Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

AP names news director for east-central Europe

by

By The Associated Press/

 Photo: Fisnik Abrashi at Associated Press’ London office, Thursday, Feb. 6, 2014. Abrashi, an AP correspondent and editor who coveredw/

LONDON (AP) — Fisnik Abrashi, an Associated Press correspondent and editor who covered wars and their aftermath on three continents, has been appointed all-formats news director for central and eastern Europe, responsible for leading video, photo and text coverage in a region stretching from the Balkans to Poland.

The appointment was announced Friday by AP’s editorial leadership in London: Derl McCrudden, head of international newsgathering for AP Television News; Tony Hicks, regional photo editor for Europe and Africa; and Europe Editor Niko Price.

“A single leader for video, photo and text reporting enables AP to craft stories that grab audiences whether the platform is broadcast, print, online or mobile,” McCrudden said.

Abrashi will be based in Prague and lead the AP’s eastern and central European team in reporting on the politics, economics, security, social issues and everyday life of 13 countries — Poland, Romania, Hungary, the Czech Republic, Slovakia, Bulgaria, Serbia, Croatia, Bosnia, Slovenia, Montenegro, Kosovo and Moldova.

“We’re excited to see Abrashi put into action his vision for aggressive coverage of one of Europe’s most dynamic regions,” Price said.

“Abrashi combines outstanding news judgment across all formats with in-depth knowledge of the region,” Hicks added.

The 37-year-old Abrashi joined AP in 2000 in his native Kosovo, where he helped cover the aftermath of the war that led to the withdrawal of Serbian forces from the former autonomous province of Yugoslavia. He later spent three years as a correspondent in Kabul, Afghanistan, where he helped cover the expansion of the Taliban insurgency, the rise of drug production and the cooling of relations between the Afghan leadership and its Western sponsors. Since 2010, he has been an editor at AP’s European headquarters in London.

Abrashi has traveled on assignments around the world for the AP, including witnessing conflict in Iraq, Sri Lanka’s first elections after its civil war, and the World Cup in South Africa in 2010.

Prior to AP, Abrashi worked for the BBC and for the Kosovo newspaper Koha Ditore.

He holds a master’s degree in East and Central European Studies from University College London and speaks Albanian and Serbo-Croatian, as well as some Bulgarian, Macedonian and Slovenian.(AP )

 

 

DORËHEQJA E VONUAR E REKTORIT IBRAHIM GASHI

by

FESTIME PARA REKTORATIT, PAS DORËHEQJES SË IBRAHIM GASHIT, NASER SAHITI, USHTRUES DETYRE I REKTORIT TË UP’SË/

Është një dorëheqje e vonuar e Rektorit të Universitetit të Prishtinës, Ibrahim Gashi. Ishin nëntë ditë protesta, madje dhe të dhunshme,që sollën dorëheqjen e rektorit të përfolur Ibrahim Gashi.Ibrahim Gashi e ka konfirmuar se ka dhënë dorëheqje të parevokueshme nga pozita e Rektorit të UP’së.Ai ka thënë se pas protestave dhe lëndimit të disa personave ka vendosur të jap dorëheqje morale nga udhëheqja e UP’së.”Unë kam vendosur që të jap dorëheqje të parevokueshme, që para disa minutave ia kam nisur Këshillit Drejtues dhe Këshilli Drejtues është duke mbajtur mbledhje në këto momente dhe besoj se do ta pranoj dorëheqjen time”, ka thënë Gashi në një intervistë për RTK’në.”Asnjë njeri i përgjegjshëm dhe as unë si profesor i Universitetit të Prishtinës dhe Rektor qe një vit e gjysmë nuk mund të qëndroi indiferent karshi një presioni të madh psikologjik dhe emocional. Me shpresën se dorëheqje ime do t’i kontibuonte normalizimit të punës në UP dhe me shpresën se protesutuesit do të lënin të qetë që të punoj UP dhe gjitha strukturat e tij, përfshirë edhe Komisionet që janë ngritur për t’i adresuar përgjegjësitë eventuale të stafit akademik përfshirë edhe rektorin”, ka shtuar ai.

