Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Mesazh urimi i Presidentit Nishani me rastin e Vitit të Ri 2016

by

Tirane, 31 dhjetor 2015/
Të dashur bashkëqytetarë,/
Të dashur shqiptarë kudo ndodheni,/
Motra dhe vëllezër,/
Mirëmbrëma të gjithëve!/
Sonte është nata kur shqiptarët mblidhen në familjet e tyre, mblidhen me miqtë dhe të dashurit e zemrës rreth tryezave të gëzimit, shpresave dhe ëndrrave të reja për t’i jetuar së bashku orët, minutat dhe sekondat e ndarjes me vitin e vjetër dhe takimit me vitin e ri.
Sonte është nata e miliona urimeve për një vit më të mirë, më të mbarë, më të begatë, që të gjithë shqiptarët shkëmbejmë me njëri-tjetrin në të katër anët e globit.
Kjo është një natë e madhe e bashkimit dhe solidaritetit tonë njerëzor e shpirtëror, tashmë një traditë e shtrenjtë e krijuar prej vitesh.
Ndaj e ndiej si privilegj të marr pjesë sërish në këtë festë të madhe me urimet e mia më të përzemërta për të gjithë ju bashkëkombasit e mi.
Nata e ndërrimit të viteve është një natë gëzimi veçanërisht për fëmijët.
Janë ata që festojnë me shumë dhe krijojnë atë atmosferë të mrekullueshme pa të cilën kjo mbrëmje nuk do kishte këto ngjyra kaq të larmishme dhe të bukura.
Ndaj dhe urimi i parë u shkon atyre: Gëzuar gjithë fëmijëve të Shqipërisë, t’i kemi me jetë, të bukur, të shëndetshëm, të qeshur, të lumtur, plot dritë si e ardhmja që ëndërrojmë të ndërtojmë!
Dua të veçoj ata bashkatdhetarë që për një arsye apo një tjetër nuk janë pranë familjeve të tyre, nuk festojnë në vatrat e ngrohta familjare.
Kam parasysh të sëmurët në spitale, kam parasysh të gjitha ata që kjo natë i gjen në krye të detyrës: mjekët, infermierët, forcat e rendit dhe punonjës të sektorëve të tjerë duke qenë se vendi ka nevojë çdo çast për rend dhe shërbime.
Gjithashtu, një urim të veçantë në emër të mbarë shqiptarëve për forcat tona ushtarake në Afganistan që mbajnë lart flamurin tonë kombëtar kuq e zi në përpjekjen e madhe botërore për paqe, rend, siguri e përparim.
Gëzuar të gjithëve Vitin e Ri 2016!
Faleminderit për punën dhe sakrificën tuaj!
Urimi im për një vit më të mirë dhe më të gëzueshëm shkon edhe për çdo familje që sot u mungojnë të afërmit e tyre, për jetimët, për të ngujuarit, për të pamundurit për të gjithë ato familje që sot ndodhen në vështirësi ekonomike dhe nuk i kanë mundësitë që do të donin.
Qoftë viti 2016 viti i shpresës dhe lajmeve të mira për ju!
Të dashur bashkëqytetarë,
Motra dhe vëllezër,
Dymijë e pesëmbëdhjeta që po lëmë pas ishte një vit jo i lehtë, që shënoi suksese por edhe vështirësi.
Evropa, dhe jo vetëm u trondit nga aktet terroriste që u rrekën të godasin vlerat sublime që ne gëzojmë sot, të cilave të gjitha kombet e civilizuara e liridashëse iu përgjigjën në solidaritet të plotë.
Ky është momenti për të evokuar edhe një herë me bindje të plotë se së bashku do të mundim çdo të keqe e kërcënim që i kanoset të ardhmes e të mirës sonë të përbashkët.
Por sonte është momenti edhe për të kujtuar dy ngjarje që e bëjnë vitin 2015 një vit historik për Shqipërinë dhe kombin shqiptar.
Kombëtarja shqiptare u kualifikua për herë të parë në historinë e saj në kampionatin evropian që do zhvillohet në qershor të këtij viti në Francë duke gëzuar një komb të tërë. Ne tashmë e kemi arritur synimin tonë, por të ëndërrosh për më shumë nuk është një ëndërr në diell.
Prandaj urimi im për heronjtë tanë, por edhe të gjithë tifozët kuq e zi është për një paraqitje sa më dinjitoze të ngjyrave tona në Francë.
Gjithashtu, dy javë më parë Nënë Tereza u shpall zyrtarisht shenjtore nga Papa Françesku, duke bërë sërish krenar mbarë kombin shqiptar, të cilit kjo grua e rrallë i përkiste, siç e thoshte vetë, nga gjaku dhe origjina.
Midis këtyre ngjarjeve, ku kulmon gëzimi dhe krenaria jonë, ka me dhjetëra dhe qindra të tjera me vlerë kombëtare, ku do veçoja 25 vjetorin e shembjes së komunizmit në Shqipëri, ngjarje e cila përcolli edhe një herë një mesazh të fortë dhe të qartë mbi të ardhmen evropiane të Shqipërisë.

