Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Zgedhjet parlamentare në Shqipëri 2021

by

ROTACION I PUSHTETIT APO VAZHDIMËSI E QEVERISJËS AKTUALE/

Në zgjedhjet parlamentare në Shqipëri të cilat do të mbahën të dielën me 25 prill, do të marrin pjesë 12  subjekte politike dhe 5 kandidatë të pavarur, ku qytetarët me votën e tyre do të përcaktohen për rotacionin e pushtetit apo për vazhdimin e qeverisjës aktuale, ndërsa    parashihet një garë e ngushtë ne mes PS dhe PD, ku  përcaktuese  si duket do të jetë  LSI-ja në formimin e shumicës parlamentare, përkatësisht të qeverisë për mandatin e ardhshëm katërvjeçar

Shkruan: Nail  Draga-DIELLI

Sipas të dhënave nga  KQZ, bëhët me dije se në zgjedhjet e 25 prillit do të marrin pjesë 12 parti politike dhe 5 kandidatë të pavarur, të cilët do të renditën në vendin e 13 në qarkun ku konkurojnë. Ndërsa të drejtë vote  kanë  3.588.869 qytetarë, të cilët do të votojnë në 12 qarqe, në 5.199 qendra votimi ku do të zgjedhin  140 deputet të Kuvendit të Shqipërisë. Nga qarqet më numër më të madh të elektoratit votues është Tiranës me 910.494 zgjedhës duke dhënë 36 deputet, ndërsa më i vogël ai i Kukësit me 83027 zgjedhës dhe do te japë 3 deputet.

Fushata parazgjedhore në sajë të pandemisë Covid-19, nuk ishte si vitëve të shkuara, duke dëshmuar një kujdes ndaj qytetarëve, por nuk ishin në një qendrim të tillë subjektët kryesore politike. Kështu derisa PS në takime kishte numër të  përzgjedhur apo të kufizar të qytetarëve  e kundërta ishte me PD ku  takimet e tyre kanë qenë masive duke mos marrë parasysh situatën e pandemisë sipas   rekomandimeve mjekësore. E tërë fushata zgjedhore është udhëhequr  nga liderët e partive E.Rama dhe L.Basha, duke demonstruar angazhimet për mandatin e tyre të ardhshëm katërvjeçar. Kështu Rama si favor të tij ka prezantuar rindërtimin  dhe ndërtimin e banesave të reja për qytetarët që kanë qenë të shkatërruar nga termeti  nëntorit 2019, pastaj angazhimin e vaksinimit të qytetarëve kundër pandemisë Covid-19, si dhe vazhdimin e përfundimin e objektëve të infrastrukturës rrugore në të gjithë vendin. Nga ana tjetër L.Basha si shefi i opozitës dhe të kalicionit  Aleanca për ndryshim kryesisht është fokusuar në papunësi, emigrimin e qytetarëve, uljen e taksave etj., duke e cilësuar konkurentin e tij politik si person të konsumuar se nuk ka së çka iu ofron  më shqiptarëve në të ardhmën.

Sipas sondazheve PD në përparësi  ndaj PS  

Në kuadër të fushatës parazgjedhore në Shqipëri nga kompani apo agjenci të ndryshme janë realizuar sondazhe të cilat janë bërë publike për opinionin e gjerë, duke iu mundësuar subjektëve politike dhe mediave e opinionistëve të prezantojnë pikëpamjet e tyre. 

Kështu ditë më parë “Smith Research &Consulting” ka realizuar një pyetësor të strukturuar me pyetje të mbyllura. Në këtë sondazh është përdorur metodologjia e studimit sasior janë pyetur njëmijë vetë nga data 27 mars e deri me 9 prill. Sipas këtij sondazhi del se qytetarët  janë shumë të interesuar që të votojnë në zgjedhjet parlamentare të 25 prillit. Ky sondazh po ashtu potencon se Partia Demokratike e Shqipërisë do të dalë fituese e zgjedhjeve të 25 prillit. Në pyetjen e tretë, nëse zgjedhjet do të mbaheshin  sot, për cilën parti do të votonit? Dhe me 44.7% e pjesëmarrësve kanë zgjedhur Partinë Demokratike të Shqipërisë-Aleanca për Ndryshim, ndërsa 42.5% për Partinë socialiste si dhe 11.3% Lëvizja Socialiste për Integrim.

