Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Toka dhe racat

by

Analizë psikologjike/

Shkruan: Prof. Dr. Hazbi Shehu/

Copëtimi i planetit tonë në pllaka tektonike dhe kontinente krijoi kushte për formimin e racave të qenieve të gjalla. Zhvillimi i shoqërisë njerëzore, po krijon mundësinë për vëllazërimin dhe bashkimin e të gjitha racave në një të re dhe të vetme. Detyra e shkencëtarit është të studjoje, të njohë në thellësi fuqinë e planetit tonë dhe efektet që ka sjellë dhe po sjell gjatë zhvillimit në hapësirë dhe në kohë. Materia në të gjitha format nën veprimin e energjisë së brendëshme të saj dhe  goditjeve te forcave të jashtme (yjeve, planeteve, Diellit, etj). Forcat goditëse të yjeve të Diellit dhe planetëve, etj., varen nga përmasat e ç’do ylli, energjia e tij e brendshme dhe largësia nga toka jonë.

Miliona vjet më parë, toka ka qenë një e pandarë e quajtur “Pantea”. Veprimet e energjisë së brendshme të planetit dhe ngacmimet e vazhdushme të Yjeve, Diellit, etj., nga jashtë saj shkaktuan copëtimin e planetit tonë në pllaka të mëdha tektonike. Rrëshqitjet e ngadalta të pllakave të tokës gjatë qindra milionë vjet; krijuan situatën e sotme gjeologjike të kontinenteve dhe oqeaneve dhe e përshtatshme për qeniet e gjalla. Sipas të dhenave sizmike dhe atyre stetoskopike, korja e ngurtë e brendshme dhe ajo e jashtme e tokës përbehen në nje shkallë e madhe prej hekuri. Manteli i përberë nga shkëmbinj silikatë të pasuruar me hekur dhe magnezium paraqitet në nje shkalle të madhe të ngurtë; duke ndryshuar në menyre të menjëhershme nga densiteti me zonën kalimtare. Zona plastike e njohur si asthenosfera në mantelin e sipëm; shtrihet nën litosferën kompakte. Manteli i poshtëm dhe korja paraqiten relativisht shumë të holla. Lëvizja në litosferë ndodh si rrjedhojë i veprimtarisë së rrymave të nxehta konvektive. Lëvizja dinamike e kores së jashtme fluide e tokës gjeneron një fushë magnetike që formon zonën e quajtur “magnetosfera”. Fusha magnetike devijon dhe redukton shpejtësinë e pjesëve të demshme të rrezeve diellore. Ajo ndihmon në mbrojtjen e jetës nga radiacioni. Origjina e qenieve të gjalla pranohet si rrjedhojë i evolucionit të planetit tonë.

Evolucioni është i lidhur me energjinë e gravitacionit dhe radiacionit. Gjatë riformimit të tokës hekuri i shkrirë ndodhet në qendër të tokës, ndërsa materialet më të lehta formuan mbulesat me densitet të diferencuar. Përshtatshmëria e tokës për gjallesat ka qenë e varur nga evolucioni i oqeaneve, frymëmarrja e atmosferës dhe ekrani mbrojtës i saj. Me ftohjen e sipërfaqjes të planetit, në atmosferë filloi akumulimi i përbërësëve që vinin nga brendësia e tokës si inkluzione fluide të shkëmbinjve kristalinë. Ato u shfaqën si rrjedhojë i shpërthimeve të vullkaneve të pasur me avuj të karbonit dioksidë, sulfur dioksidit, hidrogjenit dhe nitrogjenit. Atmosferës së atëhershme dhe oqeaneve i mungonte oksigjeni. Rrezet ultraviolet me energji të lartë të shoqëruara me vetëtima ndriçuese dhe shkreptina; duhet të kenë transformuar komponentet kimike në molekula të thjeshta organike.

Si rezultat i veprimit të energjisë së lartë të radiacionit janë ndërtuar blloqe nga molekula komplekse të jetës. Ato shprehin qelizat mikroskopike më të hershme të jetës në tokë dhe i përkasin formave më të lashta të algeve (rreth 2.7 bilion vjet më parë). Këto filluan fotosintezën në ujrat e cekta; duke kthyer karbon dioksidin në oksigjen të lirë dhe në përbërës organik. Radiacioni ultraviolet zbërtheu ujin e sipërfaqjes së tokës në hidrogjen dhe oksigjen. Oksigjeni ndryshoi atmosferën primitive pa jetë në një atmosferë me frymëmarrje. Ai formoi gradualisht në stratosferë një ekran ozoni që bllokoi shumicën e rrezeve të demshme ultraviolet. Jeta filloi dhe në sipërfaqjen e tokës, jashtë oqeaneve. Hidrosfera dhe atmosfera evoluan duke arritur në situatën e sotme. Format e qenieve të gjalla u zhvilluan konform pozicionit hapësinor të kontinenteve në planetin tonë.

