Ministria e Jashtme greke i ka dërguar një notë të ashpër proteste Maqedonisë dhe Serbisë lidhur me qëndrimin e këtyre të fundit në çështjen e emigrantëve dhe mbylljes së kufijve.
Sipas Ministrisë së Jashtme greke, mbajtja mbyllur e kufijve midis saj, Maqedonisë dhe Serbisë rrezikon të dëmtojë rëndë marrëdhëniet dypalëshe me gjithë efektet që ky qëndrim i Athinës do të ketë në proceset integruese të tyre, por edhe në kuadër të situatës politike në rajon, ndaj Athina i fton këto vende të hapin kufijtë dhe të lejojnë kalimin e emigrantëve që kanë destinacion vendet perëndimore. Ky qëndrim i Athinës i bashkangjitet asaj që qarqe diplomatike e quajnë përballje me vendet e “korridorit ballkanik të emigrantëve”, për çështjen e mbylljes së kufijve.
Nota e protestës së dërguar mbasditen e së shtunës,vlerësohet si e ashpër dhe konsiderohet si një mjet presioni për mundësinë e hapjes së kufijve dhe pakësim të barrës tepër të rëndë të mbajtjes së më tepër se 70 mijë emigrantëve që tashmë kanë mbërritur ose po mbërrijne në Greqi.
Ajo është në kuadër të incidenteve të krijuara mes saj dhe Austrisë për vendimin e kësaj të fundit për të mos lejuar emigrantët të kalojnë transit në territorin e saj.
NDERIM E RESPEKT PËR MËSUESIT E MI
7 MARSI është një ditë e shenjtë për gjithë mësuesit, të cilet njohuritë dhe pasionin e tyre e vunë në shërbim të arsimimit të brezave te rinj.
Për të çuar përpara një shoqëri , politika më e mirë është arsimimi i saj. Arsimi ështe çelësi për të ndezur imagjinatën e njeriut, për të prodhuar idetë që ndihmojnë personin dhe shoqërinë, që të përballet me sfidat e kohës. Ky qe ideali i atyre dhjetra mësuesve patriotë që per gjuhën shqipe u sakrifikuan e u martirizuan. Kolonja ishte një nga trevat që nxori nga gjiri i saj shumë mësues, të cilët kontribuan në çeljen e Shkollës së parë shqipe (me 7 Mars 1887), Mësonjtores së parë shqipe te vajzave në Korçë dhe në emancipimin e gjithë shoqërisë shqiptare.
Në pjedistalin e nderit qëndrojnë emrat e Petro Nini Luarasit. Pandeli Sotirit, Papa Kristo Negovanit, Sevasti , Parashqevi e Gjerasim Qirjazit, Naum Veqilharxhit, Mihal Gramenos e shumë të tjerë.
I madhi Petro Nini Luarasi, pasi u mësonte fëmijëve fshehurazi gjuhën shqipe në fshatrat e Kolonjës, hapi në Ersekë shkollën e parë shqipe më 1887 e më pas edhe në krahinat e Kolonjes e të Vakefeve. Më vonë punoi si mësues në Shkollën e pare Shqipe të Korçës dhe drejtor i Mësonjtores së parë të vajzave.
Për veprimtarinë e tij arsimdashëse e politike, vdiq i helmuar nga xhonturqit dhe Patriarkana e Stambollit më 17 gusht 1911. Në gjithë veprën e tij trubetohej ideja e bashkimit për lirinë e Shqipërisë dhe domosdoshmëria e përhapjes së arsimit për të ndriçuar mendjet e shqipëtarëve. Thënia e tij para vdekjes ”Vramëni, por mblidhmani gjakun se do t’u duhet nipërve tuaj që të shkruajnë gjuhën shqipe”, mbetet monument në memorjen kombëtare.
Të njëjtin fat pati edhe Papa Kristo Negovani, të cilin andartët grekë e vranë më 12 shkurt 1906, sepse çeli shkollën shqipe në fshatin e tij, në Negovan.
Në këtë rrugë të ndritur shquhet emri i rilindasit të parë nga Vithkuqi i Kolonjes, Naum Veqilharxhi (Bredhasi), i cili na fali Abetaren e parë në gjuhën shqipe. Për këtë, në vitin 1866, Patriarkana greke e vrau rilindasin e madh.
