Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kosova është vendi i të gjithë neve, pavarësisht përkatësisë kombëtare apo fetare, racore apo sociale

by

Albin Kurti/

Sundimi i ligjit, liria e qytetarëve dhe të drejtat e komuniteteve pakicë janë vlerat evropiane që ne mbrojmë. Kosova është një shtet laik ku të drejtat e njeriut dhe civile përfshijnë lirinë e fesë. Ne qëndrojmë për një ndarje të qartë midis fesë dhe shtetit, midis institucioneve fetare dhe institucioneve demokratike.

Rritja ekonomike e këtij viti në Kosovë është 4 për qind e bruto produktit vendor. Kjo sjell optimizëm për ekonominë dhe në të njëjtën kohë mirëqenie për të gjithë qytetarët, sepse me ndihmën e masave sociale do ta shpërndajmë këtë rritje për të gjithë ju dhe mbi të gjitha për ato shtresa të shoqërisë që janë në vështirësi.

Ne duam paqe, progres ekonomik dhe social. Vitin e ardhshëm do të shpërndajmë një fond prej disa milionë eurosh për të gjitha kompanitë që do të punësojnë një fuqi punëtore multietnike dhe multikulturore. Boshllëkun që ekziston brenda institucioneve tona të përbashkëta pas dorëheqjes kolektive dhe kryesisht të detyruar të disa qindra qytetarëve serb të Kosovës, nuk duam ta mbushim me shqiptarë. Prandaj i ftoj të gjithë serbët nga Kosova që të aplikojnë për këto vende pune, veçanërisht serbët që nuk kanë pasur asnjë shans deri më tani.

Në Kosovë ka pluralizëm politik dhe demokratik. Beogradi zyrtar nuk e lejon të njëjtën gjë për komunitetin serb në Kosovë. Kujtojmë se deri në fillim të nëntorit, kur ministër ishte Goran Rakiq, Beogradi nuk protestoi. Pas emërimit të Nenad Rashiqit dhe Rada Trajkoviqit, rrugët u barrikaduan nga ata që gjatë rënies dogjën gjashtë makina të serbëve të pabindur. Autokracia, frika dhe shantazhi shkojnë bashkë. Demokracia, barazia dhe liria qëndrojnë kundër tyre.

Të nderuar qytetarë të Kosovës,

Unë nuk urrej asnjë qytetar të vendit tonë, por në të njëjtën kohë, nuk jam dakord me Beogradin, i cili përpiqet të shpikë një makinë kohe dhe kështu ta kthejë rajonin tre dekada mbrapa, në fillimin e karrierës së disa prej liderëve politikë të Serbisë së sotme. Barrikadat që sundojnë mendjen, bëhen barrikada në rrugë. Në këtë rast, nuk bëhet fjalë për barrikadat civile nga protestat e studentëve në Paris në vitin 1968, por për ato barrikada të kohës së luftës në fillim të viteve 1990 në ish-Jugosllavi.

Besoj se të gjithë serbët kanë fuqi të mjaftueshme, në këtë udhëkryq historik dhe gjeopolitik, për t’u distancuar nga e kaluara e Millosheviqit dhe e tashmja e Putinit, dhe në këtë mënyrë të ndihmojnë të gjithë rajonin që sa më shpejt të bëhet anëtar i Bashkimit Evropian. E ardhmja e të gjithë neve është Bashkimi Evropian dhe nuk ka asnjë alternativë të zgjuar për këtë. Evropa është kontinenti ynë dhe Bashkimi Evropian është qëllimi dhe fati ynë. Kjo do të ishte e mundur në më pak se një dekadë me kushtin e njohjes reciproke të Kosovës dhe Serbisë.

Ka vetëm një zgjidhje paqësore dhe demokratike për marrëdhëniet ndërmjet Kosovës dhe Serbisë, ajo është njohja reciproke dhe marrëdhëniet reciproke.

