Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Sekretari Kerry do vizitojë Tiranën më 14 shkurt 2016

by

Departamenti amerikan i Shtetit, përmes një njoftimi zyrtar të pasdites së kësaj të enjteje ka bërë të ditur se Sekretari i Shtetit, John Kerry do të vizitojë Tiranën më 14 shkurt.
Ndalesa e Sekretarit Kerry në Shqipëri është në vazhdën e një udhëtimi 5-ditor, që ai do ta nisë me ndalesën në Mynih të Gjermanisë, ku do të marrë pjesë në Konferencën e 52-të të Sigurisë. Në këtë ndalesë, ai do të marrë pjesë në takimin e Grupit Ndërkombëtar në Mbështetje të Sirisë (ISSG) për të diskutuar mbi mënyrat sesi të përshpejtohet dhënia fund e konfliktit sirian.
Më tej në Tiranë, Sekretari Kerry do të takohet me krerët më të lartë të qeverisë shqiptare, për të diskutuar mbi integrimin e mëtejshëm euroatlantik të Shqipërisë, si dhe bashkëpunimin e ngushtë dypalësh me Shtetet e Bashkuara të Amerikës. John Kerry bëhet i pesti kryediplomat amerikan që viziton Shqipërinë gjatë 26 viteve të demokracisë. I pari ka qenë James A. Baker III, në vitin 1991, atëherë kur Shqipëria ende nuk kishte dalë plotësisht nga diktatura 45-vjeçare komuniste. Më pas, në vitin 2000 ishte Madeleine Albright, ajo që vizitonte Tiranën pak pas Çlirimit të Kosovës. Pas një tjetër përplasjeje në rajon, asaj të 2001-shit në Maqedoni, ishte Colin Poëell, në vitin 2003, që do të ishte i pranishëm në firmosjen e Kartës së Adriatikut mes Uashingtonit, Tiranës, Zagrebit dhe Shkupit. Hillary Clinton ishte Sekretarja e fundit amerikane e Shtetit, e cila vizitoi Shqipërinë në vitin 2012. Tre vite pas kësaj vizite, në kohën kur rajoni është i përfshirë nga shumë zhvillime, por edhe nga tentativat e herëpashershme të Rusisë për të shtrirë ndikimin e saj në Ballkan, John Kerry viziton Tiranën. Pas Shqipërisë, kryediplomati amerikan do të rikthehet në SHBA, ku në Sunnylands, Rancho Mirage, të Kalifornisë do të bashkohet me Presidentin amerikan, Barack Obama, në samitin mes SHBA-ve dhe ASEAN (rajoni Azi-Paqësor), më 15 dhe 16 shkurt.

