Shkarkimet dhe emërimet e reja në sektorin e resurseve njerëzore dhe në administratën brenda Ministrisë së Tregtisë dhe Industrisë në Kosovë, kanë nxitur reagime në zyrën e Bashkimit Evropian në Kosovë.
Shefi i zyrës së BE-së në Prishtinë, Samuel Zhbogar, ka kritikuar ministren Hikmete Bajrami se ka larguar nga puna njerëz profesionistë me performancë të shkëlqyeshme.
Për më shumë, ai ka theksuar se me këto veprime, ministrja Bajrami ka rrezikuar edhe mbarëvajtjen e procesit të negociatave për Marrëveshjen e Stabilizim Asociimit dhe proceset e tjera të integrimeve evropiane në të cilat gjendet Kosova.
“Bashkimi Evropian është jashtëzakonisht i shqetësuar për këtë rrjedhë të ngjarjeve e cila jo vetëm që vë në pikëpyetje aftësinë e Ministrisë së Tregtisë dhe Industrisë për qëndrueshmërinë dhe implementimin e projekteve për të cilat jemi dakorduar, por gjithashtu vë në pikëpyetje hyrjen në fuqi të Marrëveshjes së Stabilizim-Asociimit”, thuhet në letrën e Samuel Zbogar dërguar ministres së Tregtisë dhe Industrisë Hikmete Bajrami.
Këtyre kritikave iu është përgjigjur ministrja e Tregtisë dhe Industrisë Hikmete Bajrami, duke thënë se me këto veprime po lufton korrupsionin në ministri.
“Asnjë presion, asnjë shantazh, asnjë kërcënim, asnjë veprim i kujtdo qoftë nuk më largon nga ideja për t’i ndalë keqpërdorimet, krimin, korrupsionin edhe të njerëzve që janë të lidhur me çfarëdo faktori vendor apo ndërkombëtar”, ka theksuar Bajrami.
Shkarkimet dhe emërimet e reja në sektorin e resurseve njerëzore dhe në administratën e Ministrisë së Tregtisë dhe Industrisë po kritikohen edhe nga përfaqësues të shoqërisë civile dhe ish ministri i Tregtisë dhe Industrisë Bujar Dugolli.
Ish ministri Dugolli në një prononcim për Radion Evropa e Lirë ka theksuar se këto ndërrime që po bëhen po dëmtojnë proceset ekonomike.
Ai ka kujtuar se në këtë ministri vazhdimisht ka pasur ndërrim të pozitave, varësisht nga partia e cila ka udhëhequr me këtë dikaster.
“Në kohën kur kam qenë ministër më ndihmën e donatorëve ndërkombëtarë kemi kualifikuar dhe aftësuar stafin që të jenë adekuat për çështje të ndryshe që janë në domenin e Ministrisë së Tregtisë dhe Industrisë. Por, me ndërrimin e pushtetit vjen ministri pasues dhe i largon nga detyra ata njerëz të cilin ishin profesionistë e që ne kishim investuar në përgatitjen e tyre, dhe ky trend vazhdojë edhe me ministrat tjerë të kësaj ministrie”, tregon Dugolli.
Dugolli kujton se që nga viti 2004 deri në vitin 2008 shumë kuadro ishin përgatitur për të kryer punë të rëndësishme në Ministrinë e Tregtisë dhe Industrisë që shumë prej këtyre personave më janë më pjesë e kësaj ministrie.
“Në rast se po bëhen emërimet e reja dhe shkarkimet për të rehatuar militantët partiak është një gjë e gabuar dhe shumë e dëmshme për shtetin, por që nëse ndodh si rezultat i performancës së dobët ose aferave korruptive unë mendojë se askush nuk duhet t’i mbrojë ata as komuniteti ndërkombëtarë por as edhe zyrtarët qeveritarë”, shton Dugolli.
Përfaqësues të shoqërisë civile, në anën tjetër e kanë quajtur të pakuptimt ndërhyrjen e shefit të zyrës së BE-së në Prishtinë, në punët e ministres Bajrami.
“Zhbogar nuk do të duhej të ndërhynte në këtë mënyrë tek disa vendime brenda Ministrisë së Tregtisë nga ana e ministres Bajrami, pasi që nuk besoj që Zhbogar e njeh më mirë administratën brenda sesa vet ministrja”, ka theksuar Petrit Zogaj nga Lëvzija Fol.
Megjithatë, Zogaj ka kërkuar nga ministrja Bajrami që nëse ajo po deklarohet se me këto vendime të shkarkimeve dhe emërimeve të reja po lufton korrupsionin, të tregon ne detaje se për çfarë vepra të korrupsionit bëhet fjalë dhe se kush janë ata persona.(Luljeta Krasniqi-Veseli)
Berlini politik pas referendumit në Greqi
Qeveria gjermane është e hapur për bisedime, por për një paketë të re ndihmash nuk është menduar. Kancelarja Merkel kërkoi pas takimit me Preisdentin francez një propozim të ri grek që këtë javë./
U desh të vinte pasditja, derisa në Berlin u pozicionua për referendumin në Greqi anëtari i parë i qeverisë. “Edhe mua më trishton gjendja, e cila krijohet dhe do të krijohet tani përmes referendumit”, tha Ministri i Financave dhe Kryetari i Partisë Socialdemokrate Gjermane, Sigmar Gabriel pas një mbledhjeje të kryesisë së partisë së tij. Për qeverinë greke jeta tani do të bëhet shumë më e vështirë se sa ka qenë javët e fundit. “Paaftësia përfundimtare për të paguar e Greqisë kërcënon të jetë në prag të derës dhe jeta ekonomike do të ndalet edhe më shumë në pjesë të ndryshme të vendit.” Tani Greqia nuk duhet lënë në baltë, të gjitha vendet e BE duhet të jenë të gatshme të japin ndihmë humanitare, tha Gabriel.
