Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

“Bijtë e Shqipes” në Philadelphia organizuan mbrëmje solemne madhështore me rastin e 15 Vjetorit të Shpalljes së Pavarësisë së Kosovës

by

Nga dr. Sadik Elshani

Fotot: Eva Dori, gazetare

Muaji shkurt në shoqatën “Bijtë e shqipes” është mujai i shpalljes së pavarësisë së Kosovës që shënohet e festohet me një varg veprimtarish të llojllojshme. Këtë vitë veprimtaritë ishin më të shumta edhe për faktin se ky ishte përvjetori i 15-të i shpalljes së pavarësisë së Kosovës. Ditë më parë u organizua një veprimtari për hapjen e shkollave shqipe në Kosovë në vitet 1941 – 1944, kur u vunë themelet e arsimit shqip në Kosovë. Ndërsa më 17 shkurt për herë të parë u organizua ngritja ceremoniale e flamurit të Kosovës në bashkinë e Filadelfias. Ishte kjo një ceremony madhështore në të cilën mori pjesë edhe ambasadori i Kosovës në Uoshington, z. Ilir Dugolli si dhe i tërë personeli i kësaj ambasade. Për të dyja këto veprimtari janë botuar shkrime të detajuara, prandaj nuk është nevoja që të zgjatemi më tepër këty. 

Festimet e shoqatës sonë kulmuan me mbrëmjen solemne, me darkë e muzikë. Salla ishte zbukuruar me flamujt kombëtarë: amerikanë e shqiptarë (kuqezi), si dhe atë të shtetit të Kosovës, tullumbace me ngjyrat e kaltërta e të verdha, Pak nga pak salla u mbush plot me bashkatdhetarë. Gëzimi, krenaria shprehej në fytyrat e qeshura të të gjithë pjesëmarrësve ne këtë mbrëmje festive, nga të gjitha trojet tona etnike. Pjesëmarrja e bashkatdhetarëve tanë nga Kosova që jetojnë në Philadelphia e rrethinë ishte e kënaqëshme. Kemi për çka të gëzohemi, sepse pas vuajtjeve shekullore nën thundrën e Serbisë, pas përpjekjeve mbinjerëzore dhe një lufte të pandërprerë 100 vjeçare, shqiptarët e Kosovës ngadhnjyen, dolën fitimtarë dhe më 17 shkurt të vitit 2008, Kosova u shpall shtet i pavarur, shtet i njohur nga fuqitë më të mëdha dhe nga demokracitë më të përparuara të botës. Është ky një kurorëzim i suksesshëm i angazhimeve dhe luftërave të brezave të tërë të shqiptarëve, përpjekjeve dhe sakrificave të intelektualëve dhe të gjitha forcave përparimtare e atdhetare, luftës heroike të UÇK-së, punës së madhe të diasporës shqiptare të Amerikës dhe Europës dhe ndihmës vendimtare që na dhanë miqtë tanë, sidomos ShBA-të dhe aleanca e NATO-s – një bashkëveprim i bashkërenduar mirë i faktorit vendor dhe atij ndërkombëtar.

Mbrëmjen festive e hapi kryetari i shoqatës, zoti Bujar Gjoka, icili u dëshiroi të pranishmëve mirëseardhjen, duke iu uruar atyre këtë ngjarje të rëndësishme të historisë sonë kombëtare – ngjarjen e dytë më të madhe të kombit shqiptar, pas shpalljes se pavarësisë së Shqipërisë më 28 nëntor të vitit 1912. Pasta jai vazhdoi me një pasqyrë të ngjarjeve dhe përpjekjeve të disa figurave qëndrore të historisë sonë shumëshekullore. Në vazhdim ai ceku disa të arritura të Kosovës në fushën e sportit, kulturës, bujqësisë dhe ekonomisë dhe shprehu dëshirën që udhëheqësit e Kosovës me punë të përkushtuar ta çojnë vendin përpara drejt integrimeve përendimore, organizatave botërore, përfshirë edhe anëtarësimin në OKB. Pastaj z. Gjoka i njoftoi shkurtimisht të pranishmit për punën dhe veprimtaritë e shoqatës “Bijtë e Shqipes” dhe sidomos për punët dhe përpjekjet këmbëngulëse që shoqata dhe bashkësia jonë janë duke i bërë për meremetimin, rregullimin e godinës sonë të re. Si në çdo takim tonin, edhe me këtë rast, zoti Gjoka u bëri thirrje bashkatdhetarëve për të mos i kursyer ndihmat për ta kryer me sukses këtë projekt madhështor të një rëndësie të madhe, jo vetëm për bashkësinë shqiptaro – amerikane të Philadelphias, por për tërë diasporën tonë në Amerikë e gjetiu. Do të krijojmë kushte shumë më të mira për mbarëvajtjen e punës së shkollës, shoqatës dhe të bashkësisë sonë.

