Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Presidenti Nishani në Nju Jork, për rezolutën kushtuar kombit shqiptar

by

Nga Beqir SINA – New York/
Presidenti i Republikës zhvillon një vizitë pune në Shtetet e Bashkuara të Amerikës, ku do të shënohet 70 vjetori i fitores mbi nazismin – kapitulimin e Gjermanisë/
NEW YORK : Presidenti i Republikës Bujar Nishani ka mbrritur mbrëm në Nju Jork, për të nisur sot një vizitë pune në Shtetet e Bashkuara të Amerikës, ku është i ftuar për të ndjekur votimin e rezolutës për rolin e kombit shqiptar, në Asamblenë e Nju Jorkut.
Rezoluta e cila përfshinë edhe rolin e shqiptarëve gjatë Luftës së Dytë Botrore në mbrojtjen e hebrenjëve ku shqiptarët jan njohur si i vetmi vend në botë ku asnjë hebre nuk u dorzuar ose u vra mbasi mori mbrojtjen e shqiptarëve në bazë të Besës shqiptare, një zakon shekullor i shqiptarëve, u kërkua nga anëtari i Asamblesë së Nju-Jorkut, i pari shqiptaro amerikan në historinë e diasporës që është zgjedhur në Kuvendin e Nju Jorkut zoti Mark Gjonaj dhe senatori Jeff Klain mik i dëshmuar i shqiptarëve në Nju Jork.
Po gjatë kësaj ceremonie Presidenti i Republikës së Shqipërisë, pritet t’u drejtohet më një fjalë të pranishmëve në punimet e Asamblesë si dhe Senatit të Shtetit të Nju-Jorkut.
Gjatë qëndrimit në SHBA, kreu i shtetit shqiptarë Nishani do të vizitojë edhe Kolegjin Hebre “Hebrew Union College’, në Nju Jork dhe do të përshëndesë aktivitetin, që do të mbahet në B’nai Jeshurun Sinagogue, me rastin e shpëtimit të Hebrenjeve 70 vjet më parë.
Ky aktivitet mbahet në shenjë vlerësimi ndaj ndihmës që dhanë shqiptarët në shpëtimin e hebrenjve me kodin e njohur njerëzor Besa.
Kreu i shtetit shqiptar do të mbajë edhe një ligjëratë në Kolegjin e Manhatanit ‘Manhattan College’, me temë: “Mbi tolerancën fetare” dhe do të shfaqet filmi dokumentar Besa.
Në agjendën e Presidentit Nishani përfshihen edhe takime me politikanë të Nju-Jorkut dhe e nderimet me disa tituj te lart të shtetiti shqiptarë, të disa personaliteteve të shquara shqiptaro-amerikane, me një kontribut të qenësishëm në promovimin e vlerave, kombëtare, dhe humane të shqiptarëve në disporë.
Kreu i Shtetit shqiptar do të zhvillojë takime edhe me drejtuesit e Fondacionit “Raoul Wallenberg”, me organizatën “Sisterhood of Salam” dhe ‘’Ethnic Understanding”, të cilat punojnë në promovimin e dialogut ndërfetar.
Presidentin e shoqëron Zonja e Parë, Odeta Nishani.

“Arritja e paqes dhe stabilitetit në Ballkan: 20 vjet pas Marrëveshjes së Dejtonit”

