Featured – Page 548 – Dielli

Gjykata franceze liron me kusht Ramush Haradinajn

January 12, 2017 by dgreca

*Shqiptarët të befasuar me vendimin e autoriteteve gjyqësore Franceze/

Ne Foto: Ramush Haradinaj duke dalë nga paraburgimi, 12 janar 2017/Gjykata franceze ka marrë vendim që ta lirojë me kusht, Ramush Haradinajn.Vendimi është marrë të enjten në seancën dëgjimore për rastin Haradinaj, pas paraqitjes së kërkesës për ekstradim nga autoritetet e Serbisë dhe një kërkese të palës mbrojtëse për lirimin e tij.Lajmin e ka konfirmuar , avokati i Haradinajt, Arianit Koci.Autoritetet e drejtësisë në Serbi dorëzuan dy ditë më parë kërkesën për ekstradim të zotit Haradinaj me, siç thanë, akuzat e reja për “krime lufte në Kosovë në fundvitet e 90-ta ndaj popullsisë joshqiptare”.

Sipas avokatit, “Gjykata e Colmarit e ka marrë këtë vendim, pas garancive që i ka ofruar shteti i Kosovës shtetit francez përmes avokates mbrojtëse të zotëri Haradinajt se ai do të qëndrojë në Strazburg deri në shqyrtimin e kërkesës së Serbisë për ekstradim ku edhe do të merret vendimi final”, ka bërë të ditur ky burim.Pala mbrojtëse ndërkaq ka kërkuar lirimin e zotit Haradinaj bazuar në “gjykimin e përfunduar në Gjykatën për krime lufte në ish-Jugosllavi që ka trajtuar çështjet” që siç thotë “pretendon pala serbe”.Ramush Haradinaj u ndalua në aeroportin e Bazelit nga autoritetet franceze mbi bazën e një urdhërarresti ndërkombëtar të lëshuar nga autoritetet serbe për, sic thuhet, “krimet e kryera gjatë luftës në Kosovë”.Haradinaj u mbajt në paraburgim me vendim të një Gjykate franceze e cila tha se po kërkon nga autoritetet e Serbisë një kërkesë zyrtare për ekstradim.Autoritetet në Francë thonë se rasti nuk ka “implikime politike” meqë po trajtohet nga organet e drejtësisë franceze dhe kanë pohuar faktin se kanë qenë në kontakt të vazhdueshëm me autoritetet në Kosovë për çështjen Haradinaj.Në Kosovë ndërkaq, udhëheqës të institucioneve kanë kërkuar zyrtarisht nga Franca lirimin e Haradinajt dhe ‘janë zotuar për zbatim të masave të reciprocitetit ndaj Serbisë’ nëse urdhërarrestet që datojnë nga fillimi i viteve 2000 nuk tërhiqen.Qeveria e Kosovës mori vendim ndërkaq javën e kaluar që t’ia ndalojë hyrjen në Kosovë presidentit të Serbisë Tomisllav Nikoliq dhe zyrtarëve të tjerë në Ditën e Krishtlindjeve Ortodokse.Marrëdhëniet ndërmjet palëve ranë në nivelin më të ulët që prej fillimit të bisedimeve në Bruksel të lehtësuara nga BE-ja e cila sërish ka bërë thirrje për “vazhdimin e dialogut për normalizimin e marrëdhënieve dhe bashkëpunim në të gjitha fushat”.

