Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shqiptaret me viza 3-vjecare ne SHBA?

by

Ambasadori Arvizu zbulon lajmin: Vizat në SHBA për shqiptarët do të bëhen 3-vjeçare/
Gjatë një interviste televizive në mbrëmjen e se enjtes në Top Channel, pak ditë para largimit pas mbarimit të mandatit diplomatik nga Shqipëria, ambasadori amerikan Aleksandër Arvizu ka dhënë intervistën e tij të fundit.
Ai ka zbuluar një lajm të mirë për shqiptarët, atë të zgjatjes së afatit të vizave për shqiptarët që duan të shkojnë në Shtetet e Bashkuara të Amerikës.
Sipas kryediplomatit amerikan në Tiranë, vizat 1-vjeçare që jepeshin nga SHBA-të, tashmë do të bëhen 3-vjeçare.
“Duke nisur nga nesër, do të kemi një politikë të re që do të zbatohet, – tha Arvizu. – Deri më sot, shqiptarët janë kualifikuar, B1, B2, vizat turistike, vizat e studentëve për një vit, por në ambasadë, ne kemi punuar me Byronë e Çështjeve Konsullore në Departamentin e Shtetit, që të lehtësonim kushtet e lehtësimit të vizave. Jam shumë i kënaqur, që duket nisur që nesër, për të gjithë ata shqiptarë që kualifikohen për vizë studentore apo vizë vizitori, vlefshmëria e tyre do të jetë 3 vjet dhe jo 1. Kjo do të kursejë para, sepse njerëzit nuk janë të detyruar të aplikojnë çdo vit. Në këtë rast, nuk do të ketë ndryshime sa i takon kërkesave për numrin e vizave”.
Lidhur me liberalizimin e vizave me SHBA-të, Arvizu u shpreh se kjo gjë është praktikisht e pamundur: “Do të ketë një rrugë të gjatë që Shqipëria të bëjë pjesë në vendet të cilët hyjnë pa viza në SHBA”, – pranoi Arvizu. (Shqiptarja.com)

EDHE ZV/ MINISTRJA ME FATURA TE PAPAGUARA…?!

by

*Kryeministri shkarkon zv/ministren e Mjedisit Diana Bejko për faturën/
*Po nese ka ndonje minister qe ka harruar ne kete situate pa paguar a do ta shkarkoje Edi Rama? Po nese jane zyrtare te LSI a mundet ti shkarkoje?/
Ne oret e vona te nates se dites se marte gjithe mediat kishin nje lajm per nje fature modeste qe nuk kishte paguar ne Velipoje ,zv/ministrja e Mjedisit Diana Bejko qe e kishte shtepi te dyte. “Shtepi e dyte” eshte shtepia e kohes se plazhit, ku njeriu,i cili e zoteron si pasuri shkon ne muajt e veres dhe me pas e “braktis” ate. Ne muajt qe nuk e perdor shtepine e pra nuk konsumon energji elektrike ( pasi nuk banon njeri ne te) vjen nje fature standarte energjie tek 350 te reja. Dhe si rregull ,i pashkruar, deri tani keto fatura minimale paguheshin njehere ne 6 muaj. Natyrisht qe duhen paguar. Por te marten vone lajmi “bombe” i televizioneve ishte se Diana Bejko nuk ka paguar nje fature minimale ne Velipoje dhe ndaj kryeministri Rama ka kerkuar shkarkimin e saj si zv/ministre.Dhe do ta beje shkarkimin ndonese Rama eshte ne Beograd ne takimin e kryeministrave te Rajonit ne forumin Kine-Europa Juglindore. Mjafton qe lajmin e ka dhene per shkarkimin e formalisht do firmoset.
Natyrisht qe cdo zyrtar duhet ne rradhe te pare te manifestoje zbatimin e ligjit, e aq me teper nje anetar qeverie. Edhe cdo qytetar duhet te jete me ligjin, pavaresisht halleve, ndonese kjo ha diskutime se mungesa e anes ekonomike per te paguar si dhe e mospasjes te nje pune per te jetuar normalisht akuzon qeverine se nuk rrit mireqenien. Me sakte nuk krijon vende pune. Edhe ketu prape ka vend per te qene i kujdesshem pasi ne nje vit e pak muaj nje qeveri e re e ka te veshtire ti zgjidhe problemet. Ndaj nje qeveri merr kater vjet per te drejtuar. Me pas vendos prape vota.Por le te kthehemi tek lajmi per Diana Bejko.
A duhej bere shembull publik e aq me teper shkarkuar per nje fature krejt modeste? A duhej perdorur “koka” e saj si “koke turku” per t’iu bere presion zyrtareve te tjere se po nuk paguat do keni te njejtin fat si Bejko?! A duhej kjo metode e dhunshme ligjore te binte mbi nje grua zyrtare apo mund ti kerkohej se nese nuk e paguan deri, fjala vjen neser, shkarkohesh? Natyrisht qe ligji ne Shqiperi ka nevoje te zbatohet , edhe me force, porse nese nje zv/ministre iku nga posti per kete gje a mundet kryeministri dhe qeveria e tij te kete te njejtin standart e force edhe ndaj deputeteve te PS, te LSI dhe partive te tjera, duke gjetur masa ligjore , ndonese kane mandat parlamentar? A mundet qeveria qe per bizneset e deputeteve qe nuk paguajne apo vjedhin, ti ndeshkoje? E veshtire te besohet se mund te kete te njejtin “fat” iks deputet sic e mori zv/ministrja qe tashme mund te quhet ish-zv/ministrja!
Po nese ka ndonje minister qe ka harruar ne kete situate pa paguar a do ta shkarkoje Edi Rama? Po nese jane zyrtare te LSI a mundet ti shkarkoje?