Një ndër emrat e ndritur te historisë së Kolonjës është ai i Fan Nolit, i cili për popullin shqiptar ka mbetur një atdhetar i flaktë, një demokrat revolucionar, një fytyrë e shumanëshme prej publicisti, gojëtari, dramaturgu, poeti, historiani, kompozitori, muzikologu dhe shqipëruesi.
Ndihem e nderuar dhe krenare që jam bijë e kësaj treve, ku tradita arsimdashëse trashëgohet brez pas brezi deri më sot. Shumë mësues, kuadro e figura të nderuara i bëjnë nder vendit dhe krahinës së Kolonjës. Sjell nëpër mend dhjetra mësues që kanë punuar për formimin tim arsimor dhe edukativ, por unë në këtë ditë, dua të veçoj dy ndër mësuesit e mi të ciklit 8 vjecar, çiftin Lefteri dhe Petraq Gjoshe, te cilët me punën dhe pasionin e tyre janë në themel të këtij edukimi. Emri i tyre është gjithmonë në mendjen e në zemrën time. Kujtesa më ktheu 40 vite para, në bangat e shkollës, ku figurat e tyre të plotësuara e të nderuara na mrekullonin. Janë ndër njerëzit më të dashur e më fisnikë për mua e gjithë brezin tim. Jam e bindur se në jetën tonë na kanë ndricuar rrugën dijet, fjalët, këshillat e porositë e tyre.
Mësuese Lefteria, në vitet e para të punës së saj, ka punuar si mësuese e më von si drejtoreshë shkolle në fshatin Selenicë e Kolonjës. Me punën e saj ajo la gjurmë të paharrueshme në edukimin e fëmijëve. Gjatë viteve 1987-1992 punoi si metodiste pranë Kabinetit Pedgogjik të rrethit, ku vuri mbi baza të shëndosha punën metodike të mesuesve të ciklit të ulët dhe edukatoreve të rrethit.(detyrë,për të cilën qe emëruar).
Më pas punoi si mësuese e gjuhës dhe letërsisë në disa shkolla të rrethit dhe në Tiranë, ku gëzonte respektin dhe dashurinë e nxënësve, prindërve dhe kolegëve të saj.
Figura e mësuese Lefterisë plotësohet edhe me aktivitetin e saj si aktiviste shoqërore me gratë. Mënyra e të komunikuarit, aftësia për të ndikuar në zgjidhjen e problemeve të grave, zgjerimi i horizontit të tyre për krijimin e marrdhënieve të shëndosha në familje dhe puna me durim për të rritur rolin edukues të nënave të reja, e bënë atë shumë te njohur e të respektuar. Ajo ishte e zgjedhur në Kryesinë e Gruas të rrethit Kolonjë për shumë vite dhe anëtare e Këshillit të Përgjithshëm të Grave të Shqipërisë për dy legjislatura.
Për mësues Petraqin dua të veçoj faktin që me sa pasion e dashuri shpjegonte gjuhën shqipe dhe letërsinë . Shumë nga moshatarët e mi nuk harrojnë përpjekjet e tij për t,i stimuluar nxënësit në leximin e librave artistikë. Rëndësi të jashtëzakonshme i kushtonte të shkruarit bukur dhe drejtshkrimit të gjuhës shqipe. Korrektësia ishte tipari që e karakterizoi mësues Petraqin gjatë gjithë kohës së punes, si mësues, si drejtor shkolle dhe si inspektor në Drejtorinë Arsimore të rrethit.
Si prindër lindën, rritën dhe edukuan dy djem të mrekullueshëm, të cilët kanë trashëguar më së miri edukaten, korrektësinë dhe ndershmërinë e prindërve.
Me shumë mund e sakrifica, ata i studiuan të dy djemtë jashtë shtetit të cilët sot punojnë në Tiranë e janë dy kuadro të zot e të nderuar.
Mësuesit e mi të nderuar sot gëzojnë pensionin e tyre të rrethuar nga fëmijët, nip e mbesa të mrekullueshëm. Kur i takoj ndiej emocion e dashuri si para 40 vjetësh.