Sot si toka dhe qeniet e gjalla vazhdojnë të zhvillohen. Rreth 30 % të rrezatimit diellor që depërton në atmosferë, kthehet në hapësirë si rrjedhojë i kundërveprimit të reve, akullit dhe ujit. Rreth 20% absorbohet në ajër me anë të avullit, të ujit, ozonit, reve, pluhurit dhe molekulave të ajrit. Rreth 50% thithet nga sipërfaqja e tokës duke ngrohur tokën dhe atmosferën në sasi jo të barabartë. Si rrjedhojë u stimulua qarkullimi global i ajrit dhe rrymave në oqeane. Dielli është burimi kryesor i energjisë për tokën. Kjo energji ngroh sipërfaqjen e planetit tonë, atmosferën dhe avullon ujrat e oqeaneve duke i kthyer ato në sipërfaqjen e tokës në formë të shirave, dëborës etj., sipas stinave. Energjia diellore duke ngrohur kontinentet, në mënyrë të diferencuar vë në lëvizje atmosferën në shkallë të gjerë planetare. Rrezatimi diellor zvogëlohet dhe forcohet në përputhje me ritmin e njollave diellore dhe shpejton ose ngadalëson proçeset në atmosferë.Vullkanet duke përhapur hirin në formë mbulese në qiell, zvogëlojnë rrezet e nxehta të demshme të diellit. Tërheqja gravitacionale e yjeve dhe planetëve e kanë riformuar pak orbitën e tokës. Ato kanë mënjanuar aksin e saj duke sjellë rishpërndarjen e nxehtësisë sezonale të Diellit dhe avancimin ose tërheqjen e akullnajave. Sheshimi në masë i pyjeve; ndryshimi i rrjedhjeve të lumejve; derdhja e karbonit dioksid dhe shkarkimi i materialeve kimikale të papërpunuara në atmosferë po krijojnë një klimë të padëshirueshme, veçanërisht për shekujt e ardhshëm. Ndryshimet e sipërfaqjes së tokës në përgjithësi janë graduale, por ato herë herë shprehen në forma katastrofike.

Diskutim: Në datë 29-30 Gusht, 2013 një nga lajmet ne televizionin Top-Channel ishte: “Disa shkencëtarë pranojnë se jeta në tokën tonë ka ardhur nga planeti Mars me anë të një asteroidi”.

Po ta pranojmë këte hipotezë, shkencëtarët e Marsit duhet të kishin dërguar shenjat e gjallesave ose të paktën të kishin lëshuar ndonje sinjal tokës tonë. Nëse ndonjë asteroid pranohet të ketë renë në Mars, forca e gravitacionit të planetit nuk lejon shkëputjen e tij nga planeti?! Të supozojmë se një yll gjigand është përplasur me planetin Mars duke shkëputur një copë e cila ka kaluar në hapësirë në formë të një asteroidi. Si kanë jetuar mikrogjallesat ose komponentët përbërës të jetës në sipërfaqjen e asteroidit gjatë udhëtimit nëpër hapësirë ku veprojnë forcat goditëse dhe shkatërruese të yjeve.

Eshtë provuar shkencërisht se nxehtësia e rrezeve të diellit është shkatërruese dhe vdekjepruse. Si i kanë rezistuar rrezeve të Diellit këto mikrogjallesa ose komponentet përbërës të jetës? A ka renë ndonjë asteroid në planetin tonë? Në se ka, a është studjuar nga shkencëtarët mundësia e ekzistencës të ndonjë mikrogjallese ose komponenteve përbërës të jetës?

Meqenëse është e vështirë për mos thenë e pamundur, që t’ju përgjigjesh pyetjeve të mësipërme, si specialist gjeolog e shoh më të pranueshme shpjegimin e dhenë në këtë shkrim se jeta ka lindur këtu në planetin ose tokën tonë.

 

 

Kontintentet dhe formimi i racave

 

Dinamika e brendshme e planetit tone së bashku me veprimet ngacmuese te forcave te jashtme (yjet, dielli etj), shkaktuan ndarjen e tokës ne pllaka dhe kontinente. Ç’do kontinent ka karakteristikat e tij që kondicionohen nga:

-pozicioni hapsinor që zë ne planetin tone

-relievi i shprehur me anë të maleve të lartësive të ndryshme

-fushave dhe ujrave të lumejnve që rrjedhin në liqene, dete etj

-pyjet që me gjelbërimin dhe frymëmarjen e tyre kënaqin jo vetëm syrin por dhe mushkëritë e njeriut

-shkëmbinjtë si përberësit kryesor të kontinenteve, litologjia e të cilave përcakton dhe dallimin gjeologjik ndërmjet kontinenteve

-klima që shpreh dallimin e shkallës së ngrohtësisë dhe të ftohtit e çdo kontinenti në varësi të distancës së tij nga dielli dhe influenca e veprimit të planeteve dhe yjeve mbi token.

Në veçanti roli kryesor i përket rrezeve të diellit që për çdo kontinent shprehet me ndryshimin dhe diferencimin e stinave. Spostimi i pozicionit që pëson çdo kontinent është në varësi të energjisë së brendshme të planetit dhe të forcave të jashtme (yjet, dielli, etj) që vazhimisht godasin planetin.

