s p – Page 2375 – Dielli

Duhet një armëpushim brenda opozitarizmit

March 7, 2022 by s p

Ilir Levonja/

Dëmi më i madh që ka vendi sot është çarja e opozitës. Këtë e tregoi edhe pjesëmarrja e ulët në votime me rreth 30% në ato 6 Bashki, ku përjashto Shkodrën të tjerat ishin rrëzuar nga skandalet. Logjikisht duhej të kishte një revansh opozitar por kjo nuk ndodhi. Arsyeja e parë është pikërisht çarja fatale e opozitës, e dyta reforma territoriale dhe e treta largimi i pjesës më vitale nga vendi. Por le të ndalemi tek opozita pasi po shoh që shumë zëra e konsiderojnë këtë garë jo politike, jo si pjesëmarrje për të fituar, pasi qeveria kështu e ashtu, por si një barometër për të kuptuar se cila është opozita reale, Lulzim Basha apo Sali Berisha? Me një fjalë, kush duhet tashmë ta drejtojë opozitarizmin në Shqipëri, Lulzim Basha apo Sali Berisha etj.? Sinqerisht më vjen keq të justifikosh sot humbjen me preteksin se hymë në garë për të zbuluar opozitën reale apo liderin real. Me këto shifra që po shohim, edhe sikur t’i mbledhësh, pra shifrat e PD-ës së Bashës dhe Shtëpisë së Lirisë së Sali Berishës, prapë opozita nuk ka fituar. Përjashto Shkodrën, ku nëse votat e kandidatit të Bashës do i ishin shtuar kandidatit të Berishës, hendeku do ishte i madh. Dhe Shkodra ka arsye, pasi në këto 9 vite qeverisje ka qënë me e denigruara publikisht se çdo metropol tjetër në Shqipëri. Rama ia kërkoi po publikisht të ndryshonte, por ai kurrë nuk ia kërkuar vetes se tij një gjë të tillë. Sot opozitarizmi si fitues, si ai i vendit të tretë, kanë humbur. A është Lulzim Basha një nga shkaktarët. As nuk luan topi që po. Megjithatë nuk mund të themi që u futëm në këto zgjedhje për të zbuluar se kush është lideri real! Shpresoj që brenda kampeve të kenë mbetur nga pesë burra me mend në kokë, siç e themi ne, që t’i kërkojnë qoftë Lulzim Bashës por edhe Sali Berishës, hapjen e krahut. Për Bashën nuk ia vlen të diskutosh më. Nëse do të rrijë një anëtar i thjeshtë, e ka në dorë ai. Sali Berisha bëri një betejë për t’u admiruar, e para për moshën, e dyta për futjen e primareve dhe kolegjialitetit në një forcë politike. Forcat politike në Shqipëri nga ndryshimet kushtetuese të vitit 2008 vdiqën, mori një hov brutal kulti i individit, aq sa sot socialisti e shikon Edi Ramën si klasa punëtore dikur Enver Hoxhën. Kështu edhe demokratët Sali Berishën apo ata mendjembushurit në sektorin e tretë, Lulzim Bashën. Duhet një hapje krahu frontale, një qilizëm intelektual se zgjedhjet e vitit që vjen janë në prag. Një ide e kam ofruar edhe unë, më i votuari a më të votuarit, i, e, 25 prillit të vitit 2021, pra zgjedhjeve të fundit, sidomos ata që thyen edhe herësin, të jenë kontigjenti nga ku duhet të dali lidershipi i ri. Dhe më kryesorja, jo më aleanca bizarre me kryetarë partish që kanë si anëtarë vetëm veten. Vendi ka nevojë për një epokë të re si ajo viteve 90-të. Mjaft i dhatë mandate dikujt vetëm pse flet bukur studiove. Madje nëse kanë mbetur edhe aty me pesë pare mend në kokë, nuk kanë pse rrinë deputet asnjanjës me votat e demokratëve të braktisur. Keni kampionin Fatmir Mediu përshembull. Ata 30% që kanë votuar janë me kuota të larta nga e majta. Këtu duhet kërkuar dështimi. Sali Berisha për sa bëri bravo i qoftë, duhet ta vazhdoj betejën e tij jo për veten, por për demokratët. Eshtë historia e tyre dhe suksesi i tyre. Arsyeja që Basha është sot sektori i tretë, është pikërisht kundërvënia karshi historisë së demokratëve. Sali Berishën e quajnë kriminel ajo shtresë sociale që quan normale vrasjet, internimet, persekutimet, varret e humbura të një shpure të tërë shqiptarësh nga Enver Hoxha, kësaj aradhe, iu shtua sot edhe Basha me shpurën e tij. Pra kjo është kundërvënia karshi historisë. Ka ardhur koha e rrotacioneve, e ndjesës, e hapjes së krahut. Ndryshe Shqipëria po pason sektorin e Lindjes nga ku me mjetet e demokracisë po prodhojnë gjoja liderë të fortë. Në fakt po prodhojnë ca mini statuja nga Stalini deri tek Enver Hoxha. Faktet i keni të gjallë. Lindja është në një luftë të pashpresë, deri sa avionë e tanke luftarakë shkelin civilët në rrugën e madhe. Shkurt është koha për një armëpushim të madh brenda opozitarizmit.

