Një mbrëmje e madhe ku Flamuri, Kultura dhe Tradita Shqiptare Ndriçuan Zemrat e Mërgatës

Nga Dashnim HEBIBI

Winterthur, 22 nëntor 2025- Jemi në muajin nëntor dhe gjithandej mërgatës ka aktivitete të shumta. Mbrëmë patëm nderin që të jemi me ftesë të SH.K.A „Dardania“ për një përvojë 31 vjet në skenë me programe të shumta e me veprimtari titanike. Shoqëria ka një monografi si pasaportë për 20 vjet veprimtari artistike, duke kontribuar për ruajtjen e gjuhës e traditave tona kombëtare në diasporë. Është e pamundur të përshkruash me fjalë mbrëmjen e djeshme. Gjithçka ishte profesionale, edhe pse kemi të bëjmë me fëmijë që kanë lindur e rritur në mërgim. Prej grupit të vegjëlve e deri te të rriturit, emocionet ishin të papërshkrueshme.

Edhe pse temperaturat mbrëmë ishin -6 gradë, Shefqet Cakolli, president i Shka Dardania, kishte dalë jashtë për t’i pritur mysafirët – një gjest që u vlerësua shumë. Kur u futëm në sallë, pamë korridore plot pjesëmarrës dhe “shqiponjat e vogla” jepnin zhurmë duke u përgatitur dhe duke pritur mysafirët. Nuk mund të mos vlerësojmë lart edhe nënat shqiptare që kishin përgatitur ushqime të llojllojshme, sidomos kuzhinën shqiptare, që ma kujtoi nënën time tashmë të ndjerë, me ushqimet e shijshme tradicionale që kemi ne shqiptarët.

Për skenën, çfarë të flas është pak, por e tëra ishte mrekulli.

Skënderbeu, Adem Jashari, Ismail Qemali e flamuri kombëtar mbulonin sallën mbi 12 metra. Sa punë ishte dashur të përgatitemi! Ishte sallë profesionale zvicerane, e përmbushur.

Ora 20:00 filloi programi me një moderim të shkëlqyer nga zonjusha Viola Kastrati që kishte ardhur nga Dardana e Kosovës e njëherit është edhe studente në Kosovë. Me gjuhë të rrjedhshme dhe me emocione, ajo na bëri që ta përcjellim me kujdes çdo detaj, sepse gjithçka shkonte mirë. Vajza e z. Cakolli, tashmë nënë dhe me vajzën e saj të vogël në skenë, na dha emocione të veçanta, pra çdo detaj përkujdeseshin Albulena Cakolli-Kqiku dhe ekipi i saj.

Programi për festën e Flamurit, Ditën e Alfabetit dhe 31-vjetorin e Shoqërisë

Hyrje me koreodramë-skenografi të përgatitur nga Albulena, me Shqiponjën dhe Flamurin Kombëtar, së bashku me një inskenim teatral me shumë fëmijë dhe të rinj dhe një këngë të re. Më pas ishte hymni dhe një minut heshtje.

Vallja Arbëreshe,

Vallja e Tropojës,

grupi i mesëm,

Lojra fëmijësh,

grupi i fëmijëve,

Vallë instrumentale,

Aurelia + Kleofina Balaj,

Kënga me grupin e fëmijëve, letër nga Presheva,

Vallja për Çerçiz Topullin, premier, grupi i të rriturëve,

Kënga e Alfabetit dhe inskenimi, grupi i të vegjëlve,

Vallja e Tropojës, SH.K.SH. “ILIRIA”,

Vallja me motive Tiranase, premier, grupi i mesëm,

Vallja e Zanave, grupi i vajzave të Shka Dardania,

Kënga “E bukura More”, grupi i të vegjëlve “Iliria”,

Vallja Tiranase, grupi i mesëm i SH.K.SH “Iliria”, Vallë instrumentale, nga grupi i orkestrës së Dardanisë,

Kënga “Kush e nisi”, Hamit Shillova dhe Ekrem Beqiri,

Recitime,

Vallja Çame, premier, grupi i të rriturëve,

Vallja me motive nga Burreli, premier, grupi i mesëm,

Instrumentale me kavalla, Hamit Shilova,

Këngë për flamurin, orkestra e Dardanisë,

5. Recitime,

Vallja Myzeqare, grupi i të rriturëve.

