Kronike – Page 521 – Dielli

Mbyllet numërimi në Dibër e Korçë. Ja rezultatet e tjera te deritanishme

June 25, 2013 by dgreca

Prej dy ditësh vijon numërimi i votave në të gjitha qarqet e vendit. Në disa KZAZ ka përfunduar numërimi ndërsa në disa të tjera po punohet me ritme të ngadalta.Komisioni Qëndror i Zgjedhjeve deri në orën 12. 00 ka bërë me dije se janë numëruar gjithsej 4243 nga 5508 kuti në total. Numërimi ndërkohë vazhdon në 1265 kuti në rang vendi.

08:53 Ka përfunduar numërimi në njësinë 11 në KZAZ-në 40 në Tiranë ku sipas rezultateve kryeson PS-ja me 11 943 vota, PD 10 348 vota, LSI 1686 vota dhe FRD 406 vota.

Gjithashtu ka përfunduar numërimi në qarqet Korçë dhe Dibër ku mësohet se koalicioni i majtë ka fituar kundrejt koalicionit të djathtë.

Fundi i numërimit në Dibër ka nxjerrë në krye të majtën, por me një barazim sa u takon mandateve.

Dibër

ASHE ka marrë 49.56% të votave, ose 36964 vota

APMI ka marrë 46.93%, ose 35005 vota.

FRD ka marrë 3.11%, ose 2322 vota

AK ka marrë 0.33%, ose 247 vota

Ja rezultatet paraprake sipas KQZ

Tiranë 881/1422

ASHE 55.15 % 149 744 vota

APMI 41.30 % 115 406 vota

AK 3155 vota

FRD 6065 vota

Lezhë 207/258

ASHE 52.83 % 32915 vota

APMI 45.63 % 28425 vota

Vlorë, 368/432

ASHE 65.03 % 67780 vota

APMI 30.85 % 32111 vota

Arben Malaj 2.25 %

Fier, 417/576

ASHE 91 687 vota

APMI 45 683 vota

Dritan Prifti 5183 vota

AK 544 vota

FRD 2173 vota

Durrës 337/444

ASHE 59 419 vota

APMI 50 921 vota

FRD 3401 vota

AK 550 vota

Berat 264/302

ASHE 59 898 vota

APMI 20 260 vota

FRD 486 vota

AK 267 vota

Elbasan 400/540

ASHE 57.79 % 73804 vota

APMI 40.36 % 51542 vota

Shkodër, 333 / 417

ASHE 52.56 % 52835 vota

APMI 44.84 % 45074 vota

Kukës, 156 / 169

ASHE 39.28% 17050 vota

APMI 59.61% 25875 vota

Gjirokastër, 140/237

ASHE 22 962 vota

APMI 9286 vota

AK 108 vota

FRD 190 vota

Përfundon numërimi në KZAZ 21 në Shijak

PS ka marrë 6663 vota

PD ka marrë 3288 vota

PR ka marrë 1939 vota

LSI ka marrë 630 vota

PDIU ka marrë 211 vota

Sekretari i Përgjithshëm i Internacionales Socialiste, Ajala.: Bashkimi i së majtës, vizion të ri

June 25, 2013 by dgreca

Kryetari i Partisë Socialiste Edi Rama ka dalë në një konferencë të përbashkët për shtyp me Sekretarin e Përgjithshëm të Internacionales Socialiste, Luis Ajala.

Në fjalën e tij, Ajala e ka cilësuar fitoren e së majtës si një moment të jashtëzakonshëm për Shqipërinë, për shqiptarët dhe për të gjithë familjen socialiste europiane.

“Ky është një lajm i shkëlqyer për Shqipërinë, për Evropën dhe për tërë familjen tonë social demokrate në mbarë botën. Ia drejtoj këto urime edhe zotit Ilir Meta dhe LSI-së. Ky bashkim i fortë i së majtes, sjell një vizion të ri për vendin” tha ai.

Sipas tij tani është rruga e krijimit të konsolidimit të institucioneve dh do të nisë krijimi I një të ardhmjeje normale.

“Edhe ata që humbën duhet ë bashkohen, ky nuk është moment specifik për një lider dhe një parti, por është ora e një vendi, ndaj të gjithë duhet të bashkohen” tha Ajala.

Ai ka kërkuar nga autoritetet të dalin e të njohin rezultatin e zgjedhjeve të lira e të ndershme dhe që po del nga numërimi po ashtu i lirë e i ndershëm. “Gjithë shoket e mi në Evropë po e festojnë këtë ngjarje të madhe në Shqipëri e në Tiranë” përfundoi Ajala.

Në fjalën e tij, kryesocialisti Rama u shpreh se PS-ja do të presë qetësisht përfundimin e procesit të numërimit ndërsa I kërkoi kundërshtarit të tij politik të pranojë humbjen.

