O socialistë të ndershëm shqiptarë!

August 10, 2020 by dgreca

Nga Prof. Dr. Eshref Ymeri-Përmes faqeve të internetit, u njoha me një “xhevahir të rrallë”. Aty lexova informacionin në vijim:

“Lajmi se SPAK ka nisur arrestimet për manipulimet zgjedhore në kuadër të dosjes 339, u shfry shumë shpejt një ditë më parë. Kurse sot, e gjithë historia u bë qesharake, pasi u mësua se SPAK u ka dërguar urdhërarresti dy komisionerëve që kishin dy vite të vdekur. Bashkëshortet e Kasem Lalës dhe Besim Bregut thonë se janë ndierë të fyera kur kanë mësuar se do të vijnë t’u arrestojnë burrat. Kurse rrjeti ka shpërthyer në meme e batuta…” (Citohet sipas: “Plas ironia me SPAK / Nuk vdiqën komisionerët, vdiq reforma…”. Faqja e internetit “Syri”. 29 korrik 2020).

Ky informacion tingëllon sa tragjik, aq edhe komik.

Si qytetar me gjak shqiptari, dëshiroj t’ju drejtohem me disa pyetje gjithë socialistëve të ndershëm, pa përjashtim, pavarësisht nga gjendja sociale që kanë, të cilët jetën e vet e kanë ndërtuar me djersën e ballit, duke mos u molepsur kurrë nga virusi i korrupsionit. Këto janë pyetjet në vijim:

Si shpjegohet që njeriu që keni në krye të partisë, dikur, kur ishte kryetar i Bashkisë së Tiranës, një pasdite tetori të vitit 2005, para forumit të lartë të partisë, pati paraqitur platformën për t’u zgjedhur kryetar, të cilën forumi ia hodhi poshtë, kurse të nesërmen, si me magji, e zgjodhi kryetar? A dini gjë se cila ishte ajo magji që ndikoi drejtpërsëdrejti në ngritjen e tij në postin e kryetarit të partisë?

A e keni pasur informacionin e duhur para se ta zgjidhnit në krye të partisë? A e keni lexuar letrën e avokatit Ilir Malindi që ia pati dërguar Presidentit para do kohësh dhe që titullohet “Edi Rama një i sëmurë psiqik tepër i rrezikshëm. Ka diagnozën “skizofren agresiv””, të botuar në faqen e internetit “Kosova sot” të datës 22 maj 2020?

A e dini që Martin Henze, këshilltar për çështjet ekonomike pranë partisë së kancelares gjermane Angela Merkel, CDU, nëpërmjet një postimi në Twitter, i ka bërë një pyetje të thjeshtë kryetarit tuaj?

“A jeni arrestuar dhe burgosur në Francë në vitin 1994 dhe a keni bërë tregti, me ikona të vjedhura?”. (Citohet sipas: Poli Hoxha. “4 dëshmi: A ka qenë Edi (Edvin) Rama i arrestuar në Francë dhe pse e ndryshoi emrin pas akuzës së Nanos?!”. Faqja e internetit “VOAL”. 20 dhjetor 2019).

A e keni ndjekur informacionin e Gjegji Thimos në studion e gazetarit Adi Krasta, ku deklaroi si më poshtë?

“Numri i Ramës i burgosur në Paris AL.1961138/a (Citohet sipas deklaratës së tij në studion e Tv “Syri”, i ftuar nga gazetari Adi Krasta. 30 qershor 2020).

Pra, a e keni ditur që në krye të partisë keni një njeri me probleme mendore dhe që paska qenë i burgosur në Francë, çka nuk e ka deklaruar në kartelën për pastërtinë e figurës?

A jeni të bindur se kryetari juaj nuk gëzon kurrfarë respekti në Kosovë dhe se kjo mungesë respekti ka parahistorinë e vet, për të cilën prof.dr. Enver Bytyçi ka deklaruar si më poshtë?

“Publicistika e tij antiKosovë e viteve 1990 dhe kundërshtimet ndaj Rrugës së Kombit ruheshin në kujtesën e shqiptarëve në Kosovë, ndaj dhe respekti ndaj tij ishte përtokë” (Citohet sipas: Prof.dr. Enver Bytyçi. “Edi Rama është hero i kombit, popullit dhe shtetit të Serbisë”. Faqja e internetit “Kosova. Info”. 04 janar 2020).

A ju ka ardhur zor nga qëndrimi i kryetarit tuaj kundër ndërtimit të Rrugës së Kombit, qëndrim që e pati shprehur hapur jo vetëm personalisht, por organizoi edhe korin socialist kundër ndërtimit të saj, kur mes atij kori ushtonin zërat e kryeservilëve të tij, si Arben Isaraj, Erion Braçe dhe Fatmir Toçi? Madje deputeti i Vlorës Arben Isaraj lëshoi një deklaratë vetëposhtëruese. Me këtë rast, publicisti i njohur Rexhep Shahu thekson:

““Më pështyni mua në rast se ndërtohet kjo rrugë!”, -thotë me sigurinë e një bastexhiu zoti Isaraj. E kush do të denjonte ta pështynte deputetin e Partisë Socialiste Arben Isarajin tani? Askush. Por autostrada u bë. U bë një vit para afatit të parashikuar. Ai i gjori mbase pret ndokënd që të shkojë e ta pështyjë” (Citohet sipas: Rexhep Shahu. “Dashuria e vonuar e Edi Ramës për Udhën e Kombit”. Faqja e internetit e gazetës “Bota sot”. 20 qershor 2020).

A e keni pasur bindjen e plotë se merita kryesore për ndërtimin e Rrugës së Kombit i takon Kryeministrit Sali Berisha asokohe, për të cilin një ish-deputet dhe ish-ministër socialist qe shprehur dikur nën zë se ajo Rrugë u ndërtua pikërisht falë këmbënguljes së tij?

A keni pasur kundërshtime për vendosjen e taksës për atë Rrugë nga ana e kryetarit tuaj dhe a shërbeu ajo taksë si një arsye e fortë për lindjen e një mërie të heshtur ndaj kryetarit tuaj nga ana e qytetarëve të Republikës së Kosovës?

A ju pati bërë përshtypje dhe a duhej të revoltoheshit ndaj kryetarit tuaj pas deklaratës në vijim të ish-deputetit, të ndjerit Dritan Prifti, nga foltorja e Kuvendit? Ja deklarata e tij:

“A ka shqiptar, që beson se zoti Edi Rama është i pastrehë? Ai në deklaratën e tij të pasurisë thotë që është i pastrehë dhe ne të gjithë e dimë që Edi Rama është pronar i fshehtë i mbi 200 apartamenteve në Tiranë, sepse flasin ndërtuesit. Taksa e tij e jashtëligjshme është 30 euro metër katror për çdo leje ndërtimi që ka dhënë nga viti 2000 e deri sot. A ka shqiptar që e beson këtë gjë qesharake, që Edi Rama nuk ka shtëpi, që jeton me nënën e vet?” (Citohet sipas: Dritan Prifti. “Edi Rama vetëm me hundë thith tre mijë euro në ditë”. Faqja e internetit e gazetës “Bota Sot”. 10 korrik 2010).

A e keni ndier veten ngushtë kur mësuat faktet me përgjime për vjedhjen e votave në vitin 2017, fakte, të cilat i bëri publike gazeta gjermane “BILD”, dhe mes bisedave të përgjuara u dëgjua edhe zëri i kryetarit tuaj?

Si shpjegohet që kryetari juaj, megjithëse ngriti një padi paradoksale kundër gazetarit të gazetës “BILD” për botimin e atyre përgjimeve, më pas mblodhi bishtin dhe u tërhoq?

A jeni alarmuar ndopak kur keni marrë informacionin me titull “Gazeta Gjermane BILD “ekzekuton” Ramën: Shqipëria, vendi në duart e një gangsteri”? (Citohet sipas faqes së internetit “Koha Islame”, 15 maj 2019).

A keni menduar ndonjëherë se kryetari juaj është frikacak, çka e dëshmoi më 21 janar 2011, kur i nxiti protestuesit të pushtonin kryeministrinë, mes të cilëve pati edhe ndonjë syresh që flamurin kombëtar e flaku në tokë, kurse vetë kryetari u fsheh në kullën përballë piramidës?

Mbyllja e kanalit televiziv “Agon Channel”, si opozitar ndaj kryetarit tuaj dhe e qeverisjes së tij, a nuk dëshmon për natyrën e tij frikacake? Natyrën e tij frikacake a nuk e dëshmon edhe mbyllja e kanalit televiziv “Ora News”, edhe ky opozitar me kryetarin tuaj dhe qeverinë e tij?

A mund të dyshohet se nesër-pasnesër ai mund ta mbyllë edhe kanalin televiziv “Syri”, meqenëse, po ashtu, është në opozitë me kryetarin tuaj?

A jeni të vetëdijshëm që shumën marramendëse prej 110 milionë eurosh, sipas vendimit të gjykatës së Qendrës Ndërkombëtare për Zgjidhjen e Kontesteve të Investimit (ICSID), organ i Organizatës së Kombeve të Bashkuara, vendim që u mor pas shpronësimit të kompanisë televizive “Agon Channel”, me pronar biznesmenin italian Françesko Beketi (Francesco Bechetti), duhet ta paguajë kryetari juaj dhe jo Banka e Shtetit Shqiptar?

A jeni shqetësuar që kryetari juaj, duke e shndërruar Shqipërinë në Kolumbi të Evropës, siç ka shkruar shtypi i huaj, duke e mbytur me plantacione droge, çka bëri që banorët e zonave fshatare të braktisin kultivimin e kulturave bujqësore, solli si pasojë që një pjesë jo të vogël të zgjedhësve t’i shndërrojë në jeniçerë të vet në pazarin e shitblerjes së votës?

A ju ka shqetësuar zbulimi i korrupsionit të madh dhe tenderi pa rivalë për Unazën e re, çka ishte një përgjegjësi shumë e rëndë që binte mbi kryetarin tuaj?

