Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KONSULLATA E KOSOVES NE NEW YORK DHA PRITJE PER 5 VJETORIN E PAVARESISE

by

– Ambasadori Sejdiu: Suksesi i Kosovës është një sukses i përbashkët i popullit dhe institucioneve të Kosovës, të diasporës sonë, si dhe nga miqtë dhe aleatët tanë/

–  Kryetari i Bashkise se New Yorkut, z. Michael Bloomberg  solli një mesazh të vecantë përshëndetjeje për Kosovën e pavarur, përmes zëdhënsit të tij/

Nga Beqir SINA/

NEW YORK : Konsullata e Përgjithshme e Kosovës në Nju Jork, në sallën e madhe të pritjeve në hotelin “Intercontinetal”, ka organizuar pritje me rastin e shënimit të pesëvjetorit të pavarësisë së Kosovës. Në pritje morën pjesë Ambasadori Bekim Sejdiu me bashkëshorten e tij zonjën Alberije Sejdiu, dhe komplet stafi i Konsullatës së Përgjithshme të Kosovës në Nju Jork, konsulli Fatmir Zajmi me zonjën Semra, dhe diplomatja Valëza Uruçi.
Me këtë rastë Ambasadori Bekim Sejdiu – Konsulli i Përgjithshëm i Kosovës, i ka falënderuar në emër të Konsullatës, të pranishmit për pjesëmarrjen, si dhe të gjitha ato vende të cilat e kanë mbështetur në pavarësimin e saj Republikën e Kosovës dhe ndihmën që po ia japin asaj në forcimin e demokracisë dhe njohjes së saj si një shtet me kredibilitet në rajon dhe në Evropë. Një mirënjohje të thellë Ambasdori Sejdiu shprehu në mënyrë të veçantë për Shtetet e Bashkuara të Amerikës, dhe vlersojë lart kontributin e diasporës shqiptare.
Të pranishëm në këtë eveniment kanë qenë dhjetëra diplomatë të ndryshëm, shumcia e tyre nga ato vende që e kanë njohur deri tani Kosovën, në mesin e të cilëve edhe ambasadoria e SHBA-ve, në OKB, Rozmari DiCarlo, ambasadorët e disa vendeve Europiane, Azisë, Afrikës, Amerikës së Jugut, dhe ai i Republikës së Shqipërisë Ferit Hoxha, dhe Konsulli i Përgjithshëm i Shqipërisë në New York Dritan Mishto, etj.
Pas ekzekutimit të himneve kombëtare të të dy vendeve, drejtuesi i këtij evenimenti gazetari i RTK zoti Sulejman Gashi, pasi foli shkurtimishtë për rëndësinë e pavarësisë së Kosovës, i dha fjalën Ambasadorit Bekim Sejdiu – Konsulli i Përgjithshëm i Kosovës, në New York.
Ambasadori Sejdiu shprehu kënaqësin e madhe që në këtë pritje për përvjetorin e pestë të pavarësisë së Republikës së Kosovës, po e festonte së bashku me bashkëatdhetarët dhe diplomatët e huaj, duke thënë se unë do të doja që në fillim t’ju falënderoj të gjithëve për nderimin që na betë me praninë tuaj dhe duke e bërë më të këndshme këtë mbrëmjen tonë, të pavarësisë së Kosovës.

“Të nderuar të ftuar; u shpreh ai ne jemi duke festuar sonte përvjetorin e pestë të pavarësisë së Republikës së Kosovës, mbasi ne kemi shumë arsye për të festuar, ku siç dihet gjatë pesë viteve të fundit, ajo shpalli pavarësinë e saj, dhe Kosoa ka bërë përparime të mëdha.
Arritjet e mëdha janë arritur në drejtim të krijimit të infrastrukturës ligjore dhe politike për një qeverisje të mirë, integrimi i pakicave etnike në jetën publike, përqasjen me standardet e Bashkimit Europian në sektorë të ndryshëm, forcimin e sundimit të ligjit, si dhe krijimin e kontureve të një ekonomie të tregut të lirë të lulëzuar”.
Kurse, më pasë ai ka folur përëndësinë e kësaj pavarsie në aspektin ndërkombëtar duke thënë se në dimensionin ndërkombëtar, pozicioni i Kosovës në mesin e familjes së kombeve sovrane ka qenë shumë i avancuar. Kosova sot është e njohur si një vend i pavarur dhe sovran dhe ka vendosur marrëdhënie diplomatike me shumë vende rreth botës. Frymëzuar nga fryma e marrëdhënieve të mira fqinjësore, të cilat politika jonë e mbështur mbi ato rajonale, ne e kemi vendosur veten si një shtyllë kryesore të stabilitetit dhe të aspiratës së tonë Euro-Atlantike .
Përfundimin e mbikëqyrjes ndërkombëtare të pavarësisë, që u zhvillua vitin e kaluar, Ambasadori Sejdiu e quajti një moment vendimtar, mbasi kjo erdhi sipas tij si rezultat i konsolidimit dhe progresin e Republikës së Kosovës gjatë pesë viteve të pavarësisë së mbikëqyrur.