Raste te tilla u japin mundësinë bashkatdhetarëve që të takohen me njër – tjetrin, të këmbejnë mendime e përshtypje për cështje të ndryshme. Bisedat vazhdonin në mes të bashkatdhetarëve për çështjet shqiptare, gjendjen në Shqipëri, Kosovë e trojet tjera shqiptare. Të gjithë pajtoheshin se, historia sado e lavdishme, është histori, tani duhet të përqëndrohemi që të ndërtojmë një shtet modern me institucione funkcionale demokratike, duke përmbushur kështu idealet dhe ëndrrën e të gjithë atyre që u flijuan për lirinë e Kosovës. Dhe për këtë është i nevojshëm angazhimi i të gjithëvë, sidomos atyre që janë në pozita udhëheqëse. Udhëheqësit e shtetit, organeve shtetërore dhe partive politike duhet të heqin dorë nga zënkat e ulëta, fyerjet, sharjet dhe akuzat e ndërsjella dhe t’u rreken me seriozitet e përkushtim çështjeve madhore të kombit tonë. Përvoja jonë historike me Serbinë dhe ngjarjet e kohëve të fundit janë dëshmi se provokimet, intrigat, kërcënimet, ëndrrat e tyre për Kosovën nuk pushojnë kurrë. Një vemendje e posaçme u kushtohej edhe ngjarjeve më të fundit, bisedimeve me Serbinë, mbyllje së këtij konflikti shekullor.

Kjo mbrëmje solemne madhështore ishte edhe një rast i mirë për t’i nderuar me “Certifikatë mirënjohjeje” disa veprimtarë të dalluar të shoqatës sonë, të cilët me angazhimin e tyre ndër vite, jo vetëm në shoqatë, por edhe në Kosovë, kanë dhënë ndihmesën e tyre të çmuar për pavarësinë e Kosovës, ruajtjen e gjuhës, kulturës e traditave tona kombëtare. U nderuan: z. Destan Rukiqi, familja Osmanollaj, z. Maliq Arifaj dhe z. Xhavit Hamza.

Gjatë tërë mbrëmjes atmosfera ishte mjaft e gëzueshme, ngazëlluese, kënga dhe vallja vazhduan gjer në orët e vona. Për këtë u kujdes DJ i gjithanshëm, Renaldo Ramo dhe këngëtari i talentuar, Arjol Shpuza. Jehonin këngët dhe vallet nga të gjitha krahinat shqiptare, sidomos ato nga Kosova.  Por, yjet e vërteta të kësaj mbrëmje ishin vogëlushet: Dea Ismaljati dhe Arita Rukiqi, të veshura me fustana – flamurin e Kosovës, ato i dhanë një bukuri të veçantë kësaj feste, duke kënduar e vallëzuar me atë gëzimin e dëlirë fëmijëror. Arita, nxënësja e talentuar e shkollës sonë, me plot mjeshtëri artistike këndoi këngët: “O mallet e Shqipërisë” dhe “Pse jemi të ndarë”. Edhe ushqimet ishin mjaft të shijshme e të përgatitura si për festë. Të gjithë pjesëmarrësit e kësaj mbremje ishin shumë të kënaqur dhe shprehën dëshirën që të organizojmë sa më shpesh mbrëmje të tilla të hareshme familjare.

Në këtë ditë të shenjtë për Kosovën dhe gjithë kombin tonë, shtetit të dytë shqiptar i urojmë mbarësi e përjetësi. Gëzuar!

Philadelphia, më 27 shkurt 2023

Sadik Elshani është anëtar i Këshillit Drejtues dhe ish-kryetar i shoqatës “Bijtë e shqipes”.