“Ne vazhdojmë të presim qetësisht në respekt të etikës tonë demokratike dhe europiane që kundërshtari të pranojë humbjen dhe të bashkohet me fitoren e madhe të Shqipërisë. Në një palë zgjedhje që sikundër e kam përsëritur më parë përbënin një takim të shqiptarëve me historinë dhe me të njëjtën përgjegjësi për të ardhmen si ato në vitin 92 dhe arsyeja se përse rezultati është përtej të gjitha parashikimeve lidhet me faktin e thjeshtë që populli shqiptar ka marrë një vendim solemm për të hapur një epokë të re njësoj si në vitin 1992″ tha Rama.

Rama u ka kërkuar të gjitha forcat politike të bashkëpunojnë për të ardhmen e vendit ndërsa u ka kërkuar numëruresve të votave të përfundojnë sa më shpejt procesin.

“Ka kohë për fjalimin e fitores por tani sipas tij është koha për të bashkëpunuar të gjithë sëbashku, të gjitha partitë që kanë përgjegjësi ndaj sovranit, ndaj kushtetutës dhe ligjit që procesi i numërimit të përfundoj dhe për këtë i bëj apel që të gjitha skuadrave numëruese të vahzdojnë të bëjnë detyrën në mënyrë që Shqipëria të fillojë nga puna” tha ai.

Rama theksoi më tej se këto zgjedhje i dhanë fund përfundimisht proceseve të manipuluara që zhvilloheshin më herët në Shqipëri.

“Për ne dhe për mua personalisht ky nuk është triumfi i disave kundër disa të tjerëve por triumfi i sovranit që ndau Shqipërinë nga historia e proceseve zgjedhore të manipuluara dhe të deformaura që e njollosën keq imazhin e vendit tonë. Sot çdo shqiptar që ka votuar në 23 qershor pavarësish për kë forcë politike duhet të ndihet krenar se e bëri Shqipërinë krenare në sytë e botës që me gëzim po përjeton të vërtetën e thjeshtë që sot nga këto zgjedhje ka fituar Shqipëria” përfundoi Rama.(ortezi: TV Ora News)

BE dhe SHBA përshëndesin zgjedhjet shqiptare

June 24, 2013 by dgreca

Proçesi i numërimit të përfundojë me shpejtësi e saktësi/

Një zyrtar i Departamentit të Shtetit i tha Zërit të Amerikës se Shtetet e Bashkuara përshëndesin popullin shqiptar për pjesëmarrjen e lartë në votime duke ripohuar angazhimin për të ardhmen demokratike të Shqipërisë.

Zyrtari amerikan tha se procesi i numërimit të votave duhet të jetë transparent dhe të përfundojë me shpejtësi e saktësi, në mënyrë që të ripërforcojë vullnetin e popullit shqiptar.

Ambasada e Shteteve të Bashkuara në Shqipëri pati një ekip të zgjeruar vëzhguesish që ndoqën zgjedhjet në mbarë vendin.

Edhe Komisioneri per Zgjerim, Stefan Fule ka vleresar votimin e qete ne Shqiperi, duke kerkuar mbyllje te procesit ne te njejten linje.

“Mirëpresin votimin e qete ne Shqiperi, duhet perfunduar procesi ne përputhje me standardet nderkombetare per te ecur përpara drejt integrimit ne BE”- ka shkruar Fule ne profilin e tij ne Twitter.

Deklarates se tij, ai i ka bashkengjitur edhe raportin paraprak te misionit te OSBE/ODIHR-it ne vendin tone.

OSBE/ODIHR: Ka progres. Liderët të pranojnë rezultatin!

June 24, 2013 by dgreca

Zgjedhjet e 23 qershorit kishin një progres të vogël nga zgjedhjet e vitit 2009 por ka ende shumë probleme që duhen përmirësuar.

Kështu është shprehur Kordinatori i Veçantë që drejton misionin afatshkurtër të vëzhgimit të OSBE-së, Roberto Batelli i pyetur në nivelin e zgjedhjeve në Shqipëri.

“Në krahasim me 2009 dhe vendoret e 2011 u vu re progres të vogël, zgjedhje të lira, dhe për mendimin tim, të drejta, por gjithë mangësitë janë të shprehura në deklaratë e do të jenë edhe në raportin tonë. Vlerësimi i procesit do të varet nga mënyra si do vazhdojë procesi, kam parasysh numërimin, tabulimin, shpalljen e rezultateve dhe mënyra si do të administrohen ankesat” tha Batelli.

Sipas vëzhguesve mosbesimi ka minuar punën e administratës zgjedhore. “Opozita ka bojkotuar KQZ pas largimit të njërit prej anetareve, KQZ e ka bëre punën pa kuorumin e nevojshëm. Është permirësuar kuardi zgjedhor, qe eshte nje bazë e shëndoshe për zgjedhje demokratike. Besimi i publikut në proces është dëmtuar, janë vënë re edhe mangësi në shumë aspekte, mungesë të vendimit të KQZ për ndarjen e vendeve në 4 distrikte, vendimi i kuvendit ka të bëjë me procesin e drejtësisë së votës” tha Batelli.

