Opinion – Page 731 – Dielli

“JAM PRIFT SHQIPTAR, JO MAQEDONAS”!

August 2, 2014 by dgreca

At NIKOLL MARKU DHE KISHA “SHEN MARIA” NE ELBASAN SQAROJNE DEPARTAMENTIN E SHTETIT DHE AMBASADORIN ARVIZU/
KISHA ORTODOKSE PAVARUR KOMBETARE SHQIPTARE SHEN MARIA ELBASAN/
Lenda : SQARIM LIDHUR ME RAPORTIN E DASH PER SITUATEN FETARE NE SHQIPERI./
Drejtuar : zotit ambasador i SHBA ne Shqiperi, ALEKSANDER ARVIZU*/
Ju shpreh respektin dhe mirnjohjen per kontributin dhe vlersimin pozitiv ndaj vendit tim por dhe ndaj besimtareve ortodoks Shqiptar.
Kerkojme bekimin e Zotit qe si Ju dhe kombi Shqiptar, te realizojme aspirata e perbashketa per nje rajon ballkani ne zhvillim dhe paqe te perhereshme.
Ne jemi te bindur se Ju me diplomacine Tuaj, do te jeni ne mbeshtetje te kombit Shqiptar i cili ka probleme jo pak, qe nga klasa politike e deri tek sovraniteti ekonomik dhe panvaresia reale perballe korenteve politike Europiane.
Po gjithashtu, ne shpresojme ne mirkuptimin Tuaj dhe per problemet fetare dhe kryesisht ato te Autoqefalise se vertete Ortodokse Shqiptare. Probleme qe vazhdojne te jene ne dem te identitetit dhe historise ortodokse Shqiptare.
Lidhur me raportin e DASH per respektimin dhe ushtrimin e besimeve fetare ne Shqiperi, personalisht ju bej nje sqarim per ate qe eshte shkruar ne lidhje me emrin tim si prift Maqedonas. Duke respektuar maksimalisht raportin e DASH sqaroj si me poshte.
Ne Qershor 1992 bera kursin e larte per meshtar dhe teologji fetare ne Kostur te Greqise, ky kurs u transferua me vone ne kampin Niko Bellojanis ne Durres Shqiperi. Qe ne filim ndodhnin incidente me prifterinje greke duke fyer figura te larta te ortodoksise Shqiptare.
Ne qershor te vitit 1995 kursi teologjik u mbyll dhe une dola me vete sepse zoti Anastas Janullatos filloi politika anti shqiptare dhe pro shovinizmit grek qe eshte kunder sovranitet kishtar dhe teritorial te Shqiperise.
Eshte e vertet qe kisha maqedonase na ndihmoi qe une te njihesha prift nga kryepeshkopi Mikail. Njohja ime si prift nuk do te nenkuptonte se isha prift i kishes maqedonase, apo te vija ne Shqiperi ne emer te kishes Maqedonase. Njeru mund te dipllomohet kudo ne vende te ndryshme te botes por vjen dita dhe i sherben atdheut ku jeton dhe ka origjinen.
Besimtaret ortodokse te lagjes Kala por dhe me gjere me zgjodhen famulltar te kishes shen Maria me afro 2100 firma besimtaresh. Jemi te regjistruar ne gjykate si subjekt fetar juridik me vendim per ushtrim veprimtarie te besimit. Ne i perkasim kishes ortodokse shqiptare por jemi te detyrua te punojme keshtu deri sa te zgjidhet nje kryepeshkop shqiptar prej gjaku, gjuhe, kombesie, ashtu sic e ka dhe statuti i kishes i njohur dhe nga patriarkana ekumenike e Stambollit
Zoti ambasador. Kisha shen Maria Elbasan do te mbroje pavarsine e ortodoksise shqiptare nga politika e Janullatosit qe varet nga trekendeshi Athine-Moske-Beograd. Ortodoksi e Shqiperise i perket kombit te saje dhe perendimit sepse ne boston u themelua nga kryepeshkopi i pare shqiptar imzot Fan Stilian Noli i cili si prift i njoh nga nje peshkop ruse sepse ishte kusht i patriarkanes se Stambollit.
Zoti ambasador. Shpresoj ne mirkuptimin tuaj dhe ju mirpresim per nje vizite ne kishen tone.
RESPEKTE
ZOTI JU BEKOFTE JU DHE SHTETE E BASHKUARA TE AMERIKES
ATE NIKOLLA MARKU
Elbasan 02.08.2014
* Kjo deklarate iu dergua edhe Gazetes DIELLI

BIOGRAFI
ATE NIKOLLA MARKU
Ate Nikolla Marku u lind ne 3 Dhjetor te vitit 1948 ne qytetin arsimdashes te Elbasanit.
Babai i ate Nikolles, zoti Stefan Marku pati mbaruar shkollen patriotike Normale, e famshme per ate kohe per dhenien e mesimeve shqip dhe pergatitjen e kuadrove te larte te arsimit kombetar Shqiptar.
Nena e ate Nikolles kishte prejardhjen nga familjet e medha te kalase se Beratit nga Koroveshet te cilet kane qene ne mbeshtettje te ceshtjes kombetare Shqiptare.
Duke punuar ne arsim, babai i ate Nikolles ka qene ne balle te ceshtjes kombetare.
Ate Nikolla ka mbaruar gjimnazin ne vitin 1966. Po gjithashtu ka mbaruar dhe te mesmen profesionale mekanike si dhe dy vjet kursin e larte te universitetit Politeknik.
Panvarsisht nga arsimimi i asaj kohe ate Nikolla nuk ju nda librave teologjike.
Pas vitit 1990 me vendosjen e demokracise ku dha nje kontribut te cmuar per lirin e fese dhe pluralizmit ate Nikolla i thelloi studimet teologjike nisur dhe nga shembulli dhe vepra e Fan Nolit per nje kishe te pavarur kombetare Shqiptare. Keshtu ne vitin 1995 ne muajin tetor pas arsimimit fetar veshi rroben e famulltarit me bekimin e patriarkanes Maqedonase sepse ne Shqiperi kleriket ishin vrare dhe burgosur nga diktatura komuniste ndersa kisha shqiptare pas vitit 1990 ra ne duart e agjentures shoviniste greke.
Me vullnetin e banoreve te lagjes Kala vendoset famulltar ne kishen Shen Maria Elbasan per ti rezistuar pushtimit te kishes nga kisha greke dhe Anastas Janullatos. Ate Nikolla u vendos ne ate kishe ne nje kohe te veshtire sepse kisha ishte uzurpuar nga greket. Amanetet e rilindasve dhe porosia e Fan Nolit per nje kishe shqiptare e bene ate Nikollen udheheqesin e luftes per mbrojtjen e kishes nga greqizimi.
Ate Nikolla shquhet dhe per mbrojtjen e ceshtjes kombetare. Ai do te ishte I palodhur ne punen e tij per pavarsine e Kosoves dhe te drejtave te shqiptareve te krahines Cameri atyre ne Maqedoni dhe Mal I Zi. Po gjithashtu dhe nje mbrojtes I te drejtave te burgosurve politik anti komunist.
Ate Nikolla po gjithashtu ka kryer disa vizita ne SHBA duke takuar kreret e shoqates Vatra si dhe kongresmene te cilet jane perkrahes te aspiratave kombetare Shqiptare.
Ate Nikolla Marku dhe sot vazhdon I palodhur punen e tije si famulltar si dhe mbrojtes i sovranitetit dhe identitetit kombetar Shqiptar duke marre pjese ne cdo tubim qe zhvillohet per te miren e kombit Shqiptar ne Ballkan dhe kudo qe ndodhet neper bote.
Ate Nikolla eshte i martuar dhe ka dy femije.
VEPRIMTARIA