Qeveria gjermane pret
Kjo nuk tingëllon sikur Gabrieli pret një zgjidhje të shpejtë në mosmarrëveshjen për borxhet. Kryeministri grek Alexis Tsipras ka shkatërruar me referendumin urat e fundit, nëpër të cilat Evropa dhe Greqia mund të ecnin për të arritur një kompromis, tha kryetari i SPD-së të dielën në mbrëmje, pas referendumit me Jo-në e qartë nga Athina.
Një pozicion, të cilin zëdhënësi i qeverisë, Steffen Seibert e përforcoi një ditë më pas. “Përballë vendimit të qytetarëve grekë aktualisht nuk ekzistojnë parakushtet për të hyrë në negociata për një program të ri ndihmash”, tha ai. “Jo-ja e djeshme është edhe një refuzim i parimit, që ka drejtuar prej vitesh ndihmat për vendet e ndryshme, e pikërisht që solidariteti dhe përpjekja vetjake janë të pandara”, tha zëdhënësi i Qeverisë gjermane.
Merkel kërkon propozim të shpejtë të ri grek
Kancelarja gjermane, Angela Merkel u pozicionua të hënën që nga Parisi, pas një takimi pasdite për krizën greke me Presidentin francez, François Hollande. Të dy kryetarët e shteteve i bënë thirrje qeverisë greke të paraqesë sa më shpejt një propozim për zgjidhjen e krizës greke të borxheve. “Për këtë koha nuk pret dhe ne do t’i kushtojmë rëndësi faktit që propozime të tilla të vihen në tryezë këtë javë”, tha Merkeli pas takimit me Hollande. Dera për bisedime është e hapur, theksuan të dy politikanët. Përfundimi i referendumit grek respektohet, u tha. “Por ne themi njëkohësisht se parakushtet për të hyrë në negociata për një program konkret ESM nuk ekzistojnë”, shtoi Merkeli. Prandaj, shtoi ajo, në takimin e posaçëm të nivelit të lartë të Eurozonës të martën është e rëndësishme, që kryeministri grek Tsipras t’u thotë partnerëve se çfarë ka në mend të bëjë, për ta siguruar financimin e Greqisë në plan afatmesëm, tha kancelarja.
ESM si bazë
Në konferencën e shtypit të qeverisë gjermane, të hënën paradite pyetjet për Greqinë qenë të shumta. A është shtuar rreziku i një Grexit? A dështoi kancelarja me politikën e saj të dorës së fortë? Këto ishin pyetje që iu shtruan zëdhënësit të qeverisë Seibert dhe zëdhënësit të Ministrisë së Financave, Martin Jäger.
Jäger tha se të gjitha negociatat e ardhshme me Greqinë mund të zhvillohen vetëm mbi bazën e fondit të përhershëm të shpëtimit të Euros, ESM. Në bisedat e ardhshme nuk lëvizet në një “hapësirë të papërcaktuar qartë”. Vetëm në bazë të sistemit evropian të rregullave është e mundur ndihma për Greqinë, tha Jäger. “Kjo marrëveshje parashikon fare qartë se çdo ndihmë është e kondicionuar nga ndërmarrja e një përpjekjeje vetjake dhe se thjesht është e pamundur largimi nga ky parim.”
Është e paqartë nëse ekziston tashmë një kërkesë e qeverisë greke për ndihma nga Mekanizmi Evropian i Stabilizimit, ESM. Në 30 qershor, kryeministri grek Alexis Tsipras i dërgoi një kërkesë të përgjithshme për ndihmë kryetarit të Eurogruppit, Jeroen Dijsselbloem, pa përmendur megjithatë një shumë konkrete. Të paktën nuk ka një lutje që t’u përgjigjet kërkesave të ESM-së, tha Martin Jäger. “Tani e ka radhën pala greke, që të bëjë sërish të qartë se çfarë do.”(DW)
“Nga vdekja vijmë – në vdekje shkojmë”
*Amnesty International: Refugjatët në Ballkan – të rrahur nga policia, të harruar nga Evropa/
*Organizata ndërkombëtare për të drejtat e njeriut, Amnesty International, vë në pah keqtrajtimin e refugjatëve e migruesve në Ballkan dhe kritikon politikat e strehimit në BE./
Mijëra refugjatë, strehimkërkues dhe migrues, përfshirë fëmijë, që po marrin rrugën e rrezikshme nëpër Ballkan, po pësojnë dhunë dhe zhvatje nga autoritetet dhe bandat kriminale dhe janë braktisur turpshëm nga sistemi i dështuar i strehimit dhe migrimit të Bashkimit Evropian i cili i ka lënë ata të kurthuar e pa mbrojtje në Serbi dhe Maqedoni, thuhet në raportin e ri të organizatës Amnesty International.
Dhuna ndaj migruesve dhe refugjatëve në Maqedoni, Serbi e Hungari, dëshmon se një numër në rritje i njerëzve në nevojë, janë lënë në harresë në një boshllëk ligjor gjithandej Ballkanit. Situata është përkeqësuar nga kthimet dhe dëbimet në çdo kufi, qasja e kufizuar në strehim dhe mungesa e rrugëve të sigurta e ligjore në BE.
