Boston, MA. 18 mars 2025/

“Kjo është dita që e bëri Zoti; Le të gëzohemi dhe të ngazëllojmë në të” (Psalmi 117:24)

Fort Lumturia Juaj, Kryepeshkop i Zgjedhur, Vëlla i ynë i dashur dhe Bashkëmeshëtar në Krishtin Zotin tonë,

Në përfundimin e Liturgjisë Hyjnore Hierarkike të së dielës së kaluar në Kapelën e Shkollës së Teologjisë Orthodhokse të Kryqit të Shenjtë në Brookline, Massachusetts, morëm lajmin e gëzueshëm për zgjedhjen tuaj në Fronin e Kryepeshkopit të Kishës Ortodokse Autoqefale të Shqipërisë.

Që kur lajmi i madh u bë i ditur në mbarë botën, zemrat dhe mendjet tona janë mbushur me shumë gëzim dhe lumturi shpirtërore, duke falënderuar Zotin tonë Jesu Krisht, Kryepriftin dhe Atin e Tij të përjetshëm që dërgoi Ngushëllimtarin e Tij, mbi anëtarët e nderuar të Sinodit të Shenjtë, duke u dhënë atyre Providencën Hyjnore për t’ju zgjedhur juve si pasardhës i denjë i paraardhësve tuaj.

Fortlumturia Juaj! Roli që do të merrni dhe Froni në të cilin do të ngjiteni, do të sjellë ajër të freskët, do të fillojë një epokë e re, do të forcojë dhe ripërtërijë marrëdhëniet e vjetra dhe tradicionale, ndërsa do të krijojë miqësi të reja, do të sjellë shpresa dhe pritshmëri të reja që do të vijnë me shumë sfida të kësaj bote të trazuar, por ne jemi të bindur se Shpirti i Shenjtë dhe Hyjnor, Këshilltari i Madh, Shpirti i së Vërtetës, i Cili buron prej Atit, do t’ju drejtojë me mençuri në udhëheqjen tuaj, duke lundruar anijen e Besimit tonë të të parëve në këtë det të stuhishëm, me trimëri, shoqëri dhe guxim, duke e drejtuar atë drejt horizonteve të reja të limanit të Shpëtimit tonë.

Me shpresën e sinqertë se do të takohemi në një të ardhme të afërt, lutemi që Perëndia i Tërëfuqishëm t’ju japë shumë shëndet dhe forcë për të barituar grigjën tuaj dhe, në emër të klerit tonë dhe të gjithë popullit besimtar të Dioqezës Ortodokse Shqiptare të Amerikave, ju urojmë një shërbesë Kryebaritore të frytshme, të bekuar dhe të suksesshme për shumë vite.

Duke ju përqafuar vëllazërisht, ju themi me gëzim: AXIOS! I DENJË!

Në dashurinë e Krishtit dhe të Mëmëdheut tonë të përbashkët, mbetemi përherë i juaji, Vëllai i juaj Bashkëmeshëtar

† THEOFANI

i Filomilisë dhe Dioqezës Ortodokse Shqiptare të Amerikave

Rafaela Prifti/

Mjek Robot? Projektligji i paraqitur në Dhomën e Përfaqësuesve në Kongresin amerikan hap rrugën Inteligjencës Artificiale (IA) dhe teknologjive të ngjashme të japin receta për medikamente të miratuara nga Agjencia për Ushqim dhe Barna (US Food and Drug Administration, FDA). Propozimi është paraqitur në janar si kërkesë për të shtuar pikën që thotë se “programi i Inteligjencës Artificiale mund të jetë i aftë si praktikues i ligjshëm për të lëshuar receta” – Akti për Teknologjinë e Shëndetësisë 2025 (Health Technology Act of 2025). Deputeti republikan i Arizonës David Schweikert https://www.congress.gov/member/david-schweikert/S001183 e ka paraqitur atë në Komisionin për Energji dhe Tregti në Kongresin amerikan. Nëse miratohet atëherë pika 503(b) e ligjit të FFDCA do ketë shtesën “Inteligjenca Artificiale – praktikant i licencuar me ligj për administrimin e barnave.”

IA NË MJEKËSI

IA ka hyrë tashmë në përdorim në shëndetësi si në radiologji dhe aplikime të tjera, analizimi i kontrolleve dhe rezultateve laboratorike, zbulimet e barnave të reja në farmaceutikë, mbarëvajtje administrative etj, sipas një studimi të kryer nga NIH Biblioteka Kombëtare e Mjekësisë.

Por ekspertët besojnë se IA nuk është gati të hyjë në shumë aspekte të kujdesit mjekësor. Ndonëse programi është shumë i saktë kur bën përzgjedhje në një grup me përgjigje, autorët e studimit vërejnë se shpesh arsyetimi i programit se përse e bëri përzgjedhjen e duhur është shpesh i pasaktë. Ata rekomandojnë studime më të thelluara përpara se të integrohen modele të IA në sistemet e punës klinike. Përdorimi i IA në shëndetësi dhe në kujdesin shëndetësor është një hap që ka shumë dobishmëri dhe shumë rreziqe njëherazi, thuhet në studim. Më konkretisht, nëse informacioni që jep pacienti është i paplotë, atëherë, bazuar në ato të dhëna IA e “plotëson” kartelën dhe mund të japë rekomandime me pasoja katastrofike për pacientin.