Pikërisht këto kushte, në të cilën ndodhet çdo kontinent kanë përcaktuar dhe mënyrën e jetës të qenieve të gjalla në të. Historia ka treguar dhe vërteton, se njeriu në varësi të pozicionit dhe kushteve të përmendura më sipër ka jetuar i vetëm ose në grupe, nëpër shpella, kasolle, në ndërtesa prej balte, dërrase, guri ose dhe në pallate lluksoze. Ka jetuar i zhveshur ose i veshur me gjethet e pemëve kohët e fundit dhe me kostume në pallate lluksoze. Ushqimi ka qene i kondicionuar nga forma e prodhimit të tokës ku ka jetuar. Këto kushte kanë influencuar dhe në formimin e trupit, pamjes, ngjyrës, përmasave, forcës muskulore dhe aftësisë trurore të njeriut. Punët, fillimisht janë kryer me anë të forcës fizike e deri ne përdorimin e mjeteve te thjeshta rrethanore per te siguruar ushqimin. Me kalimin e kohës, truri shpiku mjete moderne për një jetë më të mirë. Ky zhvillim gradual, por i ndryshëm nga një kontinent në tjetrin shpjegon karakterin, edukatën dhe sjelljen njerëzore. Jo vetëm në kohët e lashta, por dhe sot ka kontinente që njerëzit trajtohen njëlloj si kafshët. Pra ndarja e planetit në pllaka të mëdha dhe formimi i kontinenteve ishte shkaku i krijimit racial të qënieve të gjalla. Në kontinentet më të zhvilluara si Europa, njeriu filloi të gëzojë lirinë dhe të drejtat e tij. Deri tani sistemi i qeverisjes më i avancuar është pranuar ai i demokracisë. Sot vendi më i zhvilluar është SH.B.A., që ndodhet në kontinentin e Amerikës veriore i zbuluar dhe i banuar më vonë. Zbulimi dhe banimi me popullsi i ketij shteti u drejtua fillimisht nga Europianët (veçanërisht nga Anglezët ).

 

Vëllazërimi i racave

 

Zhvillimi i njerëzimit është rrjedhojë i përpjekjeve të njeriut për të jetuar. Ka filluar me lindjen e njeriut, por i diferencuar sipas kontinenteve. Truri i njeriut ka arritur të zbërthejë materien dhe të zbatojë në jetë fuqinë e atomit, të hidrogjenit, etj. Ka krijuar dhe po krijon raketa me fuqi të jashtëzakonshme për të fluturuar në planetet e tjerë. Ai po zbërthen dhe do të zbërthejë sekretet e gjithësisë.

Bukuria dhe madhështia e trurit të njerëzve më të zhvilluar me ndërgjegje më të lartë, më fisnike dhe më dashamirëse po shprehet sot në kryerjen e proçesit të vëllazërimit për të gjitha racat e botës. Pra niveli më i lartë i trurit të njeriut filloi të mendoj dhe të punojë për veten e tij?!

Promotori i proçesit të vëllazërimit të racave njerëzore ka filluar në SH.B.A. Ky vend është bërë djepi që po përkund, përkëdhel dhe bashkon njerëzit e të gjitha ngjyrave. Llotaria Amerikane është sinjali i parë i thirrjes njerëzore pa dallim race, krahine, feje dhe ideje për të jetuar në këtë vend. Ligji i SH.B.A. i ka hapur dyert gjithë botës duke shpallur liri, paqe dhe bashkim. Në vendet me demokraci të zhvilluar njerëzit kanë fituar lirinë dhe të drejtat përkatëse. SH.B.A. sot ka arritur nivele të larta të zhvillimit njerëzor. Ç’do njeri ka të garantuar lirinë me ligj. Atje ka ligje dhe për kafshët, zogjtë, etj.. Ç’do qytetar ka të drejtë të shprehi mendimet e tij lirisht me gojë ose me shkrim të zgjidhet në të gjitha forumet e shtetit Amerikan deri dhe president. Këtu jo vetëm vrasjet, rrahjet, vjedhjet, por dhe ofendimet dënohen sipas neneve përkatëse. Ajo që duket e çuditshme dhe e pabesueshme për shtetet e tjerë, këtu është realitet. Në trotuar pëllumbat lëvizin lirisht nëpër kembët e qytetarëve, sepse ata thonë “Na mbron ligji Amerikan”. Ka kohë që shteti Amerikan, televizionet, filmat, revistat, gazetat, etj., punojnë për vëllazërimin dhe barazinë e racave. Të gjitha këto forma punojnë për të bindur qytetarët se respekti për njeriun nuk lidhet me racat, ngjyrat, krahinat, fetë, etj. Kuptimi i vërtetë i fjalës njeri shpreh karakterin, edukatën, sjelljen njerëzore, aftësinë për punë dhe respektin për vete dhe të tjerët. Të respektosh veten do të thotë të respektosh ç’do njeri.

Po shkruaj kryesisht për shtetin e New Yorkut që sot konsiderohet qendra e zhvillimit njerëzor. Këtu ndodhen bankat botërore, selia e kombeve të bashkuara, etj. New Yorku është i bukur, por ardhja në masë e njerëzve nga e gjithë bota nuk lidhet me bukurinë e tij, por me vendet e punës që shprehin shpresën e njeriut për të jetuar.

Proçesi i vëllazërimit po zhvillohet dhe nga dëshira dhe pasioni i vet qytetarëve, përveç punës së madhe që po kryhet nga shteti, televizionet, filmat, gazetat, etj. Djemtë ose vajzat janë rrëmbyer dhe po thithen nga valët e jetës. Ç’do ditë, veçanërisht në mbremje, mund të shohësh të rinjte e racave të ndryshme që kthehen nga puna ose duke shetitur nëpër rrugë të lidhur dorë për dore ose dhe të përqafuar. Po të frekuentosh restorantet ke për të parë të rinj dhe të reja të ngjyrave të ndryshme që hanë darkë së bashku. Një ditë ndodhesha në një restorant në Astoria. Nga ana e majtë e tavolinës sime ku ndodheshin dy vajza që po pinin kafe më tërhoqi vëmendjen biseda e tyre. “Moj Lena, akoma vazhdon me atë djalin e bardhë polak?” “Po”, ju përgjigj tjetra. “Nuk po sheh se çfarë po ndodh këtu në New York? Shko moj lidhu me ndonjë zezak, kinez, etj., që të njohësh djemtë e racave të tjera. Tani në modë është lidhja me djemtë e rinj, jashtë racës së bardhë. Ne nuk kemi ardhur në N.Y. vetëm për studime, por dhe për tu njohur me botën duke mos qëndruar vetëm brenda guackës së racës sonë.

