Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

ISH-PRESIDENTI I SHTETEVE TË BASHKUARA XHIMI KARTER MBUSHI 100-VJET – I PARI PRESIDENT I AMERIKËS QË KA VIZITUAR SHQIPËRINË POST-KOMUNISTE NË SHTATOR, 1993

by

Lidhjet e tij me Shqipërinë dhe Kosovën

Nga Frank Shkreli

A person standing at a podium with a flag Description automatically generated

Me 1 Tetor, 2024, ish-Presidenti i Shteteve të Bashkuara, Jimmy Carter festoi 100-vjetorin e lindjes, duke u bërë këlshtu ish-presidenti i parë i këtij vendi që arrinë këtë moshë.  Zoti Carter ka shërbyer si Presidenti i 39 i Shteteve të Bashkuara — nga vitit 1977-1981 – fitues i Çmimit Nobel për Paqë në vitin 2002, me motivacionin, “Për përpjekjet e tija të palodhura, prej dekadash, për gjetjen e zgjidhjeve paqësore ndaj konflikteve ndërkombëtare, për avancimin e demokracisë dhe të të drejtave të njeriut, si dhe për promovimin e zhvillimeve ekonomike dhe shoqërore”, në botë. 

Në 100-vjetorin e lindjes, Presidenti Carter mori urime nga personalitete nga mbarë bota si dhe, natyrisht, edhe nga Shtetet e Bashkuara. Një ndër ta, Presidenti aktual i këtij vendi, Joe Biden, mik i vjetër i sh-Presidentit Carter, shprehi me këtë rast, admirimin e tij për arrijet dhe për karakterin e 100-vjeçarit Jimmy Carter.  Duke i uruar atij 100-vjetorin e lindjes, Zoti Biden e cilësoi Z. Carter, “një forcë morale e kombit tonë dhe botës.”  Duke venë në dukje mbështetjen e tij, qysh heret, si një senator i ri në kohën ku Carter ishte president i këtij vendi, Joe Biden theksoi në mesazhin e tij, se kjo ishte pikërisht, arsyeja që ai e kishte mbështetur atë gjatë mandatit të tij dhe më vonë. Sepse, “Ju jeni një zë prej guximtari, bindjeje, dhembëshurie , por mbi të gjitha mik i dashur i imi dhe I familjes time…Vizioni juaj shpresëdhenës për vendin tonë, angazhiami juaj për një botë më të mirë dhe besimi juaj i patundur në mirësinë njerëzore, vazhdojnë të jenë një dritë udhëzuese, për gjithë ne”, është shprehur Presidenti Biden në mesazhin e tij, drejtuar ish-Presidentit Carter me rastin e 100-vjetorit të lindjes.Top of Form

Në fushatën e tij për president në vitin 1977, Jimmy Carter ka premtuar ndryshime të mëdha në bërjen e politikës së jashtme të Shteteve të Bashkuara. Ishte koha e komunizmit, kulmi i Luftës së Ftohtë dhe qëllimi i tij ishte një moral i ri të jetë pjesë e zhvillimit të diplomacisë amerikane, në nivel ndërkombëtar — me një përqendrim të theksuar për mbrojtjen dhe promovimin e të Drejtave të Njeriut, anë e mbanë botës.

