Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

PRANVERA ÇOBO, ARTISTJA SHKODRANE KTHEN NË TRADITË FESTIVALIN E FËMIJËVE NË NJU JORK

by

*Mbresa nga Festivali i Tretë i Fëmijëve në New York “Zërat e Rinj 2015” organizuar nga Pranvera Çobo me pjesmarrjen e pesë shteteve në SHBA dhe nga Kanadaja/
* Përse e bojkotuan përfaqësitë e Shqipërisë dhe të Kosovës një veprimtari me karakter Kulturor Kombëtar?
* Juria e Festivalit, me kryetar Valentin Veizin, nderoi me çmim të parë Këngën “Kukulla e Vjetër” me tekst, muzikë dhe orkestrim nga Roland Guli, kënduar nga Rebeka Martini & Xhenisa Zajmi, shoqëruar nga Kori i fëmijëve të Bostonit, MA/
* Me Çmim të Dytë u vlerësua kënga “Brezi me Kapuç të Bardhë” me tekst, muzikë dhe orkestrim nga Ylli Kalaja kënduar nga motrat Enesa & Jona Dednica/
*Çmimin e tretë e fitoi kënga “Zilja e zgjimit” me tekst të Suela Tukaj, muzikë dhe orkestrim Jetmir Mehmeti, kënduar nga Greta Stako dhe kori i Nju Jorkut…
Nga Dalip Greca/
Mbrëmja e së dielës të 31 Majit 2015 do të kujtohet nga shqiptarët e shumtë pjesmarrës në Festivalin”Zërat e Rinj 2015″, si “nata e fëmijëve të talentuar shqiptar” në Amerikë. I organizuar në qendrën e njohur(Lila Wallace Auditorium- Japan Society) pranë Selisë së Kombeve të Bashkuara në Nju Jork, Festivali i Fëmijëve në Amerikë”Zërat e Rinj 2015″ ishte ngjarja më e shënuar kulturore e shqiptarëve në Amerikë e mbështetur nga artistë profesionistë në SHBA, por dhe nga vendlindja. 260 vendet e kapacitetit të sallës së teatrit ishin të pamjaftueshëm për shqiptaro-amerikanët që kishin ardhë nga disa shtete të Amerikës si: Nju Jork-u, Pensilvanya, Masachussets, Chikago, madje edhe nga Kanadaja .Artistja e pasionuar, shkodrania Pranvera Çobo, ia arriti sërish që të organizonte një festival me nivel të lartë profesionist.Shkodra, djepi i muzikës, fillesa e Festivaleve për fëmijë ( Festivali i Parë i Fëmijëve është organizuar pikërisht në Shkodër me 10-11 Maj 1963 me inisiativën e Tish Daisë dhe nën përkujdesjen e kompozitorit Prenk Jakova), ndjehet krenare që një artsite shkodrane, Pranvera Çobo, e konsolidon këtë traditë për fëmijë edhe në Amerikë.
I pari Festival i zërave të rinj në SHBA, u organizua më 2013, i dyti vitin e shkuar. Ky i 31 majit 2015, ishte festivali i ngjitjes për nga profesionalizmi, si në konceptim ashtu edhe në interpretim, krahasuar me dy festivalet pararendës. Gjithçka ishte përgatitur me kujdes dhe asgjë nuk stonoi. Prezantuesit e Festivalit, Lorivert Çobo, Joana Avrami dhe Sergei Bylyshi, me një shqipe të pastërt, kanë përcjellë me emocion programin. Festivali “Zëra të Rinj 2015” është hapur me këngën “Manikene Jam” me tekst dhe muzikë Bajram Zeqiraj me orkestrim të Mentor Latifit, kënduar nga Sijeta Hoti.
Gjithësej u interpretuan 20 këngë; tri valle,përfshirë dhe një kërcim modern. Këngët kishin për autorë kompozitor të njohur shqiptar dhe autorë tekstesh- poetë të njohur. Tekstet ishin të zgjedhur dhe i bënin jehonë botës së fëmijëve, lodrave, kukullave, dashurisë për nënën, trimërisë shqiptare, heroizmit gjatë luftës për liri në Kosovë, gjuhës së bukur shqipe, dashurisë për vendlindjen-Atdheun,Kombin, dashurisë dhe mirënjohjes për mësuesit, ëndrrave, dhimbjes së mërgimit etj. Gjeografia e pjesmarrsëve mbulonte të gjitha trevat kombëtare, që nga Kosova, Shqipëria, Mali i Zi,Lugina e Preshevës, Maqedonia dhe Çamëria. të gjitha këngët fituan duartrokitjet e publikut, por më të vlerësuarat ishin “Kukulla e vjetër”, “Brezi me Kapuç”, Zilja e Zgjimit, Nëna ime, Alba dhe kukulla ime, Ora, Parlamenti ynë etj.(Me shume lexoni ne gazeten DIELLI ne Print)
NE FOTO:Fituesit e Cmimit te pare duke festuar ne skene:Rebeka Martini& Xhenisa Zajmi dhe kori i femijeve te Bostonit me drejtusen Justina Martini

