Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PALMER NË KOSOVË: SI MUND TË SHTROHET RRUGA DREJT PAQES

by

“Përfaqësuesi Special Matthew Palmer foli për atë se si Kosova mund të shtrojë rrugën drejt paqes përmes një marrëveshjeje gjithëpërfshirëse me Serbinë”, theksohet njëjtë në të dy komunikatat e dërguara – nga Presidenca e Kosovës dhe nga Lidhja Demokratike e Kosovës/

PRISHTINË, 1 Nëntor 2019-Gazeta DIELLI nga korrespondenti në Kosovë/ 

Mbërriti sot në Kosovë Zëvendës Ndihmësi i Sekretarit të Shtetit i SHBA-ve, njëherësh Përfaqësues Special i Sekretarit të Shtetit për Ballkanin Perëndimor, Matthew Palmer. Ka zhvilluar takime me drejtues institucionalë e politikë, ndërsa ka folur para një publiku të përbërë nga studentë dhe pjesëtarë të shoqërisë civile në Bibliotekën Kombëtare të Kosovës në Prishtinë/

“Përfaqësuesi Special Matthew Palmer foli për atë se si Kosova mund të shtrojë rrugën drejt paqes përmes një marrëveshjeje gjithëpërfshirëse me Serbinë”, theksohet njëjtë në të dy komunikatat e dërguara – nga Presidenca e Kosovës dhe nga Lidhja Demokratike e Kosovës.

KOMUNIKATA NGA PRESIDENCA E KOSOVËS – DEPARTAMENTI I INFORMACIONIT DHE KOMUNIKIMIT ME PUBLIKUN:

Presidenti Thaçi priti Përfaqësuesin Special të SHBA-së, Matthew Palmer

Prishtinë, 1 nëntor 2019 – Presidenti i Republikës së Kosovës, Hashim Thaçi, ka pritur sot të ngarkuarin e posaçëm të SHBA-së për Ballkanin Perëndimor, Matthew Palmer.

Presidenti Thaçi dhe i ngarkuari i posaçëm i SHBA-së për Ballkanin Perëndimor kanë biseduar për zhvillimet e fundit dhe për nevojën e krijimit të shpejt të institucioneve të Republikës së Kosovës.

Presidenti Thaçi ka thënë se Kosova është e bekuar që ka mbështetjen e vazhdueshme të SHBA-së.

“Kosova është një demokraci e konsoliduar, e dëshmuar në zgjedhjet e fundit. Ka institucione të pavarura të fuqishme, profesionale, të pavarura dhe liri të shprehjes”, ka thënë presidenti Thaçi.

Përfaqësuesi Special, Matthew Palmer, foli për atë se si Kosova mund të shtrojë rrugën drejt paqes përmes një marrëveshjeje gjithëpërfshirëse me Serbinë.

Presidenti Thaçi shtoi se Kosova mbetet e përkushtuar për vazhdimin e reformave për rend dhe ligj, për forcimin e të ardhmes euroatlantike, për reformat demokratike dhe do të angazhohet maksimalisht për arritjen e një marrëveshjeje gjithëpërfshirëse me Serbinë, e cila forcon paqen jo vetëm brenda dy vendeve, por në tërë Ballkanin Perëndimor.

KOMUNIKATA NGA LDK – ZYRA PËR INFORMIM:

Kryetari Mustafa dhe nënkryetarja Osmani takojnë zv. Ndihmës Sekretarin e Shtetit, Matthew Palmer

Prishtinë, 11 nëntor 2019

Sot, kryetari i LDK-së, Akademik Isa Mustafa, së bashku me nënkryetaren, Dr. Vjosa Osmani, takuan zv. Ndihmës Sekretarin e Shtetit, Matthew Palmer në Ambasadën e Shteteve të Bashkuara të Amerikës në Prishtinë. 

Gjatë këtij takimi shumë produktiv, u diskutua lidhur me çështjet që LDK i sheh si prioritet për institucionet e ardhshme që lidhen me agjendën e brendshme si dhe politikën e jashtme të Republikës së Kosovës, siç janë sundimi i ligjit, zhvillimi ekonomik dhe dialogu Kosovë-Serbi. 

Kryetari Mustafa e falënderoi Zv. Ndihmës Sekretarin Palmer për angazhimin shumë aktiv dhe përkrahjen e Shteteve të Bashkuara si dhe për angazhimin e tij personal për ta përkrahur Kosovën në të gjitha prioritetet dhe sfidat që na presin. 

Përfaqësuesi Special Matthew Palmer foli për atë se si Kosova mund të shtrojë rrugën drejt paqes përmes një marrëveshjeje gjithëpërfshirëse me Serbinë.

Veseli i përgjigjet QUNIT-it -Ne jemi përkrah aleatëve, por BE ta ndalë Serbinë

by

-Mirëpresim përpjekjet e SHBA-së, BE-së, Gjermanisë, Britanisë së Madhe, Francës dhe Italisë për zhvillimin e Dialogut/

-Kërkojmë nga BE që ta parandalojë financimin e strukturave paralele në Kosovë nga Qeveria e Serbisë, të ndalojë projektet kolonizuese serbe përmes ndërtimit të lagjeve në Veri…/

PRISHTINË, 13 Gusht 2019-Gazeta DIELLI/ Kryetari i Kuvendit të Kosovës, njëherësh lider i PDK-së, Kadri Veseli, i është përgjigjur letrës së lëshuar sot nga QUINT-i, duke rikonfirmuar qëndrimin e PDK-së e cila do të jetë përkrahë aleatëve perëndimorë të Kosovës

Nëpërmjet një shkrimi të publikuar në faqen e tij në Facebook, Veseli ka thënë se në zgjedhjet e parakohshme parlamentare, qytetarët e Kosovës do të zgjedhin ndërmjet atyre që janë përkrahë aleatëve perëndimorë që ndihmuan për lirinë dhe pavarësinë e vendit, apo për ata që i trajtojnë aleatët perëndimorë si armiq dhe përpiqen që Kosova të mbijetojë e vetme.