Me vullnetin e banorve te besimtareve ortodokse te lagjes kala vendoset famulltar ne kishen Shen Maria Elbasan date 08/10/1995, kishe e cila eshte krye kisha e Elbasanit.
Ate Nikolla Marku qe ne fillim te punes se tije eshte udhequr nga nga parimet dhe veprimtaria historike e kryepeshkopit te pare shqiptar Fan Noli, ky personalitet erudit dhe patriot i palekunder ne dobi te kombit shqiptar.
Ate Nikolla Marku ka qene gjithmone ne mbrojtje te pavarsise se kishes ortodokse shqiptare si dhe ne mbrojtje te ceshtjes kombetare.
At Nikolla Marku shquhet si mbrojtes i te drejtave te shqiptareve te Camerise, trevave ne Maqedoni, Mal i zi, Lugina e Presheves.
Ate Nikolla Marku, vecanerisht shquhet per mbrojtjen e pavarsise se Kosoves.
Ate Nikolla Marku, zhvillon nje liturgji fetare vetem ne gjuhen shqipe.
Ate Nikolla Marku , eshte mbrojtesi kishes ortodokse shqiptare nga cdo nderhyrje e huaj. Ai nuk ka lejuar asnje veprim shovinist ne dem te kombit shqiptar dhe ortodoksise ne vecanti.
Ate Nikolla Marku, eshte kontribues i jashzakonshem i harmonise fetare ne Shqiperi. Ai ka mardhenie te shkelqyera me besimet e tjera fetare.
Veprimtaria e ate Nikolla Markut eshte mbeshtetur dhe mbeshtetet mbi keto qendrime dhe parime thellsisht kombetare shqiptare.
Ja disa veprimtari.
Vizitat ne SHBA ne vitet 2002,2003,2004 me ftese te shoqates panshqiptare Vatra dhe te diasores. Ne keto vizita , ate Nikolla Marku eshte takuar me kongresmene si Jozef Dioguardi, Daniel Ron Barker i Kalifornise, senatorin Tom Lantosh, ish komandantit e NATO-s Uesli Klark dhe te tjere personalitet te shquara. Ne keto takime eshte biseduar per mbrojtjen e pavarsise se kishes nga ndikimi shovinist grek dhe per ceshtje kombetera ne menyre specifike sipas rrethanave dhe krahinave me kombesi shqiptare.
Vizitat ne Kosove. Takime te ndryshme si me Kryemyftiun e Kosoves 2009, kryetarin e komunes Peje i cili e respektoi me nje certifikate nderi. Personalitetin e shquar zotin Sabri Novosela., akademikun Mark Krasniqi, kryetarin e komunes Gjakove.
Ate Nikolla Marku eshte takuar dhe me biznesmenin Bexhet Pacolli (aktualisht zv. Kryeminister i Kosoves), zotin Adem Demaci dhe liderin e vetvendosjes Albin Kurti.
Ate Nikolla Marku eshte takuar dhe me legjenden e politikes paqsore te ndjerin ish president Ibrahim Rrugova si dhe me zotin Nexhat Daci ish perfaqsues i kuvendit te kosoves dhe delegat per takimet ne uashington kur diskutohej dhe merreshin vendime per pavarsine e Kosoves.
I paharruar eshte takimi me te ndjerin Arben Xhaferri ne Maqedoni si dhe takimi me Ali Ahmetin dhe Kryepeshkopin e kishes ortodokse te Maqedonise Hiresine Mikail ( personi qe e veshi dhe prift)
Ne te gjitha keto takime si gjithmone eshte trajtuar pavarsia e Kosoves , te drejtat e shqiptareve ne trevat e tjera si dhe pavarsia e kishes ortodokse kombetare Shqiptare.
Ate Nikolla Marku ka marre pjese ne tubime te ndryshme si, per te drejtat e shqiptareve te Camerise ne qaf Bote te Konispolit, te drejtat e te burgosurve politike si dhe ne mbrojtje te shqiptareve te kosoves nga genocidi serb. Ne kishen ku sherben ate Nikolla ne vitin 1999 u strehuan 80 shqiptare te Kosoves.
Ate Nikolla Marku, eshte pjese e organizates kunder gjakmarrjes. Ai personalisht ka dhene nje kontribut te drejperdrejte per pajtim te familjeve ne gjak me njera tjetren.
Ate Nikolla Marku, ka marre pjese dhe ne konferenca shkencore per bashkjetesen dhe harmonine fetare ne Shqiperi.
Aktiviteti i ate Nikolla Markut ne mediat vizive dhe te shkruara eshte i permasave te medha. Afersisht rreth 100 te tilla , duke trajtuar vazhdimisht ceshtjen kombetare dhe pavarsine e kishes ortodokse kombetare shqiptare.
Ne keto intervista dhe shkrimesh ne gazeta jane trajtuar probleme qe shqetesojne shoqerine shqiptare sot.
Qendrimet e ate Nikolla Markut kane qene te prera dhe pa kompromis per sa i takon homoseksualeve, nderhyrjeve te kishes greke ne punet kishes ortodokse shqiptare, ne mbrojtje te emigranteve, ne mbrojtje te trashgimise historike kombetare, kunder shovinizmit Vorio-Epirot, kunder genocidit sllav ndaj shqiptareve etj.
Theksojme se ate Nikolla marku ka patur dhe ka nje korespondece korrekte me Presidentet, Kryeministrat, Kryeparlamentaret, Deputetet etj. Po gjithashtu dhe ambasaden e SHBA dhe trupin diplomatik.
Vlen te theksohet dhe puna e stafit te ate Nikolles qe ka qene ne mbeshtetje te veprimtarise se tije.

