Mergata – Page 70 – Dielli

NJOFTIM NGA BRUKSELI-4 SHKURT PROTESTE PER HARADINAJ

February 3, 2017 by dgreca

NESËR, MË 4 SHKURT, NË NJËMUJORIN E NDALIMIT TË Z.RAMUSH HARADINAJT, PROTESTË NË BRUKSEL/

-VENDI:PLACE SCHUMAN- 1000 BRUXELLES/

KUR?: TË SHTUNËN, MË 4 SHKURT 2017, NË ORA 14h30/

E nderuar Redaksi e Diellit:/

Ju lusim që ta publikoni thirrjen tonë për mobilizimin e përgjithshëm për protestë që organizohet për lirimin e menjëhershëm dhe pakusht të z. Ramush Haradinajt.

Publikimi i apelit nga mediet në gjuhën shqipe për mobilizimin e të gjithë shqiptarëve në Kosovë, Maqedoni, Luginë të Preshevës, Mali i Zi dhe Shqipëri është formë e shprehjes së solidaritetit me Ramush Hardinajn dhe kundër proceseve gjyqësore të montuara nga regjimi i Beogradit.Ju jemi mirënjohës të gjithë atyre që do të na mbështesin në këto protesta.Shpërndajeni sa më shumë dhe bëhuni pjesë e organizimit të protestës!

Këshilli organizativ i protestës për lirimin e z. Ramush Haradinaj

***

NË NJËMUJORIN E NDALIMIT TË PADREJTË TË RAMUSH HARADINAJT

TË SHTUNËN, MË 4 SHKURT 2017, NË ORA 14h30

TË GJITHË NË PROTESTË NË BRUKSEL

PËR LIRIMIN E RAMUSH HARADINAJT

Të dashur shqiptarë,

Më 4 shkurt bëhen një muaj që kur autoritetet e Republikës së Francës ndaluan z. Ramush Haradinajt mbi bazën e një fletë-arresti të konstruktuar nga regjimi terrorist i Serbisë. Mbajtja e kushtëzuar e tij të qëndrojë në Francë është sinjal se PADREJTËSIA TROKET NË DYERT E KOSOVËS!

Këshilli për organizimin e protestës për lirimin e z. Ramush Haradinaj fton të gjithë shqiptarët që ndodhen në Evropën Perëndimore që në një njëmujorin e kësaj padrejtësie të mobilizohen si asnjëherë më parë dhe me pjesëmarrjen masive të dëshmojmë se kur janë në pyetje interesat tona kombëtare SHQIPTARËT JANË NJË!

Ftojmë të gjitha strukturat e organizatave politike, shoqatave, klubeve dhe formave tjera të organizuara të shqiptarëve në Evropën Perëndimore që të bashkuar të kërkojmë që autoritetet e drejtësisë franceze dhe të shteteve tjera demokratike të mos veprojnë sipas urdhrave politik të regjimit të Beogradit.

Është moment historik që shqiptarët e Kosovë, Maqedonisë, Luginës së Preshevës, Malit të Zi dhe të Shqipërisë të dëshmojmë se JEMI NJË!

Lirimi i PAKUSHT dhe i MENJËHERSHËM i z.Ramush Haradinajt është mesazhi që presim nga demokracitë perëndimore.

Protesta do të mbahet në këtë adresë;

PLACE SCHUMAN- 1000 BRUXELLES

4 SHKURT- SHQIPTARET E BELGJIKES-PROTESTE PER HARADINAJ

February 1, 2017 by dgreca

NË NJËMUJORIN E NDALIMIT TË PADREJTË TË RAMUSH HARADINAJT/

TË SHTUNËN, MË 4 SHKURT 2017, NË ORA 14h30/

TË GJITHË NË PROTESTË NË BRUKSEL/

PËR LIRIMIN E RAMUSH HARADINAJT/

Të dashur shqiptarë,

Është moment historik që shqiptarët e Kosovë, Maqedonisë, Luginës së Preshevës, Malit të Zi dhe të Shqipërisë të dëshmojmë se JEMI NJË!

Lirimi i PAKUSHT dhe i MENJËHERSHËM i z.Ramush Haradinajt është mesazhi që presim nga demokracitë perëndimore.