by

Seancë Dëgjimore në Kongresin Amerikan: Progresi dhe Sfidat në Ballkanin Perëndimor/
Nga Washington DC Beqir SINA/
Rayburn House Office Building” Washington DC: Komitetit i Punëve të Jashtme të Kongresit, dhe Nënkomitetit mbi Evropën të Dhomës së Përfaqësuesve, mbajti dje një senancë të posaqme, dëgjimore, në rendin e ditës,:”Progresi dhe Sfidat në Ballkanin Perëndimor”, arritja e paqes dhe stabilitetit në Ballkan, 20 vjet pas Marrëveshjes së Dejtonit. Kjo, seancë dëgjimore e cila u kryesua nga Kryetari i Komitetit për Marrdhën’jet Ndërkombëtare, të Dhomës së Përfaqësuesve, kongresiti Republikan , i Kalifornisë, Dana Rohabacher, Anëtarët e Nënkomitetit, Gregory W. Meeks dhe kongresistin e Nju Xhersit, Albio Sires. Njëkohësishtë, pas kunitave, të kësaj, senace qëndrojnë edhe përpjekjet lobiste, të Lidhjes Qytetare Shqiptaro Amerikane, e Kryetarit të kesaj Lidhje, Joseph Dioguardi, e bashkëshortes ,së tij Shierly Cloyes DioGuardi.
Morën pjesë …..
Në seancë degjimore ishin të ftuar për të dëshmuar, Ndihmës-zëvendësi i Sekretarit amerikan i Shtetit për çështjet e Evropës qendrore dhe juglindore, Hoyt Yee, dhe zonja Susan Fritz Acting Assistant Eurasian Affairs U.S. Department of State, dhe në një panel të dytë, ish – Kongresisiti republikan i Nju Jorkut, Joesph J. Dioguardi (president i Ligës Qytetare Shqiptaro-Amerikane), dhe profesori Ivan Vejvoda zëvendes Prisdent i Fondit Gjerman Marshall në SHBA.
Ndërsa ndoqën si “dëshmitarë” seancën dëgjimore Shirley Cloyes Dioguardi,( këshilltare për çështjet Ballkanike), veprimtarë të komunitetit shqiptarë, nga shtete të ndryshme të SHBA-s, Çikago – SHSHA, Detroiti, Bostoni, Nju Jorku, Nju Xhersi dhe Uashingtoni, antarë të Bordit të Ligës Qytetare Shqiptaro-Amerikane, mjetet prestigjoze të informimit, në SHBA-s, si dhe ato nga kryqyteti amerikan, diplomat dhe politikan të huaj. Si dhe Kryetari i komunës së Strugës dhe nismëtari i reformave politike të PDSH-së,dr.Ziadin Sela dhe shoqeruesit e tij si dhe veprimtarët shqiptaro-amerrikan nga Çikago,Mahmut Skenderi dhe Xhavet Sherifi, Pajazit Murtishi, e tjer.

…….hapi seancën …..