Kosovë-AAK e befasuar me vendimin e autoriteteve gjyqësore Franceze

PRISHTINË, 12 Janar 2017-Gazeta DIELLI/ Aleanca për Ardhmërinë e Kosovës sapo dërgoi këtë deklaratë:AAK është e befasuar me vendimin e sotëm të autoriteteve gjyqësore Franceze, që Kryetari i AAK-së dhe ish kryeministër i vendit, Ramush Haradinaj, të mos kthehet në Kosovë. Ne konsiderojmë se vendimi që ai të lirohet nga paraburgimi, por jo edhe t’i lejohet kthimi në atdhe, nuk është drejtësi e plotë.Ne apelojmë tek organet e drejësisë në Francë që të përshpejtojnë procedurat dhe t’i japin fund çfarëdo mase kundër Ramush Haradinajt, meqë ai i ka spastruar të gjitha pretendimet për krime lufte në procesin gjyqësor në Tribunalin Ndërkombëtar për Krime Lufte në Ish-Jugosllavi. Njëkohësisht AAK e kupton mospajtimin e miliona mbështetësve të zotit Haradinaj në këtë proces, dhe u bën thirrje të gjithë atyre, që mbështetja për zotin Haradinaj të vazhdojë të jetë civilizuese dhe e dinjitetshme, sic e meriton vëtë Zoti Haradinaj.Ne jemi të bindur se mbajtja e Haradinajt në Francë dhe procesi kundër tij, i inicuar me fletarrest politik të Serbisë, do të marrë epilog pozitiv shumë shpejt.

VATRA’S Petition to the French Embassy in Washington, D.C.

January 11, 2017 by dgreca

VATRA’S Petition to the French Embassy in Washington, D.C./

Washington DC, January 9, 2017

Whereas:

– On January 4th 2017, Ex-Prime Minister of the State of Kosovo, Mr. Ramush Haradinaj, was arrested by the French police on an arrest warrant issued by Serbian authorities in 2004;

– The Serbian warrant accused Mr. Haradinaj for alleged war crimes committed during the bloody war of 1998-99 in Kosovo, imposed by the criminal regime of Belgrade, subjecting the Albanian population to a brutal genocide and ethnic cleansing;

– The powerful military machine of Milosevic regime started savagely killing indiscriminately young and old, violating and murdering women, killing even domestic animals, burning houses and destroying entire towns;

– The population of Kosovo rose up to protect themselves from carnage and annihilation, the youth and adults took arms and joined the Kosova Liberation Army, like the young Haradinaj with his brothers and other family men, while hundreds of thousands were displaced and most crossed the borders to Albania and Macedonia;

– The NATO Alliance, with France as a founding partner, intervened to stop the genocide and ethnic cleansing, the same as what Mr. Haradinaj was fighting for, alongside his victimized people;

– Genocide was stopped and ethnic cleansing was reversed, Kosovo was freed and, eventually, became an independent state that was promptly recognized by the most important western allies, France included, naturally;

– During the difficult post-war rebuilding of life and property, Serbia continued and still does, to add salt to the wounds of the people of Kosovo, by a list of means too long to mention here, one being the hundreds of arrest warrants with false accusations against citizens and political leaders of Kosovo, attempting to portray the Albanian population as aggressor, to discredit their fight for life and to destabilize the young country;

– On March 4 of 2005, Mr. Haradinaj who was Prime Minister at that time was indicted by the International Crime Tribunal for the Former Yugoslavia (ICTY) in The Hague, on the basis of the same warrant of 2004 that was the cause of his recent arrest;

– On March 8 of 2005, Mr. Haradinaj resigned from his post and voluntarily, surrendered to the said Tribunal, with the dignity of a freedom fighter and the clear conscience of an innocent man, while Serbian criminal leaders were hiding in disguise, like Mladic, Karadzic and company, trying to escape justice;

– The International Tribunal cleared Mr. Haradinaj not once but twice, having been called the second time by the same court because of new “Serbian “evidence.

– This lastest arrest of Mr. Haradinaj contradicts the verdict of the International Tribunal and should not have happen, since it only makes more difficult the ongoing negotiations between Serbia and Kosova and further aggravates the political atmosphere that is poisoned by Serbia’s continued provocations.