          Suksesin e Kosovës ai e cilësoi një sukses i përbashkët i popullit dhe institucioneve të Kosovës, të diasporës
sonë, si dhe nga miqtë dhe aleatët tanë.

“Ne kemi qenë të bekuar të gëzojmë mbështetjen e pamasë dhe miqësinë dedikuar të Shteteve të Bashkuara të Amerikës u shpreh Ambasadori Sejdiu duke shtuar se kam kënaqësin që me këtë rast të rëndësishëm për të ripërsëritur mirënjohjen tonë të thellë për Shtetet e Bashkuara të Amerikës për mbështetjen e tyre të paçmuar që i kan dhënë Republikës së Kosovës. Por, tha ai ne jemi gjithashtu shumë mirënjohës në vendet e tjera Europiane, që janë duke e mbështetur vazhdimisht Kosovën në rrugën për përparimin e përgjithshëm të vendit tonë.”
Nuk ka ëndërr më të fuqishme dhe aspiratë më legjitime se ajo e lirisë dhe dinjitetit theksojë ndër të tjera Ambasadori Bekim Sejdiu – Konsulli i Përgjithshëm i Kosovës, teksa nënvizojë se në Kosovë, ëndrra e lirisë u bë e vërtetë dhe aspirata e demokracisë, dhe është rruga e vendit tim, e cila e çon përpara në rrugën e pakthyeshme të integrimit Euro-Atlantik.
“Republika e Kosovës,pohoi ai është e përkushtuar për vlerat e të drejtave të njeriut, demokracisë multi-etnike dhe mirëqenien e qytetarëve të saj, është e angazhuar për të jetuar në harmoni dhe prosperitet me fqinjët e saj, dhe është e përkushtuar për ambicien e integrimit në strukturat euro-atlantike, si edhe të integrimit të plotë në sistemin ndërkombëtar të kombeve sovrane.” përfundojë fjalën përshëndetëse Ambasadori Bekim Sejdiu – Konsulli i Përgjithshëm i Kosovës në New York.

Me rastin e shënimit të pesëvjetorit të pavarësisë së Kosovës, kryetari i Bashkisë së New Yorkut, me anë të zëdhënsit të tij solli një mesazh përshëndetje, për të uruar pavarësinë e Kosovës.
Koktejli i pesë vjetorit të pavarësisë së Kosovës, u shoqërua me muzikë nga një band muzikore shqiptaro-amerikane nën kryesimin e z Faton Macula, i cili do ta bënte së bashku me servirien falas të verës së njohur nga Kosova, ose is thërrasin ndryshe “ambasadoren” e Kosovës nëpër botë, “Stone Castle”, të pronarit shqiptarë Rustem Geci, këtë mbrëmje festive edhe më të bukur edhe më të këndëshme.

Edhe Ambasadori Bekim Sejdiu – Konsulli i Përgjithshëm i Kosovës, në New York, e ngriti një dolli për Kosovën, për SHBA-të, si dhe për shëndetin e shqiptarëve për lumturi, me verën e njohur “Stone Castle” duke ua uruar të gjithë të pranishëmëve :” Gëzuar pesë vjetorin e pavarësisë së Kosovës!.

Ndryshe, Kosova e ka shpallur pavarësinë e saj më 17 shkurt të vitit 2008, kurse pavarësinë e saj e kan njohur deri tani 99 vende, shteti i i fundit që e njohu pavarësisnë e Kosovës është Republika më e madhe islamike e Egjyptit.