Programi artistik mbaroi këtu, dhe më pas vazhdoi me muzikë live nga orkestra e Dardanisë, dhe më pas vazhduam në hollin e sallës, në katin e parë.

Fjalimi ceremonial i z. Shefqet Cakolli, President i SH.K.A. “Dardania”

Presidenti Shefqet Cakolli, i lodhur fizikisht, por me sy e shpirt që jepnin dritë, përshëndeti mbi 500 bashkatdhetarë. Fjalimi i tij ceremonual:

“Të nderuar mysafirë, përfaqësues të institucioneve,

Të dashur bashkatdhetarë,

Të respektuar artistë, prindër dhe fëmijë,

Zonja dhe zotërinj,

Është nder i jashtëzakonshëm që sot, në këtë ditë të shënuar të 22 Nëntorit, të qëndroj para jush për të festuar tri ngjarje të mëdha kombëtare, që për ne shqiptarët mbajnë peshë të veçantë historike dhe shpirtërore.

Sot, ne nderojmë Flamurin tonë Kombëtar, simbolin më të lartë të sakrificës shekullore dhe të qëndresës së pathyeshme të popullit shqiptar. Nën hijen e këtij flamuri u rritën breza të tërë që luftuan për dinjitet, për liri dhe për identitetin tonë kombëtar. Pikërisht nën këtë flamur u kurorëzua edhe ëndrra e madhe e kombit – Pavarësia e Shqipërisë më 1912, dhe Pavarësia e Kosovës më 2008, momenti që vulosi të drejtën tonë për të qenë të lirë, për të qenë vetvetja.

Ky flamur është kredoja jonë, është amaneti që na lanë të parët, dhe është krenaria që na shoqëron kudo — në Atdhe dhe në mërgatë. Sot, ai valon me të njëjtën forcë, me të njëjtën histori dhe me të njëjtin dinjitet, sikurse në ditën kur u ngrit për herë të parë në Vlorë.

Po ashtu, sot shënojmë me respekt të thellë Ditën e Alfabetit të gjuhës shqipe, një ditë që rikujton vizionin, dijen dhe përkushtimin e Rilindësve tanë, të cilët, me guxim e urtësi, i dhanë gjithësisë shqiptare një alfabet të përbashkët dhe një gjuhë të unifikuar. Gjuha jonë është identiteti ynë, dhe alfabeti është themeli mbi të cilin ndërtojmë dijen, kulturën dhe brezat e ardhshëm.

Dhe pikërisht sot, me emocion të veçantë, shënojmë edhe 31 vite nga themelimi i Shoqërisë Kulturore-Artistike “Dardania”. Tri dekada punë të palodhshme, tri dekada me aktivitete, me suksese, me sfida dhe me arritje, tri dekada në shërbim të kulturës shqiptare këtu në Zvicër.

“Dardania” është bërë një vatër e identitetit tonë, një shkollë për shumë breza, një shtëpi ku vallja, kënga, gjuha dhe tradita jonë jo vetëm që ruhen, por shkëlqejnë në sytë e publikut dhe e brezave të rinj.

Me këtë rast, dua të shpreh mirënjohjen time më të thellë:

– për anëtarët themelues që hodhën themelet e kësaj shoqërie,

– për çdo kryesi që ka vazhduar misionin me nder,

– për artistët tanë që e mbajnë gjallë skenën,

– për fëmijët tanë, që sot janë pasqyra e të ardhmes sonë,

– për prindërit, për mbështetjen e tyre të palëkundur,

– dhe për të gjithë bashkëpunëtorët, miqtë dhe sponsorët e donatorët tanë që kanë qenë dhe mbeten krah nesh.

Tradita është trashëgimi – por është edhe përgjegjësi. Dhe ne, së bashku, do të vazhdojmë ta ruajmë, ta kultivojmë dhe ta pasurojmë kulturën tonë, ashtu siç kemi bërë për 31 vite rresht.

