Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Hapet Konsullata turke në Prizren

by

Prizren, 23 prill 2016-B.Jashari/Në qytetin e Prizrenit në Kosovë është hapur sot Konsullata e Turqisë. Të pranishëm në këtë ngjarje ishin kryeministri i Republikës së Kosovës, Isa Mustafa dhe ministra të qeverisë kosovare, zëvendëskryeministri turk Numan Kurtulmus, përfaqësues diplomatikë dhe personalitete nga Prizreni. Gjatë ceremonisë u vlerësuan marrëdhëniet shumë të mira ndërmjet dy shteteve dhe u shpreh përkushtimi i dy anshëm për bashkëpunim të mëtejshëm.   Ndërkohë, në Kosovë është festuar Dita e Turqve -23 Prilli, e cila është e përcaktuar si një nga “ditët memoriale” me Ligjin për festat zyrtare, të miratuar pas shpalljes së pavarësisë para 8 viteve.Sipas regjistrimit të popullsisë të pranverës 2011, në Kosovë 1.08 %  e banorëve janë të komunitetit turk. Mamusha, në rajonin e Prizrenit, është e vetmja nga gjithësej 38 komunat kosovare e banuar me shumicë nga pakica turke.

SHBA-Kosovë, ministri dhe komandanti i FSK në Pentagon

by

-Ministri Haki Demolli dhe komandanti i FSK -së gjeneral Rrahman Rama në SHBA u pritën në Pentagon. U diskutuan sfidat e sigurisë, me theks të veçantë në Ballkanin Përendimor si dhe sfidat e Rublikës së Kosovës në aspektin e sigurisë gjithashtu/

 23 prill 2016/ Ministri për Forcën e Sigurisë së Kosovës, Haki Demolli dhe komandanti gjeneral lejtënant Rrahman Rama në Shtetet e Bashkuara të Amerikës u pritën në vizitë zyrtare në Pentagon.

Njoftimi i dërguar thekson se, ministri Demolli dhe gjeneral Rama zhvilluan takim në Zyrën e Sekretarit Amerikan të Mbrojtjes ku u pritën nga kolonel James Lampton,  Shef i Shtabit për Rusi, Ukrainë dhe Euroazi.

Në takimimin e ministrit Demolli dhe gjeneral Ramës me kolonelin Lampton e ku ishin të pranishëm edhe Komandanti i Gardës Kombëtare të Aiovës, gjeneral Timothy Orr dhe Atasheu Amerikan i Mbrojtjes i akrediar në Kosovë, kolonel Chad Butts, u diskutuan sfidat e sigurisë, me theks të veçantë në Ballkanin Përendimor si dhe sfidat e Rublikës së Kosovës në aspektin e sigurisë gjithashtu.

Ministri i Ministrisë për FSK e njoftoj kolonelin Lampton mbi hapat që ka ndërmarrë shteti i Kosovës duke aprovuar ligjin i cili ndalon pjesmarrjen e qytetarëve të Republikës së Kosovës në luftërat e huaja, duke theksuar edhe rezultatet e arritura të gjithë fakrorëve dhe instutucioneve të shtetit në parandalimin e këtij fenomeni i cili ka qenë i shprehur jo vetëm në Kosovë, por në përgjithsi në rajonin e Ballkanit. Si rezultat i këtij angazhimi numri i shtetasëve të Kosovës i angazhuar në luftëra të huaja është zvogëluar dukshëm.

Në takim me palën amerikane, ministri Demolli dhe komandanti i FSK -së gjeneral Rama  i njoftuan zyrtarët amërikanë edhe mbi procesin e transformimit të Forcës së Sigurisë në Forca të Armatosura  si dhe mbi përgatitjet që janë bërë për një transformim sa më të suksesshëm dhe mbi hapat e ndërmarrur politikë për arritjen dhe përfundimin e procesit të tranformimit të Forcës së Kosovës.

Nga ana e tij, gjeneral Rama foli për zhvillimin dhe profesionalizmin e FSK-së, aktivitetet e Forcës brenda vendit si dhe për bashkëpunimin e saj me ushtritë e shteteve të rajonit e më gjerë.

