Kronike – Page 392 – Dielli

Në Vitin 1999 ne nuk fituam vetëm lirinë, por edhe rreshtimin në anën e drejtë të historisë

July 2, 2015 by dgreca

Në Kuvendin e Kosovës seancë solemne, shkruhet në mermer Deklarata Kushtetuese e 2 Korrikut 1990
Nga Prishtina: Behlul Jashari/
PRISHTINË, 2 Korrik/.-Në ambientet e Kuvendit të Republikës së Kosovës sot u mbajt seancë solemne dhe u vendos e shkruar në mermer Deklarata Kushtetuese e 2 Korrikut 1990 për pavarësinë e Kosovës, pranë Deklaratës së Pavarësisë të 17 Shkurtit 2008 të Kosovës shtet i njohur deri sot nga mëse 110 shtete anëtare të OKB-së.
Me pjesëmarrjen edhe të Presidentës së Republikës, Atifete Jahjaga dhe shumë të ftuarëve, me rastin e shënimit të 25 vjetorit të miratimit të Deklaratës Kushtetuese të 2 Korrikut 1990, Kuvendi i Kosovës, mbajti sot një seancë solemne, të kryesuar nga Kadri Veseli, kryetar i Kuvendit. Në këtë mbledhje morën pjesë deputetët e Kuvendit të Kosovës, delegatët e Kuvendit të Kosovës të Legjislaturës – dhjetor 1989 – maj 1992, të kryesuar nga Ilaz Ramajli, ambasadorë të vendeve të ndryshme nga bota,si dhe pjesëmarrës të tjerë.
Seancën solemne e hapi me një fjalë rasti, kryetari i Kuvendit të Kosovës, Kadri Veseli, i cili përgëzoi deputetët për këtë datë të shënuar, duke spikatur njëkohësisht edhe rëndësinë e kësaj ngjarjeje. Për rëndësinë e miratimit të kësaj Deklarate folën edhe senatori amerikan Eliot Engël dhe kryetari i Legjislaturës dhjetor 1989 maj 1992, Ilaz Ramajli, i kohës kur u shpall Deklarata Kushtetuese e 2 Korrikut e e Kushtetuta e Republikës së Kosovës e 7 Shtatorit 1990, kur u mbajt Refrendumi për Kosovën Shtet Sovran dhe i Pavarur në fundshtatorin 1991 e kur u zhvilluan edhe ngjarje të tjera historike.
Në shtetrrethim dhe para snajperëve serbë, Kosova para 25 vitesh me Deklaratën Kushtetuese të 2 Korrikut 1990 shpallte pavarësinë e saj, e cila atëherë nuk u njoh ndërkombëtarisht, megjithatë ishte dhe njihej si deklarim i fuqishëm i vullnetit kombëtar, politik e demokratik.
“Deklaratën Kushtetuese mbi Kosovën si njësi të pavarur dhe të barabartë…”, pjesë e lëvizjes gjithëkombëtare për liri, pavarësi e demokraci,
e shpallën në Prishtinë delegatët shqiptarë, po edhe nga komunitete të tjera, para dyerve të Kuvendit kosovar, të cilat ua kishin mbyllur me urdhër serb nga Beogradi, që kishte vendosur gjendje të jashtëzakonshme të shtetrrethimit ushtarako-policor.
Engel tha se Kosova do të jetë anëtare e BE-së dhe NATO-s, sepse nuk ka asnjë arsye të mos jetë pjesë e BE-së dhe të mos ndodhë liberalizimi i vizave.
“Çdokush që vjen në zyrën time i them pse duhet të njihet pavarësia e Kosovës. U kam thënë që duhet të jetë edhe pjesë e OKB-së ”, ka thënë ai.
Engel kujtoi kohën e viteve 99, kur është njoftuar për atë çfarë ndodhi në Kosovë dhe kohën kur ishte i vendosur që Kosovës duhet t’i sjellim pavarësinë.
Ai tregoi kur nuk është lejuar të hyjë në Kosovë dhe takimin me Sllobodan Milosheviçin, kur i ka thënë do të vinte dita kur do ai nuk do ta lejonte Millosheviçin të hynte në Kosovë.
Duke falënderuar Kuvendin e Kosovës për mbajtjen e kësaj seance Ramajli edhe një herë ka rikujtuar ditën kur para 25 vjetësh delegatëve të asaj kohe nuk iu lejua futja në sallën e Kuvendit nga ana e policisë serbe.
Përkundër kësaj, sipas Ramajlit para dyerve të mbyllura dhe nën qiellin hapur shpallën Deklaratën Kushtetuese me të cilën Kosova merr të drejtën për vetëvendosje.
“2 Korriku i vitit 1990 është hapi i parë drejt pavarësisë së Kosovës, e cila pasoi me lëvizjen paqësore për liri dhe pavarësi e që kulmoi me luftën çlirimtare të UÇK-së “, tha Ramajli. Ai po ashtu ka rikujtuar 28 delegatët, të cilët në atë kohë votuan Deklaratën Kushtetuese por që nuk janë në mesin e të gjallëve.
Gjatë seancës solemne u shfaq filmi dokumentar i seancës së Kuvendit të Kosovës të shpalljes së Deklaratës së Pavarësisë në 2 Korrik 1990.
Delegati Muharrem Shabani, që ka lexuar Deklaratan Kushtetuese për Pavarësinë e Kosovës një kopje të filmit dokumentar per atë ngjarje historike ia dha ATSH-së – korrespondentit në Kosovë, që ka qenë pranë delegatëve atëherë dhe ka shkruar në 2 Korrik 1990 redaksionalin e gazetës Rilindja “Fillim i së nesërmes”. Kjo ishte edhe një shprehje mirënjohje e vlerësimi për raportimet e ngjarjeve historike në Kosovë.