Delegacioni i BE vizitoi Qendrën NdërInstitucionale Operacionale Detare

by

Nga Shefqet Kërcelli/
Vlerësohet puna e bërë nga institucionet e shtetit shqiptar për monitorimin e situatës detare
Paraditen e datës 5 shkurt 2016, një delegacion i Bashkimit Evropian i kryesuar nga Europarlamentarët Romana Vlahutin{Amabasadore e BE në Shqipëri} dhe Lars Wigemark {Ambasador i BE në BosnjëHercegovinë} zhvilluan një vizitë në Qendrën tonë NdërInstitucionale Operacionale Detare. Fillimisht Delegacioni i BE u prit nga Drejtori i QNOD, Gjeneralmajor{R} Maksim Malaj dhe Kordinatorët e Institucioneve pjesmarrës të kësaj Qendre. Sipas programit mbas fotos së përbashkët, Delegacioni i BE i ndarë në dy grupe u njoh me Organizimin, Përbërjen e Misionin e Qendrës si dhe funksionimin e Sallës Operacionale. Mbasi i uroi mirëseardhjen, zoti Malaj i prezantoi pjesmarësve qëllimin e krijimit të QNOD në maj të vitit 2010, konceptimin e saj si institucion kryesor për monitorimin e situatës detare, ministritë pjesmarrëse, bashkëpunimi midis tyre, stafi operacional, kapacitetet operacionale dhe drejtimi i operacioneve, rregjimet juridike, sistemet dhe asetet në përdorim, shtrirja e tyre, shkëmbimi i informacionit dhe analiza e riskut. Në vijim Gjeneral Malaj evidentoi disa nga operacionet kryesore të kryera gjatë vitit të kaluar dhe aktualisht, si ato antidrogë, trafikun e paligjshëm të mallrave dhe njerzve, operacionet humanitare për shpëtimin e personave dhe mjeteve në rrezik, etj. Në organizimin, certifikimin dhe funksionimin normal të QNOD ka shërbyer dhe asistenca e Ambasadës së SHBA, BE dhe NATO-s, nëpërmjet strukturave të tyre, ICITAP, EXBX, PAMECA dhe atasheve ushtarakë të vendeve partnere, theksoi zoti Malaj. Ndërkohë për trajnimin, standartizimin dhe përgatitjen e personelit përbërës të QNOD ka qenë efikas bashkëpunimi dhe zhvillimi i stërvitjeve me Flotën e 6-të dhe Rojen Bregdetare të SHBA, me Qendrën e Simulimeve të Forcave të Armatosura, Guardia di Financën dhe Institucionet Shtëtërore me interesa në det si, Forcën Detare, Policinë Kufitare, Antikontrabandën Detare, Kapitanerinë e Porteve, Inspektoriatin e Peshkimit dhe atë Mjedisit. Gjatë prezantimit Ambasadore Vlahutin u interesua për operacionet e kryera në zbatim të ligjshmërisë detare, kryesisht trafikut të paligjshëm dhe përballimin e situatave emergjente në det. Në zbatim të programit, delegacioni i BE u njoh konkretisht me funksionimin e Sallës Operacionale të QNOD. Kapiten i Rangut të I-rë,{R} Astrit Aliaj, Zv/drejtor i QNOD, e njohu delegacionin e BE me organizimin e Sallës Operacionale, ndjekjen dhe monitorimin e situatës detare nga personeli i saj, sistemet dhe aparaturat që përdoren, bashkëveprimi gjatë operacioneve. Këtu zyrtarët e BE bënë pyetje dhe ndoqën nga afër mënyrën e monitorimit dhe ndjekjes së lëvizjes së anijeve të peshkimit, për të cilat morën përgjigje nga specialistët përkatës. Në fund të vizitës Ambasadorja e BE në vendin tonë, zonja Romana Vlahutin vlerësoi punën e bërë nga personeli dhe institucionet e shtetit shqiptar për organizimin, pajisjen dhe forcimin e institucioneve ligjzbatuese në det. “Shqipëria ka bërë hapa para dhe i ka përmbushur detyrimet e standartet e kërkuara nga BE për kontrollin dhe monitorimin e hapësirës detare”, u shpreh ambasadorja Vlahutin. Po sot Delegacioni i BE zhvilloi vizita në objektet muzeale të qytetit të Durrësit.

SACEUR VISITS NATO HEADQUARTERS IN KOSOVO

by

PRISTINA, 4 FEB 2016. During a two day visit to NATO Headquarters in Pristina, General Philip M. Breedlove, the Supreme Allied Commander Europe, met with Kosovo Force troops highlighting NATO’s continued commitment to the stability of Kosovo’s future.
General Breedlove was briefed by Major General Luigi Guglielmo Miglietta, KFOR Commander and the international HQ Staff on the latest developments in the current security situation in Kosovo and in the Balkans region.
“It’s very encouraging to see how KFOR’s contribution to the stability of the security situation here has provided the time and space needed for so much progress. Certainly there is still plenty left to be done but the progress has been notable,” stated Breedlove.
General Breedlove had two very informative and useful meetings with several ambassadors of contributing Nations to KFOR mission, as well as the Representatives of the International Community: EU, UNMIK, OSCE and EULEX.
“As Kosovo steps forward and embraces its own future, NATO will remain committed to doing its part to contribute to stability here,” added Breedlove. “We will retain a flexible, deterrent presence and will make changes only when the security situation allows.”
Later in the afternoon, General Breedlove met with the President of Kosovo and the Prime Minister. They expressed appreciation to General Breedlove for the significant contribution made by KFOR’ soldiers in maintaining security and stability in Kosovo.
“KFOR continues to contribute towards maintaining a safe and secure environment in Kosovo and freedom of movement for all,” said Breedlove.
On completion of the tour General Breedlove took the opportunity to have breakfast with troops and leaders.
“I want to thank each and everyone one of your for all the hard work you are doing here, we would not be successful without your dedication and effort,” said Breedlove.

