Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Në Vjenë studentët festuan Ditën e Flamurit

by

Nga Hazir Mehmeti, Vjenë/
Vjenë, 28.11.2015   Studentët shqiptarë në ambientet Institutit Studentor u festua 28 Nëntori- Dita e Flamurit. Shoqata studentore me sukses po jetëson programin e saj brenda vitit të themelimit të saj në gjirin e së cilës pjesojnëstudentë nga të gjitha trevat shqiptare. Programi filloi me Himnin Kombëtar të kënduar nga studentja, Arta Selimi. Drejtimi i programit u bë nga studentet ArianaSulemani dhe Endrit Xhelili. Në emër të organizatorit përshëndeti e uroi kryetari i Shoqatës Studentore Shqiptare,ArgjentKokalla. “Festa jonë është si rezultat i bashkëpunimit në realizimin e projekteve dhe ideve mes studenteve nga të gjitha trevat shqiptare. Lus të gjithë studentët shqiptarë në bashkëpunim për të mirën e përbashkët” Nga diplomatët studentet i uruan z.ArtenHanku, sekretar në Ambasadën e Shqipërisë. ”Ky flamur i ngritur për herë të parë nga Gjergj Kastrioti – Skënderbeu, u bë jo vetëm simbol i mbrojtjes së trevave shqiptare, por edhe simbol i mbrojtës së qytetërimit evropian. Një falënderim shtetit austriak i cili e mbështeti në vazhdimësi kombin shqiptar në ditët më të vështira të tij”. FarukAjeti, sekretar në Ambasadën e Kosovës.”28 Nëntori paraqet emëruesin e përbashkët si rrallë në histori: ngritja e flamurit në Krujë nga Skënderbeu, në Vlorë nga IsmailQemali, ditëlindja e Komandantit Legjendar Adem Jashari, dalja në skenë e Ushtrisë Çlirimtare të Kosovës. Këto ngjarje përbëjnë bashkimin, qëndresën e vendosmërinë e kombit shqiptar për liri” Ishin prezent edhe Ilir Islami, sekretar në Ambasadën e Maqedonisë, Anton Marku nga Shoqate e Shkrimtarëve Shqiptarë “Aleksandër Moisiu” në Austri. Fjalë rasti mbajti Egin Ceka, studiues e diplomat në Vjenë.” Në 28 nëntor të vitit 1912 ishte një elitë politike e cila ndërmori iniciativë diplomatike në gjithë Evropën për të mbështetur pavarësinë e Shqipërisë.   Kjo rridhte nga veprimtaria pararendëse madhore e Rilindësve”. Ai foli lidhur rreth rrjedhave shoqërore në Shqipëri e trevat shqiptare që nga pavarësia. “Shqiptarët janë evropian dhe çdo konstrukt, kundërthënie mes Shqipërisë dhe Evropës, mes shqiptarëve dhe evropianëve është një kundërshtim në vetvete” . Në vazhdim studentët Visar Kasa dhe Pëllumb Molakukënduan këngën ”Hajredin Pasha”, kurse Arta Selimi këndoi këngën çame “Tumankuqe” e përcjellë në violinë nga studentja çame SaraLalaj.Një recitim i fuqishëm ishte ai i Jeta Jasharit me vargjet poetike “Jam shqiptar”. Studentë tjerë nga kryesia që organizuan mbrëmjen shënjuese ishin: Arbër Qarri Arbër Ahmeti, Mirlinda Gorqaj, ArianaSulemani, Besforta Furriku, MarkMarku, DiellzaSalihu, Durim Jupa, Blerina Osmani, SenadKrajaProgrami përfundoj me koktej rasti nga gatimet tradicionale të kuzhinës shqiptare. Një kohë të gjatë nuk janë prezantuar studentët shqiptarë në Vjenë me kaq entuziazëm dhe organizim të mirë. Shoqata e Studentëve Shqiptar tani jep shpresa në rilindjen e traditës organizative të studentëve shqiptarë që para një shekulli në Austri. Gjithë ambienti fliste me dëshirën e shpresën për bashkimin tonë gjithandej hapësirave ku frymojnë bashkëkombësit tanë.