Lidhjet e tij me Shqipërinë dhe me shqiptarët nuk kanë qenë, ndoshta aq aktive gjatë mandatit tët tij, për shkak të faktit se Shtetet e Bashkuara nuk kishin marrëdhënje diplomatike me regjimin komunist të Enver Hoxhës.  Pasardhësit e tij në Shtëpinë e Bardhë, siç dihet, u angazhuan më vonë, në mbrojtjen dhe promovimin e të drejtave të njeriut për shqiptarët kudo në trojet e tyre në Ballkanin Perëndimor – përfshir ndërhyrjen ushtarake të NATO-s – që përfundoi në çlirimin dhe pavarësinë e Kosovës.  Por, edhe Jimmy Carter – siç ka ndodhur me disa paraardhës të tij dhe sidomos me pasardhës të tjerë të tij, në Shtëpinë e Bardhë gjatë dekadave — ka lenë gjurmët e tija në historinë e marrëdhënieve të Shteteve të Bashkuara të Amerikës me Shqipërinë, por edhe me Kosovën.  Për vet faktin se ish-Presidenti Carter ishte i pari president i Amerikës – ndonëse jo në detyrë — që ka vizituar Shqipërinë.  Ka qenë shtatori i vitit 1993 kur Jimmy Carter ka vizituar për ditë Shqipërinë. S’do mend se subjekti kryesor i bisedimeve të ish-presidentit amerikan me udhëheqsit më të lartë të Shqipërisë së asaj kohe – Presidentin Sali Berisha dhe Kryeministrin Aleksandër Meksi – ishte Kosova dhe konflikti i atëhershëm në ish-Jugosllavi – pjesë e të cilës ishte edhe Kosova në atë kohë.  Sipas një raporti të kohës, nga agjencia e lajmeve United Press International, (UPI) në një konferencë të përbashkët me ish-presidentin e Shqipërisë, Sali Berisha, Presidenti Carter ishte shprehur se ishte e rëndësishme që komuniteti ndërkombëtar të “Demontronte forcën dhe të përdorte të gjitha masat e mundshme për të mënjanuar dhunën.”  Sipas agjencisë së lajmeve UPI, ish-presidenti Carter është shprehur se, “Washingtoni do të ishte kundër çdo agresioni ndaj popullitzbatimin e të tdrejtave të njeriut anë e mbanë botës – do të Kosovës”.  Me atë rast, Jimmy Carter ka premtuar se Fondacioni Carter – një ent ky që mbikqyr zbatimin e të drejtave të njeriut në mbarë botën, do të mbikqyrte situatën në Kosovë. 

Sipas agjencisë së lajmeve UPI, ish-presidenti Carter ka thënë, me atë rast, se Fondacioni i tij, së bashku me Presidentin Ibrahim Rugova, kishin analizuar gjëndjen e rëndë në Kosovë. Gjatë asaj vizite, Jimmy Carter, si presidenti i parë që vizitonte Shqipërinë – është takuar me zyrtarët e lartë të shtetit e të qeverisë dhe me disa anëtarë të opozitës.  Natyrisht se, Jimmy Carter u interesua për gjëndjen e të drejtave të njeriut në Shqipëri dhe kritikoi ashpër monopolin e qeverisë mbi radion e televizionin në vend.

Një lidhje tjetër e ish-presidentit Carter me Shqipërinë dhe shqiptarët, sidomos me komunitetin shqiptaro-amerikan ishte edhe avokati shqiptaro-amerikan i njohur, i ndjeri Bardhyl Tirana, familja e të cilit ishte vendosur në Shtetet e Bashkuara pas Luftës së Dytë Botërore dhe i cili në vitin 1976 ka shërbyer si bashkëkryetar i ceremonisë së inaugurimit të ish-presidentit Jimmy Carter.  Në administratën e Presidentit Carter, Bardhyl Tirana ishte Drejtor i Mbrojtjes Civile në Departamentin e Mbrojtjes, që me rekomandimin e tij sot është një agjenci federale më vete: Agjencia Federale për Menaxhimin e Emergjencave, FEMA, rekomandim dhe sot trashëgimi e shqiptaro-amerikanit, Bardhyl Tiranës.  Falë bashkpunimit dhe përvojës së tij politike gjatë shërbimit të tij në administratën e Jimmy Carter, Bardhyl Tirana i përdori shumë bukur lidhjet e tija me ish-Presidentin Carter ndërsa gjatë viteve më vonë ai u angazhua për çështje që kishin lidhje me Shqipërinë dhe Kosovën dhe kontriboi në një numër organizatash të komunitetit shqiptaro-amerikan ndër të cilat edhe Këshilli Kombëtar Shqiptaro Amerikan (NAAC) për të cilin ofroi rregullisht falas shërbimet e tij ligjore. Më kujtohet kur isha drejtor i Këshillit Kombëtar Shqiptaro-Amerikan Bardhyl Tirana më telefonnte shpesh duke pyetur për nevojat tona dhe duke ofruar ndihmë të llojllojshme, në atë kohë.  

