Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PASURI

by

Nga Astrit Lulushi/
Njeriu ka shumë nevoja ose nevojë pêr shumë gjëra, që nëse do të ndaheshin, mirëqenia do të arrihej më lehtë dhe përqëndrimi do të ishte më i saktë drejt objektivit.Ka nevoja të natyrshme, që lindin me njeriun, dhe kur nuk përmbushen, prodhojnë dhimbje – siç janë ushqimi dhe veshja, nevoja të cilat lehtë mund të plotësohen.Ka pastaj nevoja të cilat, megjithëse të natyrshme, nuk janë të domosdoshme, siç është kënaqësia e disa prej shqisave. Këto janë nevojat më të vështira për tu përmbushur.Por ka nevoja që nuk janë as natyrore dhe as të domosdoshme, nevoja të luksit dhe lakmisë, dukjes dhe shkëlqimit, të cilat kurrë nuk përfundojnë, këto janë shumë të vështira për t’u kënaqur.Eshtë e vështirë, nëse jo e pamundur, të përcaktosh kufijtë e dëshirës për pasuri – sepse nuk ka pasuri që mund t’a kënaqë njeriun – sasia është gjithmonë relative, është e pamundur të ruhet proporcioni midis asaj që dëshiron dhe asaj që merr; sepse matja e lumturisë vetëm me atë që merr është aq e kotë sa të provosh të shprehësh një thysë me numërues, por pa emërues.Një njeri nuk e ndjen humbjen e gjërave me të cilat nuk ndeshet kurrë, ai është po aq i lumtur pa to; ndërsa një tjetër, i cili mund të ketë njëqind herë më shumë, ndihet i mjerë sepse nuk arrin të marrë një gjë që dëshiron. Çdo njeri që ka një horizont të vetin pret të arrijë aq sa mendon se është e mundur. Nëse një objekt duket brenda horizontit të tij, ai me besim mund të konsideronte marrjen e tij, dhe është i lumtur; por nëse i dalin vështirësi përpara, ai dëshpërohet. Ajo që qëndron përtej horizontit nuk ka asnjë efekt mbi të – -pra, pronat e mëdha të të pasurve nuk i ngacmojnë të varfërit, dhe anasjelltas, njeriu i pasur nuk ngushëllohet nga pasuria për mosrealizimin e shpresave të tij. Pasuria është si uji i detit; sa më shumë të pish më i etur bëhesh; e njëjta gjë është e vërtetë për famën.Humbja e një gjëje me vlerë shënon edhe fundin e pikëllimit, sepse sa më shpejt që fati zvogëlon shumën e pasurisë menjëherë zvogëlon edhe shumën e kërkesave; kur vjen fatkeqësia, njeriu ul sasinë e pretendimeve sepse është pikërisht ajo që është më e dhimbshme; pas kësaj, dhimbja bëhet gjithnjë e më e pakët dhe nuk ndjehet më; si një plagë e vjetër që mbyllet. Në të kundërt, kur një fat i mirë na bie, pretendimet tona rriten, dhe në këtë ndjenjë ekspansioni, qëndron kënaqësia. Por kjo nuk zgjat më shumë se vetë procesi, dhe kur zgjerimi është i plotë, kënaqësia merr fund; kërkesat tashmë janë përmbushur, dhe rrjedhimisht njeriu bëhet indiferent ndaj sasisë së pasurisë që i kënaq ato. Ka një fragment tek Odyssey që ilustron këtë të vërtetë:“…mendimet e njeriut janë si dita e dhënë nga perëndia; pakënaqësia buron nga një përpjekje e vazhdueshme për të rritur sasinë e kërkesave tona, kur ne jemi të pafuqishëm për të rritur sasinë që do t’i kënaqë ato”.Njeriu ka shumë nevoja, tek ato bazohet e gjithë ekzistenca e tij, prandaj nuk është për t’u habitur që pasuria zë vendin kryesor, por jo se është nderi më i madh se çdo gjë tjetër në botë – ashtu si diçka që nuk sjell fitim, nuk bën që përfitimi të jetë i vetmi qëllim për jetë më të mirë. Njeriu që ka lindur në pozitë pasurie, e shikon pasurinë si diçka pa të cilën nuk mund të jetojë më shumë se sa mund të jetojë pa ajër; Por njeriu që ka lindur në një pozitë të dobët e shikon atë si të natyrëshme dhe nëse në ndonjë rast bëhet i pasur, e konsideron pasurinë si një tepricë, si diçka që duhet të shijohet ose tretet, sepse, nëse e humbet, ai mund të fillojë ashtu si dhe më parë, me një ankth më pak; ose, siç thotë Shekspiri;“Nëse jeni mbret, ku është kurora juaj? – Kurora ime është në zemrën time, jo mbi kokën time; Kurora ime quhet përmbajtje, të cilës mbretërit rrallë i gëzohen.”

Finding the right solution

by

Only a deal in which Serbia recognises Kosovo and agrees to implement all 33 agreements from the Brussels dialogue can resolve the conflict./

BY David  L. Phillips*/

The presidents of Kosovo and Serbia will visit the White House on June 27, and US mediation could lead to a historic deal on mutual recognition and normalization of relations between embittered Balkan adversaries. Diplomacy is critical. In Kosovo, the absence of violent conflict does not mean that conflict is over. 

NATO intervened to prevent the ethnic cleansing of Kosovo Albanians by Serbia’s armed forces and paramilitary thugs in 1999. Ever since, Kosovo has been in limbo. Kosovo declared independence in 2008 and was recognized by 111 countries. The legality of its declaration was affirmed by the International Court of Justice. However, Serbia refuses to accept it lost Kosovo. It has waged an insidious campaign to undermine Kosovo’s government and thwart its efforts to gain greater global recognition. 

It is time to bury Balkan ghosts. After more than 20 years of hostilities, sustainable peace can be achieved by taking the following steps:   

Serbia should recognize the Republic of Kosovo as a sovereign and independent state within its current borders. It would abandon efforts to block Kosovo’s recognition by other countries, as well as international organizations. Regional economic cooperation through trade, travel and infrastructure would consolidate progress. 

Serbia would fully and verifiably implement 33 agreements brokered by the European Commission as confidence building measures. It would provide a full accounting of persons who were killed or apprehended during the War. In addition, Serbia would provide compensation for assets destroyed or removed during the conflict.

