Komente – Page 407 – Dielli

Çdo të bëhet me urën?

June 25, 2015 by dgreca

Nga Gezim Llojdia/

1.E djathta mori një nga bastionet e hershme të së majtës sic është bashkia Selenica, që aktualisht ka marrë edhe gjysmën e Lumit të Vlorës,pra bashkia e re fillon në Topallti e përfundon në gjysmë të Lumit të Vlorës dhe komunat Armen, Vllahinë,Kotë,Sevaster,Brataj,janë pjesë e bashkisë që edhe për shumë kohë do të jetë një bashki modeste,për nga buxheti dhe investimet.

Menjëherë pas marrjes së këtij lajmi një intelektual hodhi në rrjete sociale pamjen e urës së Treblovës ku shfaqeshin dy këmbët e saj ende të papërfunduara,ndërsa pranë saj shkonte një udhë:Po tani kush do na e bëj uren.?! Pyeste komentuesi.Sa herë që kalimi i këtij vëndi do të bëhet i pamundur ,Treblova nuk do ta ndjej veten pjesë të bashkisë së Selenicës dhe ne do të kërkojmë autonominë…

Dëshpërimi i banorëve i shprehur hapur ka një bazë ,që vjen nga përvoja 20 e ca vjecare në qeverisjen e këtij vendi të vogël sa një lagje e New Jorkut,por që ka nxjerr mijëra halle e probleme.Sot shumë bashki apo komuna kanë funksionuar sipas parimit të njohur për 20 vjet,pra ne krejt ndryshe nga qytetërimi i botës, që kur vjen e djathta financion bashkitë e saj,e kundërta ka të njëjtin përkthim,pra kur e majta ka pasur qeverinë e saj ,financimet i merte e majta, etj,etj.

2.Kush ka shkuar në Sevastër,(emri i vjetër Kudhës –Gërhot,)do të shikojë investimet që ka sjell në këtë kodër ku ka qenë epiqendra e qytetërimit në një zonë të tillë kodrinore në lartësinë 613 m mbi det,kandidati fitues Përparim Shameti.Një rrugë e asfaltuar me të gjitha parametrat ndoshta e vetmja në krejt lumin e Vlorës.E djathta mori në zotërimin e saj një bashki, që i përket një zone historike të njohur .Dy qytete antike me monedhat e tyre,një qëndër e hershme si Hadëraj,Armeni.Qyteti antik i Amantias gjendet i shtrirë në kreshtën e një kodre mes dy majave në këmbë të një varg-kodrinash.Kjo qendër e hershme ilire e shtrirë në hapësirë dhe në kohë,sot gjenden rrënojat e saj në 15 ha të parkut arkeologjik të Amantiasë,lindur e lulëzuar në 10 shekuj në ndryshim e pasurim të vazhdueshëm.Monumentet në Amantia kanë një rëndësi kulturore dhe historike .Ato kanë një renditje që shkojnë nga shek VI ,para Kr.deri në shekujt e I pas Krishtit. Qytet tjetër është Olympe, rrënojat e së cilës ndodhen në fshatin e sotëm Mavrovë, në anën e djathtë të lumit Shushica, Qyteza antike e Olimpes, në fshatin Mavrovë, 40 km në juglindje të Vlorës.Sot qyteti antik i Amantia mund ta vizitosh si një njeri i qytetëruar.

Duke qenë se kam drejtuar këtë park,duhet thënë se P.Shametaj është intersuar dhe vijonë të interesohet në vijimësi për ta përhapur këtë kulturë ilire duke organizuar festa, takime sëbashku me Kryetarin e kontrollit të shtetit Bujar Leskaj.

Ai solli rrugën rreth 17 km ndonëse ishte premtime nga gjithfarë pushtetarësh dhe kilometrat e parë të saj filluan të shtrohen me ziftë, qysh në vitin ’92.

