Rajon – Page 175 – Dielli

Kosova kërkon 1700 të zhdukurit

March 13, 2014 by dgreca

“Projekt me pajtueshmërinë e palëve” për varrezën masive në Rashkë- Ne Foto: Komisioni qeveritar per te pagjeturit/

Nga B.Jashari/.-Komisioni qeveritar i Kosovës për personat e pagjetur dhe partnerët ndërkombëtarë mbajtën sot një takim, ku u diskutuan përgatitjet dhe hapat e mëtejshëm në rastin e varrezës masive të Rashkës, në Serbi. Në këtë takim në Prishtinë, nën drejtimin e zv/kryeministres së Qeverisë së Kosovës, Edita Tahiri, ishin të pranishëm përfaqësuesit e Komisionit qeveritar për persona të pagjetur dhe partnerët ndërkombëtarë të angazhuar në këtë çështje, si dhe përfaqësues të ambasadave që do të jenë mbështetës të projektit për gërmime në Rashkë.
Zv/kryeministrja Tahiri theksoi se “jemi thellësisht të shqetësuar për çështjen e të pagjeturve dhe mungesën e një zgjidhjeje të plotë për këtë dhe si Qeveri e Republikës së Kosovës kemi qenë dhe mbetemi tërësisht të angazhuar për zgjidhjen përfundimtare të këtij problemi”.
Qeveria e Kosovës, vijoi ajo, angazhohet që sa më parë të realizohen të gjitha veprimet për ndriçimin e fakteve nga rasti i Rashkës, prandaj domosdoshmëria e hartimit të një Projekti gjithëpërfshirës dhe Planit për veprim për rastin e Rashkës janë mekanizma konkretë që do të mundësojnë realizimin e qëllimeve tona.
Prenk Gjetaj, kryetar i Komisionit qeveritar për persona të pagjetur njoftoi për rrjedhat e deritanishme lidhur me rastin e varrezës masive në Rashkës, si dhe për të gjitha aspektet e rëndësishme që duhet të merren parasysh në përgatitjet e projektit për gërmimet.

Pas diskutimeve të pjesëmarrësve në këtë takim u nxorën konkluzionet, ku përfshihet “Projekti me pajtueshmërinë e palëve”, i cili “ nënkupton një projekt të dakorduar, përkatësisht projekt me pajtueshmërinë mes institucioneve kompetente të Republikës së Kosovës dhe institucioneve të Serbisë, mbi hapat e mëtutjeshëm dhe shpenzimet e nevojshme buxhetore për rifillimin, vazhdimin dhe përfundimin e punimeve në ‘rastin e Rashkës’”.
Ambasadorja e Zvicrës, Krystyna Marty Lang, vlerësoi rëndësinë e mbështetjes ndërkombëtare në këtë projekt të rëndësishëm, që do të kontribuojë për ndriçimin e fakteve të reja për të pagjeturit. Ajo shprehu gatishmërinë për të mbështetur me donacione duke theksuar se projekti i tillë duhet të jetë i dakorduar mes palëve, për të qenë e mundur përkrahja.
Kosova mëse 15 vjet pas luftës vazhdon të kërkojë zbardhjen e fatit të 1718 qytetarëve të saj të zhdukur dhe me këtë mesazh fotografitë e të pagjeturve janë rivendosur nga familjarët në 8 mars në rrethojat e Kuvendit e Qeverisë, në sheshin qendror të Prishtinës

Kosovë/ Takim me Misionin Vlerësues për Liberalizimin e Vizave

March 10, 2014 by dgreca

Nga B.Jashari/.-Prishtinë, 10 Mars/ Ministrja e Integrimit Evropian, Vlora Çitaku, dhe ministri i Punëve të Brendshme, Bajram Rexhepi, organizuan sot një takim plenar në Prishtinë, me ekspertët e Misionit Vlerësues të Komisionit Evropian, të cilët do të vlerësojne kriteret që dalin nga udhërrëfyesi për liberalizim të vizave, respektivisht blloku 2 – menaxhimi i integruar i kufirit dhe blloku 3 – mbi rendin publik dhe sigurinë.

Misioni vlerësues do të verifikojë zbatueshmërinë e kritereve që dalin nga udhërrëfyesi, rekomandimet e identifikuara në raportin e fundit për viza.

Ministrja Çitaku tha se, Raporti që është përgatitur dhe i është dorëzuar misionit vlerësues. “Ky është një raport gjithëpërfshirës i përcjellur me shumë anekse”, tha ajo. Nga ana e tij, ministri Rexhepi theksoi nevojën për të dhëna statistikore të harmonizuara dhe kërkoi nga zyrtarët relevantë që këto të dhëna të prezantohen sa më saktë pranë Vlerësuesve të Komisionit Evropian.