A mendoni se kryetari juaj e ka shndërruar Shqipërinë në tokën e premtuar të diplomatëve të huaj, të cilët sillen në Shqipëri si zot shtëpie dhe prandaj ndokush prej tyre arrin deri atje, saqë, me sjelljen e vet rrugaçërore, të fyejë rëndë shqiptarët, duke iu ngritur gishtin e mesit, siç veproi ndaj banorëve të Astirit ambasadori i OSBE-së Borchard? A e keni bindjen e plotë se ai diplomat faqezi duhej përzënë nga vendi ynë me teneqe një sahat e më parë, por nuk ka kush ta përzërë se Shqipëria është vend pa zot?

A e keni informacionin e duhur se kryetari juaj është takuar me Vuçiçin në Nish në vjeshtën e vitit 2016 dhe atje kanë biseduar në fshehtësi për ndarjen e Kosovës? A e dini që atë bisedë të fshehtë e ka denoncuar kryetarja e Komitetit të Helsinkit të Serbisë, Sonja Biserko, e cila ka deklaruar si më poshtë?

“Në 2016, në Nish, Vuçiç filloi bisedimet me Ramën për ndarjen e Kosovës…” (Citohet sipas: Sonja Biserko: “Jo Bolton as Grenell, ja kush filloi bisedimet më 2016 për ndarjen e Kosovës”. Faqja e internetit e gazetës “Bota Sot”. 06 korrik 2020).

A jeni në dijeni për informacionin që ka dhënë edhe ish-kryeministri i Republikës së Kosovës Ramush Haradinaj për atë bisedë të fshehtë të kryetarit tuaj me Thaçin dhe Vuçiçin për copëtimin e Kosovës, kur ca muaj më parë ka deklaruar si më poshtë:

“Ndalova grabitjen e 10 miliardë eurove, që do të realizohej, nëpërmjet planit të ndarjes së Kosovës! Ky dhe ishte pikësynimi i fshehtë ekonomik, në planin e shkëmbimit të territoreve ndërmjet Kosovës dhe Serbisë. Thaçi, Vuçiç dhe Rama, ishin bashkëpuntorë në realizimin e kësaj skeme. Por unë e ndalova këtë grabitje dhe miniera e Trepçes, sot e prej dy muajsh, i përket vetëm Kosovës” (Citohet sipas: “Haradinaj “plas bombën”: Ndalova grabitjen e 10 miliardë eurove. Thaçi, Vuçiç dhe Rama janë bashkëpunëtorë!”. Faqja e internetit “dosja.al”. 17 tetor 2019).

A jeni të vetëdijshëm se me flirtet e nxehta me armikun e egër të Kosovës, Aleksandër Vuçiçin, dhe me argatin e Beogradit Hashim Thaçi, kryetari juaj, ashtu si Enver Hoxha, ka hyrë në rrugën e tradhtisë kombëtare, aq më tepër që Vuçiçi, si ish-ministër i kriminelit Millosheviç, në bashkëpunim të ngushtë me Sheshelin dhe me Nikoliçin, ka qenë hartues i platformës për spastrimin etnik të Kosovës, dhe me nismën që pati ndërmarrë për krijimin e Minishengenit ballkanik, kërkon të krjojë Jugosllavinë e re, edhe me Shqipërinë, siç deklaroi në Beograd më 06 prill 2017? A ju kujtohet konkretisht se çfarë deklaroi Vuçiçi pikërisht në këtë datë? Nëse e keni lexuar në internet, po jua rikujtoj:

“Në intervistën e tij të parë si president, dhënë portalit amerikan “Politico”, në 6 prill, i pyetur nëse me planin e tij për një treg të përbashkët ballkanik ai po përpiqet të rikrijojë Jugosllavinë, Vuçiç përgjigjet pa hezituar dhe në mënyrë pohuese se “Është Jugosllavia e vjetër, plus Shqipërinë” (Citohet sipas: Shaban Murati. “Për të shkundur neojugosllavët e Tiranës”. Faqja e internetit “fax.al”. 10 tetor 2019).

A jeni të bindur se këtë deklaratë për përfshirjen e Shqipërisë në Jugosllavinë neotitiste, Vuçiçi nuk mund ta bënte publike pa miratimin e kryetarit tuaj në bisedat e fshehta që ka pasur me të?

Si i shpjegoni ju flirtet e kryetarit tuaj me argatin e Beogradit Hashim Thaçi? A e dini ju se çfarë ka deklaruar Vuçiçi për Thaçin? Nëse nuk e dini, më lejoni t’jua citoj:

“Radio serbe B92, duke përcjellë një lajm nga Tanjug, sjell deklaratën bombë të Presidentit të Serbisë, drejtuar Hashim Thaçit. Aleksandër Vuçiç e nxjerr zbuluar Hashim Thaçin! Presidenti i Serbisë ia tha këtë deklaratë Presidentit të Kosovës Hashim Thaçi gjatë takimit të përbashkët në samitin e Brdo-Brijunit të zhvilluar në Tiranë, Shqipëri. Ja çfarë citon Tanjug t’i ketë thënë Vuçiç Hashim Thaçit:

“Ti Hashim varesh nga ne. Jam duke t’u lutur të flasësh, për të mos thënë atë që ti do apo atë që ti nuk do!”

Vuçiç përsëriti se ai nuk ka folur kurrë për zgjidhje por për arritjen e një marrëveshjeje” (Citohet sipas: “Deklarata e Aleksandër Vuçiçit: Hashimi varet nga ne! Nuk na ka kërkuar kurrë që Serbia ta njohë Kosovën…”. Faqja e internetit “Gazeta Impakt”. 12 maj 2019).

Ky bashkëpunim kaq i ngushtë i kryetarit tuaj me Vuçiçin, për ta shndërruar Shqipërinë në një koloni të Jugosllavisë së re serbiane, a nuk ju kujton bashkëpunimin e Enver Hoxhës me Beogradin, për ta kthyer Shqipërinë në koloni të Jugosllavisë titiste nën maskën e republikës së shtatë? A ju kujtohet fjala e tij në mbledhjen e Byrosë politike të 15 dhjetorit të vitit 1947, ku lexoi thirrjen e mëposhtme?

“…Duhet ta fitojmë kohën e humbur e të bëjmë sa më shpejtë bashkimin de fakto të Shqipërisë me Jugosllavinë në të gjitha fushat (parti, ekonomi, ushtri, etj.), se Shqipëria nuk mund të qëndrojë si shtet i pavarur dhe aq më pak të ndërtojë socializmin, pa u bashkuar me Jugosllavinë…” (Citohet sipas: Mërgim Korça. “Ku gënjen Paskal Milo. Replikë me historianin “e nderuar”. Gazeta “Metropol”. 14 korrik 2012).

A jeni të bindur se kryetari juaj po ecën në gjurmët e Enver Hoxhës, i cili vendoste vetë për gjithçka, se populli, sipas tij, duhej të bënte vetëm atë që thoshte partia, prandaj s’ishte e nevojshme të vilej mendimi i tij, aq më tepër që komunistët nuk e dinin se nga bien me adresë referendumet mbarëpopullore?

A mendoni se kryetari juaj ishte i bindur që populli, përmes referendumit, do ta jepte pëlqimin e vet që Shqipëria të hynte në përbërjen e Jugosllavisë neotitiste të Vuçiçit?

Si i kuptoni dhe si i shpjegoni ju flirtet e kryetarit tuaj me Hashim Thaçin, i cili, siç deklaron Vuçiçi, është në shërbim të Serbisë, nuk ka kërkuar prej saj njohjen e Kosovës dhe prandaj, që prej shpalljes së pavarësisë së Kosovës, ai nuk mund ta padiste Serbinë për gjenocid në Kosvë? Këto flirte a nuk dëshmojnë më së miri se kryetari juaj është kundër ngritjes së padisë në Gjykatën Ndërkombëtare të Drejtësisë për ndëshkimin e Serbisë?

A jeni të bindur se gjatë qeverisjes së kryetarit tuaj, populli i thjeshtë është varfëruar deri në atë shkallë, saqë qindra mijë shqiptarë kanë braktisur vendin?

A ju kujtohet kur kryetari juaj, vitin e kaluar, ishte i ftuar në programin televiziv TG2 të RaiDue në Itali dhe analisti Italian Alberto Negri tha se “në vend qarkullojnë 2 miliardë euro para të krimit, që përbëjnë një rrezik,.. se nga vendi janë larguar 500 mijë njerëz”… Nëse njerëzit emigrojnë, do të thotë se aty gjërat nuk janë mirë”? (Citohet sipas: “Gazetari italian “gozhdon” Ramën: Ju jeni establishment, ish-ministri në trafik droge… ”. Faqja e internetit “Syri.net”. 28 shkurt 2019).

A kanë të drejtë njerëzit të dyshojnë se kryetari juaj, me qeverisjen e vet, ka ndikuar dhe vazhdon të ndikojë në rrudhosjen e popullsisë së vendit?

A ju ka shqetësuar informacioni i Departamentit të popullsisë të Organizatës së Kombeve të Bashkuara, sipas të cilit, duke parë ritmet e ulëta të lindshmërisë dhe ritmet e larta të emigracionit, në vitin 2100 popullsia e Shqipërisë pritet të zbresë në 512 mijë banorë? A e dini se edhe në Kosovë ritmet e emigracionit janë edhe më alarmante po për të njëjtat arsye?

A kanë të drejtë të dyshojnë njerëzit se edhe kryetari juaj, edhe miku i tij Hashim Thaçi po ndikojnë drejtpërsëdrejti në shpopullimin e vendit, çka ka qenë interesi mbinjëshekullor i grekosllavizmit, me pikësynimin final shpërbërjen e kombit shqiptar?

A nuk ju tingëllojnë aktuale vargjet e Fishtës së Madh “O Perendi a ndjeve / Tradhtarët na lane pa Atdhé / E Ti rrin e gjuen me rrfé / Lisat n’për male kot!”?

A ju kujtohet ligji që aprovoi Kuvendi juaj me deputet njëpartiak, sipas të cilit në Shqipëri ekzistuakan 9 minoritete? A e kuptoni qëllimin djallëzor që fshihet pas këtij ligji me pasoja të gjëmshme kombëtare?

