Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kategoria Superiore! “Te gjithe ne kerkim te fitores”

by

alban-hoxha

Partizani! Alban Hoxha dorezon shiritin e kapitenit. Kukesi !”Kembanat” bien per teknikun Milinkovic. Flamurtari dhe Lushnja kerkojne piket e para. Kamza-Skenderbeu! Ish lojtaret korcare kerkojne hakmarrje.

Nga Albano Kolonjari

Partizani-Kukesi

Sfida kryesore e javes se dyte, Partizani-Kukesi ka filluar me nje surprise per te kuqte. Kapiteni Alban Hoxha ka dorezuar shiriten e kapitenit.  “Klubi ka vendosur nje rregullore te brendshme, te cilen une dhe shoket e mi duhet ta respektojme. Kur kjo rregullore nuk respektohet une marr persiper pergjegjesite. I kërkoj falje klubit ,stafit teknik dhe shokeve te skuadres. Per kete arsye dorezoj edhe shiritin e kapitenit per te dhene shembull per te gjithe. Jam gati te rikthehem ne vendin tim, prane skuadres dhe te jem ne dispozicion te klubit, trajnerit dhe ekipit per te miren e Partizanit”, u shpreh portieri i talentuar Alban Hoxha. Ne takimin e pare Partizani-Laci 0-2, te kuqte aktivizuan portierin e dyte Xhika, qe ishte larg formes se tij. Ish kapiteni i Partizanit Hoxha , u denua nga stafi teknik dhe  Luciano Moxhi, pasi nuk u paraqit ne kohen e duhur prane ekipit. Hoxha ishte i grumbulluar me ekipin Kombetar per dy ndeshjet me Liteshtenjin dhe Maqedonine dhe sipas te kuqve u paraqit prane ekipit 24 ore me vonese duke thyer rregulloren e klubit. Ndersa pritet qe Hoxha te mbroje porten e kuqe, Partizanit do ti mungoje ne kete sfide mbrojtesi Fejzullahu, i demtuar ne takimin e Kupes, Naftetari-Partizani 2-6.

Tekniku i Kukesit  Milinkovic i duhet patjeter fitorja me Partizanin qe te forcoje pozitat e tij ne krye te Kampioneve. Dy humbje ne tre ndeshje kane bere qe mbi teknikun serb qe drejtoi sezonin e kaluar me sukses Luftetarin te biejne kembanat. Humbja ne Superkupe me Tiranen 1-0 dhe ne turin e pare te Kupes me Egnatian 1-0, kane treguar se Kukesi nuk eshte ne rrugen e duhur per te mbrojtur titullin Kampion. Ne javen e pare kuksianet fituan me veshtiresi 1-0 perballe Kamzes me ane ten je 11 metershi. Ne kete takimim pritet qe Milinkovic te kete ne dispozicion te gjithe grupin e futbollisteve.

Flamurtari-Lushnja

Te dyja skuadrat regjistruan ne javen e pare humbje. Vlonjatet humben ne korce 2-0 me Skenderbeun, ndersa lushnjaret 2-0 ne Fier me Vllaznine. Te dyja skuadrat jane ne kerkim te pikeve te para. Ndeshja do te zhvillohet ne Ballsh ne stadiumin Adush Muca sepse tapeti i stadiumit te Flamurtarit ka probleme . Flamurtari qe vjen me pretendime ne kete sezon per tu renditur ne kater skuadrat e para, sfidon lushnjaret te cilet kane per pretendim qendrimin ne Super Ligen shqiptare. Ne 9-te ndeshjet e fundit, Flamurtari ka fituar kater, lushnjaret, dy dhe tre ndeshje kane perfunduar ne barazim. Tekniku i njohur Shpetim Duro, u shpreh se:”Ne nuk e nenvleresojme lushnjen, edhe pse ajo konsiderohet sin je prej skuadrave me te dobeta, lushnjaret kane kohe qe luajne bashke, dhe kane nje ekip kompakt”.