Në emër të Shoqërisë Kulturore-Artistike “Dardania”, ju uroj nga zemra:

Gëzuar Festën e Flamurit!

Gëzuar Ditën e Alfabetit!

Gëzuar 31-vjetorin e Dardanisë!

Zoti i bekoftë shqiptarët kudo që janë!

Rrofshi dhe ju faleminderit për praninë tuaj!”

Krejt në fund të kësaj fjale, të gjithë e duartrokiten z. Cakolli.

Zëvendës-konsullja e Kosovës në Cyrih, Ardita Mustafa, përshëndeti organizatorët dhe, ndër të tjera, vlerësoi lart punën që ka bërë dhe po bën kjo shoqëri.

Fjalët e Dr. sc. Dashnim Hebibi

Dr. Hebibi, i cili e ka përcjellur me vite këtë shoqëri, pas përshëndetjes së z. Cakolli dhe familjes së tij, përshëndeti edhe zv. konsullen e Kosovës në Cyrih, Ardita Mustafa, Prof. Dr. Xhavit Lipaj, Prof. Naser Ulaj, veprimtarin dhe afaristin Nadi Zendeli, mjeshtrin e fotografisë Daut Luboja dhe të gjithë të pranishmit.

Ai tha:

“I nderuar Ambasador i artit dhe kulturës shqiptare në Zvicër, President i SH.K.A. “Dardania”, z. Shefqet Cakolli, e nderuara kryesi, anëtarë të shoqërisë, të rinj – drita e së ardhmes, të nderuar prindër, përfaqësues të Konsullatës së Kosovës, i nderuar Prof. Dr. Xhavit Lipaj, i nderuar Prof. Naser Ulaj, kryetar i LAPSH-it për kantonin Cyrih, bashkë me mësuesit e nderuar, zonja dhe zotërinj, miq të kulturës kombëtare.

Sonte nuk jemi mbledhur vetëm për festë, por për t’u përkulur para punës, kujtesës dhe shpirtit shqiptar që në mërgatë nuk është shuar kurrë.

Le ta nis me nderimin e veçantë për ju, z. Shefqet Cakolli – Ambasador i artit dhe kulturës sonë në Zvicër dhe President i SH.K.A. “Dardania”. Prej 31 vitesh po mbani gjallë këngën, vallen dhe identitetin tonë në këtë vend mikpritës. Tre gjeneratat që shohim sonte në skenë – ju, vajza dhe mbesa – janë dëshmia më e bukur se vepra juaj ka rrënjë të thella.

Për tri dekada, SH.K.A. “Dardania” ka qenë shtëpia shpirtërore e shqiptarëve në Zvicër. Ju ngritët përmendoren e Nënë Terezës në Winterthur dhe keni përfaqësuar kulturën tonë me dinjitet e profesionalizëm kudo.

Ka ardhur koha të themi me zë të fortë:

Le t’i nderojmë punëtorët modest.

Le t’i vlerësojmë meritorët.

Le t’i shpërblejmë ata që bëjnë vepra, jo premtime.

Sot festojmë me krenari 28 Nëntorin – ditën e flamurit, të pavarësisë, të identitetit tonë. Festojmë edhe Ditën e Alfabetit dhe 31-vjetorin e shoqërisë “Dardania”, një gur i çmuar i kulturës shqiptare në diasporë.

Le të shikojmë drejt brezit të ri – aty është e ardhmja jonë. Detyra jonë është të lëmë pas gjuhën, traditën, këngën dhe flamurin.

Me mirënjohje falënderojmë shtetin zviceran për hapësirën dhe respektin që na ka dhënë.

Lavdi dëshmorëve të kombit.

Zoti e bekoftë kombin shqiptar kudo që ndodhet.

Gëzuar 28 Nëntorin!

Rroftë gjuha shqipe!

Rroftë mërgata!

Rroftë kombi shqiptar!”