Angazhimi i tij me komunitetin shqiptaro-amerikan dhe komunikimet e mia me Bardhyl Tiranën, zhvilloheshin, më dukej mua, në frymën e politikës së ish-bosit të tij dhe të fjalëve të Presidentit Jimmy Carter: “Pasi ne jemi të lirë, nuk mund të jemi kurrë indiferent ndaj fatit të lirisë kudo tjetër në botë. Sensi ynë moral na detyron qart që të preferojmë ato shoqëri të cilat ndajnë me ne respektin e palëkundshëm për të drejtat indivuale të njeriut.”  Thirrja e ish-presidentit Jimmy Carter pothuaj 50-vjet më parë për zbatimin e një strategjie në mbrojtje të drejtave të njeriut, anë e mbanë botës, është bërë tanimë gur-themeli i politikës së jashtme të Shteteve të Bashkuara — trashëgimi e ish-Presidentit Jimmy Carter që kujtohet edhe sot me respekt në 100-vjetorin e lindjes së tij.

Frank Shkreli

Ish-Presidenti Carter duke folur në Asamblenë e Përgjithëshme të Kombeve të Bashkuara në Nju Jork, me 4 shtator, 1977 – Kritikat e tija ndaj shkeljes së të drejtave të njeriut në vende të ndryshme të botës, shënoi një ndryshim strategjik në politikën e jashtme të Shteteve të Bashkuara. (Jimmy Carter Library)

A collage of people standing next to a plane Description automatically generated

Jimmy Carter dhe Bardhyl Tirana – “Njeriu i Carter-it”, që reformoi Mbrojtjen Civile të Shteteve të Bashkuara

Jimmy Carter Turns 100, The First Former President To Do So

                Presidenti Jimmy Carter në 100-vjetorin e lindjes, (1Tetor, 1924)

Mati Prenushi, martiri që jua bente hallall edhe xhelateve që e pushkatoni

by

Besim Ndregjoni/

Mati Prennushi lindi më 2 tetor 1882 nga prindët Kolë e Drande (Roza) Prennushi, në qytetin e Shkodrës. U pagzue me emrin Paulin[2]. Është i familjes Prennushi, nipi i Don Matisë që vdiq në vitin 1904, vit në të cilin Shugurohet Meshtar i nipi At Matia. Mbas mësimeve të para në vendlindje, ndjeku të mesmen në Kolegjin e Troshanit, ku edhe ju kushtue urdhrit të Shën Françeskut. Vazhdoi edhe dy vjet studime përgatitore për të lartat në Bosnje dhe, në vitin 1904 kryen studimet teologjike në Grac të Austrisë. Ishte njohës i mirë i gjermanishtes, frëngjishtes, serbo-kroatishtes dhe italishtes.

Me datën 4 prill 1904, Shugurohet Meshtar.

“Kur turqit në agoninë e tatpjetës, mendonin aty nga 1905 me djegë Shkodrën, në shenjë hakmarrjëje për përpjekjet që po baheshin me dalë nga zgjedha e robnisë së tyne, njëditë të dielë mbas meshët At Matia, çveshi teshat e meshës, u tha besimtarëve me pritë në oborr pesë minuta. Ai vetë shkoi te qela, doli para Kishës dhe iu drejtue të pranishëmve tue nxjerrë prej xhepit të zhgunit një alltije: -“Kush asht burrë dhe e don me zemër Shkodrën, o sot o kurrë, me ardhë mbas meje, do t’ju prij unë e do të shkojmë me i ndalue dorën hasmitturk, që don me zharitë vëllaznit tonë!

Në vitin 1911, At Matia bashkë me At Buon Gjeçaj janë të dy tek maja e Bratilës përkrah Dedë Gjo Lulit, me Flamurin e Gjergj Kastriotit Skënderbeut të palosun në gjoksin e Tyre.