Motra dhe vëllezër,

Fatkeqësisht shumë nga bashkëqytetarët tanë, kryesisht të rinj, u larguan nga atdheu për një jetë më të mirë gjatë këtij viti. Eksodi i ri i shqiptarëve e shënoi vitin 2015 po aq sa ngjarjet që përmendim, duke na shkaktuar dhimbje.
Mendimet dhe urimet e mia shkojnë sonte për të gjithë ata që janë larguar, bashkë me thirrjen e sinqertë për të mos e braktisur vendin, por për t’i dhuruar gjithë talentin dhe shpresën e merituar Shqipërisë që na përket të gjithëve.
Vështirësitë dhe dramat e qytetarëve le të jenë një apel i ri për vendimmarrësit, për drejtuesit e institucioneve dhe për politikanët në veçanti për të bërë atë që presin shqiptarët prej tyre.
Reforma në Drejtësi, lufta ndaj korrupsionit dhe arbitraritetit, një vëmendje më e madhe për realitetet e shtresave në nevojë përbëjnë imperativin e kohës për Shqipërinë dhe përgjegjësinë tonë të drejtpërdrejtë ndaj brezave të ardhshëm, ndaj fëmijëve tanë.
Nuk ka më kohë për retorikë, për konfliktualitete të panevojshme. Vendi ka nevojë për më shumë punë, për më shumë shpresë, për më shumë dialog. Vendi ka nevojë për më shumë pozitivitet.
Urimi im dhe besoj i gjithë shqiptarëve është që Viti 2016 të shënojë një kthesë të fortë e pozitive në gjithë politikë-bërjen në vend në shërbim të vlerave të dinjitetit njerëzor të gjithësecilit, të lirisë, të barazisë para ligjit, të solidaritetit, të shërbimit me devotshmëri të qytetarëve të vendit, halleve të tyre të përditshme.

Të dashur bashkëqytetarë,

Tani numërimi mbrapsht i minutave ka filluar. Të gjithë ju po bëheni gati të tokni gota dhe të shkëmbeni përqafimet e momentit të ndërrimit të viteve.
Më lejoni t’ju uroj nga zemra të gjithëve Gëzuar Vitin e Ri 2016!
Qoftë një vit i mbarë e i begatë për ju, familjen tuaj, të afërmit tuaj e miqtë tuaj, një vit i mbushur me më shumë dashuri, përkushtim dhe solidaritet në familjet tona, në shoqërinë tonë, në Shqipërinë tonë.
Zoti e bekoftë Shqipërinë dhe shqiptarët! Gëzuar!

