Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Turmat e zyrtarëve të policisë i kthejnë shpinën kryetarit të bashkisë gjatë funeralit të Liu

by

Mijëra policë nga i gjithë vendi morën pjesë në funeralin për policinë e vrarë Wenjian Liu, i cili u vra në 20 dhjetor në krye të detyrës së bashku me kolegun e tij Rafael Ramos/
Nga Beqir Sina/
DYKER HEIGHTS – BROOKLYN NYC – Disa qindra oficerë të New York Police Department – NYPD, përsëri në shenjë zëmerimi – ia kthyen shpinën kryetarit të Bashkisë së Nju Jorkut – Bill de Blasio – ndërsa ai mori fjalën të flasë në ceremoninë e policit të vrarë, në Brooklyn.
Duke sfiduar kështu edhe lutjet nga Komisioneri i Bill Bratton që në funerali Wenjian Liu në Brooklyn- sot, ditën diel, uniformat blu të “mblidheshin për të respektuar kolegët e vrarë e mbajtur zi – jo për të protestuar dhe të merren e të bëjnë politik”.
Komisioneri i policisë së Nju Jorkut , zoti Bratton – dha një dekleratë para ceremonisë ku ai deklaronte se :”nuk donte që oficerët e policisë të bëjnë gjeste të natyrës politike siç i quajti ai ato të mëparshmet edhe në ceremoninë përkujtimore për nder të Wenjian Liu”, njëri nga dy policët e vrarë në një sulm të papritur – funeralin e tij.
Në një mesazh dërguar unifromave blu së policisë së Nju Jorkut, komisioneri William Bratton – kishte shkruar në faqen e tij zyrtare të NYPD – se “funerali i një heroi është për të shprehur dhimbje, jo pakënaqësi” simabs tij.
Bratton për këtë arsye i referohej atyre qindra policëve që ia kthyen shpinën një ekrani të madh televiziv që po transmetonte mesazhin e kryetarit të Bashkisë së Nju Jorkut Bill de Blasio – në funeralin e oficerit tjetër të policisë Rafael Ramos, që u mbajt javën e kaluar në Queens – Nju Jork.
Në dokumentin e shpërndarë, nga komisioneri Bratton – shkruhej se ai me këtë rast“nuk po kërcënonte për masa disiplinore” por oficerve të tij ai u kujtoi se “kur vesh uniformën e departamentit të policisë, çdo policë duhet të respektoj zakonin, me nderin dhe dinjitetin që ajo përcjell”.
Mirëpo, edhe kësaj rradhe disa nga oficerët e policisë, siç u pa edhe në enkranet televizive dhe fotografitë e gazetave njujorkeze, disa nga oficerët që morën pjesë në ceremoninë për nder Liusë, sot dhe në funeralin e tij në shenjë pakënaqësie ia kthyen shpinën përsëri, teksa e mori fjalën Kryetari i Bashkisë së Nju Jorkut, zoti Bill Bil de Blasio.
Oficeri Liu u vra së bashku me partnerin e tij, Detektiv Rafael Ramos, në Brooklyn muajin e kaluar.

