Merita B. Mccormack/

Ylli Baka, artisti i mirenjohur shqiptar ndodhej ne Washington DC per te marre pjese ne nje dasem shqiptaro amerikane dhe pati rastin te takohej edhe me perfaqesues te Vatres.
Ne Washington DC ai ngriti peshe dhe ndezi atmosferen artistike ne gezimin e nje dasme shqiptaro-amerikane. Amerikani qe drejtoi banketin, qartazi nuk e njeh gjuhen shqipe, por ama nuk ngaterroi asnje germe kur permes fjalise ne anglisht lajmeroi se mbremja kishte nje surprize dhe njoftoi se aty sapo kishte mberitur nga Shqiperia, Ylli Baka, artisti I mirenjohur dhe I shume dashur prej shume personash. Ate sjellje e realizuan prindrit e dhendrrit, Valbona dhe Adhurim Selimaj , vlonjatet e mirenjohur ne komunitetin shqiptar ne kete zone.
Kur Ylli hyri me mikrofon ne dore nga ana e salles dhe filloi te kendonte “Jam fisnik den baba den”, nuk mbeti njeri pa u integruar ne kercim apo kendim, pavaresisht kombesise. Artisti i dashur dhe i talentuar megjithese kishte udhetuar gjate, dukej sikur ishte clodhur e gati per te rindezur cdo pjese muzikore, sipas radhes.
Ne nje moment pushimi u takuam e biseduam pak. Mesova se ai nuk e diskutoi fare kur i kerkuan nese mund te vinte ne kete dasem kaq larg ne Amerike. Posacerisht pra. E kam bere disa here tha. E ndjen artisti mallin dhe dhembshurine e shqiptareve ne mergim dhe ju sjell sado pak gezim e cmallje. E pyeta nese ishte lodhur, jo me tha. Vijme per gezim. Ai me dashamiresi kujtoi edhe vizitat e meparshme ne Qender te Vatres ne Nju Jork dhe ne deget e Vatres ne shtetin e Florides. Artisti rikujtoi se i ishte ndjere i gezuar qe preku historinë e shquar të shqiptarëve të Amerikës, veçanerisht të Vatrës Shqiptare të Amerikes, që luajti rolin e shtetit të munguar shqiptar. Artisti kujtoi me shume respekt e nderim te ndjerin Dalip Greca, ish kryeredaktori i Diellit dhe VATRAN i perkushtuar. Ylli shprehu keqardhjen dhe ngushellimet e tij me kete rast.Pastaj biseda vazhdoi me kujtimet nga vizita ne Vater ne vitin 2018, ku diskutuan mes shume gjerave edhe per Banden Muzikore te Vatres.
Kur e pyeta se kur u shenua shperthimi i tij si yll i muzikes me tregoi se ka shume vite por megjithe fillimet e hershme, 2004 ishte viti qe e beri shume te njohur . Pra rreth dy dekada ne skene kombetare dhe mbetet sikur e ke nje mik te veter, te njohur prej shume kohesh.
Bisedat vazhduan nga tema ne teme, dhe Ylli na pergezoi per ngrohtesin e shfaqur por edhe per komunitetin e mire e te forte qe kemi krijuar. E falenderuam qe na solli pakez memedhe ne nje dasem dhe i uruam rrugen e mbare.
Artisti, kur mesoi se une isha nga Cangonji, me tha se kishte shkruar nje kenge per Devollin dhe devollinjte por se nuk ka dale akoma. E falenderova! E pyeta si i qemton fjalet dhe gjetjet. Me tregoi se vlereson takimet ne person dhe ato behen frymezim.
Prania e Yllit ne dasem e ndezi atmosferen dhe zjarri i gezmit qofte i gjate e pashterrshme. Yllit i faleminderit per artin dhe per resepektin ndaj Shqiptarise e ndaj VATRES , familjes qe na ftoi ne dasem ju faleminderit, e cifti i ri me trashegime!