Kosovo’s international relations would be normalized. Five EU Member States that refuse to recognize Kosovo would lift their objections, putting Kosovo – a candidate country for EU membership – on track for integration into European structures. Russia would lift its veto, enabling Kosovo to become a UN member. 

Both countries would prioritize minority rights. Serbia would implement minority rights for ethnic Albanians living in the Preshevo Valley, which today is a part of Serbia. In parallel, Kosovo would enforce local self-government benefitting its Serbian minority in accordance with Kosovo’s constitution and the Ahtisaari principles that enshrine minority rights.

Benefits would flow to both countries. Serbia’s EU membership would move forward. Investments would enable economic connectivity between Kosovo and Serbia, benefitting both countries.

Importantly, Serbia would shed its pariah status. The stigma of Milosevic’s ethnic cleansing in Bosnia and slaughter of Kosovo Albanians would be removed when Serbia implements the deal. 

These arrangements are difficult, but viable. The big question: Will the Trump administration do the hard work of diplomacy to achieve sustainable peace or push for a quick-fix in the form partition. 

Trump is desperate for success on the world stage, given devastating domestic problems. His envoy Richard Grenell seems to have found a pliant partner in Kosovo President Hashim Thaci who promotes territorial exchange as pivotal to peace. 

Grenell says the delegations are coming to Washington to discuss economic issues. Why would so many travel to the US for talks on highways and railroads? Something else is in the works. Many suspect the real agenda is territorial exchange.

Partition is a bad idea. Rather than a panacea, adjusting borders would unleash a Pandora’s Box of problems. Partition represents the fulfillment of Milosevic’s project to create ethnically pure states in the Balkans, enabling Serbia to achieve at the negotiating table what Milosevic could not achieve in the battlefield. Keeping borders intact would obviate the potential for population flows catalyzing renewed violent conflict. 

The Trump administration has sent mixed signals about partition. US officials say they would support whatever agreement is reached by Kosovo and Serbian negotiators. A deal involving the exchange of territories might burnish Trump’s credentials in the short term. It would, however, lead to renewed hostilities between Kosovo and Serbia. It also risks destabilizing other fragile multi-ethnic states in the Western Balkans. 

Moreover, partition is strongly opposed by both Kosovo Albanians and Kosovo Serbs. Albanian-Americans, who are numerous in US swing states – Michigan, Pennsylvania, Illinois, and Texas – also strongly oppose redrawing borders. 

Many people died in the 1990s to preserve multi-ethnic states. Sovereignty, pluralism, and human rights remain bedrock principles of conflict resolution.  

Mr. Phillips is Director of the Program on Peace-building and Human Rights at Columbia University’s Institute for the Study of Human Rights. He served as a Senior Adviser to the State Department under Presidents Clinton, Bush, and Obama. He is author of Liberating Kosovo: Coercive Diplomacy and US Intervention.

The opinions expressed in the opinion section are those of the authors only and do not necessarily reflect the views of BIRN.

*The author sent it for Dielli Newspaper

George Floyd nuk është dëshmori im…

by

 “Candace Owens, ka një ndikim të madh në politikë në vendin tonë. Ajo përfaqëson një grup gjithnjë e në rritje të mendimtarëve shumë të zgjuar dhe është e mrekullueshme të shikosh dhe dëgjosh dialogun që po vazhdon kaq e mirë për vendin tonë!” – Donald J. Trump, President i SHBA/

Shkruan: Klajd Kapinova/New york/

Kush është vajza e zgjuar dhe kurajoze afrikano amerikane Candace Owens?

“Unë e dua mënyrën si mendon Candace Owens.” – Kanye West

Vajza elegante dhe simpatike Candace Amber Owens Farmer, ka lindur më 29 prill 1989. Ajo sot është një komentatore dhe aktiviste politike konservatore amerikane e prefetuar nga shumë media serioze dhe prestigjioze.

Owensdhe disa shoqe të tjera conservative me ngjyre, janë të vetmet burime shprese, të cilat po mundohen të ndergjegjësojnë komunitetin afrikano amerikanë, që të shkëputet nga mentaliteti i skllaverisëapo “prangat” politike brenda Partisë së Majtë Demokratike Amerikane, të cilat i përdorin ato vetëm për vota.

Qysh në fillim të aktivitetit të saj publik në media, 31-vjeçarja tërheqëse Owensështë e njohur për aktivizmin e saj për çështjen e Black Lives Matter (BLM) dhePartisë Demokratike.

Duke qëndruar në fillim brenda e pranë BLM dhe PD-së, ajo ka parë nga afër se pikërisht janë këto dy organizata të mëdha kryesore shkaku esencial i prapambetjes, mosecjes dhe mosintegrimit të komunitetit të saj afrikano ameirkanë.

Më pak se 13% e popullisë apo numërit të përgjithshëm që zë në shkallë federalekomuniteti afrikano amerikanë tradicionalisht për shumë dekada,ato kanë mbetur pjesë e lojës peng e politikanëve të lartë të Kongresit dhe Senatit Amerikanë, të cilët sëbashku me liderët e të drejtave të njeriut brenda komunitetit tëtyre, i përdorin sa për t’i marrë votën dhe pastaji harrojnë…

Hipokrizia brenda komunitetit afrikano amerikanë nuk ka të sosur. Kshtu edhe pse Joe Biden kandidat pothuajse zyrtar i PD për garën presidenciale të nëntorit 2020, bën çdo herë gafa dhe lëshon fyrje ndaj komunitetit me ngjyrë, “liderët” me ngjyrë, bëjnë gjithnjë syrin çorr dhe veshët shurdhër.

“Demokratët” në SHBA, nuk duan t’ia dijnë se si jetojnë afrikano amerikanët, papunësinë e tyre etj., sepse qëllimi kryesor i tyre është përdorimi i Kartës Raciale kundër të bardhëve për t’i bërë ata që si robot të rrisin numërin e votuesve në dobi të PD.

Populli amerikanë nuk është naiv, sa të mos kuptoj atë që po ndodh sot.

