Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Në emër të triumfit të lirisë

by

Më 11 qershor 2014, Fondacioni i Kujtimit të Viktimave të Komunizmit organizoi aktivitetin e tij vjetor përkujtimor për viktimat e komunizmit dhe festimet për triumfin e lirisë. 2014 është 20 vjetori i themelimit të fondacionit që përkon edhe me përvjetorë të tjerë të rëndësishëm në luftën kundër komunizmit, si prerja e telave me gjemba në kufirin mes Hungarisë dhe Austrisë 25 vjet më parë në maj 1989, demonstrata pro-demokracisë në Sheshin Tien An Men të Pekinit në qershor të po atij viti si dhe rënia e Murit të Berlinit në nëntor.
Në ceremonitë e ditës morrën pjesë anëtarë të Kongresit amerikan, udhëheqës të të drejtave të njeriut, ambasadorë nga rreth 20 vende, të mbijetuar të regjimeve komuniste dhe përfaqësues të organizatave të ndryshme etnike dhe organizatave të tjera jo fitimprurëse.
Në takimin e mëngjesit që u mbajt para Memorialit të Viktimave të Komunizmit, Fondacioni u dha çmimin e tij më të lartë, Medaljen e Lirisë Truman-Regan udhëheqësit politik të tartarëve të Krimesë, Mustafa Xhemilev, ish i burgosur politik dhe ish i internuar në kampet sovjetike të punës, i cili është sot anëtar i Parlamentit të Ukrainës dhe mbrojtës për vitei të drejtave të njeriut; si dhe zv/Rektorit të Universitetit Katolik të Ukrainës në Lviv, Miroslav Marinoviç, ish i burgosur politik, mbrojtës i të drejtave të njeriut dhe udhëheqës i shquar i shoqërisë civile.Medalja e Lirisë Truman-Reagan u jepet çdo vit individëve dhe institucioneve që kanë demonstruar angazhimin e tyre të vazhdueshëm ndaj lirisë dhe demokracisë, si dhe kundërshtimin e tyre ndaj komunizmit dhe të gjitha formave të tjera të tiranisë.
Në ceremoni mbatjën fjalime personalitete amerikane dhe të huaj, mes tyre anëtari i Dhomës së Përfaqësuesve Dana Rohrabaker (R-CA); Zonja Anetë Lantosh, Kryetare e Fondacionit Lantosh për Drejtat e Njeriut dhe Drejtësinë; zonja Lilia Muslimova, zëdhënëse e organizatës Mexhlis të tartarëve të Krimesë; Vaclav Klaus, ish president iRepublikës Çeke; Dr. Jang Gjianli, themelues i Nismave të Preidentit për Kinën; dhe Dr. Li Eduards, Kryetar i Fondacionit të Kujtimit të Viktimave të Komunizmit. Ceremonia solli edhe një herë në vemendje të opinionit publik mbarëbotëror “realitetin e përgjakshëm brutal të komunizmit që gjatë shekullit të fundit u kushtoi jetën mbi 100 milionë burrave, grave dhe fëmijëve , dhe që sot kontrollon jetën e mbi një miliardë njerëzve”, tha Dr. Eduards.