“Refugjatët që ikin nga luftërat dhe përndjekjet, e bëjnë këtë rrugë nëpër Ballkan me shpresën se do të gjejnë siguri në Evropë, për ta gjetur veten si viktimë të dhunës e shfrytëzimit dhe në mëshirën e një sistemi të dështuar të strehimit”, tha Gauri van Gulik, zëvendësdrejtor i Amnesty International për Evropën dhe Azinë qendrore.
“Serbia dhe Maqedonia janë shndërruar në një batak të vërshimit të refugjatëve dhe migruesve të cilët duket se askush në BE nuk është i gatshëm t’i pranojë”.
Raporti është mbështetur në katër misione hulumtuese në Serbi, Hungari, Greqi e Maqedoni ndërmjet korrikut të vitit 2014 e marsit të vitit 2015 dhe intervistimit të mbi 100 refugjatëve dhe migruesve. Dëshmitë e tyre zbulojnë kushtet tronditëse me të cilat përballen ata që udhëtojnë nëpër rrugët e Ballkanit perëndimorë – që ka tejkaluar rrugën nëpër Mesdhe duke u shndërruar në rrugën më të ngarkuar të kalimit drejt Bashkimit Evropian.
Numri i njerëzve të kapur vetëm në kufirin Serbi – Hungari është rritur për 2 mijë e 500 për qind që nga viti 2010, përkatësisht nga 2 mijë e 370 në 60 mijë e 602.
Rruga që marrin refugjatët dhe migruesit nëpër det nga Turqia në Greqi dhe pastaj në rrugë tokësore nga Maqedonia në Serbi dhe në Hungari, është më pak vdekjeprurëse sesa rruga detare nga Libia, por është e mbushur me rreziqe e pengesa. Që nga janari i vitit 2014, 123 refugjatë, strehimkërkues dhe migrues janë mbytur duke provuar të kalojnë në Greqi nëpërmjet Detit Mesdhe dhe 24 kanë humbur jetën në hekurudha.
“Nga vdekja vijmë – në vdekje shkojmë”
Ata që arrijnë në ishujt grek – përfshirë fëmijët – përballen me kushte të tmerrshme të pranimit dhe shumica udhëtojnë drejt Athinës, para se të provojnë të kalojnë në Maqedoni, për të vazhduar drejt vendeve të Bashkimit Evropian.
Në kufirin e Maqedonisë me Greqinë dhe në atë të Serbisë me Maqedoninë, refugjatët dhe migruesit zakonisht janë subjekte të dënimeve të paligjshme dhe keqtrajtimeve nga policia kufitare. Shumë prej tyre detyrohen të paguajnë ryshfete. Një dëshmitar i tha Amnesty International se policia kufitare serbe afër kufirit me Hungarinë, kërcënoi se do të kthejë mbrapshtë gjithë grupin nëse nuk paguajnë secili nga 100 euro.
Një refugjat afgan i tha organizatës se ishte pjesë e një grupi që u kthye mbrapsht në Greqi nga policia maqedonase. “E pashë një njeri të rrahur keq. Ata rrahën djalin tim 13 vjeçar. Ata më rrahën edhe mua”, tha ai.
Disa nga të intervistuarit thanë se janë kthyer prapa edhe nga 10 herë në operacione që janë kryer shpesh në thellësi të territorit të Maqedonisë.
Migruesit, refugjatët dhe strehimkërkuesit thanë se janë shtyrë, qëlluar me pëllëmbë, shqelmuar e rrahur nga policia kufitare serbe në afërsi të kufirit me Hungarinë dhe një refugjat afgan tha se “një grua shtatzënë në muajin e pestë është rrahur”.
Refugjatët dhe migruesit janë të pambrojtur nga zhvatjet financiare nga trafikuesit dhe sulmet e bandave kriminale. Dy nigerian i thanë organizatës se ishin ndaluar në Maqedoni. “Nëntë veta na sulmuan me thika. Në shkuam në polici të kërkojmë ndihmë… por ata na arrestuan”.
“Nëse vdisni këtu – askush nuk do t’ju kërkojë”
Shumë refugjatë dhe migrues janë burgosur arbitrarisht nga autoritetet. Me qindra, përfshirë familje, gra shtatzëna dhe fëmijë të pashoqëruar, janë mbajtur në periudha të gjata në Qendrën maqedonase për Pranimin e të Huajve – e njohur si Gazi Baba – pa asnjë masë mbrojtëse ligjore apo mundësi për të kërkuar strehim. Shumë syresh janë mbajtur në mënyrë të paligjshme për muaj të tërë në kushte jonjerëzore dhe fyese për të shërbyer si dëshmitar të organeve maqedonase të ndjekjes kundër trafikuesve.
“Në Gazi Babë, ishin mbi 400 apo 450 veta kur arritëm ne…Njerëzit po flinin edhe nëpër shkallë dhe mbipopullimi ishte i tmerrshëm. Kishte dyshekë në dysheme dhe në korridore”, i tha organizatës një refugjat sirian.
Ish të arrestuarit i thanë organizatës Amnesty International se ata ishin rrahur ose ishin dëshmitarë të rrahjeve nga oficerët e policisë në Gazi Babë dhe njeri rrëfeu se si kur disa sirianë kërcënuan me grevë urie, një polic u tha “nëse vdisni këtu, askush nuk do t’ju kërkojë. Në do të hedhim kufomat tuaja përjashta”.
