Kronike – Page 492 – Dielli

Raport special mbi Seancën e Këshillit të Sigurimit të OKB mbi Kosovën

November 19, 2013 by dgreca

Ban Ki-moon konsideron se “do të jetë e rëndësishme për palët që ta vazhdojnë implementimin e marrëveshjeve me besim, pa i rihapur rezervat e tyre”.Në seancën e sotme pritet të marrin pjesë në nivelin më të lart të përfaqësimit kryeministri i Kosovës, Hashim Thaçi, dhe ai i Serbisë, Ivica Daçiq, si edhe dy Ministrat e Punëve të Jashtme të Kosovës dhe Serbisë./

Nga OKB-ja- BEQIR SINA/

OKB – NEW YORK – Këshilli i Sigurimit i OKB do të mbajë një seancë rutinë në New York, sot të martën , në orën 3;00 pasdreke me kohën e New Yorkut, dhe orën 9;00 me atë të Prishtinës, kur Sekretari i Përgjithshëm i OKB Ban Ki -mun do të paraqesë raportin e tij të fundit mbi situatën në Kosovë. Në mbledhjen e rradhës, sot në Këshillin e Sigurimit të Kombeve të Bashkuara dotë debatohet për Kosovën, ku do të prezantohet raporti i sekretarit të përgjithshëm të OKB, Ban Ki-moon, për zhvillimet në Kosovë, për periudhën e katërmujorit të fundit prej 16 korrikut e deri më 15 tetor të vitit 2013.

Në raportin e tij prej 17 faqesh, që është publikuar në Internet, dhe e ka siguruar edhe gazeta jonë theksohet se situata e sigurisë “në Kosovë, ka mbetur në përgjithësi e qetë, me incidente të herë pas hershme të raportuara në hapësirat e përziera etnike”.
Megjithatë, thuhet se “të gjitha palët duket se demonstrojnë një përkushtim në rritje për parandalimin e tensioneve në terren për ta mundësuar dialogun e nivelit të lartë dhe për lëvizjen përpara të procesit implementues”.
Raporti i internetit nga zyra e përgjithshme e sigurisë të OKB-së përmbledh situatën në periudhën nga 16 korrik – 15 tetor dhe tregon, atë si e quan ai suksesin e zgjedhjeve lokale , sidomos në pjesën veriore të Kosovës , duke theksuar se kjo do të ndikojë në konsolidimin e ardhshm, pra tek paqja dhe stabiliteti në Kosovë .
Në këtë raport i cili natyrisht është i fundit për këtë vit, kreu i OKB-së Ban vuri në dukje sesituata e përgjithshme e sigurisë në Kosovë, sipas tij :”Ka mbetur përgjithësisht e qetë , me incidente kohëpaskohshme të raportuara në zonat etnikisht të përziera , duke shtuar se të gjitha palët ka shfaq gatishmërinë e tyre për të demonstruar një angazhim në rritje për të parandaluar tensionet në terren për të mundësuar dialogun e nivelit të lartë dhe procesin e implementimit për të ecur përpara ” thotë raporti i zotit Ban Ki-moon.
Më tej aty ceket se zbatimi i marrëveshjes së Brukselit vazhdon të lëvizë përpara , por ka asur një fushatë të fortë në pjesën veriore të Kosovës – kundër pjesëmarrjes në zgjedhjet lokale edhe pse udhëheqja serbe kishte ofruar mbështetjen e saj të fortë për pjesëmarrjen e serbëve të Kosovës në zgjedhjet e 17 nëntorit , thuhet ndër të tjera në raport .

Në raportin e tij, sekretari i përgjithshëm i Kombeve të Bashkuara, Ban Ki-moon, e lavdëron si Beogradin ashtu edhe Prishtinën, “për angazhimin e vazhdueshëm aktiv në kornizën e dialogut të lehtësuar nga Bashkimi Evropian”.
Duke thënë se ai përgëzon Beogradin dhe Prishtinën për përpjekjet e tyre të vazhdueshme në dialogun e lehtësuar nga BE- dhe shton se se liderët e të dyja palëve iu përgjigjën pozitivisht sipas tij sfidave të shumta në një proces me vizion dhe këmbëngulje . Ai gjithashtu, në këtë raport falënderon në mënyrë të posaçme edhe Përfaqësuesen e Lartë të BE-së për Punë të Jashtme dhe Siguri, baroneshën Catherine Ashton , roli personal i të cilës, gjithashtu, vazhdon të jetë thelbësore.
Sekretari i Përgjithshëm i OKB Ban Ki -mun do të cekë në këtë raport sot, se: “Progresi në terren në drejtim të paqes dhe stabilitetit gjithashtu do të mbetet e rëndësishme në dritën e aspiratave të Kosovës dhe të Serbisë drejt integrimit evropian, duke shtuar se të dyja palët kan kryer hapa të jashtëzakonshëm që t’i afrohen qëllimit të tyre . Progres i mëtejshëm në normalizimin e marrëdhënieve , sipas kritereve të BE-së do të ketë rëndësi vendimtare , “shkruan ai në këtë raport.