Shumë nga brezi ynë do të kishin dëshirë të jepnin një urim të bukur e t,i falenderonin për vlerat e mëdha që kanë si mësues e si njerëz. Ne ish nxënësit e tyre përulemi me respekt e mirnjohje për gjithë punën e tyre, për sakrificat e mundimet në profesionin e tyre kaq fisnik e dinjitoz , siç është mësimdhënia.
Për të çuar përpara një shoqëri , politika më e mirë është arsimimi i saj. Arsimi ështe çelësi për të ndezur imagjinatën e njeriut, për të prodhuar idetë që ndihmojnë personin dhe shoqërinë, që të përballet me sfidat e kohës. Ky qe ideali i atyre dhjetra mësuesve patriotë që per gjuhën shqipe u sakrifikuan e u martirizuan. Kolonja ishte një nga trevat që nxori nga gjiri i saj shumë mësues, të cilët kontribuan në çeljen e Shkollës së parë shqipe (me 7 Mars 1887), Mësonjtores së parë shqipe te vajzave në Korçë dhe në emancipimin e gjithë shoqërisë shqiptare.
Në pjedistalin e nderit qëndrojnë emrat e Petro Nini Luarasit. Pandeli Sotirit, Papa Kristo Negovanit, Sevasti , Parashqevi e Gjerasim Qirjazit, Naum Veqilharxhit, Mihal Gramenos e shumë të tjerë.
I madhi Petro Nini Luarasi, pasi u mësonte fëmijëve fshehurazi gjuhën shqipe në fshatrat e Kolonjës, hapi në Ersekë shkollën e parë shqipe më 1887 e më pas edhe në krahinat e Kolonjes e të Vakefeve. Më vonë punoi si mësues në Shkollën e pare Shqipe të Korçës dhe drejtor i Mësonjtores së parë të vajzave.
Për veprimtarinë e tij arsimdashëse e politike, vdiq i helmuar nga xhonturqit dhe Patriarkana e Stambollit më 17 gusht 1911. Në gjithë veprën e tij trubetohej ideja e bashkimit për lirinë e Shqipërisë dhe domosdoshmëria e përhapjes së arsimit për të ndriçuar mendjet e shqipëtarëve. Thënia e tij para vdekjes ”Vramëni, por mblidhmani gjakun se do t’u duhet nipërve tuaj që të shkruajnë gjuhën shqipe”, mbetet monument në memorjen kombëtare.
Të njëjtin fat pati edhe Papa Kristo Negovani, të cilin andartët grekë e vranë më 12 shkurt 1906, sepse çeli shkollën shqipe në fshatin e tij, në Negovan.
Në këtë rrugë të ndritur shquhet emri i rilindasit të parë nga Vithkuqi i Kolonjes, Naum Veqilharxhi (Bredhasi), i cili na fali Abetaren e parë në gjuhën shqipe. Për këtë, në vitin 1866, Patriarkana greke e vrau rilindasin e madh.
Një ndër emrat e ndritur te historisë së Kolonjës është ai i Fan Nolit, i cili për popullin shqiptar ka mbetur një atdhetar i flaktë, një demokrat revolucionar, një fytyrë e shumanëshme prej publicisti, gojëtari, dramaturgu, poeti, historiani, kompozitori, muzikologu dhe shqipëruesi.
Ndihem e nderuar dhe krenare që jam bijë e kësaj treve, ku tradita arsimdashëse trashëgohet brez pas brezi deri më sot. Shumë mësues, kuadro e figura të nderuara i bëjnë nder vendit dhe krahinës së Kolonjës. Sjell nëpër mend dhjetra mësues që kanë punuar për formimin tim arsimor dhe edukativ, por unë në këtë ditë, dua të veçoj dy ndër mësuesit e mi të ciklit 8 vjecar, çiftin Lefteri dhe Petraq Gjoshe, te cilët me punën dhe pasionin e tyre janë në themel të këtij edukimi. Emri i tyre është gjithmonë në mendjen e në zemrën time. Kujtesa më ktheu 40 vite para, në bangat e shkollës, ku figurat e tyre të plotësuara e të nderuara na mrekullonin. Janë ndër njerëzit më të dashur e më fisnikë për mua e gjithë brezin tim. Jam e bindur se në jetën tonë na kanë ndricuar rrugën dijet, fjalët, këshillat e porositë e tyre.