Të nderuar qytetarë të Kosovës,

Në asnjë rast nuk do t’i identifikoj barrikadat me popullatën serbe. Kjo nuk mund të jetë dhe nuk do të ishte e vërtetë, por do të ishte e dëmshme për të gjithë ne. Do t’u shërbente vetëm atyre që duan tension dhe konflikt të hapur. Ne nuk e duam atë. Për këtë arsye zgjedhjet në katër komuna veriore i shtymë për në prill të vitit të ardhshëm, ndërsa gjobat për targa të paligjshme në pranverë të vitit të ardhshëm, për t’i dhënë një shans marrëveshjes për normalizimin e marrëdhënieve. Si kornizë e përgjithshme për marrëveshjen, ne morëm një propozim nga Bashkimi Evropian i mbështetur nga Franca, Gjermania dhe ShBA-të. Kjo është rruga e paqes që ne duhet të ndjekim, dhe barrikadat janë barrikada ndaj paqes.

Të nderuar qytetarë të Kosovës,

Ruani paqen, tuajën dhe atë sociale. Gëzuar Vitin e Ri.

U promovua libri “Operacione sekrete – Shqipëria nën Luftën e Ftohtë” me autor prof. dr. Irakli Koçollarin

by

#AShSh

#promovimi

#operacionesekrete

Sot në sallën “Aleks Buda” të Akademisë së Shkencave të Shqipërisë u promovua libri “Operacione sekrete – Shqipëria nën Luftën e Ftohtë” me autor prof. dr. Irakli Koçollarin.

Në këtë libër përshkruhen të parat operacione klandestine në historinë e Luftës së Ftohtë, të cilat u drejtuan kundër Shqipërisë, nga viti 1948 gjer në vitin 1954.

I mbështetur kryesisht në dokumentacionin e Arkivit të CIA-s, të Shërbimit Sekret Britanik dhe ato të Sigurimit të Shtetit, në këtë libër autori pasqyron operacionet sekrete të Shërbimit Sekret Shqiptar kundër CIA-s dhe MI 6 në vitet 1949-1953, të cilat njihen si operacionet e para sekrete kundër Perdes së hekurt nga SHBA dhe Britania e Madhe.

Prof.dr. Koçollari në këtë libër zbulon misionin delikat të SHBA-ve që kërkonte të rrëzonte regjimin diktatorial në Shqipëri, por edhe të ruante integritetin e shtetit shqiptar nga pretendimet greke, të cilat mezi prisnin të ndodhte ndryshimi.

Libri është një hulumtim 14-vjeçar. Autori pohon se koha e gjatë ka shërbyer për të shmangur të gjitha ndikimet apo anësitë e mundshme ideologjike, emocionet që shkaktohen nga ngjarjet e dhimbshme që gjenden ne fletët e arkivave të kohës, dhe krahas tyre është përpjekur të rrijë larg nostalgjive apo urrejtjes që kanë sjell shpesh troshitjet politike të kohës në vendin tonë….

Prof. Pëllumb Xhufi dhe Prof. Fatos Tarifa vunë në dukje rëndësinë që kanë dokumentet të cilat shmangin trajtimin bardhë e zi të historisë dhe dëshmojnë për fuqinë e shtetit të diktuarës në këtë aspekt.

Ato rrëfejnë se cila do të ishte fuqia e Sigurimit të Shtetit Shqiptar pa mbikëqyrjen e KGB-së, e cila në të vërtet ishte koka e shërbimit sekret shqiptar në atë kohë dhe oficerët tanë të sigurimit ishin thjesht një grup i gatshëm në terren i tyre.

Prof. dr. Koçollari tha se botimi është një kronikë ngjarjesh mbështetur thellësisht në dokumentacionin arkivor kryesisht atë të CIAS Të MI 6 dhe të Sigurimit, pa folur për të gjitha botimet perëndimore dhe lindore, të cilat flasin qartë përse, çfarë dhe si u realizuan operacionet klandestine të spiunazhit gjatë viteve të diktaturës në territorin shqiptar.