Udhëheqësi i Misionit Vlerësues për Liberalizimin e Vizave, Ioan – Dragos Tudorache tha se, “Kosova është në rrugë të mbarë drejt përmbushjes së kritereve që dalin nga udhërrëfyesi për liberalizimin e vizave”.

Në njoftimin e Ministrisë së Integrimit Evropian theksohet se Misioni Vlerësues do të ketë takime me zyrtarë të nivelit qendror dhe lokal, si dhe do t’i inspektojë pikat kufitare në tërë territorin e Kosovës. Në këtë mënyrë është duke u realizuar kordinimi gjithëpërfshirës për të prezantuar zbatimin e të gjitha kritereve që kanë dalë nga udhërrëfyesi për liberlizimin e vizave

Shërbimet sekrete amerikane justifikojnë mosparashikimin e ngjarjeve në Krime

March 9, 2014 by dgreca

UASHINGTON – Të akuzuar se nuk mundën të parashikonin pushtimin e Krimesë nga forcat ushtarake ruse, shërbimet sekrete amerikane mbrohen duke thënë se u gjendën në befasi, edhe pse garantuan se i kanë dërguar rregullisht paralajmërimet përkatëse pushtetit ekzekutiv.

Rrëzimit nga pushteti të Shahut të Iranit, pushtimit sovjetik në Afganistan, sulmeve të 11 Shtatorit, zhvillimeve të pranverës arabe, disa kongresmenë amerikanë nuk hezitojnë t’i shtojnë pushtimin e Krimesë listës së gjatë të ‘vonesave ose dështimeve’ të shërbimeve sekrete amerikane, pavarësisht 16 agjencive dhe 62 miliardë dollarëve të buxhetit të vitit 2014.
“Kjo ngjarje nuk u arrit të parashikohej nga shërbimet tona sekrete”, u shpreh me ton akuzues senatori republikan John McCain.
”Bëhet fjalë për një dështim masiv si pasojë e keqinterpretimeve të bëra planeve dhe synimeve të Vladimir Putinit”, theksoi ai.
Kryetari i Komisionit të Shërbimeve Sekrete në Dhomën e Përfaqësuesve, republikani Mike Rogers, nga ana tjetër njoftoi se “kishte nisur punën për të zbuluar se cilat pjesë të informacioneve mungonin”.
Kjo manovër sulmi e ka detyruar kreun e shërbimeve sekrete ushtarake (DIA), gjeneralin Michael Flynn, të jetë në linjën e parë të zjarrit për të mbrojtur, përmes një interviste të rrallë për radion NPR, punën e shërbimeve të kryesuara prej tij.
“Gjatë periudhës kohore prej shtate deri në 10 ditë që çuan në praninë e trupave ushtarake ruse në Krime, kemi hartuar raporte solide”, theksoi ai, ku veçoi se ”një paralajmërim strategjik i ishte dërguar ekzekutivit amerikan”.
”Këto paralajmërime janë grumbulluar dhe kanë arritur deri në fazën e parashikimit të një veprimi të shpejte te forcave ruse në rajon”, sipas tij.

Vizion i çmuar dhe i përditësuar

“Ne u kemi paraqitur funksionarëve politikë një paralajmërim strategjik të mirë me qëllim që të marrin vendimet e duhura në hapat e tjerë”, vazhdoi gjenerali Flynn.
CIA mbrohet gjithashtu nga akuzat se ishte në hije për evoluimet e situatës.
“Që me fillimin e paqëndrueshmërisë politike në Ukrainë, CIA ka njoftuar vazhdimisht funksionarët politikë që të kenë një vizion të saktë dhe të përditësuar për krizën në Ukrainë”, deklaroi Todd Ebitz, zëdhënës i agjencisë së zbulimit.
“Këto informacione paralajmëronin edhe për një ndërhyrje të mundshme të ushtrisë ruse në Ukrainë. Të thuash të kundërten do të ishte e gabuar”, theksoi ai.
Sekretari amerikan i Mbrojtjes, Chuck Hagel, ka mbrojtur gjithashtu punën e agjentëve. “Ne ishim të ndërgjegjshëm për kërcënimet”, u mbrojt ai përpara Senatit.
Presidenti rus kishte deklaruar publikisht se do të kryente manovra ushtarake duke mobilizuar 150 mijë trupa në perëndim të Rusisë duke filluar nga data 26 shkurt. Dy ditë më vonë, të premten, disa persona të armatosur pa uniforma dhe të maskuar vunë nën kontroll gadishullin ukrainas të Krimesë.
Shërbimet amerikane kishin gjithë kohën që të vëzhgonin lëvizjet e trupave ruse. Të parashikonin nëse këto do të kalonin kufirin varej kryesisht nga analiza që do t’i bëhej lëvizjeve dhe qëllimeve të shefit të Kremlinit.
”Një ditë pas pushtimit të Krimesë, komuniteti amerikan i informacionit nuk dukej i bindur se Rusia do të kalonte Rubicon-in”, sipas “Los Angeles Times”.
Gjatë një mbledhje me dyer të mbyllura të anëtarëve të Kongresit më 27 shkurt, Robert Cardillo, numri dy i Drejtorisë Kombëtare të Informacionit (DNI) që drejton 16 agjencite e zbulimit në terren nuk kishte lënë të kuptohej se mund të kryhej një veprim i mundshëm ushtarak”, sipas të përditshmes, qe citon funksionarë të cilët kërkuan të mos identifikohen.
Shërbimet amerikane vazhdojnë të mbajnë sytë drejtuar nga jugperëndimi i Rusisë. “Ne po tregohemi të vëmendshëm ndaj të gjitha aktiviteteve të disa prej forcave të tyre ushtarake”, sipas gjeneralit Flynn.(AFP-ATSH)