Duke çelur këtë seancë dëgjimore, Kryetari i Komitetit për Marrdhën’jet Ndërkombëtare, të Dhomës së Përfaqësuesve, kongresiti Republikan , i Kalifornisë, Dana Rohabacher, , perzantojë para komisionit dhe pjesëmarrësve një vështrim të shkurtër rreth asaj që ai e drejtojë pyetjen për atë se “çfarë Progresi dhe cilat janë Sfidat në Ballkanin Perëndimor 20 vjet pas Marrëveshjes së Dejtonit”.
Në dëshmin e tij Zëvendës Ndihmës Sekretari Hoyt Yee foli para Komitetit i Punëve të Jashtme të Kongresit, dhe Nënkomitetit mbi Evropën në seancën dëgjimore :”Arritja e paqes dhe stabilitetit në Ballkan: 20 vjet pas Marrëveshjes së Dejtonit – 29 prill 2015″
Fillimisht, Zëvendës- ndihmës sekretari amerikan i shtetit, Hoyt Yee ka faleminderuar Kryetarin Komitetit i Punëve të Jashtme të Kongresit, dhe Nënkomitetit mbi Evropën në seancën dëgjimore kongresmenin Dana Rohrabacher, Anëtarët e Nënkomitetit, Gregory W. Meeks dhe kongresistin e Nju Xhersit, Albio Sires për ftesën që të shfaqet para tyre, për të diskutuar se çfarë Qeveria amerikane ka arritur në Ballkanin Perëndimor gjatë 20 viteve që nga e Marrëveshjes së Dejtonit dhe sfidat para tyre sot.
Më lejoni të shpreh mirënjohjen time të thellë për Kongresin dhe këto dy Nënkomitetet për interesimin tuaj në Ballkanin Perëndimor, ku Shtetet e Bashkuara janë duke investuar për të kompletuar vizionin tonë të përbashkët për një Evropë të bashkuar, e lirë dhe në paqe. Angazhimi ynë, sidomos me zyrtarë të lartë të Ballkanit, udhëtime në rajon dhe anëtarësimet e grupeve parlamentare kanë dërguar një sinjal të fuqishëm se Shtetet e Bashkuara mbeten të përkushtuara për të ardhmen e rajonit.
Sot ky vizion është më nën kërcënim se çdo kohë që nga fundi i Luftës së Ftohtë. Agresioni i Rusisë në Ukrainë dhe Isil e mbretërimit të terrorit në Siri dhe Irak kanë nxjerrë rëndësinë gjeostrategjike e Ballkanit Perëndimor . Në këtë kontekst të ri gjeopolitik, puna jonë me Ballkanin aleatët dhe partnerët për të krijuar një hapësirë për tregti të lirë, tregjet e lira dhe popujt e lirë është më e rëndësishme se kurrë – nëse është e mbështetur të drejtën të hartojë zgjedhjen e tyre sovrane për një të ardhme euro-atlantike; “Ndërprerja e rrugëve për luftëtarët e huaj në Siri dhe Irak, me qëllim për mbjellje terror në Shtetet e Bashkuara dhe në Evropë; deri rolin qendror të rajonit në të ardhmen e sigurisë së energjisë të Evropës; ose shrrënjosjen e kancerin e korrupsionit , demokraci dhe të sigurisë”
Shqipëri
Në Shqipëri, ne kemi parë progres të rëndësishëm demokratik që prej përfundimit të sundimit shtypës komunist 20 vjet më parë. Qershorin e kaluar, Këshilli i Evropës i dha vendit( Shqipërisë) statusin i kandidatit në Bashkimin Evropian. Në dhënien e këtij statusi, Këshilli Evropian pati vlersuar përpjekjet e Shqipërisë për në luftën kundër korrupsionit, luftën kundër krimit të organizuar, dhe zbatimin e reformës gjyqësore.
Me më shumë se një vit nën në detyrë, qeveria e re vazhdon të mbajë partneritet të fortë të Shqipërisë me Shtetet e Bashkuara si një përparësi kryesore strategjike. SHBA, kohët e fundit nënshkruan një deklaratë e Partneritetit Strategjik, SHBA-Shqipëri, duke nënvizuar se fushat e bashkëpunimit në siguri; qeverisja e mirë, sundimi i ligjit, dhe të drejtave të njeriut; shoqëria civile; zhvillimi ekonomik; siguria e energjisë; dhe arsimit dhe shkëmbimeve kulturore.
Megjithatë, mbetet shumë punë përpara për Shqipërinë. Pavarësisht marrjes së statusit të kandidatit, Shqipëria do të përballet me sfida të rëndësishme zbatimin e reformave të nevojshme për fillimin e bisedimeve të pranimit në BE. Shqipëria do të duhet të intensifikojë përpjekjet në forcimin e institucioneve demokratike, trajtimin e reformës gjyqësore dhe luftën kundër korrupsionit dhe krimit të organizuar. Ndikimi i krimit dhe korrupsionit në politikë është një shqetësim i vazhdueshëm. Ne jemi duke i bërë thirrje qeverisë dhe opozitës të punojnë së bashku për të luftuar krimin dhe korrupsionin, dhe të mos jetë e ngulfatur nga politika e brendshme konfrontuese dhe të korruptuar.