Ndërsa në pyetjen e gjashtë të këtij sondazhi, se kush mendoni se do të fitojë zgjedhjet e ardhshme?, 53.1% janë deklaruar për Partinë Demokratike, ndërsa 44.2% ate të PS. Nga ky pyetësor del qartë se PD është në përparësi ndaj PS, duke dëshmuar se ajo do të jetë fituese e zgjedhjeve të 25 prillit. 

Por, nga sondazhët e prezantuara deri më tash çështje të veçantë paraqesin  partitë e vogla, të cilat  marrin pjesë në zgjedhje, ku  sipas analistëve vetëm Partia Socialdemokrate ka mundësi të fitojë mandat të deputetit, ndërsa për të tjerat mundësitë janë minimale, pa ndonjë peshë të veçantë, por me mundësi të dëmtojnë tri partitë e mëdha në ndarjën e mandatëve(!?).

Të ndryshohet kodi zgjedhor

Duke marrë parasysh se në shqipëri ekziston kodi zgjedhor i cili është dhuratë nga marrëveshja Berisha-Rama nga viti 2008, pa zgjedhjeve në mandatin e ardhshëm duhet të inivcohet ndryshimi  i kodit zgjedhor. Nga 12 njësi zgjedhore sa janë tash përmes qarqeve, Shqipëria duhet të jetë një njësi zgjedhore, me sistem proporcional, me pragun zgjedhor prej 3%. Një veprim i tillë do të ishte në favor të qytetarëve dhe demokracisë pluraliste, duke iu mundësuar të gjithë qytetarëve të zgjedhin përfaqësuesit e tyre në nivel republike. Po ashtu një kod i tillë zgjedhor do të ishte në favor edhe të partive të vogla, të cilat në sajë të kodit zgjedhor aktual janë pothuaj të eliminuara, për të zgjedhur përfaqësuesit e tyre. Në rastin konkret partitë e vogla për të ekzistuar kanë mundësi të jenë nën ombrellën e partive të mëdha, si pjesë e tyre te koalicionit.

Sa i përket kodit zgjedhor  për Shqipërinë mendoj se më i pranueshëm është modeli i Kosovës, duke përfshi edhe listat e hapura. Vetëm në këtë formë do të kishim zgjedhje të pranueshme për të gjithë qytetarët, në favor të pluralizmit  dhe të demokracisë parlamentare.

Presidenti të zgjidhet nga populli 

Varësisht prej vendeve të ndryshme presidenti zgjidhet në dy forma ate të votimit nga populli dhe nga kuvendi. 

Vetëm me zgjedhje të drejtpërdrejta nga ana e popullit presidenti apo presidentja  edhe pse me ingerenca të kufizuara në një sistem shumëpartiak, mund të jet përfaqësues i  të gjithë qytetarëve e jo si deri më tash, të jetë përfaqësues i  shumicës parlamentare, ku Shqipëria e Kosova, janë rast tipik  në regjion që nuk është në favor të demokracisë, përkatësisht të votës popullore.

Edhe pse në Shqipëri  është debatuar në lidhje me ketë çështje, si nga forumet politike, shqoëria civile e mediat e ndryshme dy partitë e mëdha(PS,PD) nuk kanë treguar interesimin e duhur që kjo çështje të debatohet në parlamentin shqiptar. Fillimisht, në Kuvend duhet të ndryshohen nenet e Kushtetutës për zgjedhjen e presidentit nga populli, por deri më tash del qartë se nuk ekziston vullneti politik për këtë çështje. Nga një qendrim i tillë është zenë peng dëshira e popullit për të zgjedhur kandidatin e tyre  si kudo në botën demokratike, e jo të imponuar nga deputetët  në emër të kompromisit  për  ”presidenti konsensual”. 

