Pentagoni do të ofrojë kompensime për të afërmit e të vrarëve e të plagosurit nga sulmi ajror amerikan mbi Spitalin e Kunduzit të drejtuar nga organizata humanitare mjekët pa kufij.
Të paktën 22 pjesëtarë stafi e pacientë, humbën jetën nga bombardimet e një jave më parë.
Uashingtoni pretendon se goditja e spitalit ndodhi gabimisht gjatë përpjekjeve për të shënjestruar kryengritësit talebanë. Por organizata mjekësore e quajti ngjarjen “krim lufte” kërkon zhvillimin e një hetimi të pavarur nga një komitet ndërkombëtar në Zvicër, i cili që prej krijimit të tij deri më sot nuk është përdorur kurrë.
Sqarim: -pse e dhamë në faqet e “Diellit” këtë lajm?
Tashmë mediat shqiptare, qoftë ato të shkruara ose vizive kanë akses të japin cdo lajm qe lidhet me popullin ose shtetin amerikan. Madje deri ato për ngordhjen e një qeni apo zogu në “x” provincë ose rrugicë të Amerikës. Transparenca e demokracisë dhe shtetit amerikan arrin deri atje sa të pranojë përgjegjsinë kur ndodhin gabime gjatë luftimeve e konflikteve, gjë që nuk e gjen në asnjë ushtri të botës sot. Provo i dashur gazetar të marësh një infromacion të tillë në ushtrinë ruse, kineze, koreanoveriore, apo vende të tjera. Kanë ndodhur gjëra të tmershme kudo në botë, të cilave mediat shqiptare dhe botërore nuk i qasen dot. {Sh.K}
Kosovë-Serbi, raundi 29-të kryeministror në Bruksel
-Takimi në darkë, të marten e 13 tetorit, ka për qëllim të shqyrtojë përparimin e dialogut mes palëve dhe rrugën përpara/
-Kosova dhe Serbia në procesin drejt normalizimit të marrëdhënieve, të kryesuar nga BE e mbështetur nga SHBA, takimin e parë kryeministror në Bruksel e kanë zhvilluar para tre vitesh, në 19 tetor 2012/
-Në zhvillimet e pas raundit 28-të të dialogut në nivel të lartë kryeministror, opozita kosovare me “aksione simbolike” në Kuvendin e Kosovës e jashtë tij dhe me një peticion të organizuar është duke kërkuar që “qeveria të tërheqë menjëherë nënshkrimin nga katër marrëveshjet me Serbinë të datës 25 gusht/
Nga Behlul Jashari/ PRISHTINË, 11 Tetor2015/ Kryeministrat e Kosovës e Serbisë në procesin drejt nomalizimit të marrëdhënieve pritet të takohen të martën në Bruksel në raundin e 29-të të dialogut në nivel të lartë kryeministror, të nisur në tetorin e para tre viteve me raundin e parë, që pasonte nisjen bisedimeve teknike.
Takimi paralajmërohet sot nga media në Beograd, ndërkohë që në 9 tetor njoftimet nga Brukseli bënin të ditur se, Shefja e Politikës së Jashtme të Bashkimit Evropian, Federica Mogherini, ndërmjetësuese e bisedimeve, ka ftuar në një darkë joformale, javën e ardhshme, kryeministrat e Kosovës dhe të Serbisë, Isa Mustafa e Aleksandar Vuçiç.
Siç ka bërë të ditur Bashkimi Evropian, takimi ka për qëllim të shqyrtojë përparimin e dialogut mes palëve dhe rrugën përpara.
“Darka do të zhvillohet të martën, më 13 tetor, në Bruksel”, thuhej në njoftim.
Media serbe, sot duke iu referuar zëdhënëses së Mogherinit, Maja Kocijançiç, paralajmëron se tema e bisedimeve do të jëtë përparimi i deritashëm në dialogun në normalizimin e marrëdhënieve të Beogradit e Prishtinës dhe hapat e ardhshëm në zbatimin e Marrëveshjes së Brukselit.