Në takimin me ministrin Demolli dhe gjeneralin Rama, Shefi i Shtabit për Rusi, Ukrainë dhe Euroazi i Zyrës së Sekretarit Amerikan të Mbrojtjes, koloneli James Limpton shprehu gatishmeri dhe mbështetje për procesin si dhe premtoi mbështetje të vazhdueshme për Kosovën në fushën e sigurisë.

Gjatë takimit kolonel Ilir Qeriqi, shef i Departamentit për Bashkëpunim dhe Siguri në MFSK bëri një prezantim me tëmë ”FSK dhe Partnerët”, ndërsa major Berat Shala bëri prezantim për ushtrimin fushor të FSK-së ”Eagle 5”.

Ministri Demolli dhe gjeneral Rama gjatë kësaj vizite zyrtare në ShBA patën një varg takimesh të rëndësishme dhe u pritën nga shumë personalitete, dhe gjithashtu deri në përfundim të qëndrimit do të kenë axhend të rendësishme./b.j/

Gjenerali Miglietta takoi Kryetarin e Prishtinës

by

–Gjenerali Miglietta nënvizojë se “KFOR-i është i vendosur të ofrojë një ambient të qetë dhe të sigurt në komunën e Prishtinës si dhe në tërë Kosovën”/
PRISHTINË, Kosovë-22 prill 2016 . Sot Komandanti i KFOR-it, gjeneralmajor, Guglielmo Luigi Miglietta pati një takim, në kuadër të takimeve me udhëheqësit kyç, me kryetarin e Prishtinës, Shpend Ahmeti.
Gjatë takimit ata diskutuan për situatën e sigurisë në Kosovë me fokus të veçantë në komunën e Prishtinës. Gjenerali Miglietta përgëzoi zt. Ahmetin për përparimin e bërë në komunën e Prishtinës gjatë kohës së tij si kryetar. Kryetari në veçanti sqaroi politikat e zbatuara në fushën e rritjes së transparencës dhe përmirësimit të furnizimit me ujë dhe shërbimit administrativ civil. 
Gjenerali Miglietta nënvizojë se “KFOR-i është i vendosur të ofrojë një ambient të qetë dhe të sigurt në komunën e Prishtinës si dhe në tërë Kosovën”. 
Kryetari falenderoi gjeneral Miglietta-n për punën e KFOR-it për ofrimin e një ambienti të sigurt për të gjithë njerëzit e Kosovës. 
Gjenerali Miglietta herë pas here takon udhëheqësit kryesorë si pjesë e qasjes gjithpërfshirëse të misionit të KFOR-it.

Integrimi në Bashkimin Evropian, vizion madhor i Kosovës

by

-Kryeministri Isa Mustafa: Marrëveshja për Stabilizim Asociim, një prej dokumenteve më të rëndësishme pas shpalljes së pavarësisë. Hap rrugë për një proces të reformave thelbësore në Kosovë/

PRISHTINË, 21 Prill 2016-B.Jashari/Kosova me nënshkrimin e Marrëveshjes për Stabilizim Asociim e ka nënshkruar një prej dokumenteve më të rëndësishme pas shpalljes së pavarësisë, vlerësoi sot kryeministri Isa Mustafa, ndërsa theksoi se, ky dokument hapë rrugë për një proces të reformave thelbësore.“Me nënshkrimin dhe ratifikimin në Kuvend të kësaj marrëveshje, Republika e Kosovës ka hyrë në marrëdhënie kontraktuale me Bashkimin Evropian, dhe këto marrëdhënie do të thonë më shumë të mira për njerëzit e Kosovës, dhe po ashtu edhe më shumë të mira për Bashkimin Evropian, si dhe më shumë stabilitet dhe integritet në këtë rajon”, u shpreh kru i qeverisë kosovare.