Duke dalur te pyetja e komentuesit.Udha e re me asfalt të ri,nuk fillon nga ura e Peshkëpisë, por rreth 15 km më larg,nga qafa e Dushkut.Dhe faktin që në mes gjëndet komuna Kotë e qeverisur për 15 vjet nga të majtët është tregues për të thënë se cfarë bënë ata për të marrë fonde për këtë udhë që ka e lënë Labërinë në gjëndjen e shpërfytyruar si në vitet e para, pas luftë së parë të përbotshme.Kështu krahina më e madhe dhe më kontribut të madh ndër kohëra e qytetërime mund të thuhet se qëllimisht është katandisur në këtë gjëndje pa udhë e braktisur më shumë se kurr në historinë e saj.Ndonëse krahina nxorri një duzinë deputetësh e ministra, askush nuk u kujdesë për ti bërë asaj udhë.Duke përmendur Kurveleshin e sipërmë pa udhë,atë të poshtmin gjithashtu duhet thënë se mazhoranca ka premtuar ndërsa kanë filluar punimet për rrugën e Kucit nga ana e bregdetit dhe rrugën e Kucit nga ura e Drashovicës që është edhe kufiri i filimit të krahinës së madhe të Labërisë. Rruga është një hapësirë e caktuar mbi të cilën lëvizin njerzia dhe mjetet aktualisht gjithë ky vend ka nevojë për rrugë,për ura etj.Pra cdo të bëhet me urën.Unw besoj se kryetari i ri ,që është njeri bashkpëunues do ta bëjë urën dhe do të sjelli në këtë zonë investime të tjera,që kanë munguar.

3.Është reale pyetja që ngrihet më sipër,pra cdo të bëhet me urën,ashtu sikurse shumë banorë të tjerë ne bashki te tjera kanë pyetur pasi kanë marrë vesh fituesit, se :çdo të ndodh me këtë udhë,cdo të bëhet më këtë investime,cdo të bëhet me këtë,atë etj,etj.

Udha,ura dhe të gjitha këto janë investime publike që i përkasin komunitetit dhe jo kryetarit.Bashkëpunimi për të mirën e komunitetit është dhe duhet të jetë në të mirën e të dy palëve,qeverisë dhe kryetarëve të zgjedhur nga forcat politike,pa haruar se në këtë mes ai, që e pëson është komuniteti. Pra cdo të bëhet më urën,besojë se ura do të përfundojë , shëmbulli i këtij drejtuesi për zonën ku ka qeverisur lë të kuptosh se ura do të përfundojë,ashtu si edhe rrugët ,ujësjellsat e të tjera punë që i presin,bashkiakët e rinj.

16 Vjecari nga Gjilani ka krijuar dy aplikacione për telefonat mobilë

June 22, 2015 by dgreca

Nxënësi i gjimnazit ‘Medreseja Alaudin’ në Gjilan , Emin Emini ka krijuar dy aplikacione të rëndësishme, të cilat tashmë janë aprovuar nga Apple dhe janë të gatshme për t’u shkarkuar për publik.Aplikacioni i parë ka të bërë me një ritual fetar Islam siç është dhikri – kujtimi i Zotit, duke recituar tekste të veçanta fetare. (Dhikr App https://appsto.re/us/AI9_7.i+ )Ndërsa i dyti ka të bëjë me abdesin. (Wudu App – Ablution https://appsto.re/us/bY_a8.i)

Fillimisht këto aplikacione paraqiten në gjuhen angleze, por së shpejti do të jenë edhe në gjuhën shqipe, boshnjake, turke, gjermane, frënge, spanjolle e të tjera.Emini është vetëm 16 vjeç, dhe sivjet vijon klasën e 12 në Medresenë e Gjilanit. Së fundi kjo shkollë është zgjedhur në e para në top 10 shkollat e mesme publike dhe private në Kosovë.

SOT ZGJEDHJE SHQIPTARE- AMBASADORI AMERIKAN NE TIRANE KUJTON VOTEN E TIJ TE PARE

June 21, 2015 by dgreca

Ambasadori Lu kujton votimin e pare/

“Më kujtohet hera e parë që votova, në 1984 në Kaliforni. Ishte e jashtëzakonshme të isha pjesë e diçkaje shumë më të madhe se unë dhe të ushtroja detyrën time si qytetar. Të votosh do të thotë të jesh pjesë e së ardhmes së kombit tënd. Unë shpresoj se të gjithë ju do të shkoni për të votuar të dielën.”

– Donald Lu, Ambasador i Shteteve të Bashkuara“I remember the first time I voted in 1984 in California. I loved being part of something bigger than myself and doing my duty as a citizen. Voting is about being part of your nation’s future. I hope you will all go out and vote on Sunday.”