– Mr. Haradinaj is a hero of a just war who is being persecuted by the Serbian government for political reasons;

Therefore:

– We are gathered here today from different parts of the United States, as members and representatives of the Albanian American Community, called by The Pan-Albanian Federation of America VATRA, to protest the arrest of Mr. Haradinaj and to ask for his immediate release;

– Today, at the same hour, another protest called by the Albanian American leaders is going on, in front of the Permanent Mission of Serbia to the United Nations in New York City, to protest continued Serbian provocations, specifically for keeping active the warrant against Mr. Haradinaj and many others, aimed at embarrassing state officials and destabilizing the country.

Shaqir Salihu është betuar për këtë flamur

January 11, 2017 by dgreca

Vecojmë nga Protesta e Federatës Panshqiptare të Amerikës për lirimin e ish Kryeministrit Ramush Haradinaj para Ambasadës Franceze në Washington D.C me 9 Janar 2017/Njeriu që shikoni në qendër të fotos është Shaqir Salihu. Këtë flamur që mban në duar ai e valviti i pari në Kosovë, në vitet e vështira, kur simboli i shenjtë kuq e zi ndalohej nga regjimi serb. Por ai e valviti. E valviti i pari në demonstratat e vitit 1968. Pastaj në Itali dhe në Amerikë me dhjetra, për të mos thënë qindra herë dhe nuk po ndalet. Sot, në vitin e 75-të të lindjes, Shaqiri ende e valvit flamurin e Skënderbeut. Të hënën, më 9 janar, ai erdhi para ambasadës së Francës në Uashington me këtë flamur kombëtar në duar, për të protestuar kundër arrestimit të ish-Kryeminstrit të Kosovës dhe ish-komandantit të UÇK-së, Ramush Haradinaj. Shaqiri është betuar për këtë flamur; ai dëshiron t’u thotë bashkatdhetarëve në Kosovë se, ndonëse sot askush nuk të ndalon ta valvisësh atë, ky flamur ka një kuptim të madh: Ai i fton të gjithë për vigjilencë dhe për të mos harruar sakrificën e gjakut që u derdh për Kosovën dhe për trojet shqiptare.

PS: Shaqir Salihu është anëtar i Vatrës në Degën e Washingtonit.

VATRA, PETICION AMBASADES FRANCEZE NE WASHINGTON

January 10, 2017 by dgreca

-Një kontribut të veçantë për mbarvajtjen e këtij manifestimi të Federatës Vatra, dhanë familjet e Dr. Gjon Buçaj (që kishin ardhë në protestë të përfaqësuar nga tre breza) dhe Rrustem Gecaj (anetar i Keshillit te Vatres), që kishin udhëtuar në masë nga Nju Jorku, me djemtë, kushërinjtë, dhe të afërm të tij/

*VATRA DOREZOI PETICIONIN NE AMBASADEN FRANCEZE PER LIRIMIN E HARADINAJ/

-Autoritetet e Ambasadës Francezë pranuan Peticionin e Vatrës, ku kërkohej lirimi i menjëhershëm i ish Kryeministrit të Kosovës, ish Komandantit të UÇK-së, z. Ramush Haradinaj./

Nga Dalip Greca/

Washington, 9 Janar 2017- Edhe pse temperaturat ishin shumë të ulta të Hënën e 9 Janarit në Washington, rrugët me ngrica dhe borë, Vatra e realizoi protestën e paralajmëruar para ambasadës Franceze.

Vatranët, një pjesë e të cilëve udhëtuan nga Nju Jorku,e përballuan të ftohtin dhe për më shumë se dy orë qëndruan para ambasadës Franceze duke hedhur parulla në kor për lirimin e Ramush Haradinaj dhe duke mbajtur fjalime në gjuhën shqipe dhe në gjuhën angleze. Shqiptarët protestuan duke mbajtur në duar flamuj shqiptarë, amerikanë dhe atë të Kosovës, si dhe pankarta, ku shkruhej: Ne protestojmë për arrestimin e paligshëm të heroit tone Kombëtar, Ramush Haradinaj është hero, Lirojeni heroin tone, Ramush Haradinaj ëshë luftëtar i lirisë, jo kriminel, Lejeni atë të lirë, France, unë të dua, liroje heroin tone etj….