“Flamuri u ngrit në maje të malit Deçiqit, afër Tuzit. Até e solli në mënyrë të fshehtë nga Shkodra, Françeskani Padre Mati Prennushi, i cili e kishte palosë nën zhgunin e Tij.

At Mati Prennushi asht përballë bishave komuniste, por trimnia dhe guximi i tij janë mbështetë mbi piedestalin historik të Françeskanëve Shqiptar, të lamë me gjak ndër shekuj e që mbi Atë piedestal do të ndërtojnë Monumentin e Lavdishëm dhe të Përjetshëm, ku çdo Frat me litarin e Tij u lidh me binomin “Fé e Atdhé” për të cilin Ata dhanë jetën “si me lé”

Në fjalën e fundit, me datën 11 Mars 1948, në ora 5.00 në Zallin e Kirit, pranë Rëmajt, me dok. Nr. Regj. 67, në praninë e gjykatsit Kap. I Misto Bllaci, para ekzekutimit, At Mati Kol Prennushi tha : “Jam i pafajshëm, po vdes në krye të detyrës s’eme. Rrnoftë Krishti Mbret, Rrrnoftë Papa, Rrrnofshin Katolikët, Rrnoftë Shqipnia! U baj hallallë gjyqit dhe ato që do të shtijnë mbi trupat tonë të pafajshëm !”

Ky është Mati Prenushi martiri që u a bënte hallall xhelatëve që e pushkatonin. Shqipëria lëngon nga “heshtja “ dhe bombat ideologjike që vranë meshtarin liridashlsin, besimtarin, flamurtarin, dhe atdhetarin që deshte Shqipërinë më shumë se jetën e tijë!

Kush e fitoi debatin e zëvendëspresidencial, Vance-Walz?

by

Nga Rafael Floqi 

Debati i zëvendëspresidencial i së martës mbrëma ishte një debat civil, relativisht i përmbajtur në lidhje me çështjet me të cilat përballen votuesit amerikanë gjatë fushatës zgjedhore të vitit 2024. 

Kjo e bëri atë ndryshe nga dy debatet presidenciale që u zhvilluan në fillim të këtij viti. Kishte momente kur JD Vance, kandidati republikan, u përplas me atë që ai ishte një kontroll i padrejtë i fakteve nga dy moderatoret e CBS, dhe në një moment mikrofonat e të dy kandidatëve u mbyllën përkohësisht. 

Por në pjesën më të madhe, shkëmbimet mes të dyve – dhe mes kandidatëve dhe moderatorëve – ishin civile. Në fakt, madje ka pasur raste kur të dy kandidatët ranë dakord – dhe thanë kështu.

“Ka shumë të përbashkëta këtu,” tha demokrati Tim Walz në fund të mbrëmjes. Kur tema u kthye në strehimin e përballueshëm, bashkëmoderatorja Nora O’Donnell vuri në dukje se të dy kandidatët dukej se kujdeseshin fort për këtë çështje. Dhe kur Walz, duke mbështetur Kamala Harris, foli se djali 17-vjeçar i tij ishte dëshmitar i të shtënave në një qendër komunitare, Vance dukej vërtet i shqetësuar. 

“Më vjen keq për këtë dhe shpresoj se ai të jetë mirë”, tha Vance. “Krisht ki mëshirë, është e tmerrshme.” 

Një debat i zbutur, me pak goditje të natyrës politike, ndoshta i shërbeu më së miri Vance në fund, pasi i dha atij hapësirë ​​për të mbrojtur kandidatin e tij, Donald Trump, dhe për të zbutur disa nga skajet më të ashpra të ish-presidentit.

“Diçka që bëjnë këta demokratët është të paraqesin shumë pretendime se nëse çdo të ndodhë kur Donald Trump të bëhet president, të gjitha këto gjëra të tmerrshme do të bëhen realitet,” tha ai. “Por ai e bëri punën e tij, dhe qeverisi herën e parë në një mënyrë dypartiake”.