Andaj duke qenë i zgjedhur në atë post pa votën e qytetarëve, me ose pa dashje keqpërdorët apo bëhet marionetë e shumicës parlamentare, që nuk është në favor të demokracisë parlamentare, ku shëmbull tipik është presidenti aktual I.Meta, prandaj zgjedhja e presidentit të ri duhet të bëhet drejtpërdrejtë nga populli, duke eliminuar dilemat e tilla.

Qytetarët presin ndryshimin

Në sajë të pabarazisë  së theksuar shoqërore e ekonomike janë të pranishme  kontrastët e  mëdha sociale  ku dukuria e kohezionit social mbetët kërcënim i vazhdueshëm për shoqërinë shqiptare. Dhe nga një gjendje e tillë e pavolitshme ekonomike në botën e jashtme  sipas të dhënave nga Shqipëria kanë emigruar rreth 1.7 milion shqiptarë dukuri e cila vazhdon gjithnjë, me pasoja të mëdha kombëtare. 

Andaj, qytetarët këto zgjedhje i shohin si mundësi e ndryshimit, në avancim të çështjeve preokupuese në nivel vendi, si kudo në vendet me demokraci të konsoliduar. Janë pikërisht zgjedhjet e 25 prillit  ata të cilat do të jenë përcaktuese për ardhmën e tyre për rotacion të pushtetit apo vazhdimin e qeverisjës aktuale.

 (Prill  2021)

Sakrifica sociale

by

Mos dëgjoni të marrët që thonë arrestoni Ilir Metën, si strumbullari i krimit. Nuk arrestoni ju, por policia./

Nga Ilir LEVONJA/

Mos dëgjoni të marrët që thonë arrestoni Ilir Metën, si strumbullari i krimit. Nuk arrestoni ju, por policia. Për më tepër, Ilir Metën president nuk e bët ju, as opozita e sotshme. E bëri Edi Rama me lali Erin. Spiunët i quajnë patronazhist, i marrin në mbrojtje publikisht. Ata që mbrojnë votën, i quajnë paramilitarë madje i ndëshkojnë publikisht. Madje, madje po publikisht ju kërkojnë juve të arrestoni presidentin tuaj. Për ngjarjen e Kavajës folën me gjysëm zëri. Madje e nxorrën nga pas me video autorin, sqaroi publikun, nuk ishte socialist. I sqaroi me video se i ishte fyer mjekra. Një lloj forme e marrjes përsipër të krimit, si grupet fondamentale. Në Elbasan ia gjetën vegjën. Paramilitarët të vrasin. Në fund qyteti simbol i arsimit dhe kulturës, territor bandash. Në fund mjerë ai që iku. Jeta të bën një personazh të hupur.  Sot situata është e gjitha një sakrificë sociale. Nesër do shikojmë dramën tonë në një teatër me qiell të hapur. Njerëz që çirren dhe u dalin përpara furgonëve nëpër natë, shpërndajnë ”ndihma”, japin para, blejnë vota, u mësojnë qytetarëve se si të votojnë, në fund u shënojnë emrin në fletore. Megjithatë propoganda bërtet arrestoni presidentin. Një absurdidet putinist sovjetik, sikur prokurorin, xhandarin ta keni ju. Arrestojeni ose mbylljani gojën, megjithëse ligjet i kanë vetë, por arrestimin e kërkojnë nga ju. Ndërkohë quajnë sukses një reformë në drejtësi, e cila tenton e intimidion denoncuesit. Dhe ju që i besoni, në kor i vërsuleni presidentit. Po kështu nesër (larg qoftë pas 4 vjetëve, do ju kërkoj të arrestoni të arrestoni Erion Braçen). E harruat, e bën me Ben Blushin. Nëse në Shqipëri ka tension, ka plagosje apo vrasje, një gjëm që kurrë mos u çoftë nëpër mend, e jo të ndodhi, dijeni se fajin e ka ai që i organizon zgjedhjet. Sa më shumë që kërkon nga ju, aq më i dështuar është. U çorr duke sharë opozitën për mos respektimin e distancës në mitingjet e saja, dje i harroi çjerrjet. E mbyti helmi, i solli autobuzët, postoi pamje me sheshe plot. Mos dëgjoni të marrët kur u thonë vrisni, por pështyjini.