Pjesmarrësit në tubim ishin nga të gjitha moshat, që nga fëmijët që i mbanin prindërit në krah, të rinjë e të moshuar. Një kontribut të veçantë për mbarvajtjen e këtij manifestimi të Federatës Vatra, dhanë familjet e Dr. Gjon Buçaj (që kishin ardhë në protestë të përfaqësuar nga tre breza) dhe Rrustem Gecaj, që kishin udhëtuar në masë nga Nju Jorku, me djemtë, kushërinjtë, dhe te aferm të tij. Që nga Nju Jorku udhëtuan edhe dy nënkryetarët e Vatrës, Agim Rexhaj, Asllan Bushati (me të bijën Ela), Zef Balaj, Idriz Lamaj, Marjan Cubi me bashkëshorten Dila dhe editori i Diellit, ndërkohë që dhe dega e Vatrës në Washington dha kontributin e saj.

Me protestën u solidarizuan degët e Vatrës në Tampa, Michigan dhe degët e tjera.

Dr. Gjon Buçaj, Kryetar i Federatës Panshqiptare të Amerikës VATRA, përmes fjalimit të tij para protestuesëve, e quajti të paligjshëm arrestimin e Heroit të luftës për liri, Komandantit të Ushtrisë Çlirimtare, ish Kryeministrit Ramush Haradinaj. Arrestimi nga autoritetet franceze, sqaroi ai, është i paligjshëm sepse bazohet mbi një fletë-arresti të paligjshme, lëshuar nga Serbia 12 vite të shkuara. Haradinaj jo një herë, por dy herë, e ka shkarkuar veten nga akuzat në Gjykatën Ndërkomëbtare të Tribunalit të Hagës. Qëllimi i Serbisë, tha dr. Buçaj, është që të destabilizojë Kosovën, të rrezikojë paqen në shtetin e brishtë, të njollosë imazhin e Kosovës duke njollosur heronjët e saj. Për kryetarin Buçaj, ashtu si për të gjithë shqiptarët, Ramush Haradinaj, nuk është kriminel siç përpiqet ta trajtojë Serbia, por është hero kombëtar. Lufta e tij ishte në një vijë me NATO-n, ku bën pjesë edhe Franca, si kontributore e Lirisë së Kosovës, për çlirimin nga regjimi kriminel i Serbisë, për t’i dhënë fund represionit dhe gjenocidit. Akuzat e Serbisë bëhen për të diskretituar luftën për liri të Kosovës, për të diskretuar luftën për liri të një populli të masakruar e viktimizuar nga regjimi kriminel i Serbisë. Ramush Haradinaj ka udhëheqë popullin e vet të viktimizuar, mbi të cilin u ushtrua gjenocid, tha dr. Buçaj.

Arrestimi në Francë, si akt na dhemb dyfish sepse na ka ardhë nga një shtet mik, që ka ndihmuar në çlirimin e Kosovës, tha dr. Buçaj. Ky tubim, sqaroi ai pjesmarrësit, organizohet për të protestuar për arrestimin e padrejtë të Haradinajt dhe së dyti për të dorëzuar peticionin për lirimin e tij në ambasadë dhe ajo ta përcjellë tek shteti i saj.