Ai ishte një veteran në rradhët e uniformave blu me shtatë-vjet shërbim. “Liu, ishte i martuar vetëm disa muaj më parë dhe ishte duke ecur përpara për të ndërtuar një jetë familjare”, tha e veja e tij – Pei Xia Chen, në ceremoninë e varrimit.
Shumë zyrtarët e lart të shtetit dhe bashkisë së Nju Jorkut, ata të zbatimit të ligjit nga nga gjithë qyteti dhe dhe politikanët, si kongresmenët Grace Meng dhe Peter King – erdhën të dielën në mëngjes në shtëpinë mortore “Aievoli Funeral” në rrugën 65 street dhe 13 Avenue në Brooklyn – për t’i bërë nderimet e fundit oficerit të policisë Wenjian Liu.
Në mesin e zyrtarve të lart, të Nju Jorkut, ishte dhe shqiptari i parë në një post kaq të lart në shtetin e Nju Jorkut, asamblesiti i Qarkut 80-të, zoti Mark Gjonaj, duke përfaqësuar veten si përfaqësues i Asamblesë së Nju Jorkut, por edhe komunitetin shqiptarë të Amerikës, që gjatë këtyre ditëve kan treguar një solidaritet dhe mbështetje të paparë me policinë e Nju Jorkut.
Në rradhët e uniformave blu të policisë së Nju Jorkut, thuhet se shërbëjnë më shumë se 180 policë shqiptarë
Gjithashtu, të pranishëm në këtë ceremnoni madhështore, ishin edhe Kryetari i Bashkisë Bill de Blasio, gruaja e tij – Chirlane McCray, drejtori i FBI James Comey dhe Komisioneri i Policisë Bill Bratton, të cilët përshëndetën formacionet e oficerëve që qendronin në kuadrate ceremoniale të rreshtuar jashtë shtëpisë funerale.
Zëvendës Sherif Tony Gower, i zyrës së Iron County Sherrif në Utah, tha se vdekja e Liu dhe Ramos ishin “gut-wrenching – diçka shumë e hidhur”, dhe shtoj se:”Ne kemi ardhur për të treguar mbështetjen tonë”, tha ai.
Liu dhe partneri i tij, Det. Rafael Ramos, ishin duke shërbyer me makinën e tyre të patrullimit në lagjen Tompkins Street dhe Myrtle Avenue – kur një i armatosur i quajtur Ismaaiyl Brinsley, iu afrua atyre sikur do ti pyeste për diçka por që në befasi hapi zjarr.
Brinsley pas të shtënave iku me vrap simbas hetimeve – për tu fshehur në një stacion metroje, por aty pranë dhe vrau veten me të njëjtën armë.
Vrasja e dy policëve – ka thelluar tensionet e krijuara ndërmjet NYPD dhe Bashkisë së qytetit të New Yorkut që siç thonë gazetarët erdhën nga komentet e “gabuara”, të bëra prej Kryebashkiakut Bill de Blasio- në prag protestave të vdekjes së Eric Garner, një vdekje kjo e cila thuhet se erdhi nga ” një mbytje” e dukshme të patrullës së policisë.
Gazetat lokale dhe televizionet raportuan se “duke iu drejtuar mediave, ditët e protestave De Blasio, tha se ai “kishte paralajmëruar djalin e tij, Dante, i cili është i përzier në disa konflikte ordinere(akuzuar për përdorim lëndësh narkotike) me policnë më parë, për rreziqet, që simbas tij ai mund të përballej në se binte në duart e policisë – përsëri”.
Ndërkohë, në vazhdën e ceremonive në funeralet e vdekjeve të Liu dhe Ramos ‘, oficerët e policisë së Nju Jorkut, në mënyrë demostrative i kthyen shpinën kryetarit të Bashkisë së Nju Jorkut, disa herë për të protestuar ndaj vërejtjeve që bëri Blasio-s për uniformat blu..

