Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Takim miqesor ne Departamentin e Shtetit

by

Kronike e vonuar per viziten e kryetarit te Komunes se Struges,z. Ziadin Sela ne Washington/
Nga Haxhi DAUTI/
Washington D.C./ Ne fund te vizites ne SHBA, Kryetari i Komunes se Struges, zoti Ziadin Sela, u taku me Drejtorin e Europes Jug-Qendrore te Departamentit te Shtetit, zotin Tom Yazdgerdi. Ne takim merrnin pjese Desk Oficeret qe mbulojne Maqedonine dhe Shqiperine ne Departamentin e Shtetit, zonja Carina R Canaan dhe Benjamin P Rinaker.
Zoti Ziadin Sela ishte i shoqeruar nga zoti Haxhi Dauti, presidenti i Keshillit Shqiptaro-Amerikan si dhe nga zoti Mustafa Xhepa, njeri prej derjtoreve te bordit drejtues te organizates Shtepia e Lirise Shqiptaro-Amerikane me qender ne Washington.
Pas fjaleve te ngrohta miqesore te zotit Yazdgerdi e mori fjalen zoti Sela, i cili beri nje prezantim te gjendjes aktuale te shqiptareve ne Maqedoni. Ai u perqendrua tek mos zbatimi i Marreveshjes se Ohrit dhe pasojat e saj, tek nxitja e ndasive etniko-fetare nga qarqe te caktuare te lidhura me qeverine, tek mos ndeshkueshmeria dhe mbrojtja qe gezojne prej kryeministrit disa ministra dhe zevendesministra pergjegjes per pergjimet antikushtetuese, tek centralizimi i pushtetit lokal, ku çdo investim varet nga kryministri, i cili ka ndaluar apo derguar fondet ne destinacione te tjeter per te mos financuar projektet lokale, theksoi rendesine qe kane projektet e USAID per te afruar komunitet me njeri-tjetrin, si dhe njeved te veçante ne fjalen e tij zuri prezantimi i levizjes se re politike qe ai drejton.
Nga ana e tij zoti Yazdgerdi pershendeti vendosjen e dialogut Kosove-Serbi. Akuzat publike per pergjimet e bera i quajti te renda dhe shtoi se ministrat pergjegjes duhej te dorehiqen, ose te pushohen. Per kete shtoi ai, duhet qe opozita te marre pjese ne Parlament dhe te perfshihet ne hetim. Lidhur me Marreveshjes e Ohrit zoti Yazdgerdi theksoi faktin se SHBA-te kane mbetur te zgenjyer nga mos zbatimi i saj. Ai theksoi gjithashtu rrezikun qe mund te vije nga fryerja e zjarrit te çeshtjeve etnike dhe theksoi qendrimin e SHBA-ve se nuk deshirojne qe te cenohet integriteti i Maqedonise si dhe te pengohet hyrja e saj ne Bashkimin Europian dhe NATO. Ai e mbylli fjalen e tij duke nenvizuar se Ballkani eshte nje rajon, ku fare lehte mund te krijohen trazira qe mund te çojne ne trazira te pa parashikueshme, prandaj lidera te rinj si zoti Sela jane ato qe i duhen vendit.
Me pas fjalen e mori zoti Haxhi Dauti, i cili e njohu z. Yazdgerdi me projektin “Korniza e Marreveshjes se Ohrit”, ku KSHA po lobon qe Universiteti i Kolumbias, me ne krye z. David L. Phillips, te studioje sa perqind eshte implementuar Marreveshja e Ohrit. Ky projekt u mireprit nga z. Yazdgerdi. Po ashtu, z. Dauti foli rreth vizites se tij ne Maqedoni, takimeve qe ai kishte pasur me disa politikane pjese te qeverise, si dhe politikane te partive opozitare, ku u kishte bere te njohur projektin “Korniza e Marreveshjes se Ohrit” dhe kishte gjetur mbeshtetjen e tyre.
Takimi u pershendet edhe nga Zevendes Nensekretari i Shtetit zoti Hoyt Yee, i cili e siguroi zotin Sela se do te kete mbeshtetjen e tij.