Kamza-Skenderbeu

Nje sfide teper interesante. Kamza ka ne “gjirin” e saj tre ish lojtare te Skenderbeut. Sebino Plaku, qe i dha kualifikimin ne dy ture Skenderbeut ne Europa Lige, u largua nga korcaret pasi nuk ishte ne planet e tekinikut Daja. Tashme Plaku luan per Kamzen dhe eshte kapiteni i saj. Korcaret do te kene perballe edhe nje ish te tyre qe u largua pa asnje aresye, Hektor Idrizaj. Qe te dy keta futbolliste do te kerkojne te hakmerren perballe ish klubit te tyre, per te treguar qe vendimin per largimin e tyre ishte i gabuar. Nga ana tjeter tranjeri i Skenderbeut nuk do te kete ne dispozicion mbrojtesin Jashanica dhe Tefik Osmanin te dy te demtuar ne takimin me Dinamon e Kievit.

KOSOVA E NISI ME KEMBE TE MBARE

by

Futboll: Kosova – Finlanda 1 me 1, Shqiperine e shpetoi stuhija, ndeshja u nderpre ne minuten e 75/

Kosova mbylli me rezultat baras 1 me 1 ndeshjen me Finlandën, e para në kuadër të kualifikimeve për kampionatin botëror të futbollit.Ndeshja u zhvillua në Turku të Finlandës. Kosova do të përballet në kuadër të grupit edhe me Kroacinë, Ukrainën, Islandën dhe Turqinë.Më 13 maj Kosova u pranua anëtare në Federatën Ndërkombëtare të Futbollit, dhe kësisoj u hap rruga që ajo të bëhet pjesë e kualifikimeve për Kupën e Botës që mbahet në Rusi më 2018. Kosova u pranua në FIFA dhjetë ditë pasi u anëtarësua në Federatën Evropiane të Futbollit, me gjithë kundërshtimin e Serbisë.

FIFA vendosi në janar të vitit 2014 që t’i lejojë Kosovës të zhvillojë ndeshje miqësore ndërkombëtare. Megjithatë, ajo kishte vendosur atëbotë kufizime, duke u ndaluar klubeve të Kosovës që të shpalosin simbolet kombëtare apo të intonojnë himnin shtetëror gjatë ndeshjeve. Ajo i ndaloi Kosovës atëbotë që të luajë kundër ekipeve të vendeve që kanë dalë nga ish federata jugosllave.

Tashmë kur ndalesat kanë marrë fund, vëzhguesit thonë se ka mundësi që FIFA dhe UEFA të mbajnë ekipet e Kosovës dhe të Serbisë larg njëra-tjetrës, ngjashëm siç është vepruar me Gjibraltarin dhe Spanjën, prejse Gjibraltari është anëtarësuar në UEFA, tre vjet më parë.Serbia i është kundërvënë anëtarësimit të Kosovës në shumë organizata ndërkombëtare që kur ajo shpalli pavarësinë e saj në shkurt të vitit 2008, ndonëse është përfshirë në një proces bisedimesh me Kosovën në shkëmbim të afrimit me strukturat e Bashkimit Evropian.

***

SHQIPERI-MAQEDONI, 1 me 1, Ndeshja u nderpre/

Moti i keq ndërpreu në minutën e 75 ndeshjen mes Shqipërisë dhe Maqedonisë në Loro Boriçi të Shkodrës, e vlefshme për kualifikueset e botërorit rus.

Shiu i dendur dhe era e fortë bënë të pamundur vazhdimin e ndeshjes dhe gjyqtari i takimit vendosi ndërprerjen e saj.
Ndeshja u ndërpre me rezultatin 1-1. Shqipëria kaloi në avantazh që në minutën 9 të pjesës së parë me anë të Sadikut, që lëvizi mirë në hyrje të zonës pasi mori një top të gjatë nga Hysaj.
Kuqezinjtë dominuan pjesën e parë të takimit, megjithëse ishin të paqartë në fazën sulmuese. Në të dytën Maqedonia nisi të shihte me shpesh nga porta jonë, por golin do ta gjente nga një gabim i yni.
Veseli kthen topin keq pas për mbrojtjen dhe nga kjo përfiton Aliovski që i shmanget Gjimshitit dhe dërgon topin pas shpinës së Berishës, në të njëjtin kend ku në pjesën e parë e dërgoi Sadiku.
15 minuta e mbetura të takimit nuk do të luhen sot. Pritet që vazhdimi i ndeshjes të luhet ditën e nesërme.