Fjalët e Prof. Dr. Xhavit Lipaj

Prof. Lipaj, pas përshëndetjes për organizatorët dhe të pranishmit, tha:

“Të nderuar bashkatdhetarë, të nderuar mysafirë, artistë dhe miq të kulturës shqiptare,

Sot, larg atdheut por afër shpirtit të tij, festojmë një nga ditët më të shenjta të historisë sonë: 28 Nëntorin, ditën e flamurit dhe të pavarësisë, ditën që na bashkon dhe na kujton se kush jemi.

Në këtë ditë nderojmë sakrificën, gjakun dhe vizionin e burrave të kombit, nga Gjergj Kastrioti Skënderbeu te Ismail Qemali, nga Hasan Prishtina te të gjithë ata që mbajtën gjallë emrin shqiptar në kohët më të rënda.

Sot shënojmë edhe Ditën e Alfabetit, ditën kur fjala shqipe u bë dritë e identitetit tonë dhe armë e ruajtjes së kombit.

Këtu në Winterthur, ne festojmë edhe një jubile të veçantë: 31-vjetorin e SH.K.A. “Dardania”, një shoqëri që për tri dekada ka mbajtur të gjallë kulturën, këngën, vallen dhe traditën tonë shqiptare. Falënderim i veçantë për të gjithë artistët, valltarët, këngëtarët dhe njerëzit e zemrës që e kanë ndërtuar dhe forcuar këtë vatër shqiptarie.

Jemi pjesë e një kombi që nuk u përkul, por u ringrit; që nuk u zhduk, por u përjetësua; që gjithmonë ka parë përpara me shpresë.

Sonte festojmë jo vetëm një datë, por një ndjenjë.

Një histori.

Një identitet.

Një komb.

Urime 28 Nëntori!

Urime Dita e Alfabetit!

Dhe urime 31-vjetori i SH.K.A. “Dardania”!

Faleminderit!”

Edhe Nadi Zendeli për HelveticALForum e vlerësoi shumë këtë shoqëri dhe tha se ndihej sikur ishte në Gostivar, Tiranë apo në Prishtinë;

çdo gjë që mund të shkruajmë është pak për të përshkruar emocionet, dhe edhe nëse tre kamera regjistronin ngjarjen, prap nuk mundën të kapnin emocionin e të pranishmëve. Vallja e Çerçiz Topullit nuk është e lehtë për t’u realizuar, dhe lirisht mund të thuhet se z. Cakolli është ndër të parët që e realizoi këtë program me shoqëri, ku edhe ai vetë luajti në skenë. Veshja e valltarëve dhe lëvizjet e z. Cakolli na dhanë emocione të veçanta dhe të gjithë u ngritën në këmbë për respekt. Programi ishte jashtëzakonshëm, ku iu këndua arbëreshëve, çamëve dhe Luginës së Preshevës.

Mbrëmja e 22 nëntorit në Winterthur nuk ishte thjesht një përkujtim i datave historike apo një festë tradicionale. Ishte një dritë që shpërtheu mbi zemrat e çdo shqiptari të pranishëm, një pulsim që ndau emocionin e atdheut me çdo fëmijë, të ri dhe të rritur që hodhi hapin mbi skenë. Në atë sallë të mbushur plot jetë, flamuri valonte jo vetëm mbi skenë, por mbi shpirtin e secilit prej nesh, duke na kujtuar se identiteti ynë nuk është thjesht një fjalë, por një histori, një rrënjë, një flakë që nuk shuhet.

Çdo këngë, çdo vallëzim, çdo recitim ishte një mesazh i thjeshtë, por i fuqishëm: se gjuha, kultura dhe traditat tona janë dhurata që duhet t’i mbajmë gjallë dhe t’i përçojmë brezave të rinj. Programi i mbrëmjes, i realizuar me profesionalizëm të rrallë, tregoi se pasioni dhe përkushtimi mund të bëjnë mrekulli; se një shoqëri që punon me zemër mund të krijojë një vatër ku brezat bashkohen, ku identiteti gjen strehë, ku tradita lulëzon.