Sa dhimbje ndiej nga larg…

by

Haris Vongli/

Mungesën time në vendin tim unë e shoh tek mediokriteti që ka plakosur atje. E di që i mungoj asaj pjese në zhdukje, asaj kategorie që s’bën kompromis me diktaturën dhe propagandën, me korrupsionin kancerogjen gjithpërfshirës; me ata që u dhëmb realiteti dhe e luftojnë atë.Shqipëria po shkatërrohet nga të vetit, zonja dhe zotërinj; po i bëni gropën, ca me vetëdije të plotë e ca pa busull, të tmerruar nga mjerimi dhe nevoja për bukë. Mungesën time e shoh tek heshtja patologjike e përfaqësuesve të brezit tim (se për brez tollonash s’dua të flas – fajtorë që lindën e rritën të papërgjegjshëm janë); ajo pjesë e brezit tim që ka mbetur në Shqipërinë tonë – politika e së cilës largoi tej më të aftit, më idealistët, ata me shpirtin e drejtësisë. Rrugët e botës janë të rënda, janë të mundimshme, janë pa diellin e shtëpisë tënde. Ju të kollarisur e ju të lënë në injorancë na dëbuat nga krahët e nënave. Si nuk ka një këshilltar (gjitholog) që të bëj kritikë, analizë-sintezë, opozitarizëm, të flasë realitetin? Po si mund të pranoni GJITHÇKA e mos ngrini pikëpyetje për DIÇKA – sado të vogël?! Ndërkombëtarë, organizata, fondacione, media, o shqiptarë, çfarë roli e misioni keni në jetë? Unë nuk bëj dot gjë më shumë se kaq, se ua kam lënë servilave punën, atë punën që po prodhon modelet më amfibe të politikës lokale e qëndrore; modelet më destruktive të politikbërjes, modelet më të shëmtuara e të pashpresë në shoqëri, arsim, ekonomi, media, mjeksi, kulturë, art, KUDO. Sa dhimbje ndiej nga larg. Nuk po e njoh më të mirën në vendin tim! Ju qofshi!

LAJM “BOMB” NGA TV FOX NEWS USA

by

Asllan Bushati/

Më 27 shkurt 2023 në emisionin informativ të orës 8 të mbrëmjes, të cilin e drejton, menaxhon e modern gazetari i mirnjohur Tuker Carlson, për 25 minuta ju kushtu problemit të pandemisë botrere të koronavirusit. Gjatë emisionit u sollën në kujtesë qëndrime të pjestarve të shërbimit inteligjent amerikan, qëndrime analistësh, gazetarësh, shkencëtarësh madje dhe të presidentëve Trump e Biden. U sollën fakte nga pandemia botërore për miliona jetë të humbura , triliona mjete monetare, pasoja të rënda shëndetsore pas kovid, stress individual, komunitar, shtetror, kontinental e botror. Humbje vendesh pune, mbyllje fabrikash e institucionesh, shpenzime për vaksina, mjekime, trajtime paskovid etj.Nga të pyeturit e të intervistuarit, ish Presidenti Trump tha hapur e pa ekuivok se virusi erdhi nga Kina. Komunitetit i inteligjencës amerikane ritheksoi përsëri se është akoma e paqartë shkaku i kësaj ndodhije të madhe botrore. Kurse disa analistë dhe shkencëtarë thanë hapur se koronaviruesi erdhi nga laboratori i virologjisë së ushtrisë kineze të Uhanit. Si shumë të tjerë, specialist e analistë dhe unë jam prononcuar në TV Kultura Shqiptare më 11 mars 2020, kam shkruajtur disa artikuj në shtypin e shkruar dhe pjesërisht këtë problem e kam përfshirë edhe në librin tim “Diktati ADM-ve në luftën e ftohtë e pas saj”. Në gjitha shkrimet e mija i kam mëshuar idesë se kronavirusi nuk ishte një fenomen (aksident natyror), por artificial i prodhuar nga dora dhe mendja e njeriut e i përhapur nga laboratori i virologjisë së Uhanit.Në emisionin e sipërpërmendur moderatori Tuker Carlson e pyeti shkencëtaren kineze të virologjisë Dr. Li Meng Yan se cfarë ishte për ju koronavirusi? Ajo u përgjigj se:” ai nuk ishte një fenomen natyror sic përpiqen ta paraqesin disa. Ai është prodhim i laboratotit virologjisë së Uhanit dhe nuk ka dalë aksidentalisht prej këtij institucioni, por me qëllim dhe i përcjellur në marketin e Uhanit qëllimisht”. Ky lajm “bombë” u shoqëru edhe me video. Dilemën time dhe të shumë njerëzve nëpër botë se koronaviruesi ishte aksident apo i qëllimshëm, u tha hapur të TV Fox News.

