Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Nata e çmimeve të Festivalit të Filmit në Qendrën “Illyria”, Bronx, NY

by

Nga Keze Kozeta Zylo

Në Qendrën “Illyria” në Bronx, New York u zhvillua ceremonia e çmimeve të Festivalit të Filmit.  

Në Sallën e Amfiteatrit “Rotunda” në skenë shfaqej me shkronja të arta si:

 “New York True Venture Film Festival, Awards Ceremony”.

Në derën kryesore të mirëprisnin plot mirësi organizatorët kryesorë të këtij festivali të filmit si cifti simpatik: Elona dhe Julian Biba.  Në tapetin e kuq ecnin krenar aktor, muzikantë të zhanreve të ndryshme, anëtarë të jurisë etj.  Dashamirës dhe artistë pozonin përballë banderolës ku ishin venë gjithë sponsorizuesit kryesorë të këtij aktiviteti të rëndësishem artistik.

Kujdes të veçantë tregonin për mbarëvajtjen e Festivalit të Filmit dhe suportuesit kryesorë si aktivistët e palodhur Dritan Haxhia, Blerta Alikaj etj.  

Para kamerave të TV “Alba Life” gazetarja e mirënjohur, Elona Biba dhe Drejtore Executive e Festivalit  tha se ky Festival u zhvillua plot sukses për tri ditë radhazi në Producers Club, Manhattan me pronar z.Alfred Tollja.   

Aty u shfaqen 75 filma ndërkombetarë dhe u shikua nga mjaft artdashës të këtij Festivali.  

Në sallë kishte shqiptarë te suksesshem si znj. Beti Beno, Presidentja e Albanian American Women’s Organization “Motrat Qiriazi”,  znj.Vera Mjeku dhe të huaj, artistë nga vende të botës që kishin marrë çmime si nga Gjermania, Italia, Spanja etj.

Ceremonia e ndarjes së çmimeve të Festivalit të Filmit u moderua plot kujdes nga z.Julian Biba, Drejtor i Festivalit.

Në ekran shfaqeshin sekuenca të filmave të ndryshëm konkurrues dhe fituesit e çmimeve të ndryshme.  

Fituesit e çmimeve ishin përzgjedhur nga një juri profesioniste si: Giovanni Robbiano, Chantal Demorial, Niko Varela, Adriatik Berdaku, Genevieve Shi, Rockford Forbes, Alexa Servodiadio, Youcet Beghdadi dhe Artur Bejkollari. Fituesit ishin:

Best Actor, Jon J Peterson, George M. Cohan Tonight!

Best Actress, Ryu Hwa-young, Exist Within

Best Animation, Stanley Abraham, The Void

Best Cinematography Christoph Wieczorek, The Ugly Truth

Best Comedy Ricardo López, Action Movie Cazorla

Best Costume Ryan Moller, King’s Blade

Best Director, Robert Monegan, DRIVE

Best Documentary Production, Jason Greer, Vanessa Cicarelli SHE

Best Drama, Giorgi Tkemaladze, I am Yours

Best Experimental, Ewa Bielska, Her Call

Best Feature Documentary, Kay Rubacek, Finding Courage

Best Feature Narrative, Rob Ciano, Twenty-Nine

Best Human Rights, André Joseph, Dismissal Time

Best LGBT, Ricardo Alvarado, Unwelcome Advances

Best Music Score, Danny Ashkenasi, The Pit and the Pendulum

Best Music Video, Mayuri, Gaslighted

Best Production, Patricia Delso Lucas, For I Am Dead

Best Rising Filmmaker, Gurinder J Singh, Rising Lotus

Best Screenplay, David Garegnani, The Providence 

Best Short Documentary, Judi Polanco, She Survived

Best Short Narrative, Brett Puglisi, Internal Combat

Best Student, Janthony Roman, Burn, Baby, Burn

Best Thriller, Rafa Belmont Casado, Abismo

Best Woman Director Ligia Ciornei, Clouds of Chernobyl

 Disa çmime u ndanë nga personalitete të shquara si z.Mark Gjonaj “Nderi i Kombit”, Ansambleistja  e Nju Jorkut e cila shërbeu në Distriktin 80-të në Bronx si shefe e kabinetit të ish-Ansambleistit Mark Gjonaj, znj. Nathalia Fernández.  Çmim ka ndarë dhe aktivisti i shquar z.Ismer Mjeku pronar i restorantit “Bato Coffee & Wine”, Bronx, aktorja nga Kosova Makfire Myftari. 