” Përgatitjet për zgjedhjet e 3 nëntorit, sollën një numër sfidash politike dhe procedurale , duke filluar me regjistrimin e zgjedhësve me vendbanim jashtë Kosovës ,përgatitjen e materialeve zgjedhore dhe çështja e përfaqësuesve serbë në Komisionin Qendror të Zgjedhjeve të Kosovës ,të OKB-së” shprehet në raport e tij për sot Sekretari i Përgjithshëm i Kombeve të Bashkuara zoti Ban Ki-moon dhe shton se problemet janë zgjidhur nëpërmjet dialogut të përhershëm mes dy palëve . ”
Për zonë më të “nxehtë” të këtyre zgjedhjeve, pjesën veriorire të Mitrovicës, atë mbi Lumin Ibër, zoti Ban thotë në raport, se “udhëheqja serbe e pati ofruar mbështetjen e saj të fortë për pjesëmarrjen e serbëve të Kosovës në zgjedhjet e 3 nëntori dhe 17 shtatorit, duke luajtur një rol aktiv në atë drejtim . Deri në fund të periudhës së regjistrimit më 4 shtator , në total prej 103 subjekteve politike , duke përfshirë 19 në veri të Kosovës , kishin aplikuar dhe janë certifikuar nga Komisioni Qendror i Zgjedhjeve të Kosovës,” thotë Ban .
Në raportin e tij sot theksohet se në seksionin e policisë dhe gjyqësorit , është arritur përparim i caktuar , pavarësisht nga problemet , duke shtuar se më 25 korrik , pesë serbë të Kosovës dhe një oficerë të lartë shqiptarë i Kosovës janë emëruar në poste komanduese në Veri, Zona Rajonale e Policisë, me komandë të re në veri të Kosovës .

Ban Ki-moon konsideron se “do të jetë e rëndësishme për palët që ta vazhdojnë implementimin e marrëveshjeve me besim, pa i rihapur rezervat e tyre”. Në këtë kuadër, në raport theksohet se “angazhimi aktiv i Bashkimit Evropian, përfshirë rolin personal të përfaqësueses së lartë të Bashkimit Evropian për politikë të jashtme dhe siguri, Catherine Ashton, poashtu vazhdon të jetë esencial”. Në raport thuhet se “prita brutale kundër EULEX-it, më 19 shtator, që ka rezultuar me vdekjen tragjike të oficerit doganor të EULEX-it, ishte incidenti më serioz në periudhën e raportimit dhe pengesë trazuese”. Rrjedhimisht, “të gjitha palët duhet të bashkëpunojnë për së afërti me EULEX-in dhe policinë e Kosovës, në hetimet që po zhvillohen për të siguruar se kryerësit të identifikohen dhe të sillen para drejtësisë dhe të bëjnë çdo përpjekje për parandalimin e përsëritjes së incidentit të tillë”. Në pjesën e raportit për situatën në pjesën veriore të Kosovës, thuhet se “tensionet politike dhe paqartësia vazhdojnë të mbizotërojnë në pikëpamjet e skepticizmit të vazhdueshëm të serbëve lokalë të Kosovës, lidhur me marrëveshjen e 19 prillit dhe për pjesëmarrjen e tyre në zgjedhjet komunale”. Në raport, poashtu, theksohet se “atmosfera e paqartësisë në pjesën veriore të Kosovës, është përkeqësuar më tutje nga shqetësimet sociale dhe ekonomnike për reduktimet e ardhshme në punësim në sektorin publik”.

Njëkohësisht, permendet në raport se :”Negociatat e hollësishme për transferimin e personelit gjyqësor dhe në strukturën e ardhshme të gjykatës në pjesën veriore të Kosovës kanë vazhduar megjithëse më ngadalë , por janë duke vazhduar . Më 1 shtator ,Ministria serbe i Drejtësisë, zgjati vendimin e saj të mëparshëm për të pezulluar aktivitetet e veta në veri të Kosovës , në pritje të marrëveshjeve të çështjeve të pazgjidhura ,” lexohet në këtë raport i cili është edhe i fundit për vitin 2013. Raporti i Sekretari i Përgjithshëm i Kombeve të Bashkuara zoti Ban Ki-moon, sipas UNMIK-ut ,thotë se në total prej 76 incidenteve, të ndodhura deri tani në Kosovë, që prekin komunitetet dhe pakicat janë raportuar gjatë periudhës në mes të 16 korrik dhe 15 tetorit të këtij viti , ndërsa tre muaj më herët ka pasur 90 incidente të tilla, pa ka një rënje të tyre, cekën raporti. Sa për personat e zhdukur , zoti Ban thot në raport se:”Që nga vendosja e EULEX-it , në vitin 2008 , janë ndërrmarë 407 operacione në terren për të mbledhur të dhënat që mund të çojnë në zhvarrimet e tyre, dhe janë kryer disa prej tyre por mbeten ende për t’u bërë, ndërkohë që 355 individë u janë kthyer pranë familjeve të tyre në Kosovë. Megjithatë, nuk janë vlerësuar 1.720 persona të cilët janë ende të pagjetur nga ngjarjet e viteve 1998-1999″. Kurse, sipas Zyrës së Komisionerit të Lartë të Kombeve të Bashkuara për Refugjatë ( UNHCR) , që nga shtatori , 569 familje serbe të Kosovës të zhvendosura, kan shprehu gatishmërinë për tu kthyer në Kosovë nga Serbia , së bashku me 112 familje romë , ashkali dhe egjiptase nga Mali i Zi , dhe 45 familje romë , ashkali dhe egjiptas nga ish-Republika Jugosllave e Maqedonisë.