Letra e doreheqjes

Kam vendosur për këtë hap pas një presioni të vazhdueshëm, shpesh herë edhe të pandershëm dhe me implikime të thella politike të një grupi të studentëve, një pjese të shoqërisë civile dhe të qarqeve të caktuara politike.Qasja ime gjatë ushtrimit të detyrës së rektorit, gjithnjë ka qenë refelektim i një përgjegjësie institucionale për trajtimin e të gjitha shqetësimeve të ngritura vetëm përmes normave dhe strukturave tëparapara me statut dhe ligj. Kam dashur që, për përgjegjësinë eventuale të cilitdo, e në këtë kuadër edhe përgjegjësinë time, fjalën e tyre fillimisht ta thonë organet e Universitetit, por, meqë presioni që po ushtrohet ndaj Universitetit tashmë ka rrezikuar funsionimin e tij, atëherë vendosa të jap dorëheqje i bindur se me këtë akt Universiteti do të lihet i qetë që të kryej punën e vet.

I bindur në pafajësinë time, dorëheqja ime nuk nënkupton ikje nga përgjegjësia, adresimi i të cilës tanimë ka filluar ndaj të gjithëve, e për të cilën unë inkurajoj organet e Universitetit që ti shkojnë deri në fund.Me këtë rast, dua të falënderoj gjithë studentët e Universitetit të Prishtinës, stafin akademik, atë administrativ, dhe bashkëpunëtorëte mi më të ngushtë që edhe në momentet më të ndjeshme ishin konstruktiv dhe të vendosur për të mbajtur funksionet vitale të Universitetit.

I nderuar z. kryetar Nitaj dhe ju anëtarë të Këshillit Drejtues;

Duke ju falënduar për bashkëpunimin e deritanishëm dhe rolin tuaj shumë konstruktiv në kapërcimin e kësaj situate, ju lutem që të pranoni dorëheqjen time.

Me respekt,

Prof.dr.Ibrahim Gashi

NASER SAHITI, USHTRUES DETYRE I REKTORIT TË UP’SË

Këshilli Drejtues i Universiteti të Prishtinës ia ka pranuar dorëheqjen Ibrahim Gashit nga pozita e Rektorit, pas dy javë protestash.

Në mbledhjen urgjente të mbajtur të shtunën mbrëma, KD i UP’së ka emëruar Naser Sahitin ushtrues të detyrës së Rektorit.

Organi qeverisës i UP’së ka paralajmëruar se zgjedhja e Rektorit të ri do të bëhet sipas procedurave të rregullta që parashihen me Statut.

VENDIM

1.Aprovohet dorëheqja e prof. dr. Ibrahim Gashit nga pozita e rektorit të Universitetit të Prishtinës “Hasan Prishtina”.

2.Prof. asoc. dr, Naser Sahiti, prorektor për buxhet dhe financa, caktohet ushtrues detyre i rektorit të UP-së, deri në zgjedhjen e rektorit të ri sipas procedurës së rregullt.

3.Prof. asoc. dr, Naser Sahiti, vazhdon të ushtrojë edhe detyrën e prorektorit për buxhet dhe financa në UP.

4.Prorektorët e tjerë, vazhdojnë të ushtrojnë detyrën në sektorët përkatës deri në zgjedhjen e rektorit të ri sipas procedurës së rregullt.

5.Deri në zgjedhjen e rektorit të ri sipas procedurës së rregullt, do të ngrihen të gjitha procedurat e zgjedhjes dhe avancimit të stafit akademik, shpallje të konkurseve të reja për zgjedhje apo avancim te stafit akademik, nuk do te shpallen konkurse për vende te reja në administratë si dhe anulohen konkurset aktuale për zgjedhje të stafit administrativ.