Socialistët dhe komunistët amerikanë në Kongres dhe Senat nuk kritikojnë “demostratat” e dhunshme që po përdorin veglat e tyre në terren Antifa dhe BLM, por vazhdojnë të përdorin kartën e racizmit, për të mbajtur të ndezur pa asnjë shkak valën e zemërimit kundër Presidentit Donald J. Trump dhe komunitetit të madh të bardhë në SHBA.

Gjatë kohës së administratës të presidentit demokrat Obama, papunësia, kriminaliteti, varfëria, etj., ishin dhe mbetën nga 2008-2016 në nivele shumë të larta.

Edhe pse e dijnë shkakun dhe pasojën e prapambetjes dhe braktisjes së tyre nga liberalët “demokratë” afrikano amerikanët asnjëherë nuk dolën në rrugë kundër Presidentit Obama, të cilin vetë e kishin votuar dhe rivotuar për dy mandate.

Analistja kritike bashkëkohore Candace Owens, ka përdorur gjithnjë mediat dhe origjinën e saj, për të ndërgjegjësuar pa reshtur komunitetin afrikano ameirkanë, qëështë braktisur prej kohësh nga senatorët, kongresmenët dhe liderët afrikano amerikanë ultra të majtë.

Kështu e mirëshkolluara Owens,ka shfrytëzuar pozitën e saj në qarqet konservatore republikane amerikane, për promovuar dhe ndihmuar komunitetin e saj afrikano amerikanë.

Media këtu në SHBA, që më shumë jep opinione se infomacione, asnjëherë nuk e vë në dukje këtë meritë plot vlerë të vajzës së talentuar me ngjyre.

Ajo ka punuar për grupin konservativ Turning Point USA nga viti 2017-2019 si drejtore e komunikimit të tyre.

Jeta si zëi fuqishëm për afrikano amerikanët

“E majta amerikane shkatërron gjithçka, përmes kësaj ideologjie kulturore marksiste.” – Candace Owens

Vajza elegante dhe simpatike Candace Owensu rrit në Stamford, Connecticut (jo shumë larg shtetit metropolitan New York) nga gjyshërit, pasi prindërit e saj u divorcuan. Ajo thotë se gjyshi i babait të saj Robert Owens ka lindur në Karolinën e Veriut. Ajo është e diplomuar në shkollën e mesme të Stamfordit.

Jeta e saj nuk ka qenë e lehtë, por ka kaluar shumë peripeci. Kështu në vitin 2007, në shkollë të mesme Owens mori tre mesazhe zëri me kërcënim për vdekje.

Joshua Starr, mbikëqyrësi i shkollave të qytetit, dëgjoi mesazhet e postës zanore dhe tha se ato ishin “të tmerrshme”.

Nga ana e tjetër, familja e Owens paditi Bordin e Edukimit në Stamford në gjykatën federale, duke pretenduar se qyteti nuk i mbrojti të drejtat e saj, ku, ajo u dëmshpërblye në janar të vitit 2008 me një shumë prej 37.500 dollarë.

Vajza ambicioze për të përfunduar studimet e larta, shprehu interesimin duke shtuar edhe më shumë etjen për dije dhe kulturë bashkëkohore universitare.

Owens, ndoqi një diplomë universitare në gazetari në Universitetin e Rhode Island. Ajo u largua pa e përfunduar, për shkak të një problemi me kredinë e saj studentore.

Më pas, ajo punoi si praktikante për revistën Vogue në New York. Në vitin 2012, Owens mori një punë si asistente administrative për një firmë të kapitalit privat në Manhattan, NY, ku, arriti të bëhet nënkryetare e administratës.

Deri në vitin 2017, Owens ishte bërë e njohur në qarqet konservatore për komentet e saj pro Trump, dhe për kritikimin e retorikës liberale, në lidhje me racizmin strukturor, pabarazinë sistematike dhe politikën e personalitetit.

Në vitin 2017, ajo filloi të postoj video me temë politike në YouTube dhe në shtator filloi nëRed Pill Black, një faqe interneti, ku, paraqistenjë risi për konservatorizmin me ngjyre në Shtetet e Bashkuara.

Intelektualja e re e talentuar konservatore Candace Owens, është shfaqur si bashkëpunëtore e rregullt me opinionet e saja të veçanta në shumë faqe internet, radio dhe show televizive, e mëshumë në kanalin prestigjioz Fox News etj.

Në tetor 2018, Owens dhe fushata presidenciale e Donald J. Trump filluan Lëvizjen Blexit, një fushatë e mediave sociale, për të inkurajuar afrikano amerikanët të braktisin PD dhe të regjistrohen si republikanë.

Termi Blexit do të thotëqë afrikano amerikanët të dalin nga PD e Obamës, Hilarit, Pelosit, Biden, Nadler, Schummer, etj. Lëvizja e re, ndjek me sukses shembullin e Brexitin dyfjalësh i përdorur për të përshkruar tërheqjen e Mbretërisë së Bashkuar nga Bashkimi Evropian.

Në fillimet e saj publike në vitin 2015 Candace Owensështë shprehur se ajo nuk kishte asnjë interes në politikë. Ajo më parë ishte e identifikuar si liberale.

Në vitin 2017, ajo filloi ta përshkruaj veten si një mbështetëse konservatore e Presidentit Trump. Në tetor 2018 pranoi publikisht se asnjëherë nuk kishte votuar dhe se tani me kënaqsi ishte regjistruar republikane.

Tek Candace Owens një ndikim apo inspirim të fuqishëm kanë qenë veprat e Ann Coulter, kirurgut të famshëm dr. Ben Carson (sot pjesëtar i kabinetit në administratën e Presidentit Trump), i cili, arriti me sukses në saj të një operacioni të gjatë, ku, ndau trurin e dy binjakëve të lindur me tru të lidhur me njera tjetrën dhe Thomas Sowell etj.

Owens: Black Lives Matter ka mentalitetin e viktimës

Aktivisja për integrimin e komunitetit afrikano amerikane Candace Owensnë media dhe në opinionin publikështë e njohur për kritikën e saj ndaj lëvizjes Black Lives Matter dhe i ka përshkruar protestuesit e BLM si “një bandë e të vegjëlve të shtypur për vëmendje“. 

Ajo argumenton, se një pjesë e pa integruar në jetën amerikane e afrikano amerikanëve kanë një “mentalitetin e viktimës“, ku, PDi përdor ato thjeshtë për vota, si një burim mirë plantacioni.