FALEMINDERIT, ZOTI JU “SHPËRBLEFTË!?“

August 1, 2014 by dgreca

Nga Fadil LUSHI/
Thonë se pronarët e medieve pamore (sidomos ato prestigjioze) shumë kohë më parë kanë “ndërtuar” një barsoletë dedikuar njerëzve të cilët janë nën vartësinë e emi-sioneve fetare, ku, pos të tjerash, thuhet: “Shikoni atë njeriun e ulur pranë televizorit. Në shikim të parë duket sikur ndërron kanalet televizive, po në fakt është e kundërta, kanalet televizive janë ato që këtij ia përbuzin rehatinë dhe, në fund, ia ndërrojnë mendjen!” Ne, që shkruajmë këtë opinion nuk do të ndërrojmë as hapësirën, po as “fiqirin”. Mbetemi të tillë, si përherë. Para se të vazhdojmë ta “shkarravisim” këtë vështrim, fillimisht do të kërkojmë ndjesë nga teologët, nëse do “fusim hundët” në profesionin e tyre.

IFTAR-i
Ne, në këtë vështrim nuk do të diskutojmë për çështje që nuk na takojnë, për çështje që nuk jemi kompetent apo të kualifikuar. Nuk do ta bëjmë këtë, sepse nëse e bëjmë këtë do të ishte kulmi i marrëzisë sonë. Ne do të mëtojmë të prekim një “dukuri që dita-ditës bëhet bajat”, një dukuri e stërngarkuar me çallëme provincialiste, një dukuri që është e mbingarkuar me tallava, shund dhe, në instancë të fundit, një dukuri që “vetëpërbuz” edhe ato pak vlera që ka…, një dukuri që hetohet vetëm në muajin e Ramazanit. Gjatë gjithë muajit të bekuar që lamë pas, u organizuan gjithandej “aktivitete rreth humanizmit dhe solidaritetit tonë kolektiv”. Për këtë qëllim, u shtruan me qindra iftare. Fjalori i Gjuhës së Sotme Shqipe për nocionin IFTAR-i jep këtë shpjegim: Darkë që hanë myslimanët pas agjërimit të ditës në kohën e ramazanit: koha kur hahet kjo darkë (në vendet ku vepron feja myslimane). Hanin iftar. Pritnin (çelnin) iftarin. Disa iftare, kryekëput iu dedikuan njerëzve të veshur me kostumin e politikanit të vockël, disa të tjerë ministrave, një i tillë presidentit të shtetit, një kryeministrit, ca të tjera vetëm për ata me strajca të thella, disa të tjerë për besimtarët e devotshëm, disa iftare u shtruan për “autoritetet provinciale”, kishte edhe të tilla iftare (diku në Shqipëri) që shtroheshin nga “zonjat llafazane gjegjësisht nga mbesat e gjysheve telendare dhe me sjellje të shfrenuara!?” Se kjo shtruarja e iftareve ishte një “zemërgjerësi e madhe” e njerëzve me strajca a xhepa të thellë apo një çallëm dhe një katandisje (kockë e lëkurë) e radhës, ne nuk e dimë dhe, nëse vërtet nuk e dimë, atëherë as që do e paragjykojmë…, por ama se e gjithë kjo, ishte shprehje e një provincializmi të shëmtuar dhe me brirë, nuk diskutohet, dhe për këtë arsye nuk ka njeri që mund ta kontestojë.

PËR KË NUK U SHTRUAN IFTARE!?

Nuk dëgjuam që diku dhe dikush të kishte shtruar një iftar për studentët (hiq mënjanë ata të fakultetit teologjik)…, nuk dëgjuam e as nuk pamë që një iftar të ishte shtruar vetëm për skamnorë, për familjarë të dëshmorëve, për invalidët të dalë nga lufta e Kosovës, për nënat kosovare, për ato nëna që sot e gjithë ditën e Perëndisë kërkojnë një gur Drenice a Prekazi, për varret e humbura të bijve dhe bijave të tyre…, nuk dëgjuam që një iftar, po edhe të ishte modest, të shtrohej diku në hapësirat e jetimores së Tiranës…, nuk dëgjuam se diku në fshatrat e varfra të ishte shtruar një iftar…, nuk dëgjuam e as që pamë që diku u shtrua një iftar për njerëz në asistencë…, nuk dëgjuam e as pamë që diku të ishte shtruar një iftar për ushtarin me paterica, nuk pamë e as dëgjuam që diku të ishte shtruar një iftar për njerëzit me gjymtime shpirtërore dhe trupore, nuk pamë e as dëgjuam që të ishte shtruar një “sofër iftari” për ish të burgosurit dhe të përndjekurit politikë dhe për shumë njerëz të tjerë që, ndoshta pa të drejtë, harruam t’i përmendim në këtë vështrim gazete.

PO Ç’QËLLIM KISHIN KËTO IFTARE?