Administrata e UNMIK-ut në Mitrovicë ( UAM ) ka vazhduar rolet, monitorimi i ndërmjetësimit dhe lehtësimi i saj , si pjesë e përpjekjeve të vazhdueshme të UNMIK-ut për të mbështetur progresin institucionale dhe politike në rajon ,raporti i lexon .

” Përfaqësuesi Special i im, zoti Farid Zarif ka vazhduar të investoj në përpjekjet të konsiderueshme në veri të Kosovës, duke i angazhuar rregullisht të gjitha palët e interesuara , si nëpërmjet takimeve dhe deklaratave publike , si në mënyrë që të rrisin dialogun konstruktiv “, lexohet në raportin e Sekretarit të Përgjithshëm i OKB Ban Ki -mun .

Në fund të raportit cek edhe një fakt tjetër “Prerja ilegale e druve, e cila lexon raporti vazhdon në baza të rregullta në të dy anët e linjës kufitare administrative”, thotë raporti i sekretarit të përgjithshëm, Ban Ki-moon, dhe shton se “më 6 gusht, tre shtetas të Serbisë ishin arrestuar nga policia e Kosovës në komunën e Podujevës, ndërsa gjithsej katër shqiptarë të Kosovës ishin arrestuar nga policia e Serbisë, më 15 shtator afër Gjilainit dhe më 26 shtator afër komunës së Podujevës.” Këtij raporti i është bashkangjitur edhe aneksi i Përfaqësueses së lartë të Bashkimit Evropian për politikë të jashtme dhe siguri për aktivitetet e Misionit të BE-së për Sundim të Ligjit në Kosovë, që është miratuar nga shefi i misionit EULEX, Bernd Borchardt.
Në seancën e sotme pritet të marrin pjesë në nivelin më të lart të përfaqësimit kryeministri i Kosovës, Hashim Thaçi, dhe ai i Serbisë, Ivica Daçiq, si edhe dy Ministrat e Punëve të Jashtme të Kosovës dhe Serbisë.

U MBLODH KËSHILLI I FEDERATËS “VATRA”

November 17, 2013 by dgreca

U MBLODH KËSHILLI I FEDERATËS “VATRA”

Të shtunën me 16 Nëntor në mesditë, u mblodh Këshilli i Federatës Panshqiptare të Amerikës ”VATRA”. Raportin e Kryetarit, përmbledhtazi edhe protokollin e mbajtur në mbledhjen e mëparshme të Këshillit, anëtarët e Këshillit (Board Members) dhe anëtarët e Advisory Board, e kishin marrë me anë të postës elektronike para se të vinin në mbledhje. Po ashtu kishin marrë edhe rendin e ditës së mbledhjes.
Dr. Gjon Bucaj, kryetar i Vatrës, hapi takimin dhe u uroi mirëseardhjen pjesmarrësve. Po ashtu ai informoi për gjendjen shëndetësore të tre vatranëve, presdientit të Nderit, z. Agim Karagjozi, z. Jonuz Ndreu dhe Esat Coku- anëtarë të Advisory Board, të cilët ndodhen të shtruar në spitale.
Kjo ishte mbledhja e dytë e Këshillit të ri të përzgjedhur pas Kuvendit të Prillit të këtij viti, ku anëtarët janë rinovuar në masën mbi 50 për qind.
Ja lista :
KËSHILLI DREJTUES – BOARD OF DIRECTORS
K R Y E S I A – O F F I C E R S
1 KRYETAR: Dr. Gjon L. Buçaj
2 Z/V KRYETARE: Agim Rexhaj
3 Asllan Bushati
4 SEKRETARE: Nazo Veliu
5 Z/V SEKRETAR: Chris Kirka
6 ARKATAR: Marjan Cubi
7 KRYETARË TË FONDACIONEVE: Dr. Nexhat Kaliçi
8 Prof. Mithat Gashi
9 EDITOR: Dalip Greca
ANTARËT E KËSHILLIT DREJTUES KËSHILLI I PLEQSISË
(BOARD MEMBERS) (ADVISORY BOARD)
10 Adrian Neritani 1 Ahmet Giaffo
11 Adriatik Spahiu Kryetar Dege 2 Bashkim Ahmeti
12 Agim Aliçkaj 3 Esat Çoku
13 Ahmet Hoti 4 Gjokë Deçkaj
14 Albert Perndocaj 5 Hajdar Tonuzi
14 Alfons Grishaj ” ” 6 Jim Wm Pandeli
15 Armin Zotaj 7 Jonuz Ndreu
16 Bashkim Musabelliu 8 Lumo Tsungu
17 Besim Malota 9 Muhamet Omari
18 Bukurosh Curre 10 Musli Mulosmanaj
19 Cezar Ndreu 11 Mustafë Elezi
20 Deni Blloshmi 12 Naum Prifti
21 Dine Dine 13 Ndrec Gjergji
22 Dr. Elton Mara 14 Sejdi Hysenaj
23 Dr. Hasan Ademaj 15 Tonin Mirakaj
24 Dr. Skender Myrtezani ” ” 16 Uke Gjonbalaj
25 Eduard Dilo 17 Zef Perndocaj
26 Elmi Berisha ” ”
27 Ibrahim Kolari
28 Idriz Lamaj
29 Ismer Mjeku
30 Kolec Ndoja ” ”
31 Kujtim Qafa
32 Lek Mirakaj
33 Mehmet Kadriaj
34 Merita B. McCormack ” ”
35 Nick Markola ” ”
36 Ramadan Gashi
37 Ramiz Mujaj
38 Robert Mirakaj
39 Rrustem Gecaj
40 Sabit Bytyçi
41 Sejdi Bytyçi
42 Ylli Cakani
43 Zef Balaj
44 Zudi Karagjozi