Në anën e djathtë të tavolinës sime dëgjova një zë vajze “Afrohu të puth”. Në tavolinë ndodheshin një vajzë bjonde e bardhë dhe një djalë zezak. Zezaku qëndronte i mpirë me shikimin nga vajza. Vajza vazhdoi “Përse heziton, nuk më dëgjove?” “Po mendoj”, u përgjigj zezaku. “kohën e kaluar kur neve nuk na lejohej të hynim në restorantët e të bardhëve e jo të guxonim të puthnim një vajzë të racës së bardhë”. “U dogjën ato kohëra; tani ne vajzat e racës sonë e quajmë nder të përqafojmë dhe të puthim një djalë zezak. Unë njerëzit nuk i vlerësoj nga raca apo ngjyra por nga karakteri dhe sjellja e tyre”.

Një ditë duke ecur në Astoria, një djalë u përplas me mua dhe me thote “Sorry”. “Ska gje” ju përgjigja unë. Ai kur më pa thirri “Oh sa mirë që të takova o miku im. A je i lirë se dua të bisedoj me ju?” “Po”, ju përgjigja dhe të dy u drejtuam tek kafeneja më e afërt. Pa u ulur mirë e pyeta “Cfarë të ka ndodhur se dukesh i shqetësuar?” “Më la e dashura me te cilën, siç ishit dhe ju në dijeni, kishim planifikuar të martoheshim.” “Po pse” e pyeta. “Dje, ajo erdhi tek puna ime dhe më tha “Do ta prish lidhjen me ty”. Përse e pyeta. Sepse kam renë në dashuri me një djalë zezak, simpatik dhe i thjeshtë. Je në vete i thashë. Ajo mu përgjigj “Të ka ngelur ora ty o ish i dashur! Tani është në modë shoqërimi me një partner të racës tjetër, si zezak, kinez, etj”. Po pse kumar është dashuria, ju përgjigja unë. Ajo më tha mirëupafshim dhe iku”. “Mos u mërzit”, i thashë, “se ti je i ri, i shëndetshëm dhe ke për të gjetur një vajzë dhe më të mirë”. Pimë kafetë dhe u ndamë. Vura re se miku im, djali bullgar vazhdonte të ishte i shqetësuar.

Unë eci ç’do dite në kembe 3 deri 5 orë nëpër rrugët e N.Y., kryesisht në krahinën e Queens-it, sidomos në rajonin Astoria ku dhe jetoj. Gjatë shetitjes ndjek me vëmendje problemet e jetës në këtë qytet.Vazhdimisht shoh vajza të reja, të bukura, kryesisht Europiane, por dhe të racave të tjera me djem ose burra të racave të tjera. Tani kohët e fundit kam venë re se ky proçes ka avancuar. Kam arritur në konkluzion se më parë djemtë dhe vajzat e racës së bardhë edhe ju shmangeshin racave të tjera; tani përkundrazi janë zezakët që po bejnë naze në zgjedhjen e partnerit.

Shteti, televizionet, filmat, gazetat, etj., vazhdojnë me këmbëngulje të përhapin dashurinë dhe vëllazërimin midis racave. Megjithatë në New York, por dhe në shtetet e tjera të SH.B.A., racat dhe kombet vazhdojnë të kenë rajonet e tyre të veçanta. Kështu p.sh. rajonin “Flushing” populli e thërret qyteti Kinez sepse shumicën dërrmuese e formojnë kinezët. Po kështu lagja Astoria banohet kryesisht nga Grekët; e njejta vlen dhe për racat e tjera.

Gjithçka që kam shkruar më sipër është bazuar në faktet të vëzhguara personalisht dhe duke ndjekur me kujdes vazhdueshmërinë e tyre.

Në proçesin e vëllazërimit të racave dalin disa pyetje:

-Deri tani ka dhe disa shtete të tjerë me demokraci të zhvilluar, kryesisht në Europë, që kanë filluar këtë proçes; por a do të përkrahet proçesi i vëllazërimit nga shetet e tjera të botës?!

-A do mundet truri i njeriut të zhvilluar të bindi kombet dhe racat që duke ruajtur të paprekur fetë, traditat, zakonet, etj., të zhvillojnë vëllazërimin ndërmjet racave?

-Si rrjedhojë i vëllazërimit dhe bashkimit të racave a mund të kalohet në krijimin e një race të re të vetme botërore?

-Sa kohë do të duhet të kryhet proçesi i vëllazërimit të racave në botë?

Si konkluzion duhet të theksojmë se:

Copëtimi dhe ndarja e tokës krijoi kontinentet dhe racizmin e njerëzimit, ndërsa zhvillimi në një nivel më të lartë i trurit të njeriut po kryen të kundërtën. Ai e filloi proçesin e vëllazërimit të racave me qëllim të bashkimit dhe mundësinë e krijimit të një race të re të vetme botërore.

 

 

 

“EUROSIG” ME PRESIDENT KADRI MORINËN DHURATA PËR FËMIJËT E POLICËVE TË RËNË NË KRYE TË DETYRËS

by

Në këtë fundviti 2013, në bregdetin e Durrësit, në mjedise të shtëpisë së pushimit të Ministrisë së Brendshme (Kavalishencës), u organizua një mbrëmje festive me fëmijët e policëve të vrarë në krye të detyrës.