Për më tej Owens shton se e majta socialiste amerikane,i trajton njerëzit me ngjyrë të varur nga qeveria dhe se ato janë në garë për të votuar për demokratët.

Ajo tregon se dhuna e policisë ndaj njerëzve me mgjyrë, nuk ka të bëjë me racizmin, dhe i referohej vrasjeve policore të njerëzve me ngjyrë si një çështje e parëndësishme për afrikano amerikanët.

Owens e kundërshton abordin dhe e ka karakterizuar atëme përqindje të lartë nëkomunitetin e saj,si një mjet për “shfarosjen” e foshnjave me ngjyrë.

Zonja Candace, është kritike ndaj feminizmit. Owens e përshkroi lëvizjen #MeToo si një lëvizje ndërkombëtare kundër ngacmimit seksual. Kjo lëvizje në ditët tona, është e tejpolitizuar dhe përdoret në mënyrëhipokrite të njëanshme nga demokratët.

Ato përdorin dy standarte, sa që shpesh amerikanët mbesin të zhgënjyer. Kur ka raste negative të abuzimeve seksuale nga figura të larta të PD, media e majtë dhe globaliste i mbulon ato mjeshtërisht me heshtje dhe nuk do që të flitet për këto histori.

Sipas zonjës Candace: “Amerikanët me ngjyrë po përkeqësohen më shumë sot nga ekonomia sesa ne po bënin në vitet 1950 nën Jim Crow“, duke shtuar, se: “Ne kemi votuar vetëm për një parti (demokratike), qysh nga ajo kohë.”

Ajo me të drejtë ka nenvizuar, se përmirësimet ekonomike, gjatë tre vitëve të fundit 2017-2020, për afrikano amerikanët, kanë ardhur në rritje,vetëm në saj të politikave të sukseshme të bisnesmenit largpamës Presidentit Trump, i cili, e ka ulur papunësinë për komunitetin me ngjyrë në shifrarecord, në të gjithë historinë e SHBA.

Dhe për këtë anëpozitive për komunitetin me ngjyrë, liderët, senatorët, kongresmenët, politikanët qendror dhe local, VIP, njerëzit e artit dhe kulturës në Hollywood e gjetkë,asnjëherë nuk e kanë vlerësuar e falenderuar Presidentin Donald J. Trump, për uljen e papunësisë, largimin nga asistenca sociale etj.

Nga ana e tjetër ish senatori i shtetit të Ilinois dhe më pas ish Presidenti Barok Hysen Obama, i cili vjen nga komuniteti afrikano amerikanë nuk ka bërë asgjë për punësimin, uljen e kriminalitetit etj., të cilat sipas shifrave federale zyrtare kanë pasur shkallën më të lartë gjatë 8 vjetëve (2008-2016) të presidencës së tij së bashku me zv/Presidentin Joe Biden, i cili, për cudi të amerikanëve kërkon tërihyjë në Shtëpinë e Bardhë tashmë si president i SHBA.

Kështu vetëm më Chicago ish zona elektorale e senatorit dhe mëvonë ish Presidentit Obama, vrasjet janë shumë shqetsuese midis njerëzve me ngjyrë, ku, vritën çdo vit afërsisht 365 vetë, duke qenëshkalla e krimit në nivelin më të lartë në të gjithë SHBA.

Për këtëtemëdelikate dhe prekëse të komunitetit të saj, ka folur e flet shpesh në media konservatorja me ngjyrë Candace Owens dhe asnjëherëObama, Biden, Hilary, Pelosi, Nadler, Schiff, Schummer etj., dhe të ashtëquajturit apo vetëquajturit “liderët” e komunitetit afrikano amerikanë në Chicago dhe në gjithë SHBA.

Mbajtja me leje e armëve për vetëmbrojtje,është një e drejtëë sanksionuar në Kushtetutën e SHBA. Këtë të privilegj themelore të njeriut e ka shfrytëzuar edhe Candace Owens, e cila tashmë është një anëtare e regjistruar e Shoqatës Kombëtare të Pushkëve (NRA).

Owens mori 100.000.000 shikime për një jave

Video në Facebook e aktivistes konservative afrikano amerikane Candace Owens me titull: “George Floyd nuk është dëshmori im. Ai mund të jetë i juaji.”(“George Floyd is Not My Martyr. He May Be Yours”), ka patur këto ditë mbi 100.000.000 klikime vetem brenda një jave.

Të trembur nga e vërteta, kompanitë e majta globaliste mediatike dhe rrjetet sociale me prirje te theksuara të majta si: Youtube, Twiter, Facebook, Google, Yahoo, AOL etj., dhe disa kompani sponsorizuese të saj, menjëherë filluan censurendhe bllokimin e fondeve (sponsorizimin) për Fjalën e Lirëdhe të Vërtetat e Faktuara, që ajo rreshtoi hapur me kurajo dhe plot emocione para opinionit amerikanë.

Video e vetëregjistruar ka 18 minuta. Ajo është shumëzuar në progression gjeometrik në shumë edicione lajmësh, show, intervista, opinione, rrjetet sociale, website, senator, kongresistë, VIP etj., gazetat dhe revistat këtu në SHBA dhe vende të ndryshme të botës.

Kjo është video, që ka bërë xhiron e botës, për një kohë shumë të shkurtër. Candace Owens, me opinionin e saj ka lënë pa mend shumë liderë afrikano amerikanë, dukë i vënë para përgjegjësisë, për gjendjen jo të këndshme ku ndodhet sot komuniteti i saj.

Ajo ka marrë përgëzime nga miliona të rinj amerikanë, shumica e të cilëve i përkasin komnitetit me ngjyrë, të cilët kanë postuar mbështetjen e tyre në media dhe rrjetet sociale.

Candace Owens, ka mbi 2.5 milion ndjekës në Facebook, ku, mesatarisht mbi 10.000 mbeshtetës i shtohen asaj në SHBA dhe nga e gjithë bota, mbas opinionit të saj mbi historinë e vertëtë mbi të kaluarën afrikano amerikanit George Floyd, të vrarënë mënyrëtragjike nga një grup policësh.