Në mbyllje të ceremonisë së paraditës, u vendosën si çdo vit kurrora lulesh tek monumenti i viktimave të komunizmit në emër të rreth 20 vendeve dhe shumë organizatave dhe individëve. Këtë vit, kurorën për organizatën Shtëpia e Lirisë Shiptaro-Amerikane (Albanian-American Freedom House) e vendosën Engjëllushe Luzaj dhe Isabela Çoçoli (Islami).
Por në ceremoninë e 11 qershorit 2014 tek Memoriali i Viktimave të Komunizmit, nuk mungoi edhe incidenti i Ambasadës së Shqipërisë në Uashington. Kurora e dërguar prej saj mbeti në trotuar, deri sa punonjës të fondacionit e vendosën atë bashkë me të tjerat. Me një qendrim kaq të papëgjegjshëm protokollar, Ambasada e Shqipërisë në Uashington sfidon vetëm vetveten dhe vendin e saj. Shqipëria është vendi evropian që ka vuajtur diktaturën më të egër komuniste të tipit stalinist dhe mungesa e vemendjes së duhur në raste të tilla, dhe sidomos në kryeqytetin e Shteteve të Bashkuara nuk mund të kalojë pa u vënë re.
Kjo u shtohet edhe veprimeve indinjuese të kohëve të fundit të autoroteteve shqiptare brenda vendit, si paraqitja e portretit të diktatorit Enver Hoxha në ceremoni me pjesëmarrjen e personaliteteve më të larta të vendit; përkulja e ministrit të Drejtësisë Z. Nasip Naço para një monumenti ku ishte vendosur fotografia e Hoxhës, nderimi me grusht nga deputeti i Parlamentit të Shqipërisë, Z. Pandeli Majko, ish kryeministër i Shqipërisë; organizimi i fëmijëve të shkollave për të nderuar me grusht tek varezat e “dëshmorëve”; deklaratat për rishikimin e të ashtuquajturës “luftë nacional-çlirimtare” dhe Enver Hoxhës nga Kryetari i Parlamentit të Shqipërisë, Z. Ilir Meta. Akte të tilla kanë qënë aq të shpeshta kohët e fundit nga personalitetet shqiptare, saqë nuk mund të mos konsiderohen të qëllimshme.
Shtetet e Bashkuara të Amerikës kanë investuar për më shumë se 60 vjet gjak dhe pasuri në luftën kundër komunizmit. Shekulli i 20të do të kujtohet “si shekulli më vdekjeprurës në historinë njerëzore” dhe Amerika nuk e harron këtë, tha Presidenti Xhorxh W. Bush me rastin e dedikimit të Memorialit të Viktimave të Komunizmit, shtatë vjet më parë, në 25 vjetorin e fjalimit epokal të Presidentit Ronald Regan tek Porta e Brandenburgut në Berlin, “Z. Gorbachov shembe këtë mur”.
Ringjallja e çdo forme tiranie të çfardo izmi qoftë do të ndeshë në reagimin e fortë të një brezi të ri amerikanësh. “Ringjallja e një komunizmi të dytë, do të pasohet me siguri ngagjallërimi i antikomunizmit të dytë”, edhe më të fuqishëm nga antikomunizmi i parë, tha Marion Smith, Drejtori Ekzekutiv i Fondacionit të Kujtimit të Viktimave të Komunizmit, në ceremoninë e këtij viti për nderimin e viktimave dhe triumfin e lirisë.
Korrespondenti i AAFH