Mustafa tha se, me nënshkrimin e kësaj marrëveshje më 27 tetor të vitit të kaluar është  konfirmuar vullneti i qytetarëve të Republikës së Kosovës për perspektivën e integrimit si vizion madhor i Kosovës dhe i qytetarëve të saj.“Kuvendi i Republikës së Kosovës ka miratuar edhe Ligjin për ratifikimin e kësaj marrëveshje, gjë që është konstatuar edhe vullneti i përfaqësuesve të qytetarëve të Kosovës për rrugën tonë evropiane”, theksoi ai.Kryeministri Mustafa siguroi se, përkushtimi i qeverisë së Republikës së Kosovës është shumë i madh për zbatimin e  Marrëveshjes për Stabilizim Asociim.“Do të punojmë shumë dhe dëshirojmë që në zbatimin e Marrëveshjes për Stabilizim Asociim të jemi së bashku të gjithë, sepse në këtë formë do të arrijmë më shumë. Një fjalë popullore thotë se ‘kur njeriu ecën vetëm shkon më shpejt, por kur ec në grup, atëherë arrin më larg’, dhe ne dëshirojmë që të arrijmë më larg me këtë Marrëveshje”, u shpreh ai.Kryeministri i Republikës së Kosovës, Isa Mustafa, po merr pjesë në tryezën e rrumbullakët me temën “Si ta shndërrojmë MSA-në në një proces për reforma thelbësore në Republikën e Kosovës?’, të organizuar nga Grupi për Studime Juridike dhe Politike (GSJP) dhe Instituti i Prishtinës për Studime Politike (PIPS).

Në 1 prill 2016 ka nis zbatimi i Marrëveshjes së Stabilizim Asociimit në mes të Kosovës dhe Bashkimit Evropian, e nënshkruar në 27 tetor 2015 në Strasburg  dhe e ratifikuar në Parlamentin kosovar pas pak ditësh, në 2 nëntor.Programi Kombëtar për zbatimin e Marrëveshjes së Stabilizim Asociimit me Bashkimin Evropian është miratuar në 10 mars 2016  nga Kuvendi i Republikës së Kosovës.  Në 27 tetor 2015 kryeministri i Republikës së Kosovës, Isa Mustafa dhe përfaqësuesja e Lartë e BE-së për Punë të Jashtme dhe Politika të Sigurisë, njëherësh zëvendës presidente e Komisionit Evropian, Federica Mogherini, kanë nënshkruar në Strasburg Marrëveshjen e Stabilizim Asocimit ndërmjet Kosovës dhe Bashkimit Evropian.

Në ceremoninënë e zhvilluar, Marrëveshja është nënshkruar edhe nga ministri i Integrimit Evropian të Kosovës, Bekim Çollaku dhe komisioneri i BE-së për Politika të Fqinjësisë Evropiane dhe Negociata të Zgjerimit, Johannes Hahn.Negociatat për marrëveshjen e Stabilizim-Asociimit, kanë nisur në 28 tetor të vitit 2013.Kosova dhe Komisioni Evropian kanë vënë inicialet në Marrëveshjen e Stabilizim Asociimit qysh në korrik të vitit 2014.Procesi i nënshkrimit është ngadalësuar për shkak të mungesës së konsensusit brenda vetë Bashkimit Evropian, përkatësisht mosnjohjes së Kosovës ende nga pesë vende të BE-së.Më vonë, megjithatë, është rënë dakord që Marrëveshja e Stabilizim Asociimit të mos ratifikohet nga parlamentet e secilit shtet anëtar veç e veç, ashtu siç ka qenë praktika me vendet e tjera.Në 22 tetor 2015 Këshilli i Bashkimit Evropian miratoi Marrëveshjen e Stabilizim Asociimit ndërmjet Kosovës dhe Bashkimit Evropian.Në 24 tetor, nisma për lidhjen e Marrëveshjes për Stabilizim Asociimin ndërmjet Bashkimit Evropian dhe Kosovës u miratua nga qeveria kosovare.Marrëveshja ka strukturë dhe përmbajtje të njëjtë sikur marrëveshjet e të gjitha vendeve të rajonit dhe përfshinë të gjitha elementet e një bashkëpunimi të plotë politik, ekonomik  ndërmjet Kosovës dhe Bashkimit Evropian. MSA, marrëveshja e parë kontraktuale ndërmjet Kosovës dhe Bashkimit Evropian, përmban 597 faqe, në X tituj, VII anekse dhe 5 protokolle.