Në lojë është të dihet nëse Moska synon të marrë Krimenë ose jo

RASMUSSEN:NATO-ja është në krahun e Ukrainës

March 9, 2014 by dgreca

Sekretari i përgjithshëm i NATO-s, Anders Fogh Rasmussen, siguron se organizata që ai drejton është në krahun e Ukrainës dhe i kërkon Rusisë të përmbushë angazhimet e saj ndërkobëtare, gjatë një interviste të dhënë në Gjermani.

“Kur takova kryeministrin Jaceniuk të enjten, e përgëzova për angazhimin që ka marrë për një zgjidhje paqësore. Madje e sigurova se NATO-ja qëndron në krahë të Ukrainës”, pohoi Rasmussen për të përditshmen “Bild”.
“Ne presim që Rusia të përmbushë angazhimet e saj ndërkombëtare, të tërheqë trupat e saj dhe të mos ndërhyjë në rajone të tjera të Ukrainës. Në hartën e Evropës së shekullit të XXI, askush nuk duhet të përpiqet që të caktojë kufijë të rinj”, shtoi sekretari i përgjithshëm i NATO-s.
Madje Rasmussen kishte deklaruar të mërkurën se organizata kishte vendosur të përforconte bashkëpunimin me Ukrainën dhe të rishikonte ato me Rusinë

Ambassador Spahiu:Crimea is different from Kosova

March 9, 2014 by dgreca

Kosovo is a one-of-a-kind situation and cannot be compared to Crimea, a senior Kosovan official has told Anadolu Agency.

Kosovo’s ambassador in Ankara, Avni Spahiu, said that the Balkan situation had entered the agenda after Russian president Vladimir Putin drew attention to the Balkan state’s case in comments about Crimea’s future.

Putin had expressed his belief that only residents of a given country who have freedom of will and are in complete safety can and should determine their future.

“If this right was granted to the Albanians in Kosovo; if this was made possible in many different parts of the world, then nobody has ruled out the right of nations to self-determination, which, as far as I know, is fixed by several UN documents,” Putin said on Tuesday.

However, Spahiu told AA: “Kosovo is a sui generis case and is classified as such by international community. In Kosovo there was an intention for genocide and ethnic cleansing as well as large-scale discrimination and prosecution of Kosovan peoples by the Serbian regime. There was a war.”

The ambassador said that Kosovo had been part of a former federal country, Yugoslavia, out of which came seven republics (Slovenia, Croatia, Bosnia and Herzegovina, Macedonia, Serbia, Montenegro and Kosovo).

“After all we are dealing with a country that does not exist anymore; that is, former Yugoslavia”, he said “therefore Kosovo’s situation is unique and cannot be compared to any other case in the world”.

Turkish prime minister Recep Tayyip Erdogan also refuted any similarities between Kosovo and Crimea, saying that the Russian population makes up nearly 60 percent of Crimea’s inhabitants, whereas Kosovo’s population of Albanians was more than 90 percent.

Kosovo declared independence in 2008 and so far is recognized by 106 states, including Turkey, the United States, Germany, France, and the United Kingdom. The year-long war between Kosovars and Serbian forces ended following NATO air attacks against targets in Slobodan Milosevic’s Serbia.

Crimea’s parliament voted last Thursday in favor of joining Russia, calling for a referendum on the region’s future with Ukraine on March 16. Its decision comes as Russian armed forces continue to maintain their presence on the peninsula.

U.S. president Barack Obama has said that the planned referendum on Crimea’s future violates both the Ukrainian constitution and international law. Ukrainian leaders have also rejected the referendum call.(Cortezay: Anadolu Agency)