Thaçi i dhuron ambasadorit Rohan Deklaratën e Pavarësisë së Kosovës

June 16, 2016 by dgreca

PRISHTINË, 15 Qershor 2016/Deklarata e Pavarësisë së Kosovës në kornizë ngjyrë ari është dhurata e Presidentit Kosovar Hashim Thaçi ambasadorit austriak Albert Rohan, i cili ka qenë zëvendës i emisarit special të OKB-së – kryenegociatorit për statusin e Kosovës, Marti Ahtisaari. “Mikut tim, ambasadorit Albert Rohan, me rastin e ditëlindjes së 80-të, ia dhurova Deklaratën e Pavarësisë së Kosovës.Do të jemi gjithmonë mirënjohës për kontributin e tij përcaktues për Kosovën”, ka shkruar Thaçi në ‘facebook’.

Presidenti i Republikës së Kosovës, Hashim Thaçi, sot ishte në Vjenë ku ka takuar homologun e tij austriak, Heinz Fischer./b.j/

NDËRROI JETË NË SHQIPËRI VATRANI BIB PËRNOCA

June 13, 2016 by dgreca

Dje ndërroi jetë në vendlindjene tij, në Mirditë, atdhetari, antikomunisti, vatrani Bib Përnocaj, vëllai i Zef Përnocës. I ndjeri ndërroi jetë ndërsa po merrte pjesë në një festë të zonës. Ka ikur në amshim i rrethuar nga miq e dashimirës të shumtë. Dhe nipi i tij, Albert Përnocaj, djali i Zef Përndocës kumtoi dje në mbrëmje përmes facebook-ut lajmin: “Zi në familjen Pernoca. Sot morën lajmin e vdekjes së Bib Pernocën në Shqipni. Axhë pushofsh në paqë!”

Biba ishte vatran dhe i abonuar në Gazetën”Dielli”.

Bibë Përnoca ishte një shqiptar që e donte fort Shqipërinë por nuk duronte komunizmin, që i kishte shpallë armiq Përnocajt dhe një pjesë i burgosën, e të tjerët i internuan.Axha i Bibes, Doda i arratisur, është vrarë në përpjekje me forcat komuniste. Familja Përnocaj është një familje e nderuar, shtëpi e njohur për tradita në Mirditë dhe në të gjithë Shqipërinë. Që në vitin 1951 një pjesë e familjes Përnoca kaluan kufirin dhe shkuan në Kosovë. Biba qëndroi pak vite në Kosovë dhe kaloi në Itali. Në vitin 1964 arriti në Shtete e Bashkuara të Amerikës.Sapo ra komunizmi ai shkoi dhe e pa vendlindjen dhe shoi mallin prej 50 vitesh largim. Udhëtoi shumë herë në Shqipëri. Kohët e fundit edhe pse kishte kaluar sëmundje të rënda kardiake dhe qëndronte në ëheelchair, ai udhëtoi më shpesh drejt vendlindjes. Ishte vitin e shkuar në verë dhe qëndroi gjatë. Shkoi edhe sivjet.E tërhiqte vendi i lindjes. Dukej se dëshira e fundit ishte të pushonte përgjithmonë në vendlindje.Dhe atje i pushoi zemra, pa vuajtje në castet e fundit. Shpirti në Paqë Bibë Përnoca!

Familjarët e këtushëm me vëllain e të ndjerit, me Zefin sot u nisën për në Shqipëri. Sipas dëshirës ai do të varroset në Shqipëri.

Federata Vatra dhe Gazeta Dielli I shprehin ngushëllimet ëm të thella familjes së ngushtë( Biba la 4 vjaza dhe dy djem), vëllait Zef me familje, familjes Përnoca në Shqipëri dhe të gjithë miqëve dhe të afërmëve.(Dielli)

World grieves with LGBT community after ‘most deadly shooting in American history’

June 13, 2016 by dgreca

US President Barack Obama has described the deadly mass shooting in Orlando as an ‘act of terror and an act of hate.’ The gunman who killed 49 people at a gay night club was previously known to the FBI.

Messages of solidarity with the LGBT community and condemnation of the attack continued to pour in from political and religious leaders from around the world into the early hours of Monday morning.