Pas përfundimit të festivalit në hollin e teatrit pjesëmarrësit shijuan ushqime tradicionale shqiptare servirur nga European Foods.

Ishte një natë me yje që do të ndriçojnë gjatë në sytë e artdashësve dhe pjesëmarrësve që nderuan me ardhjen e tyre në ceremoninë e ndarjes së çmimeve të Festivalit të Filmit.

Aktiviteti u filmua nga mediet TV “Alba Life”, “Albanian Culture”, “Noli Show” ect, New York si dhe fotografitë profesionale u realizuan nga znj.Arbëri Hetemi.

Së shpejti aktiviteti i ndarjes së çmimeve të Festivalit të Filmit do të shfaqet në TV “Alba Life” në kanalin 27 në paketën digitale TV “Alb”. 

10 Shtator, 2022

Bronx, New York

TRI VEPRA STUDIMORE NGA SHKUPI DO TË PROMOVOHEN NË VATËR MË 22 SHTATOR

by

Më 22 Shtator 2022, ditën e enjte, në orën 7 PM në Federatën Panshqiptare të Amerikës “VATRA” në NewYork, Instituti i Trashëgimisë Shpirtërore e Kulturore të Shqiptarëve – Shkup, do të bëjë promovimin e disa titujve studimotë shumë të rëndësishëm për historinë tonë kombëtare.

Me këtë rast, për herë të parë do të promovohet vepra “Shkupi, vetë historia e Kosovës”, një ngjarje ekskluzive për shqiptarët e Amerikës. Vepra e autorëve Skender Asani, Mehmet Prishtina dhe Albert Rama, vjen si raport i diplomatëve italianë të kohës dhe është dëshmia më e fuqishme dhe më e freskët e pranisë dhe e autoktonisë shqiptare në Shkup.

Libri “Bisedime mbi -Historin bujqësore të Shqipnis-“ që do ta promovojmë, i autorit Eqrem Bej Vlora, përgatitur për botim nga Albert Ramaj e Skender Asani, paraqet vlerat e mendimit intelektual shqiptar mbi problematika që ishin më pak të trajtuara në gjysmën e parë të shekullit të kaluar, siç ishte, bie fjala, çështja e tokës dhe sidomos menaxhimi i saj në pikëpamje agroteknike.

Vepra tjetër voluminoze dyvëllimëshe është “Propozime për drejtshkrimin”, e cila promovohet me rastin e shënimit të 50-vjetorit të Kongresit të Drejtshkrimit të Gjuhës Shqipe, që paraqet një jubile të madh të gjuhës sonë standarde. Vepra që vjen përmes një bashkëpunimi me Shoqatën e Gjuhësisë Shqiptare, përmbledh gati të gjitha këshillat, sugjerimet, vërejtjet dhe kritikat për gjuhën standarde, gjithë kjo e thënë me gjuhë të argumentuar shkencore dhe me dashamirësi për ta përkryer standardin gjuhësor.

Ky aktivitet i Institutit të Trashëgimisë Shpirtërore e Kulturore të Shqiptarëve në Shkup, zhvillohet në kuadër të “Javës Kulturore në SHBA” në datat 20-25 shtator 2022.

Niko Kanxheri…

by

Mevlan Shanaj/

Me këtë djaloshin njihemi që më 1965. Qysh në takimin e parë kur regjistroheshim në Degën Ushtarake sqpo filluam shkollën e lartë të Aktorëve.Më pas u bëmë një treshe e pandarë bashkë me Timon. Në dhjetor të vitit të fundit të shkollës 1969, na fton për vitin e Ri në Korçë. Aty në familjen e tij kaluam pushimet dimërore së bashku me Acon dhe Timon! Më kujtohen përkujdesjet e Thomaidhës( së jëmës) që bënte çmos të kënaqte çunat që kishin vajtur me lugë në brez! Ishte koha që i vija pas Natashës dhe në një përballje te “Ushtari i panjohur” në dëborë rrëshqita , sigurisht i pamësuar me ngricat e Korçës , po nuk di ns më pa apo jo Natasha. Vitet kalojnë, ishim në një film së bashku te “ Malet me blerim mbuluar” ku Niko shkëlqen në një episod! Më pas e mora te filmi im i parë” Korrierët” ka shumë ngjarje në atë film, por ajo që më ka mbetur në ment,autori i skenarit Anastas Kondo, pasi pa filmin më pyeti për Niko Kanxherin! Më tha interpretimi i tij më ka kujtuar Fedian( Kufoma e gjallë e Tolstoit)Kalojnë vitet sukseset e tij shtohen, por sipas meje ka arritur kulmin në interpretim të një monologu te filmi i Joni Shanaj( “ Pharmakon” monologu i vetmisë nën interpretimin e Niko Kanxherit, në këtë film do të mbetetet padyshim maja e mjeshtrisë së aktrimit. Askush tjetër nga ne që kemi bërë karaktere në kinema , nuk kemi mundur ta vulosim kaq mjeshtërisht. Nuk nguroj të them se Marlond Brando , Al Pacino, Robert De Niro, Jack Nicholson Mastrojani dhe së fundi Leonard Di Caprio, na kanë magjepsur me arritje tej të pazakonshmes para kamerës. Këtë mendim të guximshëm për Niko Kanxherin po e ilustroj këtu në këtë postim. Ftoj kundërshtuesit për debat!Lutem shikoni monologun!Qëllimi i këtij postimi!