VESELI DHE ENGEL BISEDUAN PËR ZHVILLIMET AKTUALE NË KOSOVË DHE SFIDAT QË E PRESIN ATË NË TË ARDHMEN

Pos pjesëmarrjes e përshëndetjes në seancën solemne, kryetari i Kuvendit të Republikës së Kosovës, Kadri Veseli, priti sot në takim kongresmenin amerikan Eliot Engel, me të cilin bisedoi për zhvillimet aktuale në Kosovë, perspektivën evropiane të saj, si dhe për bashkëpunimin ndërmjet dy vendeve.
Duke iu uruar mirëseardhje në Kosovë, kryeparlamentari Veseli i shprehu kongresmenit Engel falënderime të veçanta për angazhimet dhe kontributin e tij të pandalshëm, si në sensibilizimin e çështjes së Kosovës, ashtu edhe në përpjekjet për çlirim dhe pavarësi, të cilat u finalizuan më 17 shkurt 2008 në Kuvendin e Kosovës.
Kryetari Veseli e njoftoi kongresmenin amerikan edhe me proceset nëpër të cilat po kalon vendi ynë, duke i shpalosur edhe sfidat dhe vështirësitë me të cilat ai po përballet.
Kongresmeni Eliot Engel, nga ana e tij, duke çmuar të arriturat e deritashme të Kosovës, premtoi se do të vazhdojë të angazhohet për të mirën e Kosovës edhe në të ardhmen.
Engel tha se Qeveria, Kongresi dhe populli amerikan, do të vazhdojnë të jenë përkrah Kosovës në rrugëtimin e saj drejt integrimit euro-atlantik.

VESELI: DEKLARATA KUSHTETUESE E 2 KORRIKUT TË VITIT 1990 PËRBËN NJË MOMENT TË RËNDËSISHËM NË HISTORINË E LËVIZJES SONË KOMBËTARE TË GJYSMËS SË DYTË TË SHEKULLIT XX

Fjalimi i kryetarit të Kuvendit të Republikës së Kosovës, Kadri Veseli, i mbajtur në Seancën solemne kushtuar 25 vjetorit të shpalljes së Deklaratës Kushtetuese më 2 Korrik 1990