SHQIPERIA DHE KOSOVA NE PANAIRIN E LONDRES

by

Shqipëria dhe Kosova,në Panairin 56të- Pranvera Ndërkombëtare e Festivalit të Mallrave dhe Ushqimit në Londër/
Panairi 56të- Pranvera Ndërkombëtare Festivalit i Mallrave dhe Ushqimit, në Londër, është aktivitet bamirësie, dhe më i madh në Britaninë e Madhe, një ngjarje që tërheq me mijëra vizitorë gjatë ditëve që mbahet, shkruan shtypi londinez.
Ambasadat e Shqipërisë dhe Kosovës, simbas një njoftimi në rrjetin shoqëror facebook, thonë se për dy ditë rrjesht kan qenë pjesëmarrës në Panairin e 56të- Pranvera Ndërkombëtare – Festivalit i Mallrave dhe Ushqimit, në Londër, duke prezantuar në hollin kryesor të Bashkisë Chelsea Kensington në Londër, mallrat dhe ushqimet shqiptare nga Kosova dhe Shqipëria.
Në njoftimin e ambasadës së Shqipërisë thuhet se në këtë panair marrin pjesë një numër i madh ambasadash, diplomatët dhe familjarë të tyre, të cilët ekspozuan mallra nga secili vend.
Këtë, për Shqipërinë dhe Kosovën, e bënë edhe zonjat Lindita Greiçevci, Donika Berisha, Migena Baholli dhe Fatmira Seferi të ndihmuara nga zonja Mirela Gashi.
“Të dy vendet tona ekspozuan dhe morën pjesë me dinjitet në panair, duke u renditur midis vendeve që kontribuan konsiderueshëm për fondet e bamirësisë që mblidhen nga shitja e këtyre mallrave. Mallrat e këtij panairi, të gjtha të bëra me dorë, janë kontribut personal i zonjave të dy ambasadorëve të Shqipërisë dhe Kosovës dhe jo i realizuar me fonde shtetërore nga asnjëra palë”, shkruan në faqen facebook – Ambasadori Fuqiplotë të Republikës së Shqipërisë në Britaninë e Madhe dhe Irlandën e Veriut, Sh.T. Z. Mal Berisha.