Pakistani në zi për masakrën e 132 fëmijëve në shkollë

by

Pakistani ka nisur tre ditët e zisë kombëtare për 132 fëmijë dhe nëntë pjesëtarë të stafit të një shkolle, të vrarë nga talibanët.
Në dhe përreth qytetit veriperëndimor të Peshawarit, njerëzit janë mbledhur përreth arkivoleve dhe varreve.
Në përputhje me ligjet islamike, njerëzit kanë nisur t’i varrosin viktimat menjëherë. Korrespondentët flasin për një atmosferë të frikshme.
Të 141 njerëzit janë vrarë, kur militantët kanë sulmuar Shkollën Publike Ushtarake në Peshawar, më 16 dhjetor.
Ushtria ka thënë se sulmi është kryer nga shtatë persona të armatosur, që të gjithë të veshur me xhaketa bomba, që kanë shkuar nga klasa në klasë, duke vrarë nxënës dhe mësimdhënës.
Rrethimi i shkollës, ku mësojnë djem dhe vajza me prapavijë ushtarake dhe civile, ka zgjatur tetë orë.
Një total prej 125 njerëzish janë plagosur, para se sulmuesit janë vrarë. Disa nxënës të plagosur mbeten në spitalin kryesor të Peshawarit.
Një zëdhënës i talibanëve pakistanezë, i cili e ka identifikuar veten si Muhammad Khorasani, i ka telefonuar një korrespondenti të Radios Evropa e Lirë nga Shërbimi i Pakistanit, dhe ka marrë përgjegjësinë për sulmin, duke thënë se kjo është hakmarrje për operacionet e ushtrisë pakistaneze në zonat fisnore veriperëndimore.
Ushtria pakistaneze thotë se ka vrarë mbi 1,100 militantë islamistë në Vaziristanin Verior, prejse ka nisuur ofensivën në muajin qershor, duke përdorur sulmet ajrore, artilerinë, mortajat dhe trupat tokësore.
Kryeministri i Pakistanit, Nawaz Sharif, ka udhëtuar drejt Peshawarit. Ai ka thënë se sulmi i talibanëve është “tragjedi kombëtare e kryer nga egërsirat” dhe është zotuar se do të vazhdojë luftën kundër terrorizmit.
“Kjo luftë do të vazhdojë derisa terrorizmi të çrrënjoset tërësisht nga vendi ynë”, ka thënë Sharif.
Ai po ashtu ka njoftuar për fundin e moratoriumit për dënimin me vdekje të rasteve për terrorizëm.
Përgjigjja e ushtrisë ndaj sulmit në Peshauar raportohet se ka filluar. Zëdhënësi i ushtrisë, Asim Bajwa, ka shkruar në Twitter se dhjetë sulme ajrore janë kryer kundër militantëve në rajonin Khiber.
Masakra në shkollën e Peshawarit ka nxitur reagime nga e gjithë bota.
Sekretari i përgjithshëm i Kombeve të Bashkuara, Ban Ki-moon, ka thënë se ajo është një “akt i tmerrit”.
Presidenti i Shteteve të Bashkuara, Barack Obama, ka thënë se terroristët “kanë treguar edhe një herë ligësinë e tyre” dhe ka përsëritur mbështetjen për përpjekjet e Qeverisë së Pakistanit për të luftuar ekstremizmin dhe terrorizmin.
Shefja e politikës së jashtme të Bashkimit Evropian, Federica Mogherini, ka thënë se është “e tronditur” me sulmin, i cili, sipas saj, tregon se sa i fortë është kërcënimi nga talibanët dhe sa e brishtë dhe e rrezikshme mbetet situata në rajon.
Sulmi është kritikuar edhe nga talibanët në Afganistan.
Në përputhje me zinë kombëtare, ambasadat e Pakistanit në gjithë botën kanë ulur flamujt në gjysmështizë dhe kanë hapur librat e ngushëllimeve.
Përgatiti: Valona Tela