Më pas e kanë marrë fjalën edhe oratorë të tjerë: Nënkryetarët e Vatrës Agim Rexhaj dhe Asllan Bushati, ish gazetari i Zerit të Amerikës Shaqir Salihu, Zef Balaj, i cili tha se kjo protestë ka dhe mbështetjen e Ligës Qytetare Shqiptaro-Amerikane, Avni Gecaj iu drejtua protestusve në gjuhën angleze, Dr. Hasan Ademaj, Marjan Cubi, Kryetarja e degës së Vatrës në Washington Merita B McCormack, po ashtu përshëndeti protestuesit në gjuhën angleze, editori i Diellit Dalip Greca, të cilët njëzëshëm kanë shprehur protestën për arrestimin e padrejtë të heroit të luftës së Koosovës, komandantit Ramush Haradinaj, dhe kanë denocuar politikën destabilizuese të Serbisë, e cila ende nuk ka kërkuar ndjesë për krimet e ushtruara në Kosovë, dhe me akuza fallso përpiqet të njollosë luftën dhe heronjtë e një populli të viktimizuar, me qëllimin e vetëm: Të destabilizojë Kosovën dhe të njollosë luftën për liri dhe heronjtë e saj.

Oratorët janë duartrokitur dhe mbështetur me thirrje për lirimin e Ramush Haradinajt, duke e cilësuar atë “heroi ynë”.

Në fund të protestës, autoritetet franceze kanë pranuar Peticionin nga protestusit të dorëzuar nga Kryetari i Vatrës, dr. Gjon Buçaj. Në peticion shprehet protesta e komunitetit shqiptaro-amerikan për arrestimin e z. Ramush Haradinaj dhe këkresa për lirimin e menjëhershëm të tij. Në peticionin e shkruar në gjuhën angleze, denocohej fakti se arrestimi i 4 janarit 2017 i Ramush Haradinaj, është bazuar në një urdhër arresti të lëshuar nga Serbia në vitin 2004.

Urdhëri i arrestit i Serbisë akuzon zotin Haradinaj për krime lufte të kryera gjatë luftës së përgjakshme të viteve 1998-99 në Kosovë, të imponuar nga regjimi kriminal i Beogradit, që ka ushtruar mbi popullatën shqiptare një gjenocidi brutal dhe spastrimi etnik;

Makina e fuqishme ushtarake e regjimit të Millosheviçit ka ushtruar gjenocid e spastrim etnik, ka kryer vrasje në masë, pa dallim, fëmijë, të rinj dhe të moshuar, ka vrarë e përdhunuar gra, ka vrarë të pafajshëm, duke mos kursyer as kafshët shtëpiake, ka djegë shtëpitë, ka shkatërruar fshatra dhe qytete të tërë.

Popullsia e Kosovës, shkruhej në peticion, u ngrit për të mbrojtur veten nga asgjësimit, të rinj dhe të rritur morën armët dhe u bashkua me Ushtrinë Çlirimtare të Kosovës, ashtu si Haradinaj me vëllezërit e tij dhe burra të tjerë të familjes, ndërsa qindra mijëra qytetarë të Kosovës janë zhvendosur dhe kaluan kufijtë në Shqipëri dhe Maqedoni;

– Aleanca e NATO-s, me Francën, si një partner themelues, ndërhyri për të ndaluar gjenocidin dhe pastrimin etnik,- të njëjtën gjë bëri dhe zoti Haradinaj, i cili luftoi së bashku me popullin e tij të viktimizuar;

– Gjenocidi u ndalua dhe spastrimi etnik u përmbys, Kosova u çlirua dhe u shpall një shtet i pavarur, që është njohur menjëherë nga aleatët më të rëndësishme perëndimore, përfshirë edhe Francën.

Më pas peticionin radhiste vështirësitë me të cilat u përball dhe po vazhdon të përballet Kosova në periudhën e pasluftës, për rindërtimin e vendit të shkatërruar e për të mjekuar plagët e luftës, që i shkaktoi Serbia, e cila vazhdon të bëjë përpjekje për destabilizimin e shtetit të Kosovës.Ajo po vazhdon të hedhë kripë në plagët e hapura të Kosovës. Edhe qindra urdhërat e arrestit me akuza të rreme ndaj qytetarëve dhe udhëheqësve politikë të Kosovës, me qëllimin për ta paraqitur popullsinë e Kosovës si agresore, për të diskredituar luftën e tyre dhe për të destabilizuar jetën e Kosovës.