Oficerët që po hetohen nga FBI, për vrasjen e njeriut me ngjyrë në rrugë, janë: Derek Michael Chauvin (44 vjeç) Tou Thao (34 vjeç) J. Alexander Kueng (26 vjeç) dhe Thomas Kiernan Lane (37 vjeç) Ata ishin në javën e tyre të parë si oficerë të policisë në Minneapolis, kur u vra Floyd. Chauvin është i bardhë, Korsia është i bardhë, Thao është hmong dhe Kueng është me ngjyrë.

Në videon e saj autorja Owens, thotë se: “Ajo që po them nuk është mbrojtje për Derek Chauvin, shpresoj, që Derek Chauvin të marrë drejtësinë që meriton dhe familja e tij gjithashtu për mënyrën se si ai vdiq. Por, George Floyd nuk është dëshmori im. Ai mund të jetë i juaji. “

“Siç vihet re nga vëzhguesit e sinqertë, Bid Tech është kthyer në mënyrë radikale duke bllokuar dhe hequr gjithçka jashtë narrativës së Partisë Demokratike. Si korporata private, ata kanë një të drejtë ligjore ta bëjnë këtë, por si monopol të informacionit në sheshin publik, nuk e bëjnë këtë. Pra YouTube censuron këtë video të Candace Oëen, nga e cila buron më poshtë, (pasi ato kanë disa nga të tjerët), LibertyUnderFire mbron të drejtën e Candace Oëen në sheshin publik.” – shkruan Harold Pease, Ph.D. për gaztën britanike The Independent.

Opinionistia kritike Candace Owens, në videon e sajvijon:“Por, unë gjithashtu nuk do të pranoj narracionin, se kjo është më e mira që komuniteti i zi ka për të ofruar. Për çfarëdo arsye, është bërë modë dhe përbuzëse, për ne, vitet e fundit, për t’i kthyer kriminelët në një hero brenda natës. Unë, nuk do të luaj një rol në të pa marrë parasysh sa presion vijnë nga liberalët e zi dhe konservatorët e zi.”

Oficeri Derek Chauvin është portretizuar nga media se“ai është djall” dhe “nuk është ngritur ose mbrohet nga amerikanët e bardhë”, por George Floyd është duke u lartësuar si “një qenie njerëzore e mahnitshme“, gjë që ai nuk është i tillë.

Në kohën e arrestimit, ai ishte i lartë në fentanil dhe metamfetaminë, sipas të dy raporteve të autopsisë. Transkripti i thirrjes së policisë 911, që thërriste për ndihmë “përshkroi dikë që ishte jashtë mendjes së tyre“, dhe se ata kishin frikë nga sjellja e tij edhe gjatë përpjekjes së tij për të përdorur “një faturë të rreme për të blerë diçka” deri sa arriti policia.

Një klip i tij i vendosur në pranga dhe përballë murit tregonte një baggie të bardhë që binte nga trupi i tij. “Media po refuzon ta qarkullojë atë“, tha Owens.

“Ju mund ta gjeni atë në Twitter nëse përdorni DuckDuckGo dhe kërkoni lart, George Floyd baggie. Klipin mund ta shikoni vetë me sytë tuaj. Ai kishte drogë ndaj tij në kohën e arrestimit të tij. “

Atëherë, çfarë tjetër nuk ka ndarë media për zotin Floyd!? Me sa duket, ai ka qenë një kriminel i dënuar për ca kohë – të paktën 5 (pesë) herë, duke filluar në vitin 1998 me “vjedhje me armë zjarri“.

Për këtë, ai shërbeu 10 muaj. Dhe përsëri, tetë muaj në 2004, “për një vepër kokaine“. Dhe përsëri për kokainë dhjetë muaj të tjerë në 2005. Dhjetë muaj të tjerë për kokainë në 2007, vazhdon në shkrimin e tijHarold Pease, Ph.D. për gazetën britanike The Independent.

Por ngjarja që e bindi Candace Owens më së shumti se Floyd nuk ishte një person i mirë, me siguri jo qytetari i shquar për të bërë bluza të bëra dhe shpërndarë në emrin e tij si një shtyllë e shoqërisë, që përfaqësonte komunitetin me ngjyrë, ishte kur ai dhe 5 (pesë) të tjerët u detyruan hyrje në shtëpinë e një gruaje shtatzënë me ngjyrë për ta grabitur.

“George Floyd nxori një armë dhe e shtypi në bark. Ajo po bërtiste, duke lypur për jetën e saj dhe ai e futi atë brenda dhomës së saj të jetesës dhe udhëzoi një nga miqtë e tij kriminel, që ishin me të ta shikonte, dhe të sigurohej që ajo të mos dilte nga dhoma e ndenjes … ndërsa ata sulmuan shtëpinë e saj, duke kërkuar droge dhe para. Duke mos gjetur asgjë, ata përfunduan duke marrë portofolin dhe celularin e saj.

Një fqinj, duke parë disa nga sa më sipër, thirri në targën e automjetit të drejtuar nga Floyd dhe ai vuajti një dënim pesë-vjeçar, të gjashtën e tij, duke u lëshuar në vitin 2014.

Njerëzit bëjnë gabime. Por unë tërheq linjën kur bëhet fjalë për shanset e dyta, të treta, të katërt, të pestë, të gjashta, të shtata, të tetë dhe të nëntë. Por Floyd ishte akoma duke thyer ligje që merreshin me falsifikim, duke përdorur fentanil dhe metafetaminë, kur u arrestua në 25 maj 2020.

Asnjë nga këto nuk justifikon një oficer policie, që vendos gjurin në qafën e viktimës, duke shkaktuar vdekjen e tij. Asgjë!!

Ai ishte një shembull i një krimineli të dhunshëm tërë jetën e tij. Kjo nuk do të thotë që ai meriton të vdesë në duart e policisë, por, do të thotë që unë nuk do të luaj një pjesë të kulturës së zezë të thyer që gjithmonë dëshiron të dëshmojë kriminelët.

Kush dëshiron të pretendojë se ata ishin këto qenie njerëzore të ngritura.”

Owens, u shqetësua dukshëm me nxitimin e gjykimit të Amerikës. Pak njerëz ishin të gatshëm të prisnin informacione të tjera përpara se të dilnin në rrugë për t’u djegur, vrarë, rrëzuar bustet, plaçkitur dhe rebeluar njëri-tjetrin.