Kompania e Sigurimeve “EUROSIG”, me president biznesmenin e suksesshëm e bamirësin e njohur, Kadri Morina, gjatë kësaj veprimtarie të veçantë, shpërndau pako me dhurata e në vlerë monetare për këta fëmijë, duke i bërë të ndjehen të barabartë me bashkëmoshatarët e tyre në festën e Vitit të Ri 2014.

Kjo sipërmarrje bamirëse e zotit Kadri Morina, president i EUROSIG, “Qytetar Nderi” i Durrësit, Ambasador i Paqes, i vlerësuar me titullin “Fisnikëria e Tiranës”, etj. u përshendet dhe u falenderua nga autoritete zyrtare dhe pjesëtarë të familjeve të fëmijëve, u cilësua si një shembull që meriton mirënjohje dhe duhet ndjekur edhe nga të tjerët.

Disa ditë më parë, Këshilli i Biznesit të Kukësit, nën kujdesin e biznesmenit Kadri Morina, në sofrën e tij “Piazza”, organizoi për të dytin vit rradhazi veprimtari me nivel të lartë në prag të festave të fundvitit, ku u nda edhe Çmimi “Pjetër Bogdani” për 10 biznese e personalitete të Qarkut të Kukësit: Klubi i Futbollit “Kukësi”, Ujë “Lajthiza”, Ram Geci, Basri Ruka, Afërdita Onuzi, Jemin Gjana, Namik Dokle, Rrahman Përllaku, Zef Çupi, Shefqet Kastrati.

Ndarja e dhuratave për fëmijët e policëve të vrarë në krye të detyrës është një nga veprat bamirëse kontributive të presidentit të EUROSIG, zotit Kadri Morina, i cili ka kryer akte e veprimtari të tilla edhe në shtëpinë e fëmijës “Zyber Hallulli” në Tiranë, për transplantin e mëlçisë të një fëmije në Spitalin Amerikan të Tiranës, në ndërtimin apo restaurimin e 11  kulteve fetare në Peshkopi, Xhaminë e Et’hem Beut në qytetin e Tiranës, në Marikaj të Durrësit, në Zall-Bastar të Tiranës, për festivalin e Filmit në Durrës, për botime të dhjetra librave historik e letrar, disa ekspozita pikture, gjithato veprimtari kulturore (ndër)kombëtare, etj.

Presidenti i EUROSIG, zoti Kadri Morina, ka ndihmuar prej vitesh me donacione e veprimtari për Çështjen Kombëtare Shqiptare, si në Kosovë, etj., jep kontribute të herëpashershme në disa fondacione të ndryshme kombëtare e ndërkombëtare, ka sponsorizuar veprimtari brenda e jashtë Shqipërisë Londineze, iu ka gjend shumë njerëzve në nevojë në qarkun e Kukësit, të Tiranës, Durrësit, Vlorës, etj.

Kjo veprimtari bamirëse e kulturore në Durrës me fëmijët e policëve të vrarë në krye të detyrës është përmbyllja më e bukur e mjaft domethënëse e fisnikërisë të biznesmenit të suksesshëm e misionarit bamirës Kadri Morina në këtë fundviti 2013.(R Lushaj)

 

Zgjedhjet, partite, tendencat kundershtuese te elektoratit

by

Nga Avdi Ibrahimi/

Rezultati i Zgjedhjeve Lokale për kryetar komunash të 3 Nëntorit në Kosovë ishte për shumicën e njerëzve i papritur,por për ata që donin ndryshimin ishte më së i natyrshëm.Po të vështrohet kjo levizje e elektoratit kuptohet shumica e shqiptarëve në Kosovë nuk duan që të mbetën të fuqishme PDK-LDK-AAK,po në këtë rast fitorja e dy komunave nga AKR-ja mund të thuhet lirshëm në zhargonin politik se ishte një fitore rastësore!Ndërsa fitorja e Lëvizjës Vetëvendosje në kryeqytetin e Kosovës në Prishtinë ishte fitorja më meritore e këtyre zgjedhjeve.Kështu vetvetiu lind pyetja pse ndodhi ky ndryshim,që është një ndodhi normale për ata që kanë punuar dhe vepruar pa ndalur për këtë ndryshim rrënjësor për çrrënjosjën e korrupcionit dhe servilizmit të tyre politik ndaj politikave të huaja vetëm që të mbetën sa më gjatë në pushtet duke bërë kompromise me Serbin në dëm të çështjes kombëtare shqiptare,sikur kanë harruar këta liderë që u ndëshkuan me votën e qytetarëve shqiptar të Kosovës se për qytetarin parësore është zhvillimi ekonomik i vendit,me çka duan ata qytëtarët të ruajnë dhe të kenë një zhvillim ekonomik në mirëqenien e tyre materiale dhe barazi sociale,ata duan sigurin e jetës dhe pronës private dhe asaj pasurisë kombëtare,ata qytetarët duan përmirësimin e gjithçkaje në jetën dhe atdheun e tyre.