Të nderuar të pranishëm,

Më lejoni që në fillim, në emrin tuaj, t’i shpreh mirëseardhje në Kosovë dhe në Kuvendin e Kosovës, mikut të shquar të vendit tonë, të pavarësisë dhe lirisë sonë, kongresmenit Eliot Engel.
Welcome mr. Engel.
Të nderuar të pranishëm,
Jemi mbledhur sot, në këtë seancë solemne, në nderim dhe respekt të 2 korrikut të vitit 1990.
Në këtë ditë, 25 vite më parë, delegatët e Kuvendit të atëhershëm të Kosovës, nxorën deklaratën kushtetuese.
Sot, kemi nderin t’i kemi këtu në Kuvendin e Kosovës të Lirë dhe të Pavarur, dhe njëkohësisht, të shprehim nderim për ata delegatë që tash nuk janë në mesin tonë.
Të nderuar të pranishëm,
Zonja e zotërinj,
Deklarata Kushtetuese e 2 korrikut të vitit 1990 përbën një moment të rëndësishëm në historinë e lëvizjes sonë kombëtare të gjysmës së dytë të shekullit XX.
– Kjo lëvizje kishte filluar me demonstratat e vitit 1968,
– ishte rritur në aktivitetet e organizatave patriotike ilegale të asaj kohe,
– kishte shpërthyer vrullshëm në pranverën studentore të vitit 1981,
– për të vazhduar me demonstratat e fuqishme të vitit ‘88, ‘89, ‘90.
Ishte një përballje e madhe me nacionalizmin agresiv serb.
Në epiqendër të kësaj përballje ishte trashëgimia e rendit kushtetues të vitit 1974.
– Serbia kërkonte më pak se 74-shi.
– Lëvizja jonë kombëtare synonte më shumë.
Shqiptarët nuk mund të mashtroheshin me masa gjysmake ekonomike dhe politike.
Duhej dhënë fund diskriminimi kombëtar që shqiptarëve u bëhej në të gjitha nivelet e sistemit jugosllav.
Barazi ose shkëputje – Ky ishte vullneti politik i asaj kohe.
Në vitin 1989 Serbia përmes dhunës policore ndërmori agresionin kushtetues ndaj Kosovës.
Përmes këtij agresioni Kosovës iu hoqën të drejtat kushtetuese të vitit 1974.
1 vit më pas delegatët e Kuvendit të Kosovës bën atë që ishte vullneti politik i kohës i qytetarëve,
– Përmes deklaratës kushtetuese anuluan agresionin kushtetues të Serbisë të marsit ’89 dhe njëkohësisht avancuan shumë të drejtat kushtetuese të Kosovës.
Kosova bëhej subjekt i barabartë politik me republikat tjera të ish Jugosllavisë.
Ishte një veprim i duhur dhe në momentin e duhur.
– Jugosllavia komuniste nuk kishte gjasa për të mbijetuar dhe duke aneksuar Kosovën, Serbia synonte që në shpërbërjen e Jugosllavisë Kosova të mos figuronte fare si çështje ndërkombëtare.
Kësisoj Serbia synonte të shkatërronte bazën legale të së drejtës së Kosovës për shkëputje.
Përkundër kësaj Deklarata Kushtetuese e 2 korrikut ishte avancim i kësaj baze legale.
Ishte një pikënisje e duhur për platformën e ndërkombëtarizimit të çështjes së Kosovës. Kjo do të thoshte se Kosova nuk mund të trajtohej si çështje e brendshme e Serbisë.
Ëndrra jugosllave kishte marrë fund njëherë e përgjithmonë.
Fitorja jonë e parë e madhe është pikërisht fitorja në luftën për ndërkombëtarizimin e çështjes sonë.
Deklarata Kushtetuese e 2 korrikut dhe lëvizja civile e viteve 90 kanë meritat e mëdha në këtë fitore.
– Ato ishin një ndihmesë e madhe kur erdhi momenti i madh, dita e madhe e fillimit të kryengritjes së armatosur të Ushtrisë Çlirimtare të Kosovës.
Kur ne rrokëm armët, tanimë bota e kishte të qartë se këtë po e bënim për një kauzë të madhe, kauzën e lirisë.
Kjo na solli përkrahjen politike dhe ushtarake të botës demokratike.