David L.Phillips: Dokumenti slloven, vazhdimësi e konceptit të Milosheviqit për shtete njëetnike

by

Një dokument non-paper i cili fillimisht u përfol në mediat e Bosnje e Hercegovinës, e që më pas u publikua nga një medium slloven (necenzurirano.si), i cili flet për ndryshimin e kufijve në Ballkanin Perëndimor, ka ngjallë shumë reagime në rajon, por edhe më tej.

Në dokumentin në fjalë parashihen ndryshime të kufijve të të gjitha shteteve të rajonit, madje edhe të Kroacisë, ku theksohet se Kosova dhe Shqipëria do të bashkohen, ndërsa pjesa veriore e Kosovës do të fitojë statusin e Tirolit Jugor. Pastaj, një pjesë e Republika Srpskas në BeH do të bashkohet me Serbinë; disa kantone me shumicë kroate të BeH-së do të bashkohen me Kroacinë, ose do të fitojnë status special sikurse të Tirolit Jugor.

Ky dokument u tha se është ideuar nga kryeministri slloven, Janez Jansha, i cili thuhet po ashtu se të njëjtin ua ka dërguar disa zyrtarëve të BE-së, në mesin e të cilëve edhe Presidentit të Këshillit Evropian, Charles Michel, raporton Zeri.info.

Por, vetë Jansha, disa ditë pas publikimit të tij, e mohoi vërtetësinë e tij. Megjithatë, politikanë tjerë të rajonit thanë ta kenë parë edhe më herët të njëjtin.

Se dokumenti është pranuar nga Micheli, e kishin konfirmuar fillimisht edhe nga zyra e tij. Kryeredaktori i gazetës sllovene “Necenzurirano”, Primoz Cirman që publikoi ‘non-paperin’ për ndryshim kufijsh, ka thënë se Brukseli e konfirmoi se e kanë marrë dokumentin e kryeministrit slloven, Janez Jansha.

“Kur lajmi shpërtheu të hënën, kolegu ynë nga gazeta “Dela” korrespondent i Brukselit, pyeti zyrën Michael dhe zyra së pari konfirmoi se e kishte marrë dokumentin që flet për shpërbërjen e Bosnjë dhe Hercegovinës, por gjysmë orë më vonë e njëjta zyrë thirri e gazetarin e Dela dhe thanë se nuk mund ta mohojnë, por as ta konfirmojnë se e kanë marrë letrën”, tha për “albanian post” Primoz Cirman, kryeredaktor në këtë gazetë.

Ndërkaq, ekzistencën e këtij dokumenti e konfirmoi edhe Edi Rama, kryeministri i Shqipërisë, duke thënë se e ka parë atë, por se nuk dëshiron ta komentojë. Edhe Halil Matoshi, ish-këshilltar i ish-kryeministrit Ramush Haradinaj, tha se një delegacion slloven ka qëndruar në zyrën e kryeministrit të atëhershëm për 5 minuta, duke e prezantuar këtë plan, por se, sipas tij, ai ishte refuzuar nga Haradinaj.

David L. Phillips, drejtor i Programit për Ndërtimin e Paqes dhe të Drejtat e Njeriut në Institutin për Studimin e të Drejtave të Njeriut në Universitetin Columbia në New York, ka thënë për “Zërin” se ideja e shkëmbimit të territoreve dhe e ndryshimit të kufijve është temë e kamotshme, e nisur nga ish-presidenti Hashim Thaçi.