– Donald Lu, U.S. Ambassador

Pozita dhe opozita nuk e shënojnë bashkë as 12 Qershorin

June 13, 2015 by dgreca

Data 12 Qershor paraqet një ditë sublime për popullin e Kosovës, ka deklaruar kryetari i Kuvendit të Kosovës, Kadri Veseli. Këto komente, ai i bëri në një seancë të veçantë të Kuvendit, kushtuar Ditës së Paqes, që për shumëkënd në Kosovë nënkupton edhe ditën e çlirimit. Në këtë datë, 16 vjet më parë, pas fushatës 78-ditëshe të bombardimeve mbi caqet ushtarake e policore serbe, rreth 50 mijë trupa të NATO-s patën zbarkuar në Kosovë, me çka i kishin dhënë fund dhunës që pushteti i Sllobodan Millosheviqit që po ushtronte mbi popullatën civile të Kosovës.Për të shënuar këtë datë, Kuvendi kishte thirrur një seancë të veçantë, ku në vend të debateve politike, u dëgjuan vepra të njohura artistike të kompozitorëve vendas e ndërkombëtar të interpretuar nga Filarmonia e Kosovës.

Me këtë rast, kryetari i Kuvendit, Kadri Veseli, ka thënë se kjo datë, paraqet ditën e triumfit të lirisë mbi shtypjen dhe tiraninë.

“Kjo është një ngjarje e veçantë në sallën e seancave plenare të Kuvendit të Kosovës. Një koncert festiv i Filarmonisë së Kosovës në nderim të 12 Qershorit. 12 Qershori është një ditë sublime për popullin e Kosovës, por edhe për vlerat e paqes dhe humanizmit. 12 Qershori është dita e triumfit të lirisë njerëzore mbi shtypjen dhe tiraninë”, ka thënë Veseli.

Megjithatë, edhe kjo datë nuk ka kaluar pa ndasi, të cilat për një kohë tashmë janë të pranishme në skenën e këtushme politike.

Opozita e ka bojkotuar këtë seancë. Sipas opozitës, koalicioni qeverisës edhe kësaj radhe është përpjekur që të organizojë solemnitete për të krijuar imazhe të rrejshme të gjendjes në Kosovë, përderisa popullata po ballafaqohet me varfëri të skajshme.

Deputeti Glauk Konjufca nga Lëvizja Vetëvendosje ka sqaruar se një prej arsyeve të mungesës së opozitës, ishte edhe refuzimi që në seancën e së premtës, përveç kryetarit të Kuvendit, të flisnin edhe përfaqësuesit e partive opozitare.

“Këto seanca simbolike, të cilat kanë filluar të shtohen kohëve të fundit, po bëhen sidomos nga kryetari i Kuvendit me qëllim që të shfrytëzohet Kuvendi i Republikës së Kosovës për ta krijuar imazhin e një Kosove pa probleme, si një vend në të cilin po lulëzon demokracia, po ka zhvillim ekonomik, po ka vende të punës, por ne jemi të bindur që saktësisht e kundërta është e vërtetë“, ka thënë Konjufca.

Seanca, është bojkotuar edhe nga dy subjektet tjera opozitare, Aleanca për Ardhmërinë e Kosovës dhe partia Nisma.

Përndryshe, 16 vjet pas çlirimit dhe 7 vjet pas pavarësisë së saj, Kosova vazhdon të përballet me sfida të shumta, përfshi zhvillimin ekonomik, shkallën e lartë të papunësisë, sundimin e rendit dhe ligjit si dhe sfidën e shtrirjes së sovranitetit në gjithë territorin e saj. Po ashtu, Kosova po ballafaqohet me probleme serioze në luftimin e krimit të organizuar dhe korrupsionit. Ngjashëm edhe me vendet tjera, Kosova po përballet edhe me sfidën globale të luftimit dhe parandalimit të ekstremizmit fetar.

Ndërkaq, nga aspekti i jashtëm, Kosova mbetet ende një vend që ka probleme me subjektivitetin e saj shtetëror. Mosnjohja e saj nga pesë vende anëtare të Bashkimit Evropian vazhdon t’i krijojë probleme në proceset integruese. Po ashtu, shteti më i ri evropian, mbetet edhe vendi më i izoluar në Evropë.

Kurse, kontestimi i shtetësisë së Kosovës nga ana e Serbisë që mbështetet nga Rusia si vend anëtar i përhershëm i Këshillit të Sigurimit, i pamundëson Kosovës që, tash për tash, të llogarisë në anëtarësimin e saj në Organizatën e Kombeve të Bashkuara. (Kortezi:Ziojadin Gashi?

VEZHGIM NE KOMUNITET: DY FESTIVALE FEMIJESH NE NJE DITE! PSE?