Në Bruksel, kryeministrat Mustafa e Vuçiç të qeverive të reja të zgjedhjeve 2014 në të dy vendet, që u mbajtën më parë në Serbi e pastaj në Kosovë, do zhvillonjë takimin e gjashtë të tyre, ndërsa nga 28 raundet deri tash të dialogut Prishtinë-Beograd në nivel të lartë, 23 ishin mes kryeministrave të atëhershëm Hashim Thaçi e Ivica Daçiç.
Kosova dhe Serbia në procesin drejt normalizimit të marrëdhënieve, të kryesuar nga BE e mbështetur nga SHBA, takimin e parë kryeministror në Bruksel e kanë zhvilluar në 19 tetor 2012. Bisedimet në nivel kryeministrash kanë pasuar dialogun teknik, të filluar në 8 mars 2011, poashtu në Bruksel, ku në krye të delegacionit kosovar ishte Edita Tahiri atëherë zëvendëskryeministre, tash ministre e Dialogut.
Delegacioni i Republikës së Kosovës, i udhëhequr nga ministrja për Dialog, Edita Tahiri, qëndroi të premtën e 9 tetorit në Bruksel, ku mori pjesë në takimin e radhës të dialogut teknik me delegacionin e Serbisë në lidhje me procesin e zbatimit të disa prej marrëveshjeve ku janë shënuar ngecje dhe vonesa në proces. Ky takim ishte vazhdim i bisedimeve të filluara me 28 dhe 29 shtator, në të cilat kishte pasur disa përparime, por që ishte vlerësuar nevoja për të precizuar më tej hapat drejt përshpejtimit të procesit të zbatimit, bënte të ditur njoftimi i dërguar dje nga Kryeministria kosovare. Theksohej se, temat kryesore ishin Lëvizja e Lirë, Diplomat, funksionimi i Zyrave Ndërlidhëse dhe kthimi i dokumenteve kadastrale nga Serbia. Bisedimet u ndërmjetësuan nga BE, përkatësisht Shërbimi për Punë të Jashtme i Bashkimit Evropian.
Ndërsa, në zhvillimet e pas raundit të 28-të të dialogut në nivel të lartë kryeministror, opozita kosovare me “aksione simbolike” në Kuvendin e Kosovës e jashtë tij dhe me një peticion të organizuar është duke kërkuar që “qeveria të tërheqë menjëherë nënshkrimin nga katër marrëveshjet me Serbinë të datës 25 gusht”.
“Nuk mund dhe nuk do bëhet tërheqja e nënshkrimeve nga katër marrëveshjet Prishtinë-Beograd në Bruksel, që janë ndërkombëtare dhe që bazohen në ligjin e miratuar në Kuvendin e Kosovës për ratifikimin e Marrëveshjes së 19 prillit 2013”, ka theksuar qeveria kosovare.
Pas kthimit nga Brukseli, raundi i 28-të i dialogut me Serbinë në nivel të lartë kryeministror, Mustafa ka njoftuar në mbledhje të qeverisë dhe në konferencë shtypi se, “paketa e katërmarrëveshjeve të 25 gushtit 2015 përfshinë: marrëveshjen për kodin telefonik, marrëveshjen lidhur me heqjen e pengesave të Serbisë në zbatimin e marrëveshjes për energjinë, parimet themelore për themelimin e asociacionit të komunave me shumicë serbe dhe poashtu marrëveshjen lidhur me heqjen e barrikadave nga ura e Mitrovicës”.
“Këto marrëveshje janë në pajtim të plotë me Kushtetutën e Republikës së Kosovës dhe në pajtim të plotë me ligjet e Kosovës, ndërsa kanë të bëjnë me përmbushjen e detyrimeve tona që ne i kemi krijuar me Ligjin për Ratifikimin e Marrëveshjes së Parë, e aprovuar në Kuvendin e Kosovës në vitin 2013”, është shprehur kryeministri Mustafa.