Protesta do të mbahet në këtë adresë;

PLACE SCHUMAN- 1000 BRUXELLES( E dergoi per Diellin:Mentor Mushkolaj)

Diaspora-Manifestim që bashkon krijues të diasporës shqiptare, por edhe suedez

January 26, 2017 by dgreca

Manifestimi letrar “ Sofra poetike” që do të mbahet në Boros të Suedisë, qëllim kryesor ka ruajtjen dhe kultivimin e poezisë shqiptare në dhe të huaj/

Shkruan: XHAVIT ÇITAKU*/

Qendra kulturore shqiptare “ Migjeni” dhe Shoqata e shkrimtarëve dhe krijuesve shqiptar “ Papa Klementi i XI Albani” në Suedi për herë të gjashtë organizojnë manifestimin letrar “ Sofra Poetike” i cili tashmë është bërë një aktivitet tradicional. Qëllimi i këtij evenimenti kulturor është që ruhet dhe kultivohet poezia shqipe si dhe që të forcohet edhe më bashkëpunimi i krijuesve shqiptar dhe atyre suedez. Për shkak të rëndësisë që ka ky tubim i fjalës së bukur shqipe, pritet që edhe kësaj radhe të marrin pjesë poetë nga shtetet skandinave, Shqipëria e Kosova dhe pjesët tjera etnike shqiptare, nga shtetet evropiane dhe kolegë nga Suedia, si dhe dashamirë të tjerë të këtij zhanri krijues, të cilët do të pasurojnë këtë manifestim që do të mbahet në Boros të Suedisë në fillim të prillit të këtij viti.Tashmë në adresë të të shoqatës “ Migjeni” kanë arritur në numër i konsiderueshëm i poezive nga krijues shqiptar, por edhe atyre suedez, sepse ky eveniment ka edhe karakter garues, apo thënë më mirë se juria e formuar do të zgjedh krijimet më të mira letrare, poetin më të suksesshëm, poezinë më të mirë që i kushtohet kurbetit, librin më të mirë dhe prezantuesin më të mirë të punimit poetik.SHSHKSH “ Papa Klementi XI Albani dhe Shoqata “ Migjeni kanë për qëllim, po ashtu, që duke organizuar këtë manifestim dhe të tjerë të ngjashëm t’i bashkoj krijuesit shqiptar të trungut shqiptar, sidomos ata që jetojnë në dhe të huaj, ata suedez dhe dashamirë të fjalës së bukur shqipe. Po ashtu, gjatë këtij manifestimi krijohet një mundësi e volitshme për të shkëmbyer përvoja në fushën e krijimtarisë në shtetin ku ata punojnë e krijojnë.

Foto-Dielli-arkiv: Manifestimi i vitit te kaluar ne Boras-Suedi

Vjenë, protestë kundër ndalimit të Ramush Haredinaj

January 11, 2017 by dgreca

Hazir Mehmeti/Vjenë, 11 janar 2017/
Në sheshin e njohur të Vjenës Schwarzenbergplatz,, para Ambasadës së Francës, u protestua nga mërgimtarët shqiptarë kundër arrestimit të ish kryeministrit të Republikës së Kosovës, Ramush Haradinaj. Morën pjesë bashke mërgimtarë nga Graci, Linci, St.Pölteni e Vjena duke shprehur mllefin për arrestimin e padrejtë të Ramush Haradinaj, njëri ndër drejtuesit kryesor të Ushtrisë Çlirimtare të Kosovës për lirinë e Kosovës dhe tani kryetar i Aleancës për Ardhmërinë e Kosovës. Nismëtare dhe organizatore ishte dega e Aleancës për Ardhmërinë e Kosovës në Austri në emër të së cilës fjalë rasti mbajti Sali Tolaj: “ Është e padrejtë arrestimi i Komandantit, ish kryeministrit dhe kryetarit të Aleancës për ardhmërinë e Kosovë z.Ramush Haradinaj, bazuar në një fletë arrest të lëshuar nga Serbia, ajo që bëri gjenocid mbi popullin shqiptarë, është i papranueshëm, i pakuptimtë dhe një fyerje ndaj një kombi. Kërkojmë nga autoritetet franceze që menjëherë ta liroj”