A po ju shqetëson fakti që politika që po ndjek kryetari juaj në Tiranë dhe Thaçi në Prishtinë për shpopullimin shkallë-shkallë të vendit nëpërmjet varfërimit të vazhdueshëm të njerëzve, është duke bashkëpunuar ngushtë me antishkencën, pikërisht për shpërbërjen urtë e butë të kombit shqiptar? A e ndiqni emisionin televiziv “Gjuha Kozmike” të profesorit Agron Dalipaj? A jeni në dijeni që Anila Omari, bijë dhe mbesë komunistësh, ka botuar një libër me titull “Marrëdhëniet gjuhësore shqiptaro-serbe” dhe ka ardhur në përfundimin se 93% e Fjalorit të gjuhës shqipe është e huazuar? Në një takim, të organizuar nga Fondacioni “Albana” për mbrojtjen e gjuhës shqipe, Profesori Agron Dalipaj ka deklaruar:

“E njëjta gjë që bëhet me politikën kundër shqiptarëve, bëhet edhe në institucionet e gjuhës shqipe” (Citohet sipas: “Fjala emocionuese e studiuesit Agron Dalipaj”. YouTube. 04 tetor 2019).

Në atë takim, Profesori Agron Dalipaj njoftoi të pranishmit se çfarë i kishte thënë Anila Omarit kur e kishte takuar:

“Zonja Omari, deri tani keni arritur ta shpallni shqipen 93% të huazuar. Ka mbetur edhe 7% e Fjalorit pa u shkombëtarizuar. Thjesht çëshje kohe për ju. Ju punën tuaj me pasoja të rënda kundër kombit shqiptar gati e keni përfunduar dhe zyrtarizuar” (po aty).

A e dini se librin e Anila Omarit e ka hedhur në qarkullim Akademia Albanologjike? Po pse hesht Akademia e Shkencave? A jeni në gjendje ta shpjegoni se pse hesht? A e dini se pse kryetari juaj vendosi në krye të Akademisë një komunist të regjur, i cili ka pasur funksione të larta në kohën e diktaturës dhe, si matematicien, nuk ka kurrfarë lidhjeje me gjuhën shqipe dhe me gjuhësinë shqiptare, në vend që të vendoste një gjuhëtar, një historian apo një arkeolog? A duhet të dyshoni se çekani rreh me synim të largët: prania e 9 minoriteteve vërtetuaka se nuk ekzistuaka komb shqiptar, se nuk ekzistuaka gjuha shqipe, se të gjitha fjalët “ua paska vjedhur” gjuhëve të tjera?

Ju lutem miqësisht dhe me shumë çiltërsi, ndokush nga ju a mund ta pyes Anila Omarin se si t’ia bëjmë një figure të shquar të kulturës evropiane, dijetarit gjerman Leibnici (Gottfried Wilhelm Leibniz (1646 – 1716), i cili ka thënë:

“Në qoftë se duam të dimë historinë para Krishtit dhe shkencat e asaj kohe, duhet t’i drejtohemi gjuhës shqipe”?.

A e dini se në mbështetje të politikës antikombëtare të kryetarit tuaj dhe të antishkencës gjuhësore të Anila Omarit me mbështetjen e Akademisë Albanologjike, del Panajot Barka, daullja e shpuar e politikës shoviniste greke, i cili na paska botuar një libër, ku deklaruaka se shqiptarët na qenkan ardhacakë, të cilët otomanët na i paskan sjellë në këto troje. A mendoni se sikur Shqipëria të ishte vend me zot, Anila Omari dhe Panajot Barka duheshin marrë në ndjekje penale?

A jeni të vetëdijshëm se, duke e shndërruar partinë socialiste në pronë të vetën, kryetari juaj ka ndikuar drejtpërsëdrejti që në radhët e saj të lulëzojë arti i servilizmit të neveritshëm ndaj tij, çka ka sjellë si pasojë që krejt partia juaj të kthehet në një universitet servilizmi?

A jeni të vetëdijshëm se ish-deputeti Andis Harasani kishte të drejtë kur deklaronte si më poshtë:

“Në PS është bërë mbizotëruese filozofia e të qëndruarit sa më pranë kryetarit të radhës. Nëse do që të jesh në listë dhe në vend të mirë për deputet, duhet të jesh pranë kryetarit… Shkurt, nëse do të doje një histori vetjake suksesi në politikë, duhet të jesh pranë kryetarit… Në këtë kuptim, shumica e kolegëve të mi të PS-së, ndryshe mendojnë, ndryshe flasin, ndryshe flasin në publik dhe ndryshe flasin në kafene. Tek ata ka mbizotëruar filozofia e kryetarit që mendon se sa kohë ta mbajë trëndafilin në grusht, ka gjithmonë një shans për të ardhur në pushtet, dhe ndaj e shtrëngon aq fort e harron çdo gjë tjetër” (Citohet sipas: Andis Harasani. “Qumështi në diktaturë dhe PS-ja”. Gazeta “Panorama”. 24 qershor 2011).

A jeni të vetëdijshëm që me heshtjen tuaj keni lejuar që kryetari juaj të shndërrohet në një pronar pushtetplotë jo vetëm i partisë socialiste, por edhe i Republikës së Shqipërisë (siç rezulton nga bisedat e tij të fshehta me Vuçiçin), ndërkohë që vetë anëtarësia e partisë socialiste dhe të gjitha strukturat e saj, janë shndërruar në kopje të anëtarësisë dhe të strukturave të partisë së punës, të cilat rrinin sus para Enver Hoxhës?

Nëse jeni të vetëdijshëm për një gjë të tillë, a mendoni se kjo është një dukuri e shëmtuar që mund të shpjegohet vetëm me dy mënyra: ose korrupsioni në strukturat e larta të partisë suaj, duke filluar që nga kryetari, është kaq i lartë, saqë i ka katandisur të gjithë anëtarët e tyre të notojnë në një të tillë batak të përbashkët, ku është e pamundur që ndokush të guxojë të manifestojë individualitetin e vet, ose mes anëtarësisë së saj mbizotëron ideja enveriste e nënshtrimit pa kushte para njëshit të partisë?

A mendoni se me mënyrën se si i trajton strukturat e larta të partisë dhe sidomos grupin e deputetëve socialistë, të cilët i ka shndërruar në deledeputetë, kryetari juaj ka ndikuar që në atë parti të lindin ca dukuri negative, të dëmshme këto dhe me pasoja jo të mira për autoritetin e partisë socialiste, si anarshizmi, dyfytyrësia, hermetizmi, mosmirënjohja, pabesia, servilizmi, vulgariteti?

A mendoni se tingëllon aktual thelbi i përmbajtjes së një artikulli në vijim, të botur gati pesëmbëdhjetë vjet më parë:

“Partia Socialiste nuk është një formacion politik me ide. Është një grumbull i madh interesash që nuk kanë as filozofi, as ide, as ideologji, pra, asgjë. Partia Socialiste Shqiptare është vazhduesja e Partisë Komuniste. Pjesa më e madhe e anëtarësisë së saj janë komunistët që kanë si kult Enver Hoxhën, por kjo e vërtetë nuk thuhet asnjëherë. Ata janë aty, pra, në PS, sepse nuk e përtypin dot as sot përmbysjen e komunizmit në Shqipëri dhe as në Evropë…” (Citohet sipas: Ilir Yzeiri. “Edi Rama apo heroi pa objekt”. (Gazeta “Metropol”, 04 tetor 2005, f. 13).

Cili ka qenë qëndrimi juaj ndaj ish-deputetes Arta Dade, e cila, në gazetën “Telegraf” të datës 09 mars 2019, ka pasë hedhur idenë për rithemelimin e partisë socialiste? A mendoni se partia socialiste duhet rithemeluar apo duhet themeluar? Në të vërtetë, partia socialiste nuk ka datë themelimi, sepse data 12 qershor 1991 shërben si data e ndërrimit të emrit të partisë së punës në parti socialiste, jo si data e themelimit. Prandaj a e quani të arsyeshme se duhet të themelohet partia socialiste, në mënyrë që në krye të saj të dalë një njeri me integritet të lartë intelektual dhe moral, me vetëdije të lartë kombëtare, i panjollosur nga balta e korrupsionit, që, në postin e kryeministrit, të gëzojë autoritet në marrëdhëniet me fqinjët dhe me Brukselin, që rivalët politikë t’i vlerësojë si konkurrentë nëpër fushatat zgjedhore dhe jo si armiq, siç i ka trajtuar dhe vazhdon t’i trajtojë kryetari juaj, i cili ka luajtur një rol mjaft negativ në pakësimin e numrit të popullsisë, në përçarjen e popullit shqiptar dhe në varfërimin e tij?

Deklarata e kryetarit tuaj pas “fitores” në zgjedhjet e qershorit 2013, a nuk dëshmon për rolin e tij përçarës në radhët e popullit shqiptar? Një publicist i njohur shqiptaro-amerikan shkruante asokohe:

“Ai na përsërit fitoren historike të qershorit 2013, duke i krahasuar votat që mori me “një milion topa, grushte apo shuplaka” që iu dhanë opozitarëve të sotëm. Por… qenë pikërisht ato zgjedhje që mbushën parlamentin me mediokër, por të pasur, hajdutë, kriminelë me precedentë penalë, të lidhur me trafiqe e të korruptuar, siç e kanë marrë vesh tashmë edhe kalamajt e kopshteve. (Citohet sipas: Andon Dede. “Kur gjykojmë qeverinë”. Faqja e internetit “alb.spirit”. 23 prill 2017).

A duhej të ishit revoltuar kundër asaj deklarate skandaloze? Sepse topat, grushtet dhe shuplakat përdoren kundër armiqve, jo kundër konkurrentëve politikë. Sepse të tilla mjete, krimineli Enver Hoxha i përdorte kundër shtresës së të përndjekurve politikë, të cilët i trajtonte si armiq të klasës.

Kur ktheni kokën prapa dhe vëreni se ku është katandisur vendi gjatë këtyre shtatë vjetëve që lamë pas, a nuk mendoni se kryetari juaj është shkaktari i një tragjikomedie, në të cilën vetë, nën heshtjen tuaj, ka luajtur tragjedinë, kurse ju keni soditur komedinë? Kjo gjendje më kujton një shprehje të bukur të shkrimtarit anglez Oldos Haksli (Aldous Huxley – 1894-1963), i cili ka thënë:

“Në tragjedi ne jemi pjesëmarrës, kurse komeditë vetëm rrimë dhe i soditim”.