U ra dakord që të vazhdohej me 12 pikat e rendit të ditës të njoftuara më parë. Kryetari i degës së Westchester, Nik Markola, kërkoi që të informonte Këshillin për riorganizimin e degës, së cilës i kanë ndryshuar edhe emrin. U la per ne fund.
Këshilli votoi protokollin e mbledhjes së 15 shtatorit. Nënkryetari Asllan Bushati kërkoi që të përfshihej në dokumentacion edhe Promemoria dërguar Kryeministrit të Shqipërisë nga përfaqësia e Vatrës.
Kryetari sqaron se ky dokument është publikuar në Gazetën Dielli të printuar dhe në publikimin e përdtishëm në online.
Gjithësesi u vendos që t’i bashkëngjitet raportit edhe Promemorja.
Pas raportit të kryetarit për aktivitetin e Vatrës që nga 15 shtatori, arkëtari, z. Marjan Cubi paraqiti raportin e arkës, duke dhënë shifrat e të ardhurave dhe të shpenzimeve. Raporti iu bashkëngjit protokollit të mbledhjes.
Dr. Bucaj raportoi rreth punës që po bën eksperti financiar rreth përfundimit të kontrollit të financave dhe takimeve qe ai ak bere me Kryesine dhe me Danny Blloshmi.
U diskutua gjatë mbledhjes edhe finalizimi i listës së anëtarëve të Këshillit të Vatrës, ku u debatua për të shtuar praninë e femrave.
Nga kryetari u dha edhe një informacion i zgjeruar rreth regjistrimit të Vatrës dhe tha se ky proces po shkon drejt fundit.Regjistrimi në IRS ka përfunduar. Degët, porositi dr. Bucaj, duhet të presin finalizimin e regjistrimit në qendër për të bërë edhe ato regjistrimet e veta.
U diskutua edhe për përmirësimin dhe adaptimin e Kanunores së Vatrës përmes shtimit të amendamenteve. Rreth këtij problem diskutoi juristi Bashkim Musabelliu.
U diskutua konkretisht rreth statusit ligjor të Vatrës dhe degëve.
U debatua edhe rreth listave të anëtarësise dhe shlyerjes së detyrimeve simbolike që kanë anëtarët ndaj Federatës. U la që kryesia të shqyrtojë listat e pagesave të prapambetura rreth periudhës Janar-Mars 2014. Diskutuan Uk Gjonbalaj, Dalip Greca.
Një pikë më vete e rendit të ditës ishte edhe informimi rreth njoftimit për gjendjen e ndërtesës së Vatrës. Kryetari përgëzoi anëtarin e Board Members, biznesmenit Rrustem Gecaj, i cili me shpenzimet e veta do të bëjë rinovimin e ndërtesës sapo të arrihet që ajo të lirohet nga materialet.
Z. Gecaj u tregua i gatshëm edhe për menaxhimin e ndërtesës së Vatrës, për të cilën ka probleme.
U diskutua edhe rreth përgatitjeve për festimin e Ditës së Flamurit, 101 Vjetorit të Pavarësisë së Shqipërisë.
Kryetari i komisionit, zv/kryetar i Vatrës, z. Asllan Bushati, informoi për anëtarët e Komisionit dhe përgatitjet e bëra. Darka do të organizohet me 30 nëntor në Restorantin Maestros.
Në këtë pikë e mori fjalën edhe editori i gazetës DIELLI, Dalip Greca, i cili falenderoi të gjithë ata që i ishin përgjigjur mesazhit të tij për ta mbështetur në përgatitjen e numrit special të gazetës DIELLI me rastin e Festes. Në mënyrë të vecantë ai vecoi degën e Vatrës në Queens me kryetar dr. Skënder Murtezani, që i ka qëndruar afër gazetës dhe ka dhënë kontribut konkret, duke mundësua shtatë faqe me urime. Po ashtu ai falenderoi edhe degën e Westchester(Greater New York), degën me kryetar Nick Markola, degen e Washingtonit me kryetare Merita B McCormack, degen e Jacksonville me kryetar Adriatik Spahiu, dgen Hudson Valley me kryetar Elmi Berisha, për mbështetjen e dhene. Pas degës së Queensit, renditet dega e Westchesterit, që rezervoi pesë faqe me urime. Po ashtu falenderoi anëtarët e kryesisë së Vatrës të cilët po ashtu e kanë mbështetë në këtë numër special te Diellit, duke dhënë secili prej tyre kontribut personal. Editori shprehu keqardhjen për keqkuptimin e krijuar me degën e Michiganit. Urimet në gazetë janë në vetëvete kontribute për Vatrën.
Kryetari Bucaj informoi edhe për librin e studiuesit Skënder Blakaj, të cilin Vatra do ta ndihmojë duke qenë bashkëbotuese e librit me letrat e panjohura të njerëzve të shquar deri në 1912, ku më shumë se 70 letra janë të bashkthemeluesit të Vatrës, Faik Konica.
Po ashtu Vatra, informoi dr. Bucaj, ka marrë përsipër që të bëjë edhe promovimin e librit enciklopedik të studiuesit Jusuf Buxhovi në gjuhën angleze”KOSOVA”.
Përsa i përket pikës së parashikuar për të diskutuar për problemin e armëve kimike të Sirisë në Shqipëri, këshilli e vlerësoi të ezauruar propozimin për të dalë me deklaratë në publik. Kryetari informoi se Vatra I ishte bashkuar shqetesimit te komunitetit dhe eshte bashkuar me shoqatat e tjera.
Gazetari i komunitetit Beqir Sina, i pranishëm në takim, solli propozimin e z. Simon Mirakaj për të sjellë në SHBA ekspozitën e të përndjekurëve politik .
Z. Nick Markola informoi për aktivitetin e degës së Westchesterit dhe struktuarave të saj.(Korresp. i DIELLIT)