6.Deri ne zgjedhjen e rektorit të ri sipas procedurës së rregullt, u.d. i rektorit, do të siguroj mbështetjen maksimale për implementimin e vendimeve të Senatit nga mbledhja e datës28.01.2014si dhe kërkesave dhe rekomandimeve që mund të dalin nga organet kompetente ( KD , Senati, MASHT, Kuvendi i Kosovës, etj).

7.Këshilli Drejtues i UP-së e vlerëson aktin e reflektimit të rektorit të deritashëm prof.dr. Ibrahim Gashi dhe e falënderon atë për punën e tij të deritanishme!

Kryetari i Këshillit Drejtues të UP-së

Muharrem Nitaj

FESTIME PARA REKTORATIT, PAS DORËHEQJES SË IBRAHIM GASHIT

Dje ka shërbyer si një arenë për përplasjen ndërmjet policisë dhe protestuesve. Por të shtunën mbrëma hapësira para rektoratit të UP’së është shndërruar në ambientë feste. Aty janë mbledhur një grup i të rinjëve që po festojnë dorëheqjen e Ibrahim Gashit nga posti i Rektorit.

 

 

AKSIDENTE TRAGJIKE: 12 të vdekur dhe shume të plagosur ne Shqiperi

by

Çdo vit në Shqiperi, në aksidentet rrugore humbin jetën më shumë se 300 përsona, ndërsa mbesin të gjymtuar disa qindra të tjerë./

Një aksident i rëndë automobilistik ka ndodhur në orët e para të ditës së sotme në aksin rrugor Kukës-Shishtavec, në Verilindje të Shqipërisë. Si pasojë e humbjes se drejtimit, furgoni i linjës me 13 udhëtarë, që lëvizte në drejtim të qytetit të Kukësit, ka dalë nga rruga duke rënë poshtë në një distancë që mendohet të jetë më shumë se 50 metër. Për pasojë, kanë humbur jetën 6 përsona, ndërsa 7 të tjerë janë plagosur.

Sipas policisë vendore, aksidenti ndodhi rreth orës 6 e 40 minuta në vendin e quajtur Ura e Topojanit, në një rrugë malore dhe të pa mirëmbajtur. Po sipas këtij burimi, tre persona humbën jetën në vendin e aksidentit, ndërsa tre të tjerë gjatë transportit për në spitalin e qytetit të Kukësit.
Në drejtim të vendit të ngjarjes janë nisur me shpejtësi dy helikopterë të transportit mjeksorë të Ministrisë së Shendetësisë për të siguruar transportin e të plagosurve për në Spitalin e Traumës në Tiranë. Por vetëm njëri është transportuar me helikopter, ndërsa tre të tjerët me autoambulancë.
Të plagosurit i janë nënshtruar menjëherë ndërhyrjeve mjeksore nga ekipet e specializuara të Spitalit të Traumës. Sipas mjekve, dy prej të aksidentuarve  janë në gjendje shumë të rëndë, ndërsa dy të tjerët mendohet
se janë jashtë rrezikut për jetën.
Aksidenti i sotëm në Kukës është një ndër më të rëndit, që kanë ndodhur gjatë viteve të fundit në Shqipëri. Çdo vit, në aksidentet rrugore humbin jetën më shumë se 300 përsona, ndërsa mbesin të gjymtuar disa qindra të tjerë. Sipas ekspertëve, shkak i numrit të madh të aksidenteve rrugore janë gjendja e rënduar e rrugëve, mungesa e sinjalistikës, gjendja jo e mirë e automjeteve  si dhe mosrespektimi i rregullave të qarkullimit rrugor nga ana e drejtuesve.