Maqedoni

“I mbështesim aspiratat e Maqedonisë për anëtarësim në NATO dhe në bashkimin Evropian. Kohën e fundit ne dhe partnerët tanë evropianë me shqetësim e përcjellim krizën politike në Maqedoni të ndërlidhur me publikimin e materialeve të përgjuara nga ana e liderit të partisë opozitare. I bëj thirrje Qeverisë që të përballet me materialet e përgjuara, në mënyrë që e tregon përkushtimin e parimeve euroatlantike. E inkurajojmë opozitën, e cila për momentin e bojkoton Kuvendin, të kthehet në atë trup dhe të ndihmojë ta zgjidhë krizën. Jemi të shqetësuar edhe për dallimet rritëse mes shoqërisë etnike të Maqedonisë dhe komunitetit etnik shqiptar. Integrimi i Maqedonisë në NATO dhe në Bashkimin Evropian mbetet i rëndësishëm që të arrihet paqe e përhershme dhe stabilitet në rajon. Me Qeverinë e re në Athinë, i inkurajojmë dy palët që të arrijnë zgjidhje të përbashkët të pranueshme për kontestin e emrit, i cili e bllokon progresin e vendit në integrimet euroatlantike”, deklaroi zëvendësndihmës sekretari i Shtetit.
Ji u përqendrua edhe në gjithë rajonin e Ballkanit, duke thënë se prioriteti amerikan mbetet që të punohet në integrimin e rajonit në NATO dhe në BE, duke vlerësuar se megjithatë ky vizion amerikan është nën kërcënim si asnjëherë më parë pas fundit të Luftës së Ftohtë, për shkak të krizës në Ukrainë. Ji shtoi se është e saktë se procesi i zgjerimit dhe integrimit në Bashkimin Evropian është i ngadalësuar, për shkak të këmbënguljes së Unionit për vendosje të standardeve më të lartë, më të ashpra për vendet e ardhshme.
Drejtuesja Fric e USAID-it gjithashtu shkurt u përqendrua edhe në programet të cilat kjo Agjenci i realizon në rajon dhe në Maqedoni, para se gjithash në fushën e programeve politike dhe lirinë e mediave.
“Në Maqedoni programi i USAID-it për mbështetjen e mediave promovoi pavarësi të mediave, gazetari hulumtuese dhe servis për kontrollin e fakteve i cili deri tani publikoi mbi 1.000 analiza kritike të teksteve mediale” tha Fic.
Paneli i dytë i seancës së Komitetit ishte me pjesëmarrjen e Xho Diogardit, i cili shërbeu katër vite si kongresmen republikan nga Nju-Jorku dhe është President i LQSHA nje organizate lobuese shqiptare në Uashington.

Bruksel: Parlamenti Evropian miraton rezolutën për Shqipërinë

by

Parlamenti Evropian (PE), ka aprovuar me 645 vota pro, rezolutën e raportuesit Knut Fleckenstein për progresin e integrimit evropian të Shqipërisë.
Kjo rezolutë i kërkon Shqipërisë që të bëjë më shumë përpjekje për plotësimin e 5 kritereve të përcaktuara nga Komisioni Evropian për hapjen e negociatave të anëtarësimit të vendit.
Ndonëse ka patur debate të gjata gjatë së martës, deputetët e miratuan projekt-rezolutën e paraqitur nga raportuesi i Shqipërisë në PE, Knut Flackenstein.
Rezoluta me 30 pika, përmbledh ecurinë e Shqipërisë në rrugën e integrimit evropian.
Marrëveshja e dekriminalizimit, e cila është nënshkruar mes Partisë Socialiste dhe Partisë Demokratike, reforma në drejtësi, lufta kundër krimit dhe korrupsionit, situata e medias publike dhe asaj private, si dhe ndihmesa e Shqipërisë në stabilitetin e rajonit, janë disa prej ecurive dhe problematikave të paraqitura në këtë rezolutë.
Gjatë prezantimit të progres-raportit të 2014-ës për Shqipërinë, Knut Flackenstein tha se duhet mbështetje nga të gjitha palët për plotësimin e 12 prioriteteve kyçe.
Sipas tij, 5 nga pikat kryesore të rezolutës nuk janë përmbushur ende nga Shqipëria. Ai theksoi se pikat kryesore të pazgjidhura janë: lufta ndaj korrupsionit, reforma në administratën publike si dhe lufta ndaj krimit të organizuar.
Eduard Kukan, duke folur rreth progres-raportit të Shqipërisë, tha se politika konfrontuese është pengesa kryesore për të ecur përpara në rrugën drejt integrimit, dhe bëri thirrje për më shumë bashkëpunim politik.
Ndërkohë, deputeti Kukan, nënvizoi edhe rolin e Shqipërisë në rajon, ku theksoi se takimi i Edi Ramës me homologun e tij serb Aleksander Vuçiq, ishte një shenjë e mirë bashkëpunimi rajonal.
Gjithashtu z. Kukan theksoi se zgjedhjet lokale do të jenë një test i rëndësishëm për reformën e re territoriale, si dhe faktin se sa forcat politike do t’i respektojnë parimet demokratike.
Ndërkaq, edhe shumë deputetë të tjerë që folën rreth progres-raportit, vunë theksin tek plotësimi i pikave kryesore të rezolutës, dhe theksuar se është ende herët që Shqipëria të aderojë në Bashkimin Evropian.