“Vendimet e kryeministrit dhe vartësve të tij do të rezultojnë në ndarjen etnike të Kosovës, duke formalizuar dhe legalizuar ndikimin politik të strukturave ilegale të Serbisë mbi një pjesë të territorit të Kosovës, që nuk është në interes as të shqiptarëve e as të serbëve”, shkruanin tre subjektet opozitare, LVV, AAK e Nisma, në një letër të përbashkët drejtuar qytetarëve të Republikës së Kosovës, në 9 tetor.“Kryeministri Mustafa ka për obligim kushtetues, qytetar dhe kombëtar të tërhiqet nga ato marrëveshje të dëmshme dhe të pazbatueshme”, thuhej në letrën e opozitës.
“Nuk mund dhe nuk do bëhet tërheqja e nënshkrimeve nga katër marrëveshjet Prishtinë-Beograd në Bruksel, që janë ndërkombëtare dhe që bazohen në ligjin e miratuar në Kuvendin e Kosovës për ratifikimin e Marrëveshjes së 19 prillit 2013”, ka theksuar qeveria kosovare.
Pas kthimit nga Brukseli, raundi i 28-të i dialogut me Serbinë në nivel të lartë kryeministror, Mustafa ka njoftuar në mbledhje të qeverisë dhe në konferencë shtypi se, “paketa e katërmarrëveshjeve të 25 gushtit 2015 përfshinë: marrëveshjen për kodin telefonik, marrëveshjen lidhur me heqjen e pengesave të Serbisë në zbatimin e marrëveshjes për energjinë, parimet themelore për themelimin e asociacionit të komunave me shumicë serbe dhe poashtu marrëveshjen lidhur me heqjen e barrikadave nga ura e Mitrovicës”.
“Këto marrëveshje janë në pajtim të plotë me Kushtetutën e Republikës së Kosovës dhe në pajtim të plotë me ligjet e Kosovës, ndërsa kanë të bëjnë me përmbushjen e detyrimeve tona që ne i kemi krijuar me Ligjin për Ratifikimin e Marrëveshjes së Parë, e aprovuar në Kuvendin e Kosovës në vitin 2013”, është shprehur kryeministri Mustafa.
“Vendimet e kryeministrit dhe vartësve të tij do të rezultojnë në ndarjen etnike të Kosovës, duke formalizuar dhe legalizuar ndikimin politik të strukturave ilegale të Serbisë mbi një pjesë të territorit të Kosovës, që nuk është në interes as të shqiptarëve e as të serbëve”, shkruanin tre subjektet opozitare, LVV, AAK e Nisma, në një letër të përbashkët drejtuar qytetarëve të Republikës së Kosovës, në 9 tetor.“Kryeministri Mustafa ka për obligim kushtetues, qytetar dhe kombëtar të tërhiqet nga ato marrëveshje të dëmshme dhe të pazbatueshme”, thuhej në letrën e opozitës.
Sot, Në Armeni, lobim për Kosovën në UNESCO
-Samit me pjesëmarrje të afër 500 përfaqësuesve të vendeve anëtare të OIF/
Erevan, 11 tetor 2015/ Sot në Erevan, Armeni, ka filluar samiti i 31-të i Organizatës Ndërkombëtare të Frankofonisë (OIF), ku në mesin e pjesëmarrëseve është edhe Republika e Kosovës.
Zëvendësministri i jashtëm i Kosovës, Petrit Selimi, po merr pjesë në këtë samit. Është hera e parë që një zyrtar kosovar viziton këtë shtet në këtë nivel, ndërsa në fokus të delegacionit kosovar është lobimi për anëtarësim në Organizatën e Kombeve të Bashkuara për Arsimin, Shkencën dhe Kulturën (UNESCO).