Që ky paragraf i këtij vështrimi të mos karakterizohet me ato “paragjykime mashkullore dhe kumarxhinjsh” dhe njëkohësisht autori të mos “krahasohet a edhe të mos indentifikohet me atë ibrikun ku zihet çaj anadolli” apo edhe me njerëzit e këqij, që në çdo kohë të bëjnë qepaze, do parashtrojmë pyetjen se ç’ishte qëllimi i iftareve në fjalë!? A mos vallë e keqkuptuan iftarin, a mos vallë nuk e denigruan dhe shëmtuan institucionin (fetar) siç është iftari, a mos vallë “nijeti” i shtruarjes së iftarit ishte paksa i mbrapshtë, a mos vallë i gjithë ky ekzagjerim i iftareve nuk nxori në pah të gjithë atë bajraktarizmin tonë mëhallash, a mos vallë edhe njëherë u vërtetua ajo teoria se ne toptan mbetemi një produkt dhe pjesë e asaj mendësie meskine, apo jemi një “kopje e zbehtë e mentaliteteve klanore”. A mos vallë e gjithë kjo prapësi nuk e çekuilibroi filozofinë dhe moralin e iftarit, a mos vallë të gjitha (me disa përjashtime) këto iftare u “shtruan me apo pa sebep”, a mos vallë nuk kishte mundësi që këto “sofra iftari” të shtroheshin larg syve të skamnorëve, a mos vallë nuk kishte mundësi që këto iftare të shtroheshin larg objektivit të “fotoreporterëve” të gazetave a edhe gjithfarë portalesh…, a mos vallë nuk kishte mundësi që këto iftare të shtroheshin larg syve të kalamajve të atij “arabaxhiut” të nderuar të “Bit Pazarit”…, apo thjesht e bënë për çallëm. Thonë se feja nuk duron dhe nuk pranon as çallëm, as megalomani, as ndasi, qoftë ajo morale a edhe materiale. Për fenë dhe për Perëndinë të gjithë njerëzit janë të barabartë pavarësisht se ata janë skamnorë apo të “pasur”. Nëse e gjithë kjo u bë me dije dhe me qëllime të caktuara, atëherë njerëzve në fjalë u shkon ajo shprehja proverbiale a ajo fjalë e urtë me plotë sarkazëm, ku pos të tjerash thuhet: “Shtati pyll e mendja fyll”.
Një ish i dënuar politik, disa ditë më parë në shesh të Tiranës, kishte bërtitur: “Urgjent duhet të bëhet (nëqoftëse është e mundur) klonimi i Enver Hoxhës, vetëm një tip si ai i bën zap këta birokrat të ç’mendur që mi vonojnë lekët”.., thonë se nuk e kishin “dëmshpërblyer”.
Edhe unë shtrova iftar që ishte thjesht familjar. Fatkeqësisht nuk më doli si iftari i nënës sime. Iftari i saj ishte i veçantë…, jo pse ishte i nënës, por pse ajo ishte bijë qehajaje… E veçanta e këtyre iftareve ishte se nga ato dolën me qindra fotografi që përcillnin lloj-lloj imazhesh të njerëzve që kur përtypen njëkohësisht edhe zgërdhihen me skamjen e skamnorit, si atij të Migjenit.

Kush i kontrabandoi vrasësit në heronj?