Lufta kundër përhapjes së Armëvë të Shkatërimit në Masë në portet detare

by

Nga Shefqet Kërcelli/
Nga data 20 deri 24 prill 2015, në sallën e trajnimeve dhe ambientet e Portit Detar të Durrësit u zhvillua seminari me temë:-Lufta kundër Armëve të Shkatërimit në Masë, (ASHM), në portet detare, duke përmbushur objektivat dhe synimet teorike dhe praktike. Në kurs morën pjesë drejtues dhe specialistë nga Ministria e Transporteve, Ministria e Financave, Ministria e Rendit dhe Ministria e Mbrojtjes. Pothuajse një javë pjesmarrësit u njohën nga ekspertët e SHBA me objektivat e Luftës kundër ASHM dhe akteve terroriste, kërcënimet dhe rreziqet, me kërkesat ndërkombëtare të Kontrollit Shtetëror të porteve, identifikimin e ceshtjeve dhe shqetësimeve gjatë këtij kontrolli, procedurat që përdoren në raste të tilla, identifikimi dhe vlerësimi i kërcënimeve, dobësive ose pasojave, njohjen e karakteristikave të ASHM dhe rrezikshmërinë e tyre, masat e sigurisë në porte, kontolli shtetëror i portit dhe anijeve, etj. Duke i kombinuar këto cështje me veprime praktike në kurs u trajtuan gjithashtu dhe ceshtje të tilla si, vlerësimi i rrezikut nga ASHM në porte, kërcënimi i ASHM për mjedisin detar, kontrolli dhe bordimi i anijes kur dyshohet për raste të tilla, kontrabanda dhe trafiku i paligjshëm, njohja dhe zbatimi i legjislacionit detar, procedurat e rregjistrimit të mjeteve detare, inspektimi dhe kontrolli i kontejnierëve, ushtrime për mënyrat e ndalimit të krimit ndërkombëtar, teknikat e zvogëlimit të rrezikut nga ASHM, kërcënimet ndaj anijeve dhe ujërave të brendshme ose detare, vlerësimi i masave të sigurisë në port nëpërmjet kontrollit në mole e ambiente të ndryshme, hartimi dhe zbatimi i planeve të sigurisë në porte, veprime praktike, etj. Nëpërmjet një filozofie të qartë u arrit që lektorët e trajnuesit amerikanë të ndajnë eksperiencën dhe përvojën e tyre disavjecare për këto ceshtje, ndërsa pjesmarrësit u inkurajuan të ndajnë pikpamjet e tyre për temat e diskutuara por dhe si mund te bashkëpunojnë të dy vendet tona në luftën e përbashkët kundër terrorizmit dhe përhapjes së ASHM në mjedisin detar. Në mesditën e datës 24 prill u zhvillua dhe ceremonia mbyllëse e seminarit dhe shpërndarja e certifikatave për pjesmarrësit. Në këtë ceremoni morën pjesë dhe drejtuesit e Institucioneve respective detare, pjesmarrës në kurs, Drejtori i Autoritetit Portual Durrës, si organizator dhe pritës i kursit, Drejtori i Administratës Detare, Drejtues të Doganës dhe Antikontrabandës Detare, të Policisë Kufitare dhe Emigracionit, të Forcës Detare, etj. Gjatë ceremonisë drejtuesi i seminarit zoti John Holmes, vlerësoi përkushtimin dhe përpjekjet e specialistëve tanë në përvetsimin e programit të këtij kursi, punën në grup dhe seriozitetin në trajtimin e cështjeve, ushtrimet praktike gjatë kontrollit të anijeve dhe kontejnierëve, Pyetje, përgjigjet dhe diskutimet e hapura. Gjithashtu Zoti Holms falenderoi Drejtorin e Autoritetit Portual, zotin Gazmend Shalsi për masat e mara në mbarëvajtjen e kursit, por mbi të gjitha instruktorët amerikanë vlerësuan mikpritjen dhe ndjenjat miqësore të kolegëve shqiptarë por dhe qytetarëve durrsakë. Madje ata shprehën dëshirën për të erdhur në Shqipëri në të ardhmen jo si instruktorë, por si vizitorë në vendin tonë, bashkë me familjet e tyre. Nga ana e tij, zoti Astrit Aliaj, zv/Drejtor i QNOD, shprehu besimin se pjesmarrësit e këtij seminari, temat dhe përvojën e fituar do ta ushtrojnë konkretisht në zbatimin e detyrave funksionale. Lufta kundër ASHM dhe akteve terroriste kërkon bashkëpunim ndërshtetëror, por dhe bashkëpunim ndërinstitucional brenda një shteti theksoi kapiten Aliaj. Në vijim drejtorit të Autoritetit Portual Durrës ju dhurua emblema e DTRA, Agjensisë për Mbrojtjen dhe Reduktimin e Kërcënimeve,(nga Armët).Më pas pjesmarrësve ju shpërndanë certifikatat për pjesmarrjen në këtë kurs, që u shoqërua me entusiazëm dhe duartrokitje të shumta, pasi ishte një kurs tepër specifik dhe i rëndësishëm për ceshtjet e sigurisë në porte. Kështu mjeshtra amerikanë dhe specialistë shqiptarë, nëpërmjet këtij kursi diskutuan rrugët dhe gjetën mirkuptimin e përbashkët për të bashkëpunuar në luftën kundër ASHM dhe terrorizmit, në interes të paqes e sigurisë në të dy vendet tona.
*Seminari u zhvillua ne Durres nga 20 deri 24 prill 2015

