Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NJOFTIM NGA SHKOLLA SHQIPE NË TEXAS

by

Albanian American Cultural Center of Texas

Përshëndetje, prindër dhe nxënës të Komunitetit Shqiptar në DFW!

Ju rikujtojmë se shkolla fillon këtë të dielë, më 20 gusht 2023, në orën 11:00. Në ditën e parë, kemi një seancë mirëseardhjeje – një kohë për tu njohur me mësueset, nxënësit dhe prindërit e tjerë. Nuk do të ketë mësim. Regjistrimin e nxënësve duhet ta bëni në faqen tonë https://aacctexas.com/albanian-language-school/

Presim me padurim një fillim të shkëlqyeshëm!”

Hello again, parents and students of the Albanian Community in DFW!

We remind you that school starts this Sunday, August 20, 2023, at 11:00 AM. On the first day, we have a welcome session – a time to meet the teachers, students, and other parents. There won’t be classes. Student registration should be done on our website at https://aacctexas.com/albanian-language-school/.

Looking forward to a great start!”

“Bukuroshja e Fjetur” një mbresë më shumë për artdashësit e qytetit të New York-ut

by

Adelina Lacaj/

Me 13 Gusht , 2023, balerini Klevis Tafaj me kompaninë e tij të mirënjohur, Teatrin e Baletit Ajkun, interpretoi përpara publikut artdashes të New York-ut një tjetër vepër klasike të rradhës, “Bukuroshja e Fjetur”. Ky teatër baleti, njihet tashmë në arenë ndërkombëtare, për shfaqjet e tij tërheqëse, klasike, tradicionale, të suksesshme dhe të udhehequara me mjeshtëri nga drejtoresha artistike, koreografja e shumë çmimeve fituese, znj. Chiara Ajkun.
Në këtë shfaqje morën pjesë, miq e dashamirës te artistëve, adhurues të artit e kulturës në New York.
Baleti u luajt për herë të parë në Shtetet e Bashkuara të Amerikës nga Akademia e Muzikes së Filadelfia-s, më 12 Shkurt, 1937. Ai u projektua nga Catherine Littlefield. Muzika e tij vjen nga një periudhë romantike, e kompozitorit Pyotr Ilych Tchaikovsky. Kjo muzikë, ka në thelb te saj, përdorimin e dy temave të ndërthurura muzikore, atë të së mirës, ( zana Lilac) dhe të së keqes (zana, Carabosse).
Shfaqja fillon me një mbretëri magjike, në të cilën lind një princeshë e quajtur, Aurora. Gjatë festës në gëzimin e saj të lindjes, zanat vijnë me dhurata. Aurorës i jepen dhurata të ndryshme si ato të bukurisë, guximit, dhe fatit të mirë. Ndërkohë që zana Jargavan, po përgatitej të jepte dhuratën e saj, shfaqet befasisht Carbosse, e paftuar në këtë festë. Ajo i jep princeshës një mallkim të tmerrshëm i cli kishte të bënte me vdekjen e saj në përvjetorin e gjashtëmbëdhjetë.
Zana Jargavan, pas këtij akti, arrin t’a thyej magjinë e Carbosse-it, duke e zbutur sadopak mallkimin. Aurora bie ne gjumë të thellë, prej të cilit, vetëm princi Desire (Tafaj) ka mundësinë ta shpëtoje.
Baleti është një vepër famoze sepse për herë të parë në historinë e baletit u krijua një bashkëpunim midis kompozitorit Tchaikovsky dhe koreografëve Petipa dhe Vsevolojsky. Kjo partiture muzikore adhurohet edhe sot dhe përdoret në Disney.
Te entuziazmuar dhe pas përfundimit të shfaqjes, artdashësit, u takuan me balerinët. Ata u përgëzuan për përgatitjen dhe teknikën sfiduese, delikatesën dhe emocionin e transmetuar në sallë.
Klevis-it dhe gjithë trupës së baletit i urojmë
Suksese të mëtejshme!
Staten Island, New York
15 Gusht, 2023

Urime të përzemërta për Dom (Monsignor)  Lush Gjergjin 

by

I nderuar Dom (Monsignor) Lush Gjergji!

Komuniteti Shqiptar në Dioqezen e Arlingtonit, ne shtetin e Virxhinias, SHBA, ju dërgon urimet më të ngrohta e më të përzëmrta me rastin e përvjetorit tuaj të artë!

Ju falenderojmë me dashuri, mirënjohje dhe dashamirësi  për  pranimin tuaj ndaj thirrjes hyjnore për shërbimin e palodhur ndaj nevojave shpirtërore të popullit, për përhapjen e kulturës e qytetërimit shqiptar, për punën e madhe lidhur me shenjtoren Nënë Tereza. Gjithashtu,  falenderime speciale për ndihmën tuaj , udhëzimet e meshat e mbajtura këtu me ne , në bregun lindor të SHBA.