DioGuardi uron Presidentin George H.W.Bush në 90 vjetorin e ditëlindjes

by

DioGuardi : “Gëzuar ditëlindjen e 90-të, presidenti Goerge H.W. Bush – një mik për të drejtat e njeriut, lirisë, dhe demokracisë”/
Nga BEQIR SINA, New York/
Ossining, New York : Ish kongresmeni Republikan i Nju Jorkut, Joseph J. DioGuardi, Presidenti i LQSHA, lobit të parë dhe të vetëm shqiptarë në Shtetet e Bashkuara, në emër të Ligës Qytetare, dhe në emrin e tij personal – gjenë rastin të shpreh urimet më të mira për ditëlindjen e Presidentin të 41-të të SHBA, George H. Bush pikërishtë në 90′ vjetorin e ditëlindjes së tij.
Në një postim në rrjetin e tij soicial Twitter dhe Facebook, ish kongresmeni republikan, ka postuar dje urimin e tij drejtuar Presidentit Bush : “Gëzuar ditëlindjen e 90-të, presidentit Goerge H.W. Bush – një mik për të drejtat e njeriut, lirisë, dhe demokracisë”, shkruan në Twitter zoti DioGuardi.
Dhe ngjitur me këtë postim ai ka dërguar një fotografi e bër 25 vjet më parë – ku duket Presidenti Bush me kongresmenin DioGuardi, dhe disa kongresmen të tjerë mes tyre dhe kongresmenët afrikano american .
Në shënimin e tij poshtë fotgrafisë, ish kongresmeni republikan i Nju Jorkut, Joe DioGuardi shkruan se kjo ishte :”Një ditëlindje e lumtur – e 90- ta, e Presidentit Xhorxh H.W. Bush. Ai kishte kurajon sot të hidhet nga një helikopter në moshën 90 vjeç, ashtu si ai ka pasur guximin në vitet e tij – kur ishte në shërbimin publik, si luftëtar për të drejtat e njeriut dhe të drejtave për vet-vendosje së popullit shqiptar në Evropën Juglindore, duke treguar qartë kurajon për të qëndruar kundër diskriminimit racor e përkrah heronjve të kombit tonë – ata të luftës – mes tyre edhe afrikano-amerikanëve.”
Më tej DioGuardi – Presidenti i LQSHA, lobit të parë dhe të vetëm shqiptarë në Shtetet e Bashkuara, në emër të Ligës Qytetare, ka postuar edhe një letër që Presidenti i 41-të- i SHBA, i ka dërguar atij më 30 Tetor 1992 ( kohë kjo kur Presidentit George H.W. Bush ka qenë në Shtëpinë e Bardhë).
Letër në të cilën Presidentit George H.W. Bush, ndërsa e përgëzon DioGuardin – e ikurajon atë dhe lobin shqiptar, sidomos për punën e madhe që ka bër ai në rëzimin e komunizmit në Shqipëri, lirinë e demokracinë e Shqipërisë, luftën dhe përpjkejet për të drejtat dhe liritë e shqiptarëve – nën ish Jugosllavinë, çlirimin e Kosovës dhe pavarësinë e saj.
E cila, falë asaj ndërhyrje ushtarake, u arritë 15 vjet më parë, ish Jugosllavia nuk egziston më dhe mbas asaj shpërbërjes së saj – që nisi pikërishtë në atë kohë, kur DioGuardi, doli në krye të çështjes shqiptare në SHBA, me krijimin e lobit të parë shqiptarë Lidhjes Qytetare Shqiptaro Amerikane .
Në letërën në të cilën Presidenti i 41-të- i SHBA, i ka dërguar zotit DioGuardi më 30 Tetor 1992 ( kohë kur Presidentit Goerge H.W. Bush, ishte në Shtëpinë e Bardhë) ndër të tjera, thotë se :”Unë dua të përfitoj nga ky rast për të bër të njohur dhe të përshëndes punën e mirë të Lidhjes Qytetare Shqiptaro Amerikane në mbështetje të demokracive dhe të drejtave të njeriut për popullin shqiptarë. Puna e juaj është një shembull i asaj që amerikanët janë të shqetësuar – duke mbështetet të gjitha ato vende që ndajnë me ne vlerat tona demokratike dhe besimin tonë, bazuar në dinjitetin njerëzor dhe lirinë e shprehjes dhe ndërgjegjes së njerëzve anembanë botës.
Unë gjithashtu, i shkruan 22 vjet më parë Presidentit Xhorxh H.W. Bush, zotit DioGuardi, dua që të ju sigurojë se ne do të vazhdojmë përpjekjet tona për konsolidimin e demokracisë dhe mbështetim tregtinë e lirë në Shqipëri, duke shtuar se përveç punës së përditshme me Departamentin e Shtetit të Departamentit të Tregtisë, Departamenti i Thesarit – USIAD dhe shumë organizata joqeveritare, së bashku jemi duke punuar shumë për të arritur këto përfundime”