Por, thotë ai, ishte populli i Kosovës ai që i detyroi përkrahësit e kësaj ideje që ta braktisnin atë.

Madje Phillips e inkriminon edhe kryeministrin Rama në këtë “mesele”.

“Hashim Thaçi ka provuar të negociojë një shkëmbim territoresh me Aleksandar Vuçiqin; Federica Mogherini ka marrë pjesë në diskutime. Ideja u braktis sepse populli i Kosovës me shumicë dërrmuese refuzon ndarjen. Cili ishte roli i Edi Ramës? Ai mund të ketë qenë autor kontribuues i dokumentit. Minimalisht, ai e përqafoi ndarjen”, thotë Phillips në një deklaratë për gazetën “Zëri”.

Ai thekson se ndarja e Kosovës “do të ishte një tradhti e madhe ndaj kombit shqiptar që do t’i shërbente vetëm interesave të Serbisë dhe Rusisë – jo në interes të shqiptarëve”.


 Vetë dokumentin slloven, profesori amerikan e quan “të pamatur” pasi, sipas tij, ai rekomandon hapa që mund të çojnë në një rifillim të konfliktit të dhunshëm me bazë etnike.

“Ndarja duhet të debatohet hapur në një proces transparent. Mbajtja e bisedimeve ‘sekrete’ nxiti spekulimet për një marrëveshje tradhtare. U zbulua se ithtarët e ndarjes ishin të gatshëm t’i dorëzonin minierat Trepçës dhe liqenin e Ujmanit Serbisë. Dhënia e tokave historike shqiptare shkaktoi një trazirë në Kosovë dhe midis shqiptarëve në të gjithë rajonin”, u shpreh ai.

Phillips u ndal te çështja e krijimit të dy shteteve të mëdha në Ballkan, “Shqipërinë e madhe” dhe “Serbinë e madhe”.

Ndarjen e kombit shqiptar në disa shtete nga fuqitë e mëdha në fillim të shekullit të kaluar, ai e quan “padrejtësi historike”.

“Shqiptarët vuajtën një padrejtësi historike kur Fuqitë e Mëdha ndanë kombin shqiptar në vende të ndryshme Universiteti Columbia organizoi Projektin e Fqinjësisë Shqiptare për të identifikuar afinitetet midis shqiptarëve në vende të ndryshme dhe për të promovuar bashkëpunimin ndërkufitar në sektorë të tillë si ekonomia, arsimi, kultura dhe mjedisi. Lulzim Basha ishte nikoqir i konferencës kur ishte kryetar i Bashkisë së Tiranës. Një Shqipëri normale mundëson bashkëpunimin midis shqiptarëve pa marrë parasysh vendin e tyre të banimit. Shqiptarët ndajnë të njëjtën kulturë, gjuhë, histori dhe traditë. Ata madje ndajnë të njëjtët emra (p.sh. Berat, Vlora, Alban)”, thekson ai për “Zërin”.

Ndërsa, për sa i përket projektit të një “Serbie të madhe”, Phillips thotë se koncepti i shteteve etnikisht të pastra është përhapur nga ish-lideri i ish-Jugosllavisë, Slobodan Milosheviq, e që është ringjallur nga kryepropaganduesi i Milosheviqit, presidenti aktual i Serbisë, Aleksandar Vuçiqi.

“Ngritja e nacionalizmit në Ballkan dhe shkatërrimi përfundimtar i Jugosllavisë ishte një përgjigje ndaj planit të Milosheviqit për të krijuar Serbinë e madhe. Koncepti i shteteve etnikisht të pastra, i përhapur nga Milosheviqi dhe Vojislav Shesheli u diskreditua në vitet 1990. Sidoqoftë, ajo është ringjallur nga Aleksandar Vuçiqi, i cili ishte kryepropaganduesi i Milosheviqit. Virusi i nacionalizmit etik në Ballkan, të cilin e liroi Milosheviqi, është ende i fortë dhe potencialisht destabilizues, veçanërisht midis serbëve që refuzojnë pavarësinë e Kosovës. Kosova u humb për shkak të veprimeve të Milosheviqit. Tani është një shtet i lirë dhe i pavarur, i njohur nga 112 vende, i cili kurrë nuk do të kthehet në kontrollin e Serbisë”, u shpreh profesori amerikan.