 

 

KANADA : Festimi i Ditës së Pavarësisë së Shqipërisë në Toronto

by

“ Më shum sot se kurre na keni bërë ne Shqiptarve të Torontos të ndjehemi krenar … Ishte një mrekulli Manifestimi kuq e zi në Kanada – me rastin e 28 Nëntorit”/
Beqir SINA New York/
TORONTO CA: Manifestimi kuq e zi në Kanada – me rastin e 28 Nëntorit – ngjarjes më të madhe të shqiptarëve në mbarë botën – për shqiptarët e Kanadas – kulmojë, mbrëmë me spektaklin e 28 Nëntorit – shpalljes së Pavarësisë së Shqipërisë – Ditës së Flamurit.
Në sallën e sporteve Air Canada Centre, kur në fillimin e saj dhe mespushimin e lojës së skuadrave të basketbollit, në ligën e parë të NBA-s, Toronto – Raptors, kundra skuadrës Phoenix – nga Arizona, doli para publikut në pallatin e sportit, edhe grupi i vallëtarve shqiptar “Shqiponjat e Vogla”(Little Eagles) dhe ikona e valleve popullore shqiptare, Liliana Cingu, udhëhequr nga koreografi i talentuar Ramazan Këllezi , si pjesë e natës Trashëgimisë Shqiptare!” në Kanada.
 Sipas njoftimeve në rrjetin social facebook festa e shqiptarëve në Kanada u shoqërua me këtë spektakël të veçantë. Mbasi në fillim të ndeshjes, 14 fëmijë shqiptarë veshur me bluzat kuq e zi dhe shqiponjën dykrena në gjoks – shoqëruan dorë për dore, lojtarët e të dyja skuadrave, gjatë këndimit të hymnit duke na përfaqësuar me fanellat kuq e zi.
Kurse, shkruajn ata në rrjetet sociale, me këtë rast si e cekëm edhe më lart në mes të lojës, pushimin 15 minutësh, grupi i vallëtarve “Shqiponjat e Vogla”, nga Toronto, performojnë Vallen e Rugovës me kostumet Shqiptare në këtë eveniment shumë të rëndsishëm për kombin tonë, ku në mesin e 26,000 shikuesve, u shënua edhe në Toronto “Dita Kombëtare e Shqipërisë” 28 Nëntori 1912.
 Presidentja e nderit Dr. Ruki Kondaj, ka shkruar në statusin e saj në rrjetin social facebook :”Falenderim pa fund organizatorit Bujar Zejnullahu për këtë natë të paharruar në Air Canada Center, që shënoi kulmin e Festimit të Muajit të Trashëgimisë Shqiptare në Toronto, Ontario, me pjesëmarrjen e mjeshtres së madhe Liliana Cingi, Shqiponjat e vogla të drejtuara nga Koreografi i mirënjohur Ramazan Kellezi.Përfaqësuesve nga shoqata e Torontos e Hamiltonit , bashkëatdhetarët të shumtë, ambasadorja e Shqipërisë në Kanada, shkëlqesia e saj Elida Petoshati, Pasqyra Shqiptare me producentin Ilir Lena etj” shkruan Kondaj..
  Denisa Ndoka në të njëjtin status ka shkruar se “ Më shum sot se kurre na keni bërë ne Shqiptarve të Torontos të ndjehemi krenar … Ishte një mrekulli të shikosh këtë simbol të valleve tradicionale shqiptare me këto yje të vegjël që ndriconin kuq e zi në atë sallë madhështore..Ju falenderojm përzemërsisht të gjith ato që na mundësuan të përjetonim këto ndjenja… Rrespekte”
 Kurse, Vlora, shkruan se “ Sa krenari me i pa gjithë këto aktivitete të shqiptarëve në një vend aq të hapur siç është Kanadaja. Është kënaqësi kur të ipet mundësia me i shpalos vlerat kulturore të vendit të origjines në vendin e dytë ku zhvillohesh. Urime festa e shumë sukese te tjera. Te lumte Bujar Zejnullahu!”