US President Barack Obama led the reactions, saying that the shooting at Pulse nightclub in Orlando, Florida was the “most deadly shooting in American history.”

A long-time campaigner for stricter gun laws, Obama added that the “brutal murder of dozens of innocent people” was yet another reminder of how easy it is to access a deadly weapon in the US.

“We have to decide if that’s the kind of country we want to be,” he said. “To actively do nothing is a decision as well.”

US President Barack Obama

Forty-nine killed and the shooter, 53 injured

Omar Mateen, a US citizen with Afghan roots, opened fire at the gay nightclub early Sunday morning. At least 49 people were killed and 53 others injured. Seven of the victims have so far been named – Stanley Almodovar III, Luis Omar Ocasio-Capo, Juan Ramon Guerrero, Edward Sotomayor Jr, Eric Ivan Ortiz-Rivera, Peter O Gonzalez-Cruz and Luis S Vielma.

The 29-year-old gunman was killed at the scene in an exchange of fire with 11 police officers.

A law enforcement official told the AP news agency that the gunman had made a call to the emergency services from the club, claiming allegiance to the leader of the so-called “Islamic State” (IS), Abu Bakr al-Baghdadi. IS has made a claim of responsibility for the attack via a website.

Fifty people were killed and 53 injured after Omar Mateen opened fire at Pulse night club in Orlando

‘This is a hate crime’

In light of the the suspected links to IS, the head of a prominent US Muslim advocacy group strongly condemned the massacre, calling IS members an “aberration.”

Nihad Awad, executive director of the Council on American-Islamic Relations, also called for unity and urged politicians not to “exploit” Sunday’s tragedy.

“This is a hate crime. Plain and simple,” Awad told a news conference, adding that it “violates our principles as Americans and as Muslims.”

“Let me be clear, we have no tolerance for extremism of any kind,” he said.

German Foreign Minister Frank-Walter Steinmeier also expressed his condolences to the victims of the attack. “I am shocked by the murderous attack in Orlando. We mourn the victims. Our thoughts are with our friends in the USA,” Steinmeier said in a tweet.

KUJTESE- DR. RUGOVA PER 12 QERSHORIN

June 12, 2016 by dgreca

-Arkiv-Presidenti historik Rugova: 12 Qershori, ditë e madhe që e siguroi qenien tonë nacionale e njerëzore

-Në foto: Korrespondenti në Prishtinë i Gazetës Dielli, atëherë kryeredaktori i gazetës tradicionale të Kosovës Rilindja, Behlul Jashari, për festën e Ditës së Rilindjes 12 Shkurt 2005 i dhuroi Presidentit të Kosovës, Dr. Ibrahim Rugova, Pllakatin e Jublileut të 60-vjetorit të gazetës së parë të Kosovës Rilindja/

-Mesazhi i fundit për Ditën e Lirisë – 12 Qershorin, i Presidentit historik të Kosovës, Dr. Ibrahim Rugova, arkitektit të Pavarësisë/

Prishtinë, 12 qershor 2005 – Presidenti i Kosovës, Dr. Ibrahim Rugova, me rastin e 12 Qershorit, Ditës së Lirisë të Kosovës, u ka drejtuar qytetarëve të Kosovës një mesazh urimi me këtë përmbajtje.

“Me rastin e 12 qershorit, 6 vjetorit të Ditës së hyrjes të trupave të NATO s në Kosovë, që është Ditë e Lirisë së vendit tonë, Ju shpreh urimet e mia të përzemërta.

Dita e 12 qershorit, pra Dita e Lirisë së Kosovës, është një ditë e madhe që e siguroi qenien tonë nacionale e njerëzore dhe të ardhmen më të lumtur për të gjithë ne.
Në këtë Ditë feste, urime të përzemërta i shprehim Komandantit të KFOR it, Gjeneralit Iv dë Kermabon dhe ushtarëve të Tij.

Njëherësh urime të sinqerta i shprehim UNMIK ut dhe OSBE së.

Urime të sinqerta po ashtu u shprehim përfaqësive diplomatike në kryeqytetin e vendit tonë, në Prishtinë.
Dhashtë Zoti që 12 Qershorin e ardhshëm, Ditën e Lirisë, ta festojmë me njohjen formale të pavarësisë së Kosovës”.