Nëse Vance u zgjodh sepse ai vuri pak mish ideologjik në kockat e populizmit konservator të Trump, të mërkurën mbrëma Vance iu paraqisi gjithashtu atyre një fytyrë me pamje të përulur.

Ishin një 90 minuta relativisht civile diskutimi mbi emigracionin, ekonominë, abortin dhe çështje të tjera, ndërsa kandidatët për zëvendëspresidentë ai republikan JD Vance dhe demokrat Tim Walz u takuan për herë të parë dhe të vetme në skenën e debatit.

Ja disa nga momentet më të paharrueshme të natës.

Emigracioni u shfaq shumë, pasi Vance shpesh sillte pyetje në dukje të palidhura me çështjen e kufirit, e parë si një pikë e dobët për demokratët. Mikrofoni i tij përfundimisht ishte i heshtur ndërsa ai fliste mbi moderatorët gjatë një kontrolli faktesh.

Pyetja e parë që iu bë kandidatëve ishte një temë që peshonte shumë në mendjet e shumë amerikanëve të martën: konflikti në rritje në Lindjen e Mesme.

Një çështje kryesore për votuesit në zgjedhjet e vitit 2024 ndezi një nga debatet më të gjata dhe më të nxehta të natës: të drejtat e abortit. Vance u tha moderatorëve se ai mendon se çështja duhet t’u lihej shteteve individuale, ndërsa Walz tha se e drejta federale për abortin duhet të rivendoset.

Nata e pyetjeve i detyroi të dy kandidatët të adresojnë polemika mbi pretendimet që kanë bërë në të kaluarën. Walz u pyet në lidhje me deklaratat e mëparshme se ai ishte në Hong Kong kur ndodhi masakra në sheshin Tiananmen në Pekin në qershor 1989. Dhe guvernatori i Minesotës pranoi se ai “ka folur gabim” për kohën e udhëtimeve të tij. Vance u pyet për sulmet e tij të mëparshme ndaj Trumpit. Dhe senatori i Ohajos tha se kishte gabuar në lidhje me kritikat e tij të mëparshme duke e krahasuar Trumpin me Hitlerin.

Mençuria konvencionale që shpesh del në pah kur diskutojmë për kandidatët zvpresidencialë është : “Mos bëni dëm”. Është ideja që ju nuk dëshironi që zgjedhja e një fushate për zëvendëspresidentët të krijojë tituj lajmesh, të bëhet temë bisede ose të dëmtojë pjesën e sipërme të tiketës.

Ky debat ishte një provë e madhe për Vance dhe Walz – dhe një mundësi e madhe për të për të dëmtuar potencialisht fushatat e tyre përkatëse.

Përveç shkëmbimit të diskutueshëm rreth sulmit në Kapitol, debati shfaqi më shumë momente të ndjenjës pozitive mëtij shumë sesa mund të pritej. Walz tha se “i kishte shijuar debati i sonte dhe mendoj se kishte shumë të përbashkëta këtu” përpara se të vinte në dukje se atij “i vjen keq që kishte folur gabimisht për gjërat dhe mendoj se mund të kem me senatorin”.

“Edhe unë, po ashtu,” u përgjigj Vance

Por, me përfundimin e debatit tani, unë do të argumentoja se të dy ia kanë dalë mirë – që do të thotë se ata e kanë goditur atë pikë, nuk kanë bërë asnjë dëm dhe me gjasë i kanë bërë shefat e tyre të lumtur. Por sidoqoftë Vance mbrëmë fitoi …

Presidentja Osmani takoi presidentin e Republikës Federale të Gjermanisë, Frank-Walter Steinmeier

by

Presidentja e Republikës së Kosovës, Vjosa Osmani, në ditën e dytë të vizitës së punës në Gjermani ka takuar presidentin e Republikës Federale të Gjermanisë, Frank-Walter Steinmeier.


Diskutimet u fokusuan në thellimin e marrëdhënieve dypalëshe, zhvillimet aktuale në Kosovë dhe në Ballkanin Perëndimor si dhe avancimin e integrimit të Kosovës në organizatat ndërkombëtare.