Shoqata “Kraja” festoi me madhështi 30-të vjetorin e themelimit të saj

by

Nga Keze Kozeta Zylo/

\Ngado shko, por Krajën kurrë mos e harro!Në mjediset e zbukuruara si për festë në Hilton Garden Inn në Staten Island, Shoqata “Kraja” festoi 30-të Vjetorin e saj të themelimit. Më së shumti Krajanët, por dhe Ulqinakët nga Mali i Zi dhe shqiptarë të tjerë nga të gjitha trevat u mblodhën për të festuar këtë datë të shënuar dhe shumë domethënëse. Tek bisedoja dhe takohesha me krajanët e pamundur të mos më vinte në mendje Gjon Buzuku i kësaj treve shqiptare, përkthyesi dhe përpiluesi i librit të parë të botuar si dhe përkthimit të parë në gjuhën shqipe, një liber liturgjik kishtar i titulluar “Meshari”. Vepra e Gjon Buzukut hapi një etapë të re në lëvrimin e shqipes si gjuhë e shkruar. Ai u lind në fshatin Ljarje të Krajës trevë shqiptare ende sot nën Malin e Zi. Dhe ja bijte dhe bijat e Krajës vinin grupe grupe në këtë festë madhështore organizuar nga Shoqata “Kraja” me kryetar Samih Kanaqi, n/kryetar Venera Gjenashi, Musa Luka, sekretar Armend Gjecbritaj, Agim Gjenashi dhe arkëtar Urim Draga. Në sfond dëgjohej një muzikë e lehtë DJ Jasho nga këgëtarët, bilbilat e Krajës. Mbrëmjen e moderuan me plot përkushtim si z. Selman Haxhimurati, i cili ishte njëkohësisht moderartor dhe skenarist, Arlinda Sukaliq e cila ëhtë mësuese pranë shkollës “Mëso Shqip” si dhe Hanah Demiri. Shfaqja u hap me këngën “Kënon Bega Zana në mal-e nga Hasan Pali shoqëruar me lahutë nga Zijad Mariseni. Tek dëgjoja tingujt e Lahutës zemra më ngazëllehej dhe doja që këta tinguj t’i kishja ne gjirin e gjithë shqiptarëve për ta ruajtur fort këtë vegël të lashtë muzikore që UNESKO-ja ia dha pa të drejtë Serbisë…Shumë interesante ishte ardhja e nxënësve veshur me kostumet krajane të cilët mbanin sofrën me ushqimet tradicionale. Ata sollën emocione dhe duartrokitje në sallë, ndërkohë shikoja reflektimin e qelqtë të llambës që ka sjellë me vite dritë ndër sofrat shqiptare. Është bukur përcjellja e traditës krajane ndër breza. Mjeshtri Tom Lleshaj me interpretimin në lodër, si dhe Zejadin Mehaj dhe Zijad Mariseni i dhanë dhe më shumë gjallëri bashkë me grupin e njohur “Barbana”. Dy Hymnet Kombëtare shqiptare dhe amerikane u interpretuan plot profesionalizëm dhe kulturë nga artistja e famshme shqiptare Dëshira Ahmeti dhe e bija e saj Dea Kërliu ish nxënëse brilante e Shkollës Shqipe “Alba Life” dhe vazhduese në “Mëso Shqip”. Interpretimet e tyre u përcollën me duartrokitje të zjarrta.Zonjusha Demiri falënderoi të gjithë sponsorët që me gjenerozitetin e tyre bënë të mundur realizimin e programit të bukur krajan. PërshëndetjetNë emër të kryesisë dhe të shoqatës fjalën e mori kryetari i Shoqatës z. Samih Kanaqi i cili midis të tjerash tha se ndihej i nderuar t’ju uronte mirëseardhjen pjesëmarrësve, aktivistëve, kryetarëve dhe të ftuarve. Ai ndihej i privilegjuar që ky Jubile e gjente në krye të Shoqatës “Kraja”. Tri dekada janë të mbushura me histori suksesi, pëkushtim për Gjuhën Shqipe, kulturën dhe atdhedashurinë për vendlindjen dhe Kombin. Z. Kanaqi falënderoi të ftuarit duke e filluar me Prokurorin e Qarkut të Richmond County z.Michael E. McMahon i cili është një politikan dhe avokat amerikan. Ish Kongresisti McMahon është një figurë e njohur publike për shërbimin e tij ndaj Kombit Amerikan.Prokurori McMahon ndau certificatë mirënjohjeje për Shoqatën “Kraja”, po ashtu dhe nga zyrat e senatorëve, ansambleistëve dhe këshilltarëve të Nju Jorkut. Nga zyra e Senatores Jessica Scarela ishte znj.Umamah Masum, nga Keshilltari David Carr ishte Michael Pardo. Gjithashtu kishte përfaqësues nga Kongresistja Nicole Malliotakis, si z. Naser Nika, nga Ansambleistti Charles Fall, nga zyra e Presidentit Vito Fosella z. Jasin Gjokaj etj. Nderonin me pjesëmarrjen e tyre dy Imamët si Imam Isuf Bolaj dhe Imam