Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NJOFTIM I KRYETARIT TE VATRES

by

Të dashtun antarë të Këshillit te VATRES,/

këtë të shtunë me 2 mars 2012, n’orën 1:30 mbas dreke, do të mblidhet Këshilli Drejtues i Vatrës, për të fillue veprimtarinë pergatitore për Kuvendin e Përgjithshëm.

Tue marrë parasyshë randësinë e mbledhjes, lutem të mos mungoni. Ata që nuk mund të jenë prezent, duhet të lajmrojnë dhe mundfësisht të ngarkojnë nji antar që do të jetë prezent me i perfaqsue.

Kuptohet se kryetarët e degëve të largëta nuk mund të vijnë, por do të integrojmë në diskutime porositë e z. Kolec Ndoja, kryetar i degës së Floridës së Jugut, me të cilat bashkangjitet edhe znj. Merita B. McCormack, kryetare e degës Washington DC. Do të trajtojmë në të njejtën mënyrë edhe porosina të tjera që mund të na vijnë deri ditën e mbledhjes,qofshin nga Michigan-i ose Jacksonville-i.

Pres të shifemi ditën e shtun në m,bledhje.

Përzemërsisht,

Gjon Buçaj.

VRANE KRYEKOMISARIN, ARRESTOHEN NE SELANIK

by

Arrestohen në Greqi 2 autorët e vrasjes së Kryekomisarit Lamaj/

 Arben Frroku (personi në foto) dhe Jak Jaku janë dy të dyshuarit e arrestuar për vrasjen e ish-shef të Komisariatit Nr.6 Dritan Lamaj, i cili u qëllua me 12 plumba para shtëpisë së tij një ditë më parë.

Policia bëri të ditur se, arrestimi i tyre është bërë në Saleanik të Greqisë rreth orës 14:30 të ditës së sotme. Njeri prej të arrestuarve, biznesmeni Arben Frroku kishte akuzuar më parë ish-shefin e Komisariatit Nr.6, Dritan Lamaj për ushtrim dhune ndaj tijMësohet se dy personat e ndaluar kishin kaluar në mënyrë ilegale kufirin mes Shqipërisë dhe Greqisë. Ende nuk ka të dhena të plote lidhur me aksionin për arrestimin e dy të dyshuarve për vrasjen. Kryekomisari, Dritan Lamaj u ekzekutua me breshëri kallashnikovi në Tiranë, brenda makinës së tij.Oficeri që aktualisht mbante detyrën shef seksioni në Drejtorinë e Përgjithshme të Policisë, u qëllua me 12 plumba, me dy breshëri automatiku kur ndodhej në makinën e tij tip “Lança Y”, me targë TR 2564 N, të cilën sapo e kishte parkuar poshtë banesës së tij.Atentati mafioz dhe i mirorganizuar ndodhi rreth orës 18:30, pranë kryqëzimit të shkollës “Vasil Shanto”, mes një blloku pallatesh, ku banonte edhe familja e 41-vjeçarit Dritan Lamaj, oficer karriere në Polici.(kortezi-Express)

 

REAGIM:SERBIA KA DËBUAR DHUNSHËM 60 SHQIPTARË NGA PUNA NË BUJANOC

by

Botohet Lista e plotë e 60 shqiptarëve të Bujanocit të dëbuar dhunshëm nga puna me qëllim që të braktisin vendin/

Programi Unik Shqiptar – PUSH, me qendër në SHBA, reagon ndaj veprimeve dhunuese të qeverisë së Serbisë e cila që nga qershori i vitit 2012 e deri Shkurt 2013 ka dëbuar nga puna rreth 60 shqiptar në Bujanoc. Këto veprime jo demokratike Serbia i bënë me qëllim dobësimin ekonomike të shqiptarë të atjeshëm dhe dëbimin masiv të shqiptarëve për të braktisur vatrat e tyre. Kësaj politike të tipit fashis duhet me i thënë Ndal. Qeveria e Kosovës dhe e Shqipërisë të reagojnë ashpër sepse në Bujanoc po bëhet spastrim etnik në heshtje duke i detyruar familjet shqiptare të emigrojnë në Evropë dhe SHBA për tu mos u kthyer kurrë më në shtëpitë e tyre prindërore.