! https://youtu.be/_D5wCczMlp0

Mirela Freni dhe Lukë Kaçaj

by

Saimir Z. Kadiu/

Me 9 shkurt 2020 u shua ne Modena, ne moshen 85-vjeçare sopranoja e famshme italiane Mirela Freni, nje nga Divat e medha te botes operistike.

Freni ka debutuar ne Teatro Municipale te Modenes me 3 mars 1955 ne rolin e Micaëles ne operen Carmen te Bizet.

Debutoi ne La Scala ne vitin 1963 me rolin e Nannetes ne operan Falstaff te Verdit.

E famshme per interpretimet ne operat Aida, La Boheme, Madama Butterfly etj.

Freni e perfundoi karrieren profesionale ne moshen 70 vjeçare, me 11 prill 2005 me operen “Vajza e Orleanit” ne Operen e Washingtonit ne rolin e Zhan D’Arc.

Ka kenduar ne teatrot e operave me te famshme te botes : La Scala (Milano), Metropolitan (New York), Opera e Parisit, Bolshoj ( Moske), Covent Garden ( Londer), Staatsoper (Vienna), Colon ( Buenos Aires), Opera e Washington, Teatri Kombetar ( Tokyo) etj.

Freni ishte e preferuara e dirigjenteve dhe regjizoreve me te famshem te kohes se saj si : Von Karajan, Giulini, Pretre, Kleiber, Solti, Abbado, Sinopoli, Muti, Osawa, Visconti, Strehler, Zeffirelli, Ronconi, Barrault, Ponnelle.

Nga viti 1978, Mirela Freni ishte e martuar me basin e madh bullgar Nicolai (Kolja) Ghiaurov (1929-2004), qe kishte studjuar ne Konservatorin Çajkovski te Moskes ( bashkestudent me ajken e muzikes shqiptare: Çesk Zadeja, Tish Daija, Avni Mula, Luk Kacaj, Ibrahim Tukiçi, Mentor Xhemali etj.)

Do te ishte miqesia e bashkeshortit te saj bullgar me shqiptaret e medhenj te muzikes qe sopranoja e madhe italiane te kishte nje afeksion per Shqiperine.

Xhino Beki, Nikola Rosilomeno, Kolja Giaurov, Boris Kristov, Fjodor Shaljapin mbeten majat e basseve te botes…

Por i tille do te ishte edhe i pervuajturi jone Lukë Kaçaj, qe i mbylli vitet e punes si punetor ngarkim-shkarkimi ne ndermarrjen e Fruta Perimeve ne Tirane.

Në vitet e demokracisë “hamalli” Lukë Kaçaj filloi te levizte jashte Shqiperise per te takuar edhe miqte apo koleget e tij te cilet kishin pasur një fat krejt tjeter .

Midis tyre ai takoi ne vitin 1991 shokun bullgar te viteve te rinise ne Moske Kolja Giaurov, që italianet e quanin mbreti i basëve..

Kolja kur ishte student me Luken në Moskë asnjëherë nuk kendonte mbasi kendonte Luka …Por bassi bullgar kishte vijuar në Itali e më gjërë karieren e tij brilante.

Ato ditë kur Luka takoi mikun e tij bullgar në Itali, shfaqej opera “La Boheme” e Puçinit. Kolja me bashkeshorten kishin dy role kryesore ; Kolja rolin e filozofit Kolen dhe Mirela rolin e heroines Mimi .

