Politike – Page 549 – Dielli

LISTA E KANDIDATEVE TE PD- REPUBLIKA E RE PËRJASHTON REBELËT ANTI CADER

May 27, 2017 by dgreca

-Sakrifikohen zërat kundër, u jepen aleatëve të vegjël 8 kandidatë në zona të sigurta/

Tirane- Lista e kandidatëve për deputetë e Partisë Demokratike, atë që Lulzim Basha i quan mbështetës të Republikës së Re ka befasuar gjithashtu me emrat e rinj, rikthim të disa personaliteve të partisë, si dhe ruajtjen e disa të vjetërve si Flamur Noka, Genc Strazimi, Genc Pollo, Eduard Halimi e Aldo Bumci.Lista e qarkut Tiranë kryesohet nga Lulzim Basha. Ish kryeministri Berisha është në të gjithashtu në të njëjtin qark, por emri i 7-të, pas Bashës dhe 5 zonjave.Në këtë qark befason emri i dytë pas Bashës, Orjola Pampuri psikologia dhe pedagogia e paangzhuar më parë në Partinë Demokratike. Dhe përfshirja e vajzës së Azem Hajdarit në këtë listë e renditur si e treta.Mjeku Gjinekolog Halim Kosova kërkon rikthimin në parlament pas betejes së humbur për të drejtuar Bashkinë e Tiranës.I rikthyer në PD është edhe Enkelejd Alibeaj i cili kryeson listën e Fierit pas kontributit të dhënë si ekspertë i reformës në drejtësi në këtë parti.

Në Gjirokastër, Lista kryesohet nga Tritan Shehu. Mjeku anestestezistë rikthehet në parlement ndërsa është i njohur në këtë parti si ish kryetar, ish zv kryministër dhe ministër i Shëndetësisë.Ka suprizuar dhe lista në Korçë. Gjergji Papa nuk është kandiduar më dhe është zvëndësuar nga historiania Valentina Duka.Ndërsa në qarkun Shkodër dhe Vlorë dy kryetarët e kësaj partie Ramiz Coba dhe Hariz Mema janë renditur të fundit në listë, që do të thotë me pak mundësi për të qënë fitues.Në listën Basha janë larguar 7 zonja që ishin në këtë legjislaturë në parlament dhe janë vetëm 15 të kandiduara për Republikën e Re, ndërsa rivalët kryesor politikë kanë numrin më të lartë të kandidatëve femra; PS 58, LSI 65 Dhe 12 Sfida e Bojaxhi,Ndërsa sipas FRPD më shumë mundësi u është dhënë të rinjëve.

Te perjashtuarit

Jozefina Topalli
Majlinda Bregu
Eduard Selami
Ridvan Bode
Astrit Patozi
Arben Imami
Keltis Kruja
Enno Bozdo
Asllan Dogjani
Kastriot Islami
Myqerem Tafaj
Bedri Hoxha
Roland Keta
Igli Cara
Kosma Dashi
Bedri Mihaj
Arbiola Halimi
Genc Ruli (nuk kandidoi vetë)
Eleina Qirici
Gjergji Papa
Mimoza Hajdarmataj
Albina Deda
Gjovalin Bzhetaj
Irma Kopliku

REAGIMET E TE LARGUAREVE

Majlinda Bregu: Gjithsesi tashmë është mbyllur një tjetër kapitull i jetës sime politike në Partinë Demokratike, për të nisur, sigurisht, një kapitull i ri, pa pikë dyshimi në PD dhe dhe me PD e Shqiptarëve Demokratë të Vërtetë!Jashtë listës së Lulzim Bashës e atyre që nuk lanë gjë pa bërë e thëne, sepse e deshën PD-në jashtë zgjedhjeve. Jashtë grupimit qe s’tha asnjë fjalë ose më saktë thanë bëma e bënë gjëma, për të justifikuar absurdin se PD jashtë zgjedhjeve kishte nisur ndërtimin e kantierit të Republikës së Re!!!

Përmes një artikulli të gjatë, Astrit Patozi, shpreh keqardhjen për mënyrën se si është katandisur sipas tij ambjenti politik në vend.

Në lidhje me përjashtimin nga lista pas kontributit të tij të gjatë në PD, Patozi thotë se asgjë nuk është rastësi, paralajmërimin për këtë gjë sipas tij e ka dhënë kundërshtari politik Edi Rama në seancën e fundit parlamentare.