PO SI DO TE ZHVILLOHET PJESA E MBETUR E NDESHJES?

Menjëherë pas ndërprerjes së ndeshjes, zyrtarët e FIFA-s, UEFA-s si dhe përfaqësuesit e të dy skuadrave  janë mbledhur në ambientet e stadiumit “Loro Boriçi” për të diskutuar rreth mënyrës së si do të zhvillohen minutat e mbetura të takimit.Rregullorja parashikon që në raste të tilla, kur ka ndërprerje të ndeshjeve për shkak të kushteve atmosferike, minutat e mbetura mund të zhvillohen brenda 24 orëve të ardhshme, nëse kushtet janë të përshtatshme.Ekipi maqedonas kërkon që ndeshja të zhvillohet nësër në orën 12:00.Ekipi shqiptar kërkon që ndeshja të luhet në orën 16:00, pasi skuadra nuk ka rezervuar hotel në Shkodër.

Dion Ahmetaj po shkëlqen në futbollin e të rinjve në SHBA

by

Nga Esad GJONBALAJ/
Bota shqiptare po shkëlqen në çdo anë të globit me talentet e rinjë në disiplina të shumta sportive. Është ëndërr e çdo të riu që të arrij majat e suksesit ne hapërimet e tyre jetësore, arritjet e çdo të riu shqiptare përveç që mbart në vete ëndrrën personale të një te riu është edhe arritje dhe mburrje e tërë kombit.
Sot ambasadoret me të mirë të kombit shqiptare janë rinia e jonë që po lan gjurmë të pa shlyera në analet ma të larta të sportit botëror.
Ne New York nje yll i Ri që po shkëlqen me aftësitë e tija është Dion Ahmatj 12 vjeçar me origjine nga fshati Vuthaj i Plavë Gucisë .
Për Dionin kanë shfaqur interesimin e tyre edhe klube të fuqishme të ligës angleze ku para një viti ishte i ftuar në Akademinë e Futbollit anglez pran klubit të mirënjohur Sunderland.
Aktualisht Dioni është ne Akademinë e klubit ma të fuqishëm të futbollit në SHBA-ve Red Bull’s ku me aftësitë dhe prezantimet e tija po mahnit edhe profesionistet e kësaj fushe.
Historia e Dionit ne futboll fillon që nga mosha 5 vjeçare ku mori dhe hapat e parë në klubin e futbollit Brooklyn Italians dhe më pastaj në klubin Gatci ndërkaq aktualisht gjendët në Red Bull dhe luan për moshën e tijë U-12.
Ëndrra e Dionit është për të pushtuar majat e suksesit në futboll dhe me mburrje dhe krenari do të vishte ndërresat kuq e zi të kombëtares tonë thotë Dioni.
I riu vuthjan përveç sportit është edhe nxënës i dalluar në shkollë ku prirje të veçantë e ka pikturimin ku ka arritur të marr edhe shumë Mirënjohjeje edhe në këtë lëmi.

Superliga/ Tirana fiton 2-1 ndaj Besës në “Qemal Stafa”

by

Gjergji Mima/ -Skuadra e Tiranës ka arritur të fitojë me rezultatin 2-1 përballë skuadrës së Besës së Kavajës, në ndeshjen e zhvillar sot në stadiumin “Qemal Stafa” në kryeqytet, e vkefshme për javën e 20-të të Superligës

Ka qenë Besa ajo që ka kaluar e para në avantazh, teksa në minutën e 13-të, mesfushori Celhaka ka shënuar nga rreth 30 metra.