Shqiptaret ne Nju Jork, ne mbeshtetje te Robert Astorino

by

NJU JORK: Një grup mbështetës i komunitetit shqiptar dhe amerikan në fushatën e Robert Astorino- Kandidat Republikan për Governator të Nju Jork-ut/
Astorino, në këndëvështrimin me raportet që ka ai me komunitetin shqiptarë, në prefekturën e Westchester County, ku edhe jetojnë një numër i konsiderueshem i familjeve shqiptare, në gjendje shumë të mirë ekonomike, shqiptarë të emigruara në kohë e rrethana të ndryshme, ato janë shumë të mira dhe të lidhura ngushtë me Astorinon/
Nga BEQIR SINA, New York /
SCARSDALE – NEW YORK : Një grup mbështetës, i komunitetit shqiptarë dhe atë amerikanë, të z. Rob Astorino – kandidatit republikan për governator të Nju Jork-ut në zgjedhjet e 3 Nëntorit 2014, u mblodhën për të mbeshtetur atë për garën kundër Governatorit demokrat Andrew Cuomo.
Anëtarja e këshillit së bashkisë , Pleasant Valley në New York, Zj. Lisa Milicaj, si dhe presidente e kompanisë “First Insurance Agency, Inc” në Pleasant Valley , organizojë të hënën, 9 Qershor 2014, një darkë për rritjen e fondeve(fundraiser) në lokalin”TuttaBella Trattoria” në Scarsdale. Kandidati republikan për governator, Rob Astorino, në 3 Nëntor 2014 do të përballet në garën për Governatorin e Nju Jork-ut, me demokratin Andrew Cuomo, i cili aktualisht qendron në postin e governatorit të shtetit.
Organizatoria e kësaj darke, për rritjen e fondeve(fundraiser), Znj. Milicaj tha “Ne u mblodhëm së bashku të hënën për të ndihmuar financiarisht fushatën e kandidatin republikan Astorino – për të bërë një ndryshim për shtetin tonë. Shteti i New York-ut, shtoi ajo i cili konsiderohet të jetë qendër e biznesit të botës, tani renditet në vendin e 50-të, vendeve më të keq për të bërë biznes. Kandidati republikan Rob Astorino – në Kuvendin Republikane të Nju Jork-ut, disa muaj më parë, është zgjedhur në mesin e shumë emrave, për të qenë ai kandidat për Governator nga Partia Republikane. Mbasi republikanët besojnë tek Rob Astorino, se ai ka për të bërë realitet të gjitha ato që ai ka premtuar të i realizoj. Republikanët, thonë se ai nuk ka “shkelur” asnjë herë mbi besimin e njerëzve dhe është i denjë për të qenë kandidat për Governator i shtetit të Nju Jork-ut.
Deri tani ka shumë prej nesh që janë të pakënaqur mbi tatimet, shprehet Zj. Lisa Milicaj – mbi ligjet, shkeljet e ndryshme, shkeljen e amandamentit të 2-të, shkeljet e të drejtave tona të pronës private dhe sistemit tonë shkollorë, të drejtuar nga qeveria federale. Zj. Milicaj sqaroi se Kushtetuta Amerikane lejon ç’do shtet te kete kontroll mbi sytemin e tij shkollor.
“Meqenëse, shumë prej nesh kemi bërë investime, kemi biznese, dhe familjet tona këtu në shtet; ne nuk kemi mundësi për të lëvizur larg tij – por do të qendrojmë dhe të ndihmojmë Nju Jorkun, thotë Zj. Lisa Milicaj dhe besonë se : “Në thelb, pra në esencë ne duhet të heqim me votë politikanët që bëjnë zgjedhjet e gabuara në qeverisje dhe si rezultat të veprimeve të tyre vuajmë ne”.
Më tej, anëtaria këshillit së bashkisë ,Pleasant Valley, New York, Zj. Lisa Milicaj, presidente e kompanisë “First Insurance Agency, Inc” në Pleasant Valley theksonë se :” Politikanët duhet të mos harrojnë se zgjedhjet e tyre që po bëjnë, nuk po na ndihmojnë por vetëm po na krijojnë dhimbje, dhe ja pse duhet t’a bëjmë të ditur, këtë Nentor me votat tona, se ata janë votuar si shërbyes të publikut dhe nëse ato nuk e mbështesin publikun, atëhere duhen të zbohen”. New Yorku, duhet të jetë shteti që shkëlqen në këto zgjedhje dhe t’a bëjë të qartë, se nuk do të na verdadallisin më njerëzit e padobishëm, ne jemi këtu për të qendruar dhe ti bëjmë të ditur politikanëve në Albany – se nuk mund të sillen siç dëshirojne ato”
Z. Rob Astorino , aktualisht ka shërbyer për dy mandate si kryeshefi ekzekutiv i kantonit “Westchester County” që ndodhet në veri të Nju Jork-ut, dhe tani ka pranuar zgjedhjen e Partisë Republikane, për të kandiduar për governator të shtetit të New York-ut, në Kuvendin Republikanë të mbajtur në Rye Brook – New York.
Z. Astorino , është një 47 vjeçar , i cili ka lindur në Mount Vernon te Nju Jork-ut, por u rritë në provincën Mount Pleasant, duke u arsimuar në Universitetin Fordham në Bronx të Nju Jork-ut . Rob Astorino, është i martuar me Zj. Sheila Astorino, dhe ka tre fëmijë. Z. Astorino është komentator në radio, ku aktualisht komenton për një radio televizion katolikë – Channel SIRIUS XM në satellitë , dhe ka mbajtur disa poste të zgjedhura në Westchester County . Ai u zgjodh Kryeshef Ekzekutiv i qarkut në vitin 2009 dhe fitoi rizgjedhjen vitin e kaluar .
Në shtetin e Nju Jork-ut, republikanët nuk kanë fituar një garë për Governatorë, që nga republikani George Pataki i cili la mandatin e fundit në vitin 2002.
Republikanët e shtetit të Nju Jorkut, tani pritet të përballen me sfida të ndryshme, si ajo me Governatorin Andrew Cuomo, anëtarë i Partisë Demokrate, ku njerëzit që janë të regjistruar si demokratë, i tejkalojnë republikanët 2-1 në gjithë shtetin e New York-ut .
Republikanët, shpresojnë qe Z. Astorino, mund të përsëris suksesin e tij – duke tërhequr votuesit e të gjithë spektrit politik . Ai ka disa avantazhe : Pas një karriere të gjatë të komunikimit me publikun në të gjithë shtetin e New York-ut, duke dhënë intervista dhe bërë komente çdo ditë në mbrëmje në TV Channel SIRIUS XM . Të enjten, ai mbajti një pjesë të shkurtër të fjalimit të tij në spanjisht .
Duke folur me gazetarët të enjten e kaluar, z. Astorino pranoi sfidat me të cilat përballen , siç janë për ngritje fondesh, për të “mposhtur” avantazhin e z.Cuomo – Por, ai tha se ka besim se do të ketë mbështetje për te mbledhur fonde të mjaftueshme për të qarkulluar anembanë Nju Jork-ut mesazhin e tij “Një luftë për të shpëtuar Nju Jork-un ”
Ndërkaq, duke e parë kandidimin e z. Astorino, në këndëvështrimin me raportet që ka ai me komunitetin shqiptarë, në prefekturën e Westchester County, ku edhe jetojnë një numër i konsiderueshem i familjeve shqiptare, në gjendje shumë të mirë ekonomike, shqiptarë të emigruara në kohë e rrethana të ndryshme, ato janë shumë të mira dhe të lidhura ngushtë me Astorinon.