SHQIPTARET E GJERMANISE FESTUAN ME MADHESHTI

by

SHOQATA ATDHETARE JETULLAH ISLAMI NË MËNYRË MADHËSHTORE KREMTOI 5 VJETORIN E PAVARËSISË SË KOSOVËS/
Nga Nue Oroshi/
Shqiptarët e Gjermanisë së Veriut, pa dallime regjionale, krahinore e fetare, me 17 shkurt 2013, si pikë orjentuese në pesë vjetorin e Pavarësisë së Kosovës kishin qytetin e Kielit. Në këtë qytet Shoqata me traditë atdhetarie e kulturore, e, që mbanë emrin e heroit të kombit Jetullah Islami, në kuader të planit vjetor të punës së saj, kishte planifikuar që në fillim të vitit 2013 ta kremtojë 5 vjetorin e Pavarësisë së Kosovës.
Në këtë Ditë, shqiptarët nga mbarë Shlesvig Holshtajni, Hamburgu, Bremeni e Nidersachseni ishin drejtuar drejt qytetit të Kielit, qytet ky që tani na është bërë i njohur në botën shqiptare përmes aktivititit që tani e nëntë vite me radhë bën shoqata kulturore dhe atdhetare Jetullah Islami, e që, shoqatë kjo e cila dalngadalë po përgaditet që ta kremtoj 10 vjetorin e themelimit të saj. Përveç shumë bashkëatdhetarëve në këtë manifestim madhështor morën pjesë edhe Çerkin Peci veprimtar i shquar kombëtar, babë i dëshmorit të kombit Ramadan Peci – Dani, si dhe, ish i burgosur politik dhe njëri ndër themelusit e bërthamave të para ushtarake në Kosovë (Fronti për Rrezistencë); pastaj veprimtari kombëtar dhe njëherit anëtari i Kryesisë së Shoqatës “Trojet e Arbrit” Selman Etemi; veprimtari nga Huzumi Haxhi Kurtaj; veprimtari nga Neumünsteri Selajdin Xhemajli dhe shumë pjesëmarrës të tjerë. Fillimisht, në emër të Shoqatës Jetullah Islami të pranishmit i përshëndeti veprimtari kombëtar dhe njëri ndër më të merituarit që kjo shoqatë po e vazhdon punën me plotë sukses -anëtari i kryesisë së Shoqatës z Avni Bilalli, i cili ndër të tjera tha: sot po festojmë pesë vjetorin e pavarësisë së Republikës së Kosovës, duke ju falenderuar sakrificës se madhe të shumë gjeneratave të popullit tonë heroik, i cili për shumë shekuj te tërë, punoi dhe luftoi pa u ndalur për të krijuar shtetin e lirë dhe demokratik shqiptar. Mëvarsisht nga rrethanat e kohës dhe politikat gjeostrategjike të shteteve të mëdha të botës edhe populli shqiptar u angazhua për liri, demokraci e pavarsi. Edhe pse padrejtsitë historike të shteteve vendimarrëse shqiptarët dhe tokat e tyre autoktone i ndanë dhe i detyruan ata te jetojnë në pesë shtetet të ndryshme, shqiptarët luftuan dhe punuan për bashkim kombëtar. Mëqenëse një gjë e tillë ishte e pamundur, atëherë shqiptarët e Kosovës shpallen pavarësinë, me 17 Shkurt 2008, me shpresën, se do t’i ndihmojnë stabilizimit te rajonit dhe ndaljes se gjakëderdhjes. Por që me mjete demokratike do të realizojnë amanetin e dëshmorëve për bashkim. Gjaku i dëshmorëve e i martirëve dhe ndihma e SHBA dhe miqëve ndërkombtarë na sollen gjerë tek akti i shpalljes së Pavarësisë të Republikës së Kosovës. Lavdi e perjetëshme të gjithë atyre që punuan dhe u flijuan për pavarësi e shtetformim, përfundon z Avni Bilalli.
Më pas, në vazhdim dhe me padurim, të pranishmit prisnin që në skenë të dalin dy doajenët e muzikës shqiptare në Gjermani, Ibrahim Hajzeri dhe Sokol Bisaku. Të dy së bashku, Ibrahimi dhe Sokoli, si dy krahë të një shqiponje dykrenare përcillnin njëri-tjetrin dhe pa bërë asnjë pushim ia thanë këngës burimore shqiptare, ku tek të pranishmit në sallë zgjoheshin ndjenjat dhe emocionit për vendlindjen dhe tokën e Arbrit. Për këtë organizim madhështor kanë merita shumë familje shqiptare, por kësaj radhe vlen të veçohet kontributi i veprimtarëve të palodhur Xhevdet Hakaj, Avni Bilalli, Sefedin Shosholli, Remzi Igrishta, Nue Oroshi, Isa Imeri, Fehmi Bahtiri, Bim Qovanaj, dhe shumë e shumë familje tjera, kontributi i të cilëve po bën që të mbahet gjallë edhe pse në kushte jo shumë të favorshme ndjenja e atdhedashurisë për tokën e Arbrit.
Dhe krejt në fund, duke uruar njëri-tjetrin për këtë organizim madhështor, një anëtar i shoqatës, në stilin Fishtjan, aty për aty i recitoi disa vargje që do na mbesin në kujtesë, ku tha, se, kjo shoqatë ka nëntë vite veprimtari kombëtare e atdhetare, si dhe kulturore, pa harruar asnjëherë edhe faktin se është prezantuesja më e madhe e kulturës shqiptare tek institucionet gjermane në Shlesvig Holshtajn, e, më pas vazhdoi me recitimin e vargjeve /Kur Shoqata Jetullah Islami Kremton / Gjermania e Veriut Jehon- / Shkundet dryshku e jehon teli kur këndon Ibrahim Hajzeri/ Ndizet flakë salla/ e jehu i kenges shtrihet përsë gjati/ Kur ja thotë këngës Sokol Bisaku/ Këtu festohet në mënyrë shqiptare/ nuk ka dallime regjionale/ mblidhen shqiptarët pa dallim fisi/ s’feston pacerka/ po feston lisi.