NË DITËN E TRADITAVE- ALBANIAN HERITAGE DAY NË NEW YORK

by

*Edhe pse ishte lajmëruar për stuhi shiu, mijëra bashkatdhetarë iu bashkuan Qendrës Kulturore “Nënë Tereza” të Kishës Katolikë Shqiptare “Zoja e Shkodrës” në Ditën e Traditave Shqiptare më 31 Maj 2015/
* Dhjetëra valltarë të moshave të vogla, të veshur bukur me kostume kombëtare nga Veriu në Jug, nën drejtimin e koreografes Angjelina Nikaj, kërcyen valle tradicionale nga të gjitha krahinat e Shqipërisë/
* Gëzim Nika shpalosi reportorin e pasur me këngë nga të gjitha trevat shqiptare/
NGA DALIP GRECA/
Është kthyer në traditë, që pikëtakimi i i muajve Maj- Qershor, të kthehet në Ditën e Traditave Shqiptare në Nju Jork. Vitin e shkuar pikniku tradicional u organizua të Dielën e Festës së Fëmijëve, 1 Qershorit, Ditës Ndërkombëtare të të vegjëlve, ndërsa këtë vit, e Diela përkoi më 31 Maj-in. Edhe pse ishte paralajmëruar një ditë me shi dhe stuhi, edhe pse në telefona jepej kohëpaskohe “alarmi” nga moti i keq, bashkadhetarët nuk ishin sprapsur, por kishin mbushur që në mëngjes fushat e sportit, këndet e lojërave të improvizuara si dhe mjediset e prakut në Kensico Dam Plaza, një qendër e hershme shumë e frekuentuar edhe nga amerikanët.Prej 12 vitesh shqiptarët e kanë pushtuar këtë pikë shlodhëse, duke e kthyer atë në Ditën Shqiptare të Traditave.
Veprimtaritë sportive nisën përpara pikëtakimit të njoftuar nga organizatorët, ndërsa Gëzim Nika, mjeshtri i këngës, i sapokthyer nga Festivali Kombëtar, ku shkëlqeu dhe përzgjodh edhe në koncertin e natës finale, është treguar i palodhur, duke shpalosur repertorin e tij të pasur artistik.
I pranishëm në këtë manifestim kulturor ishte Don Pjetër Popaj, famullitari i Kishës Katolike Shqiptare”Zoja e Shkodrës” , anëtari i Ansamblesë për Shtetin e Nju Jorkut Mark Gjonaj dhe drejtues të organizatave të Komunitetit.
Edhe pse shiu nuk i lejoi valltarët e vegjël të përgatitur nga mjeshtrja koreografe, Angjelina Nika, që të shpalosnin të tërë programin, ata patën kohë së paku sa të justifikonin veshjet kombëtare të llojllojshme dhe të kërcenin disa nga vallet e përgatitura. Ndoshta herët e tjera, organizatorët do të jetë e mira që të mendojnë për këta fëmijë me qëllim që ata të preformojnë që në fillim.Jo pse këtë herë nuk i la shiu të tregonin aftësitë e tyre të vallzimit, por herët e tjera, i ka munduar vapa, nga që janë lënë që të performojnë në fund, kur vapa i ka sfilitë.
(Për më shumë lexoni në Gazetën Dielli te Printuar)-Fotografite i shihni ne Facebook(dalip greca)