Në samit po marrin pjesë afro 500 përfaqësues të vendeve anëtare të OIF, në mesin e të cilëve shumë liderë shtetesh dhe ministra të jashtëm, si dhe pjesëtarë të Sekretariatit të Përgjithshëm të kësaj organizate.
Zëvendësministri Selimi ka falënderuar shtetet frankofone për mbështetjen dhënë anëtarësimit të Kosovës në OIF. Selimi potencoi se Kosova, që prej se i është bashkuar kësaj organizate ka trefishuar numrin e diplomatëve frankofonë dhe ka festuar Javën e Frankofonisë.
Selimi gjithashtu ka kërkuar mbështetjen e Kosovës edhe në UNESCO sepse, sipas tij, izolimi i Kosovës nuk i kontribuon zhvillimit të arsimit, shkencës, kulturës dhe ekonomisë së Kosovës./b.j/
Kosovë-Serbi, në Bruksel takim për zbatim të marrëveshjeve
-Ministrja Tahiri ngriti çështjen e qëndrimit bllokues të Serbisë për tekstet shkollore që qeveria e Kosovës i ka dërguar për shqiptarët e Luginës së Preshevës, duke theksuar se bashkëpunimi për çështjet e dijes dhe të shkollimit është në interesin e të gjithëve dhe vlerësoi si shenjë jocivilizuese bllokimet e Serbisë, duke theksuar se do zbatohet reciprociteti nga ana e Kosovës/
PRISHTINË, 10 Tetor 2015/ Delegacioni i Republikës së Kosovës, i udhëhequr nga ministrja për Dialog, Edita Tahiri, qëndroi dje në Bruksel ku mori pjesë në takimin e radhës të dialogut teknik me delegacionin e Serbisë në lidhje me procesin e zbatimit të disa prej marrëveshjeve ku janë shënuar ngecje dhe vonesa në proces. Ky takim ishte vazhdim i bisedimeve të filluara me 28 dhe 29 shtator, në të cilat kishte pasur disa përparime, por që ishte vlerësuar nevoja për të precizuar më tej hapat drejt përshpejtimit të procesit të zbatimit, bën të ditur njoftimi i dërguar sot nga Kryeministria kosovare. Theksohet se,temat kryesore ishin Lëvizja e Lirë, Diplomat, funksionimi i Zyrave Ndërlidhëse dhe kthimi i dokumenteve kadastrale nga Serbia. Bisedimet u ndërmjetësuan nga BE, përkatësisht Shërbimi për Punë të Jashtme i Bashkimit Evropian.
Tema kryesore ishte lëvizja e lirë, përkatësisht zbatimi i reciprocitetit në çështjet e tabelave të regjistrimit të automjeteve. Ministrja Edita Tahiri me këtë rast rikonfirmoi qëndrimin e qeverisë së Kosovës për ta zbatuar reciprocitetin në çështjen e tabelave të automjeteve ku njoftoi se afati i fundit do të jetë fundi i tetorit. Ministrja Tahiri theksoi se pala e Kosovës ka vendosur ta shfrytëzojë të drejtën për reciprocitet që sigurohet nga Marrëveshja e lëvizjes së lirë e vitit 2011, duke potencuar se në qoftë se Serbia nuk i heq tabelat “prova” për automjetet e Kosovës me tabelat “RKS” atëherë Kosova do aplikojë masa reciproke ndaj automjeteve që vijnë nga Serbia. Po ashtu, ajo tha ky reciprocitet do të përfshijë edhe pagesat administrative për këto tabela si dhe dokumentin hyrje-dalje për qytetarët e Serbisë. “Lehtësimi i lëvizjes së lirë është në interes të qytetarëve, prandaj Serbia është dashur ta bëjë një gjë të tillë duke hequr këto pengesa, por nëse kjo gjë nuk do të ndodh, atëherë ne do të jemi të shtrënguar që ta zbatojmë reciprocitetin”, tha ajo.