 

 

 

5 VJET KOSOVE E PAVARUR- MANIFESTIM MADHESHTOR I VATRES ME BASHKESINE SHQIPTARE

by

Treqind bashkatdhetarë iu bashkuan vatranëve në këtë festim të 5 vjetorit të Pavarësisë së Kosovës/

Nga BEQIR SINA, New York/

Përvjetori i pestë i pavarësisë së shtetit të Kosovës, në Shtetet e Bashkuara, ku jetojnë rreth gjysmë milioni shqiptarë, është shënuar me disa manifestime madhështore.
Një manifestim i tillë u mbajtë ditën e diel – 17 shkurt, edhe në në njërin prej mjediseve të lokalit kryesor të qytetit, Maestros – në Bronx – New York, ku disa dhjetëra bashkëatdhetarë mes tyre lider fetar dhe lider organizatash e shoqatash, veprimtarë të njohur të komunitetit, së bashku në një atmosfer festive kan ndarë këtë gëzim të madh kombëtarë.
Kjo festë e madhe e përvjetorit të pestë të pavarësisë së shtetit të Kosovës, u organizua nga shoqata Vatra – të cilës iu bashkëngjitën, si përherë shoqata dhe organizata patriotike e atdhetare, veprimtarë të dalluar të komunitetit, figura dhe pjestar të familjeve të njohuara të komunitetit nga Shqipëria, Kosova, Presheva, Bujanovci Mdevegja, Çamëria, shqiptarët e Malit të Zi, Maqedonisë dhe diaspora.
Me këtë rastë shtatë pjestarë të komunitetit, të cilët janë nderuar në 100 vjetorin e pavarësisë së Shqipërisë, morën në këtë drekë speciale shqiptare në Bronx, me rastin e 5-vjetorit të pavarësisë së Kosovës, Proklamatën e Këshillit të Bashkisë së New Yorkut.
Në këtë ceremoni festive janë nderuar me Proklamatën e Bashkisë së New Yorkut, disa përfaqësues të komunitetit shqiptarë, të cilët në mënyrë simbolike përfaqësoin Shqipërinë, Kosovën dhe të gjitha trevat shqiptare : Dom Pjetër Popaj, nga shqiptarët e Malit të Zi, Xhim Xhema nga Lugina e Preshevës, Agim Karagjozi dhe Niko Kirka, nga Shqipëria, Agim Rexhaj, nga Kosova, Sali Bollati nga Çamëria dhe Ibrahim Kolari nga Dibra e Madhe.
Kjo veprimtari, është inisiativa e këshilltarit James Vacca në koordinim me anëtarin e ri të Kuvenditë të New Yorkut, shqiptarin më me pushtet sot në SHBA, Asambelmenin Mark Gjonaj.
Përvjetori i pestë i pavarësisë së shtetit të Kosovës, një festë të madhe, në organizimin e Vatrës në Maestros, u shoqërua me fjalime patriotike, ku folësit vunë në pah rolin e kontributin historik të shqiptarëve të Amerikës, për demokratizmin e Shqipërisë, rëzimin e komunizmit, dhe veçanërisht një vend i veçantë iu dedikua çlirimit dhe pavarësisë së Kosovës, dhe çështjes shqiptare në Ballkan – bashkimit kombëtarë.