Lirohen të akuzuarit për krime lufte kunder shqiptareve në Husaj të Rozhajës

by

Gjykata malazeze liroi ish-ushtarët e ushtrisë Jugosllave të akuzuar për krime lufte kundër civilëve shqiptarë të kryera në Husaj të Rozhajës në pranverën e vitit 1999/
Nga Ismet Azizi/
Verdikti i sjellë nga Gjykata e Lartë e Bjelo Poles , u cilësua si legalizim i krimit dhe i politikës gjenocide, por edhe si një krim kundër njerëzimit ku akterët kryesor mbesin të pandëshkuar dhe në liri.
8 ish ushtarët e ushtrisë jugosllave, u liruan për vrasjen e 15 refugjatëve shqiptarë nga Kosova në prill të viti 1999 në fshatin Husaj në afërsi të Rozhajës në Sanxhak. Gjykimi u dha nga Dhoma e Gjykatës së Lartë në Bijelo Polje, të cilën e kryesoi gjyqtari Vukomir Boshkoviq.
Gjatë procesit gati pesë vjeçar, të dyshuarit akuzoheshin për vrasjen e 23 njerëzve, por ky numër është zvogëluar në 15, sepse është gjetur se tek të tetë të vrarit vdekja kishte ndodhur më herët.
Përfaqësuesi ligjor i familjeve të viktimave Velia Muriq në një deklaratë për RSE thotë se nuk është i befasuar nga lirimin e ish-ushtarëve të Ushtrisë Jugosllave të akuzuar për krime lufte kundër civilëve shqiptarë në 1999.
Ky vendim tregon se në Mal të Zi, se viktimat e krimeve të luftës janë të padiskutueshme, por edhe për vrasjen e tyre askush nuk është përgjegjës.
“22 prej tyre janë vranë, askush nuk i ka sjellë në Mal të Zi por janë viktima të cilat janë kryer nga ish-ushtria e Jugosllavisë kundër popullatës civile. Sa i përket procedurave penale që nga fillimi ka shkuar mbrapsht, sepse vetëm pas 5 viteve nga fillimi i procedurës është filluar me hetime “, thotë Muriq dhe shtoi:
“Gjithashtu, gjatë procedimit që zgjati tre është marrë vendimi për lirimin nga paraburgimi i të dyshuarve. Rasti i ndodhur në Husaj nuk është asgjë tjetër në krahasim me Bukovicën, dëbimin e shtetasve të BiH nga bregdeti i Malit të Zi, Morinj dhe krime të tjera të luftës të kryera në territorin e Malit të Zi. Në asnjë nga këto raste nuk është marr ndonjë vendim gjyqësor për fajësinë e të akuzuarëve. Prandaj, unë shoh se dikush në Mal të Zi duhet të mbajë përgjegjës për këto viktima, para se gjithash nga struktura e prokurorisë ose qeverisë, sepse shihet kartë se deri më tani ka pasur obstruksion në këto raste “.
Krimet e luftës kundër civilëve shqiptarë të cilët kanë ikur nga Kosova në Mal të Zi janë kryer gjatë intervenimit të NATO-s.
Të akuzuar për krimin në Husaj të Rozhajës të cilët u liruan janë:komandanti i batalionit të Ushtrisë Jugosllave, nënkolonel Predrag Strugar, si dhe ish-ushtarët Momçillo Barjaktaroviq, Peter Labudoviq, Aco Knezheviq, Branislav Radiq, Miro Bojoviq, Vladimir Gjurashkoviq dhe Boro Novakoviç.
“Vrasjen e njëzet civilëve gjatë dhe pas luftës të ushtrisë së atëhershme ,janë përcjellë edhe nga raportet ushtarake dhe gazetareske. Në lidhje me këtë, është interesante të një raport ushtarak i asaj kohe, në të cilën për gjashtë civilëtë vranë në kolonat e refugjatëve në Husaj, ndër të tjera, thotë: “Në një konflikt të ashpër Ushtria Jugosllave ka likuiduar një grup të armatosur të UÇK-së.” Në anën tjetër, nëse me këtë rast është vrarë trembëdhjetë vjeçari Labinot Kastrati, plagosja e moshatares së tij Shpresa Zogaj, vrasja e gruas shtatëdhjetëvjeçare të pa lëvizshme Nemka Brahimaj dhe Arif Arifaj, trupi i i të cilit u gjet me këmbë të lidhura me litar, e bën më shumë se të qartë se një raport i tillë ushtarak ka qenë vetëm pjesë e planit krimin e organizuar “.
Ndaj vendimit të Gjykatës së Lartë të Bjelo Poles reagoi Bashkësia Demokratike Boshnjake , e cila në një letër të hapur kritikon gjyqësorin në vend , i cili, sipas tyre, po legalizon krimin dhe po mbështetë politikën gjenocide.
Ndërkaq, partitë politike shqiptare si dhe Këshilli Nacional i Shqiptarëve në Mal të Zi nuk reaguan ndaj këtij rasti edhe pse shoqatat e shoqërisë civile disa herë kanë protestuar ndaj zvarritjes së aktgjykimit dhe ndaj pavarësisë së gjyqësorit.