July 31, 2014 by dgreca

Dihet botërisht se rekrutimi i mercenarëve islamikë në Kosovë është bërë nëpër xhami që qeveriseshin nga Bashkësia Islame e Kosovës, ndërsa qeveria jonë e mbështeste pa ngurrim këtë grup zyrtarësh të BIK-ut, duke shpërfill me arrogancë grupin e hoxhallarëve shqiptarë që e predikonin tolerancën në mes të feve dhe vëllazërinë e gjakut, pavarësisht feve të ndryshme./
Nga Gani MEHMETAJ /
Ka disa ditë që mediet shqipfolëse na vërshuan më një krim të tmerrshëm, ku shihet L. M. duke e ther në fyt adoleshentin diku në Siri. Ish punëtori fizik i Kampit të Bonstillit nga mediet tona një kohë të gjatë propagandohej hero- kontrabandë. Citohej ky anonim nga një lagje e humbur e një qyteze të varfër të Kosovës më shumë se sa personalitetet historike a liderët e vendit. U bë yll mediatik me kërcënimet e tij, në vend që të shpërfillej dhe t’i ndalohej paraqitja në medie. Shpërndaheshin deklaratat pa asnjë distancim a shkurtime në faqet elektronike. Ai u bë heroi i ditës nga mediet shqiptare pa e vra asnjë armik të shqiptarëve, përkundrazi kërcënonte çlirimtarin tonë SHBA-të.
Shtabe shërbimesh sekrete të huaja (serbe, ruse, turke e arabe), të ndihmuara nga shqipfolësit e paguar, kujdeseshin ta plasonin sa më shpesh në opinion dhe t’i siguronin sa më shumë hapësirë me pagesë si askujt tjetër. Me figurën e fjalët e tij synohej t’u mbyllej goja laikeve, pra shumicës shqiptare në Kosovë dhe t’u jepej hapësirë veprimi e propagandimi ideologjisë më antishqiptare që i ka mbërthyer ndonjëherë territoret shqiptare-islamizmit.
Krimet e tmerrshme të mjekërzinjve vazhdonin, ndërsa hoxhallarët në Kosovë, Shqipëri e Maqedoni nuk e thanë asnjë fjalë kur ata kërcënonin, nuk e thanë asnjë falë as kur u masakruan mijëra sirianë e irakianë myslimanë e të krishterë, as kur paralajmëruan se do të gjymtoheshin 4 milionë femra në Siri e Irak. Sikur qeshnin nën buzë me heroizmat e xhihadistëve kundër popullatës civile.
Nëpër xhamitë e Kosovës, Maqedonisë e Shqipërisë, ku predikojnë hoxhallarë me mjekra e pa mjekra, i përgatitën të rinjtë trushpërlarë të bëjnë krime, vazhdojnë t’i mbështesnin lukuninë e vrasësve edhe tash. Lufta fetare e grupeve shqiptare në Siri e Irak mbështetej edhe nga ndonjë mjeran i tipit të Lutfi Hazirit, i cili për të neutralizuar kritikët e kësaj lufte mesjetare bëlbezonte: ata që luftojnë në Siri, bëjnë të njëjtën gjë që bënin dikur shqiptarët në luftën e Spanjës! Mentorët mafiozë që e kishin mësuar të thoshte kështu mejtepliun shkretan, e dinin fare mirë se në këtë rast nuk ka asnjë përngjasim, madje është kriminale të bëheshin krahasime të këtilla, por donin t’u thoshin trushpërlarve, shkoni ju e vrani sa më shumë “të pafe” në Siri, ne jemi me ju. Me shembujt e “trimave” që vrasin fëmijë në Siri e Irak si serbët dikur kur i thernin në fyt shqiptarët e Kosovës, shtabi i propagandës islamike donin të dërgonin porosi: “sot në Siri, nesër në Kosovë, Shqipëri e Maqedonie!”. Po ashtu i ftonin të tjerët të ndiqnin rrugën e “kaçanikliut”, që të bëheshin yje mediatik nga hiqi i provincës. Kjo pati shumë efekt, sepse drejtë Sirisë u nisën pastaj qindra shqiptarë nga Kosova, Shqipëria e Maqedonia. Disa burime thonë se regrutimi vazhdon.
Luftëtarët e xhihadit kanë mbështetës në Kosovë, Shqipëri e Maqedoni nga hoxhallarët me mjekra e pa mjekra. Klerikët myslimanë gjithë ditën në predikimet e tyre nxisin urrejtje fetare, predikojnë dhunë, luftë fetare, fyejnë vajzat tona duke i quajtur të përdala, sepse arsimohen nëpër shkolla e fakultete laike pa shami; hoxhallarët me mjekra e pa mjekra mbështesin me para këngëtarë të repit që propagandojnë dhunën islamike kundër shqiptarëve. Është dyfytyrësi cinike kinse dënimi që u bëjnë tash krimeve në Siri e Irak. Ta kujtojmë vetëm spotin muzikor të reperit trushpërlarë, ku ai me një shkop bejsbolli nga ata që përdornin dikur kriminelët serbë kundër të rinjve shqiptarë në Kosovë, duke ua shkallmuar kafkën, reperi mysliman i rrah virtualisht shqiptarët që nuk janë mysliman. Pas këtij vidioklipi, hoxha me i tërbuar antishqiptarë i Kosovës, Sh. Krasniqi e fton në xhami për t’i bërë pritje myslimanit që “rrahu” shqiptarët. Radiostacionet e paguara nga xhihadistët e transmetonin natën e ditën këtë këngë të pështirë.