“Unë bëra vetëm kërkime themelore“, tha ajo, duke nënkuptuar se çdokush mund të dijë të njëjtën gjë duke bërë pak detyra shtëpie.

Viktima George Floyd, është një dëshmor për një rrëfim të rremë. “Brutaliteti policor i motivuar racionalisht është një mit.”

Candace Owens, citon shifrat e vitit 2018, që tregojnë se kriminelët e dhunshëm të bardhë kanë një shans 25% më të lartë për të vdekur nga policia sesa kriminelët e dhunshëm me ngjyrë.

Për më tepër, ajo tha në video se 9 njerëz me ngjyrë të paarmatosur përkundrejt 19 të bardhëve të paarmatosur u vranë në vitin 2018.

“Fatkeqësisht, komuniteti i afrikano amerikanë, kryen një sasi jo-proporcionale krimesh në krahasim me komunitetin e bardhë. Kështu burrat me ngjyrë, me 6%, të popullsisë, bëjnë 44% të të gjithë vrasjet në këtë vend sipas statistikave të vitit 2018.”

Jo vetëm që po e lejojmë këtë mit “të frymëzojë trazira”, trazira në të cilat po vdesin njerëzit me ngjyrë, në të cilat po vdesin sërisht qytetarët afrikano amerikanë.

Ajo i referohet 77-vjeçarit David Dorn, një oficer policie në pension me ngjyrë, që mbronte dyqanet e një shoqeje me ngjyrë, të vrarë hapur me pistoletënga një “protestues” dhe sulmues “paqësorë” afrikano amerikanë.

Deri tani janë vrarë 10 oficerë policie, ku, 8 prej tyre janë afrikano amerikanë. Media, që ka vdekur në Amerikëdhe liderët e komunitetit afrikano amerikanënuk flasin për këto vrasje kriminale tëpolicëve me ngjyrë, por ato bërtasin dhe demostrojnë vetëm kur polici vret një përson me ngjyrë.

Një police në New York u shtyp brutalisht me makinën e një “demostruesi“ të zakonshëm “paqësor”.

Kështu gjatë ditëve dhunshme të trazirave vetëm në New York State janë plagosur rëndë mbi 300 policë, që hidhnin mbi policinë dhe makinat e tyre Molotov, gurë dhe tulla, që për çudi u gjenden ditët e protestave në disa qytete të SHBA.

Policia ka vrarë në raste të ndryshme edhe njerëz të bardhë por asnjë individ, grup apo organizatë e bardhë(që nuk ekzistojnë) nuk ka përdorur dhunë apo vandalizma të tjera, vrarë policë apo hedhur molotov mbi trupat dhe makinat e tyre, osedjegur stacionet e policisë së shtetit, dyqane dhe supërmarketet, kishat dhe rrëzuar bustet e historisë së SHBA…

Në lidhje me të zezën ndaj krimit të zi, i cili është problemi kryesor në komunitetet afrikano amerikane, asnjëherë të adresuar nga media demokratike apo politikanë e tyre Owens nenvizon: “Ne fajësojmë njerëzit e bardhë. E drejta! Ne u drejtojmë vetëm një aparat fotografik personave të bardhë kur ata bëjnë diçka, edhe pse ne e bëjmë atë me një shkallë më të lartë për veten tonë, apo jo! Dhe kjo funksionon aq mirë për mbajtjen e popullit tim të skllavëruar në Partinë Demokratike.

Nëse doni të varni posterat e kriminelëve në murin tuaj dhe të flisni rreth tyre si dëshmorët tuaj, bëjeni, bëni atë, mund ta bëni!”, por “nuk do të më kapësh jashtë, duke u përpjekur të kapësh një TV duke pretenduar se është një martir me emrin George Floyd u vra“.

Ethet e Zgjedhjeve- Emigranet nuk mund “t’ja varin ujkut mëlçitë në qafë”…

by

…. për ta vota është e shenjtë, sepse  mendojnë dhe arsyetojnë krejt ndryshe nga kjo klasë politike e cila përpiqet si e si t’ja vështirësoi jetën edhe jashtë vendit nëpër koridoret e konsullatave shqiptare./

Nga Klara Prifti/

Sa herë që gjendemi në prag zgjedhjesh, temperatura politike në vendin tonë rritet jashtë mase, më shumë se në vendet e tjera, me histori pak-a-shumë të ngjashme (ish-komuniste). Kjo tufë njerëzish nuk mund të quhen politikanë, e as të dalloj ndonjë burrë shteti mes tyre.

Burrat e shtetit mendojnë për vendin, për të ardhmen e tij, ndërsa modeli shqiptar mendon vetëm-e-vetëm për përfitime të shfrenuara. Nuk kanë asnjë ide në kokë se ku duan ta shpien vendin, nuk venë në parlament me plane dhe ide konkrete për zhvillimin ekonomik dhe mirëqenien e shqiptarëve. Në fund të fundit detyra e kësaj klase laperash ishte të tragetonte dhe të ankoronte vendin drejt një porti të sigurtë, me demokraci të konsoliduar, dhe jo t’a mbyste në detin e korrupsionit.Por nuk kish si të ndodhte ndryshe me programin e “Katovicës” në xhep, dhe me nostalgjinë komuniste për Komunën e Parisit dhe Sheshit  të Kuq në Moskë. Qershia mbi tortë është ndërthurja e kësaj klase me grupet kriminale mafioze, të cilët kanë një aftësi të çuditshme për të gjetur gjuhën e përbashkët me strukturat shtetërore. Tashmë nuk dihet cila nga të dyja palët e bën ftesën e para për “bashkëpunim”. Korrupsion ka edhe në vendet e tjera, por jo deri në atë gradë sa të frenoi zhvillimin e vendit.