Për çështjen e njohjes reciproke të diplomave universitare mes dy shteteve, në takimin e kaluar ishte arritur një marrëveshje me të cilën është hapur rruga e zhbllokimit të zbatimit të marrëveshjes për diploma të vitit 2011, por të cilën Serbia nuk e kishte zbatuar asnjëherë. Në takimin e djeshëm u dakordua që zbatimi të filloi në fund të tetorit dhe sipas marrëveshjes në periudhën prej 5 muajsh duhet të njihen të gjitha diplomat që janë në pritje të njohjes, rreth 400 prej tyre. Në të njëjtën kohë, Kosova do të bëjë njohjen e 14 diplomave që janë në pritje. Risi e marrëveshjes së arritur është që njohja e diplomave është zgjeruar, pra krahas njohjes së diplomave univeristare ( bachelor, master dhe doktoraturë) do të njihen edhe diplomat e shkollave të mesme dhe shkollave vokacionale/kualifikuese të të gjitha niveleve, sipas standardeve evropiane.
Në këtë takim, ministrja Tahiri ngriti çështjen e qëndrimit bllokues të Serbisë për tekstet shkollore që qeveria e Kosovës i ka dërguar për shqiptarët e Luginës së Preshevës, duke theksuar se bashkëpunimi për çështjet e dijes dhe të shkollimit është në interesin e të gjithëve dhe vlerësoi si shenjë jocivilizuese bllokimet e Serbisë, duke theksuar se do zbatohet reciprociteti nga ana e Kosovës.
Rreth çështjes së kthimit të dokumenteve kadastrale nga Serbia, është theksuar se Kosova duhet ta miratojë sa më shpejtë ligjin për Agjencinë Teknike për Krahasim dhe Verifikim të Pronës, sepse kjo do ta hap rrugën për kthimin e dokumenteve kadastrale që i ka marrë Serbia gjatë luftës. Po ashtu, u kërkua edhe nga Serbia që të përshpejtojë procesin e përgatitjeve për kthimin e tyre.
Ndërsa, në kuadër të bisedimeve për Zyrat Ndërlidhëse në të dyja shtetet u arrit pajtimi që të rriten hapësirat dhe stafi i tyre, ku BE u zotua që të ofroj hapësirë më shumë për to, duke qenë se zyrat ndërlidhëse janë në kuadër të zyrave të BE-së në dy vendet. Gjithashtu, kishte dakordim që të ketë një bashkëpunim më të mirë mes zyrtarëve ndërlidhës dhe qeverive përkatëse të vendeve pritëse, si dhe lehtësime në trajtimin e kërkesave për vizita por me kusht që zyrtarët që bëjnë vizita në shtetin tjetër të respektojnë parimet e dialogut të Brukselit për normalizimin e marrëdhënieve mes dyja shteteve. Në këtë kuadër, në vijim do të intensifikohen angazhimet që kryeministri i Republikës së Kosovës, Isa Mustafa, ta pres zyrtarisht në takim zyrtarin ndërlidhës të Serbisë në Kosovë dhe kryeministri i Serbisë Aleksandar Vuçiç ta pres zyrtarin ndërlidhës të Republikës së Kosovës në Serbi./b.j/
Kosova në një konferencë në Luksemburg për sfidën e refugjatëve
– Kosova dëshiron të jetë pjesë e projekteve për t’u marrë me këtë sfidë të re/
-Thaçi: Javën që shkoi ne morëm pjesë në samitin e kryesuar nga Presidenti Obama, në Kombet e Bashkuara, për të diskutuar mënyrat për luftimin e ekstremizmit të dhunshëm/
Luksemburg, 9 Tetor 2015/ Zëvendëskryeministri i Parë, njëherësh Ministër i Punëve të Jashtme i Republikës së Kosovës, Hashim Thaçi, ishte në mesin e liderëve evropianë që morën pjesë në Konferencën e Nivelit të Lartë për Mesdheun Lindor / Ballkanin Perëndimor në Luksemburg.