Vdes ish-guvernatori i Nju Jorkut, Mario Cuomo – “Luani” liberal

by

Për shqiptarët e Amerikës, do të kujtohet si një mik i tyre – sidomos për çështjen e Kosovës/
Nga Beqir SINA – New York/
JU JORK : Ish-guvernatori i Nju Jorkut, Mario Cuomo, ka vdekur të enjten, në ditën që djali i tij Andrew është inauguruar si guvernator i shtetit.
Cuomo, 82 vjeçar, ka vdekur nga shkaqe natyrore në shtëpinë e tij në Albany të Nju Jorkut.
Cuomo ka qenë guvernator i Nju-Jorkut prej vitit 1983 deri në vitin 1994, dhe eshte konsideruar si “luani” liberal i demokrateve ne SHBA-
Mario Cuomo, i cili ka qenë guvernator i Nju Jorkut gjatë tre mandateve, nga viti1982 në vitin 1994, vdiq dje në moshën 82-vjeçare, nga një sulm në zemër në një spital të Nju Jorkut, njoftoi media amerikane.
Ish-guvernatori demokrat, që u konsiderua në atë kohë si një kandidat potencial për Shtëpinë e Bardhë dhe Gjykatën e Lartë, vdiq në të njëjtën ditë që djali i madh, Andrew Cuomo bëri betimin për një mandat të dytë si guvernator i Nju Jorkut.
“Ai nuk mund të jetë i pranishëm fizikisht sot, por babai im ndodhet në këtë sallë. Ai është në zemrën dhe mendjen e çdo personi që ndodhet këtu”, deklaroi Andrew Cuomo.
“Frymëzimi, trashëgimia dhe eksperieca e tij janë ato që e çuan këtë shtet aty ku ndodhet tani”, theksoi ai.
I njohur për elokuencën dhe oratorinë në fjalimet e tij dhe për kundërshtimin e fortë për rivendosjen e dënimit me vdekje në Nju Jork, Mario Cuomo fitoi famë kombëtare me një fjalim të mbajtur në vitin 1984 në Konventën Demokrate.
Për këto ai ishte konsideruar si një nga politikanët më elekuenti dhe oratori i kohës së tij, që e bëri Mario Cuomon një figurë kombëtare.
Ai do te mbahet mend gjate per fjalimin e tij ne konventen e demokrateve ne 1984, kundershtimin e ligjit te denimit me me vdekje dhe ndryshimine sistemit te burgjeve.
Në korrik 1984, ai mbajti fjalimin kryesor në Konventën Kombëtare Demokratike, duke arritë në një kundërshtim dhe t’i jap një nxitje vizionit të Presidentit të Shteteve të Bashkuara Ronald Regan mbi vizionin e tij amerikan “Qytet i ndritshëm mbi një kodër”.
Duke u përballur me një arenë të mbushur me kritika në San Francisko, ai në një audiencë televizive kombëtare, Cuomo do të mabhet mend për dekleratën e tij kur tha: “Ky komb është më shumë se një ‘ apo dy qytete të ndritëshme mbi një kodër”.
Ai vdiq dje kur i biri tij Andrew Cumo, më 1 janar e ka dhënë betimin për një mandat të dytë si guvernator i Nju Jorkut.