Mësuese Lefteria, në vitet e para të punës së saj, ka punuar si mësuese e më von si drejtoreshë shkolle në fshatin Selenicë e Kolonjës. Me punën e saj ajo la gjurmë të paharrueshme në edukimin e fëmijëve. Gjatë viteve 1987-1992 punoi si metodiste pranë Kabinetit Pedgogjik të rrethit, ku vuri mbi baza të shëndosha punën metodike të mesuesve të ciklit të ulët dhe edukatoreve të rrethit.(detyrë,për të cilën qe emëruar).
Më pas punoi si mësuese e gjuhës dhe letërsisë në disa shkolla të rrethit dhe në Tiranë, ku gëzonte respektin dhe dashurinë e nxënësve, prindërve dhe kolegëve të saj.
Figura e mësuese Lefterisë plotësohet edhe me aktivitetin e saj si aktiviste shoqërore me gratë. Mënyra e të komunikuarit, aftësia për të ndikuar në zgjidhjen e problemeve të grave, zgjerimi i horizontit të tyre për krijimin e marrdhënieve të shëndosha në familje dhe puna me durim për të rritur rolin edukues të nënave të reja, e bënë atë shumë te njohur e të respektuar. Ajo ishte e zgjedhur në Kryesinë e Gruas të rrethit Kolonjë për shumë vite dhe anëtare e Këshillit të Përgjithshëm të Grave të Shqipërisë për dy legjislatura.
Për mësues Petraqin dua të veçoj faktin që me sa pasion e dashuri shpjegonte gjuhën shqipe dhe letërsinë . Shumë nga moshatarët e mi nuk harrojnë përpjekjet e tij për t,i stimuluar nxënësit në leximin e librave artistikë. Rëndësi të jashtëzakonshme i kushtonte të shkruarit bukur dhe drejtshkrimit të gjuhës shqipe. Korrektësia ishte tipari që e karakterizoi mësues Petraqin gjatë gjithë kohës së punes, si mësues, si drejtor shkolle dhe si inspektor në Drejtorinë Arsimore të rrethit.
Si prindër lindën, rritën dhe edukuan dy djem të mrekullueshëm, të cilët kanë trashëguar më së miri edukaten, korrektësinë dhe ndershmërinë e prindërve.
Me shumë mund e sakrifica, ata i studiuan të dy djemtë jashtë shtetit të cilët sot punojnë në Tiranë e janë dy kuadro të zot e të nderuar.
Mësuesit e mi të nderuar sot gëzojnë pensionin e tyre të rrethuar nga fëmijët, nip e mbesa të mrekullueshëm. Kur i takoj ndiej emocion e dashuri si para 40 vjetësh.
Shumë nga brezi ynë do të kishin dëshirë të jepnin një urim të bukur e t,i falenderonin për vlerat e mëdha që kanë si mësues e si njerëz. Ne ish nxënësit e tyre përulemi me respekt e mirnjohje për gjithë punën e tyre, për sakrificat e mundimet në profesionin e tyre kaq fisnik e dinjitoz , siç është mësimdhënia.
Liliana PereIng Informatic
President: InternationalOrganization.
” Albanian Woman in the World
Peace Missionary & Honorary Advisor of DMPP
Ulen tensionet në Shkup, tërhiqet vendimi për kryqin
Ne Foto:Pamje nga protestat kundër ngritjes së kryqit në Butel, 3 mars./
Marrëveshja e arritur ka evituar një përplasje mes dy grupeve, atij të udhëhequr nga BDI-ja që kundërshtonte ngritjen e kryqit dhe një grupi tjetër të maqedonasve që doli në mbrojtje të tij, por konfrontimi u parandalua nga forcat e shumta të policisë speciale, të cilat deri në mesnatën e së premtes kanë qëndruar mes deri grupeve deri në shpërndarjen e tyre të plotë.
Marrëveshja, siç bëri të ditur nënkryetari i BDI-së, Izet Mexhiti, është arritur me ndihmën e përfaqësuesve ndërkombëtar, por edhe në komunikim me institucionet ku bën pjesë edhe BDI-ja si pjesë e Qeverisë.