Por festa e Besës nuk zgjati më shumë se 5 minuta pasi në harkun e 8 minutave Tirana arriti të përmbysë rezultatin me dy gola. Ai që shënon golin e parë për Tiranën është braziliani Gilberto, i cili shfrytëzon nje pasim nga Selemani. Vetëm 3 minuta më vonë është Kërçiku ai që çon shifrat në 2-1. Minutat e mbetura kalojnë qetësisht, por është përsëri Tirana ajo qe qëndron më afër portës të kundërshtarit.

Me këtë fitore Tirana mer një trepikësh me shumë vlera dhe i largohet përsëri fundit të tabelës dukë ia lënë vendin Lushnjës me të cilën ndan vendin e fundit me nga 22 pikë. Besa mbetet në kuotën e 28 pikëve duke qenë kështu brenda objektivave dhe në një pozicion të qetë. Me takimin Tirana – Besa mbyllet dhe java e 20-të e Superligës Shqiptare.

 

 

Shqiperi-Futboll- Skënderbeu gjunjëzon Kastriotin

by

-Mbyllen 4-ër takimet e para të javës 20-të të superligës, mbizotërojnë vendasit-Lushnja mposht Ballshin, Laci-Teuten, Kukesi-Flamurtarin/

Nga Arbi Fortuzi/-. Skënderbeu fiton 2-0 në Korçë ndaj Kastriotit në javën e 20-të të superligës Shqiptare të futbollit dhe rrit diferencën në 10 pikë me ndjekësin më të tafërt, Laçi.
Vendasit shënuan nga një gol për çdo pjesë. Kapiteni Shkëmbi ka prishur bardhësinë e shifrave në minutën e 43-të, ndërsa Pero Pejic ka vulosur gjithcka në minutën e 78-të
Ndeshja e zhvilluar në strofullën e ujqërve të dëborës ka treguar forcën e Korçarëve të drejtuar nga tekniku Mirel Josa, që edhe pse nën ritëm gjunjëzuan skuadrën krutane, e drejtuar nga tekniku i sapo emëruar Nevil Dede.
Mysafiri i juglindorëve të Josës, Kastrioti e sheh veten në pozita kritike në klasifikim, Krutanët janë në vendin e 11-të me 21 pikë dhe rrezikojnë të zbresin në fund të klasifikimit në rast se Tirana mund Besën në ndeshjen e saj ditën e diel.

Sot u zhvilluan 4-ër takimet e para të javës së 20-të të Superligës të cilat u diktuan nga skuadrat vendase, ndëras nesër priten edhe dy ndeshjet e fundit të kësaj jave, Tirana-Besa dhe Vllaznia-Partizani :

SKËNDERBEU-KASTRIOTI 2-0
Golat: Shkëmbi 43′, Pejiç 78’
Gjyqtarë: K.Meta, I.Tartari, O.Grabova

KUKËSI-FLAMURTARI 3-2
Golat: Shameti 50′, Hysa 71′, Cikalleshi 80′ (pen) / G.Lika 43′, Abilaliaj 85′
Gjyqtarë: L.Jemini, R.Alushi, N.Bregasi

LUSHNJA-BYLISI 2-0
Golat: Trashi 12′, Fonseka 88′
Gjyqtarë: O.Sokoli, D.Rexha, D.Agaraj

LAÇI-TEUTA 2-1
Golat: Cela 31′, Nimani 60′ / Nika 90+3′
Gjyqtarë: B.Pashaj, R.Avdo, E.Bicaku

Nesër, 23.02.2014
VLLAZNIA-PARTIZANI (13:00)
TIRANA-BESA (18:00)

Klasifikimi:

1 Skënderbeu————— 41 PIKË
2 KF Laçi—————— 31
3 Partizani—————- 30
4 FK Kukesi—————- 30
5 Teuta Durres————- 29
6 Besa Kavaje————– 28
7 Flamurtari—————-26
8 Bylis———————23
9 Vllaznia——————22
10 KS Lushnja—————22
11 Kastrioti—————-21
12 KF Tirana—————-19

*Tirana, Partizani, Vllaznia dhe Besa do të zhvillojnë ndeshjet nesër