Për mendimin tim në këto zgjedhje humbën se u kundërshtua fuqishëm nga elektorati për arrogancën,mendjemadhësin,premtimet boshe e prepotenca e drejtuesve në qendër e në ato lokale të shtetit të brishtë,në këto zgjedhje humbi krahinorizmi e familjarizmi i tejskajshëm,keta pushtetar mënjanuan bizneset vendore,lejuan grabitjen e pasurive kombëtare sepse këta pushtetar ishin edhe vetë të përfshirë në grabitjen e pasurisë kombëtare e kështu e sollën varfërin në mjediset e familjeve shqiptare,këto parti PDK-LDK-AAK-AKR,rrënuan ekonomin e vendit e jetën shoqërore,po e vonojnë qëllimshëm integrimin në BE,por në fushatat e tyre elektorale ata dolën me slloganin me ne jeni më afër Europës,thua se ne nuk jemi vend i Europës,thua se ne nuk jemi në kontinentin e Europës,por jemi në ndonjë planet tjetër e këto parti do të na shpërngulin nga ai planet për të na vendosur afër Europës.

Llomotitjet-vetëargëtimet,na janë bërë fraza të përditshme në skenën politike në Teatrin e quajtur Kosovë e ky teatër ka përherë”meritokracin”e këtyre politikanëve të bezdisshëm e dinak se këta janë ata që kanë bërë shumë të”mira”,për atdheun!të gjitha këto llomotitje-vetëargëtuese aq shumë na kanë neveritur për këto katërmbdhjetë vite të pasluftës çlirimtare saqë për atë Zot,po skuqem edhe atëherë kur të tillët po nisin në praninë time të bisedojnë për”meritat”e liderucëve të tyre,siç po shihni se sa më përkushtim janë të angazhuar për kauzën e tyre të”kosovarizmit”,kohëve të fundit janë kapur aq shumë”luftëtarë”të ndryshëm nga këto taborre politike,dhe e kanë shëmtuar asisoji kauzën kombëtare shqiptare,çdo gjë që bëjnë e prekin për dobin e tyre personale,saqë tërë angazhimin e tyre politik e kanë shndërruar në teatër humoristik.Këta dinak të rryer!Kjo shthurrje dhe përtaci e tyre morale ka prekur një pjesë të shoqërisë sonë?!Përgjjigja më e mirë do të ishte të denuarit nga ana e drjtësisë për krimet ekonomike që i kanë sjellur vendit,për këtë vite më pare patëm dëgjuar nga mediat një nëpunës zyrtar të qeverisë i cili pat thënë:”…Të gjithë po pasurohen në mënyra të ndryshme dhe mua më lindi dëshira të pasurohem sa më pare…”Nuk më kujtohen më saktësi fjalët e tij,por afërsisht ashtu disi ishte deklaruar,por nga fjalët e tij kuptova:që sa më shumë e sa më pare të fitoj pasuri në kurriz të tjetrit,pa punuar fare!Këta përfitues të të gjitha kohërave janë mësuar  të jetojnë duke zhvatur popullin dhe pasurin e tyre kombëtare,kështu ata janë mësuar të ecin me këmbët e huaja e të hanë ushqimin e përtypur nga skllevërit e tyre servil.Në këtë kuader veprimesh të pappërgjegjshme nga këto parti që ende nuk po reformohen si duhet,në të ardhmën e afërt  elektorati shqiptar në mënyrë aktive por edhe nga mënyra pasive e disave do ta bëjnë rrëzimin e këtyre partive nga skena politike.Për këtë këtyre partive u duhet një debat nga antarsi e tyre për të analizuar zgjedhjet dhe gjendjen ku kanë bërë gabimet në vite që sollën këtë rezualtat e përgjegjësitë ti ndajnë edhe me antarësinë,ky evidentim i gabimeve do tu mundësoj ndoshta mos përsëritjen e tyre.Rishikimi i programeve të tyre në përputhje me misionin e një partie që ka vlerë të vërtet demokratike duke u pozicionuar djathtas apo majtas.nëse do të vazhdojnë me kryeneçësi se ata liderët janë mbi partinë dhe elektoratin e tyre gjendja e tyre partiake do të merrë tatpjetën në zgjedhjet parlamentare që po afrohen.

Një parti që reflekton dhe riorganizohet mbi parime të demokracisë duke u pozicionuar qartazi se a është parti e majtë apo e djathë,e hapur për të gjithë ata që duan të pozicionohen në të majtë a në të djathë,me antarësi që aspiron këto parime politike sigurisht mund të synoj mbetjen në pushtet ose ardhjen në pushtet,çka s,të sjellë rasti gjatë zgjedhjeve!Nëse drejtuesit e partive nuk duan të ja lënë asgjë rastësisë,por ata tu ofrojnë qytetarëve programe të qarta realizuese, e jo premtime boshe.

 

 

 

 

SHBA: U zhvillua turneu i Futbollit të Vogël në salla të mbyllyra për Tri-Shtetshin në Nju Xhersi

by

Vllaznimi, i struganëve fitues i këtij turneut 2013, ishte skuadra më cilësore e cila në përbërje të saj shquhet me disa futbollista të talentuar, Në vend të dytë Ekipi i Krajës me tranier Zija Cuka, i cili u dallua për shpirtin e fort të garës dhe ekip i disiplinuar

Nga Beqir SINA, New Jersey/

WAYNE NEW JERSEY :  Turneu i Mini-Futbollit – Futbollit të Vogël në salla të mbyllyra mes ekipeve vetëm shqiptare të komunitetit tonë, për Tri-Shtetshin në Nju Xhersi, i cili mbahet për të pestën herë, ka nisur me një ceremoni të thjeshtë dhe të bukur, të organizuar nga Fondi i Përbashkët Shqiptar i Patersonit dhe Klubi Futbollistik Vllaznimi nga Struga në Amerikë, të mërkurën më 25 Dhjetor 2013.