DITËT QË BASHKOJNË MIQTË

March 7, 2022 by s p

Nga Ramazan Çeka/

Çaste të paharruara nga Jubileu i dhjetë i “Ditës së Miqësisë së Gazetarëve”

S’ka si të ndodhë më bukur se kaq, kur gjendesh mes gazetarësh profesionistë për dy ditë rradhazi, mbështjellur me petkun e ngrohtësisë së miqësisë së ndërsjelltë të kolegëve. Do ta quaja jo vetëm një takim pune frytdhënëse, ku secili prej nesh shkëmben eksperiencën e tij, por edhe një takim vëllazëror mes kolegësh nga Shqipëria e Kosova, me të cilët miqësia merr kuptim akoma më shumë, sepse ka një mision të përbashkët e të shenjtë: qënien gardjanë e përçues të fjalës së lirë dhe të medias së pavarur.

Në “Ditët e Miqësisë”, organizuar në Republikën e Kosovës, ishin të përfshira brënda harkut kohor dy ditor, një mori aktivitesh të mirëorganizuara nga Unioni i Gazetarëve të Shqipërisë, të inicuara nga Unioni i Degës së Elbasanit dhe Ress Egnatia përfshirë këtu edhe Unionin e Gazetarëve të Kosovës. Të gjitha këto aktivitete, sipas programit, ishin të përqëndruara në qytetet e Prishtinës, të Mitrovicës dhe në Prekazit si destinacionet kryesore të udhëtimit, akomodimit dhe vizitave tona më të rëndësishme.

Ky eveniment i rëndësishëm i UGSH-së ka qarkulluar këto 10 vjet në shumë qarqe të vendit dhe rajonit. Nga Saranda deri në Shkodër, Shkup, Preshevë e Bujanoc ku UGSH-ja ka përcjellur mesazhet e tij të miqësisë dhe të bashkëpunimit mes komunitetit të gazetarëve, i cili si destinacion të jubileut të 10-të kishte zgjedhur të mbahet në Prishtinë dhe Mitrovicë.