Edin Gjoni. Fjala përshëndetëse e Imam Gjonit si gjithmonë është dritëdhënëse, shpirtërore dhe plot dashuri prej Zotit. Kryetari aktual falënderoi z. Marko Kepi si president i Rrënjëve Shqiptare, z. Eddie Drishti si kryetar i Shoqatës “Rozafa”, z. Shaqo Gjokaj si Kryetar i Malësisë së Madhe, ish kryetarin e Anës së Malit z. Safet Llolla, Kryetarin e shoqatës “Ulqini” Xhemo Lanica. Nderonin me pjesëmarrjen e tyre Themeluesi dhe Drejtori i TV dhe Shkollave Shqipe në New York dhe në Online z. Qemal Zylo i cili filmonte aktivitetin si TV “Alba Life”.Ai falënderoi në mungesë z. Mark Gjonaj “Nderi i Kombit” për mbështetjen e vazhdueshme që iu ka dhënë. Z. Samih Kanaqi ndau çertifikata mirënjohjeje për shumë aktivistë të shoqatës, kryetar që kanë dhënë kontribute të vazhdueshme në punët e ndryshme dhe zbatimin e programit të shoqatës.Në emër të Federatës Panshqiptare “Vatra” përshëndeti Dr. Pashko Camaj i cili iu uroi të gjithë pjesëmarrësve dhe shoqatës jetëgjatësi.Ish kryetari i Shoqatës “Kraja” z. Hamid Alaj i cili ka botuar disa vepra lexoi referatin e historikut gjatë 30- të viteve pune të shoqatës dhe drejtuesve të saj. E pamundur të sjellim gjithë përmbajtjet e kumtesave në këte reportazh, por po sjellë vetëm një fragment nga z. Alaj që do të thotë shumë për të gjithë ne bashkatdhetarët dhe ja si:Qëllimi i themelimit të Shoqatës “Kraja” këtu në Diasporë ishte dhe do të vazhdojë të jetë siç cekëm edhe më parë “ruajtja dhe përhapja e vlerave dhe traditave krajane” dhe atyre gjithë kombëtare shqiptare, si një bashkim i komunitetit krajan kudo që ndodhën duke kultivuar traditat dhe vlerat më të mira të të parëve tanë që do ta rreshtoja nën moton “Nga do shko, por Krajën mos e harro”. Si vatër e vetme e grumbullimit të krajanëve në Diasporë Shoqata “Kraja” është dhe do të vazhdojë të jetë qendra e vetme e cila u ka hapur dyert, zemrën dhe shpirtin bijave dhe bijëve të vet, nga të gjithë fshatrat e trevës së Krajës. Një zë special dhe shumë i vecantë ishte nga aktivistja e njohur znj. Drita Pereziqi një atdhetare e flaktë . Ajo tha me krenari se jam bijë e Krajës kudo ku ndodhem. Në karrierën e saj 25 vjeçare ajo ka shërbyer në Brigadën Gjenerale të Ushtrisë Amerikane, në Ministrinë e Punëve të Brendshme të Kosovës, dhe po punon si eksperte e jashtme në sektorin e sigurisë kombëtare në Presidencën e Republikës së Kosovës. Mësuese Merita Dragaj përshëndeti dhe premtoi se do të vazhdojë më tej për mësimin e Gjuhës Shqipe fëmijëve të shkollës.Nxënësit dhe grupi “Barbana” dhanë një program të bukur artistik me valle, këngë dhe recitime te ndryshme. Moderatori i Mbrëmjes z.Haxhimurati solli me plot humor dhe mjeshtërisht fjalë të ndryshme turke dhe kuptimin e tyre nga fjalët shqipe, si dhe emërtime të ndryshme se çfarë kuptimi marrin kur përkthehen në turqisht.Nën shoqërimin e tupanës nga mjeshtri Tom Lleshaj dolën në vallëzim si Hannah, Nadia, Kujtim dhe Bekimi të shoqëruara nën tingujt e harmonikës nga Zejadin Mehoviqi.Shumë emocionuese ishte vallja e traditës, vallja krajane që u udhëhoq nga Hasan Pali dhe Kujtim Duraku. Të pranishmit u argëtuan me muzikë nën shoqërimin e këngëtarëve të mirënjohur si Myzafer Koliqi, Afërdita Demaku, Ermal Fejzullahu dhe muzikantët Lydi Boli, Smajl Pali, Studio Rozafa, Isuf Gjoni, Hoxha Studio, Ismet Hoxha, Amir Pelinku dhe Luli Popi..Një lojë e bukur ishte llotaria me raffle e udhëhequr nga Hannah dhe Lumi Demiri.Në fund u nda torta e traditës me shënimin simbolik: 30 Vjet Kraja! Gëzuar Ditëlindjen!Ishte një natë e paharrueshme, pjesëmarësit do ta mbajnë gjatë në kujtesë për orët e këndshme që kaluan. Gezuar Krajan të dashur!Në këtë aktivitet ishte i pranishëm TV “Alba Life” që së shpejti do të sjellë kronikën e përgatitur rreth aktivitetit në 30- të vjetorin e Shoqatës “Kraja”.27 Shkurt, 2023Staten Island, New York