ASTRIT Patozi: Per ironi te fatit, paralajmerimin e fundit per sa ndodhi ma dha kryekundershtari yne ne seancen e fundit te parlamentit, i cili vuri ne dyshim vijimesine time si deputet pas shtatorit. Sigurisht, nuk jam as paranojak dhe as delirant qe te mendoj se ka nje komplot nderkombetar ndaj meje ose dikujt tjeter apo qe Edi Rama e ka shtrire marreveshjen me PD-ne deri tek listat e deputeteve te saj.

Ndaj me duhet ta falenderoj edhe kryeministrin joteknik, qe e parashikoi sakte, pavaresisht se e lehte duhet te jete qene per te. Jo thjesht per shkak te marreveshjes, endrrat e Republikes se Re me ato te “Rilindjes” ngjajne. Madje, ka raste qe ato jane e njejta gje.

Nga ana e saj Jozefina Topalli deri tani ka reaguar me heshtjen duke u ndalur vetëm tek një urim për muajin e Ramazanit

LISTA E TIRANES
Lulzim Basha
Oriola Pampuri
Rudina Hajdari
Grida Duma
Albana Vokshi
Jorida Tabaku
Sali Berisha
Halim Kosova
Gent Strazimiri
Fatmir Mediu
Dashamir Shehi
Gerti Bogdani
Fuad Haxhiymeri
Blendi Sula
Flamur Hoxha
Fatbardh Plaku
Dorjan Teliti
Besnik Fucia

LISTA E DURRESIT
Oerd Bylykbashi
Fatbardha Kadiu
Edi Paloka
Florjon Mima
Agron Duka
Vullnet Topalli
Enri Ceno
Shkelqim Fortuzi

LISTA E SHKODRES
Romeo Gurakuqi
Izmira Ulqinaku
Lorenc Luka
Helidon Bushati
Nard Ndoka
Bardh Spahia
Anton Koka
Ramiz Coba

LISTA E VLORES
Agron Shehaj
Nada Mecorapja
Vangjel Dule
Arben Ristani
Dashamir Tahiri
Adriatik Alimadhi
Hariz Mema

LISTA E KUKESIT
Flamur Noka
Isuf Cela
Alban Zeneli
Miftar Dauti

LISTA E GJIROKASTRES
Tritan Shehu
Roland Bejko
Kosta Barka
Besnik Aliaj

LISTA E DIBRES
Dhurata Cupi
Xhemal Gjunkshi
Edmond Isaku
Sulejman Gjana
Denisa Vata

LISTA E FIERIT
Enkeleid Alibeaj
Genc Pollo
Myslym Murrizi
Luan Baci
Olsi Cuko
Luljeta Sejko
Dilaver Kamberaj
Jakup Beqiraj
Shkelqim Krasniqi
Aurora Koroveshi

LISTA E KORÇES
Valentina Duka
Ervin Salianji
Hekuran Hoxholli
Klevis Balliu
Andrea Mano
Ligoraq Karamelo
Fatmir Guda

LISTA E BERATIT
Eduard Halimi
Astrit Veliaj
Lefter Maliqi
Besart Xhaferi
Sazan Guri
Bujar Hoxha
Myslym Haxhi

LISTA E LEZHES
Aldo Bumci
Lindita Metaliaj
Anton Frrokaj
Martin Bibaj
Prec Zogaj
Luigj Gjergji
Enkeleida Rica
Klajdi Reci

LISTA E KUKESIT
Flamur Noka
Isuf Cela
Alban Zeneli
Miftar Dauti

LISTA E ELBASANIT
Edmond Spaho
Endri Hasa
Luciano Boci
Taulant Zeneli
Arben Elezi
Fitim Zekthi
Nada Krypa
Blendi Himci

Aleatet ne listet e PD
Pas negociatave të gjata ndoshta dhe lufte nervash me ndonjë nga aleatët, kreu demokrat Lulzim Basha arriti të bindë 5 nga aleatët e tij të jenë pjesë e listave të PD-së duke kënaqur më shumë ndonjërin prej tyre.

Nga Partia Agrare Ambjentaliste
Agron Duka renditet i 5 -ti në listën e PD-së në Durres.Fuad Haxhiymeri renditet i 13-ti në listat e PD-së në Tiranë. Olsi Cuko renditet i 5-ti në listat e PD-se ne Fier

Nga Partia Republikane
Fatmir Mediu renditet i 10-ti në listat e PD-së në Tiranë
Blendi Sula renditet i 14-ti në listat e PD-së në Tiranë

Nga LZHK
Dashamir Shehi rendite i 11-ti në listën e PD-së në Tiranë.