Si inciatorë kryesorë kreu i UGSH-së dega Elbasan, Besim Dybeli, Shoqata Ress Egnatia e drejtuar nga Xhimi Vila dhe kryetari i Unionit të Gazetarëve Shqiptarë Aleksandër Çipa, u vlerësuan si “truri dhe vula” e këtij aktiviteti të rëndësishëm të UGSH në këtë jubile të 10-të të miqësisë dhe bashkëpunimit. Duke dashur që “Dita e Miqësisë” të prekte çdo cep teritorial të trungut etnik, organizatorët janë kujdesur vit pas viti që përgjatë gjithë kësaj dekade, ky aktivitet të zhvendosej në qytetet më të rëndësishme të Shqipërisë, të Malit të Zi, Maqedonisë së Veriut, në Shkup, në Preshevë e Bujanoc ku vitin e kaluar u mblodhën së bashku më shumë se 100 gazetarë shqiptarë. Ndërsa këtë vit në përvjetorin e 14-të Pavarësisë së Kosovës ky aktivitet u zhvillua në Prishtinë e Mitrovicë me pikësynimin tematik pasqyrimin e realitetit aktual të këtij shteti në marrëdhënie me “Ditën e Miqësisë”.

Ndërkaq, falë kontributit dhe këmbënguljes së kryetarit të UGSH-së Aleksandër Çipa, kryetarit të UGSH-së në Elbasan Besim Dybelit si dhe Xhim Vilës, kryetar i Shoqatës “Ress Egnatia”, pjesë e këti eventi u bënë edhe gazetarët nga Lugina e Preshevës. Kontribut të veçantë solli edhe gazetari Valon Gashi, krytar UGLP-së, i cili arriti të ndërtojë urën lidhëse mes Luginës dhe Shqipërisë në bashkëpunim me Nexhat Behlulin, presidentin e kompanisë mediale “Spektri”.

Ndër aktivitetet kryesore gjatë këtij aktiviteti dy ditor spikatën: -Pritja nga autoritete zyrtare të Republikës së Kosovës. -Përurimi i librit “Hotel Bejruti”, botim i UGSH të gazetarit të mirënjohur dhe reporterit të luftës Nehat Islami. -Tryeza me temë “Skenat mediatike në kërkim të një tregu mediatik”. -Ndarja e çmimeve nga organizatorët, ku mund të veçoj Sejmen Gjokolin nga Vlora, i cili prej disa dekadash është një veprimtar i shquar i kulturës kombëtare, duke krijuar modelin e veçantë të reportazhistit kulturor dhe mikut të gazetarëve ndërkombëtarë në mediat kulturologjike. Botime të shumta në formate dhe zhanre të ndryshme të gazetarisë kulturore, e evidentojnë Sejmen Gjokolin si një ndër më aktivët e kësaj fushe në krejt hapsirën shqiptare.

Gjithashtu në këtë shkrim dua të veçoj edhe z.Bahri Cani, reporter dhe moderator i njohur i radiotelevizionit dhe për një periudhë shumëvjeçare gazetar i Deutsche Welle në shqip. Me punën dhe raportimin e vet shumëvjeçar ka ndikuar mbi audiencat shqipfolëse dhe ia ka dalë të investojë në krijimin e profilit të gazetarit profesionist, të besueshëm dhe solidar. Kontributi për gazetari cilësore dhe aktivizimi i tij në rrjetin e reporterëve ndërkombëtarë, janë përfaqësim dinjitoz i gazetarit shqiptar në tërësi.

Mrekullia e kësaj veprimtarie ishte edhe prezantimi i përkryer nga gazetarja dhe moderatorja simpatike Alketa Gashi Fazliu, që me aftësitë e saj brilante, me buzqeshjen e saj të bukur dhe të sinqertë, me finesën e saj, me profesionalizmin dhe improvizimet që ajo krijoi në mënyrën më të përkryer, i dha larmi këtij evenimenti, duke na dhuruar kënaqësi dhe emocione të jashtzakonshme.

Të nesërmen u organizua një takim në Mitrovicë në ambjentet e radio-televizionit të drejtuar nga Nexhmedin Spahiu, ku morëm një sërë informatash para luftës, gjatë luftës dhe pas luftës, për ndarjen e Mitrovicës në Veri e Jug etj. Më pas vizituam shtëpinë muze të Xhafer Devës, duke vijuar me vizitën në Prekaz në Kullën e familjes heroike Jashari.