I pyetur nëse ky dokumenti slloven është njëfarë presioni mbi Kosovën dhe Serbinë që përfundimisht ta nënshkruajnë marrëveshjen përfundimtare gjithëpërfshirëse, Phillips tha se ai edhe mund t’i shërbejë këtij qëllimi.

“Po, mund t’i shërbejë këtij qëllimi. Sidoqoftë, le të mos u japim shumë kredi politikanëve. Vendet në Ballkanin Perëndimor duan integrimin në Evropë, në vend të një ‘mini-Schengeni’, një tjetër ide e keqe që mbështeti Rama. Vlerat evropiane kanë të bëjnë me diversitetin kulturor dhe pranimin e dallimeve. Përveç ‘acquis communautaire’, vlerat janë baza për integrimin e vendeve të Ballkanit Perëndimor në institucionet e BE-së”, potencon ai.

Tutje, profesori Phillips, në këtë bisedë për gazetën “Zëri”, kërkon që në dialogun e lehtësuar nga BE-ja mes Kosovës e Serbisë, të përfshihet me një rol më të fuqishëm edhe SHBA-ja.

“Dialogu i lehtësuar nga BE-ja duhet të vazhdojë me një rol më të fuqishëm nga Shtetet e Bashkuara. Formati i Vjenës, i cili çoi në pavarësinë e Kosovës, është një model i mirë për negociatat në të ardhmen”, deklaroi ai.

Përfundimisht, ai thotë se shkëmbimi territorial është ide e keqe. Ndërsa i pyetur nëse do të ketë presion nga bashkësia ndërkombëtare nëse ndonjë nga vendet e rajonit do ta përqafonte këtë plan, dhe ndonjë tjetër do ta refuzonte, Phillips thotë se nuk pret një gjë tillë, pasi sipas tij, as Gjermania e as SHBA-ja nuk do ta përkrahnin këtë ide.

“Shkëmbimi territorial është një ide e keqe; pasardhësi i Merkelit nuk do ta mbështesë atë. As Shtetet e Bashkuara nuk do të bëjnë. Administrata e Bidenit është skeptike në lidhje me shkëmbimin territorial, të cilin presidenti Biden e di nga përvoja e tij në Ballkan që është potencialisht destabilizues dhe mund të çojë në konflikt”, theksoi në fund David L. Phillips, drejtor i Programit për Ndërtimin e Paqes dhe të Drejtat e Njeriut në Institutin për Studimin e të Drejtave të Njeriut në Universitetin Columbia në New York. /Zëri

