqit, marrëdhanjet e tyne me Serbinë nuk mund të jenë normale as miqesore.”

Orientimet afatgjata të Shteteve të Bashkueme ndaj “problemit kosovar” janë përcaktue qartësisht në fjalimin e ish Kryetarit te Komisionit Senatorial Joseph Biden (D.MD), ish nenpresident i SHBA-së në Administratën Obama (2008-2016) e sot kandidati demokrat për president i SH.B.A-së në votimet e Nandorit 2020. Gjatë viteve heroike të rezistencës kosovare, ish Senatori Biden ka tregue mirëkuptim për problemin kosovar dhe ka ndihmue përpjekjet e bashkësisë shqiptaro-amerikane me internacionalizue problemin.

Mbas nji “seance dëgjimore” “Hearings” të Senatit amerikan që ai kryesonte, të mbajtun në vitin 1998, ku fola edhe unë, ai më ftoi te tryeza e tij. “Doktor, -tha-, më thuej pse kaq probleme në Ballkan? Si mendoni ju?” Unë i pergjigja se “…për sa kohë që militarizmi serb dominon politikën e jashtëme të Serbisë, Ballkani nuk gjen paqë. Asnji shtet kufitar me Serbinë paraqet kercënim për atë vend; por të gjithë shtetet ndiejnë nji pasiguri nga militarizmi agresiv serb” Åi vazhdoi: “Si mendoni ju të zgjidhet ky problem?” Unë përgjigja: “Më vjen keq Senator por nuk jam në gjendje me dhanë nji mendim të edukuem; ajo që mund të ju them me nji shkallë të naltë sigurie ashtë se nuk do të kemi paqë në atë regjon në se Kosova nuk fiton pavarësinë. Për këte jam i bindun!” Ai më shikoi në sy, më falënderoi dhe u largue.

Në nji fjalim “keynote” të mbajtun në Hotelin Sheraton, New York City, gjatë nji mbledhje të organizueme nga Lidhja Qytetare Shqiptaro-Amerikane, me 28 prill 2002, Senatori Joseph Biden, në prezencen bi-partizane të kongresmenëve Tom Lantos (D.Ca) dhe Ben Gilman (R. NY) dhe të ftuemve shqiptarë Pjetër Arbnori, Ramush Haradinaj, dhe Arben Xhaferi deklaroi:

“Interesat e qarta të vetë Shteteve të Bashkueme të Amerikës gjatë shekullit 21 fillojnë me nji Europë të pandame, të plotë dhe të bashkueme, ‘sepse kurdoherë që Europa zbret në kaos’ bijtë e bijat tona vdesin, ekonomia e jonë dobësohet, dhe na paguejmë çmimin që kërkohet. Të paisun me kulturë, histori, dhe prirje natyrale të përbashkët, na jemi të pa aftë me u largue prej saj, dhe prej asaj që ngjet në Europë. Fati i shtatë miljonë shqiptarëve në Gadishullin Ballkanik. ashtë gjithashtu kritik për interesat e vetë Amerikës. Në se legjitimiteti etnik i popullit shqiptar nuk do të njihet dhe nuk do të mbrohet, të gjitha njesitë që përbajnë ate regjon do të bijnë, dhe në se nuk jemi gati me stabilizue Ballkanin, na, Amerikanët, do ta paguejmë shtrenjtë!”

Nji formulim ma i qartë dhe ma instruktiv ashtë vështirë të gjindet!

Për shekuj me rradhë, historinë tonë e kanë ba “të huejtë” në kurrizin tonë; na e kemi pësue me rezultate tragjike dhe kercënimin e asgjasimit tonë. Ka ardhë dita të mendojmë për ne dhe për breznitë e ardhme: duhet të bajmë historinë tonë simbas interesave tona, me sigurue nji të ardhme në paqë dhe me dinjitet, sidomos me dinjitet, nji të ardhme ku do jemi të lirë nga frika e të lirë nga uria, ku do të ndiehemi krenar për të kaluemen tonë, krenar sot me qenë shqiptar, dhe me plot besim në të ardhmen tonë!

Nënshtrimi ndaj të huejit, cilido qoftë ai ose ajo, ashtë nji fenomen i së kaluemes sonë të hidhun, që nuk duhet lejue të përsëritet….. e së kaluemes jo të largët….!