Në ballë të podiumit ishin vendosur tre flamur, i SHBA, Shqipërisë dhe Kosovës dhe përbri tyre portret e mëdha të figurave kryesore të pavarësisë së shtetit të Kosovës të dy dekadave të fundit, babai i pavarësisë së Kosovës, Presidenti Ibrahim Rugova dhe Heroi ynë Kombëtar Adem Jashari.
Siparin e festës 5 vjetorit të Pavarësisë së Kosovës, e çelën himnet kombëtare të Shteteve të Bashkuara të Amerikës, dhe himni i Republikës së Shqipëria kënduar nga këngëtaria Merita Halili, dhe egzekutimi i Himnit të Kosovës.
Më pasë udhëheqësi i kësaj dreke festive, me rastin e pesë vjetorit të pavarësisë së Kosovës, nënkryetari i i shoqatës Vatra, zoti Agim Rexhaj, u kërkoi pjesëmarrësve të ngrihen në këmbë dhe përulen në shenjë respekti me një minutë heshtje, për të gjithë ata dëshmorë të lirisë – dhe pavarësisë së kombit shqiptarë dhe SHBA . Dhe, me një nderim i veçantë, tha Rexhaj do t’u jepet me këtë rastë edhe të gjithe atyre dëshmorëve që ranë për çlirimin e lirinë e Kosovës.
Imam Edin Gjoni bekojë këtë ngjarje dhe u bëri një nder të gjitha personaliteteve të shquara historike që kanë kontribuar për lirinë dhe pavarësinë e Kosovës.”Pavarësia e Kosovës tha ndërtë tjera Imam Gjoni, u bë kryefjalë e jetës së këtij shteti më të ri në hartën politike të këtij planeti, Kosovës, prandaj , shtoi ai Lavdi qoftë për Zotin e Madhërishëm, dhe falenderimi më i madh dhe më i sniqertë qoftë për mbarë miqtë tanë, e veçanërisht mbi Shtetet e Bashkuara të Amerikës, këtë vend dhe tokë të bekuar nga vet Zoti,” përfundojë fjalën e tij Imam Edin Gjoni.
Një bekim dhe lutje për pavarësinë e Kosovës dha edhe Pastor Fr. Nathan Preston prifti i kishës shqiptare St. Nicholas Albanian Orthodox Church – Kisha Orthodokse shqiptare Shen Nikolles , me qendër në qytetin e Queensit – New York

Zoti Rexhaj, përcolli përshenëdetjen e ngrohtë që dërgoi për 5 vjetorin e Pavarësisë së Kosovës, presidenti i nderit të shoqatës VATRA i nderuari Agim Karagjozi – ish – Kryetari Federatës PanShqiptare të Amerikës”Vatra”, veterani vatran ish kryetari disa vjeçar i kësaj federate patriotike, pasardhësi i kolosve të Vatrës.

Të ftuar special qenë zyrtarët e lartë të Nju Jorkut, James Vacca dhe dhe asamblemeni shqiptarë Mark Gjonaj, dr. Mara, si dhe përfaqësuesit e Shqipërisë dhe shtetit të Kosoves, z/vendes ambasadori i Kosovës në Uashington Jetish Jashari, z/vendes ambasadori i Shqipërisë në OKB, Petrika Jorgji, Konsulli i Përgjithëshëm Dritan Mishto, Konsullia e Konsullatës së Përgjithëshme të Kosovës, diplomatia Valëza Uruçi dhe lider të tjerë të komunitetit dhe fesë, përfaqësues të LQSHA, KKSHA, Shoqates Rugova, PLL, Ballit Kombëtar, Shoqatës së Shkrimtarëve Shqiptaro Amerikan, e tjerë.