Në fillim citova atë informacionin, i cili në titullin e tij përmban fjalinë “Nuk vdiqën komisionerët, vdiq reforma…”. Më vjen shumë keq që doli parashikimi im, të cilin e pata bërë më shumë se katër vjet e gjysmë më parë në një analizë me titull “Reforma në drejtësi: do të mbarset mali dhe do të pjellë një mi”, të botuar në internet më 28 janar 2016. Në atë analizë pata theksuar se refotma në drejtësi duhet të fillojë nga krerët e politikës, deputetët dhe mandej të zbresë në strukturat e sistemit gjyqësor. Kryetari juaj nuk deshi ta niste reformën në fjalë nga politikanët se, faktikisht, ishte kundër saj, prandaj dhe ajo nuk mund të mos dështonte. Gjatë këtyre më shumë se katër vjetëve, kryetari juaj, në bashkëpunim të ngushtë me sejmenët që ka rreth e rrotull vetes, kanë nanurisur popullin shqiptar për reformën në drejtësi, duke u marrë me llafte të kota, për të cilat filozofi gjerman Shopenhaueri (Arthur Schopenhauer 1788-1860) thotë:

“Në qoftë se llafet e kota, të cilat na qëllon rasti t’i dëgjojmë në bisedë e sipër, fillojnë të na bëhen të mërzitshme, duhet përfytyruar se është duke u luajtur një skenë komike mes dy gaztorëve. Ky është një mjet jashtëzakonisht i stërprovuar”.

Kosovë-Në Karaçevë, a e ka shkelur Serbia marrëveshjen me NATO-n?

August 9, 2020 by dgreca

Kosovë-Në Karaçevë, a e ka shkelur Serbia marrëveshjen me NATO-n/

-Ministrja Haradinaj – Stublla: Askush nuk ka mandat të bëjë patrullime me xhandarmerinë serbe brenda territorit të Republikës së Kosovës.Popullit të shqetësuar duhet t’i sqarohet se a e ka shkelur Serbia marrëveshjen me NATO-n, që ka hyrë 300m brenda territorit të Kosovës, apo këtë e ka bërë me aprovimin paraprak!/

PRISHTINË, 9 Gusht 2020- Gazeta DIELLI/ Në një njoftim dërguar sot nga Ministria theksohet se, Ministrja e Punëve të Jashtme dhe Diasporës, znj. Meliza Haradinaj – Stublla, ka deklaruar se është e papranueshme hyrja e xhandarmërisë serbe brenda territorit të Republikës së Kosovës.

Sipas Ministres Haradinaj – Stublla, patrullimi i sinkronizuar nënkupton që secila forcë ushtarake vepron brenda territorit të vet dhe nuk e kalon kufirin, dhe se palët dakordohen të lëvizin përgjatë vijës kufitare, duke njoftuar njëra tjetrën për atë se çka kanë hasë në terrenin e tyre gjatë patrullimit të sinkronizuar.

“Ngjarja e 7 gushtit në Karaçevë nuk rezulton të jetë patrullim i sinkronizuar, por patrullim i përbashkët me Serbinë, për të cilin nuk ka askush mandat e as autorizim. Prandaj, popullit të shqetësuar duhet t’i sqarohet se a e ka shkelur Serbia marrëveshjen me NATO-n, që ka hyrë 300m brenda territorit të Kosovës, apo këtë e ka bërë me aprovimin paraprak!”, ka thënë kryediplomatja e Republikës së Kosovës.

Më tutje, Ministrja Haradinaj – Stublla ka thënë se terrorizimi i popullit shqiptar të brezit kufitar me Serbinë, përmes defilimit të uniformës serbe dhe rikujtimit të krimeve gjenocidale të Serbisë në Kosovë, nuk e ndihmon normalizimin e marrëdhënieve, pajtimin, e as vendosjen e paqes dhe stabilitetit në rajon.

“Uniforma ushtarake e policore serbe në territorin e Kosovës hapë plagët e krimeve të pandëshkuara, dhe traumat e luftës së vitit 1999. Andaj, mekanizmat e sigurisë në asnjë mënyrë nuk do të duhej të lejojnë, e aq më pak të lehtësojnë patrullime të tilla në territorin e Republikës së Kosovës, që shkaktojnë shqetësime dhe pasiguri tek qytetarët e asaj ane, trazojnë paqen, dhe provokojnë dhunë e vetëmbrojtje”, është shprehur Ministrja e Jashtme.

Ministria e Punëve të Jashtme dhe Diasporës i bën thirrje bashkësisë ndërkombëtare që të respektojë sovranitetin dhe integritetin territorial të Republikës së Kosovës, ashtu siç e kanë njohur gati mbi 2/3-tat e shteteve të botës, 22 nga 27 shtetet anëtare të BE-së, dhe 26 nga 30 shtetet anëtare të NATO-s, e poashtu të respektojnë vendimin e Gjykatës Ndërkombëtare të Drejtësisë që konfirmoi ligjshmërinë e plotë të Pavarësisë të Republikës së Kosovës me 17 shkurt 2008 në kufijtë ekzistues.

Veprimi sipas Kushtetutës dhe Ligjit nuk është deklaratë pompoze, por obligim shtetëror që duhet ta ndjekin të gjithë!

KFOR DHE POLICIA E KOSOVËS – RIFILLIM I PATRULLIMEVE TË PËRBASHKËTA

-Ministri Veliu u takua me Komandantin e KFOR-it Gjeneral Majorin Michele Risi/

Ministria e Punëve të Brendshme e Kosovës në një komunikatë dërguar dje theksonte:

Pas shqetësimeve të ngritura në media nga qytetarët e Republikës së Kosovës, si dhe letrës publike të Kryetarit të Komunës së Kamenicës, në lidhje me hyrjen e forcave të Xhandarmerisë Serbe në territorin e Republikës së Kosovës, përkatësisht në fshatin Karaçevë-Komuna e Kamenicës, Ministri i Punëve të Brendshme, z. Agim Veliu, zhvilloj një takim pune me Komandantin e KFOR-it, Gjeneral Majorin Michele Risi, duke diskutuar edhe çështjen në fjalë.

Komandanti i KFOR-it e vlerësoi lartë takimin, duke u shprehur se takimet e tilla janë mjaft të qëlluar dhe të mirëseardhura. Ministrit Veliu, ju bë e ditur se KFOR ishte alarmuar për këtë incident nga raportimet e mediave, pasi që një veprim i tillë ka qenë vetëm një patrullim i përbashkët rutinor dhe i sinkronizuar i KFOR-it dhe i Forcave të Armatosura të Republikës së Serbisë.

Në ketë takim gjithashtu u tha se, që nga viti 2008, KFOR zhvillon patrullime të përbashkëta dhe të sinkronizuara me Ushtrinë dhe Xhandarmërinë Serbe, përgjatë vijës kufitare. Në ketë rast, pra, ky ka qenë vetëm një patrullim i përbashkët i KFOR-it dhe i Forcave te Armatosura të Republikës së Serbisë. Aktivitetet të tilla të sinkronizuara mbahen si me Forcat Serbe ashtu edhe ato të Kosovës, në mënyrë që të evitohet çfarëdo përplasje ndërmjet pjesëtareve të dy forcave.

Ministri Veliu mirëpriti faktin se në të kaluarën ishin organizuar patrullime të përbashkëta të KFOR-it dhe të Policisë së Kosovës, duke kërkuar njëkohësisht që patrullimet e tilla të ri-fillojnë edhe në ketë pjesë të Kosovës.

Nga ana e tij, Gjenerali Ris e mirëpriti iniciativën, duke theksuar se janë të gatshëm t’i asistojnë Policisë së Kosovës dhe të rifillojnë aktivitetet e tilla.

Në fund të takimit u dakorduan që KFOR dhe Policia e Kosovës, të takohen dhe të diskutojnë mbi modalitetet për rifillimin e patrullimeve të përbashkëta e të sinkronizuara përgjatë vijës kufitare me Serbinë.

Nostalgjikët

August 9, 2020 by dgreca

Nga Astrit LULUSHI-Të majtët në Shqipëri janë gjenetikisht të lidhur me bindjet e tyre; të papërgjegjshëm të pandreqshëm; aq sa deklarojnë se janë të majtë sepse zemra është në krahun e majtë. Sipas arsyetimit të tyre, të gjithë njerëzit duhet të jenë të majtë dhe i gjithë vendi duhet të qeveriset vetëm nga partia e tyre; 30 vjet pas dështimit, mendjen e kanë të fiksuar në propagandë, dhe veset i shesin për virtyte.Nostalgjia e tyre duket se është maskë për zemërimin e panjohur, atëherë kur ishin të vetëdijshëm për të mos njohur mundimet e jashtëzakonshme dhe nuk vlerësonin sesa rëndë punonin të tjerët për të mbijetuar dhe për t’u ruajtur nga tmerret e luftës së klasave me viktima të shumëfishta gjatë rrugës. Shpesh kanë tendencë të shohin larg prapa – dhe të mohojmë mjerimin e plotë, zhgënjimin dhe tragjedinë shoqëruar me versionin e idealizuar, romantizues servirur nëpërmjet kalemxhinjëve të ulur në sofër me djallin.Ashtu siç është shkruar historia – nga fitimtarët – kështu edhe kujtimet e asaj periudhe të sëmurë psiqikisht duhen shkruar nga ata që i mbijetuan gjendjes së frikës. Prandaj dëshira/ ambicia për të shkruar për atë kohë bëhet nxitëse për të përcaktuar historinë e jetës së atyre që vetë nuk mund ta përcaktojnë. Mësimi krijon kohën për të shkruar, kur, dhe si të shkruash.Asnjëherë nuk duhet menduar se duhet pasur ndonjë dhuratë e veçantë për shkrime a poezi; në fillim të gjitha u ngjajnë kumtesave. Sidoqoftë, del të jetë një shans më i mirë sesa ëndrra tjetër (kthimi në një parti, në një gjithçka). Leximi i gjerë është përgatitja më e mirë; kur mëson të lexosh, mëson të tjerët të shkruajnë.Një mënyrë për të menduar është të mendosh për të gjithë ata që kanë linja faji; dhe një shtresë gjeologjike faji të mos hapet kurrë të shkatërrojë të tjerët. Ne të gjithë kemi linja gabimesh emocionale, disa prej të cilave vijnë përmes gjeneve, dhe disa përmes përvojave tona; ndonjëherë ato luhaten e zhvendosen dhe shkaktojnë një trazim përbrenda që e bëjnë jetën më të vështirë, sidomos në një vend ku cilësitë parësore konsiderohen të jenë dhuna, arroganca, vulgariteti, korrupsioni, mendjemadhësia e lakmia, dhe ku maxhoranca (bolshevizmi) mendon se mund t’i mashtrojë përsëri të gjithë nëse reklamimi është i duhur.