Por ndërkohë që dokumentacioni arkivor i CIA-s, MI6 dhe Sigurimit është deklasifikuar me shumicë, mungon dokumentacioni i shërbimit sekret grek. QIP, EIP, atij italian SIS, dhe jugosllav UDB, të cilët ndërmorën jo pak misione spiunazhi klandestin kundër vendit tonë, ndërkohë që kanë kaluar rreth 70 vite nga ato ngjarje, afate kohore që e bëjnë të detyrueshme deklasifikimin e materialit që flet për ato ngjarje, të këtyre vendeve në zbatim të ligjit ndërkombëtar për informacionin e klasifikuar.

Megjithatë dy vëllimet e këtij libri trajtojnë rrugën si nisën këto operacione, ku u hartuan planet, qëllimin që ato kishin, shkaqet, arsyet dhe objektivat që synonin, mjetet. Mënyrat, kontingjentin që u përdorën, zonat dhe terrenet ku ato u shtrinë, fatin e operacioneve dhe pasojat që ato sollën në jetët njerëzore, në rrjedhat politike të kohëve, për vendin tonë.

Për shkaqet pse e shkroi këtë libër prof.dr. Irakli Koçollari tha se:

Së pari, duke filluar që nga viti 2007, amerikanët, pra CIA, filloi të deklasifikojë pjesë-pjesë dosjet e operacioneve klandestine të ndërmarra në tokën shqiptare, çka pruri shumë dokumentacion që ndriçonte dhe konfirmonte shumë fakte të atyre ngjarjeve apo sillte shumë të reja të panjohura për ne apo që ne i kemi njohur ndryshe gjer më tani. Ishin me mijëra e mijëra faqe me vlera të veçanta historike për vendin tonë.

Një tjetër arsye që nxiti këtë ndërmarrje ishte edhe fakti se edhe nga perëndimorët për këto ngjarje tronditëse për dekada me radhë ishte mbajtur një heshtje dhe censurë ekstreme, madje ishte shkelur ligji FOIA!!? Dokumentet ishin ruajtur në një censurë ekstreme. (Po përse? Sepse sikundër thotë analisti britanik Bethel “ato dokumente ishin tepër komprometuese për vendet që i organizuan dhe ndërmorën ato operacione klandestine ndaj Shqipërisë, dhe binin ndesh me parimet dhe normat e të drejtës ndërkombëtare. )

I pari që do të thyente heshtjen rreth ngjarjeve, operacioneve sekrete dhe do të publikonte dokumentet para të tyre do të ishte lordi britanik Nikolla Bethel, anëtar i dhomës së lordëve dhe kryetar i komisionit të sigurisë në parlamentin britanik. Ai në vitin 1982 shkroi për herë të parë dhe i bëri të njohur publikut ç ‘kishte ndodhur me Shqipërinë, dhe ç’kishte gatuar shërbimi sekret britanik MI 6, përmes librit :”Great Betreal”.

Pas tij do të vinte Stephen Dirill-një ish profesionist i shërbimit sekret britanik. Me librin e tij “MI 6” dhe më pas Cristopher Andreë, amerikanët me Ben Macentyre me librin “A spy amanag friends”, Albert Lulushi, etj., grekët-Pavlos Apostolidhis.

Të gjithë këta autorë, profesionistë të CIA-s apo MI 6, në librat e tyre zbulojnë si u realizuan operacionet, dhe flasin për fatin tragjik që pësuan ato, por në konkluzionet e botimeve të tyre ata do të mbeteshin të dyzuar rreth shkakut të vërtetë të dështimeve.!!! Dhe për të sqaruar këtë enigmë –ata konkludojnë se ishte e panevojshme që pretendimet e tyre të konfrontoheshin me dokumente e sigurimit-si një prej aktorëve decizivë në këto përballje.