Sot, më 16 mars 2025, të dielën e dytë të Kreshmës, kushtuar Shën Grigor Palamait, pas Liturgjisë Hyjnore dhe në përputhje me Traditën e Shenjtë dhe Statutin e Kishës Orthodhokse Autoqefale të Shqipërisë, u mbajt në Qendrën Sinodike në Tiranë mbledhja e Sinodit të Shenjtë të Kishës Orthodhokse Autoqefale të Shqipërisë me qëllim zgjedhjen e Kryepiskopit të ri.

Pas lutjes, anëtarët e Sinodit të Shenjtë, nën kryesinë e Mbikëqyrësit të Fronit Kryepiskopal, Hirësisë së tij Mitropolitit të Korçës Imzot Joanit, me vota kanonike në mënyrë unanime zgjodhën njëzëri pasuesin e të ndjerit Kryepiskopit Anastas.

Hirësia e tij Mitropoliti i Korçës Imzot Joani u zgjodh Kryepiskop i Tiranës, Durrësit dhe gjithë Shqipërisë dhe Primat i Kishës Orthodhokse Autoqefale të Shqipërisë.

Më pas, në Katedralen e “Ngjalljes së Krishtit”, u zhvillua ceremonia e Mesazhit të Madh, ku Sinodi i Shenjtë njoftoi zyrtarisht rezultatin e zgjedhjes të nënshkruar nga të gjithë Kryepriftërinjtë e Kishës Orthodhokse Autoqefale të Shqipërisë: Mitropolitët e Korçës, Gjirokastrës, Apolonisë, Elbasanit, Beratit, Amantias dhe Episkopi i Krujës. Besimtarët orthodhoks që kishin mbushur katedralen dhe oborrin e saj, në një atmosferë gëzimi dhe lavdërimi ndaj Zotit, thirrën “Aksios” (I Denjë) për Primatin e ri të Kishës së Shqipërisë. Në vijim Kryepiskopi i ri Imzot Joani lexoi Mesazhin e Madh dhe e nënshkroi atë në Tryezën e Shenjtë, duke konfirmuar zyrtarisht pranimin e detyrës së lartë.

Kryepiskopi i porsazgjedhur Imzot Joani ka qenë bashkëpunëtor i ngushtë i të ndjerit Kryepiskop Anastas për 32 vjet, nga të cilat 27 vite si Mitropolit i Korçës. Ai është dalluar për veprën e tij baritore dhe kontributin në rindërtimin e Kishës, zhvillimin e arsimit teologjik dhe forcimin e veprimtarive bamirëse të Kishës.

I diplomuar me rezultate të shkëlqyera në studimet teologjike në SHBA, ai u kthye në Shqipëri për të kontribuar përkrah Kryepiskopit Anastas në rimëkëmbjen e Kishës së shkatërruar të Shqipërisë. Që nga viti 1993 ka shërbyer si profesor në Akademinë Teologjike të Durrësit, përkthyes i shumë teksteve teologjike dhe autor i tekstit të parë të Dogmatikës në gjuhën shqipe. Ai themeloi revistën “Tempulli”, përfaqësoi Kishën në takime ndërortodokse dhe ndërkristiane dhe është nderuar me tituj të spikatur për kontributin e tij në kulturë, arsim dhe dialog ndërfetar.

/rtsh.al/

Ambasador Blerim Reka: “Homazh dëshmorëve, Agron, Mehmet dhe Ilir Bytyqi, në varrezat Yonkers të Nju Jorkut, bashkë me luftetarët e UÇK-së të Batalionit Atlantiku. Lavdi!”

Më 5 Prill 2025 Shoqata Malësia e Madhe në New York organizon një mbrëmje festive në nder të 114 vjetorit të Kryengritjes së Malësisë së Madhe dhe 30 vjetorit të themelimit të Shoqatës Malësia e Madhe – NY. Me rastin e 30 vjetorit, shoqata Malësia e Madhe – New York shpreh mirënjohje e falenderim për çdo anëtar në 30 vite, kryetar e person të zgjedhur për lidershipin e treguar në këto 3 dekada angazhim e përkushtim patriotik, atdhetar e komunitar. Shoqata Malësia e Madhe – New York është krenari kombëtare në mërgatën e Shteteve të Bashkuara të Amerikës. Përpjekjet e anëtarëve të shoqatës sonë për komb e komunitet si në Malësi e në New York ka qenë i jashtëzakonshëm dhe meriton vlerësim, respekt e nderim të thellë prej të gjithëve.

Këtë mbrëmje festive e nderon si folës kryesor historiani Dr. Paulin Marku, gjithashtu pritet dhe një delegacion nga Komuna e Tuzit.

Saturday, April 5th

Eastwood Manor

Doors Open 7pm

Leke Dedvukaj | Gjystina Bojaj

Dr. Paulin Marku