Nëpër xhamit e Kosovës, Shqipërisë e Maqedonisë u rekrutuan vrasësit e fëmijëve e të grave në Irak e Siri. Ndërkaq qeveritë e të tri shteteve bënin sehir: e tumirnin në heshtje këtë rekrutim. Mbase edhe e kanë ndihmuar, ku e dinë ne? Është qesharake të thuhej që shërbimet sekrete vendëse nuk e dinin këtë gjë, kur gazetat vendëse raportonin xhamitë ku bëhej rekrutimi i xhihadistëve, tregonin cili hoxhë merrej më këtë punë dhe shumat që u jepeshin mercenarëve islamik. Madje diheshin botërisht edhe portalet e gazetat që mbështesnin regrutimet e propagandën islamike, krahas me denigrimet që përpiqeshin t’u bënin kritikëve të kësaj lufte të pistë, me komente, thirrje publike për kinse mbrojtje të islamit nga ateistët e laikët etj. Shërbimi sekret maqedonas kuptohej pse nuk e pengonte rekrutimin e shqiptarëve në një luftë fetare të pistë, por si ta shpjegojmë pse shërbimi i fshehtë shqiptar (ShISH E SHIU) apo ai i Kosovës (SHIK-u e AKI) e lejuan këtë gjë? Me tumirën apo presionin e pushtetarëve? Me solidarizimin e shtetarëve tanë më shërbimet sekrete që e bënë rekrutimin: Turqinë, Rusinë, Serbinë e shoqatat e Arabisë Saudite? Apo shërbimet tona të fshehta i ka mbërthyer aq keq Rusia e Turqia sa s’mund të bëjnë asgjë, edhe atëherë kur rrezikohet interesi kombëtar e shtetëror.
Dihet botërisht se rekrutimi i mercenarëve islamikë në Kosovë është bërë nëpër xhami që qeveriseshin nga Bashkësia Islame e Kosovës, ndërsa qeveria jonë e mbështeste pa rezerva këtë grup zyrtarësh të BIK-ut, duke shpërfill me arrogancë grupin e hoxhallarëve shqiptarë që e predikonin tolerancën në mes të feve dhe vëllazërinë e gjakut, pavarësisht fesë së ndryshme.
Dihet botërisht se egërsia islamike vinte nga shoqatat turke e arabe të cilat financojnë pjesën dërmuese të xhamive e hoxhallarëve në Kosovë, Shqipëri e Maqedoni . Ato shoqata veprojnë në Kosovë pa asnjë vështirësi, shpërndajnë e shpërlajnë para të Serbisë e të Rusisë, thonë shërbimet tona të fshehta. Pa i penguar askush. Ndërkaq, gazetat tona botojnë fytyra terroristësh pakistanezë e arabë të cilët shoqëroheshin me hoxhallarët e Kosovë. Asnjë prej këtyre terroristëve nuk u arrestua. Po ashtu dihet se njëri nga eksponentët më antishqiptarë, i cili vazhdimisht ka propaganduar për islamin radikal, Sh.Krasniqi e të tjerë hoxhallaër primitiv katundesh, në vend të arrestoheshin për nxitjen e urrejtjes fetare, përçarjes kombëtare, fyerjes së personaliteteve historike, apo shpifjeve ndaj personaliteteve të tashmë, mbështeteshin si nga pushteti ashtu dhe nga një pjesë e opozitës.
Kreu i BIK-ut ka toleruar e mbështetur urrejtjen, ka propaganduar mos durimin fetar, prandaj me të drejtë ambasadorja amerikane nuk e ftoi në darkën myslimane-iftarin, por në vend të zyrtarëve të dhunshëm të BIK-ut, ftoi hoxhallarët e Sindikatës të cilët kultivojnë vëllazërinë ndër shqiptare dhe tolerancën fetare.
Ndërkaq, opozitarët që përgatiten të marrin pushtetin, në vend të respektonin vendimin e drejt të ambasadores amerikane, si për inat iu përkulën krye hoxhës- nxitës të mos durimit fetar. E bënë këtë përkulje denigruese për inat të SHBA-së, apo sepse prisnin mbështetjen e shteteve që janë prapa këtyre zyrtarëve islamikë?
Prandaj para se të vjellim helm e vrer kundër një anonimi që doli në sipërfaqe me vrasjet rrëqethëse, duhet të jemi shumë më kritikë ndaj çerdhes që i kultivoi e i frymëzoi ata, sepse çerdhja zhapinjsh helmues është ende në Kosovë.