Flota e SHBA do bashkëpunojë me aleatët për sigurimin e hapësirave të tyre aero-detare

by

Përktheu për  gazetën “Dielli”, Kapiten i Rangut të III-të Artan Malo*/

Ne nuk do të heqim dorë nga hapësira në Balltik, ne nuk kemi frikë, tha në bordin e anijes,  Komandanti  i destrojerit amerikan USS“Donald Cook”, pas fluturimit të dy avionëve sulmues rus në Detin Balltik. Në vijim Komandant Charles Hampton, i shqetësuar nga dy avionët sulmues rusë në detin Balltik, theksoi se Marina Amerikane nuk do të heqë dorë nga mbrojtja e hapësirës aero-detare të aleatëve në deti Balltik nga forcat ruse. Këto deklarata Ai i bëri në portin e Klaipedas, ku është bregëzuar Destrojeri amerikan USS“Donald Cook”. Reagimi i Shteteve të Bashkuara të Amerikës lidhur me ngjarjen, nuk ka të bëjë me frikën, por me sigurinë dhe sjelljen profesionale ndërmjet forcave ushtarake ndërkombëtare në hapësirën aero-detare ndërkombëtare. Flota e SHBA do vazhdojë të bashkëpunojë me të gjithë aleatët e saj, dhe nuk do të heqë dorë për mbrojtjen e haësirës aero-detare në detin Balltik, vuri në dukje Komandant Charles Hampton, gjatë konferenës për shtyp. Gjithashtu Komandant Hampton sqaroi se, sic e keni parë në media, fluturimi ishte shumë i ulët, i shpejtë dhe i papajtueshëm  me operacionet normale të ushtrive ndërkombëtare në ujërat ndërkombëtare dhe në hapësirën ajrore ndërkombëtare. Kjo sjellje e avionëve rusë është e papajtueshme me sjelljen normale ndërmjet dy marinave në kohë paqe, sqaroi Komandanti i destrojerit USS“Donald Cook”. I pyetur për shqetësimin dhe zhurmën e avionëve rusë, të cilën analistët ushtarakë e përshkruajnë këtë ngjarje si “Strafing run”, {tip pikiate sic e njohim ne}, Komandant Hampton tha se avionët ishin shumë afër anijes. Sigurisht që destrojeri USS“Donald Cook” është multifunksional, për të kryer shumë misione luftarake. Itinerari i tij ishte i saktë, sipas skenarëve që ne përgatisim  për trajnimin e ekuipazhit  Anija ka parametrat e duhur operacionalë për të zbuluar objekte të tilla disa qindra milje larg. Kështu ne i ndoqëm avionët 100 milje larg dhe gjykuam e vlerësuam situatën shpejt. Në këtë rast kundërshtimi i SHBA-ve nuk ka të bëjë me frikën, por me sjellje të sigurt e profesionale, sipas legjislacionit ndërkombëtar. Destrojeri USS“Donald Cook” është i projektuar e ndërtuar teknologjikisht për këtë lloj kërcënimi, vijoi Komandant Hampton, gjithashtu dhe ekuipazhi i kësaj anije është tepër i aftë për këto raste. Në fund Komandanti i Destrojerit USS“Donald Cook” u shpreh se ekuipazhi i destrojerit është i kënaqur që ndodhet në Lituani dhe falenderoi popullin lituanez për mikpritjen e tyre të ngrohtë.

Sqarojmë lexuesit se Destrojeri “Donald Cook”, ka vizituar dy herë vendin tonë vitet e fundit.

 

*Nga Konferenca për shtyp e komandantit të destrojerit USS “Donald Cook”, mbajtur në Portin Lituanez të Klaipedas, data 14 prill 2016