U diplomuan 884 oficer të rinjë policie në Nju Jork

by

*- Bill de Blasio përballet përsëri me reagime negative
*Kadetë të rinjë shqiptarë, u diplomuan dje në mesin e shumë oficerve nga 50 vende/
Nga Beqir SINA – New York City/
NEW YORK CITY : Bill de Blasio – Kryetari i Bashkisë së Nju Jorkut, mbas dekleratave të tij – kontraverse, ka marrë një përzierje të reagimeve, nga uniformat blu të qytetit, firshkëllima dhe duartrokitje, kthim kurrizi dhe përqafime – gjatë daljes së tij në publik në nji ceremoni madhështore në Nju Jork.
Një reagim mjaft negativ i erdhi atij papritur, dje, megjithse, ai foli me fjalë shumë dashamirëse madje nuk kurseu as superlatiavt, kur ai doli në podium në një ceremoni diplomimit të hënën në mëngjes të 884 kadetëve të rinjë.
Simbas, analistëve njujorkez, ceremonia e diplomimit të rekrutreve ka reflektuar në tensionet e para që kan lindur midis disa oficerëve të policisë dhe kryetarit të Bashkisë më të madhe në vend, si “një haraç të ri me poliicinë i De Blasios ndaj dy policëve të vrarë në fillim të këtij muaji në një pritë anti-policore.”, shkruan shtypi i qytetit të Nju Jorkut, mbas asj që ndodhi edhe dje.
Në fjalën e tij, kryetari i bashkisë vlerësoi oficerë të rinj për kurajon e tyre.
“Ju mund të jeni në shumë raste pjesë e zgjidhjes, dhe se është një bekim që ju i jeni përgjigjur një thirrje të denjë. Bibla na tregon në një nga pasazhet më të fuqishme në Bibël se:” Lum ata që përpiqen për paqen, sepse ata do të quhen bij të Perëndisë, ‘”tha de Blasio.
Zakonisht, oficerët e rinj hedhin lart kapelet dhe dorezat e tyre të bardha në festimin e diplomimit.
Kurse , ditën e hënë, klasa e kadetëve 2014 – përshëndeti vetëm duke nderuar me një qëndrim ceremonial me shikim drejt qiellit, duke vështruar në një ekran të madh në mes të sallës së pallatit të sportiti Madison Square Graden fotografit e dy zyrtarëve të poliicisë të vrarë javën e kaluar : Wenjian Liu dhe Rafael Ramos të vrar më 20 dhjetor.
Edhe pse krimi është në nivele rekord, të rënjes së tij në qytet – shumë vetë thonë se morali është i lodhur dhe i akuzojnë tashmë kryetarin e bashkisë de Blasio për dekleratat e tij të “pamatuara” në fillim të protestave anti-policore. Disa nga udhëheqësit e sindikatave të policisë, në Nju Jork, thonë se kryetari i bashkisë i ka kontribuar “një klime të mosbesimit ndaj policisë” duke kujtuar protestat anti-policore, dhe kanë shkuar aq larg sa për të fajësuar de Blasio për vdekjen e Ramos dhe partnerin e tij Wenjian Lu.
Dhe kur de Blasio tha këto fjalë miradie: “Ju do të përballeni me të gjitha problemet që kanë pllakosur shoqërinë tonë, problemet që ju nuk e keni krijuar.Dhe se ju jeni policia më e mirë në botë”, reagimet qenë negative, teksa dikush bërtiti duke drejtuar gishtin nga De Blasio si fajtor.
Bashkia thekson se kjo nuk është hera e parë që një kryetar bashkie, në Nju Jork, ka qenë i fishkëllyer në një diplomimit të policisë.
Një zëdhënës i de Blasio thotë se ajo ka ndodhur edhe me ish-kryetarët Giuliani dhe Bloomberg.
Kurse, numëri një i poliicisë në Nju Jork, Bratton – thuhet se është duke u përpjekur për arritjen e një paqe mes zyrtarve të poliicisë dhe kryetarit të bashkisë i sulmuar.
“Ne së bashku do të bëjmë, që ky ekip udhëheqje, ky kryetar bashkie, dhe ne do të bëjmë gjithçka në fuqinë tonë, për të pajisur ju, për të trajnuar ju, për t’ju mbështetur ju, dhe vendosur në krye të detyrave për mbrojtjen tuaj dhe të qytetarve të Nju Jorkut” tha Bratton.
“Ne nuk kemi asnjë zgjidhje tjetër, për të ecur përpara – vetëm duhet të mendojmë për sigurinë që duhet për këta njerëz dhe sigurinë e qytetit tonë,” tha Braton.
Ndërkohë, përsëri unifromave blu të Nju Jorkut, nuk po i mungojnë në rradhët e tyre edhe shqiptarët e Amerikës. Në rrejetet sociale facebook dhe twitter, janë anëtarë të familjeve të tyre, që kan postuar sot edhe fotografitë e të afërmeve të tyre – që u diplomuan dje në ceremoninë e 884 oficerë të rinj të policisë në këtë klasë diplomimit 2014.
Ku si tha numëri një i poliicisë në Nju Jork, Bratton, teksa përshendeste kadetët e rinjë, se :” Ata flasin më shumë se 60 gjuhë dhe ata vijnë nga më shumë se 50 vende . Dhe tani ata janë të ngarkuar për ruajtjen tonë – , dhe veten e tyre, që të bëjnë jetën e qytetarëve sa më të sigurt”.