PIKNIK MADHERSHTOR I DIASPORËS NË NEW YORK

by

Nga Ejllo Berishaj/
Nën organizimin e shoqatave shqiptare me veprimtari në SHBA me origjinë nga trojet tona etnike nën Mal të Zi me 25 Maj 2015 u mbajt pikniku i përbashkët i shoqatave tona atdhetare. Ishte kjo një dite e veçantë ku parku piktoresk i New Yorkut , FDR State Park sikur ishte i vogël për të zën numrin e madhe të pjesëmarrëseve.
Shoqata tona me aktivistet e tyre kishin bërë ma të mirën të mundshme që kjo dite e bukur pranverore te jetë sa ma e hareshme për pjesëmarrësit. Edhe pse larg nga vendlindjet tona ishte kënaqësi kur i shiqon me qindra te rinjë tonë të bashkuar duke u argëtuar së bashku dhe duke komunikuar në gjuhen tonë të bukur shqipe. U jemi mirënjohës kryesive të shoqatave tona për koordinimin e përbashkët që rezultojë në krijimin e një atmosfere të shkëlqyer si asnjëherë ma parë . Respekti dhe vlerësimi ma i lart është për ju të nderuar bashkëkombës që me pjesëmarrjen tuaj e bëtë këtë manifestim në natyrë të jetë një manifestim që vërtetë thënë ishte dhe do te mbetet i tillë në kujtesën tonë një tubim i pa harruar dhe Madhështor.
Është vlere e veçantë njerëzore që posedojmë ne shqiptaret ku në një tubim masiv siç ishte pikniku i përbashkët dhe me një pjesmarrje të mase 2000 bashkëkombësve çdo gjë te kaloj ne mënyrën ma te mire te mundësheme .
Se interesimi ishte jashtëzakonisht i madhe për pjesëmarrje në Piknikun e Shoqatave tona e dëshmon edhe ardhja nga vendlindja e klubit futbollistik (KF) Ana e Mali, klub i cili ma prezencën e tyre i dhan gjallëri edhe ma shume mirëvajtjes se piknikut. Gjat rrjedhës se piknikut u zhvilluan aktivitete të shumta sportive dhe garime të llojllojshme në disiplina të ndryshme si në futboll, volejboll, basketboll hedhje të peshës, tërheqjeje të litarit, shah domina etj etj.
Si zakonisht Asambleisiti jon Mark Gjonaj dha një kontribut të shkëlqyer për mirëvajtjen e piknikut, asamblesiti i jonë për argëtimin e vogëlushëve pjesëmarrës ne piknik kishte porositur enkas për ta lojëra te argëtimit balona me ajër dhe një Grup për ngjyrosje te fytyrave. Këtë tubim me prezencën e tyre e nderuan edhe ish kongresmeni i jone Josepf J. DioGuardi, ndërkaq nga vendlindja për të mbuluar rrjedhën e piknikut kishte ardhur ekipi i TV Boin me gazetaren e mirënjohur Esmeralda Raiceviq dhe kameramani Mark Ujkaj.
Të nderuar bashkëkombës, të nderuar bashkëvendas, të respektuar anëtar shfrytëzoj rastin që në emër të shoqatave tona të ju falënderojmë për pjesëmarrje dhe dhashë zoti që Uniteti i jone të jet shembull i unifikimit të Diasporës tonë të fuqishme shqiptare nëe SHBA.
Për Shoqatat
– Fondacioni Plavë Guci
– Shoqata Malësi e Madhe
– Shoqata Ana e Malit
– Fondacioni Dom Simon Filipaj
– Shoqata Atdhetare “Kraja”
– Rrënjët Shqiptare- Shoqata Malësi e Madhe
Ejllo Berishaj , korrdinator
New York 27 Maj 2015