Ajo që i dha më shumë kuptim miqësisë sonë ishte dreka bujare e vëllazërore e shtruar nga drejtori i televizionit të Mitrovicës z. Nexhmedin Spahiu, një drekë në nderim të miqve e përcjellur me atmosferë, muzikë dhe diskutime, të cilat farkëtuan me shumë dinjitet miqësinë tonë të ndërsjelltë.

Lidhur me këto ditë të veçanta të Miqësisë, gjej rastin të falenderoj kryetarin e Unionit të Gazetarëve dega Shkodër z. Gaspër Marku për mundësinë dhe veçantinë që i dha pjesmarrjes time në këtë aktivitet mbarë kombëtar. Po kështu i shpreh mirnjohje tejet të sinqerta kryetarit të UGSh z. Aleksandër Çipa për organizimin e këtyre aktiviteteve të jashtëzakonshme, të cilët na lidhën në miqësi reciproke me kolegët tanë nga të gjitha trojet tona etnike. Suksese të gjithë gazetarëve shqiptarë kudo ku e zhvillojnë aktivitetin e tyre dhe mirë u takofshim në të tjera aktivitete të tilla frytdhënëse.

Presidentja Osmani: Ajo çfarë po përjeton populli i Ukrainës si gjenocidi i Serbisë ndaj qytetarëve të Kosovës në vitet ’90

March 7, 2022 by s p

Presidentja e Republikës së Kosovës, Vjosa Osmani – Sadriu, ka marrë pjesë në tubimin dhe marshin solidarizues me Ukrainën, që është organizuar sot në Prishtinë nga organizatat e shoqërisë civile. Presidentja Osmani ka falënderuar të gjithë për prezencën, por mbi të gjitha organizatat e shoqërisë civile për këtë organizim, që sipas saj, edhe një herë e dëshmon se Kosova qëndron fuqishëm me popullin e Ukrainës, siç ka qëndruar përgjatë gjithë historisë me popujt liridashës anekënd botës.
“Natyrisht, se ajo çfarë po përjeton populli i Ukrainës në këto momente na rikthen kujtimet e plagëve të rënda që janë shkaktuar mbi secilin qytetarë të Kosovës gjatë viteve të ’90 nga regjimi gjenocidal i Serbisë. Prandaj, edhe i jemi bashkuar botës demokratike, i jemi bashkuar aleatëve tanë jo vetëm për ta dënuar agresionin rus mbi Ukrainën, por në të njëjtën kohë për të kërkuar përgjegjësi për krimet që po i kryen krimineli i luftës, diktatori Putin. Do të qëndrojmë të bashkuar, do të bashkojmë zërin dhe veprimet tona sikurse edhe deri më tani, dhe jam e bindur që sikurse në rastin e Kosovës në vitin ’99, edhe tani në Ukrainë në vitin 2022 do të triumfojë liria dhe demokracia”, ka theksuar Presidentja Osmani. Sipas Presidentes Osmani, Kosova me të gjitha kapacitetet e saj është e gatshme të pres refugjatë nga Ukraina.
“Që nga dita e parë e agresionit të Rusisë në Ukrainë e kemi iniciuar këtë çështje me institucionet relevante. Tashmë ju e dini që është miratuar edhe një rezolutë e Kuvendit të Kosovës, dhe institucionet tona kanë treguar gatishmëri që të gjitha ato kapacitete që i kemi dhe që janë ndërtuar në ndërkohë për pritjen e refugjatëve nga Ukraina t’i shfrytëzojmë. Në të njëjtën kohë, natyrisht që këtë ia kemi bërë të ditur edhe shteteve të cilat tani kanë më shumë refugjatë, por edhe shteteve tjera aleate. Për më tepër Kosova, ka treguar gatishmëri që t’i jap mbështetje dhe mikpritje edhe gazetarëve nga Ukraina, në mënyrë që ata jo vetëm të vendosen në Kosovë, por edhe të vazhdojnë ta kryejnë punën e gazetarisë dhe raportimit këtu nga një vend i sigurt, pra nga Republika e Kosovës. Gjithçka që është në dorën tonë e kemi bërë dhe do të vazhdojmë të bëjmë edhe më tutje brenda kapaciteteve që një shtet i vogël si Kosova i ka. Por, të jemi të qartë se është me rëndësi që zëri ynë të dëgjohet në çdo kënd të botës se çfarë ndodhë kur diktatorët ledhatohen dhe se sa e nevojshme është ndihma e aleatëve tanë perëndimor dhe shteteve të tjera paqedashëse në raport me popullin e Ukrainës që tani po bombardohen nga ana e Rusisë”, ka theksuar Presidentja Osmani. E para e vendit, po ashtu ka bërë të ditur se si institucione kanë komunikuar me ambasadat e Ukrainës anekënd botës, sidomos në shtetet ku edhe Kosova ka ambasada. “Ne natyrisht që kemi komunikuar me ambasadat e Ukrainës anekënd botës, sidomos në shtetet ku edhe Kosova ka ambasada. Kemi dërguar mesazhet tona edhe të institucionet qendrore të Ukrainës. Natyrisht, që ata janë të vetëdijshëm për të gjitha masat që i ka ndërmarrë Republika e Kosovës në përkrahje të popullit të Ukrainës, si dhe të sovranitetit dhe integritetit territorial të këtij shteti. Po ashtu, janë të vetëdijshëm se cili është shteti në rajonin tonë, i cili po vazhdon të qëndrojë përkrah Putinit dhe Rusisë, dhe natyrisht ajo është Serbia”, ka thënë Presidentja Osmani.