Artistët shqiptarë në Amerikë, i bashkohen organizatës Rrënjët Shqiptare në Protestë

November 15, 2013 by dgreca

Sot, Nju Jork, nga ora 5 e mbasdites me kohën lokale deri në orën 7 të mbrëmjes me lejen e policisë së qytetit, NYPD, është paraparë të mbahet n një protestë kundër asgjesimit të armëve kimike të Sirisë në Shqipëri/

Nga BEQIR SINA, New York/

NEW YORK CITY – “Të bashkohemi të gjithë për t’i thënë JO!” është motivi që u bënë thirrje artistëve shqiptarë në Shtete e Bashkuara, që të mblidhen sot në Sheshin e njohur Times Square në zemër të Nju Jorkt.

Artistët shqiptarë, në Amerikë kan shfrytëzuar natën e fundit festivalit të II-të, AFW “Albanian Film Week” (Java e Filmit Shqiptar), për t’ju bashkëngjitur thirrjes së organizatës Albanian Roots – Rrënjët Shqiptare, e cila ka vendosur sot mbas dite të mbajë një protestë për të kundërshtuar njerëzisht nismat ndërkombëtare të cilat kanë për qëllim përdorimin e territorit të Republikës së Shqipërisë për asgjësimin e armëve kimike të konfiskuara nga Republika Arabe e Sirisë në bazë të një marrëveshjeje ruso-amerikane.

Ariot Myrtaj njëri prej organizatorëve kryesorë të festivalit të II-të, AFW “Albanian Film Week” (Java e Filmit Shqiptar), gjatë cerominisë së mbylljes së këtij festivali mbrëmë në teatrin shqiptarë “The Producers Club” u bëri thirrje kolegëve të tij duke thënë: ” Se pa ngjyrime politike, ne duhet ti bashkohemi thirrjeve të prindërve, vëllezërve dhe motarve tanë në Shqipëri që janë ngritur kundra armëve kimike, duke e parë se problemi i shkatërrimit të armëve kimike në Shqipëri është çështje kombëtare dhe na përket ne të gjithëve si shqiptarë. Mbasi dihet se pasojat e saj mund të jenë shumë të mëdha dhe mund të shkojnë përtej kufijëve shtetërorë.”

Rrënjët Shqiptare: Thuajini JO! armëve kimike nga Siria!