Shoqëria “Dardania” tregoi se mërgata nuk është kufi, por një urë ku kulturohen vlerat më të larta të kombit. Fëmijët, të rinjtë dhe të rriturit e përfshirë, me çdo lëvizje, me çdo këngë, sollën jo vetëm emocion, por edhe një mesazh për brezat që vijnë: se rrënjët tona janë të forta, se gjuha jonë është e gjallë, se tradita jonë nuk shuhet kurrë.

Kjo mbrëmje ishte një kujtesë e fuqishme: se bashkimi, dashuria për kulturën dhe përkushtimi i palodhur e bëjnë një komunitet të pathyeshëm. Ishte një mesazh për të gjithë shqiptarët – këtu dhe kudo në botë – se ne jemi më shumë se fjalë; ne jemi histori, shpirt dhe ëndërr e përjetshme. Mbrëmja e 22 nëntorit u bë kështu një simbol i krenarisë, i pasionit dhe i shpresës, një kujtesë se kultura jonë nuk njeh kufij dhe do të vazhdojë të shkëlqejë për brezat që vijnë.

Fjala e fundit e këtij reportazhi:

Ju lumtë dhe të pafshim për jetë, z. Shefqet Cakolli, je frymëzim i gjeneratave të reja. Foto nga Daut Luboja, mjeshtër. P.S.: Nuk lejohet të merren fotot nga asnjë media tjetër pa lejen e autorit.

Nga Keze Kozeta Zylo/

Flamur që lint Shën Kostandinin/ Pajton Islamn’ e Krishtërimin/ Çpall midis feve vllazërimin/ Flamur bujar për Njerëzi. Fan Noli

Shkollat Shqipe në Staten Island, Brooklyn dhe Queens dhanë një koncert madhështor në auditoriumin e Shkollës Publike Amerikane Ps:42 në Staten Island, ndërsa shkollat e tjera si Bronx, Online do të performojnë në shkollat e tyre, për shkak të numrit të madh të nxënësve. Edhe në Albany gjëmoi shqip Alba Life në të njejtin orar në shkollën publike amerikane.

Çfarë krenarie!

Nuk ka më shqip dhe më atdhetare se sa të festosh dhe të përkujtosh këtë ditë të shenjtë të Kombit Shqiptar bashkë me nxënësit e Alba Life. Kur i them këto dy fjalë Shqip dhe Atdhetare në ndërgjegjen time si një mësuese me një përvojë të jashtëzakonshme midis dy kontinenteve merr një kuptim shumë special. Duke qenë se mijëra fëmijë po lindin dhe po rriten jashtë trojeve shqiptare ka qene detyre imediate për t’ju mësuar fëmijëve në mërgatë gjuhën e nënës dhe për të hapur shkollat Shqipe “Alba Life” 19 vjet më parë pikërisht në këtë fidanishte në Staten Island siç do ta quajmë dhe pagëzuar përgjithmonë e cila ishte mikpritësja për Flamurin Kombëtar.

Ne vërtetë u larguam nga Atdheu, por Flamurin, Shqipërinë, Kosovën dhe të gjitha trojet i morëm me vehte ndoshta dhe për të filluar bashkimin: Ja këtu në Amerikë, Mërgatë. Flamuri është shtëpia jonë, Atdheu, oxhaku i zjarrit, prushi i pashuar, ballkoni ku ngrejmë Flamurin gjer në kupë të qiellit, ura që bashkon gjithë brigjet ku ka shqiptarë. Flamuri na mbledh të gjithëve duke na ftuar si tek kënga e famshme e Mihal Gramenos: Eja mblidhuni këtu këtu!

Kombi ynë e fitoi Pavarësinë, më 28 Nëntor 1912 duke u shkëputur nga Perandoria Osmane. Plaku i urtë Ismail Qemali bashkë me Is Boletinin dhe gjithë burrat e tjerë të ndritur të Kombit ngritën Flamurin në Vlorë dhe që atëhere Shqipëria është shtet i pavarur.