Të nderuar të pranishëm,
– Me 1999 ne nuk fituam vetëm lirinë, por fituam edhe rreshtimin në anën e drejtë të historisë, në anën e demokracive perëndimore.
Falë këtij rreshtimi ne ecëm më tutje,
– e bëmë Kosovën shtet të pavarur dhe tani po e konsolidojmë këtë shtet për ta bërë të gatshëm për integrimet euro-atlantike.
Prandaj për ne ky rreshtim është dhe do të mbetet vlerë e pacenueshme kombëtare.
Ne besojmë në këtë vlerë.
Ne besojmë në partneritetin me botën perëndimore, si e vetmja rrugë për t’i zgjidhur problemet dhe tejkaluar sfidat e shtet ndërtimit dhe integrimit.
Ne do të kemi sukses!
Ju faleminderit.

Eurozone torn on Greece’s inclusion, post-referendum

July 2, 2015 by dgreca

Eurozone torn on Greece’s inclusion, post-referendum Eurozone finance ministers are torn on Greece’s position in the monetary union post-referendum. Amid the tense run-up to the vote, Greek Finance Minister Yanis Varoufakis has said he would resign if the “yes” vote wins.
Amid growing concerns of Greece’s future in the eurozone, Greek Finance Minister Yanis Varoufakis said he would step down if the “yes” vote won in Sunday’s referendum on a proposal put forth by Greece’s creditors – European Commission, European Central Bank (ECB) and the International Monetary Fund (IMF).
Responding to a question on whether he would still be finance minister on Monday if the “yes” vote won, Varoufakis said, “I will not,” during an interview on Bloomberg TV.
When asked whether Greek Prime Minister Alexis Tsipras would also step down, he said: “When you go into battle, you don’t talk about defeat,” but added that the government “may very well” resign.
Varoufakis’ comments come amid a major push by Tsipras and his ruling party – Syriza – for a “no” vote at the referendum.
According to Tsipras, a “no” on Sunday would provide the Greek government a stronger position in negotiating its bailout program with its creditors.
“Come Monday, the Greek government will be at the negotiating table after the referendum with better terms for the Greek people,” Tsipras said.