DËNOHET HYRJA E TRUPAVE SERBE NË TERRITORIN E KOSOVËS, PDK-KRITIKA KFOR-it DHE QEVERISË HOTI

August 8, 2020 by dgreca

– KFOR-i: Patrullimi me forcat serbe, i sinkronizuar–

Partia Demokratike e Kosovës dënon ashpër prezencën e ushtrisë serbe në territorin e Kosovës.

Ky veprim i toleruar nga qeveria e Kosovës dhe KFOR është cenim i rëndë i sovrantitetit dhe sigurisë kombëtare. Është kërcënim i hapur ndaj tërësisë territorale dhe sigurisë së qytetarëve të Kosovës.

Provokimet e vazhdueshme të forcave ushtarake serbe në fshatrat e brezit kufitar dhe brenda territorit të Kosovës në sytë KFOR-it që e ka atë përgjegjësi, janë të papranueshme.

Nevoja e relaksimit dhe mirëkuptimit të raporteve mes fqinjëve, nuk e arsyeton veprimin e futjes së ushtrise serbe në territorin e Kosovës.

Eshtë e kundërta e atij qëllimi, është provokim dhe cënim i sovranitetit.

Në kohën kur udhëheqësit e lirisë, të shtetit dhe Kosova po goditen, pikërisht për luftën e drejtë kundër asaj ushtrie vrastare, nuk është momenti i eksperimenteve të tilla me simbolika që rikthejnë vetëm dhimbjen dhe terrorin për qytetarët e vendit.

Asnjë deklaratë, kurrë nuk është lëshuar nga ushtria dhe ndonjë lider institucional serb, kundër veprimeve gjenocidale të Serbisë mbi popullatën civile në Kosovë.

Veprimi i tillë me ushtri, pas gabimeve të qeverisë Kurti dhe Hoti, në futjen pa kontroll të konvojeve “mjekësore dhe humanitare” në emër të pandemisë, për paqen dhe të ardhmen e raporteve mes dy shteteve janë më shumë se gabim – rrezikim dhe rrënim i asaj çfarë është arritur deri më tani.

Ftojmë qeverinë e Kosovës dhe bashkësinë ndërkombëtare që të reagojnë me shpejtësi dhe veprime të drejtpërdrejta për t’i ndalur këto provokime të drejtpërdrejta ndaj sovranitetit të vendit dhe shmangin çfarëdo konflikti të mundshëm që mund t’i cënoj të arriturat e deritanishme.

***

KFOR-i: Patrullimi me forcat serbe, i sinkronizuar

Misioni paqeruajtës i NATO-s në Kosovë, i njohur me shkurtesën KFOR, thotë se më 7 gusht, në Komunën e Kamenicës kanë zhvilluar një patrullë të sinkronizuar me Forcat e Armatosura serbe, përgjatë vijës kufitare administrative, në afërsi të fshatit Hodovc.

“Që nga viti 2008, patrullimet e sinkronizuara zhvillohen në mënyrë rutinore së bashku nga KFOR-i dhe Forcat e Armatosura serbe përgjatë Vijës kufitare administrative për të ofruar siguri dhe për t’u siguruar që nuk ka aksidente. Në këtë drejtim, KFOR-i gjithashtu zhvillon patrulla të përbashkëta me Organizatat e Sigurisë së Kosovës në afërsi të Vijës kufitare administrative”, thuhet në një njoftim të KFOR-it.

Mediat në Kosovë më 7 gusht raportuan për hyrjen e forcave serbe në fshatin Karaçevë të Komunës së Kamenicës.

Për këtë ngjarje, kryeministri i Kosovës, Avdullah Hoti tha se organet kompetente janë duke hartuar një raport të detajuar, duke shtuar se “veprimet tona do të jenë në përputhje me Kushtetutën dhe ligjin, si dhe të koordinuara me të gjithë mekanizmat e sigurisë në vend”.

KFOR-i thotë se në mënyrë rutinore kryen patrullime të tilla përgjatë vijës kufitare që shtrihet rreth 350 kilometra, por sipas këtij misioni, kjo vijë nuk është e shënjuar dhe e përcaktuar mirë.

“Vija kufitare administrative shtrihet rreth 350 kilometra dhe nuk është e shënjuar qartë apo e përcaktuar nga elemente të terrenit natyror dhe të identifikueshëm, siç janë lumenjtë ose vargmalet, por është shënuar vetëm në harta. Ndërsa kryejnë aktivitetet e tyre, patrullimet e sinkronizuara duhet t’i përshtatin itineraret e tyre në kufizimet e terrenit. Kjo nënkupton që patrullat e sinkronizuara të KFOR-it dhe Forcave të Armatosura serbe lëvizin përgjatë Vijës kufitare administrative me një shkallë përshtatjeje të imponuar nga terreni. Sidoqoftë, në asnjë moment elementet e Forcave të Armatosura Serbe të një patrulle të sinkronizuar nuk ndahen nga anëtarët e KFOR-it dhe ky ishte rasti edhe këtë herë”, thuhet në njoftimin e KFOR-it.

Policia e Kosovës thotë se nuk hasi në njësite të Ushtrisë së Serbisë

Lidhur me rastin në Komunën e Kamenicës, Policia e Kosovës, përmes një përgjigje me shkrim dërguar Radios Evropa e Lirë, tha se njësitet policore në Karaçevë, nuk kanë hasur ndonjë njësi apo siç është thënë për ushtri të Serbisë.

“Pas raportimit të një informacioni nga Karaçeva e Kamenicës, njësitet policore kufitare kanë reaguar menjëherë duke shkuar dhe patrulluar te vendi ku është raportuar rasti. Njësitet policore nuk kanë hasur në atë lokacion ndonjë njësi apo siç është informuar për ushtri të Serbisë. Njësitet policore kanë bërë shikimin e vendit sipas koordinatave si dhe kanë bërë patrullime dhe vëzhgime në atë zonë”, thuhet në përgjigjen e Policisë së Kosovës.

***

Hoti thotë se për rastin në Karaçevë do të veprojnë sipas Kushtetutës…

Kryeministri i Kosovës, Avdullah Hoti thotë se organet përgjegjëse janë duke hartuar një raport lidhur me ngjarjen që ndodhi të premten, më 7 gusht, ku u raportua se xhandarmëria serbe hyri në territorin e Kosovës, përkatësisht në Komunën e Kamenicës.

Përmes një postimi në Facebook, Hoti tha se qytetarët e kësaj ane, nuk do të mbeten pa mbrojtjen e institucioneve të Kosovës.

“Veprimet tona do të jenë në përputhje me Kushtetutën dhe ligjin, si dhe të koordinuara me të gjithë mekanizmat e sigurisë në vend”, ka shkruar Hoti.

Më 7 gusht, në rrjetet sociale qarkulloi një video ku pretendohej se pjesëtarë të xhandarmërisë së Serbisë, kishin hyrë në fshatin Karaçevë, të Kamenicës.

Në një përgjigje me shkrim të Zyrës për informim të Policisë së Kosovës dërguar Radios Evropa e Lirë, thuhet se njësitet policore në Karaçevë, nuk kanë hasur ndonjë njësi apo siç është thënë për ushtri të Serbisë.

Policia e Kosovës, bën të ditur se po ashtu është njoftuar edhe KFOR-i, lidhur me këtë rast, pasi që mandatin e sigurisë së zonës së kufirit me Serbinë, ende e ka KFOR-i.

Fshati Karaçevë ndodhet në afërsi të zonës kufitare me Serbinë.

AVDULLA HOTI NE FB: Lidhur me atë që ka ndodhur dje në Karaçevë, janë angazhuar të gjitha organet përkatëse për të vlerësuar rastin. Shpejt do të kem një raport të detajizuar. Qytetarët tanë në atë pjesë nuk do të jenë pa mbrojtje të institucioneve. Veprimet tona do të jenë në përputhje me kushtetutën dhe ligjin, si dhe të koordinuara me të gjithë mekanizmat e sigurisë në vend.

Kastrati: Të papranueshme patrullimet e KFOR-it me Ushtrinë serbe në Karaçevë

Kryetari i Komunës së Kamenicës, Qëndron Kastrati, tha për Radion Evropa e Lirë se janë njoftuar nga KFOR-i se patrullimet e Ushtrisë serbe në fshatin Karaçevë, janë bërë në bashkëpunim me KFOR-in.

Megjithatë, edhe kjo formë e patrullimit, thotë Kastarti, është e papranueshme për Kosovën.

“Unë i jam drejtuar me një shkresë presidentit të Kosovë (Hashim Thaçi), kryeministrit (Avdullah Hoti), dhe ministrave të linjave lidhur me rastin në Karaçevë dhe pastaj kryeministri dhe ministri i Punëve të Brendshme (Agim Veliu) kanë kontaktuar me komandantin e përgjithshëm të KFOR-it (Michele Risi). Pastaj ata kanë kontaktuar edhe me mua dhe na kanë thënë që ka qenë një kontrolli përbashkët i KFOR-it me Ushtrinë e Serbisë, që këto kontrolle mendohet të jenë rreth vijës kufitare. Por, e vërteta është se dje kanë hyrë qindra metra brenda territorit të Kosovës në dy fshatra: Karaçevë e Epërme dhe Karaçevë e Poshtme”, thotë Kastrati.

Ai shtoi se edhe kjo formë e patrullimit me KFOR është e papranueshme dhe nuk duhet përsëritet më.