Ky ishte mesazhi i fundit për Ditën e Lirisë – 12 Qershorin, i Presidentit historik të Kosovës, Dr. Ibrahim Rugova, arkitektit të pavarësisë, i cili u shua para 10 vitesh, në 21 janar 2006, duke lënë me veprën e tij jetësore gjithmonë ndezur dritën e të ardhmes për Kosovën shtet euroatlantik.

Presidenti Rugova: 12 Qershori mbetet Dita më e madhe në historinë e re të Kosovës

-“Unë insistoj në njohjen e drejtpërdrejtë të pavarësisë së Kosovës nga SHBA dhe BE sa më shpejt. Kështu Kosova si vend i pavarur e demokratik është e vendosur për integrim në BE e në NATO dhe në miqësi permanente me SHBA. Kjo do të qetësonte këtë pjesë të Europës e të botës dhe do të krijonte sigurinë e të ardhmes të të gjithë qytetarëve të Kosovës”, ritheksonte Presidenti historik Dr. Ibrahim Rugova në pritjen e fundit për Ditën e Lirisë – 12 Qershorin, në vitin 2005

Prishtinë, 12 qershor 2005 – Presidenti i Kosovës Ibrahim Rugova, në mbrëmje në Hotelin Grand në Prishtinë ka shtruar një darkë solemne për nder të 12 Qershorit – Ditës së Lirisë dhe hyrjes së trupave të NATO-s në Kosovë. Të ftuar ishin përfaqësues të lartë ndërkombëtarë dhe vendorë.Në këtë solemnitet Presidenti Rugova deklaroi se Kosova është e lirë falë ndihmës së NATO-s. Ai gjithashtu u shprehu mirënjohje popullit të Kosovës dhe luftëtarëve të Ushtrisë Çlirimtare të Kosovës për përpjekjet e bërë për lirinë dhe pavarësinë.
“Kjo do të jetë dita më e madhe në historinë e re të vendit tonë, sepse me të u kurorëzua liria e kombit tonë, që ishte ëndërr dhe përpjekje e shumë gjeneratave”, theksoi në fillim të fjalës së tij Presidenti Rugova.
Duke folur për periudhën e pasluftës, Presdenti Rugova vlerësoi se gjatë këtyre gjashtë vjetëve Kosova ka pasur një progress të madh në të gjitha fushat e jetës, të cilin e ka arritur “me NATO/KFOR in, që ka bërë dhe po bën sigurinë e Kosovës, si dhe bashkë me UNMIK un e me OSBE në në planin civil”.
Ndërsa, duke folur për momentin aktual, ai tha se institucionet po punojnë në përmbushjen e standardeve prioritare dhe në vlerësimin e progresit, që do të krijonte mundësi për pavarësinë e vendit tonë simbas rrugës ndërkombëtare.
“Por, siç e dini, unë insistoj në njohjen e drejtpërdrejtë të pavarësisë së Kosovës nga SHBA dhe BE sa më shpejt. Kështu Kosova si vend i pavarur e demokratik është e vendosur për integrim në BE e në NATO dhe në miqësi permanente me SHBA. Kjo do të qetësonte këtë pjesë të Europës e të botës dhe do të krijonte sigurinë e të ardhmes të të gjithë qytetarëve të Kosovës”, ritheksoi edhe me këtë rast Presidenti Rugova.
Në vazhdim të fjalës së tij, Presisdenti lavdëroi punën e paqeruajtësve në Kosovë, duke thënë se “NATO/KFOR-i për gjashtë vjet ka bërë një punë të shkëlqyer në sigurinë dhe mbrojtjen e vendit për të gjithë qytetarët. Kështu KFOR i mbetet forcë e dashur dhe e nderuar nga i gjithë populli i Kosovës”.
Ai u shprehu nderime e mirënjohje ushtarëve të KFOR-it, që në kryrje të detyrave humbën jetën e tyre.
“Në këtë ditë i përkujtojmë të gjithë ata që ranë për lirinë, pavarësinë dhe demokracinë e Kosovës.

Njëherësh i shprehim mirënjohje popullit të Kosovës dhe luftëtarëve të UÇK së për përpjekjet e bëra për lirinë dhe pavarësinë e tonë”, theksoi Presidenti Rugova, duke përshëndetur me këtë rast Presidentin Bush, Kryeministrin Bler, Presidentin Shirac, Kancelarin Shrëder dhe Kryeministrin Berluskoni, që përkrahin Kosovën.