“NEVER FORGET” -THE SERBIAN GENOCIDE ON ALBANIANS 1844-1999

March 7, 2022 by s p

MSc. Agim Alickaj/

Pocket book by Prof. Dr. Nusret Pllana and MSc. Agim Alickaj

This recently published book is dedicated to the commemoration of glorious Epopee of the Kosova Liberation Army and the remembrance of hero and legendary Commander AdemJashari and his family for their relentless fight for freedom of Kosova and the entire Albanian nation. The sacrifice ofthe Jashari family and other freedom fighters proved once again, that freedom is more precious than life and that the Albanian people will never submit to Serbian barbarians. Their bravery, resistance and sacrifice erupted the inexhaustible volcano of freedom, the flames of which engulfed the wild Serbian beast uprooting it forever from Kosova.

Summarized in about 45 pagesin a pocketbook format, the book titled “Never Forget”, provides an abridged glimpse into important details, data, photographic evidence and information of Serbian genocide against the Albanian civilianpopulation (including women and children) over centuries.

The main goal of this quick guide is to counter the lies, misinformation and fabrications of the Serbian deceptive Putin-like propaganda quickly and effectively. Toefficiently broadcast this important information to Western democracies, to influence the conscience of domestic and international politicians and diplomats as to not forget the crimes of Serbian terrorists and remind them not to bargain with Albanian lands and the statehood of the Republic of Kosova.

The saying “Never again”, which is associated with the Holocaust and other world genocides, was uttered as a pledge to make sure that all those that have suffered these horrific atrocities would not occur in the world. Unfortunately, that did not come to be. It was shatteredin Europe; in Kosova and the former Yugoslavia by the criminal dictator Milosevic in the end of 20th century; and today is now being broken in Ukraine by Russian criminal dictator Vladimir Putin.

Russia has been and still is the greatest enemy of the Albanian nation and the entire democratic world. Serbia is its satellite. The similarity between Kosova and Ukraine is the occupation by dark hegemonic forces and the struggle for freedom of the attacked and oppressed peoples. A major difference is that the Serbian terrorist army committed its crimes in such a cruel fashion, with hate and pleasure, and with unprecedented tortures and massacres of the civilian population, including women and children. In Kosova, the aim was the total annihilation of the Albanian people and the grabbing of their lands, while in Ukraine, the aim is only the subjugation and annexation of the state.