( E shihja të nevojshme të sqarohej kjo dilemë duke ofruar dhe prezantuar këtë anë të panjohur, por të rëndësishme të ngjarjeve, pra dokumentacionin e deklasifikuar të sigurimit.)

Prof.dr. Koçollari bëri të njohur se operacionet ndaj Shqipërisë qenë dhe janë të parat operacione klandestine në tërë historinë e luftës së ftohtë që përfshiu këtë planet që quhet tokë (Ato thirren në të gjithë literaturën e botuar të spiunazhit “The first strike aganinst Iron Cortain”) Por në këtë histori vetëm pala shqiptare kishte heshtur, për të treguar se çfarë kishte ndodhur në tokën e saj realisht (një nevojë tjetër kjo për të folur dhe treguar se ç’kishin dokumentet shqiptare).

Prof.dr. Irakli Koçollari tha se libri rrëzon pretendimet e pabaza të rolit të Kim Filbit në këto operacione (në libër gjendet fotokopjet e të vetmit informacion që Kim Filbi i ka dhënë KGB-së dhe që publikohet në mënyrë unike për herë të parë në këtë libër.)

Vite e fundit në shtypin dhe median e vendit tonë ka pasur mjaft pasaktësi, shtrembërime të skajshme dhe deformime, me dhe pa qëllim, të këtyre ngjarjeve, në këto rrethana ishte dhe mbetet një mision qytetar të sqaroheshin opinionet e pandriçuara, të painformuara ose të keqpërdorura për qëllime të caktuara.

Autori i dy vëllimeve të këtij libri ka pasur fatin të takojë protagonistë të ngjarjeve të të dy anëve; ata që bënë plane kundër Shqipërisë, dhe ata që iu kundërvunë grupeve dhe operacioneve klandestine në territorin shqiptar.

Prof. Koçollari tha se dokumentacioni i CIA-s ofron veç të tjerave, mes begatisë së tij shumë njoftime për çështje me interesa të veçanta për të shkuarën por edhe për atë aktuale për vendin tonë. Kështu mes të tjerave ai na bënë të njohur se cilat kanë qenë dhe janë interesat e hapura apo të fshehta të fqinjëve ndaj Shqipërisë-çështje këto që vetëm shërbimet amerikane të inteligjencës mund t’i mësonin dhe t’i dinin më mirë nga ne-dhe sigurisht janë mjaft të vlefshme për ne shqiptaret në përgjithësi, por edhe politikëbërësit në veçanti.

Ai tha se duke ndjekur në hershmëri, që prej fillimit të shekullit të 20-të (prej viteve 1913) dhe gjer në ditën e sotme…, raporte dhe marrëdhëniet e SHBA-së me Shqipërinë, përmes dokumentacionit të CIAS-s sqarohet fare qartë-konsekuenca e palëkundur e politikës së jashtme amerikane për të pasur marrëdhënie të afërta dhe miqësore me Shqipërinë dhe shqiptarët.

Prof.dr.Koçillari në mbyllje të fjalës së tij tha se “Amerika për ne shqiptarët dhe Shqipërinë, nuk është vetëm një partner i madh strategjik, por mbi të gjitha një partner ekzistencial.”

*

Ngjarjet dhe eventet që shkruhen në faqet e këtij libri, bëhen të njohura për herë të parë.

Libri ka tërhequr vëmendjen jo vetëm të opinionit vendas, por edhe të atij ndërkombëtar.

Këshilltari për politikën ndërkombëtare pranë Departamentit të Shtetit, Frank Wisner Jr., shkruan:

“Përmbledhjen e librit “Operacione Sekrete – Shqipëria nën Luftën e Ftohtë” e lexova me një frymë!

U mahnita! Ju rrëzoni përfundimisht mitin e Kim Filbit! Suksese.”

Ndërsa historiani britanik Stephen Long shkruan: “ ….

Dy vëllime me 29 kapituj mbresëlënës, libri “Operacione Sekrete” është pika kulmore, dëshmia e një pune, dedikimi shumëvjeçar dhe hulumtimi të përpiktë shkencor të bërë nga autori….”