 

 

PESE TE VDEKUR NE SARANDE

 

Pesë persona kanë humbur jetën pasditen e sotme në Sarandë, si pasojë e përplasjes së dy automjeteve.
Ngjarja e rëndë ka ndodhur rreth orës 15:15 në vendin e quajtur ura e Bogazit, në aksin rrugor Sarandë-Konispol, ku dy automjete janë përplasur për shkaqe ende të panjohura.
Momentalisht bëhet e ditur se një prej viktimave është edhe ish-valltari i njohur i Konispolit, Taip Madani. Po ashtu në aksident kanë humbur jetën at e bir, Kristaq dhe Petro Meçe, si dhe vëllezërit Fejzo dhe Krenar Sulo.
Policia njofton se aksidenti ka ndodhur mes Konispolit dhe Livadhjase. “Në aksident janë përfshirë 2 automjetet tip Renault me targa AA875BG i cili po udhëtonte me drejtim Konispol-Sarandë dhe automjeti tip Alfa Romeo me targa AA493IE me drejtim Sarandë-Konispol. Si rezultat i aksidentit kanë humbur jetën drejtuesi i automjetit tip Renault shtetasi me iniciale T. M., vjec 60 dhe 2 pasagjeret F. dhe K. Sulo, 65 dhe 43 vjec te tre banues ne fshatin Shales Komuna Markat si dhe drejtuesi i automjetit tip Alfa Romeo shtetasi me iniciale K. M., 38 vjeç dhe pasagjeri P. M., vjec 67 (baba dhe bir) banues në fshatin Dermish Komuna Dhiver.”- bëri të ditur policia e Vlorës.
Policia ka mbërritur menjëherë në vendin e ngjarjes dhe po punon për të zbardhur shkaqet e aksidentit. 

VIKTIMAT NE KUKES                 VIKTIMAT NE SARANDE 

Feim Biba                                         Taip Madani
Zykri Shehu                                       Kristaq Meçe
Zamir Karanxha                                Petro Meçe
Bashkim Çuni                                    Fejzo Sulo
Linda Çuni                                         Krenar Sulo
Meleqe Serani

Krujë, 4 fëmijë plagosen nga shpërthimi i një granate, njëri vdes në spital

 KRUJE- Ndërron jetë në Spitalin Ushtarak të Tiranës, njëri prej katër fëmijëve të aksidentuar mëngjesin e sotëm, në fshatin Vrion të komunës Nikël në Krujë ku katër fëmijë, të së njëjtës familje, mbetën të plagosur në afërsi të banesës së tyre.

Pas hetimeve paraprake policia bën me dije se nuk bëhet fjalë për shperthimin e një bombule gazi por të një granate. Sipas policisë fëmijet kanë gjetur një granatë në një tub dhe duke luajtur i kanë hequr siguresën çka ka sjellë edhe shpërthimin.
Nga shperthimi i granatës mbetën të plagosur Xhuli Tema 9 vjeçe, BrunildaTema 8 vjeçe dhe Fredi Tema 6 vjeç si dhe ka humbur jeten 6 -vjeçari Fabian Tema.
Ngjarja u shënua paraditen e sotme në fshatin Vrion të komunës Nikël në Krujë. Në versionin e parë të dhënë fillimisht nga zv/ministri i shëndetësisë Klodjan Rrjepaj i cili tha se fëmijët kishin ndezur një zjarr që kishte shkaktuar shpërthimin e një bombule gazi që ndodhej në oborr.
Të 4 fëmijët u transportuan ne Spitalin Ushtarak, ku 6 -vjeçari F.Tema mbërriti ne gjendje të rënde , me dëmtime të shumta në pjesën e sipërme të trupit dhe nderroi jete pak ore me vone. Nën mbikqyrje po mbahen edhe 3 fëmijët e tjerë Xhuli Tema 9 vjeçe, Brunilda Tema 8 vjeçe dhe Fredi Tema 6 vjeç.

Ribashkimi shqiptar

by

Një coptim me forcë lind një qëllim të përhershëm/

Shkruan SAIMIR LOLJA/

 Pa ribashkimin shpirtëror dhe tokësor të kombit tonë, a mund të përparojë dhe lulëzojë Shqipëria? A mund të ecë, të këndojë, të buzëqeshë normalisht një trup i gjymtuar, një Shqipëri e mbajtur e ndarë me forcë? A do të nëpërkëmbej një Shqipëri natyrale? A do të sillte bashkimi një shtet siç e dëshiron një shqiptar i sinqertë? A do të bëheshin shqiptarët mëpastaj një forcë udhëheqëse, ndriçuese dhe edukuese në rajon?