Familjarisht e kemi filluar që prej gati 30 vjet në Diasporë ku themeluesi i TV dhe shkollave Shqipe “Alba Life” Qemal Zylo e ka organizuar dhe festuar me madhështi me studentët Flamurin Kombëtar filluar me kolegjet ku ka dhënë mësim si në Bramson në Brooklyn, Globe Institute në Manhattan dhe prej 19 vjetësh ne e festojmë këtë ditë bashkë me nxënësit, sepse mbajmë amanetin e të parëve, të Rilindasve tanë, amanetin e Fan Nolit që aq mjeshtërisht i këndoi Flamurit: O Flamur gjak, o flamur shkabë/ O vënd e vatr’ o nën’ e babe/ Lagur me lot, djegur me flagë/ Flamur i kuq, flamur i zi/ Flamur që lint Shën Kostandinin/ Pajton Islamn’ e Krishtërimin/ Çpall midis feve vllazërimin/ Flamur bujar për Njerëzi.

7 Shkollat e Alba Life si në Staten Island, Brooklyn, Manhattan më parë, Queens, Bronx, Albany dhe në Online të ngritura në gjithë Nju Jorkun deri në Albany në kryeqytetin e Nju Jorkut, peshojnë sa 7 kala. 19 vjet mësim Shqip pa u ndalur qoftë dhe një sekondë nga programi ynë, 19 vjet shqip, mund, djersë, beteja të barabarta dhe të pabarabarta dhe të gjitha këto janë kthyer në qendra të florinjta këtu në Mërgatë si shkronjat e arta të Gjuhës sonë.

Ky program serioz, skrupuloz dhe professional nuk do të kishte sukses pa mësueset e talentuara si Entela, Elona, Fatlinda, Rozeta, Helena, Erinda, Migena, Genta, Nazlie, Kristianthi, Edvina, Gresila e shumë të tjera para tyre, por po përmend vetëm për sivjet, vitin akademik 2025-2026 që ka filluar që në shtator. Nderimet tona shkojnë për z. Amir Suka drejtor i programit të TV Alba Life bashkë me eikpin e tij simpatik dhe djalin e tij të talentuar Aaron, Inxh. Odise Salillarin DJ qysh në fillim ka qenë dhe ka mbështetur Alba Life, Enes Basha me kamerën në krah për Alba Life, nje djalë që premton shumë e të tjerë…

Nderimi për Flamurin Kombëtar filloi me Himnet kombëtare shqiptare dhe amerikanë nga kori i Alba life dhe gjithë publiku të cilët ishin shumë të emocionuar të dëgjonin fëmijët e tyre në skenë duke kënduar dhe vallëzuar shqip. Mësuese Lavdie Misku e cila ka dhënë mësim për disa vite në Brooklyn tha se ndjehej shumë e emocionuar dhe ky koncert artistik më coi në vitet e hershme të punës sonë në klasa. Ndihem shumë krenare vazhdoi mësuese Lavida duke na uruar bashkë me Birin e saj suksese të mëtejshme. Më besoni më tha një gjyshe e cila ka tri vjet që e sjellë nipin e saj, nipi im vetëm I-padin përdorte në shtëpi, tani e harxhon kohën me detyrat, ushtrimin e këngës shqipe dhe vallet nëpër dhomë, pasi i ka hyrë sedra që do të jetë bashkë me shokët dhe do kush e kush të jetë më mire si grup. Një prind tjetër më tha se jo vetëm fëmijët që janë lidhur me njeri tjetrin, por edhe ne prindërit na ka lidhur Alba Life dhe jemi bërë shumë miq.

Programi artistik për koncertin madhështor

Kori i Alba Life e vazhdoi programin me këngën aq të dashur: “Ty Flamur të duam shumë”. Vallja e Flamurit u interpretua nga nxënëset e klasës se më të rriturve në Staten Island të cilat e intepretuan mjeshtërisht. Ato ishin motrat Martini, Qoku dhe Gjonbalaj. Veshur kuq e zi si vetë titulli i valles ato ndriçuan dhe rrëmbyen duartrokitjet nga publiku.