“Unë i kam kërkuar edhe KFOR-it që nuk duhet të përsëriten më këto gjëra dhe forcat serbe nuk duhet të hyjnë brenda territorit të Kosovës apo vendbanimeve ku frekuentohen nga qytetarët e moshave të ndryshme”, tha Kastrati për Radion Evropa e Lirë.

Megjithatë, misioni i KFOR-it thotë se në përputhje me mandatin që ka, do të vazhdojë të angazhohet me të gjitha palët për të forcuar bashkëpunimin, si me organet e sigurisë së Kosovës dhe po ashtu edhe me Forcat e Armatosura serbe.

Anatomia e BLM nga senatori republikan Ted Cruz Kryetar i Komitetit të Drejtësisë në Senatin Amerikan

August 8, 2020 by dgreca

Klajd Kapinova–

Ata janë anarkistë. Është koha për të pastruar rrugët nga anarkistët. Kryetari “demokrat” i Bashkisë së qytetit Porland në shtetin e Oregon-it, i është bashkuar anarkistëve marksistë të dhunshëm natën, gjatë protestave të tyre.

Anarksitët socialist komunist, hidhnin vazhdimisht përzierje të djegshme mototovi mbi ndërtesën federale, forcat e rendit të policisë dhe trupat speciale federale, që po mbrojnë objektet federale shtetërore.

Qeveria dhe Presidenti Donald J. Trump e ndjekin nga afër situatën e renduar nga protestat e dhushme të Antifës dhe BLM, duke këmngulur me vendosmëri për të rivendosur rendin dhe qetësinë në zonat e nxehta.

Banorët e qytetëve, ku, dhuna ka dalë jashtë kontrollit, të zemëruar nga indiferentimi i drejtuesve të majtë “demokratë”, përmes peticioneve masive, kanë kërkuar ndihmë nga shteti, sepse po kërcënohen pronat, shtëpitë, bisneset dhe mbi të gjitha jetën e tyre, të cilat janë në rrezik të madh nga njerëzit e ekzaltuar anarkistë, që po vijojnë të shkatërrojnë qytetin dhe komunitetin në Portland.

Këto ditë krimi në qytetet e mëdha Chicago dhe Portland, është rritur shumë. Në terren janë nisur dhe vendosur mbi 60,000 forca të stërvitura shumë mirë. Në 15 zona apo qytete, ku, drejtojnë krytarët e bashkive të zgjedhur nga Partia “Demokratike” në SHBA, krimi po lulëzon shumë.

Ata nuk duan të vendosin rregull dhe respektojnë ligjin, në mënyrë që Presidenti Trump të duket keq me vendosjen e rendit dhe qetësisë publike, mbasi “demokratët” mendojnë se strategjia e tokës së djegur, do të jap shansin atyre që të vijë në Shttëpinë e Bardhë kryesocialisti Sleepy Joe Biden, i cili, hapur ka dalë për shkurtimin e fondeve të Policisë në të gjithë SHBA.

Populli amerikan, ka kohë që e ka kuptuar lojën e socialistëve “demokratë”, të cilët duan të marrin peng policinë dhe përmes saj rendin dhe qetësinë në shumë shtete të SHBA-së, duke krijuar imazhin se polcia është në anën negative të historisë.

Në fakt është e kundërta, sepse “demokratët” dhe organizatat e tyre anarkiste si Antifa dhe BLM, po bëjnë trazira të dhunshme, të stimuluara edhe nga deklaratat e disa kongresistëve dhe senatorëve socialist, të cilët, asnjëherë nuk kanë denuar dhunën e demostruesve anarkistë marksistë.

Gjatë fundjavës së kaluar në Chicago e cila drejtohet nga “demokratët” janë vrarë 17 afrikano amerikanë, të cilët kanë qëlluar me armë njeri-tjetrin. Midis tyre viktimat janë engjejt apo fëmijët e pafajshëm afrikano amerikane të moshës 10 dhe 11 vjeç. Liderët e organizatës BLM dhe të ashtëquajturit drejtues të komunitetit afrikano amerikanë, që thonë se mbrojnë “liritë dhe të drejtat” e komunitetit të tyre, deri tanë kanë heshtur si gur varri, për vrasjes mes të rinjve afrikano amerikanë në: Chigago, New York, Detroit, Seatle etj.

Brenda tre muajve të fundit, krimi dhe të shtënat me armë zjarri, dhuna në komunitetin afrikano amerikanë janë rritur 40-50%, duke thyer rekordin e shumë dekadave më parë.

Për fat të mirë, të menjëhershëm kanë qenë reagimet pozitive të qeverisë dhe presidentit Donald J. Trump, të cilët, kanë thënë se do të vijojnë të mbrojnë banorët e pafajshëm të qyteteve dhe jo zyrtarët demokratë, që me vetëdije kanë lejuar këtë gjendje krimi të përkeqsohet, në kurriz të banorëve në Chicago, Detroit, Porland, New York etj. Këto ditë 100 agjentë federalë, të specializuar dhe profesionistë po mbrojnë me perkushtim ndërtesat federale në Porland, që vazhdimisht po sulmohen dhunshëm tesh 60 ditë nga protestuesit e udhëhequr nga anarkistë marksistë të majtë të Antifës dhe BLM.

Për fat të keq, senatorët dhe kongresistët e majtë “demokratë” kërkojnë publikisht, që të heqin forcën dhe autoritetin e policisë për të vendosur rendin dhe qetësinë publike për të gjithë amerikanët, në zonat ku, ato janë zgjedhur, për ta zëvenesuar atë me miqët e tyre anarkistë.

Në këtë mision anti amerikan dhe anti Kushtetutës, në përkrahje të anarkistëve marksistë janë venë si gjithnjë edhe media e majta globaliste marksiste, të cilat me të drejtë quhen sot si Fake News.

Ata i paraqesin në raportet dhe edicionet e lajmeve të tyre protestuesit anarkistë si “paqësore”, ndërsa ndërhyrjet ligjore të policise, për të rivendosur rendin dhe qetësinë publike si veprime të dhunshme.

Në shumë shtete dhe qytete amerikane, ku, drejtojnë republikanët rendi dhe qetësia publike është shumë e mire. Aty forcat e rendit të policisë gëzojnë respekt, mbështetje dhe fonde financiare të kënaqshme, për të kryer misionin fisnik në të mirë të komuniteteve, ku, ata jetojnë e veprojnë prej shumë dekadash. Policia dhe komuniteti në këto shtete bashkëvepron me njeri-tjetrin, për të mirën e përbashkët të komunitetit ku ato ndodhen.

Shumica e amerikanëve, habiten kur shohin sesi majorët dhe governorët “demokratë”, të cilëve qytetet u kanë dalë jashtë kontrolli nga demostruesit anarkistë marksistë, nuk i kërkojnë ndihmë Presidentit Trump, për të rivendosur rendin dhe qetësinë publike, në zonat e pushtuara nga anarkistët.

Nga ana e tjetër Sleepy Joe Biden, po radikalizon politikën e tij të majtë, duke kritikuar shpesh policinë dhe dalë hapur në krah të protestuesve të dhunshëm në disa qytete dhe shtete në SHBA. Ai ulet në gjunj përpara tyre, me hipokrizi vetëm për votë. Shumë afrikano amerilanë e kanë braktisur BLM dhe partinë socialiste “demokratike” politike të saj.

Sleepy Joe, me ketë veprim absurd kërkon që të fitoj më shumë pikë, por në fakt patriotët amerikanë e kritikojnë vazhdimisht atë. Sipas disa sondazheve të zhvilluara kohët e fundit, mbështetja për Presidentin Trump dhe Policinë është gjithnjë në nivele të larta.

Senatori republikan Ted Cruz Kryetar i Komitetit të Drejtësisë në Senatin Amerikan

Disa ditë më parë dhe më saktë më 4 gusht 2020, në Senatin Amerikan, Komiteti i Drejtësisë i udhëhequr nga kryetari i saj senatori republikan Ted Cruz, për 4 orë me radhë zhvilluan diskutimin rreth situatës së rëndë të krijuar në vend nga anarkistët markisistë të majtë në SHBA.

Senatorët “demokratë” këtu, nuk kritikuan asnjëherë Antifën dhe BLM, për dhunën e ushtruar në Portland, ndaj policisë dhe forcave special federale, që po mbrojnë me heroizëm ndërtesat federale të shtetit.

Ata si zakonisht, qëndruan edhe kësaj radhe në krah të dhunës së demostruesve “demokratë”, në shtetet, ku, governatorët dhe kryetarët e bashkive janë “demokratë”, duke shokuar në këtë mënyrë opinionin amerikan.

Në diskutimin e tij hyrës, senatori republikan Cruz, dënoi edhe një herë vrasjen brutale të George Floyd nga polici, për të cilin krim ai tani është në hetim. Ai shtoi, se ne kërkojmë drejtësi, për të gjithë amerikanët, pavarësisht nga ngjyra e njerëzve.

Sikurse shihet nga këto protesta të dhunshme, del se “protestuesit” nuk demostruan në mënyrë paqësore për drejtësi, por me dhunë, djegie të pronave private dhe publike të komunitetit, si dhe dhunë ndaj policëve kudo në SHBA, duke djegur stacionet e policisë, makinat e shërbimit, si dhe vrarë disa prej tyre, shumica e viktimave të të cilave i përkasin komunitetit afrikano amerikanë.

Qysh nga fillimi i muajit qershor dhe deri tani propestuesit e dhunshëm anarkistë markistë, kanë plagosur dhe lënduar mbi 700 forca të rendit në të gjithë SHBA. Ata kanë vrarë policin afrikano amerikan David Door, një polic veteran, që ka shërbyer për disa dekada në Saint Louis.

Sikur të mjaftohen me kaq, në qytetin Minneapolis, protestuesit anarkistë marksistë, kanë djegur 400 bisnese, ku, shunica e tyre i përkasin pronarëve me ngjyrë afrikano amerikanë.