***
Nënkryetari i shoqatës Vatra, zoti Agim Rexhaj, duke folur në emër të kësaj shqoate ptariotike, famëmadhe dhe të pashoqe, tha se sot, ashtu si u mblodhëm në vite të festojmë së bashku për Shpalljen e Pavarësisë së Shqiperisë, në Vlorë, më 28 Nëntor 1912 nga shtetari i madh, Ismail bej Qemali, po na bashkon një “Nëntor i Dytë” dhe ai është 17 shkurti 2008, Shpallja e Pavarësisë së Kosovës

“Në këtë përvjetor, tha zoti Rexhaj, por edhe përvjetore të tjera do të kujtojmë me Nderim të madh burrin mëndjendritur të idealit shqiptar Presidentin historik të Kosovës Dr. Ibrahim Rugova, arkitektin e lirisë, demokracisë dhe të pavarësisë së Kosovës, njeriun e vizionit historik për Kosovën e popullin Shqiptar, njeriun dhe heroin e paqes, simbolin e pavarësisë së Kosovës.
Në këtë përvjetor të pavarësisë i kujtojmë me pietet të rënët e të gjithë brezave, që u sakrifikuan për Kosoven. Sot përkulemi para kujtimit të lavdishëm të flijimit sublim të komandantit legjendar, Adem Jashari dhe familjes së tij, në Epopenë e Prekazit monumental. Ne u detyrohemi atyre të gjithë që ranë përjetë, por edhe amanetit që na lanë, duke kujtuar edhe komandantët legjendar Sali Çekaj, Agim Ramadani, Zahir Pajaziti, e të tjerët.”
Gjithashtu, Rexhaj tha se një nderim i veçantë shkon në pavarësinë e Kosovës edhe për Zotin Kryeministër te Shqiperise dr. Sali Berishën , dhe një mirënjohje dhe falenderim te gjithe Shqiptareve kudo qe jane qe e ndihmuan Kosoven ne ditet me te veshtira, Shqiptaret ne Shqiperi, Maqedoni, Mal të Zi, Preshevë, Çamëri dhe diasporë.
Rexhaj më pasë ka shprehur edhe mirënjohjen e thellë dhe falënderimin e madh edhe botës demokratike, mikut tonë të madh dhe të përjetëshëm SHBA, NATO-s dhe gjithë miqve tanë të shtrenjtë anekënd botës që ndihmuan Kosovën në proceset e vështira e historike të çlirimit, të vendosjes së paqes dhe të ndërtimit të demokracisë e të rimëkëmbjes pas luftës shkatërruese.

“Të falemnderojmë dhe të përulemi me respekt, tha Rexhaj, para rolit dhe kontributit të madh të shqiptarëve të Amerikës.

Në fund të fjalës ë tij përshendetëse zoti Rexhaj uroj pjesëmarrësit që t’e kalojnë një mbrëmje të gëzueshme dhe me hare edhe me më shumë vite të tjera së bashku, në harmoni, paqe e liri me shpresën se në një të ardhme jo të largët trungujt e Shqipes do të bashkohen dhe në vitet në vijim t’a festojmë, së bashku me pavarësinë e Kosovës edhe bashkimin e kombit shqiptar ! u shpreh ai.
Fjalën përshëndetëse me rastin e shënimit të Përvjetorit të Pestë të Pavarësisë së Kosovës e mbajti zëvendes ambasadori i Kosovës në Uashington diplomati Jetish Jashari
Diplomati kosovar Jashari, tha se kam kënaqësinë dhe nderin e veçantë të jem sot mes juve për të festuar këtë ditë kaq të shënuar – përvjetorin e Pavarësisë së Republikës së Kosovës! Njëherit, me këtë rast shfrytëzojë rastin të shpreh tha ai falënderimet për Federatën PanShqiptare VATRA, kryetarin e sa z. Gjon Buçaj si dhe gjithë aktivistët e kësaj organizate, për punën e palodhur për t’a mbajtur gjallë shpirtin dhe veprimtarinë e saj për gjithë këto vite.