Deklaratat pa prova dhe pa dëshmitarë janë etiketime propagandistike!

July 31, 2014 by dgreca

Nga Bardhyl Mahmuti/
Konferenca për shtyp e ambasadorit amerikan Clint Williamson-it, kryeprokuror i Forcës Hetimore Speciale të ngarkuar nga Bashkimi Evropian për të hetuar vërtetësinë e Raportit të senatorit zviceran në Këshillin e Evropës, Dick Marty-t, imponon të rikujtojmë disa fakte:
Pak kohë pas shpalljes së pavarësisë së Kosovës, ish prokurorja e Tribunalit Penal Ndërkombëtar për ish-Jugosllavinë, Carla Del Ponte, publikoi librin me kujtimet e veta lidhur me veprimtarinë e saj në kuadër të kësaj gjykate.
Nga tërë materiali që përmban libri i Carla Del Pontes i titulluar “Gjahu: unë dhe kriminelët e luftës” qarqe të caktuara politike dhe mediatike veçuan dyshimet për pretendimet se gjoja “pjesëtarë të UÇK-së kishin ushtruar trafikimin e organeve të të burgosurve serbë”.
Askush nuk e përmendi faktin se edhe vetë Carla Del Ponte kishte pohuar se në mungesë provave hetimet për pohimet e tilla u braktisën.
Fatkeqësisht, për tre vite rresht (2008, 2009 dhe 2010) propaganda për gjoja “trafikimin e organeve njerëzore” nuk u hoq nga arsenali propagandistik që kishte për synim dëmtimin e imazhit të Kosovës.
Edhe pse nuk kishte asnjë provë për propagandën e tillë, edhe pse ishin ndërprerë hetimet nga vetë Carla Del Ponte, qarqe të caktuara që ishin shprehur kundër pavarësisë së Kosovës përgatitën propozimin për hapjen e hetimeve lidhur me këtë çështje dhe ngarkuan senatorin zviceran, Dick Marty-n, për të përpiluar një raport për Këshillin e Evropës.
Dick Marty, i njohur si kundërshtar i zjarrtë i intervenimit të NATO-s kundër forcave serbe në vitin 1999 dhe kundërshtar i hapur i pavarësisë së Kosovës, dorëzoi raportin e mbushur plot e përplot me gënjeshtra.
Miratimi i këtij raporti nga ana e Asamblesë së Përgjithshme e Këshillit të Evropës në vitin 2011 pati efekte shkatërruese për imazhin e vendit tonë.
Për më shumë se gjashtë vite nga shpallja e pavarësisë së Kosovës janë publikuar me dhjetëra milion artikuj dhe libra, të mbështetur ekskluzivisht në librin e Carla Del Pontes dhe të Raportit DEKLARATË
Deklaratat pa prova dhe pa dëshmitarë janë etiketime propagandistike!

Konferenca për shtyp e ambasadorit amerikan Clint Williamson-it, kryeprokuror i Forcës Hetimore Speciale të ngarkuar nga Bashkimi Evropian për të hetuar vërtetësinë e Raportit të senatorit zviceran në Këshillin e Evropës, Dick Marty-t, imponon të rikujtojmë disa fakte:
Pak kohë pas shpalljes së pavarësisë së Kosovës, ish prokurorja e Tribunalit Penal Ndërkombëtar për ish-Jugosllavinë, Carla Del Ponte, publikoi librin me kujtimet e veta lidhur me veprimtarinë e saj në kuadër të kësaj gjykate.
Nga tërë materiali që përmban libri i Carla Del Pontes i titulluar “Gjahu:unë dhe kriminelët e luftës” qarqe të caktuara politike dhe mediatike veçuan dyshimet për pretendimet se gjoja “pjesëtarë të UÇK-së kishin ushtruar trafikimin e organeve të të burgosurve serbë”.
Askush nuk e përmendi faktin se edhe vetë Carla Del Ponte kishte pohuar se në mungesë provave hetimet për pohimet e tilla u braktisë.
Fatkeqësisht, për tre vite rresht (2008, 2009 dhe 2010) propaganda për gjoja “trafikimin e organeve njerëzore” nuk u hoq nga arsenali propagandistik që kishte për synim dëmtimin e imazhit të Kosovës.
Edhe pse nuk kishte asnjë provë për propagandën e tillë, edhe pse ishin ndërprerë hetimet nga vetë Carla Del Ponte, qarqe të caktuara që ishin shprehur kundër pavarësisë së Kosovës përgatitën propozimin për hapjen e hetimeve lidhur me këtë çështje dhe ngarkuan senatorin zviceran, Dick Marty-n, për të përpiluar një raport për Këshillin e Evropës.
Dick Marty, i njohur si kundërshtar i zjarrtë i intervenimit të NATO-s kundër forcave serbe në vitin 1999 dhe kundërshtar i hapur i pavarësisë së Kosovës dorëzoi raportin e mbushur plot e përplot me gënjeshtra.
Miratimi i këtij raporti nga ana e Asamblesë së Përgjithshme e Këshillit të Evropës në vitin 2011 pati efekte shkatërruese për imazhin e vendit tonë.
Për më shumë se gjashtë vite nga shpallja e pavarësisë së Kosovës janë publikuar me dhjetëra milion artikuj dhe libra, të mbështetur ekskluzivisht në librin e Carla Del Pontes dhe të raportit të Dick Marty-t.
Fatkeqësisht, gjatë gjithë kësaj periudhe kur imazhi i Kosovës përbaltej në mënyrën më skandaloze të mundshme, institucionet shtetërore të Kosovës nuk ndërmorën asgjë për të kryer obligimet e veta.
Tani, kur priteshin rezultatet e Forcës Hetimore Speciale të ngarkuara nga Bashkimi Evropian për të hetuar vërtetësinë e raportit të Dick Marty-t, deklarata e Kryeprokurorit Williamson është skandaloze.
Në konferencën për shtyp, Kryeprokurori Williamson sqaroi se në punën që ai drejtoi për tri vite rresht një ndihmë të madhe i kishin dhënë autoritetet e BE-së, të SHBA-ve, zyrtarë të Qeverisë së Kosovës, Presidentja e Kosovës, Qeveria e Malit të Zi dhe sidomos Serbia.
Përkundër ndihmës së madhe që ka pasur nga të katër anët e botës Kryeprokurori Williamson deklaroi se “hetimet janë zhvilluar për ngjarjet që kanë ndodhur para 15 viteve dhe se për këto ngjarje ekzistojnë shumë pak prova ose nuk ka aspak prova (…) Dëshmitarët ose kanë vdekur ose janë drobitur deri në atë shkallë sa nuk janë në gjendje të japin dëshmi (…) ndërsa për pjesën sensacionale të trafikimit të organeve njerëzore ende nuk i kemi siguruar provat, por, do të vazhdojmë t’i kërkojmë (…)”.
Përkundër asaj se Clint Williamson-i pohon vet se gjatë hetimeve trevjeçare nuk i siguruan as provat dhe as dëshmitarët që do të konfirmonin pretendimet për krimet e kryera nga ana e UÇK-së ai nuk ngurron të pohojë se “zyrtarë të lartë të UÇK-së kanë kryer persekutime kundër popullsisë serbe, rome dhe pakicave tjera në Kosovë si dhe kundër bashkëkombësve shqiptarë të Kosovës që u etiketuan si bashkëpunëtorë të serbëve.”
Zoti Williamson, si edhe të gjithë ata që merren seriozisht me tema delikate si kjo, e dinë fare mirë se kualifikimet e tilla pa pasur aspak prova e as dëshmitarë nuk janë asgjë tjetër pos etiketime propagandistike!
Pohimet e Kryeprokurorit Williamson se nuk kanë siguruar prova për trafikimin e organeve njerëzore, pohim i njëjtë si pohimi i para gjashtë vitesh e gjysmë i prokurores së Tribunalit Penal Ndërkombëtar për Ish-Jugosllavinë, Carla Del Pontes, dhe pohimi në të njëjtën kohë se “praktika e tillë është aplikuar ndaj një numri të vogël të njerëzve, të cilëve u janë nxjerrë dhe trafikuar organet”, përbën një shembull skandaloz të mungesës së seriozitetit dhe profesionalizmit të atij që ka marrë detyrën e kryeprokurorit në hetimet për të ndriçuar këto akuza.
Përfundimi i shërbimit të Clint Williamson-it si Kryeprokuror i Forcës Hetimore Speciale më 23 gusht të këtij viti nuk e zvogëlon dëmin që pohimet e tija të pabazuara i shkaktojnë imazhit të Kosovës.
Është momenti i fundit që të mobilizohen të gjitha energjitë kombëtare për të ndriçuar tërësisht këto akuza që cenojnë imazhin e Kosovës dhe të luftës së saj çlirimtare!Vetëm ndriçimi i plotë i motiveve të vërteta mbi të cilat bazohen këto akuza do të heqë njollën e zezë që na është ngjitur në këtë periudhë shumë të rëndësishme të ndërtimit të shtetit ligjor të Kosovës.