Kosovë-NATO, Jahjaga kërkon vendosjen e marrëdhënieve formale

by

-Kryeministri Mustafa: Kosova e përkushtuar në rrugën e saj euroatlantike. Komandanti Suprem i NATO-s, Gjenerali Philip Breedlove viziton Kosovën/
Nga Behlul Jashari/ PRISHTINË, 4 Shkurt 2016/ Presidentja e Republikës së Kosovës, Atifete Jahjaga ka pritur sot pasdite në takim Komandantin Suprem të Forcave Aleate për Evropë, gjeneralin Philip Breedlove, me të cilin diskutuan për zhvillimet e fundit politike në vend, situatën dhe sfidat e sigurisë në Kosovë dhe rajon, transformimin e Forcës së Sigurisë së Kosovës dhe procesin e integrimit të vendit në NATO.
Presidentja Jahjaga falënderoi gjeneralin Breedlove për kontributin e mijëra ushtarëve të rreshtuar në KFOR për të krijuar ambient të qetë dhe të sigurt në Kosovë që u ka mundësuar institucioneve dhe qytetarëve të vendit të ndërtojnë një shtet demokratik dhe funksional.
Presidentja Jahjaga kërkoi gjithashtu vendosjen e marrëdhënieve formale ndërmjet Republikës së Kosovës dhe NATO-s si përmbushje e aspiratave të vendit për të realizuar integrimin euroatlantik dhe anëtarësimin eventual në NATO, bën të ditur njoftimi dërguar nga Presidenca kosovare.
Edhe kryeministri i Republikës së Kosovës, Isa Mustafa, priti të enjten në takim Komandantin Suprem të NATO-s, Gjeneralin Philip M. Breedlove.
Njoftimi dërguar nga Kryeministria thekson se, duke e falënderuar për përkrahjen e tij dhe të NATO-s për Kosovën, kryeministri Mustafa, shprehu vlerësimet më të larta të qytetarëve për kontributin e KFOR-it për proceset në Kosovë.
Kryeministri Isa Mustafa, po ashtu, e njoftoi Gjeneralin Breedlove për progresin që po arrihet në Kosovë në avancimin e gjendjes së sigurisë, për proceset integruese evropiane, zhvillimin ekonomik, forcimin e shtetit ligjor dhe reformat tjera.
Më tej, kryeministri Mustafa theksoi përkushtimin dhe rezultatet konkrete të Kosovës në luftën kundër radikalizmit të dhunshëm dhe terrorizmit dhe hapat e mëtejmë në kuadër të luftës së përbashkët të koalicionit global kundër këtyre dukurive.
Gjatë takimit u bisedua edhe për procesin e transformimit të FSK-së në Forca të Armatosura të Kosovës.
Kryeministri Isa Mustafa, theksoi përkushtimin e Qeverisë së Kosovës për fuqizimin e bashkëpunimit dhe dialogut politik me NATO-n.
“Populli dhe institucionet e Republikës së Kosovës janë plotësisht të përkushtuara në rrugën e tyre euroatlantike dhe ky proces nuk ka alternativë tjetër për Kosovën”, tha kryeministri Isa Mustafa.
Komandanti Suprem i NATO-s, Gjeneralin Philip M. Breedlove, vlerësoi progresin në Kosovë, duke shprehur optimizmin e tij për zhvillimet e mëtejshme.
Gjenerali Breedlove, po ashtu, shprehu përkrahje për Kosovën në hapat e ardhshëm, duke vlerësuar lidershipin e Qeverisë së Kosovës dhe fokusimin e saj në zhvillimin ekonomik dhe proceset tjera zhvillimore.
Komandanti Suprem i Forcave Aleate për Evropë, Gjenerali Philip Breedlove po viziton sot Kosovën.
Nga Shtabi qendror i KFOR-it, Zyra për marrëdhënie me pvublikun, në njoftimin e dërguar, përfaqësuesit e mediave janë të ftuar të marrin pjesë sot në një konferencë për shtyp me Gjeneralin Philip Breedlove, Komandant Suprem i Forcave Aleate për Evropë (SACEUR), dhe Gjeneral Majorin Guglielmo Luigi Miglietta, Komandant i Forcës së Kosovës (COMKFOR) në shtabin qendror të KFOR-it, kampin “Film City”, në Prishtinë.
Komandanti Suprem i Forcave Aleate për Evropë do të ndajnë informacione me gazetarët mbi misionin e KFOR-it në Kosovë dhe operacionet e NATO-s.
Aktualisht, KFOR-in e përbëjnë 5000 trupa nga 31 vende. Pjesëtarët dhe partnerët e NATO-s, nën mandatin e Kombeve të Bashkuara (OKB-së), vazhdojnë përpjekjet e tyre për të siguruar një ambient të qetë dhe të sigurt e liri të lëvizjes për të gjithë qytetarët dhe komunitetet në Kosovë.