Në mesin e pjesëmarrësve të kësaj konference, e cila udhëhiqej nga Ministri i Jashtëm i Luksemburgut, Jean Asselborn dhe Përfaqësuesja e Lartë e BE-së për Politikë të Jashtme dhe të Sigurisë, Federica Mogherini, ishin edhe komisioneri i BE-së për Negociatat e Zgjerimit dhe Fqinjësinë, Johannes Hahn, komisioneri i BE-së për Migrim, Çështje të Brendshme dhe Shtetësinë, Dimitris Avramopoulos, ministrat e jashtëm dhe ministrat e brendshëm të të gjitha shteteve anëtare të BE-së, të vendeve anëtare të zonës Schengen (Islanda, Lihtenshtajni, Norvegjia, Zvicra), nga Jordania, Libani dhe Turqia, nga Ballkani Perëndimor (Shqipëria, Bosnja dhe Hercegovina, Mali i Zi, Serbia dhe Kosova), bën të ditur njoftimi dërguar nga Luksemburgu i MPJ-së kosovare.
Ndihma financiare për refugjatët dhe 1 miliard euro për Zyrën e Komisionerit të Lartë të Kombeve të Bashkuara për Refugjatët (UNHCR) ishin premtimet kryesore që dolën nga diskutimet e përgjithshme.
THAÇI NË KONFERENCËN E LUKSEMBURGUT: KOSOVA E GATSHME T’I PRANOJË RRETH PESËQIND REFUGJATË
Fjalimi i zëvendëskryeministrit Thaçi në Konferencën e Nivelit të Lartë për Mesdheun Lindor / Ballkanin Perëndimor: I nderuar z. Kryetar,
Të nderuar ministra, kolegë të nderuar,
Fillimisht, më lejoni të falënderoj Përfaqësuesen e Lartë, zonjën Mogherini dhe Luksemburgun, kryesuesin e radhës të presidencës së Bashkimit Evropian, për këtë nismë që të takohemi dhe të diskutojmë këtu.
Si qytetar i Kosovës, ne e kujtojmë fare mirë se çfarë do të thotë të jesh refugjat, por edhe rëndësinë e gjetjes së solidaritetit, kujdesit dhe zgjidhjes ndaj krizës.
Mikpritja evropiane shpëtoi kombin tim dhe për këtë ne do të jemi gjithmonë mirënjohës.
Sot, Evropa po përballet me një valë të re refugjatësh.
Ne duhet të veprojmë se bashku dhe të përgjigjemi duke dëshmuar edhe një herë solidaritet dhe kujdes, por edhe të kërkojmë zgjidhje për konfliktet që po prodhojnë mijëra refugjatë.
Edhe Kosova ishte vend origjine i refugjatëve, por jo më.
Ne u përballëm me një valë të migrimit në fillim të këtij viti, por ishim të suksesshëm në ndalimin saj.
Një fushatë informimi nga Qeveria bëri që qytetarët të kuptojnë se kosovarët nuk do të pranohen si emigrantë në Evropë.Paralelisht, mekanizmat e zbatimit të ligjit arrestuan trafikantë të qenieve njerëzore. Kosova po jep rezultate në luftën kundër krimit të organizuar dhe korrupsionit. Si rezultat i këtyre masave, fluksi i refugjatëve nga Kosova ka rënë në mënyrë drastike që nga marsi.
Ne tani po kalojmë në procesin e kthimit të këtyre qytetarëve të Kosovës.
Sipas EUROSTAT-it, ne tashmë kemi kthyer më shumë se pesëmbëdhjetë mijë qytetarë.
Vala aktuale e refugjatëve nga Lindja e Mesme nuk po kalon përmes Kosovës.
Ne e dimë se rrugët ndryshojnë dhe ne po i ndjekim gjërat nga afër dhe po përgatitemi për çfarëdo zhvillimesh.
Kosova dëshiron të jetë pjesë e projekteve për t’u marrë me këtë sfidë të re.