Në vargun e protestave të asgjesimit të armëve kimike në Shqipëri, këto ditë është përfshirë dhe Organizata Albanian Roots- Rrënjët Shqiptare, me bazë në Nju Jork, e cila është një organizatë jo qeveritare, e përbërë nga të rinjët shqiptarë në Amerikë, sudentë e stdudente që janë studiojnë ose janë diplomuar në shkollat e larta Amerikane. Kjo është një orgnizatë e themeluar nga djem dhe vajza të reja shqiptare në New York, me qëllim ruajtjen e vlerave dhe trashëgimisë kulturore kombëtare dhe promivimin e imazhit të Shqipërisë në mbarë arenën ndërkombëtare, thuhet në deklaratën e tyre për protestë.

Në dekleratë theksohet se :” Duke marrë shkasë nga ngjarja e fundit më të cilën po përballet vendi ynë mbi shkatërrimin e armëve kimike të Sirisë në vendin tonë, Unë Marko Kepi, si kryetar i kësaj organizate, në përgjigje të shumë mesazheve dhe telefonatave të shumë të rinjëve e të rejave shqiptare në diasporë, por bazuar edhe në indinjimin që ne si organizatë patriotike ndjejmë në lidhje më një cështje kaq serioze, e cila vë në diskutim sigurinë e bashkëatdhetarëve tanë, ndjej përgjegjësinë t`i bëj thirrje qeverisë shqiptare t`i thotë “JO” një propozimi të tillë.

Deklerata sqaron se Shqipëria është një shtet i vogël me një sipërfaqe 27,398 m2 dhe renditet një ndër shtetet më të varfra në Europë, e cila njihet kryesisht për klimën dhe turizmin e bukur që ofron dhe jo për fabrika e teknoligji të modernizuar për shkatërrimin e armëve kimike.

Ndërkohë, thuhet në dekleratë se :”Organizata Albanian Roots-Rrënjët Shqiptar, në mbështetje të të gjithë qytetarëve shqiptar i bën thirrje edhe njeherë qeverisë shqiptare të tërhiqet nga negociatat për një vendim që nesër do t’i rëndojë mbi shpatulla e njerëzve të popullit tone, fëmijëve dhe gjeneratave tona të ardhme. Ne duam një Shqipëri të pastër, të gjelbër dhe një vend të sigurt. Ne Rrënjët Shqiptare mbi të gjitha duam Shqipërinë. Ftoj të gjithe shqiptarët kudo që janë t’i bashkohen solidaritetit tone në mënyrë që zëri ynë të dëgjohet në respekt të jetës dhe vendit tone, Shqipërisë!”

Demostrata të tillla ka pasur dje edhe në Washington ku protestuesit kan thënë se :” Ne vendosshmërisht kundërshtojmë çdo iniciativë e cila mëton ta përdorë territorin shqiptar si laborator ku eksperimentohet me armë të shkatërrimit në masë.”

Gazetës, tonë, i tha njëri prej protestuesve me telefon se :” Kërkojmë nga autoritetet shtetërore në Tiranë të reagojnë në emër të shtetit dhe të veprojnë vetëm në interes të sovranit të Republikës së Shqipërisë.Ne reagojmë kundër politikës butake e mercenare të Kryeministrit Rama, si dhe kundër presioneve ndërkombëtare mbi Shtetin Shqiptar. Kërkojmë nga qeveria “Rama” që vendosshmërisht të shfaqin maturi politike dhe njerëzore, dhe të konsiderojnë pasojat serioze që sjellin eksperimentet e tilla të rrezikshme.”

New York, u inaugurua rrokaqielli i parë në vendin e sulmeve terroriste të 11 shtatorit

November 14, 2013 by dgreca

Ndërtesa e re e Qëndrës Botërore Tregtare numër 1 në qytetin e New Yorkut, zyrtarisht prej dje ia ka kaluar Kullës Willis në Çikago përsa i përket lartësisë 1.353 këmbë mbi tokë/

Nga Beqir SINA/

LOWER MANHATTAN NYC :

Në qarkun më të madh të biznesit në botë, pjesën e poshtëme të qytetit Manhattan të New York-ut, e thirrruar Downtown i ri, më 13 nëntor të vitit 2013 u inaugurua rrokaqielli i parë i ndërtuar në vendin ku ndodheshin dy Kullat Binjake, të shkatërruara nga sulmet terroriste të 11 shtatorit të vitit 2001.

Kështuqë, një kapitull i ri dhe i shumëpritur në rilindjen e qytetit të New Yorkut – Manhattan-it pas 9/11 i cili filloi javën e kaluar, kur mbas më shumë se 12 vjet , pas sulmit terrorist që tronditi botën, qyteti i New Yorkut, përsëri mund të i “ngul” sytë mbi Qendrën Botërore të Tregtisë , pas testit të parë të majës të kullës të re, duke ndezur dritat nga më të shëndritëshmet u bë edhe më tërheqës dje kur kulla e parë me një sipërfaqe 16 -acre në zonën World Trade Center – Qendrës Botërore të Tregtisë, zyrtarisht hapet për publikun.
Ndërtesa e re 72-katëshe e ndërtuar në këtë zonë është quajtur World Trade Center 4, dhe thuhet se e gjitha është rentuar nga disa kompani nga më të fuqishmet në botë. Lartësia e rrokaqiellit është 298 metra. Sipërfaqja totale e ndërtesës është 214 kilometra katrorë. Rrokaqielli është projektuar nga arkitekti i njohur japonez 85-vjeçar Fumihiko Maki, kurse, Larry Silverstein, është zhvilluesi i projektit të ndërtimit të Qendrës Botërore të Tregtisë, në qytetin e New Yorkut.