Në teater ishte i ftuar i veçant i ketyre artisteve, Lukë Kaçaj. Kur perfundoi opera me shumë sukses dhe publiku po duartrokiste, dy artistet e mëdhenjë (Kolja e Mirela) u drejtuan nga lozha e porositur ku rrinte Luka, dhe me një gjest domethenes i tregojnë publikut per mikun e tyre…

Duartrokitjet e nxehta të publikut italjan tashmë ishin per bassin e madh shqiptar Lukë Kaçaj (te cilin nuk e njihnin)…

Ketë moment Shaljapini yne e perjetoi me emocione dhe lotë…

Ne shkurt 2009, Presidenti i Republikes Bamir Topi dekoroi pas vdekjes me titullin Nderi i kombit “Shaljapinin” shqiptar Lukë Kaçaj ( 1924-2001) …

Kam patur fatin te isha i pranishem ne ate ceremoni i ftuar nga nipi i tij Salvator Kaçaj

Per aresye shendetesore sopranoja Mirela Freni nuk mundi te merrte pjese ne kete ceremoni, por dergoi nje njeri te afert i cili lexoi letren e saj…

Ne kete leter emocionuese ajo shprehte edhe ndjenjat, respektin dhe dashurine e bashkeshortit te saj te ndjere Kolja Ghiaurov per kengetarin tone te madh …

“Sipas bashkeshortit tim kur studjonin ne Konservatorin Çajkovski te Moskes, Lukë Kaçaj ishte me i miri…

Kolja u be me i madhi i botes ne gjeneraten e tij, por ai gjithmone me thoshte … bassi me i madh do te ishte shqiptari Lukë Kaçaj…”

“Shaljapini” i pafat shqiptar, u shua si sot, 21 vjet ne pare me 7 shtator 2001 ne Shkoder…

Por fatkeqsisht regjimi dhe cmirzinjte e kishin vdekur shume kohe me pare…

Pse duhej burgosur bassi yne i madh?

Shqiperia nuk i ka dashur asnjehere talentet e medhenj…

Nuk e kam kuptuar kurre kete “ves” historik te kombit tone…

#SiSot, më 7 shtator 2001, ndërroi jetë një prej bas baritonëve më të shquar të Teatrit të Operas dhe Baletit, Lukë Kaçaj, i mbiquajturi “Shaljapini shqiptar”

by

Drejtoria e Përgjithshme e Arkivave

Lindi më 26 shkurt 1924 në Shkodër dhe që në rini, me mbështetjen e arsimtarit dhe të muzikantit shqiptar, Atë Martin Gjoka, do të brymosej në liceun klasik “Illyricum” me parimet bazë të këngës klasike kryesisht religjoze. Pas çlirimit të vendit, i shtyrë edhe nga rrethanat, e pa të udhës braktisjen e trupës së liceut “Illyricum” dhe rreth viteve 1947-1950 punoi pranë Korit të Përgjithshëm të Shtetit e më pas pranë Ansamblit të Ushtrisë, si solist dhe si korist.

Përmes pjesëmarrjes në disa festivale, figura e tij do të kristalizohej si një nga yjet në ngjitje të operistikës shqiptare. Shteti shqiptar, si pjesë e marrëveshjeve me shtetet e lindjes e dërgon për studime të riun Kaçaj të garojë pranë Konservatorit “P.I. Tchaikowsky” në Moskë, ku spikati me talentin e tij. Pas ardhjes në atdhe do të bëhej pjesë e Teatrit të Operas dhe të Baletit dhe pedagog i kantos në Institutin e Lartë të Arteve. Kaçajt do t’i ndërpritej karriera artistike në vitin 1973, kur do të dënohej me akt-akuzën “agjitacion dhe propagandë kundër pushtetit popullor”.

Rapsodi plak tek filmi “Skënderbeu”, Don Bazilio tek opera “Berberi i Seviljes”, Gjini tek opera “Mrika” e shumë role të tjera të luajtura prej tij në opera apo në filma te ndryshëm, do të groposeshin gjatë gjithë periudhës së komunizmit. Pas vdekjes, në vitin 2009, dekorohet nga institucioni i Presidentit të Republikës me dekoratën “Nderi i Kombit”.

Më poshtë, paraqitet Kaçaj në rini, një foto e tij shkëputur gjatë ekzekutimit të rolit të rapsodit plak në filmin “Skënderbeu”, si edhe një kërkesë për shtim burse akorduar në emër të tij.