Fondacioni Mbreteresha Geraldine per Festat e Fundvitit

by

Fondacioni Mbreteresha Geraldine organizoi nje ceremoni me rastin e festave te fundvitit ne shkollen e Burgajetit. Gjate kesaj ceremonie festive u shperndane dhurata per femijet e kesaj shkolle. Aktivitetit iu bashkua edhe Princ Leka se bashku me ambasadoret e Hungarise dhe Suedise. Shkolla organizoi nje program artistik me recitime, kenge dhe valle tradicionale i cili u pasua me nje koktel per nxenesit, mesuesit, prinderit dhe te ftuarit. Shkolla e Burgajetit eshte ndertuar me fondet e Familjes Mbretereore me 1935.
***
The Queen Geraldine foundation organized an end of the year party at the Burgajet School in Mat. His Royal Highness Prince Leka and the President of the foundation Miss Elia Zaharia where accompanied by the Ambassador of Hungary and the Swedish chargé d’affaires. The school organized a special concert in their honor then the Royal Couple and their guests handed out toys and gifts to the kids before sharing a cocktail and enjoying the festive atmosphere.
The Burgajet School was first build by the Albanian Royal family in the nineteen thirties. Both the Queen mother Sadija and Queen Geraldine gave out gifts traditionally during the end of the year festivities. http://www.oborrimbreterorshqiptar.al/pages/Foundation%20News

Z. KRYEMINISTER: Kemi lidhur nje kontrate- Qendrojini besnik. Pabesia eshte tradheti!

by

*Rehabilitimi i Sul Harrit fillon me ne qe vuajme qe nga viti 1944 e jo me ata te vitit 1973/
* Shteti ka per te na dhene qindra milione, na i jepni qe t`ju japim qindarkat./
* Ambasadave amerikane, angleze, austriake: Te na konfirmoje se a ka qene babai im Sulejman Harri agjent I shteteve tuaja, akuza keto qe shoqerojne dosjen dhe procesin gjyqsor te Sule Harrit./
Nga Flamur Harri/

DEKLARATE PER SHTYP
Qendrime e Sulme barbare kunder Sule Harrit e trashegimtareve te tij.
Per dijeni: 1. Z. Bujar Nishanit Kryetar I shtetit
2. Z. Edi Rama Kryeminister I Shqiperise
3. Z. Ilir Meta Kryetar I kuvendit
4. Ambasades Amerikane
5. Ambasades Angleze
6. Ambasades Gjermane
7. Ambasades Franceze
8.Ambasades Austriake
9. Ambasades Italiane
10. Ambasades Turke