Si mund të pretendosh për demokraci kur nuk e kthen pronën tek pronarët e ligjshëm, por e ndanë atë si plaçkë lufte…Shqiptarët duan të dinë se çfarë dëshmie trashëgimie ka përdorur ish-deputeti I PD-së Rexhep Uka për ndërtimin e fermës së tij në Bathore, apo familja Prespa e shumë të tjerë…Ky i pari na shfaqet në TV duke shpalosur krenari për fermën e tij të vjedhur. Nga ato sekuenca mund të shpëtojmë vetëm qenin e tij pastor, që me siguri nuk i di bëmat e të zotit, përndryshe do t’i ishte drejtuar ndonjë gjykatë dinjitoze. Dihet botërisht se ato toka janë të patriotit dhe fisnikut Seremedin Toptani. Po si nuk u vjen turp kur mendojmë se Kina në 25 vjet ka nxjerrë nga varfëria 750 milion banorë, ndërsa ne, më pak se 3 milionë, jemi të detyruar të rrimë një jetë në tranzicion. Pas 30 vjetësh kanë zbuluar “ujin e ngrohtë”, dhe duan votën e emigrantëve, pasi në fillim i quanin refugjatëtët “jashtëqitja e kombit”, duke mohuar eksodin biblik, i cili vazhdon edhe sot e kësaj dite me ritme lebetitëse. 

Gjatë gjithë kësaj perjudhe remitancat kanë shërbyer si armotizator social, ndërsa studentëve tanë të shkëlqyer u janë përplasur dyert në fytyrë, në vend që t’u krijonin mundësinë që dijet e investimet e tyre t’i venin në shërbim të vendit.

Por është e pamundur, sepse vendit i duhen “intelektualë” që në parlament qajnë për kaçurrelat e humbura, e jo për gjendjen e mjeruar ekonomike të vendit. I duhen edhe disa guerrilas me pantallona të shkurtra, që në sezonin turistik zenë prita në të gjithë pikat kufitare të vendit për të kërkuar “asikuracionin” e mjetit gjatë qëndrimit provizor…gjenitë e taksave e kanë menduar mirë… pasi edhe nëse qëndron 20 ditë, duhet të paguash për 30, sepse faturat i presin ose për 15ose për 30 ditë, dhe kur i pyet se çfarë mbulon ky lloj asikuracioni ngrënë supet dhe zbardhin dhëmbët, pasi as vetë ata nuk e dinë se ku shkon ky lum parash.

NJIHUNI ME PASOJA E PËRDORIMIT TË MARIUHANËS

by

  • PËRSE PARTIA E GJELBERT(KOMUNISTE) AUSTRALIANE I BËN PRESION QEVERISË TË MONOPOLIZOJË PRODHIMIN DHE SHITJEN E MARIHUANËS?

– Nuk i shoh aspak të RASTËSISHME përpjekjet e vazhdueshme të qeverive të MAJTA, -si në Australi e vende të tjera të botës, që me slloganet e tyre të mrekullueshme, -“në emër të popullit”, “për popullin”, “populli mbi të gjitha”, “për të mirën e popullit”, etj, etj, kanë arritur qëllimet e tyre ma djallëzore kundra popujve të tyre…

– Një proverbë thotë: “Socialism is like a mouse trap. It works because, the mouse doesn’t understand why the cheese is free”… (Socializmi asht si nje kurth minjesh. Minjët bijen në këtë kurth, sepse s’kuptojnë pse djathi asht falas).

– Njihuni me pasojat e perdorimit te Marihuanes-

Shkruan: Dr. Zekri Palushi, Australi/

Pak fjalë për MARIHUANA-n,-(CANNABIS)

Në Australi, -Partia e Gjelbërt (komuniste), asht duke i ba një presion t’vazhdueshëm qeverisë, për mundësinë e legalizimit të marihuanës,-duke i propozue asaj që njëkohësisht të monopolizojë si prodhimin, ashtu dhe shitjen e kësaj droge.

Sipas tyre, qeveria duhet të mbajë përgjegjësi për prodhimet e licensueme të marihuanës, -dhe të sigurojë përdoruesit që këto prodhime janë të pa-damshme, e do të jenë me një kualitet të qëndrueshëm, po kështu qeveria duhet të përgjigjet edhe për zgjedhjen e një paketim dhe reklamimi të përshtatshëm.

Marihuana MJEKSORE asht legalizue në Australi qysh në vitin 2016 (sigurisht me kambënguljen e “ekspertve” të Gjelbërt).

Megjithatë, ne, -(sidomos mjekët), duhet të jemi të kujdesshëm e të ndërgjegjshëm në interpertimet dhe mbivlerësimet që u bahen vlerave terapeutike të saj.

Janë publikue shumë pak të dhana në lidhje me efikasitetin mjekësor të marihuanës.Disa nga të sëmurët që mund të përfitojnë pak nga përdorimi i ‘marihuanës mjeksore’ janë epileptikët (por jo t’gjitha llojet e epilepsive), po kështu disa të sëmurët me dhimbje të ndryshme, dhe disa nga pacientët me dependencë (addiction) në opiate (grup ilaçesh, ku përfshihet edhe heroin-a).

Ndërsa, përdorimi i marihuanës për qëllime qejfi, -asht ilegale si në Australi, Britani, dhe në shumë nga shtetet të Amerikës.

Në Utopinë (“parajsën”) e të Gjelbërtve,-legalizimi i marihuanës do ti ndihmonte përdoruesit e sajë, s inga ana financiare, po ashtu edhe nga pasojat sociale që vinë nga perskutimi kriminal.

Aktivistët e Gjelbër, mundohen të minimizojnë në maksimum të këqiat që vijnë prej marihuanës, duke pretenduarqë të ardhurat që mund të grumbullohen prej taksave të marihuanës, do të përdoren nga sektori i Mjekimit dhe Prevenimit. Kjo asht një mënyrë tipike socialiste e të menduarit; – krijo një problem, dhe pastaj punso një grup njerëzish, për ta “zgjidhur” këtë problem.

Të Gjelbrit ankohen se, ligjet e tanishme ndërhyjnë në ‘Liritë Civile’. Ata thonë,-nqs veprimet tona nuk cënojnë të tjerët, -atëherë, ne duhet të jemi të lirë me marrë ç’do gja që ne dëshirojmë?

Siç shihet, ky grup s’kupton, apo s’don ta kuptojë se dikush, (ne, taks-paguesit), duhet të PAGUAJM për qejfin dhe “liritë” e tyre. Kështu pra, kur vjen puna të diskutohen pasojat shëndetësore, ekonomiko-financiare, -komunistët e Gjelbërt, rrinë urtë dhe qëndrojnë indiferentë.