Sipas raportëve federale, dëmi i tyre është lloogaritur në 500,000.000 dolarrë. Në Philadephia, janë djegur shumë makina të stacioneve të Policisë së shtetit, kurse në Seatle, shteti i Washington-it, demostruesit anarkistë marksistë, kanë dëmtuar mbi 100 ndërtesa të qytetit, ku, janë vrarë 4 vetë nga anarkistët, të cilët krijuan të ashtquajturën zonë të pavarur të tyre. Për fat të mire, forcat federale dhe policia e shtetit ndërhyri dhe ëndrra në beze e anarkistëve u shua shumë shpejt.

Protestat e anarkistëve marksistë janë mirëfilli me pamje raciste, duke shkatërruar statujat dhe bisneset e komunitetit të pakicës në të gjithë SHBA.

Të gjithe republikanët në Senat, gjatë diskutimeve të tyre, arritën në mendimin e përbashkët, se protestuesit paqësorë duhen mbrojtur sipas ligjeve të Kushtetutës Amerikanë, kurse protestuesit e dhunshëm duhen ndalur, sepse sjellin dëme të komunitetit tonë.

Protestuesit anarkistë marksistë, në cdo protestë të tyre, kanë hedhur mjete të forta, përzierje të djeghme kimikale ose sikurse njihen si koktej molotivi me flakë.

Kjo nuk është e drejta, që jep Kushtetuta Amerikane, për liritë dhe të drejtat e njeriut. Ky është një terrorizëm i pastër, ndaj qytetarëve dhe pronave të tyre të pafajshme. Sikurse shihet, shumë lehtë, del se këto protesta të dhunshme në shkallë kombëtare, nuk janë të rastësishme (spontane), por ato janë të mirëorganizuara nga ekstremistët anarkistë.

Ata gjithnjë e më shumë po sulmojnë ndërtesat federale shtetërore amerikane, pronat private dhe jetët e amerikanëve të pafajshëm paqësor. Protestuesit, po përdorin rreze lazer, për të verbuar sytë e forcave të policisë dhe forcave speciale, që po mbrojnë me perkushtim dhe heroizëm ndërtesat federale shtetërore.

Ata po hedhin bomba artizanale, fishekzjarre, shishe me flakë mbi ndëtesat federale, që janë zyrat e Gjykatës Federale të Porlandit.

Liderët kryesorë të anarkistëve marksistë të Antifës dhe BLM e kanë thënë disa herë publiksiht në media, se ata “do të djegin qytetin pjesë-pjesë.” Ata po i tregojnë popullit amerikan, se kush janë në të vertetë BLM. Anarkistët po kërkojnë për të shkatërruar kudo policinë dhe duan të marrin kontrollin e stacioneve të policisë në qytetet e ndryshme. Kjo idiotësi, nuk ka për të ndodhur kurrë.

Senatori republikan Ted Cruz, tha se të 100 senatorët e Senatit, duhet të jenë të bashkuar, kundër dhunës së anarkistëve. Ne, duhet të jemi në krah të Policisë, vazhdoi

Drejtuesit “demokratë” të disa shteteve si gorvernatorë dhe kryetar bashkie, kanë nxjerrë ligje lokale, që i demoralizojnë forcat e rendit të kryejnë detyrën dhe zbatojnë ligjin kushtetues, për mbrojtje të rendit dhe qetësisë publike kudo dhe për kedo.

Mirëpo, sipas ligjeve amerikane, qytetarët si taksapagues të forcave të rendit, (që bëjnë detyrën e tyre), duhet të hedhin në gjyq organet dhe zyrtarët e lartë të pushtetit lokal dhe qendror, pra kryetarët e bashkive dhe governatorët, të cilët me ligje dhe shkurtimin e fondeve ndaj policisë të shteteve të tyre, po pengojnë policët heronj të bëjne detyrën, mbasi shtetasit amerikanë janë taksapaguesit e policëve dhe jo pushtetarët lokal dhe qendror të shtetit, ku, po ndodhin trazirat e dhunshme nga organizatat anarkiste marksiste.

Është detyrë dhe e drejtë e çdo qytetari amerikanë, që të denoncojë në gjykatë padrejtësinë absurde, që po i bëhen policëve në SHBA nga drejtuesit socialistë, në shtetet ku drejtojnë e ashtëquajtura partia “demokratike”.

Nga aktete dhunshme, janë plagosur 277 oficerë federalë nga demostruesit “paqësor” të Antifës dhe BLM.

Dy përfaqsues të Departamentit të Drejtësisë dhe Sigurisë Kombëtare të SHBA, përkatësisht Erin Nealy Cox dhe Ten Guccinell, deshmuan para Komitetit të Drejtësisë në Senatin Amerikan, ku, sollën fakte tronditëse, të akteve barbare të dhunshme të demostruesve anarkistë marksistë.

Për 60 ditë, që është ushtruar dhunë e tmerrshme, ndaj forcave policore dhe objekteve federale, janë arrestuar 60 demostrues anarkistë, para ndërtesës federale të gjykatës në Portland. Aktet e tyre barbare, janë nën vëzhgim të vijueshëm nga forcat ë specializuara federale dhe të policisë, të cilët shumë shpejt do të lëshojnë urdhër arresti për të gjithë keqbërësit e dhunshëm gjatë proetstave.

Ajo që po trondit sot opinionin amerikan, është se disa nga figurat e larta të Partisë “Demokratike” në Kongres dhe Senat, janë në mbrojtje sistematike të demostruesve “paqësorë” dhe kundër policisë, që mbron popullin amerikan nga keqbërësit e përditshëm.

Kryetarja Socialiste e Dhomës së Perfaqsuesve në Kongresin Amerikan Nensi Pelosi nga California e krahason policinë e shtetit të SHBA me Gestapo-n e kohës së dhunshme të Gjermanisë naziste të Adolf Hitlerit.

BLM, ka në programin e saj kryesorë: Mosfinancimin e Policisë (Defunding Police) dhe Shfuqizimin e Policisë (Abolish Police), në të gjithë komunitetet amerikane në SHBA. Këtë gjë ata nuk e fshehin, por e thonë hapur në websitin e tyre.

Nga viti 1979, janë bërë gjithsej 900 protesta me motive të ndryshme në shumë shtete të SHBA dhe asnjëra prej tyre nuk ka qenë sikurse janë sot protestat e dhunshme në Portland, para ndërtesës federale.

Tre senatorë “demokratë” në Senat, që ndodheshin aty, gjatë dëshmisë më 4 gusht 2020, para Komitetit të Drejtësisë, thanë se në Porland po përdoret policia sekrete, gjë që u hodh poshtë nga përfaqsuesi i Sigurisë Kombëtare Ten Cuccinell-i, i cili, solli prova me foto, dukeshin kjartë uniformat e agjencive të ndryshme të policisë së shtetit, ku, të gjithë janë të identifikuar nga kushdo.

Frymëzimet marksiste komuniste të BLM

Emri i lëvizjës Black Lives Matter (BLM), është i veçantë ndaj pjesës tjetër të popullsisë së SHBA. Këtu, nuk ka grupe apo lëvizje, sipas origjinës së nacionaliteteve, racave apo ngjyrës së tyre etj., sepse të gjithë janë të barabartë para ligjit brenda këtij shteti.

BLM, u themelua në vitin 2013 nga tre vajza marksiste, të deklaruara publikisht si të tilla. Themeluesja e saj, thotë se është përgatitur ideologjikisht si marksiste, duke lexuar librat e Marksit, Englesit, Leninit, Stalinit dhe diktatorit kinez Mao Ce Dunit.

Të shkretës theneluese, i kanë shpëtuar pa lexuar në anglisht “veprat madhore” të diktatorit komunist antishqiptar, turkoshakut Dullë, që sundoi në Shqipëri gjatë vitëve të zeza 1944-1985.

Tre komunistet afrikano amerikane janë inspiruar edhe nga afrikano amerikanet me ngjyrë, si: Angela Devis, e cila ishte nominuar gjatë viteve 1980-1984 si zv/Presidente e Partisë Komuniste të SHBA-së.

Liderët e BLM, janë frymëzuar dhe ecin nën shembullin e komunistes dhe lideres së Partisë Panteri i Zi, vrasëses Assata Shakur (me emrin e saj të mëparshëm Joanne Chesimard, gjatë vitëve 1960) e dënuar me burg, për vrasjen në muajin maj të vitit 1973 të Werner Foerster, një oficer policie dhe një pasagjeri tjetër në makinë. Oficeri Foerster ishte 34 vjeç në kohën e vdekjes së tij dhe la pas gruan dhe një djalë të ri.

Ajo ende mbas 40 vitëve është #1 më e kërkuara nga FBI, mbasi jeton si azilante prej vitit 1979 në Kubën e Raul Castros, vëllait i tij diktatori kubanez Fidel Castro, që i dha asaj azil. Shakur u dënua për vrasje të shkallës së parë me burgim të përjetshëm.

Agjenti i Përgjithshëm i FBI-së, Greg Ehrie e quajti kapjen e Assata Shakur një “përparësi kryesore“.

Komunistja Susan Lisa Rosenberg admirohet nga BLM

Susan Lisa Rosenberg (l955) nga fundi i viteve 1970 deri në mesin e viteve 1980, Rosenberg ishte aktiv në terrorizmin e majtë revolucionar Organizata Komuniste e 19 majit (“M19CO”), e cila sipas një raporti bashkëkohor të FBI “haptazi kërkonte rrëzimin e Qeverisë së SHBA përmes luftës së armatosur dhe përdorimin e dhunës“.

M19CO siguroi mbështetje për një pjesë të Ushtrisë Clirimtare të Zezë, përfshirë grabitjet e kamionëve të blinduar, dhe më vonë u angazhuan në hedhjen e bombave të ndërtesave qeveritare.

Ajo ishte kërkuar gjithashtu si bashkëpunëtore në arratisjen në burg të 1979 të Assata Shakur dhe në grabitjen e Brink të vitit 1981, që rezultoi në vdekjen e dy policëve dhe një roje, megjithëse ajo kurrë nuk ishte akuzuar në asnjë rast.

Ajo u arrestuar për posedim të eksplozivëve në nëntor 1984, e u dënua nga një juri në mars 1985, ku, iu dha një dënim me 58 vjet heqje lirie.