Shkrimi i plotë i Kadri Veselit:

Kosova arriti pavarësinë e saj duke pasur në krah një aleancë të fortë me Perëndimin.

Një nga temat mbi të cilat qytetarët do të duhet të vendosin në këto zgjedhje është nëse Kosova dëshiron t’i vazhdojë marrëdhëniet e saj të veçanta me aleatët tanë ndërkombëtarë, apo t’i trajtojë ata si armiq dhe të përpiqet që të mbijetojë e vetme.

Ne duhet t’i mbrojmë interesat e Kosovës, por nuk do të jemi në gjendje ta bëjmë këtë pa partnerët tanë strategjikë. Prandaj, mirëpresim përpjekjet e SHBA-së, BE-së, Gjermanisë, Britanisë së Madhe, Francës dhe Italisë për zhvillimin e Dialogut.

Megjithatë, ne kërkojmë nga BE që ta parandalojë financimin e strukturave paralele në Kosovë nga Qeveria e Serbisë, të ndalojë projektet kolonizuese serbe përmes ndërtimit të lagjeve në Veri, të lejohet rindërtimi i shtëpive të djegura atje ku shqiptarët jetonin para vitit 2001, si dhe të dënohen kriminelët dhe përdhunuesit serbë për krimet e kryera ndaj shqiptarëve të pafajshëm gjatë dhe pas luftës në Kosovë.

Kurban Bajrami në Shqipëri-URON SHBA

by

SHBA uron Kurban Bajramin/….

Dhe një mesazh politikës: Duhet reflektim!

Ambasada amerikane në Tiranë ka uruar të gjithë besimtarëve myslimanë, që festojnë sot Kurban Bajramin.Përmes një mesazhi në “Facebook”, ambasada e SHBA shprehet se kjo ditë ofron një mundësi të re për të reflektuar mbi angazhimin e përbashkët për ndërtimin e komuniteteve paqësore dhe të begata.

“Në emër të Ambasadës së Shteteve të Bashkuara, iu shprehim urimet më të mira të gjithë atyre që festojnë Kurban Bajramin. Kjo ditë ofron një mundësi për të reflektuar mbi angazhimin tonë të përbashkët për ndërtimin e komuniteteve paqësore dhe të begata. Eid Mubarak”, thuhet në mesazhin e SHBA.

Veseli uron besimtarët islamë për Festën e Bajramit 

by

Veseli në Bashkësinë Islame, uron besimtarët islamë për Festën e Bajramit 

Kryetari i Kuvendit të Republikës së Kosovës, Kadri Veseli, i shoqëruar nga bashkëshortja e tij, Violeta, ka vizituar sot Bashkësinë Islame të Kosovës, për nder të Festës së Kurban Bajramit. 

Pas pritjes nga drejtuesit e BIK-ut, kryeparlamentari Veseli ka uruar të gjithë shqiptarët e besim islam, duke bërë thirrje për solidaritet dhe mbështetje ndaj njëri-tjetrit, për largim të dallimeve dhe bashkim. 

“Sot më së shumti duhet t’i kujtojmë ata të cilët ishin të gatshëm ta flijojnë edhe jetën në rininë e tyre, që ne sot të kemi liri. Përulemi para veprës së tyre të lavdishme dhe nuk do t’i harrojmë kurrë. Ne e dijmë saktë rrugën tonë kah do të shkojmë përpara. Ky është shteti ynë i pavarur dhe sovran, është besimi në zot, në atdhe e në komb. Jemi një e të pandarë dhe kështu do të shkojmë deri në fund. Haxhilerëve dhashtë zoti ua pranon haxhin dhe kthehen sa më shpejt në shtëpitë e tyre”, theksoi kryeparlamentari Veseli.​

Sajmiri në linjën direkte Tiranë- Bogota?-

by

Ish-ministri Demiraj zbulon linjat e reja të Air Albania/

Ish-ministri i Brendshëm Dritan Demiraj ka reaguar pas lajmit se Air Albania do të udhëtojë edhe drejt aeroporteve të BE, në vjeshtë.

Reagimi i plotë:

Të nderuar miq!

Me gëzim të madh ndoqa lajmin se Air Albania fillon fluturimet në Vjeshte me emrin Migjeni por edhe se avionet e linjave të tjera do të kenë emrat e Rilindasve të vërtetë të Shqipërisë si Naimi, etj.

Natyrshëm më lindi një pyetje:
Meqenëse jemi në pritje të ftesës nga BE në datat 18-19 tetor dhe tashmë që Rilindasit e sotëm deklarojnë se i kanë plotësuar të gjitha kërkesat e BE-së kur do fillojnë fluturimet me avionët:

Sajmiri në linjën direkte Tiranë- Bogota?
Taulanti në linjën direkte Tiranë-Karakas?
Kryerilindasi në linjën më të rëndësishme direkte Tiranë-Moskë?

Rroftë Rilindja, pasi pas ardhjes së tyre në pushtet në vitin 2013 u hapi sytë Shqiptarëve që të “integrohen” dhe të marrin eksperiencë nga “demokracitë” e vendeve më demokratike në botë dhe duke e shpërndarë atë me shumë sukses në të gjithë Europën.