Pak për Pasojat shëndetësore:

Efekti imarihuanës në trurin e të rinjëve, që akoma asht në zhvillim, -mund të sjellë pasoja katastrofike të pa-rikthyeshme. Një nga ekspertët ma të mirë të Anglise, Profesor Robin Murray (me titull mbretrore,Sir), -ndër të tjera, në gazetën ‘Guardian’, thotë se: Marihuana rrjeshtohet në rrisk-faktorët kryesorë të shkaktimit të PSIKOZAVE.

Ndërkohë, dihet shumë mirë që përdorimi i rregullt i marihuanës dyfishon shkaktimin e rasteve të Schizophrenis.

Instituti i Shëndetit dhe Mirëqenjes së Australisë, nga studimet e tij në lidhje me drogë-përdoruesit, ka gjetë se në këtë grup,- 16% marrin marihuana.

Po kështu dihet se në krahasim me efektet e duhanit dhe pijeve alkoholike, -efektet neuro-psicike nga marihuana,fillojnë të manifestohen që në moshë të herëshme të adoleshencës, e në vazhdim të viteve të pjekurisë.

Pra, siç shifet, schizophrenia asht një gjendje e ‘dhimbëshme’ e të rinjëve,-shenjat e së cilës fillojnë të shfaqen pikërisht atëherë kur këta të rinj përballohen me sfidat e jetës së kësaj moshe.

Po kështu, përdorimi i marihuanës, shpejton sjelljen e sëmundjeve të ndryshme, sidomos në  individët me predispozicione gjenetike. Ajo asht një “shok fallc” për ato pacientë me episode psychotike, që mendojnë se marihuana i rrelakson dhe iu zbut symptomatikën, -ndërkohë që faktikisht, marrja e saj, hedh benzinë në flakën e psychosave.

Pasojat ekonomiko-financiare

Llogjikisht, prodhimi i “Marihuanës zyrtare” duhet t’i nënshtrohet një procesi rigoroz të licensuar, -natyrisht që duke kaluar në këto procese, -produkti përfundimtare (marihuana zyrtare), del ma pak e fortë se sa ajo ilegalja, -ndërkohë, -qeveria për të “ndihmuar” blerësit, duhet ta shesë ma lirë se marihuanën ilegale. Pra dashje-pa-dashje, qeverisë do t’i duhet të konkurojë me ‘Marketin e Zi’, por edhe të gjykojë për një taksë të mjaftueshme që do t’i sjellë fitime.

Dukshëm, nëse qeveria do ti merrte dhe  zbatonte këto masa, që faktikisht do të ishin të dmd, -atëherë ajo do ta vinte vehten në një pozicion të dis-favorshëm, në raport me Marketin e Zi, -i cili s’ka nevojë të marrë asnjë masë, (veç grumbullimit të sajë, dhe ruajtjes apo shmangies prej Organeve Kompetente), si rezultat, “prodhimi” i tyre asht pra ma i fortë, dhe shumë ma i lirë se sa prodhimi i licensuar i shtetit. Atëherë, marihuana ilegale, do të ishte shumë ma tërheqëse për blerësit e zakonshem, që tashma janë msue me Tregun e Zi.

Sipas ktij analizimi, dhe praktikës së deri-tanishme del se, -nqs marihuana do të legalizohej, -fitues do të ishn vetëm politikanët e Majtë, që për të tërhequr votat e përdoruesve të marihuanës, kërkojnë aprovimin e ligjeve në dëm të përdoruësve, familjeve të tyre, shoqërisë e vetë qeverisë.

Për kurjozitet do të kisha pyet:

A ka organizue ndonjëherë qeveria programe apo emisione edukuese për rininë në lidhje me marihuanën? Unë mendoj se jo.

Të Majtit, “në emër të ruajtjes dhe mbrojtjes së të drejtave të njeriut”,- investojnë shumë në shkatrrimin psicik të të rinjëve,-ndërsa të rinjët (tashma me ç’rregullime psicike), në shenjë mirënjohje ndaj “mbrojtësve” të tyre, votojnë për to.

Me dashamirësi do të pyesja studentët e shkollave të mesme dhe të universiteteve, nëse janë plotësisht në dijeni të rreziqeve që vijnë nga përdorimi i marihuanës?

Po kështu, -sa prindër rrudhin shpatullat, apo i quajn si “normale” eksperimentimet që fëmijët e tyre bajnë me marrjen e marihuanës,-duke e quajtur si pjesë e rritjes së tyre?

Bashk-atdhetarët e mij të nderuar, -duke u mbështetur në eksperiencën time personale e profesionale, nën regjimin socialist të Shqipërisë, dhe në atë (kapitalist), mbi 20 vjeçarë, të Australisë, -nuk i shoh aspak të RASTËSISHME përpjekjet e vazhdueshme të qeverive të MAJTA, -si në Australi e vende të tjera të botës, që me slloganet e tyre të mrekullueshme, -“në emër të popullit”, “për popullin”, “populli mbi të gjitha”, “për të mirën e popullit”, etj, etj, kanë arritur qëllimet e tyre ma djallëzore kundra popujve të tyre, -një nga këto “arritje” asht edhe përpjekja e tyre për legalizimin e marihuanës, e cila pa dyshim, dhe në mënyrë graduale  do t’shkatrrojë shëndetin në përgjithësi dhe gjykimin në veçanti të rinisë, -rrugë që do ti çojë drejt invaliditetit dhe mvartësisë ekonomike nga shteti.Ndërkaq, shtetit i jepet mundësia e vet-krijuar, që të luaj si ‘macja me miun’ me qytetarët e saj.

Përfundoj me një lutje për ju të gjithë: “Duhet të jeni shumë t’kujdesshëm, me ç’do gjë që “gatuajnë” të Majtit, -nëse jeni kurjoz që ta shijoni gatimin e tyre, -atëherë mbajeni atë për shumë kohë në gojë, përtypeni mirë, –por kurrë mos e kapërdini”.

Një proverbë thotë: “Socialism is like a mouse trap. It works because, the mouse doesn’t understand why the cheese is free”, (Socializmi asht si nje kurth minjesh. Minjët bijen në këtë kurth, sepse s’kuptojnë pse djathi asht falas).

Dr. Zekri Palushi, Australi

17 Qershor 2020