McComarc: Numërimi i ngadaltë

Ndërsa Cony McComarc ka vlerësuar procesin, por ka theksuar se procesi i numërimit të votave po vazhdon shumë ngadalë. “Ekipi ynë do të shohë edhe administrimin e ankesave. Pas 2 muajsh do të dalim me një raport përfundimtar të plotë me disa rekomandime për përmirësimin e procesit. Procesi i përmirësimeve duhet të vazhdojë se ky është misioni ynë i 11 ne vend” tha ajo.

Gjithashtu edhe një prej vëzhguesve ndërkombëtar theksoi se numërimi duhet të ishte përfunduar, pasi gjithçka varet nga vullneti i partive. “Rezultatet zgjedhore duhet të dalin sa më shpejt, kjo duhet të kishte qenë shumë më e drejtë për shqiptarët. Ata meritojnë një angazhim tjetër në zgjedhjet e ardhshme” tha ai.

Sequi për Ora News: Qëndrimi i BE-së për zgjedhjet do pasqyrohet në progres raport

Ambasadori i BE-së në Tiranë Ettore Sequi theksoi në një intervistë për “Ora News” se qëndrimi i BE-së për zgjedhjet në Shqipëri do të pasqyrohet në progres raportin që do të publikohet në tetor.

“Dua të them dy gjëra. Së pari ne e kemi vëzhguar procesin dhe së dyti ne kemi mbështetur OSBE/ODIHR-in duke financuar edhe qëndrimin e vëzhguesve në Shqipëri. Së treti ne e kemi thënë se këto zgjedhje janë një test kyç për mirëfunksionimin e institucioneve demokratike shqiptare. Së katërti ne kemi mbështetur OSBE/ODIHR-in por jo vetëm atë pro të gjithë vëzhguesit. Sa i përket vlerësimit tonë ai do të jetë sipas raportit që do të nxjerrë OSBE/ODIHR-i dhe kjo do të jetë edhe në progres-raportin në tetor” tha Sequi.

Ambasadori Sequi gjithashtu theksoi se procesi i numërimit të votave duhet të përfundojë në respekt të kodit zgjedhor.

“Numërimi është tejet i rëndësishëm, pasi kur flasim për procesin e zgjedhjeve nuk duhet të flasim vetëm për votimin por edhe për numërimin. Dhe ne natyrisht shpresojmë që ai të përfundojë në përputhje me kodin zgjedhor të Shqipërisë. Kryetar i delegacionit të PE dhe zoti Eduard Kukan ishte mëse elekuent në deklaratat e tij” u shpreh Sequi.

Rezultatet paraprake, e majta në avantazh

June 24, 2013 by dgreca

Deri në orën 14.00 janë numëruar mbi 20 përqind e kutive. Koalicioni i opozitës kryeson në 10 qarqe të vendit. E djathta përpara vetëm në Kukës, barazim ne Diber.

Në Shqipëri, ndërsa janë numëruar mbi 25 përqind e kutive të votimit, rezultatet paraprake, flasin për një fitore të thellë të koalicionit të majtë të drejtuar nga Edi Rama. Në nivel kombëtar e majta llogaritet të jetë afër 16 pikë më shumë se koalicioni i djathtë i udhëhequr nga kryeministri Sali Berisha. Opozita, sipas rezultateve deri në orën 14.00 është në epërsi në 10 qarqe të vendit, me përjashtim të Kukësit. Ndërsa në qarkun e Dibrës, rezultatet e deritanishme flasin për një ndarje të barabartë të 6 mandateve të këtij qarku. Ajo që bie në sy, deri më tani, është fakti se e majta ndodhet në avantazh edhe në qarqe si Shkodra e Lezha, të konsideruara historikisht si bastione të së djathtës. Të përkthyera në mandate, shifrat e deritanishme, do t’i jepnin opozitës mbi 80 nga 140 vende në parlament.
Procesi i numërimit po ecën më ngadalësi. Ai nisi pak pas mesnatës por gjatë gjithë kohës, pothuajse në të gjithë qarqet e vendit është shoqëruar me ndërprerje të shpeshta. Kryetari i partisë socialiste Edi Rama, në një deklaratë të parë për ditën e sotme, u shpreh se “fitorja është edhe më e thellë se c’duket”. Ai bëri thirrje që cdo votë, pavarësisht se cilës parti i përket, të respektohet, ndërsa kërkoi nga kryeministri Sali Berisha që palët të bashkëpunojnë për të mbyllur me sukses të gjithë procesin. “Pavarësisht se në këto zgjedhje ka fituar PS, Aleanca për Shqipërinë europiane, dhe ka humbur PD dhe aleanca e saj, është detyrim i barabartë si i yni dhe i tyre të nxjerrin Shqipërinë të fituar nga ky proces e bota të na përgëzojë duke cuar procesin deri në fund më dinjitet dhe duke u ndarë një herë e gjithmonë nga zgjedhjet turperuese”, deklaroi zoti Rama. Më herët, edhe kryesuesi i delegacionit të parlamentit europian Eduard Kukan u shpreh se “përmbyllja me sukses e këtyre zgjedhjeve do të ishte një shtysë shumë e madhe në përparimin e Shqipërisë drejt integrimit europian”(Kortezi: Zeri i Amerikes)