Poashtu ai përkujtoi me pietet të lartë Papa Gjon Palin II që ka ndihmuar lirinë dhe pavarësinë e Kosovës dhe përshëndeti Atin e Shenjtë Benedikti XVI, me dëshirë që të lutet për njohjen formale të pavarësisë së vendit tonë.

Presidenti Rugova e lut gjeneralin Kermabon që t’ua përcjellë ushtarëve të KFOR-it urimet e tij të përzemërta dhe të popullit të Kosovës për Ditën e lirisë së Kosovës, 12 qershorin, Ditën e NATO s në Kosovë.
Komandanti i KFOR-it Iv de Kermabon theksoi se përkushtimi i NATO-s dhe bashkësisë ndërkombëtare në Kosovë për ndërtimin e paqes dhe stabilitetit mbetet e i njëjtë si përpara gjashtë, kur u vendosëm në Kosovë.

“Është e rëndësishme për kujtojmë se KFOR-i nuk vepron i vetëm. Puna që ne bëjmë me komunitetin ndërkombëtar në Kosovë dhe liderët vendorë mbetet esenciale për ndërtimin e paqes. Pra partneriteti ynë nuk është vetëm ndërmjet KFOR-it dhe UNMIK-ut, por përfshinë edhe partnerët tanë vendorë dhe mbështetja e tyre është esenciale”, tha Kermabon.

Shefi i Zyrës Amerikane në Prishtinë Filip Goldberg duke folur në emër të përfaqësive diplomatike në Prishtinë theksoi se ata ndihen krenarë për atë që bënë më 1999.

“Ne jemi shumë krenarë për atë që bëmë në vitin 1999 dhe duam të mbetemi të tillë për atë që do të ndodhë vitet në vijim, që do të thotë një Kosovë, e cila do të reflektojë vlera demokratike në respektim të njëri-tjetrit, pa marrë parasysh etnitë apo besimin. Janë këto vlera që ne i sollëm më 1999”, theksoi Shefi i Zyrës së SHBA-ve në Prishtinë Filip Goldberg.

Në këtë darkë solemne Presidenti i Kosovës Ibrahim Rugova dekoroi ushtarët e KFOR-it me Medaljen e Sigurisë. (Përgatiti për Gazetën DIELLI:B.Jashari)

Kosova: Kusht për Asociacionin, shuarja e strukturave të mbetura paralele të Serbisë

June 8, 2016 by dgreca

-Ministrja Tahiri edhe një herë ka përsëritur qëndrimet e qeverisë së Republikës së Kosovës që dialogu i Brukselit duhet të përmbyllet me njohjen reciproke mes dy shteteve para se secila të anëtarësohet në BE/

–Takim në Bruksel me drejtoren Angelina Eichhorst në Shërbimin e Jashtëm të Bashkimit Evropian/

Bruksel, 8 Qershor 2016/ Ministrja kosovare për Dialog, Edita Tahiri, është takuar sot në Bruksel me Angelina Eichhorst, drejtore për Evropën Perëndimore, Ballkanin Perëndimor dhe Turqinë në Shërbimin e Jashtëm të Bashkimit Evropian.Në këtë takim, thekson njoftimi i dërguar, ministrja për Dialog ka diskutuar për bllokadat që Serbia po ia bënë zbatimit të marrëveshjes për kodin telefonik shtetëror të Kosovës, për nisjen e punës së KOSTT-it si sistem i pavarur i transmisionit të energjisë si dhe vonesat e dukshme për heqjen e barrikadës dhe revitalizimin e Urës mbi lumin Ibër të Mitrovicës. Ajo po ashtu ka folur për angazhimet e Kosovës për të zbatuar marrëveshjet e Brukselit, duke thënë se Kosova ka përmbushur të gjitha obligimet zbatuese dhe do të vazhdojë të jetë e përkushtuar, mirëpo pa u hequr bllokadat që Serbia po ia bënë këtij procesi nuk mund të ketë progres në zbatimin e marrëveshjeve. Ajo në veçanti theksoi se Kosova pa e marrë kodin telefonik shtetëror dhe pa filluar KOSTT të veprojë i pavarur nuk do të ndërmarrim asnjë veprim zbatues në lidhje me Asociacionin dhe se kusht për Asociacionin është shuarja e strukturave të mbetura paralele të Serbisë në Kosovë.