Flamuri shqiptar valvitet në qendër të Chikagos

by

Sipas traditës dhjetra vjecare komuniteti shqiptar-amerikan në Illinois dhe Cikago, ditën e djeshme organizoi ngritjen e flamurit kombëtar shqiptar në Richard J. Daleu Center, në zemër të Chikagos. Në këtë ceremoni festive mernin pjesë qindra shqiptarë të komunitetit shqiptar Chikago, Illinois dhe rrethina, si dhe zyrtarë e personalitete të Chikagos. Gjatë festës djemve dhe vajzave shqiptaro-amerikane ju dhuruan bluza me flamurin kombëtar dhe emblemën e komunitetit. Dhurata do ketë dhe për fotot më të bukura të flamurit që valvitet në qendër. Gjithashtu organizatorët e këtyre aktiviteti sot kanë planëzuar festë në  Diplomat West. Në njoftimin e këtij komuniteti thuhet :-Të dashur miq të Komunitetit ju presim të gjithëve në Festën e Pavarësise, të shtunën  ora 6:00 pm në Diplomat West . Ejani të festojmë së bashku. HYRJA FALAS.

ME SHQIPTARËT NË DITËN E FLAMURIT NË GÖTEBORG TË SUEDISË

by

PREZENTIM I BUKURISË SHQIPTARE PËRMES VESHJES KOMBËTARE NË DITËN E FLAMURIT DHE PAVARËSISË SË SHQIPËRSISË NË GÖTEBORG TË SUEDISË/

Nga Sokol Demaku/

Në qytetin Göteborg të Suedisë, në këtë vend skandinavik për herë të parë u mbajt Sfilata e Modës me Veshje kombëtare shqiptare e organizuar nga Qendra Kulturore Shqiptare ”Migjeni” nga qyteti Borås shoqatë kjo kulturore e shqiptarëve në këtë qytet suedez dhe në bashkëpunim me shumë vullnetar shqiptarë të cilët jetojnë dhe veprojnë në ketë qytet dhe në bashkëpunim me shoqatat tjera kulturore nga qytete tjera suedeze në mënyrë madhështore u festua 28 Nënetori Dita e Flamurit kombëtar dhe Dita e pavarësisë së Shqipërisë.Në këtë manifestim kulturor të organziuar nga Qendra Kulturore Shqiptare “Migjeni” e qytetit Borås morën pjesë stilistja nga Republika e Kosovës Servete Kastrati e cila kishte sjelle me vete veshje kombetare shqiptare nga të gjitha trevat shqiptare punua me dorë nga vet ajo, pastaj rapsodi popullore Gjon Frroku nga qyteti i Lezhës ku QKSH ”Migjeni” nga Borås ka nje bashkëpunim të mirë me shoqtën lexhjane ”Kastriotet”, pastaj të rinjë dhe të reja shq­iptar nga qyteti Borås, Göteborg, Varberg, Falkenberg të cilët ishin pjesë e këtij projekti.

Të pranishmit argëtuanë me këngë e valle anëtarët e shoqërisë kulturore artistike “Shqiponja e maleve” nga Fallkenberg, pastaj mysafirë të Sfilatës ishin edhe anëtarët e shqërsisë kulturore ”Alba” nga qyteti Göteborg, të cilët u paraqiten edhe ata para ketij publikum e pika te tyre mjaftë të qeeluara muzikore agzekutuar nga fëmije dhe të rinjë, për të përshendetur këtë evenemang të madh kulturor.

Zeri i njom i këngetarës më të re në këtë evenemang madheshtor të Ditës së flamurit Eleona Zeneli ishte kënaqësia e manifestimit kur i terë auditori me mbi 1500 veta i duartrokiti kësaj vioglushje shtatë vjeqare për këngen e saj Unë jam shqipe nga Kosova.

Edhe grupi folklorik nga qyteti Hallmstad nen udhehqjen e Myzafer Krasniqit kënaqi të pranishmit me kengët folklorike të cilat iu kushtuan atdheut dhe qeshtjes sonë kombetare.

Ishte kënaqesi të shihje bashkëkombasit tëmbledhur rreth platos së Revysë së modës së Veshjeve të traditës sonë shekullore, por edh më kenaqësi ishte se në Qendren tregetare dhe kulturore ndër më të medhatrë në Suedi, këtu në Nordstan, të qytetit Göteborg  ishte dominante edhe prezenca e miqeve suedez, dhe banorëve të tjerë  që jep me kuptue se ky popull skanindav di të vlersoj vlerat e kulturës, kësaj kulture të lashtë Ilire.