A do të formohej një hapësirë e madhe shqiptare në tregti, industri, bujqësi, energji, financë, ndërtim, burime natyrore, punësime, shkollim dhe shkencë, botime letrare dhe shkencore, sport, art, arsim dhe trashëgimi? A do të krijoheshin vepra të mëdha industriale, kulturore, krijuese, ndërtimore, artistike, botuese, muzikore, ideore, letrare dhe ushtarake? A do dilnin skuadrat sportive shqiptare kampion bote? A do të rritej fuqia e forca për të mbrojtur vetveten dhe trashëgiminë kulturore? A do të arrihej mëpastaj pavarësia e plotë shqiptare, një shtet i qartë politikisht shqiptar dhe jo një plaçkë lufte për të tjerët? A do të përballoheshin si duhet në të ardhmen sfidat ndërshtetërore ekonomike, ideore, ambjentale dhe ushtarake? A do kishte një ushtri cilësore dhe e respektueshme tokësore, ajrore dhe detare?

A do të përshkelej dhe grabitej Shqipëria e coptuar si deri më tani? A do të ndëgjohej fjala shqipe përreth? A do ta dontë dhe nderonte më shumë vetveten shqiptari dhe si rrjedhim do të nderohej më shumë prej të tjerëve? A do të kërkonte shqiptari cilësi më të lartë jetese, mendimi, shkollimi, shërbimi, kushtesh pune dhe ambjenti? A do të harmonizohej ushqimi dhe punësimi i popullatës me tërë hapësirat shqiptare të bashkuara? A do të kishte çmime më të ulta për blerësin vendas për shkakk të një tregu të madh të lirë? A do të krijohej një treg i brendshëm turitisk që do gjallëronte çdo cep të vendit? A do të ruhej akoma më shumë ambjenti dhe natyra shqiptare? A do të riemëroheshin në Shqip emërtimet vendore jo-shqipe?

A është ribashkimi shqiptar shembull i vazhdueshëm i harmonisë dhe i nevojshëm për bashkimin e tanishëm europian? A shkon ribashkimi shqiptar në paralel me atë europian? A do jetë harmonia e gjithanshme e ribashkimit shqiptar një shembull udhëheqës për rajonin e Europës Juglindore dhe kështu një faktor themelor i paqes në këtë rajon dhe tërë Europën? A do të krijoheshin instituticione fetare me qendër e kontroll kombetar, në gjuhë shqipe, besnike ndaj kombit tonë, me qëllime dhe ide shqiptare, me para të qarkulluara brenda ambjentit shqiptar? A do të zbulohej dhe ruhej akoma më shumë trashëgima e kulturës së lashtë arbërore? A do të krijohej ambjenti për lulëzim më të sipërm të mendimit të lirë shqiptar, krahasimit të ideve dhe thellimit të zgjuarsisë? A do të investohej dhe nderohej më shumë shkolla shqiptare?

A do të krijohej një qëllim i madh kombëtar ku shqiptarët e shpërndarë nëpër botë të sillnin përvojat e tyre përparuese dhe zhvilluese? A do të kërkonte një Shqipëri e ribashkuar më shumë investime, rrugë, ndërmarrje ekonomike, banka dhe institute profesionale? A do kishte më shumë qarkullim të lirë monetar dhe si rrjedhim më shumë zhvillim? A do të krijoheshin më shumë ndërmarrje shërbimi dhe njërëzit do t’i plotësonin nevojat më shpejt, me lehtë e më lirë? A do të shkruheshin ligje të respektueshme dhe të zbatueshme? A do të lidheshin e ndërlidheshin akoma më shumë me të gjitha mjetet e mënyrat tërë rajonet shqiptare? A do të jetonin njerëzit më mirë, me më shumë të ardhura? A do të kishte prodhim industrial, bujqësor dhe ideor shqiptar më të madh e me cilësi më të lartë? A do të shpërndahëshin më mirë të mirat materiale të vendit? A do shijoheshin më shumë ujrat e pijshëm arbërorë? A do kishte një shërbim shëndetsor të lavdëruar prej të gjithëve?