Sistemi i dështuar i strehimit
Individët që provuan të kërkojnë strehim në Serbi apo Maqedoni, u përballën me pengesa të ashpra. Në vitin 2014, vetëm 10 strehimkërkuesve ju sigurua statusi i refugjatit në Maqedoni dhe vetëm njërit në Serbi. Të shkurajuar nga përparimi i ngadalshëm i shqyrtimit të kërkesave, shumë strehimkërkues vazhduan udhëtimin për në Hungari, ku u përballën me shkelje të tjera të të drejtave të tyre.
Ata që zbuloheshin se kanë hyrë në Hungari në mënyrë të parregullt, zakonisht janë burgosur, shpesh në kushte të mbipopullimit, ose janë keqtrajtuar nga oficerët e policisë. Në vitin 2014, Hungaria u dha strehim vetëm 240 personave, një numër i vogël në krahasim me kërkesat për strehim.
Ndonëse shumica e strehimkërkuesve të burgosur, janë lënë pastaj në qendra të hapura të pranimit, ata që vlerësohej se mund të provonin të arratiseshin kanë mbetur në qendra të paraburgimit. Ata që donin të kërkonin strehim në Hungari, që ishin një numër i atyre që shpresonin për strehim në vende tjera të BE-së, kryesisht janë dëbuar në Serbi dhe në disa raste madje edhe më tej, në Maqedoni. Aty ata janë lënë pa status ligjor, mbrojtje apo mbështetje dhe të ekspozuar ndaj shkeljeve të mëtejshme të të drejtave të njeriut.
Politikat e mangëta të migrimit në BE
Numri gjithnjë në rritje i migruesve dhe refugjatëve që marrin rrugët e Ballkanit, është rrjedhojë e dështimit të politikave të migrimit dhe strehimit në Bashkimin Evropian, mbi të cilat Serbia dhe Maqedonia nuk ushtrojnë kontroll. Duke i lënë përgjegjësinë e trajtimit të kërkesave për strehim në kurriz të vendit të parë hyrës në BE dhe duke kufizuar rrugët e sigurta e ligjore të hyrjes, kanë vënë një barrë të madhe në supet e shteteve periferike të BE-së dhe vendeve fqinje.
Në vend që t’i jap përparësi përmirësimit të sistemit të strehimit përgjatë rrugës Ballkanike, Bashkimi Evropian ka investuar në përpjekjet për të forcuar sistemin e “menaxhimit te kufijve”.
“Serbia dhe Maqedonia duhet të bëjnë shumë më shumë për të respektuar të drejtat e migruesve dhe refugjatëve. Por, është pamundur të ndash shkeljen e të drejtave të njeriut atje nga trysnia e gjerë e rrjedhës së migruesve dhe refugjatëve në dhe përgjatë BE-së dhe sistemit të dështuar të migrimit në BE”, tha Gauri van Gulik.
“Derisa një numër në rritje i migruesve, strehimkërkuesve dhe refugjatëve po mbeten të kurthuar në “tokën e askujt” nëpër Ballkan, trysnitë mbi Serbinë dhe Maqedoninë po rriten. Kjo vë në pah faktin se sikundër në Itali dhe Greqi, kjo çështje mund të zgjidhet nëpërmjet shqyrtimit më të gjerë të politikave të migrimit dhe strehimit në BE”.
NAFTA NЁ SIRTARЁT E QEVRISЁ SHQIPTARE
Duke nisur nga dita 26 mars 2015 në Shqiperi do të importohen pa taksa TVSH-je disa lloje kafshësh, ku vlen të përmenden gomari, struci, deveja, etj.-Nga shtypi shqiptar/
Shkruan: Ing. Ahmet Ҫollaku-SHBA/
1-Nga shtypi Shqiptar mesoj se Ministria e Energjisë dhe Industrise ka vendosur të shtyjë afatin e dorëzimit të ofertave për blloqet e lira të naftës që do tu jepen kompanive të huaja private, duke anuluar kështu dy urdhrat e mëparshëm. Afati i ri i dorëzimit të ofertave do të jetë 15 korriku dhe se në këtë ofertë përfshihen Blloqet 4, 5, C, i Panajasë dhe Blloku i Dumresë… Më tej thuhet se shtyrja bëhet, pasi disa kompani ndër më të mëdhat, kanë kërkuar më shumë kohë në dispozicion për studimin e të dhënave dhe përgatitjen e ofertave…
Deri më sot, zonat hidrokarbure kane qënë nën administrimin e “Albpetrol”, i cila i ka
transferuar ato tek kompanitë private përmes negociatave të drejtpërdrejta. Me ndryshimin e ligjit, Qeveria thotë se blloqet e reja do t’i nënshtrohen garës në një proҫes të hapur dhe fituesit do të zgjidhen përmes kritereve të paracaktuara…
2-Keto zigzage qeveriatre më japin rastin të radhisë faktet e më poshtëme, jo për t’ iukundërvënë ndonjë istitucioni shqiptar, por për të treguar aparencën e komunikimit të institucioneve qeveritare me publikun e specializuar, ndryshe nga sa është shprehur kohë më pare shefi radhës Edi Rama. Këtu më poshtë do të lexoni ҫfarë bëhet me administratën qeveritare. Kur ky trajtim më bëhet me mua, imagjinoni komunikimin me popullin e thjeshtë!
Para disa vitesh kompania sizmike Gustavson nisi studime në zonën Papër deri në Tiranë, të cilën së pari e kishim studjuar ne shqiptarët, dhe pas nesh kompanija Franceze Coparex.