Një sipërmarrje e re shqiptare shtohet në Arthur Avenue. Një vatran dhe patriot i angazhuar prej dekadash, Anton Raja së bashku me vatranin Kujtim Funiqi udhëheqin një sipërmarrje kafeterie në Arthur Avenue, Bronx, New York. O’Ccaffe çeli siparin në një mbrëmje festive me patriotë e vatranë. Festa zgjati deri në orët e vona ku pjesëtarë të komunitetit shqiptar në New York e më gjërë u mblodhën së bashku për të festuar e përuruar rrugëtimin e një sipërmarrjeje e shërbimi shqiptar.

Nga Keze Kozeta Zylo

Jo vetëm modele, por dhe shkollën Shqipe “Alba Life” e kemi me shumë qejf, shkruan mami i Emilisë.

Emili Arifaj është një nxënëse e re e sapo regjistruar pranë Shkollës Shqipe “Alba Life” Ambasador i Kombit në Bronx, në mjediset e Qendrës “Illyria” siguruar nga z.Mark Gjonaj “Nderi i Kombit”.  Ajo është në klasën e grupmoshës së më të vegjëlve.  Sytë e saj shndrisin nga gëzimi kur vjen pranë Shkollës Shqipe në Bronx edhe pse është në fillimet e saj për të mësuar Gjuhën Shqipe.  Si petalet e trëndafilit mblidhen të gjithë pranë klasës nën kujdesin e mësuese Norelës dhe fillojnë të fokusohen tek mësimi i shkronjave të Alfabetit.

  Pastaj në orën e fundit të mësimit dalin dhe kërcejnë dorë për dore si nuse pashke nën ritmin e muzikës të këngës së dëgjuar “Moj bubrrec, moj bubrrec” duke u duartrokitur nga prindërit që janë spektatorët më të mirë dhe më të dashur.  Fotot e saj që modelon i pashë në F/B në rrjetin më të madh social publikuar nga mami i Emilisë, Mirela.  

Ajo shkruan: “Thank you Xhaxhi Fadil Berisha!  Modelja, ylli, e artistia e ardhshme Emili Arifaj”.  Natyrisht duke i ndjekur me shumë kujdes nxënësit e Bronxit që nga fillimi i këtij viti akademik 2022-2023 u emocionova dhe ndjeva një ngazëllim në shpirt që një nxënësja jonë modelon dhe fotografohet nga Mjeshtri i fotografisë me famë botërore Fadil Berisha.  

Mami Mirela për ngazëllimin tim më shkruan: Kozeta Zylo, shumë faleminderit!  Jo vetëm modele, por dhe shkollën Shqipe e kemi me shumë qejf.  Gëzimi im dyfishohet, shumëfishohet gjer në infinit pasi qëllimi i Misionit Kombëtar është arritur që:  “Nxënësit të mësojnë me dashuri Gjuhën Shqipe”. 

Ju hodha një sy të gjitha fotove, vidiove që kemi nga puna e këtij viti nëpër klasa me qëllimin dhe frymëzimin nga Maestro Berisha dhe mendoja se e ardhmja e Emilisë është plot sukses, plot ëndrra të bukura.  Ndaj si mësuese natyrshëm ndihem e sinqertë sepse shoh të kaluarën time në sytë e tyre dhe ata shohin të ardhmen e tyre në modelin tim dhe të gjithë edukatorëve gjatë jetës së tyre.

Gjer atëhere të urojmë të rritesh e shëndetshme dhe me një gjuhë të pastër shqipe si ujët e bekuar të Valbones e ëmbla dhe modelja e ardhshme Emili. 

17 Tetor, 2022

Bronx, New York 

Nga Keze Kozeta Zylo/

“Viktimat e Gjuhës janë më të shumta se ato të shpatës”. Sami Frashëri

Nxënësit e Shkollave Shqipe “Alba Life” Ambasador i Kombit filluan mbarë vitin mësimor akademik 2022-2023, nëpër gjithë Nju Jorkun, si në Staten Island, Brooklyn, Queens, Bronx, Online…

Në te gjitha shkollat shqipe Alba Life nëpër New York dhe në Online nxënësit u ulën në bangat e tyre për të mësuar GJUHËN SHQIPE. Vitin e ri akademik e filluam me Bronxin para katër javësh, në Qendrën “Illyria” siguruar nga z. Mark Gjonaj “Nderi i Kombit. Duke parë se numri i shkollave është rritur vepruam me shumë kujdes dhe durim derisa morëm lejet nga Bordi i Edukimit për të mësuar Shqip në shkollat publike amerikane.