Më tëj në fjalën e tij diplomati kosovar në Uashington, zoti Jetsih Jashari , përmendi edhe faktin se sot kur po festojmë këtë ditë, për Kosovën si shtet i pavarur dhe demokratik mund të flitet edhe për të arrturat që ka bërë Kosova gjatë këtyre pesë viteve.
Zoti Jashari, nënvizojë se :” Në aspekt të bashkëpunimit, paqes dhe stabilitetit rajonal Kosova është treguar gjatë kësaj kohe një faktor i rëndësishëm. Pavarësia i Kosovës vijojë zoti Jashari, është dëshmuar të jetë konmtribues i rëndësishëm i paqes dhe stabilitetit në këtë pjesë të rajonit dhe botës, duke shtuar se në aspektin të forcimit të pozitës së Republikës së Kosovës në strukturat europiane dhe ndërkombëtare, , gjithashtu tha ai janë shënuar rezultate të konsiderueshme. Tani u shpreh diplomati kosovar Kosova është një vend për të cilin e ardhmja e saj euriopiane, është të jetë si anëtare e Bashkimit Europian dhe anëtarësimit të saj në të gjitha strukturat euro atlantike.”
Të gjitha këto arritje pohojë në fjalën e tij zëvendes ambasadori i Kosovës në Uashington diplomati Jetish Jashari, nuk do të ishin të munduar pa përfshirjen e të paktën sipas tij të dy faktorëve kryesorë: i pari komuniteti shqiptar i SHBA, ku shqiptarët e Amerikës, kanë luajtur rolë të pazvendësueshem në krijimin dhe ngritjen e shettit të Kosovës.
“Shqiptarët e Amerikës, tha zoti Jashari, arritën që problemin e Kosovës, gjatë viteve të ’90 t’a bëjnë të rëndësishëme të politikës së jashtme amerikane, si dhe kur ishte koha e mbrojtjes së Kosovës me luftë të armatosur (Batalioni i luftëtarve të Atlantikut), ata dhanë kontributin e tyre të drejtëpërdrejtë. Ndërsa, faktori tjetër, vetë populli dhe qeveria e Shteteve të Bashkuara, pa përkrahjen e pakursyer dhe të drejtëpërdrejtë të të cilëve, në të gjitha fazat më kritike të shtet krijimit dhe shet-ndërtimit Kosova nuk do të ishte ku është tani”, përfundojë fjalën e tij zëvendes ambasadori i Kosovës në Uashington diplomati Jetish Jashari.

5 vjetorin e Pavarësisë së Kosovës, në drekën festive të Vatrës, e përshëndetën edhe kryetari i Vatrës, dr Gjon Buçaj, konsulli i përgjithëshëm i Shqipërisë, Dritan Mishto, konsullia Valëza Uruiçi, asabmbleisti Mark Gjonaj, këshilltari i Bashkisës së Nju Jorkut, James Vacca, dhe shkrimtari i shquar shqiptarë Visar Zhiti.
Këngëtaria më e mirë e komunitetit, Merita Halili, Kinogara – Mitahat Saliu, Ermira Babaliu dhe grupi më i suksesshm i drejtuar nga mjeshtri i fisarmonikes Raif Hyseni performojë në 5 vjetorin e Pavarësisë së Kosovës, në drekën festive organizuar tek VATRA në restoratin Maestros në – Bronx, me një buqet të zgjedhur të këngëve patritotike, popullore dhe ato të muzikës argëtuese.

 

Visar Zhiti ne Nju Jork, u takua me DioGuardin

by

Nga Beqir SINA, Nju Jork

BRONX – NEW YORK: Lidhja Qytetare Shqiptaro Amerikane, i pari dhe i vetmi lobi shqiptar në Shtetet e Bashkuara të Amerikës i kryesuar nga Presidenti Jozef J.DioGuardi, një ish kongresmenin republikan i Nju Jorkut, së bashku me grupin e të rinjëve, aktivistët e organizatës patriotike shqiptare, Albanian Roots dje zhvilloi një takim në Bronks -Nju Jork me më të shquarinshkrimtar shqiptar Visar Zhiti, i cili është duke zhvilluar këto ditë një vizitë në SHBA, për të promovuar dy libratë tij më të suksesshme të vitit 2012 në shqip, librat “Trails of Hell” & “Torn Hell”.