I shkruar më shumë se 70 vjet pas ngjarjeve në Shqipëri , trajtuar me mjeshtëri nga profesor Koçollari, libri operacionet sekrete i sjelle lexuesit kujtimet e kohës së gabimeve dështimit dhe arrogancës që ende shpesh duket se shoqërojnë operacionet sekrete.

www.akad.gov.al

Paralelja mes barrikadave serbe në veri të Kosovës dhe atyre në Knin të Kroacisë

by

Sylë Ukshini/

Nëse i shohim barrikadat e grupeve rrebel dhe kriminale serbe në veri të vendit, ato menjëherë (për brezin tim) na e kujtojnë rrebelimin e dikurshme të pakicës serbe në Kroaci të nxitur dhe organizuar nga regjimi i Milosheviqit. Si në

Republikën e Kosovës tani, edhe atëherë në Republikën e Kroacisë qëllimet mbesin të bjejta: provohet të çojet përpara ideja e Serbisë së Madhe. Ashtu siç bënë tani Rakiqi me grupet e tij antishtet, edhe serbët e Kninit synonin të njejtën gkë, të sabotonin konsolidimin e shtetit kroat dhe të realizonin synimet serbomëdha të regjimit të Millosheviqit. Si tani në Kosovë, edhe atëehrë serbët filluan të “mbrohen” përmes vendosjes së barrikadave dhe sulmeve ndaj njësive të policisë dhe gardës kroate. Ashtu si sot që në veri të Kosovës që operojnë liderët të lidhur me botën e krimit, ashtu edhe në Kroaci dikur operonin kriminelë me nam si Martic dhe Babic, të cilën e organizonin “popullin duarthatë” kundër shtetit kroat. Përmes barrikadave dhe sulmeve ndaj policisë kroate, synohej të bllokoheshin linjat e qarkullimit të shtetit kroat dhe të pengohej integrimi I Kroacisë së pavarur në institucionet ndërkombëtare dhe t’i aneksohej një pjesë e territorit të saj deri aty ku jetonte qoftë edhe një serb.

Ashtu si serbët e Kosovës dhe autoritetet e Beogradit kanë refuzuar pranimin e Planit të Ahtisaarit dhe njohjen e pavarësisë, edhe në Kroaci grupet paraushtarake serbe, të nxituara nga Beogradi dhe ushtria e tij, kishin refuzuar Plani Z4 – një propozim ndërkombëtar për një ri integrim paqësor të “Republikës Srpska Krajina” në shtetin kroat. Serbët e Kroacisë kishin deklaruar hapur se nuk pranonin të jetonin brenda shtetit të pavarur kroat, qëllimi i tyre ishte i qartë, ndarja e Kroacisë dhe krijimi i Serbisë së Madhe. Si rezultat, u rrit gatishmëria e shteteve perëndimore për të mbështetur kroatët në rimarrjen e territorit të tyre. Ishte e qartë se mjaftë është mjaft.

Për ta krijuar më qartë idenë e rebelimit serb në Kosovës dhe luftën e tyre për “mbrojtje nga kërcënimi” i autoriteteve të Kosovës, duhet njohur dhe parë sesi vepruan ata në Kroaci në vitet 1991-19965.

Barrikadat dhe rebelimi serb në Kroaci (1991-1995)

Menjëherë pas shpalljes së pavarësisë së Kroacisë (qershor 1991), pakica serb në Kroaci e ndihmuar nga Beogradi dhe Ushtrisë Jugosllave, e cila akoma konsiderohej neutral, filloi goditjet kundër policisë kroate dhe shtetit të ri të Kroacisë. Me urdhër të presidenti të atëhershëm jugosllav, nacionalistit dhe përfaqësuesit të ideologjisë serbomadhe, Borisav Joviq, APJ-ja u autorizua të ndërhynte në Kroaci me qëllimin të inkurajimit të rebelëve serbë. Ky intervenim, edhe nuk kishte asnjë vendim nga Presidiumi i Republikës së Jugosllavisë, parashikonte formimin e zonave tampon në të cilat realisht ndodhte bashkëpunimi me paraushtarakët serbë të Kroacisë: Paraushtarakët serbë kishin mundësi të lëvizjes së lirë në zonat tampon të APJ-së.