Më pas kompanija Gustavson u konvertuan kompani Manas Petroleu(!). Ne shqiptarët e
kishim vlertësuar këtë zonë me shumë perspektivë.
Po vidhej puna e mirëfilltë shqiptare. Së pari iu drejtova vetë kompanisë Gustavson, ekipit te saj, z. Alexander Becker, z. Jan Tomcenek dhe z. Erik Herlyn (Chief operating officer). Vetëm ky i fundit më kushtoi pak vëmëndje. Ai më përcolli një e-mail, me anën e të cilit më falenderonte që interesohesha për operacionet e tyre në Shqipëri dhe se dëshironte të bisedonte me mua… Dikush me pas (!?), pa dyshim ndonjë shqiptar,(aforizmi thotë, i joti të bënë gropën), mundet të jetë konsultuar me këtë kompani, dhe z. Erik Herlyn e këputi komunikimin me mua…
Biznesi I kësaj kompanie në Shqipëri ka shumë mistere. Ajo përlau Coparexin dhe, siҫ më tha më pas një koleg, kjo kompani bënte vetëm retushime grafikësh shqiptarë, të cilët më tej I shiste si punime të vetat… Tmerri më i madh në Shqipëri bëhet me pasuritë minerale, me gjeologjinë, me të drejtat e autorit, me fondet e gjeologjisë, po sidomos me naftën shqiptare. Kompania mixt Shell-Petromans Energy, me materialet e gjeologëve tanë T.Velaj, H. Bakiu, A.Mema, K.Rama e tjerë, po shëmbin malin e Shpiragut. Në këtë zone janë shpuar disa puse. Konkretisht pusi Shpirag- 2, ka arritur fundin 5,553 m. Nuk është pak. Shpenzimet totale në dollarë një Zot i di. Pra, kjo kompani mixt do naftë pa tjeter, prandaj po e sheshon me buldozier malin e Shpiragut kurse ne Shqiptarët, nafëtarë dhe jo naftëtarë, autorë dhe jo autorë, bëjmë parada në facebook me detashmentin fiktiv “Armata e Naftëtarëve”, pa marrë guximin më të vogël tu kundërvihemi haptazi qeveritarëve tanë, që vjedhin dhe mashtrojnë… Po kjo kompani i ka vënë syrin edhe objektit të Paprit. Konkretisht ajo ka retushuar profinin tonë gjeologjik, që kalon në pusin Pa- 4, projektuar dhe shpuar nga ne shqipatët, duke e quajtur punë të tyre. Si mund të qeveriset një vend, që ka 246 lloje djathrash, thotë Charles de Gaulle.
Pa dyshim, për këto probleme shumë të rëndësishëm, që kanë të bëjnë me studimin e mirëfilltë shqiptar, kam bërë përpjekje të komunikoja me Qeveritë Shqiptare të ҫdo krahu. Kështu, në vitin 2008 iu drejtova me një leter zyrtare direkt ish K/Ministrit të asaj kohe, Z. Sali Berisha. Nga Ai mora letrën me nr. 17/585 Prot,dt.9.12.2008, ku më thonëse me porosi të Tij letra ime do t’i dërgohej Ministrit të Ekonomisë, Tregetisë dheEnergjitikës, z. Genc Ruli. Kjo letër është firmosur nga z. Elham Sharra, Drejtor i Komunikimit me Publikun. Në të njëjtën kohë unë i kisha nisur letër edhe vetë z. G. Rili.
Më 30.12. 2008, nga Ministria e Ekonomisë, Tregëtisë dhe Energjitikës, nepërmjetë Drejtorit Adrian Jasimi, mora shkresën nr.10774/3 prot. ku ai tenton të më sqarojë duke ju shmangur studimit tonë shqiptar, që kishte të bënte me vjedhjen e punës shkencore. Ai në atë letër bënë histori të investimeve në Shqipëri, liҫensimin e kompanive të huaja dhe lidhjet Hidrokarbure. Pra, ai hidhet degë më degë, duke ë vendosur veten në pozicionin e specialistit të mirëfilltë të naftës shqiptare. “Gjeologjia e Shqipërisë është shumë e komplikuar (!!), dhe duhen investime të konsiderueshme që të paraprijnë vertetesimin e tyre”, thotë ai, dhe më tej shton se ju (është fjala për mua),ndërkohë mund t’ia paraqisni idetë ndonjë kompanie dhe, nëse është e nevojshëme, ne mund tu vëmë në kontakt me perfaqësuesit e saj, madje edhe tu krijojmë mundësi për prezantimin e studimeve tuaja… Fatkeqësisht, Ai nuk bëri asgjë për të më dhënë mundesinë të prezantohem me këto kompani të huaja të naftës në Shqipëri.Administrata Shqipatre bënë sherbimin e rojes së gadishmërisë ushtarake pranë istitucioneve shqiptare.