Russia must and will lose this unjustified war. Fascistic Serbia will sink with them.

The book “Never forget” documents everything, simply and concisely. Its distribution started by being available to the interested deputies in the solemn meeting of the Kosova Parliament dedicated to the KLA Epopee.This also includes the government and other officials of Kosova, Albania and other ethnic Territories in the Balkans, various institutions and representatives of Europe and America, foreign embassies in Kosova, our embassies around the world and other important factors inside and outside the country. Prof. Dr. NusretPllana has successfully started its promotion in Italy.

This pocketbook has the potential to become a powerful tool in the hands of Kosova representatives in confrontation with Serbia, especially those who participate in dialogue.

Serbian atrocities will never be forgotten and cannot be forgiven by anyone. The Serbian criminals who caused these tragedies must be brought to justice. Serbia was bombed and expelled from Kosova to stop the genocide but was not convicted and did not apologize.

The time has come for one of the main Russian supporters, Serbia, to be isolated, denazifiedand forced to choose between the darkness of the East and the light of the West. Kosovashould urgently be allowed to join NATO, recognized by the remaining five European countries and the process of integration into the European Union should start immediately.

The creation of the Security Fund by the Government of the Republic of Kosovo is more than appropriate. It must be supported and strengthened permanently, regardless of the state budget or NATO accession. The opponents of thisfund can only be the cowards, the brash, the jealous, the angry, the sold souls, the traitors and the enemies of Kosova and the entire Albanian nation.

Freedom, independence, territorial integrity and sovereignty of the Republic of Kosova are sacred and the only guarantee that the Serbian genocide against Albanian people will never happen again.

MSc. AgimAliçkaj

Prelud i luftes ne Ukraine

March 7, 2022 by s p

Jani Gjoni/

Une nuk besoja se Rusia do te sulmonte Ukrainen megjithese presidenti i SHBA po deklaronte se sulmi do te fillonte ne 48 ore e me pas ne 24 ore, nderkohe qe Putin e mohonte kete ne menyre kategorike dhe publikisht.

Po perse une nuk e besoja?

Do te mundohem te permbledh arsyet te cilat me cuan ne ate konkluzion.

. Rusia i kshte kapacitetet ushtarake per te realizuar nje sulm ushtarak me sukses ne Ukraine.

. Kercenimi i Putinit per nderhyrje me force ne Ukraine me dukej si forma me e larte e presionit nderkombetar per te perfituar maksimalisht ne kerkesat qe parashtroi.

. Ekonomikisht Rusia nuk eshte ne gjendje te perballoje nje lufte te gjate edhe sikur te mos kete embargo nderkombetare. Ajo nuk eshte nje shtet i zhvilluar, eshte thjesht nje gas station.

. Financiarisht Rusia e ka te pamundur perballimin e kostove qe krijohen nga lufta. Ajo financiohet vetem nga shitja e produkteve natyrale te pa perpunuara.

. Politikisht nuk perfiton asgje me nderyhrje ushtarake ne mes te Evropes. Asnje lloj mbeshtetje nga askush dhe asnje simpati pervec popullit serb.

. Globalisht Rusia nuk ka aleanca te qendrueshme me shtete te konsoliduara ekonomikisht e ushtarakisht pervec Kines qe kerkon te perfitoje nga cdo konflikt ne Evrope apo kudo tjeter ne bote.

. Historikisht, te dyja palet ne konflikt humbasin, pushtimet gjithnje kane qene te perkohshme panevaresisht nga suksesi ne lufte. E pamundur te mbash nje shtet apo komb nen thunder pergjithmone.