Ndërtesa e re e Qëndrës Botërore Tregtare numër 1 në qytetin e New Yorkut, zyrtarisht prej dje ia ka kaluar Kullës Willis në Çikago përsa i përket lartësisë 1.353 këmbë mbi tokë.

Një panel ndërkombëtar i arkitektëve bëri të ditur dje, se ndërtesa e re e Qendrës Botërore Tregtare, është më e larta në Shtetet e Bashkuara.

Komiteti për Lartësi i Këshillit të Ndërtesave të Larta dhe Habitatit Urban, tha se ndërtesa e Qendrës Botërore Tregtare, është e lartë 541 metra.

Gara për titullin e ndërtesës më të lartë amerikane, nuk kishte të bënte vetëm me primatin mes dy qyteteve dhe dollarët që pasojnë nga turizmi, por lidhej edhe me simbolikën që ka Qendra Botërore Tregtare, si përkujtuese për viktimat e sulmeve terroriste të 11 shtatorit.

Kulla e Lirisë ose One World Trade Center prej sot njihet zyrtarisht si ndërtesa lartë e kombit amerikan, vendimi për këtë i dha fund mbretërimit të Willis Tower në Çikago e cila afërsisht 40 vjet u njoh si ndërtesa më e lartë e Shteteve të Bashkuara.
Zyrtarët Kullës Willis në Çikago lëshuan me këtë rast një deklaratë duke theksuar tiparet e rrokaqiellit të Çikagos për vizitorët – ishin “unike emocionuese dhe eksitim për të qëndruar në pikën më të lartë në çdo ndërtesë në vend , deri tani me 1.353 ft. mbi tokë ” – dhe minimizonte çdo konkurs për titullin nga ndërtesa më e lartë e vendit.
Atat thanë se :” Kulla Willis mirëpret ardhjen e Qendrës Botërore të Tregtisë numër 1 në klubin e elitës së ndërtesave më të larta në botë ,” lexohet nëdeklaratë . ” Kulla Willis kurrë nuk e ka parë këtë si konkurrencë në mes të dy ndërtesave mbasiOne World Trade Center është një ndërtesë mahnitëse arkitektonike dhe ajo është një simbol i rezistencës së popullit amerikan . ” lexohet në dekleratë.
Pothuajse dymbëdhjetë vjet pas shkatërrimit të dy qiellgërvishtësve, të ashtuquajtura Kullat Binjake në New York, “World Trade Center One”, është shpallur zyrtarisht si ndërtesa e re është afër përfundimitmë e lartë në SHBA . Me 541 metra lartësi, kulla në fjalë tashmë do të mbajë edhe zyrtarisht primatin e ndërtesës më të lartë në Shtetet e Bashkuara të Amerikës.

Një nga ndërtesat që po ngrihet në vendin ku gjendej World Trade Center është bërë ndërtesa më e lartë e Nju Jorkut, duke kaluar edhe Kullës Willis në Çikago por edhe Empire State Building në New York. Instalimi i një kolone të çeliktë në katin e 100-të të rrokaqiellit e ngre strukturën, në vendin ku ndodhën sulmet e 11 shtatorit 2001, në 387 metra të lartë.

Grataciela, ndërtimi i së cilës filloi në prill të vitit 2006, do të jetë 541 metra e lartë kur të përfundojë plotësisht në vitin 2015.

Kullat binjake të Qendrës Botërore të Tregtisë u shkatërruan më 11 shtator 2001. Qiellgërvishtësi i ri, i quajtur “Freedom Tower” (Kulla e Lirisë), u bë ndërtesa më e lartë në Nju Jork, një ditë para përvjetorit të operacionit që vrau Osama Bin Ladenin, njeriun përgjegjës për këto sulme.

Nuk është vetëm një ndërtesë, por edhe mision për të gjithë ne”, tha shefi i ndërtimit, Plate Steven.

Kjo ndërtesë gjigante “One World Trade Center” është e treta në botë për nga lartësia me 541 metra.

Numër 1 është Burj Khalifa në Dubai, me një lartësi prej 830 metrash, ndërsa e dyta ështe “Mecca Royal Clock Tower Hotel” në Arabinë Saudite, me 601 metra.

Në vitin 2006 filluan ndërtimet e kullës për të përfunduar në vitin 2015.

“One World Trade Center” do të jetë shumë më origjinale sipas një plani nga arkitekti Daniel Libeskind.
Kulla është ndërtuar me dizajn të thjeshtë të arkitektit David Childs nga kompania amerikane “Silverstein Properties”, me një kosto prej rreth katër miliardë dollarësh.