Po për këto probleme, në vitin 2014 iu drejtova edhe qeverisë së z. Rama. Këtë radhë bëra
saktësime gjeografike dhe përcaktim zone. Me shkresën nr. 5957-1 prot. dt. 2.19.2014,
administrata e z. Rama, me përgjegjëse Znj. Ana Rafti-Drejtore e mardhënieve me qytetarët, më vuri në dijeni se letrën time ia ka dërguar për ndjekje Ministrisë së Ekonomisë, Tregtisë dhe Energjitikës. Nga kjo e fundit, nëpërmjetë z. Koli Bile-Sekretar i Përgjithshëm, mora shkresën me nr.5251/1 prot. dt. 29.9. 2014, ku ai më porosiste të bëja më shumë saktsime, të jepja kordinatat e puseve (?!), për të bërë më tej korrespondencën me blloqet e kërkimit
Sipas administratës qeveritare, ne shqiptarët duhet tu japim të huajeve edhe koordinatat e puseve ku të shpojnë(!) Më pas Ai thotë se, do të mundësojmë komunikimin me ju për të bërë saktësimet e kërkimeve… Por, deri më sot edhe me këtë dinasti nuk është bërë asgjë konkrete…
Në letrën që I nisa këtij istitucioni dhashë kordinatat e katër zonave të cilat une I mendoj shumë perspektivë, konkretisht zona e parë përfshihet në sektorin X0.00-Y5.00, X0.00-Y5.00, X5.00-Y5.00, X5.00-Y5.00, zona e dytë në sektorin X0.00-Y5.00, X0.00-Y5.00, X0.00-Y5.00, X0.00-Y5.00, zona e tretë në sektorin X0.00-Y07.50, X0.00-Y07.50, X0.00-Y07.50, X0.00-Y07.50, dhe zona e katërt në sektorin X0.00-Y0.00, X05.00-Y05.00, X06.00-Y0.00, X05.00-Y05.00. Në letër theksoj se vlerësimi dhe përvetësimi I këtyre të dhënave nga ndonjë person tjetër zyrtar ose jo zyrtar shqiptarë apo kompani e huaj që bënë kërkime për naftë në territorin e Shqipërisë, do ta quaja vjedhje dhe do ti drejtohem zyrave juridike që mbrojnë të “Drejtën e autorit”… .
Gjithashtu, këto ia përcolla edhe zyrës së AKBN, e cila e dredh Shqipërinë nga të katër anët. Nëse doni të skanoni korrupsionin Shqiptar, studjoni gjithë arkivat zyrtare të kësaj zyre, bashkë me personelin që ka punuar ose punon aty. Veҫse mos harroni të kujtoni se shumë nga ai personel tekniko-administrariv, që ka bërë ato negociata dhe marrëveshje konçensionare monstruoze, ia ka mbathuar jashtë shtetit, fshehur tashmë nëpër kompanitë e huaja me karta identiteti të tjera, kurse ca të tjerë janë këtu pranë nesh, dhe nuk ua bënë syri tërr…
Sa i grabiten Shqipërisë në një ditë në naftë? Sipas ministrit Gjiknuri, në vitin 2013 Shqipëria ka prodhuar 1 milion e dyqind mijë tonë naftë. Çmimi i naftës në botë ka qënë mesatarisht 105 $ fuçia. Marrim çmimin 90 dollarë fuçia dhe rezulton se kjo sasi nafte ka vlerën 540 milionë $. Pra, në ditë na janë grabitur 1 milion e 480 mijë dollarë. Në vitin 2014 Shqipëria prodhoi një milion e katërqind mijë tonë. Vlera e kësaj nafte është 630 milionë $. Në këtë raste na janë grabitur një milion e 726 mijë dollarë amerikanë në ditë Po në krom, në bakër-flori?.. Eshtë tmerr i vërtetë, kurse qeveria jo vetëm nuk bënë transparencën e konçensioneve, por do të shkërmoqë gjithë Shqipërinë! Ne bëjmë sehir!
Nga AKBN më dt.8.9.2014 mora shkresën nr. 7501/1 prot. firmosur nga z. Dael Dervishi, Derejtor Ekzekutiv. Ai thotë se aktualisht blloqet e kërkimit për naftë dhe gas në
vëndin tonë administohen nga Albpetroli, kurse AKBN ndjek zbatimin e marrëvëshjëve të lidhura, prandaj, ju sugjeroj,-vazhdon Ai,- të merrni kontakt të drejtëpërdrejtë me kompanitë që kanë interes për zonat ku juve keni projekte të gatëshme studimore… Ah,dua t’i them zotërisë, si nuk e kuptoni apo bëni sikur nuk e kuptoni, se këto projekte me vlera kolosale, janë projekte tona shqiptare, te popullit tone… Unë nuk pres kurrë që Banka Boterore, apo zyra financimi të Bashkimin Europian të na thonë: Ju shqiptarët keni naftë, eksperiencë një qind vjeҫare, specialistë… Ne do tu japim 800.000.000 ero të zhvilloni këtë industri fitimprurëse. Ju keni plot rrugë te dilni nga kjo varfëri e turpëshme…
I nderuari z.Dael Dervishi e di mirë, se të gjithëve specialistëve të naftës shqiptare
u është mbyllur dera e komunikimit me këto kompani të huaja, biles është vështirë të komunikosh edhe me vëtë AKBN. Vite më parë fola me një koleg, që punonte në ato zyra.
Ai i trembur më tha që të mos bëja zë me asnjë që kemi bisedur bashkë, se ndryshe do ta hiqnin nga puna. Pra, siҫ kuptohet, është më lëhtë të hysh në Pentagonin Amerikan sesa nëpër institucionet që merren me naftën shqiptare. Kjo derë u mbyllet specialistëve të naftës shqiptare.