Presidentja Osmani shprehu vlerësimin e thellë për mbështetjen e Gjermanisë për Kosovën në procesin e lirisë dhe shtetndërtimit, por edhe në rrugën euroatlantike.


“Kosova dhe Gjermania kanë një partneritet të fortë dhe të qëndrueshëm të bazuar në vlerat e përbashkëta të demokracisë, paqes dhe progresit. Gjermania është aleate strategjike në rrugëtimin e Kosovës drejt fuqizimit dhe integrimit ndërkombëtar, ndaj presim që ta forcojmë edhe më tej këtë partneritet në vitet në vijim”, ka theksuar Presidentja Osmani.


Procesin e Berlinit, Presidentja Osmani e ka cilësuar shtysë e fuqishme për perspektivën evropiane të Ballkanit Perëndimor.


Në këtë kontekst, Presidentja Osmani ka ritheksuar mbështetjen e plotë për marrëveshjet e dala nga ky proces.


Në takim me presidentin  Steinmeier, Presidentja Osmani ndër të tjera ka potencuar rolin dhe kontributin e mërgatës shqiptare në Gjermani, e cila është urë e fuqishme për raportet ndërmjet dy shteteve.


Të dy presidentët diskutuan gjithashtu dhe potencialin për zgjerimin e bashkëpunimit në fusha të interesit të dyanshëm.

Poetët për ndryshimin…

by

Kozeta Zavalani/

Në mbyllje të shtatorit, një grup krijues; poetë e artistë nga Tirana e durrësi u bashkuan më 28 shtator 2024, ora 11.00 deri 13.00 në Kafen Rosa Blu në G-Kam Tower, Tirana, Albania, si çdo vit të shtunën e fundit të shtatorit në eventin mbarëbotëror “100 mijë Poetët për Ndryshim” ku deklamuam nga një poezi, për të ndryshuar sado pak fenomenet negative të shoqërisë, për të ardhmen më të mirë të fëmijve tanë, nën motion -Të mos heshtim!

Ashtu si thotë Shenjtore Nënë Tereza – Ne nuk mund të bejmë gjëra të medha, por mund të bëjmë punë të vogla me dashuri të madhe – E tillë ishte edhe veprimtaria jonë. Ka mjaft veprime konkrete që të gjithë mund të bëjmë për të filluar ndryshimin.
Ngritja e vetëdijes për format e ndryshme të dhunës ndaj grave dhe dhunës në familje është element i rëndësishëm sepse vetëdija e rritur është hapi i parë drejt ndryshimeve të qëndrimeve dhe sjelljeve që nxisin ose lejojnë forma të ndryshme të dhunës ndaj grave, etj.
Veprimtari e tillë e iniciuar nga Michael Rorhenberg zhvillohet jo vetëm në Shtetet e Bashkuara të Amerikës, por në të gjithë botën në një demonstrim / festim të poezisë për të promovuar ndryshime serioze sociale, mjedisore ose politike… ?

Ky është viti ynë i 14-të!
“Çfarë ndryshimesh po flasim?”

Rendi i parë i ndryshimit është që poetët, shkrimtarët, artistët, çdokush, të bashkohen së bashku për të krijuar dhe kryer, edukuar dhe demonstruar, në të njëjtën kohë, me komunitetet e tjera anembanë botës. Kjo do të ndryshojë mënyrën se si e shohim komunitetin tonë lokal dhe bashkësinë globale. Ne të gjithë jemi bërë të huaj në vitet e fundit. Vështirë se dimë fqinjët tanë poshtë rrugës, e jo aleatët tanë krijuesë që jetojnë dhe ndajnë shqetësimet tona në vende të tjera. Ne duhet ta ndiejmë këtë lloj solidariteti global. Mendoj se ky do të jetë fuqizimi yne.
Sigurisht ka ndryshime sepse ka probleme në botë. Luftërat, mungesa e kujdesit të përballueshëm mjekësor, racizmi, etj, lista vazhdon.
Duket se transformimi drejt një bote më të qëndrueshme është një shqetësim i madh dhe mund të jetë një parim udhëheqës global për këtë ngjarje. Paqja gjithashtu duket të jetë një shkak i zakonshëm. Unë shpresoj që së bashku mund të zhvillojmë idetë tona për “ndryshimin / transformimin” që po kërkojmë si grup dhe se secili grup komuniteti do të vendosë zonën e tyre specifike të fokusit për ndryshimin e ngjarjes së tyre të veçantë.
Çështja është të shihet kjo veprimtari dhe të dëgjohen zërat tanë, jo të qëndrojmë prapa mureve të mbyllura. Është gjithashtu e rëndësishme që ngjarja të dokumentohet. Fotot, videot, poezitë, e gjithçka të dokumentohet.