Paraushtarakët serbë përdorën mbrojtjen e APJ-së për të sulmuar fshatra të ndryshme kroate në Sllavoninë Lindore, afër Osijekut, Vukovarit dhe Vinkovcit dhe për të sulmuar Gardën Kombëtare të Kroacisë.

Njësi të ndryshme paraushtarake u mblodhën gjithashtu në rajonin rreth Kninit dhe Likës. Knin, një qytet rreth 60 km nga bregu i Adriatikut të Kroacisë, u vu në qendër të vëmendjes kur administratorët vendas hodhën poshtë zbukurimet e shtetit të ri kroat. Për të “mbrojtur” veten nga presioni nga pala kroate, ata bllokuan rrugët dhe qendrat e transportit të zonës – dhe menjëherë pas kësaj ata shpallën të ashtuquajturin “Shtetin e pavarur të Republika srpska Krajina”. Një nga drejtuesit dhe zbatuesit e kësaj ideje ishte ish-oficeri i policisë Milan Martiç, i njohur më vonë si “Sherif i Kninit” ( më pas i dënuar me 35 vjet burg nga gjykata e krimeve të luftës në Hagë).

Për t’u “mbrojtur” edhe më shumë nga kroatët, kroatët e mbetur u vranë, u dëbuan, mallrat e tyre u plaçkitën dhe në fund u krijua një republikë pothuajse e pastër etnike. Ish-oficeri i policisë bëri karrierë. Në vitin 1993 ai u emërua President i Republikës së Krajinës Serbe me ndihmën e “mëmëdheut Serbia” dhe sundimtarit të atëhershëm Sllobodan Millosheviq. Ai e mbajti këtë “funksion” deri në fundin e hidhur të republikës së tij në 1995. Atë vit, kroatët arritën të lidhnin territorin e tyre me shtetin e tyre me një operacion të mire organizuar ushtarak.

Pasi u bë e njohur masakra e Srebrenicës, ushtria kroate pushtoi zona të tjera në Bosnjën jugore në Operacionin e Verës 95 në fund të korrikut 1995 dhe kështu rrethoi pjesën jugore të Krajinës, e cila ishte nën sundimin serb, nga tre anët

Më 4 gusht 1995, policia dhe ushtria kroate filluan operacionin ushtarak Oluja dhe brenda pak ditësh çliruan të gjithë territorin e RSK-së. Sipas burimeve perëndimore, Millosheviçi i sakrifikoi serbët e Kroacisë sepse dëshironte të përqendrohej në Bosnjë.

Barrikadat serbe në veri të Kosovës, Kurti: Veprim i paligjshëm, i papranueshëm dhe nuk do të tolerohet

by

-Në përputhje me vlerësimet e sigurisë, ne i kemi dhënë kohën dhe hapësirën e nevojshme KFOR-it për të vepruar, por sigurisht që kjo kohë po shteron me shpejtësi/

Gazeta DIELLI nga korrespondenti në Kosovë Behlul Jashari

PRISHTINË, 28 Dhjetor 2022/ Kryeministri i Republikës së Kosovës, Albin Kurti, tha sot se sa i përket situatës në komunat në veri të Kosovës, veprimeve e vendimeve të ligjshme të Qeverisë e Institucioneve tjera të Kosovës i janë kundërvënë kriminelët, duke sfiduar organet e zbatimit të ligjit por edhe duke cenuar sigurinë në vend.