Bardhyl Mahmuti
Prishtinë, 31 korrik 2014.

ÇFARË I DUHET SOT KOSOVËS?

July 30, 2014 by dgreca

KOSOVËS SI KURRË MË PARË I DUHET VLERA AKADEMIKE E KOMBERTARE E JO MILITANEIZEM INATEÇOR DHE ORDINER/
Shkruan Asllan Dibrani dhe Sylë Mujaj*/
Se Kosova është në duart e bandës vrastare të Hotel “Rognerit”, nuk ka dilema!.Kosova e pasluftës kudo që prek, kudo që shkel , kudo që sheh, çdo gjë është e lidhur me : krim, vrasje, pasurim të paligjshëm, miliona euro të pista,fajde, falje tokash kriminelesh pro serb, korrupsion , abuzim dhe veprimtari antishqiptare… Nuk kanë asgjë simbolike me popullit tonë!.
-Të përsekutuerit , luftëtarët , martirët , na ish të burgosurit politik,dëshmorët,intelektualët dhe veprimtarët e devotshëm u viktimizuan dhe u ngulfaten nga folkloristët politik dhe pseudopatriotik . Ata u nëpërkëmben u keqpërdorën vetëm sa për marketing politik siç e përdorin z.Adem Demaqin në raste të shumta per ndonje rast krize te brendeshme sa me e hutuar opinionin etj !?. Frika dhe dhuna nga kërcënimet ne vazhdimësi po ju hiqet popullit dhe të lartshënuarve për ta konceptuar realitetin e politikën shumë vjeçare shterpë te pa frytshme dhe të dëmshme. Në vend se të jenë të lartpërmendurit në skenën politike ta udhëheqin shtetin në nivele strukturash intelektuale u kurorëzuan grupe mafioze ,bandash të vitesh 1970, që u rrahshin grushta për rrospiat serbe “kurvska konobarice”. Këta i kemi në pushtet duke, filluar nga militant , ordiner të patriotizmit fantazmë në emrin e pushtetit , vidh, plaçkit dhe dhuno kapitalin e këtij populli, rrëno kulturën e këtij populli, shkreto ekonomin e këtij vendi, është një mëkat në vete , që me shekuj i pati në shpinë pushtuesit osman dhe serb. Populli akoma po i shëron plagët e ish pushtuesve. Edhe tani në shpinën e vet , ju kanë vënë kjo bandë e pa skrupull , që donë ta rrjep akoma pa tupësisht, vetëm e vetëm të mbesin në qeverisje të mëtutjeshme si (Kompani dhe agjencioni antikombëtare). -Qeveri e mbushur me ordiner dhe kriminel që plaçkitën fonde të popullit për çlirimin e Kosovës , analfabet dhe kasap që i sollën mjerim popullit mbas çlirimit e para çlirimit. Po, po huligan e halabak, vagabond e radikal të sherrit, qe po i paguan krejt populli ynë destrutivitetin e tyre servile e pro serbe rasti konkret i sponzorimi të fidanëve në urën e Mitrovicës tonë dhe tregtimin e mallrave e tyre nga Serbia dhe shtetet aziatike me prodhime kancerorale dhe mallrave plehra të pa afatizuara!!!???…
Këto fundërrina po e zvarrisin proceset dhe ribashkimin e Kombit. Edhe miqtë tanë ndërkombëtar po e shohin një “papjekuri” të stafit politik gjysmanalfabet. Ata i eksperimentuan të gjitha metoda qe ta izolojnë popullin dhe lojërat e fëlliqtë që bëhen ketij populli ,por kot “gjembat e iriqit mbesin gjemba të pa krasitura”. Bota ec me minuta ne proceset e zhvillimit, shqiptaret kanë mbetur me tepsi në dorë duke e cituar “Profetin Muhamet para 1000 vitesh” Vitet po ikin ,shekujt po ikin , bota dhe popujt tjerë po ikin me kohën. Ne shqiptarët kemi mbet i vetmi popull duke vrapuar pas fesë duke e nxitur popullin deri në luftë civile pa ec edhe një milimetër përpara nga gjendja e kohës së predikuesit fetar Muihamet për atë kohë të përshtatshme me rrethanat e zhvillimit të shoqërisë !!!???…
Miqtë tanë si amerikanet ,gjermanë, austriakët ,britanikët ,izraelitët etj kanë krijuan një dilemë se çka të veprohet me këtë popull, aq vetëvrasës aq brutal kundër vetvetes!!!… Sugjerimet tona janë se uniteti dhe faktori shqiptar qe sot është në tokat dhe shtëpitë e veta nuk guxojnë as KFOR- istët pro serb, ti ndalojnë , as folkloristët shqiptarë , as mercenarët e krahut ekstrem ,as ish pushtuesit e djeshëm as të kuq e as te zi, sepse u rrezua ish Jugosllavia dhe bashkë me te edhe Serbia , qe po përpiqet ta zgjas sa do pak zvarritjen e vetëvendosjes së popullit shqiptar.
-Nuk ka më konfederatë sllave,qe i pushtuan shqiptaret se cili ma keq e ma barbarisht se tjetri . Nuk ka më as Serbi , pos një province që të huajt e mendojnë disi si ish Jugosllavi apo trashëgimtare e saj ?.
-Tregtia jo legjitime e mallrash qe i lejojnë pa ligj e vetëm ne interesin e një klani ,apo ministrie pro serbe e pro zyrash të huaja pro sllave me mjekra, e pa to, me lesh e pa lesh talibanik, që po e cenojnë edhe shëndetin e qytetarit kosovar është për ta gjykuar dhe ndaluar sa ma parë?!. Ata po harrojnë se populli i shtypur, i ish pushtuar nga gjenocidi serbe apo osman të ndihmuar nga (pobratimat e tyre shqiptar) do te mbesin ata qe vendosin për fati e popullit shqiptar , jo jo kësaj here dhëmbet do tu mbesin të thyer në gozhda , se ky popull ka potencial, aftësi ,vullnet dhe dije , që t’i del vetvetes zot . Populli do ti ndëshkoj të gjithë skenarët që për hatër te Serbisë dhe pro serbe si ELKO-s, ETC, me liderët e vetë , po e përgjakin popullin tonë , po ngrisin probleme artificiale: si “Kopshte me lulishte të betonuara” që të tërhiqet vëmendja e të kushtetoj edhe një mandat pushteti mizor e dinak të hapur me Bogolub – Braça Karić etj me pobratimat e vet shqiptar !?.
-Kjo po shihet nga Aeroplani që mbjelljet ishin të sponzoruara 50 % nga liderët shqiptar e 50% nga liderët serb. Pra, pa ujitjen e kompanisë qeveritare të Kosovës,zor se do t’i përballojnë thatësisë ato pisha e lule e betonuara mbi urën e qytetit të Mitrovicës tonë… Shtrohet pyetja pse?.Sepse aty është rrugë e popullit shqiptar që do të përqendrohet në eurozonë, pasi qe ishim para shume mbeturinave sllave si popull i lashte e me vlera rajonale. Edhe sot e kësaj dite po terrorizohet populli i ynë , siç po ndodh në Maqedoni me vëllezërit tanë, ne Mal te Zi, Serbi dhe në Greqi.
-Problem në vete në kohët e fundit kanë krijuar edhe myslimanët fantazma në Kosovë, apo fundamentalizmi islamik mbeti tej mesjetës si një filozofi e çoroditur ,që po ky sekt qeveritar e mbolli në tokën e Kosovës, duke prodhuar një serë grupesh militante terroriste islamike me një ekstrem të pa parë që për çdo ditë shkojnë si qeni ne rrush në luftën e Sirisë e gjetiu .
Këta në këtë 10 vjeçar vranë në mënyrën me mizore, me mizorisht se sa shtazët e egra të xhunglës. Pra vdiqën miliona veta edhe në dëme te mëdha të kulturat dhe popujt tjerë sidomos ata te Azisë . Një peshë të fajit dhe sherr patën edhe polli ynë nga fondet e krijuar në Rusi- Beograd e Londër apo shtetet arabe nga dy tre Sheikë të pasur në lobin ruso-serbo -sllav, kundër perëndimit në përgjithësi dhe kundër popullit shqiptar!!!.
Një farë mënyre tek populli ynë kanë krijuar një skandal të madh të përçarjes “përçaj e sundo”. Ku i dimë shumë mirë edhe pasojat vandaliste si në Amerikë në ndërtesat binjake, në Angli në Londër, në stacionin e trenit në Spanjë, në Itali, dhe katastrofa me çnjerëzore e mijëra familjesh të vrara me eksplozive as pa i njohur fare vetëm se ishin me mendime te kundërta po edhe grupi i kundërt në besimin fetar. Shkurt model i terrorizmit ndërkombëtar , po financohet edhe në Kosovë nga militant antishqiptar me qëllim të vrazhda për ta zhbërë popullin liridashës shqiptar nga vlerat e veta shekullore !!!???…

-Ne ja arritëm qëllimit në këtë shekull, ta kthejmë Shqipërinë normale ne ri-bashkim që duhet një proces ceremonial edhe formal ta shpallim bashkimin kombëtar me një shtet gjuhë dhe komb nga akademikët dhe intelektualët tanë, lart duart militantet e pa shkollë dhe ordiner qe e shëmtuan popullin deri në gremine dhe pa siguri me një varfëri të pa imagjinuar!!!???…

Nga autorët e ish të burgosurit politik dhe publicistët nga Shtutgardi Gjermanidhe LLugano Zvicër Korrik 2014