Në peticion jepen fakte rreth përballjes së Ramush Hardinaj me drejtësinë: Më 4 mars të vitit 2005, zoti Haradinaj, i cili ishte kryeministër në atë kohë, ishte akuzuar nga Gjykata Ndërkombëtare në Hagë, mbi bazën e të njëjtit urdhër të vitit 2004, që ishte shkaku i tij arrestimi i kohëve të fundit;

– Më 8 mars të vitit 2005, Haradinaj dha dorëheqje nga posti i Kryeministrit dhe vullnetarisht, u dorëzua në gjykatën në fjalë, me dinjitetin e një luftëtari të lirisë dhe ndërgjegje të pastër të një njeriu të pafajshëm, ndërsa udhëheqësit kriminalë serbë ishin fshehur nën maska, si Mlladiç, Karaxhiç dhe kompani, duke u përpjekur që t’i shpëtonin drejtësisë;

– Tribunali Ndërkombëtar e ka pastruar z. Haradinaj jo një herë, por dy herë, duke qenë të thirrur për herë të dytë nga e njëjta gjykatë, për shkak të provave gjoja të reja “serbe”.

– Ky arrestim i fundit i zotit Haradinaj, shkruhet në peticion, kundërshton vendimin e Tribunalit Ndërkombëtar dhe nuk duhet të kishte ndodhur, pasi, vetëm e bën më të vështirë vazhdimin e negociatave për dialog në mes të Serbisë dhe Kosovës me ndërmjetësimin dhe e përkeqëson atmosferën politike, që në vazhdimësi është helmuar nga provokimet e Serbisë.

– Z. Haradinaj është një hero i luftës së drejtë, ai është duke u persekutuar nga qeveria serbe për arsye politike…

Në peticion shkruhej se arsyeja përse jemi sot këtu ne Shqiptaro-Amerikanët, të udhëhequr nga Federata Panshqiptare e Amerikës VATRA, është që të protestojmë kundër arrestimit të zotit Haradinaj dhe për të kërkuar lirimin e tij të menjëhershëm;

– Sot, shkruhet në Peticion, në të njëjtën orë, po ndodh një tjetër protestë e komunitetit shqiptaro-amerikan para Misionit të Përhershëm të Serbisë në Kombet e Bashkuara në Nju Jork, për të protestuar kundër provokimeve të vazhdueshme serbe, për të mbajtur aktiv urdhrër arrestin kundër Z. Haradinaj dhe shumë të tjerëve për destabilizimin e vendit.

Kronikë nga protesta e shqiptarëve në Manhattan për lirimin e Ramush Haradinaj

January 10, 2017 by dgreca

Nga Mimoza Dajçi/

E hënë 9 janar 2017. Ndodhemi midis 66 dhe 67 -St, në 5 Avenue, në zemër të Manhattani-t. Janë qindra shqiptarë që janë solidarizuar për të protestuar ndaj arrestimit të padrejtë të ish liderit të UÇK dhe ish Kryeministrit të Kosovës Z. Ramush Haradinaj. Vendi ku janë mbledhur shqiptarët për të treguar shqetësimin e tyre paqësor ndodhet përballë Konsullatës së Misionit Serb në New York. Një grup organizatash dhe shoqatash jo qeveritare shqiptaro – amerikane së bashku me Federatën Panshqiptare “Vatra” kanë ngritur zërin e tyre për lirimin e menjëhershëm të Z. Ramush Haradinaj nga qeveria franceze.

Një protestë e tillë kryesuar nga Federata “Vatra”u zhvillua nga komuniteti shqiptar edhe në Washington D.C përballë Ambasadës Franceze etj.

