Ndriçim Kulla(Nderi i Kombit)
Katastrofa e tmerrshme e shpopullimit nuk ka të֝ ndalur.Kjo ka tronditur në mënyrë dramatike edhe kishën katolike shqiptare si problem më i madh social që ka mbërthyer Shqipërinë.Ajo tashti është aq e prekshme sa që ndjehet në çdo moment sapo del nga dera e shtëpisë për të shkuar në punë apo për të shkuar diku tjetër.Tashmë nuk është më e nevojshme për të kërkuar shifra apo statistika diku për tiu referuar trajtimit të saj ,për të analizuar shkaqet dhe autorët e këtij eruzioni të frikshëm që kërcënon qënien tonë ekzistenciale si komb.Po jap një dëshmi të thjesht personale.Nga pallati im ku unë banoj dhe deri në studion ku unë punoj çdo ditë që nuk është më shumë se 600 – 700 metra mbi dhjet lokale që dikur punonin normalisht tash kanë mbushur dyert dhe dritaret me shpalljet e vëna , që kërkojnë kamarjer,pastrues, banakier ,shitës etj etj. Në dy- tre klubet që unë kam frekuantuar kafen e mëngjezit vetëm apo me miqët e mi tashmë vëren një ndryshim domethënës ; shërbimi ka filluar të kryhet nga vet banakieri, që bën edhe rolin e kamarierit edhe të pastruesit. Drejtuesit e fasonerive kanë kohë që kanë vënë alarmin se dizinjatorët po ju avullojnë,puntorët gjithashtu. .Spitalet dhe qëndrat shëndetsore po bëjnë organizime tepër të sforcuara se infermierët dhe mjekët kanë ikur ose janë në procedura emigrimi.Vështirë të gjesh më dhe shofer , mekanikë ,hidraulikë ,motorristë dhe profesione të tjera. Të mbeturit , sytë i kanë andej ose janë në një dilemë ekzistenciale. Kjo është panorama më trishtuese e përshkrimit të Shqipërisë në çdo qytet dhe fshat të mbetur . Murtaja e braktisjes së këtij vëndi është e pa precedent në histori.
Ndërsa fillimi i këtij vitit të ri shkollor si në ciklin para universitar ashtu edhe në atë universitar na prezantoi qartësisht dramën më rrënqenthëse me një pykpyetje të hidhur dhe të dyfisht, të dijes dhe shpopullimit.Mbyllje masive e shkollave fillore dhe tetvjeçare në fshatrat dhe qytetet e vëndit.Ndërsa në auditorët e universiteteve publike në Elbasan,Vlorë ,Fier ,Durrës dhe Tiranë regjistrimet treguan se nuk do ketë më programe frekuentimi për fizikë,kimi,matematikë ,agronomi etj . Ska më nxënës dhe student.Kanë ikur dhe të tjerë po vazhdojnë të ikin.Krizë në mësuesi , krizë në shkencat ekzakte, krizë në kopshte ,krizë kudo.
Nuk mund të gjesh një popull të arsyeshëm në botë që shkaqet e kësaj drame rrënqethëse të mos i adresonte tek kryeministri dhe qeveria e tij .
Por pabesueshmërisht kryeministri i kësaj masakre kombëtare, kryeministri më i papërgjegjshëm i historisë së vëndit vazhdon lojën e piarit duke shpërndarë në rrjetet e tij socale që sundon kudo figura me flutura dhe imazhe të dezinjuara për një Shqipëri virtuale që ska lidhje me Shqipërinë e sotme të zymtë që i detyron njerëzit të ikin.
Cfarë po ndodh kështu ?
Rreth 7-8 vite më parë nuk ishte kështu .Kishte problem ekonomike ,kulturore dhe demokratike Shqipëria por ishte krejtësisht ndryshe.Madje shumë njerëz po riktheheshin në vëndin e tyre , duke kërkuar të ardhmen në tokën që kishin lënë disa vite më parë.
Shqipëria po zbrazet e tëra nga fryma e gjallë që mund ta mbajnë në këmbë këtë vënd .
Tani më që duket sikur kemi arritur fundin, sikur po jetojmë dhe po shohim në sy ferrin, i kemi të gjitha shkaqet të shkundemi e të zgjohemi nga ëndrra e keqe e arratisë dhe të mendojmë se përveç ferrit Shqipëria është edhe vënd që duhet dhe mund të bëhet i jetueshëm. Nga të gjithë ne. Është ai vendi i bukur, i mrekullueshëm që vështirë se mund ta gjejmë dot në mërgim. Është ajo sofra e varfër, ku shtrohet buka e ngrohtë e bujarisë dhe hahet kripa e shijshme e solidaritetit njerëzor, e njerëzve që flasin të njejtën gjuhë e që kanë të njëjtat zakone.
Murtajën e zbrazjes së Shqipërisë duhet ta ndalim.Për këtë duhet të luftojmë të gjithë me çfarë të mundemi dhe si të mundemi me të gjitha forcat krijuese ,fizike dhe mendore.Këtë duhet ta bëj dhe e ka për detyrë ta bëj me shumë forcë dhe frymëzim opozita, që në çdo demokraci është dhe instrumenti i shpresës.Timonieri famëkeq që sot ka tërë pushtetet e grabitura me timonin dhe tepsinë e kastës së tij nëpër duar po e çojnë veten në parajsën e tyre, ndërsa Shqipërinë në ferrin e saj.Opozita e Lulëzim Bashës për fat të keq 8 vjet me radhë bëri balet politikë.Nuk iu dha njerëzve fuqi dhe shpresë. Busulla e saj si misionare që duhej të ishte pati të njëjtin orientim me pushtetin.Lufta e klasve ndaj atyre që nuk ishin në portalet e qeverisjes dhe që mendonin ndryshe nga timonieri e lodhën shumicën dërrmuese të tyre duke e detyruar ta kërkonte mbijetesën jashtë atdheut të tyre.
“E çfarë ka se po ikin – thotë kryeministri ? Kjo është normale në një vend demokrtatik.Fuqinë puntore e sjellim nga Bangladeshi,Afganistani,nga India ….” Dhe fajin ciniku e gjenë jashtë pragut të shtëpisë sonë të përbashkët, që atij i ka rënë në dorë ta qeverisë.
Duhet të shpejtojmë ta ndalim.Ne vërtet u mbijetuam shekujve.Por ky pushtet duket më djallëzor se pushtuesit e huaj historikë që shkretuan disa here trojet tona.Eshtë më djallëzori sepse ka të veshur mirë dhe bukur sipas stilit ekstravagant mantelin e qeverimit shqiptar.Ndërsa projektet e duhura të qevirisjes dhe të prosperitetit të këtij vëndi janë shndërruar në zbrazje nga veriu në jug .
Njeriu dhe kombi janë dy kuptime që plotësojnë njëri-tjetrin. Njeriu përfaqëson të gjitha fuqitë e kombit të vet. Ëndrrat e tij janë ëndrra të kombit dhe shpresat e kombit janë shpresat e tij. Nëse kombi i humb shpresat, i takon njerëzve të vet që t’i dhurojnë ëndrrat dhe shpresat e tyre. Dhe përsëri prej tij të marrin shpresë, sa herë të dëshpërohen. Këtë gjë duhet të bëjmë sot ne shqiptarët për kombin tonë, pavarësisht se mund të duket paradoksale, pavarësisht se mund të duket një sakrificë shumë e madhe për t’u marrë përsipër.