“ Mos i harroni foletë, mos i harroni plagët”(Papa Françesku)

——————————————————————————————————-

Shenim: Për arsye të randësisë që ka deklarata e U.S.Senatorit Joseph Biden, ndoshta presidenti i ardhshëm i Amerikës, po japim origjinalin anglisht të deklaratës:

“….. The naked self-interest of the United States rests on the 21-st century beginning with a whole, undivided, and unified Europe, because ‘every time Europe plunges into chaos’ our sons and daughters die, our economy falters, and we pay the price. By culture, history, and inclination, we are unable to disassociate ourselves from what happens in Europe. The fate of seven million Albanian people in the Balkans is also critical to our naked self-interest. If the ethnic legitimacy of the Albanian people is not recognized and protected, all of the pieces in the region will fall apart, and if we do not stabilize the Balkans, we will pay very dearly”.

======================================================================

MARCH 7 AT THE BRONX ADDITION OF ALBA LIFE SCHOOL

March 26, 2020 by dgreca

by Rafaela Prifti/

For at least once each weekend, the students of Alba Life, sit in classes across New York boroughs, to engage in learning their mother tongue. The creators of the school, Kozeta and Qemal Zylo, are aware that diffusing the knowledge of the family language to the young generation born here is to the advantage of all Albanian people. The ones who carry out this honorable task are teachers at Alba Life that first opened its classes in the early 2000s. To appreciate the educators, in the tradition of the motherland, over 100 school students ranging from toddlers to teens, performed in front of their families and guests on March 7 at the Christopher Columbus High School. The date commemorates the opening of the first Albanian language school in the home-country in 1887. The venue represents the new Bronx addition of the Alba Life School operating now in all New York boroughs.

The performance brought all the students on the auditorium stage where each group that was called stepped forward to recite, sing or dance. It was a touching display of an enormous commitment by the school’s faculty who had built a program that showcased each child’s skills and level of proficiency. The presenter, Ms. Rea Ulaj, who is also a Board Member of the School, introduced fluidly each class with the corresponding teacher and each student performer. Dressed in red and black, the American-Albanian children of the 21 century generation, recited immortal poems written by Albanian poets of 19th century like Naim Frasheri, Andon Zako Cajupi, and modern day authors like Odhise Grillo, Adelina Mamaqi, Ali Podrimja and more. And the audience was overcome with emotions. Guests like Mr. Mark Qehaja, Chairman of Albanian-American Skenderbeg Association, Mr. Lulzim Krasniqi, Counselor at Kosova’s New York General Consulate, praised teachers as the unsung heroes who motivate students throughout their lives. Mr. Mehill Velaj, Chairman of the Albanian-American Writers Association, shared bittersweet memories from the time he was forced to abandon his students and his profession from the threat of persecution by the Serbian regime. Dr. Manjola Duli, who introduced herself, spoke with heartfelt admiration for her beloved high school teacher Mrs. Kozeta Zylo. They both recounted the bleak experience of Albania’s civil unrest in 1997, that “forced me and the family to immigrate to the US”, said Mrs. Zylo. After more than twenty years, teacher and student were reunited in what was a very touching and befitting moment at the performance. The poems dedicated to ‘the divine language’, the alphabet, the teachers who have been in the front line of the Albanian national movement for independence, motherland and so on echoed poignantly at this time of troubling news from the home country. Whether timid or confident on stage, each student assisted by their instructors delivered their lines, carried the tunes and danced in a performance that lasted over two hours. Their voices grew stronger and rose up as the celebrated Albanian singer and Vatra member, Ms. Valbona Peraj encouraged them to join her in singing her hit songs – Jam Arberore, Kuq e Zi. Speaking in Albanian and then English. New York Councilman Mark Gjonaj, said that he was honored to be invited and be included in Alba Life’s programs. Mr. Mark Gjonaj awarded each teacher with a Letter of Citation in recognition of their valuable work for the community.

My personal connection with the school began when the directors, Qemal and Kozeta Zylo, invited my father, Naum R. Prifti at the Brooklyn classes on March 7, about ten years ago. He is a writer who also taught for a number of years in Albania. Since his birthday happens to be on the same day as Teacher’s Day, Alba Life celebrated both jointly. Last June, during the Albanian week that culminated with the midtown parade led by Albanian Roots, I covered the open classes dedicated to Chameria at the Staten Island affiliate of Alba Life. Students presented proudly the posters they had prepared with thoughtfulness and diligence. The performance of March 7, 2020 was an opportunity to see all the students and faculty of Alba Life from all boroughs. I got inspired to ask the students to write a short description of their performance experience. Much like the school and the teachers, I also aim to cultivate the love for our language by following the footsteps of the founders of Dielli. For it is to the advantage of all Albanian people to know both – the first language and mother tongue – equally well.