“Në komunikim me faktorin ndërkombëtar si dhe me institucionet jemi marrë vesh që të jetë një zgjidhje në frymën e marrëveshjes së Ohrit dhe duke respektuar parimin e Badenterit, apo votimin e dyfishtë pasi vetëm në këtë mënyrë mund ti shërbejmë marrëdhënieve të mira ndëretnike dhe ndërfetare”,deklaroi Mexhiti.
Ai tha se vendimi për largimin e tendave është marrë për të mos nxitur tensione të mëtejme, pasi të shtunën besimtarët ortodoks shënojnë një festë fetare dhe shumica e tyre duhej të kalonin pikërisht pranë vendit ku ata po protestonin.
Nga ana tjetër, nga komuna e Butelit, por edhe zyrtarë tjerë të partisë VMRO-DPMNE, të ish -kryeministrit Nikolla Gruevski kanë thënë se nuk do të heqin dorë nga ndërtimi i kryqit, por pa treguar format se i do të realizojnë këtë projekt që ka nxitur reagime të shumta.
Partitë opozitare dhe njohësit e çështjeve politike dhe të marrëdhëniet ndëretnike, tensionet e ngritura nga dy partitë në pushtet i kanë quajtur lojë për pikë politike dhe zhvendosjen e vëmendjen nga zhvillimet tjera në vend, në veçanti nga hetimi i nisur nga prokuroria speciale ndaj zyrtarëve të dy partive të dyshuar për veprime të ndryshme kriminale.
“Mendoj se është një manifestim i një dyfytyrësie të një partie politike shqiptare që është në pushtet. është një absurd i llojit të vet pasi nuk është regjistruar në asnjë demokraci botërore që një parti që është pjesë e pushtetit të protestoj kundër vendimeve të po atij pushteti”.
“E gjithë kjo ka efekte përcjellëse që janë menduar mirë nga partnerët e koalicionit. Një efekt i tillë është shpërqendrimi i vëmendjes së opinionit nga hetimi do të thosha edhe historik i korrupsionit në Maqedoni pasi nuk ka ndodhur deri më tani të ketë një hetim të paanshëm dhe profesional sikur ky që po zhvillohet nga prokuroria speciale“, thotë analisti Xhelal Neziri.
Aktivistja e të drejtave të njeriut, Mirjana Najçevska, thotë se vendimet për vendosjen e simboleve ishin të paligjshme ndërsa veprimin e partive në pushtet e quan gjithashtu të palogjikshëm, pasi dy partitë, sipas saj, problemet duhet t’i zgjidhin në institucione dhe jo të dalin në rrugë.
“Nëse nisemi nga fakti se BDI dhe VMRO DPMNE janë pjesë e qeverisë atëherë kjo nënkupton se çdo problem duhet a shqyrtojnë në kuadër të institucioneve. Si mund të flasim për koalicion qeveritar, si mund të flasim për institucione kur pikërisht drejtuesit e tyre dalin në rrugë për të matur forcat. Vlerësoj se dy partitë me vetëdije shumë të lartë nxisin tensione ndëretnike dhe ndërfetare me qëllimin e vetëm ikjen nga përgjegjësia për veprat e bëra kriminale“, thotë Najçevka.
Ajo vlerëson se asnjë vendim nuk mund të merret jashtë normave të përcaktuara me ligj. Sipas saj , asnjë simbol nuk mund të vendoset pa respektimin e mendimit të opinionit, pa respektimin e ligjit, pa respektimin e parimit të Badenterit, që është normë e paraparë me marrëveshjen e Ohrit.
Tensionet për vendosjen e kryqit pasuan një vendim të mëparshëm të BDI-së për vendosjen e një simboli me shqiponjën, në komunën e Çairit, të banuar kryesisht me shqiptarë.