DEL TRENI NGA SHINAT, 6 TË VDEKUR, MË SHUMË SE 200 TË PLAGOSUR NË FILADELFIA

by

Nga Beqir SINA*/
PHILADELPHIA PA- Ekipet në Filadelfia janë ende duke punuar nëpër rrënojat e një treni të linjës Washington D.C – New Yorki kompanisë Amtrak që doli nga shinat natën e kaluar, duke vrarë të paktën gjashtë vetë. Treni i udhëtarve 188 doli nga shinat dhe përplasur me objekete për rreth – rreth orës 21:30 të darkës
Treni ishte me më shumë se 230 pasagjerë dhe pesë anëtarë të ekuipazhit, dhe ka dal nga shinat duke lënë 6 të vdekur dhe më shumë se 200 të lënduar. Hetuesit thonë se të plagosurit janë dërguar menjëher në spitalet për rreth ngjarjes, kurse gjashtë prej tyre gjenden në mënyrë kritike për shëndetin.
Kryetari i bashkisë së Filadelfias, zoti Michael Nutter, tha se përplasja ka qenë fatale skena është e dhimbshme, teksa shikon vagona treni që ishin përmbysur plotësisht dhe disa të shkatërruara. Ndërsa, ngushëlloi familjet e viktimava, ai u lut që të përmisohet shendeti i të lënduarve.
Ish kongresmeni i Pennsylvanias Pat Murphy ishte një nga të shumtë udhëtarët, të cilët ishin në bord dhe që e ka përshkruara këtë skenë të tmerrshme .
“Pashë të gjithë atë çfarë na ndodhi, tha ai pashë se si “plasi” gjakun mbi ulëset përball meje. Njerëz që nuk mundën të lëvizën. Këmbë, duar dhe brinjë të thyer nga përplasaj e fortë. Unë vetëm u përpoqa të bëj çmos për të ndihmuar njerëzit, dhe të nxjerr ndonjerin prej tyre deri sa erdhën ekipet e mergjencës,” tha Murphy.
Hetuesit thanë se zona ku ka ndodhur aksidenti është quajtur Frankford Junction një kryqëzim dhe dhe një kthesë e madhe. Ata pohuan se “Nuk është ende e qartë se çfarë e shkaktoi incidentin – daljen e trenit nga shinat, por, besojnë se shpejtësia e madhe mundet të ketë qenë një nga shkaqet kryesore “..
Bordi Kombëtar i Sigurisë së Transportit të SHBA, thuhet se ka dërguar hetuesit e qeverisë dhe hetuesit e FBI-t ndodhen në vendin e ngjarjes.
Për të marrë më shumë informacion mbi ndonjë anëtar të familjes dhe miqtë tuaj, të cilët ishin në tren në kohën kur ai ka dalë nga shinat, telefononi në linjën falas Amtrak incidentit Hotline në numërin e telefonit 1-800-523-9101.
Shërbimi mes Nju Jork-ut dhe Filadelfias e anasjelltas mbetet i pezulluar. Amtrak thotë se nuk do të modifikohet shërbim sot në mes të New York dhe Boston dhe Uashington dhe Filadelfia.
* Nuk perjashtohet mundësia se mund të ketë dhe ndonjë udhëtar shqiptar. Për të marrë më shumë informacion mbi ndonjë anëtar të familjes dhe miqtë tuaj, të cilët ishin në tren në kohën kur ai ka dalë nga shinat, telefononi në linjën falas Amtrak incidentit Hotline në numërin e telefonit 1-800-523-9101./

KUSH JANE 28 TE ARRESTUARIT NGA POLICIA MAQEDONASE

by

Sami Ukshini – Sokoli, i lindur në Gjakovë (1967) është i arrestuari i parë të shtunën në mbrëmje, në ora 22:30 në Lagjen e Trimave në Kumanovë.
Procesverbalet e policisë deri tek të cilat ka arritur Koha.mk nga Maqedonia, pas arrestimit të grupit të armatosur që luftuan në Kumanovë, tregojnë se në mesin e të arrestuarve është edhe Nexhmedin Lika nga Tetova, ndërsa prangave të policisë nuk i ka shpëtuar edhe Bajram Elshani nga Suhareka.
Në mesin e të arrestuarve është edhe Alit Sulejmanovski – banor në rrugën “Abdulla Presheva” në Kumanovë, Sefer Seferi, gjithashtu banor i rrugës “Abdulla Presheva” – Kumanovë, Sevdail Miftari nga Kumanova, Fatmir Reçica – që të dy banorë i fshatit Llugagji i Lipjanit të Kosovës, Fejzulla Rushitovski nga Shkupi, Beg Bajra (1979) nga Gjilani, Fadil Fejzullahu – banor në rrugën “Pero Ilievski” në Kumanovë, Lirim Krasniqi (1989) nga Ferizaji i Kosovës, Mirsad Qerimi (1986) nga Prishtina, Valdet Zekaj (1987) nga Kosova, si dhe Muharem Fejza (1986) nga Prishtina.
Një pjesë e të arrestuarve, të shtunën janë mbajtur në stacionin policor në Karposh dhe në Autokomandë.
Burime të larta policore i kanë thënë se po vazhdon identifikimi i dy-tre të arrestuarve që etiketohen si krerë të grupit, por që kanë emra të ndryshëm nga ata të vërtetit.
Televizioni Alsat-M ka publikuar listën e personave të arrestuar nga ana e policisë, pas përleshjeve që u zhvilluan në Lagjen e Trimave në Kumanovë.
1.Kenan Iseni, Kumanovë
2.Fadil fejzullahu, Kumanovë
3.Demë Shehu, Kosovë (Juniku)
4.Sami Ukshini, Kosovë (Sokoli)
5.Irfan Lutfiu, Kumanovë
6.Arsim Bajrami, Kumanovë (polic nga Vaksinca)
7.Fadil Elshani , Kosovë
8.Esat Kafexholli, Kosovë
9.Ardijan Bujari, Kosovë
10.Andi Krasniqi, Kosovë (Muhamed Krasniqi- Malisheva)
11.Shefket Avaqi, Kosovë
12.Lirim Demiri, Kumanovë
13.Ajrush Avdia, Kosovë
14.Betim Kartashi, Kosovë
15.Genci Sefa, Shqipëri
16.Lendrit Rustemi, Kosovë
17.Enver Klain, Gjermani (me shtetësi gjermane)
18.Rufki Dogani, Kosovë
19.Nasuf Bekiri, Haraçinë
20.Valdet Zekaj, Kosovë
21.Bajram Elshani, Kosovë
22.Nexhmetin Lika, Tetovë
23.Lirim Krasniqi, Kosovë
24.Sevdail Miftari, Kumanovë
25.Fatmir Reçica, Kosovë
26.Beg Bajra, Kosovë (Beg Riza, komandant begu)
27.Fejzulla Rushitovski, fshati Brezë
28.Besnik Ajdini, Kumanovë(Kortezi:Bota Sot)