Kjo ishte linja e te menduarit perpara fillimit te veprimeve ushtarake nga ana e Rusise. Ndonjehere me ngacmonte llogjika se perendimi e donte kete ingranim te Rusise ne Ukraine. Me poshte do te shpreh ndonje ide se perse me dukej edhe keshtu. Pra, nuk shikoja arsye thelbesore per te filluar nje lufte, ndoshta arsyetimet e shumta dhe te thella te cojne larg realitetit per te dalluar pretekset nga arsyet e verteta, ato jane gjithnje feminore ne pamje sepse behen per propogande. Nderkohe, lufta ka filluar dhe analizat fillojne me perplasjet e ideve e mendimeve per te zbuluar te verteten.

Fillimi i agresionit Rus ne Ukraine.

Opinioni i pergjithshem ne media dhe nga shume specialiste politik e ushtarak ishte se forcat ruse do te pushtonin Kievin dhe qytetet kryesore me nje lufte rrufe brenda 24 – 48 oreve.

Nuk ndodhi dhe akoma sot pas 12 ditesh nuk ka ndodhur. Perse?

Le te bejme nje parashtrim para se te japim arsyet qe kane ndikuar ne mos realizimin e objektivave ushtarake.

Deri me sot po shikojme forcat ruse duke u perballur me popullsine civile, me shkaterrimin e ndertesave rrugeve, e objekteve te tjera ne qytete. Natyrshem vjen pyetja “kjo eshte lufta?”, po c’eshte lufta?

Eshte lufte ? Le te arsyetojme mbi faktet.

Putini dekelaroi se eshte “Operacion Special Ushtarak” me dy objektiva startegjik:

“denazifikimin e shoqerise ukrainase dhe demilitarizimin e vendit” me vone ato u ndryshuan dhe vazhdojne te ndryshojne. Sot Putin kerkon:njohjen e Krimese, te dy republikave te reja dhe neutralitetin e Ukraines (kurre te mos hyje ne NATO).

Generali Prussian Carl von Clausewitz na meson se: ”Lufta eshte nje akt force per te detyruar amikun ti nenshtrohet kerkesave tona” dhe “Lufta eshte vazhdimi i politikes me mjete te tjera”

Duke analizuar me arsyetimin e Clausewitz shohim se eshte Lufte.

Po perse eshte termi “Special” (Operacion Special Ushtarak)?

Mendoj se eshte bere me qellimin per te maskuar luften e hapur per pushtimin e Ukraines si dhe te parandalonte kryengritjen popullore deri ne arritjen e objektivave ushtarake. Pra me pak fjale, nuk kemi problem me popullin ukrainas, por vetem me nazistet (duke revokuar sentimentet e Luftes se Dyte Boterore, ku te dy popujt luftuan sebashku) dhe me regjimin e droguar e degjeneruar qe po shkaterron jo vetem ruste ne Ukraine por te gjithe popullin. “Ne jemi clirimtaret!”

Psikologjikisht eshte perpunuar me kujdes por nuk funksionoi. Perse?

Ky “Operacion Special Ushtarak” u mendua te imitonte veprimin e ushtrise amerikane ne Irak, Afganistan, Siri me nderhyrje kirurgjikale dhe pa shume collateral. Perse deshtuan? Per kete duhet te bejme nje analize me gjykime ushtarake.

Shume ushtarake te larte nga vende te ndryshme kane dhene mendimet e tyre rreth luftes ne Ukraine. Une po mundohem te bej nje permbledhje pa reference duke perfshire edhe mendimin tim per kete konflikt.

. Generalship, ose kendveshtrimi politiko ushtark me i larte ne Rusi nuk ishte ne nivelin e reliteteve te kohes.

Ne rrafshin startegjik:

-Drejtuesit e larte ushtarak perfaqesojne doktrinen ushtarake te luftes se ftohte me perplasje klasike forcash ne fushebeteje.

-Inteligjenca Ruse u bazua ne informacione te gabuara dhe jo realiste.