Nga PBDNJ
Vangjel Dule renditet i 3-ti në listën e PD-së në Vlorë
Nga PDK
Nard Ndoka renditet i 5-ti në listën e PD-së në Shkodër

LORIK CANA NE KLINIKEN ILLYRIA NE BRONKS

May 25, 2017 by dgreca

NYS Assemblyman Mark Gjonaj will be welcoming Albanian National Soccer Team Player and Pride, Lorik Cana in a meet and greet with adolescent admirers in Illyria Clinic at the NYC Health + Hospitals/

Meet and Greet Lorik Cana

Bronx. NY – NYS Assemblyman Mark Gjonaj will be welcoming Albanian National Team Player, Lorik Cana on Friday, May 26, 2017 at 4pm, to meet with adolescents admirers in the Illyria Clinic, Building 1, 4^th Fl. Jacobi CEO Chris Mastromano will also be on hand to greet Mr. Cana.

“We take pride in Illyria Clinic, an outpatient clinic established by Jacobi in the summer of 2000, in an effort to help new immigrants and refugees from the war in Kosova and the Balkans. The health issues that face immigrants are similar to those faced by the general population, but are often magnified by the lack of health insurance, language gaps and so many more.” says Assemblyman Gjonaj.

“During the first six years Illyria’s pediatricians saw large numbers of reserved, shy, and traumatized children who even feared entering new schools. Their new schoolmates came from lands that were simply unknown. We tried to persuade the kids to make friends by joining the sports teams. Soon enough the Albanians with their advanced soccer skills, joined the Hondurans, Mexicans, Africans and others, in the fields and schools. We owe this in great part to the unwitting mentorship of players like Lorik Cana.” says Dr. Alan Ross of Illyria Clinic.

Lorik Cana an inspiration to so many young adults, made his international football debut at the age of 19. After playing in top divisions in France, England, Italy, and Turkey, he came back to lead the Albanian National Team in its first major international competition, the 2016 UEFA European Championship.

The Kosova American Education Fund (KAEF), an education group established by American Councils for International Education, has invited Cana to the US. KAEF provides fellowships to promising Kosovars to attend top-level graduate studies at U.S. universities.

For more information contact Vera Mjeku at 914-309-9757.

Trumpi viziton Brukselin

May 25, 2017 by dgreca

Nga Bernd Riegert/dojce welle/

Trumpi e ka akuzuar NATO-n se bën pak për të luftuar terrorizmin dhe e konsideron BE-në si të parëndësishme.

Belgien Trump not welcome Marsch durch Brüssel | Anti-Trump aber Pro-America (DW/M. Christoph)

Presidenti i SHBA-së Donald Trump po qëndron për një vizitë në Bruksel, të cilin pas sulmeve terroriste në mars 2016 e quajti “vrimë skëterre”, sepse 60% e banorëve të Brukselit janë me origjinë emigracioni. Pas pritjes me bandë dhe qilim të kuq në aeroport ai pati një takim me mbretin Philippe dhe kryeministrin belg Charles Michel. Pas takimit ata nuk dolën para shtypit.

Konflikte të pashmangshme me BE-në

Sot (25.05) nis programi i vizitës zyrtare. Trumpi do të takohet shkurtimisht me krerët e BE-së, Donald Tusk dhe Jean-Claude Juncker, sepse ai e konsideron BE-në si të parëndësishme. Ai do që të lidhë marrëveshje tregtare me secilin shtet më vete. Po kjo nuk lejohet prej ligjeve të BE-së, sikurse e sqaroi kancelarja Merkel Trumpin gjatë vizitës së saj në Uashington. Pasdite Trump-i do të takohet me presidentin e ri francez Emmanuel Macron për të biseduar për marrëveshje tregtare.

Protesta kundër Trumpit në Bruksel

Qëndrimi ndaj NATO-s

Më tej ai do të marrë pjesë në inagurimin simbolik të qendrës së re të NATO-s. Trumpi e ka akuzuar NATO-n se bën pak për të luftuar terrorizmin. Por shumë shtete të NATO-s e mbështesin prej kohësh SHBA-në në koalicionin anti-terror. Për shembull me sulme ajrore ndaj pozicioneve të IS-it.