Hënë

by

Astrit Lulushi/

Civilizimin nuk e bënë toka por e bëjnë njerëzit. Por çfarë do të ndodhte me Tokën nëse Hëna nuk do të ishte? Dallimi më i menjëhershëm do të ishte zhdukja e baticave. Si dielli ashtu edhe hëna ndikojnë në baticat në Tokë, por hëna është forca mbizotëruese. Largoni hënën dhe nxitimi i përditshëm i baticave do të tërhiqej në një valëzim të butë.Oguri tjetër i dënimit do të ishin lëkundjet e egra në boshtin rrotullues të Tokës nga një pozicion pothuajse pingul me planin ekliptik deri në të qenit praktikisht paralel me të. Këto lëkundje do të provokonin ndryshime drastike klimatike: kur boshti drejtohet drejt lart, secila pikë në glob do të merrte një sasi konstante nxehtësie gjatë gjithë vitit, por, kur boshti shtrihet paralel me ekliptikën, tokësorët do të kalonin gjashtë muaj të vitit nën flakët e pafund të diellit, vetëm për t’u rrotulluar dhe dridhur për gjashtë muajt e ardhshëm, të fshehur në sipërfaqen e ftohtë të anës së errët të Tokës.Megjithatë, nga të gjitha fatkeqësitë, krijesa për t’u ardhur keq është procesi detar i quajtur “nautilus”. Ky molusk jeton në një guaskë elegante në formë si një spirale e përsosur e ndarë në ndarje. Nautilusi jeton vetëm në ndarjen më të jashtme, dhe çdo ditë shton një shtresë të re në guaskën e saj. Në fund të çdo muaji, kur hëna ka përfunduar një rrotullim rreth Tokës, nautilusi braktis ndarjen e tij aktuale, e mbyll atë dhe kalon në një të re. Shkencëtarët kanë vërtetuar se numri i shtresave që përbëjnë një dhomë janë të lidhura drejtpërdrejt me numrin e ditëve që i duhen hënës për të rrethuar Tokën. Hiqni hënën dhe nautilusi qëndron i bllokuar, i mbyllur përgjithmonë në të njëjtën dhomë dhe duke uruar me keqardhje për ditët kur mund të pres me padurim një shtëpi të re.Por jeta nuk do të shuhej. Duket e pamundur që një anije kozmike aliene të vijë dhe të vjedhë hënën, për ta çuar në qytetërimet që kanë avancuar shumë miliona vjet përtej tokës.