-Nuk planifikuan luften mediatike ose deshtuan plotesisht ne ate qe ndertuan per te fituar zemrat e njerezve, te opinionit te gjere. E kunderta u vertetua “urrejtja” per Rusine.

-Drejtimi dhe komandimi nuk arriti kordinimin e nevojshem te forcave ne veprime luftarake. Ato ngelen pa lidhje, te shperndara dhe pa kohezion.

-Nuk rrealizuan “gravitetin” ne perqendrimin e forcave por is shperndane ne 4-5 drejtime te dryshme.

-Planizim i dobet llogjistik, mungesa ne furnizime me karburant, ushqime, armatim etj.

-Nuk realizuan “air supremacy” kontrollin e hapesires ajrore.

Ne rrafshin Operacional dhe Taktik:

-Planizim shume i dobet me formacione te ngurta, pa hapesira dhe objektiva konkrete.

-Kollona te stergjatura e te trasha ne gjithe gjeresine e rruges qe nuk krijon asnje mundesi manovrimi te forcave ne veprime luftarake.

-Pergatitja dhe Trajnimi i dobet i forcave perpara se te hynin ne veprime luftarake. Afersisht 75% e tyre eshte rekrute, jo profesioniste.

-Mungesa e moralit dhe inspirimit te tyre.

Dy jane elementet mbi te cilat ushtria Ruse mbeshtetet (fuqia e madhe e Zjarrit dhe Manovra te shpejta me mjete te mekanizuara e tanke). Te dyja keto nuk u shfrytzuan sepse ruset prisnin perballjen me formacionet e ushtrise ukrainase, por u detyruan te ballafaqohen me luften urbane qe konsiderohet si “lufte me intesitet te ulet”.

Planifikimi i ushtrise ukrainase synoi te terhiqte forcat ruse ne perplasje me popullin ukrainas qe te realizonte kryengritjen popullore, unitetin kombetar dhe urrejtjen ndaj agresorit qe e realizuan me shume sukses. Gje qe nuk ishte parashikuar nga shtabi i forcave ruse.

Lidershipi ushtarak Ukrainas u tregua is suksesshem si ne planin startegjik edhe ne ate operacional e taktik.

Udheheqesit politik te Ukraines u treguan teper aktiv, si ne planin nderkombetar per te krijuar perkrahjen e nevojshme edhe ne ate te brendshem per forcimin e unitetit kombetar dhe formimin e moralit te larte. Komunikimi live virtual pati nje impact te larte simpatizues dhe inspirues duke fituar luften per opinionin publik. Kjo fitore ka ndikuar edhe ne opinionin public rus, protestat kunder luftes ne Rusi po rriten nga dita ne dite megjithese nuk eshte ne nivelin kritik. Ai do te arrije atje pasi arkivolet me ushtaret e vrare te zgjojne shpirtin dhe mendjet e trazuara nga propoanda shteterore.

E fundit qe do doja te debatojme eshte Elita Ruse! Cilat jane Opsionet e saj?

Historikisht Elita Ruse ka qene ne anen e gubernes, asnjehere ne anen e popullit. Perse?

Sepse aje eshte krijuar nga vete qeveria me korrupsion e padrejtesi. Kjo eshte oligarkia e sotme “Elita Ruse”. Ajo nuk eshte e panvarur e meritokratike prandaj eshte e detyruar te mbeshtese Putinin dhe rregjimin e tij ne Rusi. Rusia nuk eshte demokraci panvaresisht se bejne zgjedhje, ato jane farse.

Vetem Demokracia ofron premisat, kushtet dhe mundesite per ndertimin e nje shoqerie te shendetshme, nje shtrese te mesme dhe ate elite kurajoze e dinjitoze qe mund ti kundervihen gubernes ne cdo kohe qe nuk eshte ne linje me interesat publike.

Pytje ne vazhdim:

A eshte ky konflikt fillimi I Luftes se Trete Boterore?
A do pe pershkallezohet ne perdorimin e armeve berthamore?

Jani Gjoni