Flamuri amerikan do të valëvitet mbi Kongres për shkrimtarin Kadare

by

Me kërkesën dhe mbështetjen e Vehbi Bajramit, botuesit të gazetës “Illyria” në New York dhe ndërhyrjes së kongresistit Engel, shkrimtari i shquar shqiptar do të nderohet në Washington/
Nga Ruben Avxhiu*/
Ka mbetur tashmë të caktohet vetëm data, kur mbi Capitol Hill, ndërtesën e famshme të Kongresit amerikan në Washington, të valëvitet një flamur për nder të shkrimtarit shqiptar, Ismail Kadare.
Gjesti i bukur simbolik është siguruar nga kongresisti Eliot Engel me nismën dhe propozimin e Vehbi Bajramit, botues i gazetës “Illyria” në New York.
Engel është prej një çerekshekulli tashmë një nga mbështetësit më të vendosur të shqiptarëve në Kongres dhe bashkëpunimi i tij me zotin Bajrami është i gjatë.
Me propozimin dhe mbështetjen e botuesit Bajrami, kongresisti Engel bëri edhe një përshëndetje publike dhe zyrtare në Kongresin Amerikan për shkrimtarin Kadare si dhe për vlerësimin e tij të fundit me Çmimin prestigjioz të Jeruzalemit 2015 në Letërsi.
Ndonëse ngritja e flamurit është një praktikë e rregullt për kongresistë dhe senatorë për të vlerësuar dhe përmendur njerëzit e distrikteve të tyre përkatëse, kësaj here ceremonia do të jetë e veçantë për shkak se do të nderohet një personalitet i një vendi tjetër.
“Më vjen shumë mirë për këtë nderim që po i bën Kongresi shkrimtarit më të madh shqiptar të të gjitha kohërave”, tha Vehbi Bajrami.
“Kadareja është sot letërnjoftimi i shqiptarëve në botë, më i madhi personalitet i gjallë i botës shqiptare, një fakt ky që shpesh shqiptarët vetë e harrojnë”.
“I nderuar zoti kryetar, ngrihem sot për të nderuar Ismail Kadarenë!” /
Kongresisti Engel e nderoi këto ditë shkrimtarin e njohur edhe nga salla e Dhomës së Përfaqësuesve të Kongresit Amerikan.
“Zoti Kryetar, ngrihem sot për të nderuar Ismail Kadarenë”, e filloi kongresisti fjalën e tij, e cila tashmë është futur në analet e Kongresit, fjalë e cila e vlerëson Kadarenë si “një romancier dhe poet që ka shkruar për historinë dhe popullin shqiptar, por duke depërtuar në thellësi të temave universale të lirisë dhe të të drejtave të njeriut”.
Kongresisti citon Jurinë e Çmimit të Izraelit që e përshkruan shkrimtarin Kadare si “tregimtar i historive mbresëlënëse, të shkruara me nënkuptime dhe në mënyrë të tërthortë. Ai shkruan për ndjenjën kolektive të fajit dhe veçanërisht për përpjekjet e dështuara të së vërtetës për të depërtuar në të.