DITA E TRADITAVE SHQIPTARE NE NEW YORK

by

NEW YORK- TË DIELËN ME 31 MAJ, ORGANIZOHET PIKNIKU QË RUAN TRADITAT SHQIPTARE/
Të dielën me 31 Maj 2015, në Kensico Dam Plaza, Valhalla New York (Zip Code 10595), nga ora 12 pm-7 pm organizohet nga Kisha Katolike Zoja e Shkodrës dhe Dita e Traditave Shqiptare, ku këndohet e vallzohet shqip.
Gjatë ditës do të ketë gara sportive, në futboll, volejboll, shah etj. Për argëtimin e pjesmarrësve do të këndojnë :Gëzim Nika, Besjana Kërtusha, Dritan Papa,i pranishëm grupi muzikor”Kastrioti” . Surprizat e tjera do t’i mësoni gjatë ditës së Dielë.
Për informacion të mëtejshëm mund t’i telefononi FRAN Cota:(917)-494-6029

Mother Teresa’s canonisation in 2016 not confirmed, says Vatican

by

A spokesman has said the reported date of September 4 for the canonisation is only hypothetical/
Despite reports in the Italian press that Blessed Teresa of Calcutta’s canonisation has been set for September 4, 2016, a Vatican spokesman says the date is only hypothetical and cannot be confirmed.
Jesuit Father Federico Lombardi issued a statement on Tuesday in response to media reports that the founder of the Missionaries of Charity, who worked among the poorest of the poor, would be canonised before the end of the upcoming Holy Year of Mercy.
“It is a working hypothesis, therefore there is no official confirmation to be given,” said Fr Lombardi. “The cause for Mother Teresa is still underway and it is therefore premature to speak of an already established date for the canonisation.”
But Italian media have reported that Archbishop Rino Fisichella, president of the Pontifical Council for the New Evangelisation, told Rome’s municipal officials on Monday that Mother Teresa’s canonisation has been set for September 4, 2016. Archbishop Fisichella’s office is organising the Holy Year of Mercy, which will begin on December 8, 2015.
According to the Italian newspaper Corriere della Sera, the archbishop also told city officials that the relics of St Padre Pio, a Capuchin priest who bore the stigmata of Jesus, will be brought to Rome from southern Italy for veneration by the faithful. The date for the translation of the relics has not yet been set.
With large crowds expected for both events and throughout the Holy Year, Archbishop Fisichella reportedly asked on behalf of the Vatican that city officials guarantee all pilgrims health care during the Holy Year. The Italian newspaper also reported that the archbishop asked the municipality to clear out the street vendors around St Peter’s Square, who tend to sell pilgrims overpriced goods.
Less than two weeks earlier, at a May 5 news conference at the Vatican, Archbishop Fisichella did not confirm a canonisation date for Mother Teresa, saying only that the canonisation was hoped for.
Officially, a second miracle still must be approved to open the way for Mother Teresa’s canonisation. However, Pope Francis has previously waived steps required for sainthood for other holy men and women.
Canonisations that are approved without meeting all of the requirements set by Church norms are called equivalent or equipollent canonisations. Pope Francis has approved at least seven equivalent canonisations during his two-year pontificate: Angela Foligno, Peter Faber, Jose de Anchieta, Marie of the Incarnation, Francois de Laval, Joseph Vaz and Junipero Serra.
St John Paul II had already made an exception to the rules in Mother Teresa’s case by allowing her cause for beatification to be opened without waiting the usual five years after a candidate’s death.
(Catholic HERALD)