Belgien Trump in Brüssel (picture alliance/dpa/B. Doppagne)

SHBA-ja do të vazhdojë t’i mbështesë shtetet anëtare në rast nevoje, por presidenti Trump kërkon prej shteteve anëtare që t’i shtojnë buxhetet për mbrojtjen në masën 2% të prodhimit të brendshëm bruto. Diplomatët e NATO-s theksojnë se shtetet anëtare e synojnë një gjë të tillë, por ato nuk janë dakord me pretendimet e presidentit Trump që disa shtete i kanë borxhe të mëdha NATO-s. Sipas tyre NATO nuk është bankë dhe nuk ka buxhet të përbashkët mbrojtjeje.

Protesta kundër Trumpit në Bruksel

Të mërkurën në qendër të Brukselit u mblodhën disa mijëra demonstrues. Demonstruesit kërkuan mbrojtjen e të drejtave të grave në SHBA dhe respektimin e lirive fetare nga Donald Trump, i cili dëshiron t’u ndalojë kryesisht myslimanëve dhe refugjatëve sirianë të hyjnë në SHBA. Për të garantuar sigurinë e Donald Trumpit dhe të familjes së tij janë angazhuar 4000 policë dhe 400 punonjës të Shërbimit Sekret të SHBA-së.(DW)

Ballkani me probleme të shumta dhe shpresa të mëdha

May 25, 2017 by dgreca

Përfaqësuesja e BE për Politikën e Jashtme, Federica Mogherini takoi mbrëmë në Bruksel liderët e vendeve të Ballkanit. Një takim përgatitor për samitin e Triestes dhe shans për shqyrtimin e perspektivës evropiane.

Shqipëria dhe Kosova u përfaqësuan në këtë takim joformal me kryeministrat në detyrë, Edi Rama dhe Isa Mustafa, Serbia me një kryeministër që së shpejti do të marrë postin e Presidentit, ndërsa Maqedoninë e përfaqësoi mandatari i qeverisë së re, Zaev.

Vendet e vetme të përfaqësuara me kryeministra “të plotfuqishëm”, ishin Mali i Zi dhe Bosnje-Hercegovina. Por përfaqësuesja e BE për Politikë të Jashtme, Federica Mogherini pretendon që edhe në këtë format të nxisë procesin e bashkëpunimit rajonal dhe të kontribuojë në zbutjen e problemeve të shumta mes vendeve atje.

Informaliteti i Edi Ramës

Kryeministri i Shqipërisë, Edi Rama, erdhi në takim me veshje joformale dhe nuk dha ndonjë deklaratë para takimit me Mogherinin. Por veshja e tij joformale la përshtypje të madhe tek të gjithë gazetarët e shumtë nga të gjitha vendet e Ballkanit dhe ishte ndër temat më të komentuara anësore.

Pas darkës së përbashkët me Mogherinin, Isa Mustafën nga Kosova, Aleksandar Vuçiqin nga Serbia, Denis Zvizdiqin nga Bosnje-Hercegovina, Zoran Zaevin nga Maqedonia dhe Dushko Markoviqin nga Mali i Zi, kryeministri i Shqipërisë në veçanti nënvizoi nevojën e bashkëpunimit rajonal dhe afrimit të vendeve të rajonit me Bashkimin Evropian.

Shqipëria do të kërkojë me një zë hapjen e negociatave

Sa i përket çështjeve të brendshme në Shqipëri, Rama tha se nuk është biseduar për to. “Por pas zgjedhjeve të 25 qershorit, qeveria dhe opozita do të kërkojnë me një zë hapjen e negociatave për anëtarësim në BE”. Rama tha se nuk mjafton vetëm vullneti i vendeve të Ballkanit për afrim me BE, por edhe Evropa duhet ta tregojë këtë vullnet. Sa i përket Shqipërisë dhe rrugës së saj në këtë drejtim, ai mendon se dy momente janë shumë të rëndësishme: zgjedhjet e 25 qershorit në Shqipëri dhe zgjedhjet në Gjermani, më 24 shtator.

Kosova në atmosferën zgjedhore

Kryeministri i Kosovës, Isa Mustafa deklaroi pas takimit bilateral me Mogherinin se me zonjën Mogherini ka biseduar për bashkëpunimin e deritanishëm, por edhe për çështje, të cilat i presin Kosovën në të ardhmen. “Unë shpreha përkushtimin që Kosova, pa marrë parasysh se kemi hyrë në procesin e zgjedhjeve, do të ndjekë rrugën dhe perspektivën evropiane.”