Masakra e Elbasanit: 3 të vrarë e 10 të plagosur

by

Elbasan, 3 Shkurt 2016- Breshëritë e kallashnikovit tronditën Elbasanin në mbrëmjen e së mërkurës dhe lanë një bilanc tragjik të viktimave.
Persona ende të paidentifikuar hapën zjarr në drejtim të një lokali në afërsi të stadiumit “Elbasan Arena”, duke lënë 3 persona të vdekur dhe 10 të plagosur.
Nga të dhënat e para dyshohet se zjarri u hap me një arme tip kallashnikov nga një automjet tip “BMW X5” në drejtim të lokalit.
Si pasojë e plumbave, kanë humbur jetën Agron Çapja, Ardit Sinakoli dhe Eno Bedalli.
Ndërkaq, të plagosur mbetën: Arnold Çapja, Florenc Çapja, Fejzulla Çapja, Bujar Reshka, Luan Muça, Ferit Muça dhe Ardian Zharri.
Burime zyrtare nga Policia e Shtetit bëjnë të ditur se i gjithë qyteti i Elbasanit është i bllokuar nga uniformat blu, ku në ndihmë të efektivëve të Elbasanit kanë mbërritur dhe Forcat Speciale RENEA, FNSH e Tiranës dhe FNSH e Fierit. Po ashtu, menjëherë janë vënë në lëvizje dhe forcat policore të komisariateve Lushnje, Fier, Berat, Durrës.
Paraprakisht dyshohet se krimi ka ndodhur për hakmarrje lidhur me ngjarje të së shkuarës, pasi familja Çapja nuk është e panjohur për Policinë e Shtetit.
Rreth 1 orë pas ngjarjes, 6 nga të plagosurit u transportuan me helikopter nga Elbasani drejt Spitalit të Traumës në Tiranë, pasi gjendja e tyre ishte e rënduar. Por, sipas drejtorit të këtij spitali, Gjovalin Bushi, më e rënduar paraqitet gjendja e 3 prej tyre.
“Tre prej tyre janë në gjendje të rëndë, ndërsa tre të tjerët janë në gjendje më të stabilizuar. Secili prej tyre do t’i nënshtrohet ekzaminimeve dhe më pas do të japim një përgjigje më të saktë. Personat që ndodhen në gjendje të rëndë kanë dëmtime të shumta, thuajse në të gjithë trupin”, tha Gjovalin Bushi.
Nga ana e tij, ministri i Shëndetësisë, Ilir Beqaj bëri dhe një bilanc të numrit të të plagosurve, që deri në orët e vona të mbrëmjes ishte kontradiktor. Ministri tha se në këtë ngjarje kanë mbetur të plagosur 10 persona. Gjashtë prej tyre ndodhen në Tiranë, 3 prej të cilëve në gjendje të rëndë. Dy persona po marrin mjekime në spitalin e Elbasanit, ndërsa dy të tjerë, me plagë më te lehtë, pasi kanë marrë mjekimin e nevojshëm janë larguar për në banesat e tyre.
“Kemi 6 persona që janë sjellë këtu me helikopter, dy të tjerë ndodhen në Spitalin e Elbasanit ku po i nënshtrohen ndërhyrjeve kirurgjikale, ndërsa dy të tjerë kanë pasur dëmtime të lehta, kanë marrë mjekim dhe janë larguar për në shtëpitë e tyre”, u shpreh ministri Beqaj.
Mësohet se në Drejtorin e Policisë së Elbasanit menjëherë pas ngjarjes ka mbërritur dhe ministri i Brendshëm, Saimir Tahiri i shoqëruar nga Drejtori i Përgjithshëm i Policisë, Haki Çako. Ndërsa forcat speciale RENEA, ato FNSH por dhe strukturat e Policisë së Elbasanit kanë nisur menjëherë verifikimin e të githë zonës, duke kryer kontrolle në të gjitha banesat dhe ambientet përgjatë aksit Elbasan-Librazhd, pasi dyshohet se andej mund të jenë larguar dhe autorët.
Kontrolle janë kryer edhe në Qafë Thanë, pasi dyshohet se autorët mund të kenë tentuar largimin drejt Maqedonisë. Deri në mesnatë, policia njoftoi se kishte shoqëruar 18 persona për verifikim rreth masakrës së Elbasanit./ Top Channel