Fushata më e ndyrë e këtyre 30 viteve

by

Nga Ilir Levonja/

Nga 30 vite pluralizëm kjo është fushata më e ndyrë, më e ulët, më poshtëruesja që ka vrarë që në krye garën reale. Në televizionet shqiptare të shkatërrohen nervat kur shikon 3 fytyra, Edin, Lulin dhe Erionin. Edi i madh, një gogol klasik që do e përgjigjet si i do bytha, madje nuk e ka për gjë të ngrihet e të lëri studion pas pyetjesh të tilla se si është e mundur që një kapele polici kushton 328 euro? Me se është bërë more vëlla? Me çfarë materiali kaq të kushtueshëm etj.  Edi, i cili përfundimisht e ka fituar betejen, ua ka mbushur mëndjen top shqiptarëve, se armiku i tyre dhe e keqja e vendit, nuk është ai, por Sali Berisha dhe Ilir Meta. Sikur edhe 8 vite të tjera të qeverisi, që mos o Zot, prapë ata janë fajtorët. Në mos ata, do shpiki dy, ndofta nga këta që promëvon tani.. Luli, jashtë mode që flet vetëm për qeverisje me marrëveshje publike. Me drithije të një aleance të urryer por edhe të mundshme midis tij dhe Ramës. Dhe në fund më i neveritshmi lali Eri që u kujton shqiptarëve  makinat luksoze të opozitës, por që nuk denjon t’i përgjigjet një gazetari mbi vjedhjen e të dhënave etj. Madje u çon truprojat t’a hedhin tutje sikur të jetë një send i padobishëm. Për t’i vënë vulën ndyrësisë, mjafton të shikoni atë shiritin sipër ekranit ku shkruhet pamjet e servirura nga PS apo PD-ja. Unë e kam pohuar vazhdimisht se partitë e vogla janë një egzagjerim i realitetit shqiptar, por derisa i ke pranuar dhe ke shpallur një garë, koha televizive duhet të ishte e shpërndarë njësoj. Në kutpimin që duhej të kishte vend edhe për spotet e tyre, për fushatën e tyre, për projektet, programet. Dhe se e vetmja e rrugë e eleminimit, duhej ishte vota përmes një formule, përshembull me kalimin e një pragu elektoral. Por kjo nuk ndodh!. Në televizionet e shqiptarëve serviren pamjet e ofruara nga vetëm 3 pole, të dhunshme, plot fyerje e përbuzje aq sa kurrë mos prisni nga tetëmbëdhjetëvjeçarët një politikë ekuivalente perëndimore. Por do kemi një vazhdimësi të stanjacionit, të sharjeve dhe konflikteve të njëpasnjëshme në shtabet elektorale. Dhe ta dini, kaq poshtë Shqipërinë nuk e ka rrëzuar vetëm Edi Rama, por edhe shoqëria e saj. Një pjesëmarrje e dëshiruar për ndryshim do sillte një pranverë tjetër me domosdo, sado të përpiqeshin ta ndalonin, pranvera do vinte. Por shoqëria është bërë palë e mykur e postulateve ç’më duhet mua? Pse për atë do të votoj unë? Ai është më i keq se ky? Ndaj dhe kjo fushatë mbanë erë të ndotur, ka prodhuar edhe një pol politik mallinj, ai i opozitarizmit karshi opozitës. Sado të kalojnë vitet në pushtet të iks grafomani, sytë janë tek lideri i opozitës, ose tek ai që ka çelsat e kashtës. Nga ana tjetër edhe shtypi a media, kanë zëvendësuar misionin me honoraret, pranojnë çdo kasetë, thonë çfarë duan ata, duke qënë vet një kufomë. Gogoli bërtet që e gjeti vendin në borxhe, megjithëse vet e ka dyfishuar atë (borxhin). Bërtet se nuk merret me tenderat e kapeleve të policivë, është kryeministër, nuk do t’ia di se një kapele ka kushtuar 328 euro. Madje publikisht heq mikrofonin, ngrihet e ikën duke i dhënë dritë kostatimit mbi kufomërinë e shtypit. Kur them se nuk e ka vrarë demokracinë tek ne vetëm Edi Rama, por edhe shoqëria, kam parasysh edhe një komision të lodhur aparatçikësh pandemie që bash disa ditë para hedhjes së votës, lëshojnë urdhëresa ndalimi. Janë edhe këto një seri kufomash a shushunjash që bën të lëngojë vendi ynë. I heqin të drejtën e votës shqiptarit që vjen nga Greqia, a Maqedonia e Veriut, me ligjin e karantinimit dy javor. Një neveri veglash që kurrë nuk i kanë shërbyer vendit, por Enverit dhe këtij Putinit gogol që nuk e di se si keni sy dhe i mbani televizorët hapur. Dikur i sillnin emigrantët me autobuzë, sot ua ndalojnë hyrjen. Ae dini pse është vendim teknik i neveritshëm, fare thjeshtë. Derisa ky dikushi vjen me resultatet e testit, që tashmë e kërkojnë shumë shoqëri udhëtimesh,   ti nuk përse e detyron të karantinohet. Ndryshe duhet  t’ua bëje edhe atyre turistëve që vinë nga Çekia për pak jod mesdhetar. Të gjithëve që udhëtojnë lart e poshtë këto kohë të vështira. Por kjo nuk ndodh me ata që duan të votojnë. Një komision kufomash vret demokracinë në mes të ditës. Të gjithë teseristë partie, jo specialistë. 