Përveç “One World Trade Center”, janë në afërsi edhe tri ndërtesa të larta «Two WTC» me një lartësi 412 metra, «Three WTC» me me 378 metra «Four WTC» me 298 metra lartësi.

Kur të përfundojë plotësishtë, ndërtesa e re do të ketë 104 kate, një lartësi e zgjedhur posaçërisht për të simbolizuar lirinë. Kurse me gjithë majën e saj ajo llogaritet të jetë një ndërtesë me 120 kate lartësi dhe shikohet nga 50 mile larg New Yorkut.

1776 është viti kur Shtetet e Bashkuara deklaruan pavarësinë nga Britania.”One World Trade Center” shpesh quhet “Freedom Tower”,(Kulla e Lirisë) dhe ajo ndodhet në distriktin më të madh financiar të Shteteve të Bashkuara në vendin ku ndodheshin më parë dy Kullat Binjake të Qendrës së Tregtisë, të cilat u rrënuan më 11 shtator të vitit 2001 nga sulmet terroriste.

Shpërthim i fuqishëm në një bazë ushtarake në SHBA, 4 marinsa të vdekur

November 14, 2013 by dgreca

Emrat e marinsat e vdekur nuk janë të bërë të ditur por pritet të jepet sot të enjten pasdite , në pritje të pranimit të njoftimit nga familjet e viktimave, tha një zyrtar./

NGA BEQIR SINA/

CAMP PENDELTON CALIFORNIA : Në Shtetet e Bashkuara gjatë punës të pastrimit të poligonit të trajtimit në bazën ushtarake Camp Pendleton në Klaiforni u dëgjua një shpërthim i fuqishëm, thotë media amerikane. Ku si rezultat i këtij shpërthimi thuhet se humbën jetën 4 marinsa të Forcave Ushtarake Detare Amerikane.

Aksidenti ndodhi në Zonën e Ndikimit Zulu në Pendleton e cila është 125.000 -acre, një kamp ushtarak pranë San Diegos, ku marinsat kryejë ushtrime të bombardimeve me artilerinë. Shtypi amerikan citoi një zyrtar të Forcave Ushtarake Detare, i cili anonimisht tha se aksidenti kishte ndodhur gjatë një ” spastrimi periodik të lëndëve plasëse ” natën e mërkurë.

Përfaqësuesi i Korpusit të Marinësve lejtenati Ryan Finnegan, njoftoi se punimet që po kryenin marinsat mund të kenë patur të bëjnë me demontimin e eksplozivëve të rrezikëshëm.

Në ndërkohë një hetim thuhet se vazhdoi edhe sot të enjten duke u marrë me në vdekjen e katër marinsave të cilët u vranë në një shpërthim gjatë një stërvitje të trajnimit në Camp Pendleton .

Ushtrimi ishte duke u zhvilluar në kohën e incidentit të mërkurën pasdite , tha një komandat i Korpusit të Marinës . Ai tha se marinsat ishin vendosur në pastrimin e një fushë të armëve të pashpërthyera – një praktikë rutinë e ushtrisë, por e rrezikshme, në të cilën janë bombat të pashpërthyera dhe mortajat nuk janë pastruar ende nga zona, tha zëdhënsi ushtarak nga Camp Pendleton .
” Ne ofrojmë lutjet tona të përzemërta dhe shprehim ngushëllimet familjeve të marinsave që kan humbur jeten sot në këtë aksident tragjik , ” tha Gjeneral Brigade John W. Bullard , komandanti i përgjithshëm i Trupave të Marinës dhe Instalimeve në Perëndim- nga Camp Pendleton , në një deklaratë duke shtuar se ” Prioriteti ynë i parë është që të ofrojmë tek familjet e viktimave mbështetjen që ata kanë nevojë gjatë kësaj kohe të vështirë. ”
Emrat e marinsave të vdekur nuk janë të bërë të ditur, por pritet të jepet sot të enjten pasdite , në pritje të pranimit të njoftimit nga familjet e viktimave, tha një zyrtar .

Incidenti ndodhi vetëm dy muaj nga ajo që më parë ishte një shpërthim mortaje dhe vrau shtatë marinsa gjatë një stërvitje trajnimi në Nevada .

Burime të shtypit amerikan theksuan se deri tani trembëdhjetë marinisa kanë vdekur në Camp Pendleton që nga viti 2004 , por është hera e parë që kjo ngjarje të ndodh në fushën asgjesimit të bomabave ku humbën jetën katër marinsa amerikan, që u vranë të mërkurën nga një shpërthim i fuqishëm, gjatë intervalit të pastrimit të poligonit të trajtimit në bazën ushtarake Camp Pendleton në Klaiforni, thotë media amerikane.

Camp Pendleton ka një spirëfaqe prej 120-milje katror bazë dhe ndodhet në mes të Los Angeles dhe San Diego, ajo është një bazë për rreth 90.000 ushtarakëve, civilëve dhe familjet e tyre.