Skuadrat e 24 ekipeve të komunitetit shqiptarë, që përfaqësojnë vendlindjen e tyre – pra vendorigjinën e këtyre futbollistëve, prej nga Shqipëria, Kosova, Mali i Zi, Maqedonia dhe Lugina e Preshevës, të nxitura edhe nga sportdashësit e shumtë shqiptarë, kanë shprehur vetëm fjalë miradie ndaj organizatorëve të veprimtarisë më të madhe sportive të vitit në komunitetin shqiptarë.

Udhëheqësit e këtij kampionati,stafi organizator(Arif Sela – kryetar, Hajri Hoxha, Kalosh Sela, Edip Ramadani, Nazif Vlashi, Berat Kaliqi, dhe Xhevat Borova) njëkohësisht dhe promotori i veprimtarisë sportive  të futbollit, Klubi Vllaznimi i struganëve, në fjalën e tyre përshëndetëse, thanë se të tilla aktivitete për zhvillimin e jetës sportive të komuniteti shqiptar, gjithmon do të mbeten mjaft të rëndëssishme në jetën komunitare, dhe të dashura.

Veprimtaria sportive është mbështetur edhe nga ekipet pjesëmarrëse, të cilat mundësojn përzgjedhjen dhe organizimin e ndeshjeve si dhe dhe autoritetet e kompleksit sportiv “Turf City” të cilat vënë në dispozicion mjediset e tyre dhe fushat e futbollit për mbarvajtjen e kampionatit.

Në këtë turnir me ekipin United Albania luajti edhe futbollisiti i Ligës së Parë të SHBA në Futboll MLS, dibrani Dilaver Dilly Duka. Një i ri, mesfushor i talentuar me potencial të madh, në futbollin Amerikan. Duka është e ardhmja e këtij futbolli me 4 vjet vjet përvojë në MLS. Duka në Playoffs 2013 për MLS po luan me skuadrën Chicago Fire.

Kampionati u zhvillua në gjashtë grupe me nga gjashtë skuadra, në të njëjtin kompleks sportiv në dy fusha futbolli, përkatësisht fusha A-dhe fusha B-.

Turneu nisi me egzekutimin e hymneve kombëtare të të dy vendeve Shteteve të Bashkuara të Amerikës dhe Shqipërisë si dhe një mirënojhje për futbollistin Avdo Gjoka për pjesmarrjen e tij në çdo kampionat.

Duke e hapur zyrtarshit kampionatin e 5të të Mini-Futbollit, kryetari i Fonditit të Përbashkët Shqiptar të Patersonit, zoti Zylfi Alla, u ka uruar të gjitha skuadrave pjesmarrëse suksesë dhe një “Fair Play”. Në emër të Fondit të Përbashkët Shqiptar të Patersonit, tha kryetari i saj zoti Alla, më lejoni t’ju faleminderojë të gjithë ju ekipeve për pjesmarjjen tuaj dhe të u dëshirojë suksesë se cilit prej ekipeve në këtë turnir kaq të bukur që mbahet për të pestin vit me rradhë”.

Më pasë nisën takimet në grupe: ku 24 skuadra të ndara në 4 grupe me nga gjashtë skuadra secila luajtën në mes tyre me eleminim me nga 15 minuta për çdo ndeshje. Në grupe u zhvillaun 36 ndeshje. Ndërsa 4 takime u zhvilluan në Gjysmë-finale dhe dy në Çerek-finale, dhe një takim Final.

Në grupin A : luajtën Vllaznimi – Plisat – Brothers Albania – Koroshishta – Korabi NJ – Besa Kavaja. Në grupin B: Cemi – Vllaznimi U16 – Struga – Dollogozhda – Dardania  – Stanford . Në grupin C : United Albania – Korabi NY – Ulqini – FC Kosova – FC United – Plav & Gusi NY – Grupi D : Rumia – Prime Time Pizza – Besa e Kosovës – Kraja – FC Flamurtari dhe Koha.

Në Gjysmë-finale kaluan 8 ekipe. të cilat u ndeshën në mes tyre me eleminim në bazë rendtijes, Korabi i Neë Jerseyit, luajti kundra Stamfordit, ndërsa FC United kundra Krajës, Dollogozhda kundra Vllaznimit dhe Koha kundra United Albania.

Në Çerekfinale u ballafaquan ekipet e Stamfordit me Vllaznimin e Struganëve, kurse Kraja lujti kundra skuardës United Albania, ku si Vllaznimi dhe Kraja u kualifikuan me penallti.

Në finale luajtën Kraja e krajanëve me Vllaznimin e struganëve, mbas 30 minutave lojë rezultati ishte i barabartë me golat e shënuar për secilin palë, ku për Vllaznimin shënoi i pari Besmir Xhila dhe barazoi për Krajën me një gjuajtje në distancë sulmuesi Halit Popi.

Vllazënimi, fitues i këtij turneri skuadra më cilësore e cila në përbërje të saj shquhet me disa futbollista të talentuar, luajti të gjitha ndeshjet e saj me këtë formacion : Agron Osmani(portier), Adem Isa, Avdulla Sela, Egzon Zhuta, Elbrim Rrahmani (mbrojtje) Besmir Xhila, Dritan Sela, Ditmar Alijaj (mesufushor) Agim Bauta (kapiten, Endrit Korreshi (sulmues) trainer Reshat Qazimoski.