Kjo është arsyeja pse kemi shprehur gatishmërinë për të marrë rreth pesëqind refugjatë nëse është e nevojshme.
Si pjesë e përpjekjeve tona për të kontribuar në sigurinë në kontinentin tonë, po bashkëpunojmë ngushtë me shtetet e rajonit, Evropës dhe më gjerë.
Por, Kosova duhet të jetë gjithashtu anëtare e organizatave të sigurisë, të tilla si INTERPOL, dhe të sigurojmë bashkëpunimin me EUROPOL-in.
Pa këtë anëtarësim dhe bashkëpunim, shkëmbimi i informatave do të jetë i ngadalshëm dhe i mangët.
Ky bashkëpunim dhe shkëmbim i informatave është veçanërisht i rëndësishëm në luftimin e ekstremizmit dhe terrorizmit.
Kosova është pjesëtare aktive e Koalicionit Global në luftën kundër ISIL-it.
Javën që shkoi ne morëm pjesë në samitin e kryesuar nga Presidenti Obama, në Kombet e Bashkuara, për të diskutuar mënyrat për luftimin e ekstremizmit të dhunshëm.
Kosova po merr rolin e saj si pjesëtare aktive e bashkësisë ndërkombëtare.
Bashkësia ndërkombëtare duhet gjithashtu të pranojë Kosovën si anëtare aktive të saj dhe Bashkimi Evropian duhet të na mbështes duke hequr regjimin e vizave, bazuar në përmbushjen e kritereve.
Sot ne mirëpresim parimet kryesore dhe zbatimin e veprimeve të pasqyruara në Deklaratë, tha zëvendëskryeministri e Ministri i Jashtëm i Kosovës, Hashim Thaçi.
HYSENI: KOSOVA, PËRGATITJE PARAPRAKE QË NË RAST NEVOJE TË MUND TË AKOMODOJË REFUGJATË
Ndërsa, Ministra e Punëve të Brendshme të Kosovës në njoftimin e dërguar bën të ditur se, Ministri Skender Hyseni mori pjesë në takimin e përbashkët të ministrave të Punëve të Brendshëm dhe të Jashtëm të vendeve anëtare të BE-së dhe Ballkanit Perëndimor, nikoqire e së cilës ishte Luksemburgu si kryesues i radhës i Presidencës së Këshillit të BE-së, për të diskutuar çështjen e refugjatëve sirianë dhe për të vazhduar me gjetjen e mënyrave më të mira për të menaxhuar me këtë krizë.
Edhe pse Kosova, krahasuar me vendet tjera të rajonit, nuk është prekur edhe aq nga kjo valë refugjatësh sirianë, Ministria e Punëve të Brendshme, gjegjësisht Departamenti për Shtetësi, Azil dhe Migracion (DSHAM) ka bërë përgatitje paraprake në mënyrë që në rast nevoje të mund t’i akomodojë refugjatët të cilët megjithatë vendet e Ballkanit Perëndimor i përdorin si korridore për të vazhduar më tutje në vendet e BE-së.
Për këto çështje, Ministri Hyseni zhvilloi një takim edhe me Drejtorin e Byrosë Regjionale për Evropë të UNHCR-it, Vincent Cochetel. Përveç përgatitjeve të DSHAM, MPB-ja në bashkëpunim me UNHCR po përgatitë edhe një plan reagimi gjithëpërfshirës siç kanë bërë shumë vende të rajonit e BE-së. Cochetel shprehu falënderimin e tij për punën që ka bërë Ministra e Punëve të Brendshme në parapërgatitjen e masave të nevojshme dhe inkurajoi të gjitha institucionet të vazhdojnë me nje qasje të tillë në mënyrë që ndonjë fluks i mundshëm në të ardhmen të mos na gjejë të pa përgatitur./b.j/
- « Previous Page
- 1
- …
- 118
- 119
- 120
- 121
- 122
- …
- 188
- Next Page »