Prandaj ne si Lëvizje e Re PUSH tërheqim vëmendjen ndërkombëtarëve që ti vështrojnë qartë veprimet e pushimit nga puna të 60 kryefamiljarëve shqiptare në këtë komunë.

Shqiptarët duhet të reagojnë të gjithë bashkë si një trup ndaj veprimeve jodemokratike kohëve të fundit nga qeveria e Serbisë.

 

 

 

Emin Eddie EGRIU

Kryetar i PUSH-SHBA

Ish-kandidat Demokrat për në Kongresin Amerikan

 

24.2.2013

NEW JORK

 

 

VISAR ZHITI: VATRA, METAFORA E ATDHEUT!

by

Shkrimtari i njohur shqiptar, fitues i Çmimit të Madh për Letërsinë për vitin 2011,i dekoruar nga presidenti i Republikës me titullin “ Mjeshtër i Madh”(2012), poeti disident, që u dënua në burgjet e diktaturës komuniste për poezi, përshkruesi mjeshtror i ferrit dantesk të  burgjeve shqiptare, të shtunën me 16 shkurt 2013, vizitoi Shtëpinë e Vatrës. Shkrimtari Zhiti u prit nga kryetari i Vatrës Dr. Gjon Buçaj, i cili i uroi mirësardhjen. Dr. Buçaj, duke iu drejtuar mysafirit të nderuar, tha se ishte kënaqësi, që Vatra priste në shtëpinë e saj, shkrimtarin më të shquar të Letërsisë Shqiptare të pas diktaturës. Në zyrën e kryetarit të Vatrës, Shkrimtari Zhiti, shoqërohej nga bashkvuajtësit e tij, Dine Dine, Lek Mirakaj, Esat Çoku, si dhe z. Zef Balaj, sponsor i udhëtimit. Kishte ardhur në këtë takim edhe këngëtarja Ermira Babliu, e cila ishte e ftuar edhe në festën e Pavarësisë që organizoi Vatra dhe bashkësia shqiptare në New York.(Lexoje te plote ne Diellin e printuar)

Ish i burgosuri politik Visar Zhiti, poet dhe shkrimtar i njohur shqiptar vizitoi SHBA

by

Axhenda i vizitës së poetit të shquar shqiptar Visar Zhiti, nisi me New Yorkun, shtëpinë e shoqatës famëmadhe Federatën PanShqiptare të Amerikës VATRA, dhe takimet me ish të burgosurit politik dhe anëtarët e familjeve të tyre./

Nga BEQIR SINA, New York/

WASHINGTON D.C: Ish i burgosuri politik Visar Zhiti, një nga të pakët që doli gjallë nga ferri komunist, mbasi shumë nuk mundën të mbijetoin për të treguar mbi burgjet e tmerrshme të diktaurës enveriane, me ftesë të organizatës “Shtëpia e Lirisë Shqiptaro-Amerkiane” me qendër në Uashington dhe të vatranit të hershëm Zef Balaj, po zhvillon një vizitë disa ditore në Shtetet e Bashkuara të Amerikës.

Axhenda e vizitës së poetit të madh shqiptar Visar Zhiti nisi me qytetin e Nju Jorkut, shtëpia e shoqatës famëmadhe Federatës PanShqiptare të Amerikës VATRA dhe qendra më e rëndësishme turistike e botës.

I shoqëruar nga ish bashkë të burgosurit politik, Esat Çoku e Dine Dinia, si dhe editori i Diellit Dalip Greca, veprimtari i dalluar Zef Balaj ai vizitoi shtëpinë muze të poetit Ulltër Uitman në Kamden, Nju Xhersi. Idhulli dhe poeti që e mbajti me shpresë gjatë të gjithë jetës dhe e frymëzoi poetin tonë të madh Visar Zhiti, Ulltër Uitman, një ndër poetët më të njohur amerikanë, eseist, gazetar e humanist, i cili ishte pjesë e tranzicionit në mes transcendentalizmit dhe realizmit, kishte mbetur ende i gjallë në kujtimet e Zhitit, nëpërmjet librit “Fije Bari – Leaves of Grass”.