May 30, 2015 by dgreca

Te Dielen e 31 Majit 2015 organizohen dy veprimtari te emertuara si Festivale Femijesh. Njeri, eshte per nga mosha, nje vit me i madh se tjetri,dhe eshte emertuar”Festivali i Zerave te rinj” dhe ka per organizatore artisten Pranvera Cobo, tjetri eshte nje vit me i vogel dhe eshte emertuar si “Festivali i Shkollave Shqipe”. Ky i fundit u organizua per te paren here vitin e shkuar ne Bronx, nen kujdesin e Ish Konsullit te Pergjithshem te Republikes se Kosoves ne New York, diplomatit te shkelqyer Bekim Sejdiu, i cili eshte nga diplomatet me te mirepritur nga komuniteti shqiptar i te gjitha trevave ketu ne SHBA. Duke perfshire dhe femijet e vet ne kete ngjarje artistike, diplomati Sejdiu, pati perkrahje te gjere dhe veprimtaria pati pjesmarrje masive. Nje problem qe ha te diskutuar eshte emertesa e kesaj veprimtatrie artistike si”Festival”. Ai i ploteson kjo veprimtari kriteret e nje festivali apo eshte thjesht nje koncert me pjesmarrjen e grupeve te shkollave shqipe te Treshtetshit?! Ndoshat do te ishte me udhes te cilesohej si nje koncert festiv ne mbyllje te vitit shkollor sepse edhe programi i ndertuar, se paku ai i vitit te shkuar, pra Festivali i Pare, ishte konceptuar si i atille?! Gjithesesi eshte e drejte e organizatoreve qe t’i pagezojne veprimtarite ashtu sic u pelqen atyre,por duke qene se ky festival lindi nje vit pas Festivalit te Zerave te rinj, do te ishte mire qe te respektohej ai si me i hershmi.
Festivali i Zerave te Rinj, sipas organizatoreve, qe kane bere edhe disa takime me komunitetin shqiptar ne Nju Jork, synon qe pervec te kenduarit ne gjuhen e bukur shqipe dhe kercimit te valleve tradicionale shqiptare, te kete edhe nje lloje konkurimi, pra ka krijimtari te mirefillte te krijueseve shqiptare, ketu ne Diaspore, por edhe nga vendlindja. Do te kete cmime per artistet femije. Juria ka ne radhet e veta artiste te mirfillte te njohur ne kulturen Kombetare Shqiptare. Sivjet, kete Festival, pervec Televizioneve dhe medias se Komunitetit, do ta regjistrojne edhe TV amerikane dhe Televizioni Shteteror Shqiptar. Deri ketu gjithcka duket e rregullt, po cili eshte shqetesimi? Veprimtatri te tilla organizohen nje here ne vit dhe si te tilla marrin vlere, jo vetem ne syte e femijeve. Do te ishte mire qe femijet te ishin spektatore masiv ne te dy Festivalet. Mirepo kjo nuk eshte e mundur pasi organizatoret kane menduar te krijojne nje precedent perplasjeje; te dy ne te njejten dite, ne 31 Maj. E pyetem z. Gjergj Dedvukaj, pjesmarres ne Festivalin e Shkollave Shqipe, i sapokthyer nga Festivali Kombetar i Gjirokastres; se cfare mendonte ai per kete perplasje? A ishte normale qe te dy festivalet te organizoheshin ne te njejten dite? Natyrisht qe jo, tha ai, dhe shtoi: Nuk e di pse u krijua kjo perplasje. Une per vete nuk kam dijeni.
Pyetem organizatoret e Festivalit”Zerat e Rinj” se perse eshte krijuar kjo perplasje. Pergjigja e tyre: Nuk eshte faji yne, qe ne Shkurt, ne kemi cuar projektin tone ne Konsullaten e Kosoves, pasi ata jane marre me keto veprimatri dhe ne menyre te vecante me shkollat shqipe, dhe nuk paten asnje kundershtim. Nuk e dime se pse e lejuan kete perplasje?
Deshirojme qe kjo perplasje te mos ndodhe me vitin e ardhshem sepse femijet spektatore dhe prinderit e tyre mund t’i ndiqnin te dy veprimtarite, por jane vete organizatoret qe kane krijaur perplasjen. Kujt i intereson kjo perplasje? Kush fshihet pas kesaj? Hamendjet jane te shumta, por kush e ka mizen ne kesule le te kruhet. Mos e percani me komunitetin. Se paku, jo me femijet. Xhelozirat i hidhni pas shpine!(DIELLI)