Ministrja Tahiri në takim ka theksuar po ashtu se dialogu i Brukselit ka ndihmuar për arritjen e Marrëveshjes së Stabilizim Asociim mes Kosovës dhe BE-së dhe rekomandimin e BE-së për liberalizimin e vizave duke falënderuar BE-në për angazhimet në dialogun e Brukselit që po i shërben paqes dhe stabilitetit në rajon dhe fqinjësisë së mirë.

Ministrja Tahiri edhe një herë ka përsëritur qëndrimet e qeverisë së Republikës së Kosovës që dialogu i Brukselit duhet të përmbyllet me njohjen reciproke mes dy shteteve para se secila të anëtarësohet në BE.

Ministrja Tahiri më foli gjerësisht për arritjet e Kosovës në zbatimin e marrëveshjeve duke përfshirë marrëveshjen për drejtësi me të cilën Kosova po shtrinë sistemin e vet unitar të drejtësisë në veri të vendit të munguar një kohë të gjatë, për shuarjen e të ashtuquajturës ‘mbrojtja civile’ dhe integrimin e ish personelit në sistemin e Kosovës, etj.

Në veçanti, ministrja Tahiri ngriti shqetësimet për ngecjet në heqjen e barrikadës dhe revitalizimin e urës së Ibrit për të cilin tha se nuk është duke u vërejtur progres i dukshëm për shkak të pengesave të Serbisë. Serbia, tha ajo, po arrin që madje ta pengoj edhe BE-në përkatësisht zyrën e BE-së në Kosovë e cila është e autorizuar që të realizoj heqjen e barrikadës dhe ta revitalizojë urën e Ibrit për të krijuar kushtet e lëvizjes së lirë për të gjithë. Ministrja Tahiri theksoi se Serbia po vazhdon me obstruksione duke mos e lejuar kryetarin e komunës veriore të Mitrovicës që ta nënshkruajë memorandumin e mirëkuptimit me Ministrinë e Ambientit dhe Planifikimit Hapësinor me të cilin konfirmohet se linja administrative në mes të komunës jugore dhe asaj veriore të Mitrovicës është në përputhje me hartat dhe zonat kadastrale të definuara sipas planit të Ahtisaarit.

Ndërsa, për regjistrimin e popullsisë në katër komunat veriore të cilat nuk kanë marrë pjesë në regjistrimin e vitit 2011, e që është paraparë të mbahet në muajin tetor 2016, ministrja Tahiri kërkoi nga BE që të sigurojë mosndërhyrjen e Serbisë në pengimin e këtij procesi, për të cilin qeveria kosovare ishte dakorduar me kryetarët e komunave të veriut në fillim të vitit 2014 në takim të përbashkët ku kanë marrë pjesë edhe ambasada amerikane dhe zyra e BE-së në Kosovë.

Drejtoresha Angeline Eichhorst nga ana e saj theksoi se Bashkimi Evropian po përcjellë me vëmendje zhvillimet në procesin e dialogut të Brukselit si dhe është e ndërgjegjshme për pengesat dhe sfidat e këtij procesi sidomos ato të periudhës së fundit. Ajo tha më tej se për arsye të zhbllokimit të procesit të zbatimit ka qëndruar në një vizitë në Beograd me ç’rast me autoritetet e Serbisë ka diskutuar për të gjitha çështjet si dhe ka kërkuar angazhime nga Serbia për të zbatuar obligimet nga dialogu i Brukselit. Eichhorst siguroi Tahirin se Bashkimi Evropian do të vazhdojë të këmbëngulë në zbatimin e marrëveshjeve duke potencuar se Bashkimi Evropian e sheh dialogun mes Kosovës dhe Serbisë jo vetëm në interesin e fqinjësisë mes vendeve por edhe në dobi të paqes dhe stabilitetin në rajon dhe të integrimeve evropiane për të dyja shtetet. Ajo shprehu bindjen se proceset zbatuese do të vazhdojnë duke paralajmëruar takime të radhës që nga java e ardhshme./b.j/