Death Notice – MARKO GELAJ

by

Funeral Mass will be held on Tuesday, at 11 a.m. at Our Lady of Shkodra Church/
Marko Gelaj entered eternal life on June 5, 2014. He was 52 years old.
The family will be present Monday;
June 9, 2014 from 2-9 p.m.
at F. Ruggiero & Sons, Inc. –
732 Yonkers Avenue
Yonkers, NY 10704
Funeral Mass will be held on Tuesday, at 11 a.m. at Our Lady of Shkodra Church, with interment to follow at Gate of Heaven Cemetery (Hawthorne).
Post funeral luncheon will be held at the Royal Regency Hotel 165 Tuckahoe Rd. Yonkers, NY 10710
Familjes se Markut Zoti u dhasht kivet.
Marku pushoft ne paqe, paste drite ne Parriz.

Komunitet- LAJM MORTOR-NDERROI JETE NDUE GJOK BERISHA

by

Familijaret njoftojne se, mbas nji semundjeje te rande vdiq Ndue Gjoke Berisha ne mbramje e dites se diele me 8 qeshor 2014 ne spitalin White Plains, NY.
I ndiejemi len mbrapa bashkeshorten Drande Buçaj dhe femijet, Kristina, Liza, Zhakline, Shpresa, Leka dhe Florina, si dhe vllaznit Zefi, Markun e Luigji, motrat Filja dhe Lula, me shume nipa, mesa e familijare te tjere.
Prindet Gjoka dhe Prenda, iken nga Shqipnija kur Ndou ishte 10 vjeçare. Ky qift me 5 femije te vegjel, pjese e nji grupi prej 17 vetesh, nder ta edhe Genc Kortsha, kaluen Drinin naten e vitit te ri dhe kapercyen kufinin ne mengjesin e 2 janarit 1953. Kjo ikje dramatike prej diktatures komuniste asht pershkrue mjeshterisht ne detale nga Genc Korça ne librin e kujtimeve te tija ne gjuha anglishte, “One Man’s Journey to Freedom – Escape from Behind the Iron Curtain” (botue 2010 prej Joseph Karl Publishing, MI).
Mbas 13 vjetesh familja Berisha emigroi ne Belgjike, mandej, neper Itali, ne Shtetet e Bashkueme ne vbitin 1970.
Vatra dhe redaksija e gazetes “Dielli” u shprehin ngushllime familijarvet me urimin te kene gezime tash e mbas.
**********
Familjaret don te presin vizita ne Ballard Durand Funeral Home – 2 Maple Ave., White Plains, NY 10601, diten e marte me 10 qeshor, prej ores 2pm-9pm; te nesermen, mbas meshese pershpirtjes ne oren 11am te kisha Zoja Shkodres ne Hartsdale, trupi i te Ndjemit do te percjellet te vorret e familjes ne St. Raymond’s Cemetery ne Bronx, NY. 10530