Kongresmeni amerikan Rohrabacher në Tiranë

by

Kryetari i Nënkomitetit për Evropën, Euroazinë dhe Kërcënimet e Reja në Kongresin Amerikan takohet me kryetarin e parlamentit Ilir Meta dhe kreun e opozitës Lulzim Basha/
Në Shqipëri ndodhet për një vizitë Kryetari i Nënkomitetit për Evropën, Euroazinë dhe Kërcënimet e Reja në Kongresin Amerikan, zoti Dana Rohrabacher. Ai bisedoi sot me kryetarin e parlamentit Ilir Meta si dhe me kreun e opozitës shqiptare Lulzim Basha.
Gjatë takimit, zoti Meta, ndërsa falenderoi kongresmenin amerikan për mbështetjen e vazhdueshme të Shteteve të Bashkuara ndaj Shqipërisë theksoi se vendi i tij “do të vazhdojë të jetë një partner i përkushtuar e SHBA-ve në NATO, rajon dhe sfidat globale”. Kryetari i parlamentit shqiptar kërkoi gjithashtu “një angazhim dhe mbështetje më të madhe nga SHBA-të në fushën e zhvillimit ekonomik, nxitjes dhe rritjes së investimeve amerikane në Shqipëri”, ndërsa theksoi se “nënshkrimi i marrëveshjes për heqjen e taksimit të dyfishtë mes dy vendeve tona, do të ishte një nxitje dhe kontribut konkret në këtë drejtim”.
Tërësisht të ndryshme, temat e diskutimit mes kongresmenit Rohrabacher dhe kryetarit të opozitës Lulzim Basha. Sipas një njoftimi të shpërndarë nga Partia Demokratike, zoti Basha “e njohu kongresmenin amerikan Dana Rohrabacher me iniciativën e Partisë Demokratike për dekriminalizimin. Persona me precedentë kriminalë – theksoi zoti Basha – janë promovuar nga dyshja Rama-Meta në parlamentin e Shqipërisë dhe në poste drejtuese të administratës si dhe janë propozuar edhe si kandidat për kryetarë bashkie”
Një tjetër temë diskutimi ka qenë dhe situata parazgjedhore në Shqipëri. Sipas zotit Basha shumica “ka nisur të ngrejë skemën e blerjes së votave, duke u bërë presion të hapur drejtorëve te administratës publike, për të blerë votat dhe për të marrë vota me çdo mënyrë”. Po ashtu ai ka shpehur shqetësim për disa raste dhune gjatë tubimeve elektorale të opozitës, ndërsa shtoi se “kryeministri ka nisur të kërcënojë qytetarët, duke u thënë se nëse votoni kandidatët e PD nuk do të ketë investime, nuk do të ketë para, ujë, bukë etj. Kjo situatë po dëmton procesin normal zgjedhor”, theksoi kreu i opozitës.(VOA)