Liga Qytetare Shqiptaro-Amerikane, i pari dhe i vetmi lob shqiptar në Shtetet e Bashkuara të Amerikës i kryesuar nga Presidenti Jozef J. DioGuardi, një ish kongresmen republikan i Nju Jorkut, sëbashku me grupin e të rinjve, aktivistët e organizatës patriotike Rrënjët Shqiptare zhvilloi një takim në Bronks, Nju Jork me poetin dhe shkrimtarin e shquar Visar Zhiti. Në këtë takim morën pjesë anëtarët e bordit të LQSHA-së, zoti Agim Aliçka, Luan Bukolla, Hafiz Shala, Asllan Çekiç ,Zef Bala si dhe liderit e grupit rinorë patriotik të organizatës Rrënjët Shqiptare, Marko Kepi dhe Dorian Nasto dhe Ervin Toro.

Presidenti i Shoqatës së Shkrimtarëve Shqiptaro-Amerikanë, Adnan Mehmeti, shkrimtar dhe poet nga Bujanovci, i cili nga viti 1995 jeton dhe krijon ne SHBA, në darkën e 5 vjetorit të pavarësisë së Kosovës, i uroi përzemërsisht në emër të Shoqatës së Shkrimtarëve Shqiptaro-Amerikanë mirëseardhjen në SHBA shkrimtarit Visar Zhiti si dhe i dhuroi në shenjë respekti dy librat e tij.

Më 18 shkurt, në hotelin Rojëll Rixhënsi, Jonkers Nju Jork, në mesin e një grupi ish shokësh të birucave të burgjeve të tmerrshme politike Spaç dhe Qafë-Bari dhe anëtarëve të familjeve të tyre, shkrimtarëve dhe poetëve shqiptaro-amerikan, dashamirësve të librit, studentëve që mësojnë në universitet amerikane, gazetarëve dhe veprimtarëve të komunitetit, organizata “Shtëpia e Lirisë Shqiptaro-Amerikane” zhvilloi atë që ajo e quajti “Gjyqi i Nju Jorkut – Dëshmi për Holokaustin e Kuq”. Ne kete gjyq simbolik, por me rëndësi të madhe morale e historike folën zotërinjtë, Hasan Kostreci, Zef Balaj, Mërgim Korça, Mustafa Xhepa, Muhamet Omari si dhe reciotoi një poezi të shkruar për poetin Visar Zhiti shoku i tij i shkollës Ilir Spata

Në fund të takimit fjalën e mori shkrimtari Visar Zhiti, i cili i bëri nje analizë të thellë sistemit diktatorial komunist dhe pasojave që la pas në shoqërinë shqiptare. Fjala e tij u ndërpre disa hërë nga duartrokitjet.

Ish i burgosuri politik Visar Zhiti, poet e shkrimtar i njohur shqiptar, i shoqëruar nga zoti Mustafa Xhepa, Jadigjar Luzaj dhe Engjëllushe Luzaj, vazhdoi axhendën e takimeve të tij në kryeqytetin e SHBA-ve Uashington, DC.

Në departamentin e shtetit ai u takua me zotin Christopher R. Carver, diplomat që mbulon Shqipërinë në departament. Në Bibliotekën e Kongresit u takua me zotin Grant G. Harris, drejtorin e Evropës. Ndërsa në muzeun Laogai, ku dokumentohen krimet e regjimit komunist në Kinë, ai takoi me drejtorin ekzekutiv të tij, zotin Harry Wu, ish i burgosur politik.

SHENIM: NJE SPECIALE PER VIZITAT E SHKRIMTARIT VISAR ZHITI DO TE LEXONI  NE DIELLIN E PRINTUAR