Komuniteti ynë u themelua ,  egziston dhe gjallon me ndihmën dhe   prezencën tuaj. 

Ju lutemi pranoni urimet më të mira dhe lutjet tona për jetë të gjatë, të begatë e bekimet e Hyjit. 

Ne ju duam shumë dhe ju mirërpresim së shpejti!

Në vazhdimësi të këtij mesazhi gjeni ju lutemi urimet zyratre si dhe një kolazh me video e shkrime per aktivitetet tona këtu ku ne kemi pasur bekimin e prezencës suaj.

Ad Multos Annos Dom Lush!

Mesha me Dom Lushin  Tetor 2016 pasqyruar në shtypin Amerikan

https://www.catholicherald.com/article/local/arlingtons-first-albanian-mass-celebrated-by-mother-teresas-biographer/

Fillimet e integrimit ne Dioqezën e Arlingtonit  

https://www.arlingtondiocese.org/diocesean-cultural-ministries/european/albanian/albanian-community/

Ftesa prë në aktivitetin e Bibliotekes së Kongresit Amerikan 

Dom Lush Gjergji ftohet nga Biblioteka e Kongresit Amerikan që të flasë për Nënë Terezën

Video e Aktivitetit në Bibliotekën e Kongresit Amerikan

https://www.loc.gov/item/2021690324/

Mesha e mbajtur më 7 Maj 2022

https://www.botasot.info/religjion-kultura/1809614/ms-lush-gjergji-mbajti-meshe-shqip-per-komunitetin-shqiptar-ne-dioqezen-e-arlingtonit-virxhinia/

NË FESTËN E DY VËLLEZËRVE SHQIPTARË…

by

NGA EDA AGAJ ZHITI/

Festë e bukur plot me dritë, me muzikë qiellore, me njerëz të shumtë, të veshur për kremtim dhe shqipja, gjuha amë që dëgjohej kaq ëmbël…

Në Chicago, në kishën “Saint Francis Xavier” në Wilmette, në meshën e shenjtë, të celebruar nga Shkëlqesia e Tij, Ipeshkvi Mark Bartosic, dy të rinj shqiptarë, vëllezërit Arbër dhe Ilir Bejleri, dhe disa të rinj të tjerë, vajza dhe djem si drita morën sakramentin e Përforcimit, duke plotësuar hyrjen në jeten e krishterë nëpërmjet Eukaristisë së Shenjtë.

Ishin të ulur në rreshtat e para, vezullonte ngjyra e bardhë e fustaneve dhe kravatat e djemve si degë të pemëve të shpresës.

Diakoni Lekē Brisku, i pari diakon shqiptar në Illinois, nuni i dy vëllezërve shqiptarë, i shoqëroi me dorën në sup tek Ipeshkvi Bartosic, por do t’i shoqërojë e ndihmojë dhe në rritjen e tyre në besim.

Me fantazinë time e zmadhoja atë krah, e bëja të të gjithë shqiptarëve në supet e njëri-tjetrit Vëllazërisht.

Të gjithë ishin të gëzuar si në festë. Të emocionuar bashkë me dy vëllezërit e bukur me kaçurrelat mbi ballë, Arbi & Iliri, dhe të rinjve të tjerë, që po merrnin sakramentin, ishin dhe prindërit, Dhurata dhe Beni dhe ata që kishin fëmijët aty, kumbarët, fisi, shokët dhe shoqet, edhe ne, të ftuarit…

Unë guxova dhe u kërkova leje t’ju puthja kaçurrelat vëllezërve, pata një imazh si nënë.

Mes të tjerash në homelinë aq të bukur Imzot Bartosic tha se në kishë ne vijmë jo për të bêrê veten, por për të zbuluar veten…

Zbulimi i vetes gjithnjë të çon tek përsosja e virtyteve, mendova. E si të mos gëzohesh, kur sheh familjet shqiptare bashkë, të begata, të qeshura, të integruara në atdheun e ri në SHBA. Atdheu është familje e madhe…Ndërkaq u bashkoheshim dhe ne urimeve për Arbin dhe Ilirin dhe të rinjve të tjerë, Zoti i mbushtë me hire dhe dëshmofshin praninë e Zotit me jetēn e tyre!

Kemi nevojë për besimin, për frymën e dashurisë, për atë fuqi që të shohim atdheun të gëzuar si në festë. Por duhet përkushtim, dashuri aktive siç na mëson Shenjtja jonë Nënë Tereza.

Dolëm nga kisha, fëmijët në rrugë dukeshin si me flatra, e ardhmja e tyre fillon tani…