3- Për problemet e naftës në përgjithësi, dhe për ato specifikenë veҫanti, unë u kam drejtuar letra të hapura në shtypin shqiptar, si z. Berisha dhe z. Rama. Të gjitha janë në faqet e internetit. Për këto letra të hapura, zotërinjtë nuk treguan interesin më fillestare, të paktën të më ҫonin dy gisht letër. Ja, kështu kominikojnë qeveritë shqiptare dhe administratat e tyre me specialistët dhe popullin e vetë…
Për qeveritë shqiptare, unë specialisti i naftës nuk jam asgjë. Përse këto AKBN, Albpetrol, Ministiria e te tjera institucione Hidrokarburesh, nuk gjejnë një rrugicë të kominikojnë me specialsistet e vërtetë të naftës shqiptare, të cilët dinë jo vetëm zonat perspektive, por edhe ku duhet shpuar. Nuk është gjë e thjeshtë t’i ofrosh një kompanije të huaj një studim të gatshëm, një objekt konkret për të cilin nëse ata do ta pregatisnin vetë, do harzhonin shuma të mëdha, kurse për objektin tonë konkret, ata do të harxhonin një shumë minimale parash, vetëm për ta verifikur, për tu bindur për saktësinë e vizatimit. A ka gjë më të ndershme dhe më të thjeshtë se kjo?! Të gjitha këto të ardhura, do të shkonin në rritjen e mirëqënies dhe ekonomisë shqiptare! Sepse dihet nga të gjithë, se studimi sizmo-gjeologjik i një objekti për shpim, ka gati po atë vlerë monetare sa edhe vetë shpimi i pusit.
Nëpër digasteret shqiptare, janë instaluar disa specialistë, që dinë vetëm të servilosen, të kominikojnë tinaz vetëm me ministrin. Këta beniaminë pengojnë ҫdo llojë komunikimi të
specialistëve me institucionet shqiptare. Pa u krehur këto plehra, nuk do të ketë ecje
përpara. Shqipëria nuk do të zhvillohet me propagandën, “do të nxitim poҫerinë e Korҫës”. Përse qeveriaja shqipatre nuk fton në një takim të gjithë specialistet e naftës shqiptare të njihen me këto oferta vendase, se vetëm këta do t’i ngrejnë ato paketa në nivele të larta!? Komunikimi i popullit me institucionet qeveritare është baza morale e një shteti demokratik. Specialistët e naftës nuk kanë asnjë rrugicë komunikimi me institucionet qeveritare, sepse këto rrugica janë të mbyllura ose të minuara. Z. Rama ka mbajtur një leksion për punën e administratës qeveritare, ndërsa për naftën, kujtohet pas një ëndërre të keqe! Thirrjet nëpër fushata, ku veshi nuk të zë fjalën naftë, janë ulërima për pushtet!
Shmitti dhe deformimi i qëllimshëm i historisë
Nga Fahri XHARRA*/
“Humbja e traditës në kombinim me dobësine e shtetit, ka krijuar një masë kaotike të hutuar. Këtë më së miri e pamë te Shqipëria post-komuniste. Komunizmi kishte ndaluar traditën dhe kishte instaluar një shtet të hekurt autoritar, për ta zevendesuar traditën. Fuqia, dhuna e shtetit dhe regjimi, ishte ajo qe e mbante nën kontroll të hekurt hutinë e shqiptarit, që vinte për shkak të mohimit të tradites (religjioneve dhe kanunit). Pasi shqiptari u lirua nga hekurat në të ’90-at, ai nuk e pati më traditen në shpirtin dhe moralin e tij, por doli prej komunizmit si një egërsirë qe del prej një kafazi të hekurt. Ta zhveshësh një individ nga tradita, veçanërisht shqiptarin, ai shndërrohet në egërsirë (*2). Viti 97 ishe shfryerja kulminante e kësaj hutije kolektive. Kanë kaluar 18 vjet që nga ajo kohe. Shteti është duke u ri instaluar dalëngadalë, por dobësia e institucioneve të tij krijon një mosbesim të madh në masë, dhe në anën tjetër kjo shoqëri pa autoritet shtetëror, rikthehet ne kohërat homerike e mesjetare, kur shoqeria pa shtet ka funksionuar me kanunin e trashëguar në besim (*2). Por, tani tradita është ndërprerë në kohën e komunizmit, dhe kjo tendencë per rikthim të traditës bëhet në mënyrë të devijuar dhe të keqinterpetuar, sa që në emër të kanunit i ngujojnë edhe fëmijtë ( Besir Bajrami Hutia e shqiptarit !, )
vazhdon nga dje…
Ndersa fakti qe tani politika ia bene kete ‘dhurate’ ASHAK-ut ka te beje edhe me lidhjet e disa shokeve ‘historiane’ te Schmitt-it ne Kosove, qe politikisht jane te afert me ‘rilindjen’ ne Shqiperi, te cilet ‘historiane’ jane te ‘shkolluar’ ne universitetet evropiane, dhe (vetem) per kete arsye paraqesin ‚eliten‘ e re ‚shkencore‘ e politike.
Kjo ‚elite‘ e re paraqitet si ndjekese e Schmitt-it qe para publikimit te perkthimit te A. Klosit, si ‚liber‘ kunder Skenderbeut ku provon qe gjithe luften e Skenderbeut ta paraqes si lufte per hakmarrje, me crast ai ‘harron’ qe Skenderbeu kishte luftuar edhe kunder Republikes se Venedikut, kunder Brankoviqeve vasal te Sulltanit, kishte ndihmuar Huniadin ne Hungari dhe per me teper kishte ndihmuar Romen dhe Mbreterine e Napolit (Alfonsin V) ne Itali, duke fituar keshtu feude ne Jug te Italise dhe duke u bere feud me te dy anet e Adriatikut !! Duke marr titullin me te larte te asaj kohe „Athleta Christi“ !