Kosovë-2016-ta, vit i ndryshimeve

by

*President Jahjaga’s 2016 New Year’s Message /
* Ambasadori amerikan Delawie: Do ta bëjmë suksesin e madh realitet në vitin 2016/
* Veseli: 2016-ta, qoftë një vit i mirëqenies dhe i mbarësisë /
* Mustafa: 2015-ta me suksese, 2016 vit i punës, shpresës dhe besimit/
PRISHTINË, 31 Dhjetor 2015/ Presidentja e Republikës së Kosovës, Atifete Jahjaga në mesazhin me rastin e Vitit të Ri 2016 shprehet se, ky vit që po e përmbyllim na dëshmoi se kemi shumë punë para nesh, shumë pritje për t’i përmbushur. “Megjithatë, ishte vit që na bashkoi në kërkimin e një Kosove ndryshe”, theksoi ajo.
Ne, vijoi Jahjaga, nuk jemi dorëzuar kurrë, as atëherë kur përndiqeshim, as tash kur lista e prioriteteve sa vjen e rëndohet.
“Nuk kam asnjë dyshim që me gjithë këtë forcë dhe kurajo dhe me dashurinë që të gjithë e ndjejmë thellë në zemrat tona për Kosovën shtetin tonë, viti 2016 do të jetë vit i ndryshimeve. Për një jetë me te mire”, tha presidentja kosovare.
Ne, shtoi ajo, kemi vlera të palëkundura, forcë të hatashme dhe parime të qarta. “Ato do te vazhdojnë të jenë udhërrëyesi ynë në këtë vit të ri”, përfundon Jahjaga me urimin gëzuar Vitin e Ri./b.j/
***
President Jahjaga’s 2016 New Year’s Message
Honourable citizens of the Republic of Kosovo
I wish you a very successful New Year, in good health, wellbeing, in comfort and abundance in your families.
The year we are leaving behind proves that there is still a lot of work ahead of us, lots of expectations to fulfil. However, it was a year which got us all together, in search for a different Kosovo.
We have never given up, not then when we were persecuted, and not now when the list of priorities keeps on getting longer and longer.
I have no doubt that with all this strength and love which we all feel deep in our hearts for Kosovo, for our state, that 2016 will be a year of changes. For a better life.
We have unwavering values, immense strength and clear principles. They will continue to be our guide during the New Year as well.
I wish you pleasant holiday and a Happy New Year.
***
Ambasadori amerikan Delawie: Do ta bëjmë suksesin e madh realitet në vitin 2016
PRISHTINË, 31 Dhjetor 2015-B.Jashari/Ambasadori i Shteteve të Bashkuara të Amerikës në Kosovë, Greg Delawie, në një mesazh të dërguar nga Ambasada në Prishtinë uron Vitin e Ri 2016 duke paralajmëruar realizimin e suksesit të madh.“Do të vazhdoj ta mbështes Kosovën në rrugën e saj si shtet shumetnik, demokratik, me një të ardhme në qendër të Evropës. Së bashku, ne do ta bëjmë suksesin e madh realitet në vitin 2016!”, thekson mesazhi i ambasadorit amerikan në Kosovë, për Vitin e Ri.

***
Veseli: 2016-ta, qoftë një vit i mirëqenies dhe i mbarësisë

PRISHTINË, 31 Dhjetor 2015/ Me rastin e Festës së Vitit të Ri, kryetari i Kuvendit të Republikës së Kosovës, Kadri Veseli, ka uruar të gjithë qytetarët e Republikës së Kosovës.
“Në prag të ndërrimit të motmoteve, qëndrova në familjen e Fadil Rexhepit në Gadime të Epërme të Lipjanit, veteran i UÇK-së. Olsës së vogël, e cila ishte fëmija i parë i lindur në Kosovë në vitin 2015, i urova ditëlindjen e saj të parë.
Me këtë rast, dëshiroj që në emër të Kuvendit të Republikës së Kosovës dhe në emrin tim, të gjithë qytetarëve tanë, grave dhe burrave, fëmijëve, të rinjve dhe të moshuarve, shërbyesve civilë, punëtorëve të sektorit privat dhe sipërmarrësve, arsimtarëve, studentëve, profesorëve universitarë, mjekëve, fermerëve, veteranëve të UÇK-së, familjeve të dëshmorëve, policëve dhe ushtarëve të Kosovës, qytetarëve me nevojave të veçanta, bashkatdhetarëve tanë kudo në botë, Gëzuar Viti i Ri 2016!
Qoftë një vit i mirëqenies në familjet tuaja dhe i mbarësisë në punë e shoqëri!”, thuhet në urimin e kryeparlamentarit Veseli.
Mustafa: 2015-ta me suksese, 2016 vit i punës, shpresës dhe besimit