“Fatkeqësisht, këta kriminelë, të sanksionuar edhe nga Shtetet e Bashkuara të Amerikës dhe Britania e Madhe, po mbështeten nga Presidenti dhe Qeveria e Serbisë me qëllim destabilizimin e rajonit, përveçse cenimin e integritetit territorial të Republikës sonë”, theksoi Kryeministri Kurti.

Ai shtoi se, Institucionet e Kosovës nuk do të bisedojnë e bashkëpunojnë me kriminelë, por do t’i arrestojë ata.

“Përfaqësuesit legjitimë nga komuniteti serb dalin përmes zgjedhjeve të lira e të ndershme, kurse të drejtat e qytetarëve burojnë nga Kushtetua e Republikës’, u shpreh Kryeministri i Kosovës.

Kurti ritheksoi qëndrimin se, vendosja e barrikadave në rrugë është veprim i paligjshëm, i papranueshëm dhe nuk do të tolerohet.

“Në përputhje me vlerësimet e sigurisë, ne i kemi dhënë kohën dhe hapësirën e nevojshme KFOR-it për të vepruar, por sigurisht që kjo kohë po shteron me shpejtësi.

Ne kemi bashkëpunim e bashkërendim me KFOR-in, prandaj edhe kjo kohë e hapësirë e nevojshme i është dhënë KFOR-it dhe me këtë rast një gjë duhet të kuptohet, se nuk mund të qëndrojë edhe parimi i lëvizjes së lirë edhe barrikadat në rrugë, që e pengojnë lëvizjen e lirë”, përfundoi Kryeministri i Kosovës.

Kryeministrit Kurti foli në mbledhjen e 116-të të Qeverisë së Kosovës që e drejton.

“Sot, në mbledhjen e 116-të të radhës, shënojmë vitin e dytë kalendarik të qeverisjes sonë. Me plot 578 vendime të miratuara, përfshirë këto të mbledhjes së sotme. Pra, në krahasim me vitin e kaluar, jemi 19 për qind më lart. Ndër to, 71 projektligje të miratuara, 70 emërime, 23 koncept-dokumente, 13 udhëzime administrative, 9 projekt-rregullore dhe 6 nisma legjislative.

Ka qenë një vit me sfida, por edhe me arritje, ngritje dhe zhvillim të gjithmbarshëm.

Kthesën e Kosovës drejt zhvillimit e progresit tashmë e kanë vërtetuar edhe matjet e pavarura të raporteve ndërkombëtare”, tha, mes tjerash, Kryeministrit Kurti.

KFOR OFFICIAL STATEMENT

by

Pristina, 28 December 2022. Following reports that the Serbian Minister of Defence, Miloš Vučević, and the Chief of Staff of the Serbian Armed Forces, General Milan Mojsilović, a few days ago visited units of the Serbian Armed Forces (SAF) deployed in the Raska area, about 2 kilometers from the Administrative Boundary Line (ABL) with Kosovo, it is useful to recall that the Serbian Armed Forces do not need authorization from KFOR to move and train on Serbian territory.

In accordance with existing agreements, the SAF are required to inform KFOR HQ only in case some of their units need to go closer than 1000 meters from the ABL. The information must be released to KFOR by the JIC, the Joint Implementation Commission, whose mission is to facilitate communications and understanding between the KFOR Commander and the Serbian Security Forces. 

As for the Kosovo Security Forces (KSF), their deployment, according to existing agreements, requires prior concurrence from the KFOR Commander to go in the north of Kosovo. KFOR, in keeping with its mandate, may engage with legitimate representatives of the local community in northern Kosovo as part of this concurrence process.

We recall that all parties have always abided by existing agreements, and we urge them to continue doing so. 

KFOR remains extremely vigilant and has the capability and personnel to provide a safe and secure environment and freedom of movement for all communities under our UN mandate, based on UNSCR 1244 of 1999. KFOR continues to closely monitor the situation on the ground and the activities along the ABL, supporting the dialogue to find an agreement to defuse tensions in northern Kosovo.