Në këtë takim morën pjesë disa anëtar të bordit të Lidhjes Qytetare Shqiptaro-Amerikane- LQSHA, zotiAgim Aliçka, Luan Bukolla, Hafiz Shala, Jack Kolshaj, Asllan Cekiq, Zef Bala, dhe të tjerë, së bashku me grupin rinor patriotikë dhe udhëheqësit organizatës Rrënjët Shqiptare, Marko Kepi, Dorian Nasto dhe Ervin Toro e te tjere.
Në këtë takim u diskutua se realiteti iShqipërisë, post-komunist është jashtëzakonisht e ndryshme nga ajo e vendeve të tjera në Evropën Lindore.Në Shqipëri, nevoja për institucionalizimin e sundimit të ligjit, për sa kohë mungon, është më i madhse në vendet e tjera, në mënyrë që shoqëria të jetë në gjendje të njohin vlerat e saj historike, të cilat janë bazë për një demokraci të mirëfilltë, thanë ata që e morën fjalën.

JOSEPH DIOGUARDI VIZITON VENDPREHJEN E FISIT ARBERESH ASSELTA NE WORCESTER, MA

by

NGA ARTUR VREKAJ, WORCESTER, MA (SHBA)/

Ish-kongresmeni Joseph DioGuardi me origjinë Arbëreshe nga Greci, Itali; nga një nga familjet që krijuan ushtarët e Skënderbeut në Mbretërinë e Napolit në vitin 1461 pas veprimtarisë përkujtimore për Heroin Kombëtar Gjergj Kastrioti Skënderbeu  që Shoqata KOMBI dhe AACL organizuan së bashku, bëri një vizitë në varrezat St.John të qytetit ku është vendosur fisi Arbëresh Asselta dhe gruaja e tij e parë, Carol. Joseph DioGuardi bashkë me gruan e tanishme, Shirley Cloyes DioGuardi nderuan fisin Asselta dhe rrëfyen lidhjet Arbëreshe të gjakut të familjeve të tyre.

Gruaja e parë e DioGuardit, Carol Asselta DioGuardi e lindur në Worcester, MA ndërroi jetë para kohe, nga një sëmundje e pashërueshme. Carol është nëna e artistes Kara Joseph DioGuardi.

“Eshtë në traditën shqiptare të tregojmë respekt për pjesëtarët e familjes”,- tha-  Ish-kongresmani DioGuardi, i mirënjohur si ambasador i çështjes kombëtare shqiptare e në veçanti, lajmëtari i Lirisë dhe Pavarësisë së Kosovës në Shtëpinë e Bardhë, në Kongresin dhe në Senatin Amerikan.

Lidhja e Ish-kongresmanit me Carol DioGuardi tregon edhe ruajtjen e linjës së gjakut të trashëguar Arbëresh në familjet e DioGuardëve dhe Asseltëve.

“-Kjo vizitë tek varri i nënës së Kara është shprehje e dashurisë për bijën time, e cila promovon vlera shqiptare kur tregon për rrënjët e saj Arbëreshe, Shqiptare si nga nëna dhe nga babai”,- përfundon i jati, DioGuardi.

Por, është edhe një mundësi më shumë që ne shqiptarët e lindur në Shqipëri dhe Kosovë që jetojmë në Massachusetts, SHBA të mësojmë se Worcester ka qënë shtëpi e dashur edhe për Arbëreshët e Italisë.

Fisi Asselta ka ardhur në vitet e para të 1900-ës dhe shihet qartë se këtu ka qenë një nga komunitetet Arbëreshe më me ze edhe në biznes. Stërgjyshi i Carol, gruas së parë të DioGuardit, Joseph A. Asselta (1875-1965) ka qënë i suksesshëm në prodhimin e këpucëve me fabrikën e tij.

Kjo vizitë përkujtimore e bëri edhe me domethënës takimin e Joseph DioGuardit me shqiptarët e Worcester, Massachusetts si një shprehje e mbështetjes dhe nderimit për veprën e tij në shërbim të çështjes kombëtare dhe ruajtjes së Identitetit të shqiptarëve.