Protestat filluan sot në orën 11 AM paradite e vazhduan deri në ora 1 PM të drekës, protestën në New York e kryesoi Shoqata “Albanian American Community” dhe pas saj janë Federata Panshqiptare “Vatra”, Albanian American Association Ana e Malit, “Albanian American Council”, “Dibra Community Organization”, “Rrënjët Shqiptare”, Foundation Plave Guci, “Rugova Association”, “Sons and Daughters of Albania in America”, Albanian Open Hand Association, The Women’s Organization “Hope & Peace”, etj.

Sot shqiptarët ndodhen përpara një skandali dipllomatik e politik, ku lideri i Kosovës ish udhëheqësi i UÇK ndodhet i arrestuar që nga e mërkura e kaluar nga autoritetet franceze në aeroportin e Bazelit – Francë, me një urdhër të kaluar të qeverisë serbe. Z. Haradianj ka vizituar edhe më parë Francën dhe nuk është ndaluar nga policia vendase. Eshtë lënë i lirë si i pafajshëm dy herë nga Gjyakata Ndërkombëtare e Hagës si i pafajshëm, ndërsa sot pikërisht në këtë kohë ndodh ky arrestim i tij?

Nuk dua ti paragjykoj situatat, por më duket se historia po përsëritet e njëjtë si, në momentin kur vite më parë më datë 23 janar 1916 xhandërmaria malezeze urdhëruar nga qeveria e vendit vrasin heroin e kombit Isa Boletini vetë i tetë. Ndërsa ata që e prenë në besë ishin disa diplomatë franceze. Konsulli francez Bikok, “i afron” ndihmë Isa Boletinit duke i thënë se ai me trimat e tij mund të shkojnë në ambasadën franceze ku mund të marin vizë për një vend neutral, ndërkohë që me bujarinë e tyre Anglezët e ftojnë Boletinin dhe patriotët e tjerë, për ti marrë në mbrojtje. Por nisur nga Ligjet e Maleve Boletini preferon mikun që i hapi derën i pari. Dhe kështu ndodhi tragjedia e vrasjes së Isa Boletinit me djemtë, nipat dhe luftëtarët e tjerë të lirisë, se “miku që i hapi derën i pari” i preu në besë.

Personalisht si brez i tretë e familjes së Boletinëve në Kosovë, këtë ngjarje dhe të tjera për heroizmat e Bacës Isë e luftëtarëve të tij mi ka treguar gjyshja ime Hajrije Boletini Dajçi dhe daja i babait tim ish Prefekt në Fier Tafil Boletini, i cili edhe ky vinte shpesh në shtëpinë tonë në Tiranë e që ka qenë dëshmimtar okular i asaj ngjarje të rëndë.

Sot protestuesit përballë konsullatës serbe dhe asaj franceze në New York valëvitën me krenari flamujt shqiptarë, amerikanë, flamurin e Kosovës, dhe flamurin e Shqipërisë Etnike me dy figurat – legjenda të Pavarësisë Ismail Qemali dhe Isa Boletini. Në banderolat që ata mbanin nëpër duar, shkruhej se lideri historik i Kosovës Ramush Haradinaj është një Hero, e duhet të lirohet sa më parë nga autoritetet franceze. Mes qindra pjesëmarrësve të binte në sy portreti i Heroit Ramush Haradinaj dhe shpalosja e tre flamujve të mëdhenj me shqiponjën dy krenare në mes dhe një tjetër flamur i madh që u shpalos në sheshin përpara konsullatës ai i Shqipërisë Etnike.

Gjatë kësaj proteste paqësore tubimin e hapi një nga organizatorët kryesorë Assamblyman Mark Gjonaj, veprimtari i njohur i çështjes shqiptare kombëtare Z. Harry Bajraktari, Presidenti i Shoqatës “Rrënjët Shqiptare” Marko Kepi. Në emër të organizatës së gruas “Hope & Peace”, përshëndeti Znj, Mimoza Dajçi, e cila e ndjente si obligim shpirtëror pjesëmarrjen e saj në këtë protestë, pasi në dejet e saj ka gjak nga familja e heroit tonë kombëtar Isa Boletini. Gjithashtu vlen për tu theksuar prania e kësaj organizate në këtë tubim, si e vetmja OJQ gruaje shqiptare – amerikane që përkrahu pa asnjë lëkundje Çështjen Haradinaj në SHBA për lirimin e tij.