Dokumentacioni ndahet përmes një blog / website ku grupet ndajnë dhe njoftojnë informacionin e ngjarjes, me foto, video, poezi, dhe mendime. Por një ngjarje nuk duhet të përfshijë mijëra njerëz. Mund të jenë disa e (organizatori) juaj, edhe në një cep të rrugës, me një shenjë dalluese të eventit.

Eshte viti i 14-të që ne mbështesim idenë e iniciuar nga Michael Rothenberg ( R.I.P) e Terri Carrion për të frymëzuar komunitetin global të poetëve, që të mblidhen së bashku jo në një vend të vetëm, por në një ditë të vetme, të bëjnë poezi për hir të çfarëdo lloj ndryshimi që ata besojnë se është më i nevojshëm, në nivel lokal, kombëtar e në të gjithë planetin. Ne mendojmë se do të sjellim një ndryshim të vogël në komunitet nëpërmjet motos: “Jemi të gjithë ëngjëj, le të bashkojmë krahët në fluturimin tonë drejt së ardhmes, duke protestuar kundër padrejtësive sociale, për një familje të shëndoshë në një shoqëri të shëndetshme.
Idea është të frymëzojë komunitetin global të poetëve, që të mblidhen së bashku jo në një vend të vetëm, por në një ditë të vetme, të bëjnë poezi për hir të çfarëdo lloj ndryshimi që ata besojnë se është më i nevojshëm, në ngjarjet e organizuara në nivel lokal në të gjithë planetin. Duket qartë se, “ndryshimi” është një fjalë kodi për lëvizjen shoqërore progresive drejt paqes, tolerancës dhe qëndrueshmërisë, por bukuria e konceptit të 100 mijë poetëve për ndryshim është se ajo është plotësisht e decentralizuar dhe tërësisht gjithëpërfshirëse. Pra, përgjigja për “cilët poetë?” Është; cilido e të gjithë poetët që duan të marrin pjesë dhe përgjigja për “çfarë ndryshimi” është çfarëdo ndryshimi që poetët duan të çojnë drejt të ardhmes. Veprimtaria jonë “100 mijë Poetë për Ndryshim” u realizua me sukses në kafe Rosa Blu në Gkam Center Tiranë me deklamimin e poezive, që i dhanë takimit një frymë të re dhe freski në tematikë dhe ide.
Faleminderit të gjithë pjesëmarrësve; nga më i vjetri, kritiku i artit Baxhul Merkaj shkrimtarët iranianë Shahriar Kia me dy të tjere e veçanërisht poetja që kishte udhëtuar nga Peshkopia, Miranda Troci Derti e gjithë miket nga Flutura Maçi Zhuljeta Grabocka, Avv Kadrije Gurmani Nezi Plaku Velaj Nexhi Baushi Nurie Maliqi Baduni Dhurata Haxhiu Kasa Elda Keci Veronika Cfarku Buxhakue miqtë poetë nga Durrësi, Agim Agim L Bajrami e Muça Vladimir si dhe miken Terri Carrion që na kujton të dashurin tonë, inicues i këtij eventi mbarëbotëror Michael Rothenberg (R.I.P) Faleminderit të gjithëve që gjetën kohë për të marrë pjesë në takimin tonë të 14.
Qofshi të bekuar! Faleminderit për fotot, që e hijeshuan eventin tonë! Mirë u takofshim në eventin e 15-të!