PRISHTINË, 31 Dhjetor 2015-B.Jashari/Republika e Kosovës po e përmbyll edhe një vit me suksese, pavarësisht nga vështirësitë e saj, tha kryeministri Isa Mustafa, në mesazhin me rastin e Vitit të Ri 2016.“Nënshkruam Marrëveshjen e Stabilizim Asocimit, hap i madh i Kosovës në proceset integruese për zhvillimin e vendit”, theksoi fillimisht ai.
Ai theksoi se janë bërë reforma të mëdha, të cilat shtruan rrugën për rritje të qëndrueshme ekonomike dhe punësim, në vitet në vijim.
“Siguruam pensionet për veteranët e UÇK-së, rritëm ndjeshëm asistencën sociale dhe pensionet për prindërit tanë kontributdhënës, të cilët na sollën këtu ku jemi, me sakrifica të paimagjinueshme. Në vendin tonë vazhdon të dominojë optimizmi, vullneti, dashuria dhe solidariteti për njëri-tjetrin”, u shpreh Mustafa.
Gjatë këtij viti, vijoi ai, u ballafaquam me sfida dhe situata të paparashikuara, ishim dëshmitarë të tensioneve të rënda politike.
“Besoj shumë se është koha e duhur që të gjithë t’i kthemi traditës tonë mbresëlënëse politike të unitetit dhe konsensusit politik, në periudha të rëndësishme për vendin. Gjërat që na bashkojnë janë shumë më shumë sesa ato që na ndajnë”, tha kryeministri kosovar.
“Jemi në prag të liberalizimit të vizave, të avancimit të proceseve tjera integruese euroatlantike, të transformimit të FSK-së në Forcë të Armatosur të Kosovës. Vendet mike, në krye me SHBA-të, po bëjnë përpjekje maksimale që ta bëjnë Kosovën anëtare të Kombeve të Bashkuara”, theksoi kryeministri Mustafa.
Ai u shpreh besimplotë se Viti i Ri 2016, do të jetë vit i punës, shpresës dhe besimit. “Vit i mirëkuptimit tonë! Është çasti më i duhur që të reflektojmë së bashku dhe që me forcën e vullnetit me të cilën fituam lirinë dhe krijuam shtetin, të angazhohemi që ta bëjmë Republikën e Kosovës anëtare të denjë të familjes së madhe evropiane”, tha kryeministri kosovar, Mustafa.

TAP, në vendin e shtatë

by

Investimet më të rëndësishme botërore, në vendin e shtatë gazsjellësi TAP/
Prej 7 vitesh bota është duke u përballur me krizën më të thellë ekonomike që nga Lufta e Dytë Botërore. Për shumë ekonomistë, rrugët për daljen nga kjo situatë kalojnë nga investimet madhore, në projekte të cilat modernizojnë ekonomitë, rrisin potencialin e tyre për t’u zhvilluar dhe gjenerojnë vlerë të shtuar.
Por cilat do të jenë veprat më të mëdha të vitit 2016? 
Gazeta e mirënjohur ekonomike “Il Sole 24 Ore” ka bërë një klasifikim të 10 investimeve më të mëdha botërore që priten për vitin e ardhshëm. Mes tyre, i shtati renditet një projekt që kalon në Shqipëri, gazsjellësi Transadriatik. Sipas gazetës, në vendin e parë është hekurudha me ngritje magnetike që do të lidhë qytetin e Osakës me Tokion, në Japoni. Kjo vepër nis vitin tjetër dhe do të kushtojë 38.5 miliardë dollarë, duke qenë kështu hekurudha më e kushtueshme e botës. 
Në vendin e dytë do të jetë tuneli Agua Negro në Argjentinë, i cili do të ketë një gjatësi 14 kilometra dhe kosto 1.4 miliardë dollarë. Pas tij renditen me radhë aeroporti i ri i Sidnejit, pista e tretë e aeroportit të Hong Kongut dhe metroja e re e Parisit. Të gjitha këto janë investime të cilat kanë kosto miliarda dollarë. Lista vazhdon me projekte të tjera madhore nga Kenia e deri në Gjeorgji. Për gazsjellësin Transadriatik, gazeta thekson se do të jetë 870 kilometër i gjatë, i cili nis në Turqi dhe përmes Greqisë e Shqipërisë përfundon në Pulia të Italisë. Projekti, punimet e të cilit kanë nisur sakaq, por që vitin tjetër do të jenë masive, pritet të kushtojë mbi 2 miliardë dollarë duke i dhënë akses tregjeve europiane në gazin e kaspikut. FMN, Banka Botërore dhe institucionet e tjera financiare më prestigjoze të botës vlerësojnë se do të jetë pikërisht ky projekt që do të mbajë barrën kryesore të rritjes së parashikuar ekonomike të Shqipërisë për vitin e ardhshëm. Madje, ai cilësohet si një nga faktorët kryesorë që mund të zgjerojë potencialin e ekonomisë për të gjeneruar rritje më të shpejtë gjatë viteve në vijim.