Tubimi u drejtua nga veprimtari Xhevat Balaj, i cili lexoi kërkesat e mitingut protestues. “ Kërkojmë nga autoritet franceze që të lirohet menjëherë kryetari Ramush Haradinaj. Ndalesa e tij është e pakuptimtë pasi z. Haradinaj u shpall dy herë i pafajshëm nga të gjitha akuzat nga Gjykata e Hagës. Po ashtu, kërkojmë nga Institucionet e Kosovës të ndërpresin urgjentisht bisedimet me Serbinë deri në heqjen e të gjitha fletë-arresteve të lëshuar nga shteti serb”. Fjalë proteste mbajtën shumë përfaqësues shoqatash: Argëtim Hani; Valdrin Morina, Lobi Euroatlanti; Bukurije Lajqi, Rugovë; Enver Shala, Hazir Mehmeti.

Protestuesit mbanin në duar portrete të Ramush Haradinajt dhe pllakatet: “Ramushi është Kosova”, “Haradinaj ist Kosovo”, “Je suis- Haradinaj”,” Haradinaj est le Kosova”, “Krenohemi me veprën tuaj, Ramush Haradinaj”. Delegacioni nga Xhevat Balaj dhe Sali Tolallj, përfaqësues të mitingut i dërgoi një protestë Ambasadës franceze ku kërkohet lirimi i menjëhershëm i Ramush Haradinajt. Gjithashtu shprehet mllefi në organet franceze që manipulohen me fletë arreste qesharake nga Serbia. Rreth ndalimit të Ramush Haradinajt në Francë shkruan dhe shtypi në gjuhën gjermane. Analistë të caktuar arrestimin e shohin si para pengesë në pjesëmarrjen e tij në promovimin e presidentit amerikan Trampf si i ftuar direkt prej tij dhe si përfaqësuese i së djathtës në Kosovë (Frankfurterallgemeine), apo si qëndrim i ri karshi Kosovës nga një pjesë e Evropës ku Franca është shembull i tillë në raport me rrethanat e krijuar në Ballkan. Pjesëmarrësit e mitingut shpërndanë në kohën e përcaktuar pa shkaktuar asnjë incident apo parregullsi. Protestat do vazhdojnë nëse nuk lirohet Ramush Haradinaj nga autoritetet franceze.

Lobi Euroatlantik shqiptar”prek” Parlamentin Europian, por….

December 17, 2016 by dgreca

-Kujdes nga fraksionistet…..Komunikatë e Lobit Euroatlantik Shqiptar për media me qendër në Gjermani /

Pas konsultave, takimeve dhe analizave në mes të kryesuesve të degëve të LEUASH të shteteve, Gjermani,Austri,Suedi, Zvicër, Belgjikë si dhe në disa shtete që janë në themelim të Lobit Euro-Atlantik Shqiptar, duke përjashtuar kryesinë e degës se Norvegjisë, pasi qe nuk ka treguar ndonjë rezultat në vazhdën e programeve tona lëshojmë këtë:

Komunikatë publike

Lobi Euro-atlantik Shqiptar nuk ka shumë kohë që vuri gurthemelin e vet në Lorach të Gjermanisë,po dita ditës është duke marr hov dhe frymë me ambicie të reja drejt zgjuarëjes së shqiptarëve për ta bërë një unitet të bashkimit në mbarëvajtjen e gjithmbarshme kombëtare. Pas një serë aktivitetesh dhe lobimesh të LEASH-it nëpër Evropë, Lobi Euro-Atlantik Shqiptar, ka për qëllim ta bashkojë gjithë mërgatën shqiptare anekënd botës, në një frymë të re, e cila do t’u shërbejë gjithë shqiptarëve kudo në botë,madje këto ditë preku edhe në portat e Parlametiit Evropian dhe Natos nga një delegacion intelektualësh të prirë nga Suedia të udhëhequr nga zoti Avni Dervishi.