Histori apo përrallë me patronazhistë!

by

T´u merrni të keqen patronazhisteve”- klith kryeministri ynë delirant  – “ata ju njohin juve”!!!/

NGA ALMA LIÇO/

Kështu ulërin kryerilindasi i sektit të rrezikshëm,  që si armik i përbetuar i popullit që qeveris vazhdon t´i ndajë shqiptarët në “NE” dhe “ATA”, ndërkohë që është dhe do vijojë të jetë edhe për pak ditë të mbetura kryeministër i të gjithëve. 

Tashmë është mëse e qartë që ai nuk mundet dhe nuk di të dëgjojë. Krizat psikopatike delirante ia pengojnë këtë funksion kaq të domosdoshëm për çdo qënie njerëzore.

E megjithatë po përpiqem t´i drejtohem e të shpreh qëndrimin tim për prononcimin e tij arrogant e përçarës:

-“Ata” na njohin “Ne”… vërtet kështu beson???…i gjori Ti!!…ky është një tjetër halucinacion që kohët e fundit rezulton të të jenë shtuar ndjeshëm! E vërteta është se aftësia a tyre si pasardhës të eksponentëve të Sigurimit  të Shtetit le shumë për të dëshiruar. Për të konkretizuar këtë opinion sjell në vijim një episod që e vërteton këtë: 

Një familjar imi historikisht me bindje të djathta dhe votues po i tillë, me kalvar persekucioni të gjatë individual dhe familjar rezulton sipas patronazhistes (që është një grua)  të ketë preferuar si forcë politike PS-në në vitin 2013, e dhënë kjo tërësisht e gënjeshtërt. Që ky perceptim ishte i pavërtetë edhe për  vetë inspiruesit e saj, e konfirmon fakti se  disa muaj me vonë e flakën nga puna pikërisht si person i padëshirueshëm politikisht për rilindjen e PS!!!…Por çudia nuk mbaron këtu. Pas shumë vitesh i pa punë dhe i persekutuar nga ky sekt banditësh, në formularin e përgatitur nga patronazhistja  rezulton të jetë aktualisht i pasigurtë në preferencën e tij politike!!! 

Lidhur me të dhënat e regjistruara, të njëjtat pasaktësi më konfirmuan më pas dhjetra miq dhe të afërm.  Shumë prej tyre, ndonëse emigrantë prej 30 vitesh, nuk rezultonin aspak të tillë në këta formularë.  Madje figuronin edhe me preferencë të përcaktuar politike pa mundur të votojnë asnjëherë për shkak të emigracionit. 

Episodet e mësipërme i ngjasojnë  përrallave alucinante që as një fëmijë tre vjeçar nuk do t´i gëlltiste dot!!!

Pra kjo është mënyra diletante si ata na njohin “NE”, për të cilën mburresh e kërcënon Ti, kryeministri ynë.

Por tashmë na u dha mundësia  që edhe “NE” t´i njohim “ATA”!!!

I njohim “ATA” me emër dhe mbiemër, si shpurën tënde që na përgjon. I njohim  si shkelës të normave morale të qytetarisë.  I njohin si dhunues të ligjit i cili i kriminalizon dhe penalizon ata shërbëtorë me dënime deri në 15 vite burg.

Por Ti kryeministër i perënduar nuk  ke ndjeshmëri të tilla. Ata zvarranikë për ty janë thjesht qënie në përdorim,  objekte për të mbrojtur pushtetin tënd të pakufizuar. Gëzoje edhe pak ditë!!!