“Mbetemi të përkushtuar për bashkëpunimin rajonal dhe për avancimin e raporteve tona me vendet e Ballkanit Perëndimor”, theksoi Mustafa.

Zoran Zaev (Picture alliance/AP Photo/B. Grdanoski)

Mogherini ishte e interesuar që në Kosovë të vazhdojnë proceset e nisura, pavarësisht faktit që ky vend është futur në fushatën parazgjedhore. Nërsa kryeministri, Isa Mustafa theksoi se “ne duhet të marrim disa vendime të rëndësisë themelore, siç janë demarkacioni, asociacioni dhe dialogu”. Partia Lidhja Demokratike e Kosovës, sipas kryeministrit në largim do të “mbetet e përkushtuar që këto procese të shkojnë përpara, sepse nuk ka rrugë tjetër, e cila siguron liberalizimin e vizave.”

Demarkacioni kusht për liberalizimin

Mustafa theksoi se “demarkacioni mbetet kusht për liberalizimin e vizave”. Ndërsa lidhur me deklaratat e kandidatit për kryeministër, Ramush Haradinaj, se brenda 3 muajve do të mund të bëhej liberalizimi i vizave, Mustafa tha: “Në qoftë se z. Haradinaj ka gjetur ndonjë instrument tjetër ai mund ta bëjë, por sa po shoh unë këtu në BE nuk ka ndryshim të qëndrimeve të tyre. Prandaj edhe në qoftë se sot do të ratifikohej nuk do të arrihet për 3 muaj të bëhej liberalizimi e jo më ratifikimi. Janë deklarata populiste, deklarata të fushatës”.

Vuçiq dhe problemet e Serbisë me Haradinajn

Kryeministri i Serbisë Aleksandar Vuçiq mendon se është mirë që Mogherini i ka ftuar liderët e vendeve të Ballkanit Perëndimor në takim. “Me rëndësi është që të ruhet paqja dhe stabiliteti në rajon. Para nesh është një periudhë e vështirë, kur dihet se kryeministri i ri i Kosovës gati me siguri do të jetë Ramush Haradinaj”, theksoi Vuçiq.

Ai tha se për Serbinë është shumë me rëndësi që “të ruajë qetësinë dhe stabilitetin”. “Kjo deklaratë duket si frazë e pakuptimtë, por para nesh gjendet një periudhë e vështirë”, theksoi Vuçiq, i cili mendon se “është gati e sigurt që Haradinaj do të jetë kryeministri i ri i Kosovës”.

Spannungen zwischen Servien und Kosovo (picture-alliance/AA/Kosovan Prime Ministry)

“Kjo sjell vështirësi dhe probleme të reja. Situata nuk është fare e lehtë dhe e thjeshtë, por besoj se do t’i tejkalojmë këto vështirësi”, tha ai. Vuçiq pohon se “ndaj Serbisë ekzistojnë aktualisht presione të ndryshme për përshpejtimin e procesit të zgjidhjes së çështjes së Kosovës”.

Maqedonia në prag të qeverisë së re

Mandatari i qeverisë së re në Maqedoni Zoran Zaev erdhi në Bruksel me një ekip shumë të vogël, por sipas burimeve tona, ai është pritur jashtëzakonisht mirë nga Mogherini dhe ishte ndër më të kërkuarit nga mediat. Në një intervistë për Deutsche Wellen, Zaev tha se shpreson që vendi i tij do të kthehet në rrugën e basnhkëpunimit edhe më të ngushtë me BE dhe se do të vazhdojë procesi i negociatave, për shkak se vendet e tjera të rajonit e kanë tejkaluar Maqedoninë, ndonëse ajo ka nisur negociatat në vitin 2005.

Por Maqedonia së pari duhet të bëjë konstituimin e të gjitha institucioneve. Zaev mendon se përbërjen e re të kabinetit qeveritar mund ta prezantojë javën që vjen. Sa i përket negociatave me partnerët shqiptarë, ai tha se më së shumti dallime ka aktualisht me Besën, por shpreson se edhe këto dallime do të tejkalohen dhe se do të krijohet një koalicion i qëndrueshëm, i cili jo vetëm që mund të zgjedhë qeverinë, por të vazhdojë edhe zbatimin e reformave. Zaev shprehet i bindur se në të ardhmen nuk do të ketë dhunë në Parlament, siç ndodhi pas seancës së fundit.