Ekipi i Krajës me tranier Zija Cuka, i cili u dallua për shpirtin e garës dhe ekip i disiplinuar laujti ndeshjet e saj me këtë formacion : kapiten Fatmir Cuka , poertier Suad Kraja, në mbrojtje Naser Agolli, Osman Vuka, Bledi Bardhi ish futbollist i Budeçnostit, Valdet Perashi, Lulëzim Pupi, Bekim Berjashi, Halit Popi dhe Suad Lekpepi.

Takimi final mes Krajës dhe Vllaznimit shënoi edhe mbylljen e këtij turneu ndarjen edhe të trofeve të cilat ekipeve përkatëse dhe lojtarëve respektivë, ua dorozojë Edip Ramadani në emër të organizatorit. Futbollistët e Vllaznimit, u nderuan me kupën e turnirit, kurse golashënuesi më i mirë me nga 7 gola u shpallën dy futbollista Andi Salijasi dhe Dritan Sela, ndërkohë, portieri më i mirë i Turneut 2013 u shpall krajani Suad Kraja.

 

SHBA: Festivali Ndërkombëtar i Skulpturës në Borë 2014

by

Duke ndjekur rrugën e mëparshme këta sifidantë kanë krijuar vepra mbresëlënëse dhe të mrekullueshme të cilat me siguri edhe këtë vit do të jenë të këtilla. Të “armatosur” me thika,”sopata dhe lopata” të mprehta dhe të veshur si alpinistët për t’u mbrojtur nga të ftohtit, dhe bora ata kanë nisur për të realizuar vepra unike dhe të rralla të cilat fund javën e muajit janar 2014 do ti ekspozojnë për konkurim/

Nga BEQIR SINA, New York/

Breckenridge – Colorado :   Në Kolorado të SHBA për dy dekada me radhë do të mbahet Festivali Ndërkombëtar i Skulpturës në Borë . Skulptorët e nga mbarë bota të pasionuar pas këtij arti të bukur natyror do të vihen përsëri në provë për të krijuar një art ndryshe, në kushte ndryshe dhe temperatura ndryshe.

Duke ndjekur rrugën e mëparshme këta sifidantë kanë krijuar vepra mbresëlënëse dhe të mrekullueshme të cilat me siguri edhe këtë vit do të jenë të këtilla. Të “armatosur” me thika,”sopata dhe lopata” të mprehta dhe të veshur si alpinistët për t’u mbrojtur nga të ftohtit, dhe bora ata kanë nisur për të realizuar vepra unike dhe të rralla të cilat fund javën e muajit janar 2014 do ti ekspozojnë për konkurim.

Janari vjen në Kolorado – SHBA, gjithmonë këto vitet e fundit me Festivalin e Skulpturave me Borë. Festivali i 20të “Snow Sculpture 2014″, thuhet se do të mbahet në malet Breckenridge në Colorado, ku punimet më pas kanë për të u vendosura në zonën rreth qendrës atraktive dimërore Riverwalk, e cila ndodhet breg lumit në segmentin e rrugës 150 West Adams Avenue. Skulpturat e konkursit janë të vendosura në Riverwalk Center dhe një pjesë e tyre janë vendosur mbi ” lëndinën”  e mbuluar me borë, në veri të Qendrës Riverwalk përtej bregut të lumit Blue Plaza – ngjitur në Main Street . .   Ky festival është një kujtim i përhershëm dhe nostaligjik, i cili zbulon artin e bukur të skulpturave në borë. Ajo na kjuton pakëz edhe atë fëmijërinë tonë, përfshirëjen tonë në atë gëzimin për të luajtur me topa bore dhe skalitur Babagjyshin e Vitit të Ri, në oborrin e shtëpisë tonë.

Kurse në lidhje me ekipet pjesëmarrse dhe shumë të dhëna të tjera interesante ju do të njoftoheni shkruan organizatori në faqen e tyre të internetit do ti gjeni në flet-palosjet e qendrës atraktive Qendra Riverwalk . Për më shumë informacion shikoni edhe informacionin vendosur në www.townofbreckenridge.com selinë e kësaj ekspozite e cila zbulon 20 vitet e fundit të kampionatit Ndërkombëtar të Skulpturave në Borë.  Por, thuhet në njoftim “Mos harroni të votoni- vota juaj është përcaktuese!”. Votoni për skulpturën tuaj të preferuar në “Choice Vote of People” . Votimi ndodh gjatë gjithë javës së ekspozimit të skulpturave duke filluar nga dita e diel, 27 janar 2014 . 1 dollar donacion merr një votë dhe shkon direkt në mbështetjen kampionatit Ndërkombëtar të Skulpturave në Borë dhe qendrës atraktive dimërore Riverwalk – Kolorado   .
Kjo qender spektakolare Qendra Riverwalk, është quajtur Fshati i Akullt. Çdo gdhendje është ndërlikuar dhe është një art më vete, ka janë të skalitura, kështjella, pamje nga qytet, kafshë, statuja dhe figura të tjera gjigande me ngjyra të ndezura dhe kombinuar në disa raste me pak blu. Skulptura përfaqësojnë shumë nga vendet e mbështetësve të kampionatit.   Nga që numëri është i madh i vizitorëve të gjithë duhet të zabatojnë me shumë përpikmëri rregullat që ofrojnë organizatorët në qendrën atraktive Qendra Riverwalk . Ata thonë :”Ju lutemi të jeni kur të vini këtu të vetëdijshëm se kjo qendër është një mjedis me shtresë të lartë me dëborë alpine . Vishuni me rroba të ngrohta dhe në mënyrë të përshtatshme me këpucë të larta jo rrëshkitëse .