Ndërsa fsheh gjurmët nëpër shtresa mitesh dhe metaforash, ai njëkohësisht përpiqet të nxjerrë në pah pyetje për të cilat nuk ka përgjigje dhe krime për të cilat nuk mund të ketë falje.
Ndonëse subjektet dhe protagonistët e veprave të tij janë lokalë, kuptimi dhe rëndësia e tyre janë pa asnjë dyshim, universalë”.
Kongresisti Engel citoi me radhë disa nga nderimet e mëdha që i janë bërë shkrimtarit Kadare për krijimtarinë e tij letrare, si anëtarësimi i përjetshëm në Akademinë e Shkencave Morale dhe Politike Franceze, Çmimi botëror “Cino Del Duca” në 1992, “Man Booker International” në 2005, Çmimi i Princit të Asturias për Letërsi si dhe Grada Shkencore e Nderit në Komunikimin Social dhe Institucional nga Universiteti i Palermos në 2009.
“Si dëshmi e pranimit universal të letërsisë së tij, romanet e zotit Kadare janë përkthyer në shumë gjuhë dhe kanë lexueshmëri që shtrihet në të gjithë globin”, tha Engel në Kongresin Amerikan. “Kadare jo vetëm që i meriton këto vlerësime dhe nderime, po figura e tij është shumë më e thellë kur mendon përkushtimin e tij të admirueshëm ndaj vlerave të shenjta të demokracisë, pavarësisht nga rrethanat ku është ndodhur”.
“Në mbarë veprat e tij letrare, z. Kadare ka zgjedhur me kujdes protagonistët dhe narrativën figurative si një mjet komunikues dhe frymëzues për ata që ndodhen në mënyrë të ngjashme nën zgjedhën e regjimeve shtypëse”, tha kongresisti amerikan.”Në këtë mënyrë, përkushtimi i z. Kadare për t’u ngritur mbi presionin qeveritar për të frymëzuar shprehjen në harmoni të lirive të individit është me të vërtetë i admirueshëm”.
“Dua t’i shpreh pra urimet më të përzemërta Ismail Kadaresë [për çmimin e fundit] si dhe kënaqësinë time personale që kam rastin ta nderoj këtu, sot një individ të tillë”, mbylli fjalën e tij kongresisti Engel.
Botuesi Bajrami që i përcolli zyrës së kongresistit lajmin e dhënies së çmimit dhe sugjerimin për ta nderuar mbeti shumë i kënaqur nga fjala e kongresistit dhe nderimit vijues me valëvitjen e flamurit.
“Do të ishte bukur që nderime të tilla t’ia bëjmë edhe në atdhe shkrimtarit tonë”, tha ai. “Nganjëherë duket sikur harrojmë se çfarë vlere e jashtëzakonshme është ai për kombin tonë. E kur e nderon bota, nderohemi të gjithë ne bashkë me të”.(Botoi:Gazeta Illyria)