Gjera qe nuk jane bere, as arritur per hakmarrje, respketivisht nje pohim i tille eshte jo vetem joshkencor, por edhe nonsens. I kategorise se tille eshte edhe qendrimi se ne ate kohe te Gjergj Kastriotit nuk kishte Komb shqiptar, pasiqe nuk kishte kombe, mirepo ne te njejten kohe, po ne kete ‚liber‘ shkruhet se nena e Skenderbeut ishte serbe e ai ‚nip serb‘, qe ne fakt deshmon manipulimin tjeter ne kete liber, te shpaljes se ‚kombit serb‘ ne kohen kur nuk kishte kombe ?!
Per me shume perpilimi shkencor i manipulimit shkon edhe me tutje, duke provuar qe edhe vellezerit e motrat e Gjergj Kastriotit, per me teper edhe babain e Tij Gjonin ti nxjerr si sllav e serbe, per shkak te orthodoksise se tyre. Dicka teper e pavertete per atehere, por edhe per tash, pas aq shume falcifikimeve te historise, pasiqe orthodoksizmi tek shqiptaret nuk mund te shlyhet me nje rishkrim te historise.
Ashtu sic nuk mund te heshtet e tretet Kuvendi i Arberit (1444), si Kuvend i Princave dhe Feudaleve Shqiptare te mbledhur per te krijuar nje ‘Beselidhje’ dhe nje organizim politiko-ushtarak per lufte dhe mbrojtje kunder perpjekjeve te Perandorise Osmane per te pushtuar trojet e tyre. Kuvend ky qe u thirr ne baze te kritereve te prejardhjes, pra gjuhes dhe kultures, me perfshirje te perbashket territoriale me forca te armatosura e burime materiale, i cili doli me vendime e perfundime per nje ushtri te perbashket, me udheheqje politike dhe ushtarake te perbashket dhe me financa te perbashketa, artibute keto qe se bashku tregojne per karakteristikat, jo vetem te Kombit, por edhe te shtetit, respektivisht mbreterise – per me shume jo vetem per ate kohe, por edhe per sot – per te cilin Gjergj Kastrioti ishte shpallur udheheqes i Beselidhjes politiko-ushtarake (1444) dhe me vone ishte shpallur Mbret i Shqiperise, Epirit e Maqedonise (1458) dhe njohur nga Papa Piu II.
…
Keshtu, ata historiane qe kundershtuan Schmitt-in u etiketuan si historiane te komunizmit dhe keto etiketime fillimisht i bene bartesit e ‘rilindjes’ se historise dhe politikes ne Shqiperi dhe perkrahesit e ‘rishkrimit te historise’ shqiptare, e cila prap filloi ne Kosove me kerkesen e Turqise dhe pajtimin e KEQqeverisjes se kaluar, per te vazhduar mandej si fushate e ‚osmanlinjeve te rinj‘.
Shkrimtari i shquar Ismail Kadare konfirmoi faktin se është në listën e intelektualëve që kanë firmosur peticionin kundër rishikimit të historisë nën mbikëqyrjen e autoriteteve shtetërore turke. Po, tha Ismail Kadare, unë u jam bashkuar intelektualëve pasi mendoj se ky është një problem madhor. Por ai shtoi se nuk është ai nismëtari. Jam një nga firmëtarët dhe ndaj të njëjtin mendim me intelektualët e tjerë shqiptarë se ndryshimet e historisë me ekspertë turq përbëjnë një agresion kulturor që godet shtyllën kurrizore të kombit, ato janë një fyerje e papranueshme për shqiptarët dhe me pasoja për të ardhmen dhe identitetin tonë. Të gjithë tashmë e dimë se çdo ndërhyrje në histori sipas skenarëve të paracaktuar politikë cenon ADN-në e kombit shqiptar dhe ne nuk duhet ta lejojmë këtë, theksoi Kadare.
“Nga Peticioni “Përpjekja për të trilluar një histori të paqenë, me pseudohistorianë dhe pseudokomisionerë shtetërorë, të drejtuar sipas një projekti të errët politik, s’i shërben as paqes dhe as miqësisë së vërtetë mes popujve dhe as projektit të një të ardhmeje që sjell paqe, harmoni e mirëkuptim. Përpjekjet që interpretimi i historisë të bëhet në funksion të pushtetit dhe jo në funksion të së vërtetës, janë të rrezikshme dhe vënë në pikëpyetje të ardhmen tonë.( Kadare: Pse e firmosa peticionin, kundër rishikimit të historisë nën mbikëqyrjen turke )
Ndryshimi i historisë në formë arbitrare, duke i ardhur rreth oreksit të diplomacisë turke, krijon një precedent të rrezikshëm: pas disa vitesh edhe Serbia mund të kërkojë të shpallet vetëm një administratore në Kosovë dhe ajo të vlerësohet pozitivisht për lirinë, pavarësinë, kulturën dhe identitetin tonë. Paqja e bazuar në drejtësi është përvojë që i ka ndihmuar shumë popujve të kuptojnë të kaluarën, pa e mohuar atë, pa i fshehur ose shtrembëruar të vërtetat historike. “E vërteta është e padiskutueshme”, pati thënë Winston Churchill-i.
*( Pjesa 2 ). Vijon neser
Fahri Xharra. 07.07.15 Gjakovë
- « Previous Page
- 1
- …
- 778
- 779
- 780
- 781
- 782
- …
- 975
- Next Page »