Disa nxënës që kanë vite që e vazhdojnë shkollën takoheshin me një mall të papërshkruar me njeri tjetrin, ata tregonin me dashuri dhe plot gëzim se ku i kishin kaluar pushimet verore. Disa krenoheshin me Tiranën, Ulqinin, Kosovën, Dibrën, Shkodrën, Sarandën, ndërsa disa të tjerë me vende pushuese rreth Amerikës.

Ajo që më bënte më shumë përshtypje në bisedat e tyre ishte gëzimi që u ndrinte në sytë e tyre për t’u takuar me shokët më të vjetër dhe për t’u prezantuar me të rinjtë.

Prindërit e rinj ishin shumë të interesuar që fëmijët e tyre të mësonin sa më shumë Gjuhën Shqipe. Më vjen keq tha një gjyshe që nuk e kam ditur më parë, kam humbur gati dy vjet kohë, ndërkohë mbesa e saj ishte 6 vjeçe. Mamaja e saj dukej që ishte shumë e etur për të mësuar shqip. E kam tmerr vazhdoi ajo, kur vajza ime nuk më flet me prindërit e mi në skype në shqip, ngase ata nuk kuptojnë qoftë dhe një fjalë anglisht. E vendosa së bashku me burrin që do ta çonim në shkollë shqipe për këtë vit mësimor dhe pasi përfundoi filloi një ngashërim me lot… U ndjeva shumë keq, e di mire se çdo të thotë largësia dhe moskomunikimi me gjyshërit nuk e kam për herë të parë që shoh ngashërime të tilla…

Të gjitha mësueset e perkushtuara i mblodhen si zogjtë plot cicërima pranë vatrës së Shkollës Shqipe.

Nuk ka më kënaqësi kur fëmijët shqiptarë mblidhen së bashku dhe kanë dëshirën e madhe për të mësuar shqip. Prindërit që i kanë sjellë dhe po i sjellin e dinë mirë se ata i dorëzojnë në duar mësuesesh plot përvojë dhe të zonjat në profesion. Shkolla Shqipe “Alba Life” është një shkollë serioze, me autoritet që jo vetëm ju mëson nxënësve Gjuhën Shqipe, por dhe i përfshin në mjaft aktivitete kulturore dhe artistike. Ne kryejmë pesë aktivitetet të shoqeruara me koncerte në skenë si për festën e Flamurit, të fundvitit, Pavaresine e Kosoves, 7 Marsit dhe të perfundimit të shkollës me Festival te shkollave Shqipe “Alba Life, të cilat janë nga më mbresëlënëset dhe më kuptimplotet pasi nxënësit njihen më shumë me historinë e Kombit dhe ndihen më pranë vendit të të parëve të tyre. Ja, që sot Bronxi filloi provat për Festën e Flamurit duke kënduar Himnin Kombëtar si: Rreth flamurit të përbashkuar/ Me një dëshir` e një qëllim/ Të gjith` atij duk` ju betuar/ Të lidhim besën për shpëtim/ Prej lufte veç ai largohet/ Që është lindur tradhëtor/ Kush është burrë nuk friksohet/ Po vdes, po vdes si një dëshmor!

I degjoja me shumë vëmendje dhe kënaqësi pasi të pakten këto mësuese të apasionuara arrijnë të ulin numrin e asimilimit të Gjuhës Shqipe në Diasporë sepse sic thotë Rilindasi I shquar Sami Frashëri: “Viktimat e Gjuhës janë më të shumta se ato të shpatës”.

Fillimi i vitit akademik 2022-2023 është një sukses për Shkollat Shqipe çka të kujton thënien e popullit se fillimi i mbarë është gjysma e punës.

Dyertë e shkollës Shqipe “Alba Life” janë të hapura dhe ne i mirëpresim cilindo që dëshiron të gjej kohë dhe të mësojë SHQIP!

8 Tetor, 2022

New York