-Lobit Euro-Atlantik-Shqiptar ka një qëllim dhe synim të krijimit të unitetit rreth kombit, flamurit dhe gjuhës shqiptare. Ka synim me i larguar, eliminuar dhe injoruar grupacionet , bajraktarizmat, lokalizmat,grupet partiake, dhe formacionet e rrejshme të shantazheve vetanake. Ato grupe i krijuan plagë te rënda mërgatës sonë në shkapërderdhjen dhe përçarjen e sajë nga klane të fshehta dhe injorante ,po edhe nga kanale të ndryshme edhe anti lobiste me vetëdije apo edhe pa të, siç janë duke u paraqitur në:

Grupin fraksionistë nga disa persona të shkallës së ultë në arsim dhe kulturë. Këta vazhdojnë të shkaktoj huti dhe konfuzion në opinion për strukturat organizative të Lobit Euroatlantik shqiptar, me veprimet e tyre siç janë:

Gjëja formimit të degëve paralele dhe të pa koordinuara nëpër shtete,
Formimin e webfaqeve dhe grupeve nëpër Facebook, me qëllime të diskreditimit dhe të dezorientimit të mërgatës, thurjes se shpifjeve, shantazheve, intrigave për lobistët e vërtetë dhe të dëshmuar në kryesuesin e LEUASH.
Thirrjes së kuvendit sipas qefeve të disa personave me shfaqjeje bajraktarizmi edhe pa qenë fare anëtarë madje shpallin veten edhe koordinator pa marrë pjese edhe një takim të vetëm.
Futjes nëpër lista dhe manipulimit me emra të njerëzve, pa i pyetur fare ose duke i futur që të jenë nëpër lista të këshillave inicuese, që as vet nuk i dinë se si ti quajnë duke i premtuar se nuk do të kenë punë fare vetëm të futen në lista ndërsa punët do ti kryejnë ata.
Duke ju premtuar poste të ndryshme njerëzve shpesh të mire dhe duke i manipuluar.
Duke u thirrur në emër të unitetit, gjakut të derdhur, kombëtarizimit, UCK-s, të bashkimit kombëtarë,e shumë manipulime dhe falsifikimeve tjera, që bien ndesh edhe me ligjin e duke i shkaktuar dëme kësaj nisme të njerëzve të vullnetit të mirë, të pastër të sinqertë, humane, të mirëpritur për të gjithë shqiptarët dhe mërgatën.
-Këto i bëjnë të gjitha me qëllim që të krijojnë huti në opinion, marrjes në drejtim këtë kulm organizativ që sipas qefeve ta manipulojnë, duke mos ofruar as edhe një projekt konkret e duke mos patur asnjë koncept vizionar.

Kryesia qëndrore dhe degët e saj të lartpërmendura i bëjmë thirrje gjithë mërgimtarëve shqiptarë, që mos të bien pre e manipulimit të dezinformatave, propagandave të këtyre personave, që flasin në emër të kryesisë së Lobit Euroatlantik Shqiptar, sepse nuk janë më shumë se një grupacion kafesh e FB-ve nga tre ose katër persona që po mundohen LEUASH -in ta ndajnë në dy grupe, duke i shkaktuar dëme kësaj organizate, mërgatës dhe projekteve ekonomike, sociale, e kulturore për interesat kombëtare.

Prandaj ju informojmë se Kuvendi i Lobit Euroatlantik shqiptar – qendrorë do të mbahet pasi të themelohen degët e shteteve ku nuk janë formuar ende dhe pasi të jenë mbajtur të gjitha kuvendet zgjedhore nëpër degët e themeluara dhe të formuara.
I bëjë thirrje degëve të themeluara të LEUASH, se më së largëti deri në shkurtë të fillojë më mbajtjen e kuvendeve zgjedhore.
I bëjmë thirrje të gjithëve atyre që dëshirojnë të kyçen në LEUASH ose të jenë pjesëtar në themelimin e degëve, që të koordinohen me ne, gjegjësisht kryesinë, dhe kryesuesin aktual si iniciator i formimit të Lobit,zoti Skenderbeg Klaiqi, në mënyrë që të evidentohen si aktivistë dhe si lobistë. Ju sigurojmë se vend do të kenë për të gjithë ata vullnetarë që dëshirojnë të rreshtohen në anën e vërtetë të Lobit Euro-Atlantik Shqiptar.
Ju informojmë se webfaqja zyrtare e LEUASH është www.lobi-shqiptar.com, ndërsa faqet e facebook-ut të degëve, mundë ti gjeni në webfaqen tonë.

Për media informon kryesia e përkohshme e Lobit Euro-Atlantik Shqiptar me qendër në Gjermani dhe komisioni informativ.