Le Monde: Kosova simbolike eksporton harmoninë ndërfetare

July 2, 2015 by dgreca

Gazeta prestigjioze franceze “Le Monde” ka botuar sot një reportazh nga konferenca e katërt ndërkombëtare ndërfetare e mbajtur në Kosovë në maj të këtij viti. “Le Monde” raporton për folësit e ndryshëm të kësaj konference, të cilët këtë nismë e quajnë shtyllë të diplomacisë publike të Kosovës./
Reportazhi i Le Monde:/
Në një hotel në Sheshin Nëna Terezë, 200 pjesëmarrës nga e gjithë bota dëgjuan fjalët e Presidentes së Kosovës, Atifete Jahjaga, e cila i hapi punimet e konferencës. Prania e përfaqësuesve e grupeve fetare të Kosovës dëshmoi një paqe dhe unitet që mund t’i zinte në befasi shumë të pranishëm. Kështu, Igumani ortodoks Sava Janjiq vuri në dukje se “feja nuk ka luajtur asnjë rol në shkaktimin e luftës, që e kishte gjakosur Kosovën”.
Ejup Ramadani, shef kabineti tek Bashkësia Islame e Kosovës bëri thirrje për “zhdukjen e ekstremizmit, kudo që mund të jetë fshehur”.
Dr. Don Lush Gjergji, nga radhët e komunitetit katolik, një pakicë shumë e vogël, por një pjesë përbërëse e popullit shqiptar, nënvizoi se “askush nuk ka arritur të thyejë unitetin fetar në vend, një vlerë të cilën Kosova do të duhej ta eksportojë”.
Për të përmbyllur këtë seancë, kryerabini i dikurshëm i Norvegjisë dhe ish zëvendës ministri izraelit Michael Melchior, ka ndarë me të pranishmit një nga përvojat e tij më të fuqishme në fushën e dialogut ndërfetar.
Më 2014, ndërsa po përgatitej për festën hebraike të Yom Kippur-it në Izrael, kishte marrë informacione se ekstremistët po përgatiteshin për të shkaktuar trazira mes hebrenjve dhe myslimanëve, duke përfituar nga rastësia e datave me festën e Kurban Bajramit – në njërën anë, agjërimi, në tjetrën gostia. Me të mësuar për këtë kërcënim, ai kontaktoi me imamët lokalë me të cilët, bashkërisht, ata arritën të evitonin një gjakderdhje. Në përmbyllje, rabini Melchior theksoi se “fetë janë OJQ-ja më e madhe në botë”.
E veçanta e kësaj konference ishte fokusi në gjetjen e zgjidhjeve në kuadër të luftës kundër urrejtjes në internet. Drejtoresha ekzekutive për politika të produkteve pranë Facebook, Monika Bickert, ofroi një prezantim gjithëpërfshirës mbi strategjitë e rrjetit më të madh social në botë në këtë fushë. Diskutimet e zhvilluara pasqyruan edhe rrugën që të rinjtë mund të ndjekin për t’u bërë aktivistë të paqes, nën udhëheqjen e zëvendësministrit të jashtëm kosovar, Petrit Selimit.
Në të vërtetë, kjo ngjarje është një nga shtyllat e “diplomacisë digjitale” të Kosovës, e cila dëshiron të përçojë modelin e një shoqërie laike me shumicë myslimane gjithandej botës.
Grupe të vogla të aktivistëve të rinj, që ishin pjesë e debatit, të tillë si francezët e shoqatës “Coexister” (“Bashkëjetoj”), që erdhën në Kosovë për të ndarë përvojat e tyre me të rinjtë dhe aktorë të tjerë, duke përfshirë një numër të madh të amerikanëve.
Ndër pyetjet e bëra, ishte edhe roli dhe përgjegjësia e mediave në kuptim të njohurive që kanë dhe prezantimin që i bëjnë feve. Së këndejmi duhet të theksohet se vlerësimi i angazhimit të mediave në këtë fushë nuk ka qenë gjithmonë i favorshëm për “pushtetin e katërt”. Një temë e rëndësishme për t’ua parandaluar ekstremistët që të gjejnë argumente per kauzën e tyre./Kosovapress/

Papa Françesku do të vizitojë vendlindjen

July 2, 2015 by dgreca

Papa Françesku rikthehet në Amerikën Latine drejt Ekuadorit, Bolivisë dhe Paraguajit/VATIKAN/BUENOS AIRES, 2 korrik /A– Papa Françesku, i pari latinoamerikan në krye të Kishës Katolike Romane, do të vizitojë javën e ardhshme vendlindjen në një turne përmes Ekuadorit, Bolivisë dhe Paraguajit.
Papa pritet të mbërrijë në Ekuador të dielën, më pas në Bolivi më 8 korrik dhe me 10 korrik në Paraguaj.
Do të jetë udhëtimi i tij i nëntë ndërkombëtar si papë dhe i dyti në Amerikën Latine, pas pelegrinazhit të tij të 2013-ës në Brazil.
Pritet që ai të mos ndalojë në vendlindjen e tij në Argjentinë, sepse nuk dëshiron ta vizitojë vendin në ndërkohë të një viti elektoral.
Tashmë është vendosur që Papa të rikthehet në Amerikën Latine në shtator për të vizituar Kubën dhe Shtetet e Bashkuara të Amerikës.
Zëdhënësi i Vatikanit, Federiko Lombardi tha se varfëria, demokracia dhe të drejtat e vendasve ka shumë të ngjarë që të jenë në axhendën e papa Françeskut në Ekuador, Bolivi dhe Paraguaj, vende të cilat “nuk janë në krye të rënditjes botërore në lidhje me rëndësinë e gjeopolitikës”.
Një kampion i drejtësisë sociale, enciklika e fundit e të cilit “Laudato Si” përmban një kritikë radikale ndaj konsumizmit, kapitalizmit të shfrenuar dhe shkatërrimit të mjedisit, papa Françesku ka preferuar shpesh vendet e vogla përpara atyre të mëdha.
Në Evropë, ai ka vizituar vendet periferike përfshirë këtu Shqipërinë, Turqinë dhe Bosnje-Hercegovinën.
Përveç se një vizite të shkurtër në Parlamentin Evropian në Strasburg, ku ai shmangu takimet me anëtarët më të pasur të Bashkimit Evropian.