A do të forcohej dhe përhapej më shumë gjuha shqipe-arbërore e folur dhe e shkruar? A do të shihej më kjartë se sa e pasur dhe shprehëse është gjuha shqipe, gjuha më e vjetër në Europë dhe Mesdhe? A do të ngjiteshin idetë shqiptarë akoma më lart duke i shërbyer akoma më shumë harmonisë së brendshme shqiptare dhe rajoneve përqark? A do të ruhej raca dhe trashëgimia familjare shqiptare-arbërore? A do të forcohej edukimi familjar, qytetar dhe kombëtar nëpërmjet një respekti shoqëror të gjithanshëm? A do të përfshiheshin më shumë në këtë përparim të gjithanshëm kulturor dhe ekonomik shqiptar edhe pakicat e tjera kombëtare? A do ta ndriçonte akoma më shumë shqiptari shpirtin dhe trashëgiminë e tij?

A do ta ndjenin njërëzit se respekti ndaj interesit të përbashkët jep forcë të gjithanshme për më shumë dhe për të mirën e të gjithëve? A do të sigurohej shumë më mirë qenia shqiptare dhe do të shpëtoheshin edhe pjesët e rrezikuara të saja? A do të rritej kujdesi për bashkësitë shqiptare më banim jashtë kufinjve? A do të zgjoheshin shqiptarët e vetëharruar apo të vetmuar në dhe të huaj kur lavdia arbërore të rrezatonte në të gjitha drejtimet? A do ta njihnin shqiptarët më shumë njëri tjetrin? A do ta ndanin shqiptarët më shumë punën dhe prodhimin mes vedi? A do të thellohej akoma më shumë bashkimi shqiptar? A do sillte kështu bashkimi fuqinë dhe çudinë?

SHKON NË VEND AMANETI: VAÇE ZELA, NGA PRISHTINA ARRINË NË TIRANË

by

Ka mbërritur në atdhe trupi i pajetë i ikonës së këngës shqiptare Vaçe Zela, e cila ndërroi jetë dje në Basel  të Zvicrës pas një sëmundjeje të gjatë dhe të mundimshme.

Trupi i pajetë i artistes Vaçe Zela ka mbërritur në orën 14:00 në aeroportin e Prishtinës, ku është pritur nga përfaqësues të Ministrisë së Kulturës së Shqipërisë dhe Ministrisë së Kulturës Rinisë dhe Sportit të Kosovës.

Më pas nëpërmjet “Rrugës së Kombit”, trupi i pajetë i këngëtares së madhe shqiptare, Vaçe Zela, ka mbërritur rreth orës 18:10 në shtëpinë e saj në kryeqytet, ku është pritur nga familjarë por edhe shumë qytetarë.

Ndërkohë homazhe në nderim të artistes Vaçe Zela do të zhvillohen nesër nga ora 10:00-12:00 në Teatrin Kombëtar të Operas dhe Baletit.

Gjatë homazheve Ministria e Kulturës dhe Bashkia e Lushnjës në nderim të veprës së artistes së madhe, Vaçe Zela do të ulin flamurin në gjysmështizë.

Pas homazheve ikona e këngës shqiptare do të përcillet për në banesën e fundit duke u nisur nga TKOB për tu prehur në varrezat e Sharrës.

Ceremonia në nderim të artistes do të organizohet nga Ministria e Kulturës së Shqipërisë dhe në vëmendjen e Kryeministrit,  Edi Rama.

Vaçe Zela mbetet idhulli dhe frymëzimi për breza të tërë, emocioni dhe krenaria e të qenit shqiptar. Kënga e saj do të jetojë shumë gjatë bashkë me zërin e saj magjik, të kulluar, do të vazhdojë të jetë bashkudhëtare e historisë sonë shqiptare.