Tashme te gjithe e dine se kush eshte Sulejman Harri, I shkolluar ne Austri ne vitet 1917-1923. Figure e shquar e arsimit shqiptar, antifashist e anti komunist, pra kundershtare I dy diktaturave. Me 1947 denohet me burgim te perjetshem, akuza: Krime kunder shtetit, krimi I vetem ishte se shkolloi per 25 vjet mesues ne Normalen e Elbasanit e kontribute ne qarqe te ndryshme te vendit.
Beri gati 10 vjet burg Burreli.
Eshte nje nga 65 intelektualet e perfshire nga rezoluta e Keshillit te Evropes, te dates 5 tetor 1956.rezolute , e cila I kerkoi shtetit shqiptar lirimin e menjehershem, se jane denuar ne menyre te padrejte dhe kane te drejten e rigjykimit nga gjykata te pavarura. Rezolute, e cila nuk eshte marre parasysh nga regjimi I asaj kohe. Mendoj se rezoluta duhet te kete fuqi ligjore edhe ne kohen e sotme, per kete kategori intelektualesh, e jo te trajtohen si te denuar ordinere, sic jane trajtuar deri me sot. Sules I eshte konfiskuar pasuria e luajtshme dhe e paluajtshme. Gruaja dhe 5 djemte e Sule Harrit ju nenshtruan nje lufte te pashembullt te klasave, me pasoja te renda ne shendetin e tyre. Ne vitin 1967 nen kujdesin e ish nxenesit te normales K. Lazri I dhane nje pension minimal prej 350 lekesh. Sula kishte kontribuar flori per pensionin e tij. Eshte rast unikal ne Shqiperi qe nuk ka marre pension.
Njeri me karakter te pathyeshem, nuk iu nenshtrua “ofertave korruptive” te regjimit te kaluar.
Nuk dua te zgjatem, Sula dhe familja e tij kane dhene shume per kete vend e per kete popull, cfare prisnim dhe cfare na kane dhene ne Elbasan. Nuk na kane dhene asnje lek nga pasuria e luajtshme e konfiskuar, kur disa te tjere kane marre miliona.
Sorollatemi prej me shume se dy dekada neper gjyqe per te rifituar legjitimitetin e prones se paluajtshme.
Kemi marre deri tani I kest prej 7.000 dollaresh ne shtate vjet, kur sipas premtimit duhet te merrnim kestin e tete e te fundit.
Ne, femijeve te Sule Harrit, nuk na u dha e drejta e shkollimit te larte dhe sot me nga 40 vjet kontribute ne punera te veshtira, marrim pension qesharak 100 euro ne muaj.
Nuk mjaftojne keto, vijne e na presin dritat, megjithese qe nga qershor 2013 e ne vazhdim paguaj rregullisht, vine ca adoleshente te udhehequr nga nje “dhelper e vjeter” , vershojne dhe nje skuader policesh, sikur te kishte ndodhur ndonje krim.
I them perfaqesuesit te O.SH.E.E:- Une kam lidhur kontrate dhe po paguaj rregullisht.
-Epo, kontraten e ke lidhur me PD, ne jemi te PS.
Kulmi I cinizmit!
Dua te theksoj: Kam 45 vjet qe jetoj ne ate shtepi prej qerpici te bere me thoje, me material jashte standartit.
Ne kohen e komunizmit shteti me merrte 1/40 e rroges, sot shteti me merr 35-40% te pensionit, pse nuk na merrni dhe shpirtin?
Ne zonen ku jam une nuk eshte bere asnje investim. Jam shtepia e fundit ne linje. Tensioni prej dekadash varion nga 150-180 Volt. Ne njesine e kohes nje konsumator me tension 220 Volt qe te punoje I duhen 1-2 ore , tek ne duhen 3-4 ore. A nuk eshte vjedhje kjo? Kjo gjendje prej 40 vitesh.
Shteti ka per te na dhene qindra milione, na i jepni qe t`ju japim qindarkat.
Se fundmi, I kerkoj :1. Ambasades Amerikane
2. Ambasades Angleze
3. Ambasades Austriake
Te na konfirmoje se a ka qene babai im Sulejman Harri agjent I shteteve tuaja, akuza keto qe shoqerojne dosjen dhe procesin gjyqsor te Sule Harrit.
Nje thirrje te fundit Kryeministrit Z. Edi Rama, rehabilitimi fillon me ne qe vuajme qe nga viti 1944 e jo me ata te vitit 1973.
Meqe jam qe nga fillimi, anetar i shoqates kombetare, te drejtuar nga Kurt Kola. Kemi lidhur nje kontrate. Qendrojini besnik. Pabesia eshte tradheti.

12 Dhjetor 2014 Flamur Harri