Në parrullat që hodhi Z. Mark Gjonaj dhe Z. Harry Bajraktari ishin: “We never forget serbia committed genocide against albanians”, “Freedom for the Hero Ramush Haradinaj”, “Ramush Haradinaj është Hero”, “France must free Haradinaj now”, “Drejtësi dhe Paqe”, etj.

Moti tepër i keq, me temperatura nën zero, e përsëri rradhët e protestuesve sa vinin e shtoheshin, asaj ju bashkangjitën edhe kalimtarët e rastit, kureshtarë dhe turistë të ndryshëm. Pjesëmarrja ishte e konsiderueshme. Nuk munguan këngët patriotike. Këngëtarët Albërie Hadërgjonaj dhe Meda Përgjegjaj, kënduan këngë kushtuar vatanit dhe heronjve të kombit. Thirrjet me artopalant të Z. Mark Gjonaj, Z. Harry Bajraktari, Marko Kepi, Znj. Dajci, Albërie Hadërgjonaj etj, flinsnin për paqe, drejtësi dhe për lirimin e menjëhershëm të Heroit të kombit Ramush Haradinaj. Gjithashtu Z. Gjonaj në fjalën e tij preku genocidin serb në Kosove nga makineria serbe mbi popullin e pafajshëm të Kosovës, të zhdukurit dhe dhunën ndaj femrës shqiptare gjatë periudhës 1998 -1999 në Kosovë etj.

Pas Konsullatës Serbe, protestuesit shoqëruar me disa autobusa u nisen drejt Kosnsullates Franceze po ne Manhattan, ku edhe aty kënduan këngë patrotike. Z, Mark Gjonaj mbajti përsëri fjalën e rastit e bëri thirrje që protesta të vazhdonte në mënyrë paqësore dhe thirrje për lirimin e Ramush Haradinaj nga autoritetet franceze. Edhe në sheshin përpara Konsullatës Franceze u shpalosën flamujt shqiptarë, amerikanë dhe të Shqipërisë Etnike.

Assamblyman Z. Mark Gjonaj së bashku me Z. Harry Bajraktari e me disa veprimtarë të spikatur të komunitetit shqiptar Sony Vataj, Meda Përgjegjaj, Albërie Hadërgjonaj, Mimoza Dajçi dhe telekronistin Skënder Pali, ju drejtua Konsullit Francez me një Peticion firmosur nga shumë OJQ dhe organizata të ndryshme jo qeveritare që veprojnë në New York e më gjerë për lirimin e menjëhershëm të ish Kryeministrit të Kosovës Z. Ramush Haradinaj. Ky tubim paqësor u përcoll nga stacione televizive amerikane dhe shqiptare, si dhe nga TV – Alba Life me operator Z. Skënder Pali.

Të pranishëm sot në protestë gjithashtu ishin gazetari dhe aktivisti i palodhur i diasporës Z. Beqir Sina, Gjekë Gjonlekaj, Ferro Gjonbalaj, Esad Rizai, Haxhi Dauti, Skënder Kodra, Hilmi Berisha, Roza Gjonaj, Sony Vataj, Ilir Fundo, Natalia Herndandez, Ukë Lushi, Florian Krasniqi, Valon Nikçi, Dia Saraçi, Ismer Mjeku, Vera Mjeku, etj.

Protesta në mbrojtje të Z. Ramush Haradinaj sot në Manhattan – New York, kaloi e qetë paqësore dhe konform ligjeve dhe rregullave amerikane.