Një lajm dhe …një fotografi, si Kartolinë për Politikanët e shtetarët Shqiptarë

by

Shoqëria për të Drejtat e njeriut me seksionin e saj në vendin tonë ka mundësuar ndihma për familjet në nevojë për disa bashki të vendit. Kryetari i siksionit z. Mark Palaj ka mundësuar shpërndarjen e pakove tek familjet më në nevojë, për të zbutuar sado pak problemet jetike që rëndojnë tek disa shtresa të shoqërisë.
Pas fshatit Shtyllas në qytetin e Fierit, ku janë ndihmuar disa familje, në Mamurras të cilat përjetojnë mjaft kushte të rënda. Madje Mark Palaj sapo është ballafaquar me gjendjen e rënduar të pesë vëllezërve Gashi ai menjëherë ka bërë apl strukuturave qeveritare të njihen me problemet e thella, o Zot na ruaj mos të ripërsëritet fakti i ndonjë viktime si dy fëmijëve në Tiranë dhe Durrës.
Pesë vëllezërit Gashi jetojnë në dy baraka të shkatërruara, të ftohtët depërton në ambjentet e barakave, aty ku dhe fëmijët t’i gëzohen dhuratave nga babagjyshi i Vitit të Ri, por më së shumti i gëzohem kafshatës që i mungon, apo dhe mungesës së rrobave të trupit.
Me ardhjen e ndihmave nga Shoqëria Internacionale e krijuar në vendin tonë në muajn korrik, duket për familjen Gashi në Mamurras është dhurata më e çmuar në prag të festave në këtë fundvit.
Marka Palaj Kryetar i Shoqërisë Internacionale ka premtuar donacione dhe pas fastave në disa zona të tjera në vendin tonë, misioni i tyre do të vijojë si kusht i domosdoshëm nga konvetat e të Drejatve të Njeriut të miratuara nga Këshilli i NATO-s.(Ahmet Zani)
***
Ky ishte lajmi, ndersa fotografine shiheni dhe gjykojeni vete. Ja sfondi, ja shtepia, ku jeton kjo familje. Varferi e skajshme qe flet shume per meritat e klases politike tranzitive shqiptare.Shikoni se ku jeton kjo familje dhe kujtoni Qeverine, Parlamentin, kriminelet me mandat, kaubojsit, killerat…hajnat. Shiheni se ne ambjent mizerabel rriten keta femije….Por jo vetem ata… A nuk do te ishte nje Kartoline simbolike kjo per deputetet(jo vetem per ata qe jane inkriminuar), per Kryeministrin, Kryeparlamentarin, parlamentaret, ministrat….I keni pare keto dite shfaqjet e shpifura me pakot e vitit te ri, ku rreken te shfaqin bujari e meshire…te pshtire?!

Me të njëjtin fat si antikomunistë….