Kryeministri italian, Matteo Renzi në Shqipëri

by

nga Gjergji Mima/ – Kryeministri italian, Matteo Renzi, ka mbërritur në Shqipëri.
Ndërsa përpara godinës së Kryeministrisë, është zhvilluar ceremonia e mirëseardhjes, ku Kryeministri Renzi u prit nga homologu i tij shqiptar, Edi Rama.
Gjatë ceremonisë të dy Kryeministrat u nderuan nga rojet e nderit të Gardës së Republikës.
Në ceremoni morën pjesë ministrja e Mbrojtjes, Mimi Kodheli, ministri i Brendshëm, Saimir Tahiri, zv/ministri i Jashtëm, Sokol Dervishaj.
Pas kësaj ceremonie zhvillohet takimi mes Kryeminsitrit shqiptar Edi Rama dhe Kryeminsitrit italian, Matteo Renzi në Kryeministri. Pas takimit do të ketë një konferencë për shtyp.
Kryeministri italian vizitë në Tiranë
Kryeministri Italian do të zhvillojë sot një vizitë zyrtare në Tiranë, ku do të takohet me krerët më të lartë të shtetit shqiptar.
Renzi do të zhvillojë një takim me Kryeministrin Rama, do të takohet me Kreun e Kuvendit, Ilir Meta, Presidentin e Republikës, Bujar Nishani dhe me komunitetin italian në Shqipëri.
Mësohet se Policia e Shtetit ka marrë masat e duhura për mbarëvajtjen e kësaj vizite, ndërsa do të ketë kufizime të qarkullimit në disa segmente rrugore, nga ora 12:00-14:00.
Kufizime të qarkullimit do të ketë në aksin Rinas-Kashar-Rruga e Durrësit, sheshi “Shqiponja”, dhe bulevardi “Dëshmorët e Kombit”.
Axhenda e vizitës së Kryeministrit italian Mateo Renzi në Tiranë:
Në ora 13.35 do të zhvillohet ceremonia e mirëseardhjes, përpara godinës së Kryeministrisë.
Në orën 13.50 – 14.40 takimi ndërmjet dy delegacioneve, kryesuar nga dy Kryeministrat.
Në orën 14.45 konferenca e përbashkët për shtyp, e Kryeministrit Rama dhe Kryeministrit Renzi.
Në orën 15.10 Kryeministrit Renzi do të takohet me Kryetarin e Parlamentit Ilir Meta.
Në orën 15.40 Kryeministrit Renzi do të takohet me Presidentin e Republikës Bujar Nishani.