Vëzhguesit e zgjedhjeve “mësyjnë” Kosovën

May 25, 2017 by dgreca

Organizata të shumta vendore dhe ndërkombëtare kanë paralajmëruar se do të vëzhgojnë nga afër procesin e zgjedhjeve të parakohshme parlamentare, që do të mbahen më 11 qershor në Kosovë./

Nga Luljeta Krasniqi-Veseli/

Përfaqësues të Komisionit Qendror të Zgjedhjeve thonë se ende nuk dihet numri i saktë i vëzhguesve që do të përcjellin këtë proces, pasi që afati për aplikim, i filluar më 11 maj do të përmbyllet më 4 qershor.

Deri më tani, sipas zëdhënësit të Komisionit Qendror të Zgjedhjeve, Valmir Elezi, pritet që Bashkimi Evropian të angazhojë rreth 100 vëzhgues të procesit zgjedhor në Kosovë.

“KQZ ka nënshkruar një memorandum bashkëpunimi me Bashkimin Evropian dhe presim që të kemi 100 vëzhgues vetëm nga Bashkimi Evropian, të cilët do të jenë prezent për të përcjellur procesin zgjedhor në ditën e zgjedhjeve, por edhe me herët, gjatë përgatitjeve për ditën e zgjedhjeve”.

“Ne ende nuk e dimë numrin e përgjithshëm të vëzhguesve, qoftë nga subjektet politike, organizatat joqeveritare vendore dhe organizatat ndërkombëtare, pasi po presim përfundimin e procesit të aplikimit dhe akreditimit të këtyre vëzhguese nga ana e KQZ-së”, ka thënë Elezi për Radion Evropa e Lirë.

Vëzhgimi i zgjedhjeve, sipas Elezit, për Komisionin Qendror të Zgjedhjeve është i domosdoshëm, pasi që do të ndikonte në integritetin dhe rritjen e besueshmërisë në procesin zgjedhor.

Presidenti i Kosovës, Hashim Thaçi

Vëzhgues të zgjedhjeve nga ana e Bashkimit Evropian kishte kërkuar edhe Presidenti i Kosovës, Hashim Thaçi, në ditën kur kishte shpallur datën e zgjedhjeve.

Vëzhgimin e zgjedhjeve të parakohshme parlamentare të 11 qershorit, do ta bëjë edhe organizata vendore, koalicioni i organizatave joqeveritare, “Demokracia në Veprim”.

Albert Krasniqi, analist nga Instituti Demokratik i Kosovës, i ka thënë Radios Evropa e Lirë se në këto zgjedhje, nga ana e këtij koalicioni, do të jenë të angazhuar mbi 2500 vëzhgues.

“Demokracia në veprim është një koalicion i gjerë i organizatave vendore, të përkushtuara në sigurimin e integritetit të procesit zgjedhor në Kosovë; të sigurohemi që vota e cila hidhet nga qytetarët në kutinë e votimit nuk deformohet dhe nuk shkon aty për ku nuk e ka pasur destinacionin”.

“Edhe në këto zgjedhje do të mbulojmë të gjitha vendvotimet. Po presim që të jenë diku rreth 2500 vendvotime në tërë territorin e Kosovës, ndonëse ende nuk është certifikuar numri përfundimtar”, thekson Krasniqi

Gjatë dy proceseve paraprake zgjedhore, në ato lokale të vitit 2013 dhe zgjedhjet parlamentare të vitit 2014 në Kosovë, thekson Krasniqi, procesi i zgjedhjeve ka avancuar shumë, për sa i përket procesit të administrimit dhe mbarëvajtjes së zgjedhjeve, megjithë parregullsitë e vogla të cilit ishin shënuar.

“Mund të mburremi që kemi pasur zgjedhje të mira, mirëpo sado që ka avancuar procesi i administrimit të zgjedhjeve, kanë avancuar edhe teknikat e partive politike për manipulimin e rezultateve”.

“Pra nuk është që manipulimi ndodhë vetëm në datën e zgjedhjeve, është një proces që ndodh edhe më herët, siç është për shembull vota klienteliste, fotografimi i votës dhe mënyra të tjera”, thekson Krasniqi.

Disa nga parregullsitë, të cilat ishin evidentuar nga vëzhguesit në zgjedhjet parlamentare të vitit 2014 ishin votimet familjare, fotografimi i votës dhe presioni ndaj votuesve për të kuptuar se për kë kanë votuar.

Ndryshe, zgjedhjet e parakohshme parlamentare pasuan mocionin e mosbesimit për qeverinë, të votuar nga shumica e deputetëve të Kuvendit të Kosovës.(FRL)