Kosova realitet i pakthyeshëm dhe paqe e fituar, një miqësi e përjetshme me SHBA-në
-Presidentja e Republikës, Atifete Jahjaga: Kosova është një realitet i pakthyeshëm; një paqe e fituar pas një lufte të gjatë e të rëndë; një liri për të cilën është sakrifikuar; një miqësi e përjetshme me SHBA-në që kanë qëndruar kaq pranë nesh në secilin kapitull të shtetndërtimit/
-Kosova nderon Epopenë e UÇK-së. Para 18 viteve raportoja nga Kosova: Prekazi po qëllohet edhe me topa të rëndë. Presidenti Ibrahim Rugova kërkon mbrojtje ndërkombëtare për Kosovën/
Nga korrespondenti në Kosovë i Gazetës DIELLI, Behlul JASHARI/
PRISHTINË, 5 Mars 2016/ Kosova është një realitet i pakthyeshëm, një paqe e fituar, tha Presidentja e Republikës, Atifete Jahjaga sot në manifestimin e Epopesë së Ushtrisë Çlirimtare të Kosovës, në Kazermën e FSK-së Adem Jashari në Prishtinë.
“Në këtë ditë të veçantë të Kosovës po nderojmë me respekt të gjithë ata që ranë në altarin e lirisë dhe njëkohësisht po kujtojmë me shumë nderim gjenerata të tëra që bënë sakrifica sublime për lirinë, pavarësinë dhe paqen e Kosovës”, tha ajo.
Ne qytetarët e këtij vendi, vijoi Jahjaga, përkulemi përpara sakrificës dhe heroizmit të atyre burrave e grave që Kosovën e deshën me dashuri, që e panë të lirë dhe të përparuar dhe që i dhanë më të shtrenjtën për të nesërmen e gjeneratave të reja.
“Kosova është amaneti dhe forca e tyre dhe guximi ynë për ta bërë vendin e ëndrrave për të gjithë ata që jetojnë në të, pa dallim, të dinjitetshëm dhe të barabartë. Është atdheu i njerëzve të lirë; një vend që diversitetin etnik, kulturor e fetar e ka shndërruar në vlerën më të madhe të shoqërisë, një vend në paqe me të gjithë”, tha presidentja kosovare.
Ajo theksoi se, sot është dita që simbolizon bashkimin e qytetarëve të Kosovës rreth një synimi të përbashkët, për ndërtimin e një vendi të zhvilluar e të përparuar, demokratik e shumë kulturor, është dita kur duhet më shumë respekt e dashuri për atdheun, pa e sfiduar demokracinë e brishtë të tij.
“Sot është dita kur mendohet për të ardhmen e gjeneratave të reja: duke lënë anash dallimet politike, duke hequr dorë nga inatet dhe egot dhe duke punuar fort për realizimin e aspiratave tona, për një ekonomi të zhvilluar që mban të rinjtë brenda shtetit, për një shtet të së drejtës kur secili është i barabartë përpara ligjit, për një vend të begatë për secilin qytetar të tij”, u shpreh presidentja e Kosovës.
Është dita, vijoi Jahjaga, kur duhet të përmbyllim procese të rëndësishme për vendin, për të hapur perspektivat tona, përfshirë edhe shndërrimin e kësaj Force të Sigurisë së Kosovës në një Forcë të Armatosur, për të cilën do të vazhdojmë të jemi krenarë të gjithë.
“Sot është koha për Kosovën! Kosova është një realitet i pakthyeshëm; një paqe e fituar pas një lufte të gjatë e të rëndë; një liri për të cilën është sakrifikuar; një miqësi e përjetshme me SHBA-në që kanë qëndruar kaq pranë nesh në secilin kapitull të shtetndërtimit. Kosova është vlera e shtuar e stabilitetit dhe sigurisë jo vetëm në rajon, një forcë e pazëvendësueshme e fqinjësisë, garantuese e paqes për të gjithë që hap rrugën e integrimeve”, theksoi presidentja kosovare.
Kosova, përfundoi Jahjaga, është edhe dhimbja edhe krenaria e përbashkët dhe prandaj është fuqia jonë për të dëshmuar se mund ta bëjmë ëndrrën e të gjithë atyre që sakrifikuan për të – realitetin më të mirë.
Në Kazermën e FSK-së Adem Jashari në Prishtinë, nën patronatin e qeverisë së Kosovës e me pjesëmarrjen e krerëve të shtetit, u mbajt sot manifestimi qendror në kuadër të aktiviteteve për shënimin e 18 vjetorit të Epopesë të Ushtrisë Çlirimtare të Kosovës.