KUVENDI I KOSOVES, SEANCE PER DEKLARATEN KUSHTETUESE TE 2 KORRIKUT

July 2, 2015 by dgreca

Kongresmeni Engel duke folur për proceset në Kosovë përgjatë 20 viteve të kaluara tha se ishte koha që Kosova të lëvizte para, të bëhej shtet i pavarur e sovran./
Kuvendi i Republikës së Kosovës mbajti një seancë solemne për shënimin e 25-vjetorit të miratimit të Deklaratës Kushtetuese të 2 Korrikut 1990, në të cilën u tha se kjo Deklaratë përbën një moment të rëndësishëm të historisë së Kosovës.
Në këtë seancë ishin të pranishëm edhe deputetët e asaj kohe si dhe miku i Kosovës, Eliot Engel.
Kongresmeni, Eliot Engel në seancën solemne të Kuvendit të Kosovës tha se kur vjen në Kosovë ndihet si në shtëpinë e tij dhe kosovarët janë shumë mikpritës.
“Sa më shumë që kam dëgjuar për padrejtësitë që po i bëhen Kosovës, aq më shumë kam dashur ta luftojë këtë padrejtësi”, tha ai.
Engel përmendi një ngjarje të viteve 90-ta kur kishte dashur të vinte si vëzhgues zgjedhjesh, por që regjimi i Millosheviqit nuk e kishte lënë të hynte në Kosovë, duke e quajtur njeri problematik. Ai me këtë rast tha se pati mbajtur konferencë për media në kufi me Maqedoninë.
Kongresmeni Engel duke folur për proceset në Kosovë përgjatë 20 viteve të kaluara tha se ishte koha që Kosova të lëvizte para, të bëhej shtet i pavarur e sovran.
Ka shumë gjëra për të cilat tha se duhet të bëhen në Kosovë, si sundimi i ligjit, luftimi i korrupsionit, zhvillimi i ekonomisë. “Dua të shoh demokraci, sundim ligji”, u shpreh Engel. “Prej zemre e dua Kosovën dhe do ta keni mbështetjen time gjithmonë”, tha Engel.
Kongresmeni foli edhe për Gjykatën Speciale, për të cilën tha se duhet të formohet nga institucionet e Kosovës. Ai tha se nëse nuk do të formohet nga institucionet e Kosovës, ka frikën se do të formohet nga Kombet e Bashkuara, e kjo tha se do të ishte problematike për Kosovën pasi ka vende që nuk e njohin shtetin e Kosovës.
“Kjo do të ishte problem shumë i madh për Kosovën”, tha Engel. Ai tha se dëshiron të shoh Kosovën në BE dhe të bëhet liberalizimi i vizave.Ndërsa, kryetari i Kuvendit të Kosovës, Kadri Veseli tha se Deklarata kushtetuese e 2 Korrikut përbën një moment të rëndësishëm të historisë së Kosovës.
“Ishte një përballje e madhe me nacionalizimin e egër serb”, tha Veseli.
Kryeparlamentari tha se delegatët e Kuvendit të Kosovës bën atë që ishte vullnet i qytetarëve të Kosovës të asaj kohe.
Në seancën solemne të Kuvendit të Kosovës u shfaqën sekuenca të asaj kohe, ku bëheshin përgatitjet për miratimin e Deklaratës kushtetuese, 1990.
Ndryshe, Më 2 korrik të vitit 1990, delegatët e Kuvendit të Kosovës, miratuan publikisht, para Kuvendit të Kosovës, Deklaratën Kushtetuese, me të cilën Kosova u shpall njësi e veçantë në kuadër të federatës së atëhershme jugosllave.
Ky ishte një akt historik që shprehte aspiratat shekullore të popullit të Kosovës për mëvetësi shtetërore e territoriale nga Serbia.
Miratimi i kësaj deklarate paraqet padyshim një akt me rëndësi vendimtare për historinë më të re të Kosovës e të popullit shqiptar.