Është më rendësi të përmendet se ditë më parë ishin mysafir të bashkisë së Borås dhe se ishte një pritje madhështore për përfaqesusit nga Kosova këtu në Borås nga ana e anëtarëve të kryesisë së Qendres Kulturore Shqiptare ”Migjeni”.

Të rinjët dhe të rejat shqiptare nga qyteti Falkenberg të Shoqërrsië kulturore ”Shqiponja e mleve” në menyrë solemne përcollën revynë e modës me këngë dhe valle folklorike shqiptare nën udhëheqjen e mësuesit dhe koregrafit të njohur Hamdi Arifaj. Ishte një prezentim i denjë i vallës shqipe e cila beri pershtypje tek miqt sudez të pranishme në këtë manifestim.

Me kalimin e kohës kersheria për pikën kryesore të këtij manifestimi ”Sfilatën e modës” sa vinte e shtohej tek të pranishmit.

Ishte kënaqësi dhe shihej gëzimi dhe krenaria e bashkëkombasve të pranishëm në manifestim me rastine prezentimit të traditës sonë kombëtare nga ana e të rinjëve dhe të rejave shqiptar nga qyteti Borås, Falkenberg, Göteborg, Varberg.  Edhe të rinjët dhe të rejat ndiheshin krenar, shihej ajo krenari në fytyrat e tyre, u qeshte nuri në veshjet kombetare, veshje të cilat nëpër shekuj kanë ruajtur traditën tonë shqiptare.

Qëndisja e skenës me përjetimin nga afër të bukurive natyrore shqiptare si; kështjella mesjetare e Dukagjnit, jehona e këngëve, fjalëve të shkruara artistike, valleve me koreografi mjeshtërore, e cila u mireprit nga të prtanishmit krysisht për mrekulli nga miqt suedez, ambienti familjar shqiptar. Göteborgu dhe qytetaret e tij  me këtë manifestim, këtë ditë do ta bëjnë që vërtetë të kujtohet gjatë”. Ishin të pranishëm mbi 1500 veta në Qendren tregetare dhe kulturore ”Nordstan” të cilet sy e vesh përcollen këtë mnaifestim të m adh kulturorë me rastine Dites së flamurit kombëtar shqiptar.

Qendra Kulturore Shqiptare ”Migjeni” në Borås ishte kujdesur që të gjithë pjesemrresit e sfilatës të ndihen mirë dhe i falenderon per punën dhe mundin që janë duke dhenë në këtë evenemang mbar kombëtar, falenderon Servete Kstartin modelisten kosovare, rapsodin Gjon Froku, fëmijët të rinjt dhe të rejat pjesëmarres në këtë manifestim për nje punë të madhe në mbledhjen dhe ruajtjen e këtij thesari të cmuar kombëtar.

 

Shqiptaret ne Zelanden e Re

by

Aucland, 28 nëntor 2015/Me rastin e Ditës së Flamurit Mërgata shqiptare në Zelandën e Re organizoi një ndeshje vëllazërore futbolli shqiptaro-shqiptar (Shqipëri-Kosovë). Ndeshja u zhvillua në stadiumin 111 Archers Rd, Glenfield, North Shore në qytetin e Auckalnd-it. Loja atraktive me pasime të sakta dhe fer  kënaqi publikun gjatë gjithë kohës sa zhvillohej. Gjithçka ishte në frymën e festës së Flamurit. Ndeshja përfundoi me rezultatin Shqipëria 2 Kosova 5. Golat për Shqipërinë i realizuan; Arbeni dhe Vuksanlekaj, ndërsa për Kosovën Ari 2 gola, Sokoli, Albani e Driloni nga 1.

Shqipëria: Toni, Iliri, Leonard, Xhina, Keven, Ilir Kamberi, Mario, Ardian, Zamir, Brain e Denis.

Kosova: Murati, Fatosi, Shkëlqimi, Ervini, Agroni, Ideali, Erzeni, Shkëlzeni, Muhameti, Sokoli, Ari, Albani, Edoni, Driloni e Burimi. Referi kryesor Sefedin Zeka(Sabit Abdyli, Auckalnd)