Kuadratet e njësive të Forcës së Sigurisë së Kosovë ishin të rreshtuara gjatë gjithë manifestimit, ku morën pjesë edhe kryetari i Kuvendit, Kadri Veseli, kryeministri Isa Mustafa, presidenti i zgjedhur Hashim Thaçi, si dhe përfaqësues të pranisë ndërkombëtare në Kosovë..
Krerët e shtetit e të FSK-së vendosën kurora me lule pranë Obeliskut të dëshmorëve, në nderim të të gjithë atyre që u flijuan për lirinë e Kosovës.
Në manifestim foli edhe komandanti i FSK-së, gjenerallejtant Rrahman Rama, duke vlerësuar të tashmen dhe të ardhmen e forcës kosovare, ndërsa përshëndeti përfaqësuesi i familjes heroike Jashari nga Prekazi, Rifat Jashari, duke theksuar idealin e të ranëve për liri dhe pavarësi.
Manifestimet treditëshe në Kosovë përmbyllen me ndezjen e flakadanëve në Kompleksin Përkujtimor në Prekaz e me Natën e Zjarreve, me program kulturor-artistik në Sheshin Adem Jashari në Skenderaj.
Para 18 vitesh, në 5 mars 1998, kam raportuar nga Kosova se forca të mëdha serbe të blinduara kishin filluar që në mëngjes një sulm kundër shqiptarëve në Drenicë.
Forcat serbe kishin zënë pozicione dhe ishin fortifikuar rreth Prekazit dhe qëllonin me armë të kalibrave të ndryshëm mbi vendbanimet shqiptare. Prekazi po qëllohej edhe me topa të rëndë, dëshmonin burime nga vendi i ngjarjeve, ndërsa ishin vënë në përdorim edhe helikopterë dhe nga veriu vinin njoftime se forca të reja ushtarake dhe policore serbe po hynin në Kosovë nëpër luginën e lumit Ibër drejt Mitrovicës dhe nga Merdare drejt Podujevës.
Në 5, 6 e 7 mars 1998, në Epopenë e Prekazit, në mbojtje të pragut të shtëpisë dhe Kosovës, në luftën për liri dhe pavarësi, ranë heroikisht 56 anëtarë të Familjes Jashari, 20 prej tyre të Familjes së ngushtë të Komandantit Legjendar të UÇK-së, Adem Jashari, në përballje me sulmin e egër të forcave serbe të kasapit të Ballkanit, Millosheviç, i cili ka përfunduar në Gjykatën Ndërkombëtare për Krime Lufte në Hagë.
Presidenti historik i Kosovës, Ibrahim Rugova, në 6 mars 1998, në një konfrencë shtypi në Prishtinë para rreth 200 gazetarëve të huaj dhe vendas, prej ku raportoja, përsëriste thirrjen drejtuar bashkësisë ndërkombëtare për të ndërhyrë pa humbur kohë tek autoritetet serbe dhe për t’i dhënë fund menjëherë gjakderdhjes. Rugova kërkoi që çështja e Kosovës të shqyrtohet urgjentisht në Këshillin e Sigurimit të OKB-së dhe Kosova të merret urgjentisht nën mbrojtjen ndërkombëtare – duke lënë të nënkuptohet edhe mbrojtjen ushtarake.
Kosovë-Thaçi, urohet nga Engel me telefon
PRISHTINË, 4 Mars 2016/ Presidenti i zgjedhur i Republikës së Kosovës, Hashim Thaçi, ka shkruar sonte në ‘facebook’:“Sapo mora një telefonatë nga Kongresmeni Eliot Engel, mik i madh i Kosovës, me urime të ngrohta dhe një premtim për bashkëpunim të ngushtë në vitet e ardhshme për forcimin e partneritetit në mes Kosovës dhe SHBA-së, si dhe për implementimin e axhendës tonë euroatlantike”.Thaçi u zgjodh president i ri i Kosovës në seancën e jashtëzakonshme të Kuvendit në 26 shkurt, ndërsa në 7 prill jep betimin dhe merr detyrën./b.j/
- « Previous Page
- 1
- …
- 350
- 351
- 352
- 353
- 354
- …
- 482
- Next Page »