by

Nga Beqir SINA – New York/ Një fotografi* e marrë afro pesëdhjetë vjetë më parë, sjell shumë kujtime të kohës dhe vërteton thënien aksiomatike: një foto vlen më shumë se njëmijë fjalë.Foto shoqëruse derguar nga pedagogu Mithat Gashi sjell në kujtesë veprimtarinë e nacionalistëve shqiptarë në Nju Jork në 1968.
Shkas për t’iu referuar kësaj fotografie shërbeu veprimtaria promovuse e 13 Dhjetorit 2015, kur në selinë e Federates Panshqiptare e Amerikës VATRA, vatranët dhe një grup veprimtarësh të dalluar të komunitetit, do të promovonin librin “Vetvrasja e një Kombi”, me autor Kol Bib Mirakaj, njëri prej protagonistëve kryesorë të ngjarjeve të periudhës kritike për Shqipërinë e viteve të Luftës së Dytë Botërore.
Ky liber me 250 faqe është botuar nga Shtëpia Botuese Fiorentina në Shkoder. Librin e pat lënë në dorëshkrim autori, Kol Bib Mirakaj, të cilin e kishte pvrfunduar që në vitin 1951, por që vetëm tani pa dritën e botimit dhe i është vënë në dispozicion lexuesve dhe historianëve.
Libri është botuar nga i biri, ish i burgosur politik i Diktaturës Komuniste, anëtar i Këshillit të Vatrës, Lek Mirakaj.
Krahas ligjërusëve me këtë rast u ekspozuan edhe dokumente të pa botuara ndonjëher,siç ishte edhe kjo fotografi – në të cilën janë disa nga figurat historike të patriotizmit, atdhetarisë dhe intelektual të shquar.
Krerë të njohur të ideve nacionaliste anti-komuniste, figura më eminente të kohës dhe disa nga ikonat e Lëvizjes anti-komuniste, në atë kohë, të cilat së bashku me Kol Bib Mirakën – ishin nga ato që e sfiduan regjimin e Enver Hoxhës në mërgim.
Në këtë fotografi duke filluar simbas renditjes së saj – nga e majta duken Tahir Kolgjini , Zef Sadria Kapiti , Mark Perpepaj , Gjon Gjinnaj , Prendush Coli, Zef Balaj, Prenge Tomaj , Ismajl Verlaci , Ago Agaj , kapidani i Mirditës Ndue GjonMarkaj .
Kjo fotografi tregon njëri prej pjestarëve të saj – që është gjallë, “ është bërë tek vorri i Kol Bib Mirakës, nga nji grup i antarëvet të Bllokut Kombëtar Independent, në vitin 1968, në Nju Jork”.
Me të njëjtin fat si anti-komunistë….
Duke shfletuar Wikpedia studiues të kësaj lëvizje anti komuniste kan shkruar se pas disa muajsh të jetesës së tyre në kushte tepër të vështira nëpër kampe, pothuajse krejt të braktisur e të lodhur, në kërkim të mundësive të reja e të kompletuara akomoduese e intriguese, mbi 1100 emigrantët që ndodheshin në Itali, u përqendruan dhe krijuan një komunitet politik anti-komunist në Kalabri, në Komunën Rexhio Emilia.
Ky shembull, nxiti edhe ekzilantët që ndodheshin në shtetet e tjerë, të cilët nisën të braktisin kampet e të organizohen.
Fill pas këtij përqendrimi, nën një petk optimizmi e vëllazërie njerëzish me të njëjtin fat, ekzilantët politikë nisën veprimtarinë e tyre, duke u organizuar në parti dhe grupime politike, të “parcelizuar” sipas bindjeve tradicionale, fillimisht në partitë “Balli Kombëtar” dhe “Legaliteti”.
Në kampet italiane psh, në muajin Dhjetor 1948, Partia “Balli Kombëtar” arriti të kishte mbi 200 anëtarë, ku liderë kryesorë u zgjodhën individët e njohur Mit’hat Frashëri, Mehdi Frashëri, Hasan Dosti.
Organizime të tilla politike u bënë nga ballistët edhe në Greqi, ku u krijua organizata “Grushti Ballist”, drejtuar nga Abaz Ermenji, Hamit Matjani etj. Po kështu në Egjipt, u shfaqën me përfaqësim politik përkrahësit e njohur të Mbretërisë Shqiptare, Abaz Kupi, Zenel Shehu etj, të cilët rithemeluan “Partinë e Legalitetit” në emigracion. Në përbërje të kësaj partie, Fiqiri Dine, ish-Kryeministër i Qeverisë së Regjencës, krijoi një degë në Itali. Po kështu, krerë të tjerë të njohur të ideve nacionaliste anti-komuniste, si Kol Bib Mirakaj (ish-Ministër i Brendshëm i Qeverisë së Regjencës, Ernest Koliqi dhe Ismail Vërlaci, krijuan partinë “Blloku Indipendent”.
Ndërkohë, nën drejtimin e Seit Kryeziut, një grup të arratisurish nga familje të njohura shqiptare, krijuan grupimin “Partia Katundare”. Nën drejtimin e Ismail Bej Vërlacit u krijua partia “Blloku Indipendent”, ku figura kryesore ishin edhe Mustafa Kruja e Ernest Koliqi. Kjo nismë, u pasua nga krijimi i partisë “Grupi i Kosovës”, me drejtues Xhafer Devën.
Kështu ndodhi në të gjithë qytetet e shteteve ku kishte të arratisur politikë shqiptarë. Pas krijimit të organizatave politike, me krijimin e kushteve të përshtatshme ekonomike, ekzilantët iu rikthyen synimit të tyre vendimtar: luftë për përmbysjen e pushtetit komunist në Shqipëri. Ata hartuan plane të shumta për rrëzimin e Enver Hoxhës dhe rikthimin si fitimtarë në atdhe.(Ne foto:Tek Varri i Kol Bib Mirakes)