Ajo kaloi 16 vjet në burg, gjatë së cilës u bë poete, autore dhe aktiviste e SIDA-s. Dënimi i saj u ndryshua në kohën e Presidentit “democrat” Bill Clinton më 20 janar të vitit 2001, në ditën e tij të fundit në detyrë.

Zbritja e dënimit prodhoi një valë kritikash nga policia dhe zyrtarët e zgjedhur të New York.

Pas lëshimit të saj, Rosenberg u bë drejtore e komunikimit për Shërbimin Botëror Hebre Amerikan, një organizatë ndërkombëtare për zhvillim dhe të drejta të njeriut, me qendër në New York City.

Që nga viti 2020, Rosenberg shërben si Nënkryetar i Bordit të Drejtorëve të Mijëra Rrymave, një fondacion jofitimprurës që sponsorizon mbledhjen e fondeve dhe bën punë administrative për Rrjetin Global të Lives Matter Global, midis klientëve të tjerë. (US Department of Justice National Institute of Justice: FBI Analysis of Terrorist incidents and Terrorist related activities in the United States (1984) https://ww.ncjrs.gov/pdffiles1/Digitization/120257NCJRS.pdf (1.Rosenau, William (April 3, 2020). “The Dark History of America’s First Female Terrorist Group”. 2. Raab, Selwyn (1984-12-01, 3.“Clinton Pardon’s List”. The Washington Post. Associated Press. January 20, 2001. Retrieved July 23, 2017.)

Website i BLM, hapur dhe pa dorashka të tregon gjithcka që bën dhe do të bëj edhe në të ardhmen organizata marksiste me ngjyrë.

Prej kohësh BLM, ka një histori konkrete të antisemitizmit kundër ebrejve dhe shtetit të Izraelit. Ata e quajnë Izraelin si shtet i apartejdit dhe i gjenocidit.

Marksistja dhe zv/Presidentja e Partisë Komuniste Amerikane Angela Devis e pyetur shumë kohë më pare, gjatë një vizite në ish Bashikim Sovjetik, u tha liderve bolshevik, për ebrejt e burgosur politikë antikomunistë, se: “Ebrejtë, duhet të qëndrojnë në burg, sepse të gjithë janë fashistë dhe kundërshtarë të socializmit.”

Amazon Microsof Gatorade janë sponsorizuesit kryesorë të BLM

Grupi BLM, në faqen e internetit të saj, ka një link të saj, ku, hapur thuhet: “Bojkoto Kapitalistët e Bardhë”. Kështu në vitin 2017, website u rekomandonte antarëve të saj dhe Antifës të mos shpenzojnë dollarë, për kapitalistët e bardhë.

Lajmi i ri, që po habit kohët e fundit opinionin amerikanë, është fakti se kanë dalë në dritë faktet e reja, që tregojnë se janë pikërisht njerëzit e pasur të bardhë, që BLM i urrejnë, të cilët rregullisht dhurojnë miliona dollarë për lëvizjen me ngjyrë.

Kjo taktikë e BLM, është e njëjtë me palestinezët sot të Hamasit, dhe shtetin e mullave të Iranit (të cilëve administrate Obama-Biden u dhuroi 1.8 bilion dollarë), gjatë kohës së presidencës së Presidentit Barok Hysen Obama dhe Sleepy Joe Biden si zv/President i SHBA, i dhuronin nga viti 2008-2016 mbi 300,000.000 dollarë shtetit të Palestinës.

Pra, me 2.1 bilion dollarë gjithsej, me të cilat Obama & Biden, i dhuroi palestinezëve antiamerikanë, administrate e tyre, mund të kishin hapur miliona vende të reja pune për komunitetin e papunë afrikano amerikanë.

Në shenj mirënjohje dhe respekti, qytetarët e palestinezë, shpesh delnin para kamerave ndërkombëtare, duke djegur flamurin amerikan dhe mbajtur në duar parudhën e zakonshme të tyre: “Death to America”

Le të flasim me gjuhën e fakteve historike, të dokumentuara, sipas Public Raport, që tregon se BLM Groups marrin cdo muaj qindra milionë dollarë nga njerëzit e bardhë dhe vazhdojnë t’i shajnë dhe kritikojnë të bardhët për privilegje.

Sipas Public Raport, shkruhet se kompania amerikane DoorDash, që ka në zotërim bisneset e restoranteve dhuron për BLM Groups $400,000, UMESA SL Company $50,000, Amazon $10,000.000, Gatorade kompani e pijeve sportive $500,000, Nabisco Cookies Company $500,000, sërisht Gatorade $500,000 (gjithsej $1,000.000), Dropbox Company $500,000 etj.

Përqindjen më të madhe të donacioneve e përbëjnë njerëzit e pasur të bardhë, të cilët njihen publikisht jo vetëm në SHBA, por në të gjithë botën për pasuritë e tyre marramendse.

Kështu Jeff Bezos si themeluesi i kompanisë Amazon (1994) dhe si njeriu më i pasur në botë, është i bardhë, i cili, dhuron $10,000.000 për njerëzit me ngjyrë BLM, sikurse edhe Bill Gates si themeluesi i Microsof (1975), i cili dhuron $250,000, për BLM dhe është ssrisht njeri i bardhë.

BLM, në programin e saj në internet, shkruan se BLM dhe Antifa, duhet t’i bojkotojnë të gjithë koorporatat e fuqishme amerikane, sepse pronarët e tyre janë të bardhë.

Ka ardhur koha që Qeveria Amerikane, tu dërgoj sa më shpejt faturën BLM, për shkatërimet publike dhe private, djegien, vjedhjen e dyqanëve dhe supermarketeve, rrëzimin e statujave historike, djegien e stacioneve të policisë, djegien e bisneseve, vrasjen e policëve afrikano amerikane dhe të njerzve të bardhë dhe komuniteteve te tjera.

Antifa e BLM perdorin stampen PRESS

Ajo që po habit popullin amerikan, është fakti se protestuesit anarkistë marksistë, të veshur me uniformë të zezë, identifikohen si antarë të agjencive apo gazetave të lajmeve, duke shkruar para dhe mbrapa stampën “Press”.

Ata qëndrojnë gjatë gjithë protestave të dhunshme në rreshtin e parë të protestuesve dhe në mes të tyre. Kur ata kapen nga policia me presh në dorë thonë se janë antarë të “Press-it”, duke mashtruar hapur.

Disa prej “press-it”, janë të filmuar duke hedhur lëndë djegëse mbi ndërtesat federale, policinë dhe oficerët apo forcat speciale federale. Kur ata arrestohen për dhunë, atëherë senatorët dhe kongresistët “demokratë” gënjejnë, para mediave se po ushtrohet “dhunë” ndaj “mediave” dhe shtypit të lirë.

Askush me media nuk permend faktin historik, se në Teksas, në vitin 2016 një antar i BLM vrau brenda në gjyq 5 oficerë policie.

Protestuesit po përdorin një taktikë të re dhune, duke futur në perdorim lazerin komercial, që e blejnë në faqen e internetit amazon. Kjo është një armë e rrezikshme, që po përdoret nga demostruesit në Portland. Rreze lazër, kur drejtohet në objekt cliron nxehtësi brenda disa sekondave. Protestuesit e përdoren këtë armë ndaj policëve.

Ndërsa qytetari amerikan Andrew Ngo, që është viktimë e Antifës, dëshmon me fakte para Senatit Amerikan, më 4 gusht 2020, ku, ndër të tjera ai tregoi me hollësi sulmet ekstreme fizike, që i janë bërë atij nga antarët ekstremistë terroristë marksistë të Antifës, që veprojnë në SHBA.

Sulmet e Antifës, janë sot shumë të sofistikuara, thotë njohësi shumë i mirë i Antifës eksperti i antiterrorizmit Kyle Shideler drejtor dhe analist i lartë për Sigurinë e Brendshme dhe Antiterrorizmin në Qendrën për Politikën e Sigurisë.

Ai është specializuar në grupet islamike, që veprojnë në Shtetet e Bashkuara, pasi kanë kaluar mbi një dekade, duke studiuar dhe shkruar për historinë, doktrinën dhe ndikimin e tyre.

Kyle Shideler, ka shkruar librin: “The American Mind”, i cili, është pritur shumë mirë nga kritika dhe specialistët e antikrimit në SHBA.

Në vitin 2019, Antifa organizoi protesta të dhunshme në SHBA. Për më tepër, në website e saj ajo publikisht u tregon atarëve të saj sesi të organizohen, të veprojnë, të ruajnë komunikimin mes tyre etj. Ata shpërndajnë në mënyrë sistematike propagandë marksiste, ku, dhuna është rrjeti kryesor për të marrë pushtetin politik etj.

Në një artikull me titull: “Historia e errët e krahut të zbatimit radikal të së majtës”, autori Kyle Shideler, tregon mbi trazirat civile në të gjithë Shtetet e Bashkuara, ku, Presidenti Trump deklaroi se synon të caktojë Antifa si një grup terrorist.

Antifa sipas profesori të drejtesisë Turley Jonathan

Profesori i shquar i drejtësisë Jonathan Turley, paralajmëroi Kongresin të martën më 4 gusht 2020 në Senat, se Lëvizja Antifa, është një kërcënim për fjalën e lirë dhe është “fituese”, në kryqëzatën e saj, për të heshtur kundërshtarët.

Prof. Turley, i cili jep mësim në Universitetin George Washington, tha se llojet e betejave që luajnë tani në rrugët e qytetit nuk janë asgjë e re, për kolegjet apo universitetet.

“Shumë prej nesh në kampe kanë vite që merren me Antifën, dhe Antifa po fiton,” paralajmëroi ai Komitetin e Drejtësisë të Senatit. “Unë kam dhënë mësim për 30 vjet; Unë kurrë nuk kam parë nivelin e frikës dhe frikësimit në kampe që shohim sot.”

Ai tha se dhuna duhet të dënohet dhe se Antifa është pjesë e kësaj.

Republikanët, thanë se protestat e anarkistëve marksistë, janë pjesë e elementeve të dhunshëm, që kanë sulmuar autoritetet federale në Portland, Oregon, kurse “demokratët” kundërshtojnë, duke thënë se janë oficerët federalë ata që po nxisin dhunën me praninë e tyre.