Në skenë hynë shqiponjat e Alba Life të fidanishtes në Staten Island me mësuesen Elona Shkreta e cila mëson grupin e më të vegjëlve. Mësuese Elona e hapi programin me këngën: “Me flamurin në zemër”

Besa dhe Andre Sejdaras: Gjuha Shqipe/ Leandro Agolli: Atdheu yne i shtrenjtë/ Arlind Sadiku/ Kuq e zi/ Fjord Qosja/ Shqip do flas/ Art Qosja: Ngrita Flamurin/ Gabriel Gjoni: Ti Shqipëri më jep nder/ Ryan Leka: Jam Pellazg/ Elisa dhe Detar Kamble: Festa e Flamurit/ Bora Alikaj: Kur Kërcej unë vallen Çame nga shkrimtarja K. Zylo/ Tumankuqe Valle Çame.

Mbas mësuese Elonës në skenë erdhi mësuese Entela Muda e cila ka grupin e më të rriturve.

Sa të Dua o Shqipëri nga Asdreni-Jasmine/ Shqipëri o Jetëgjatë nga Naim Frashëri- Arbi Alikaj/

Flamuri nga Donika, Jonida, Veseli, Brian. Laura Leka: Sa e dua Shkollën Shqipe! Nxënësit e mbyllën programin me: “Vallja e Katjushës”.

Shkolla Shqipe në Brooklyn e filloi me klasën e më të vegjëlve përgatitur nga mësuese Rozeta Daci Hyseni. Kënga: “Nje zogu unë iu luta dhe kërcimi me improvizim: Erdhi mami ne shtëpi u interpretua bukur nga yjet e kësaj klase.

Klasa e më të rriturve përgatitur nga mësuese Fatlinda Bajçinca Gashi dha programin si

Dramatizimi i Shpalljes së Pavarësisë ishte nje sukses I merituar ku në rolin e Plakut Ismail Qemali ishte Kleanth Hyseni, si Isla Boletini ishte Rilind Shehu, si Luigj Gurakuqi ishte Rexhep Sylaj dhe Marigjoja ishte Fiona Vuçetaj.

Betimi i Gjergj Kastrioti – Skënderbeu dhe Mëmëdheu nga Andon Zako Çajupi – u intepretua nga të gjithë nxënësit. Recituan poezi: Gjuha Shqype- Gjergj Fishta, Aria Merkaj/ Epika- Kosova është gjaku im që nuk falet, Gent Agolli/ Aria Stoja Atdheu/

Vallet: Baresha: instrumental/ Dem Baba Dem: interpretuar nga gjithe klasa.

Nxënësit e Shkollës Shqipe Queens përgatitur nga mësueset Genta Cakaj dhe Nazlie Djaloshi të cilat i janë bashkuar programit prestigjioz me dashuri dhe profesionalizëm sollën në skenë nxënësit si: Herla Rrasa: Sa të dua o Shqipëri/ Amelia Djaloshi: O Flamur i dashur/ Sara Djaloshi: Shqiponja/ Hape krahët fluturove: këngë Ajsel Rrasa

Vallja e Tropojës u realizua bukur nga shumë nxënës. Vlen të përmendet dhe ndihma nga studentja e shkëlqyer e vitit të dytë Blenda Shehu e cila ka qenë nxënëse pranë Alba Life me vite ndërsa tani vjen me dëshirë të jetë pranë mësuese Fatlindës, pranë familjes së madhe “Alba Life”.

Krenari që Vallja e Tropojës intepretohet për 19 vjet në Familjen e Madhe “Alba Life”, nëpër klasa dhe në skenat e Nju Jorkut.

“K’cimi i Tropojës” është shpallur zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO.

Programi u mbyll me Vallen e pogonishtes dhe Vallen e pipëzave ku mësues, nxënës vallëzuan së bashku nen tingujt e DJ Salillari.

Programi u filmua dhe fotografua nga z. Amir dhe Aaron Suka.

Ishte një mbrëmje e bukur arti, jo me yjet e Hollivudit, por me Yjet e Alba Life Ambasador i Kombit që punojnë me profesionalizëm, përkushtim dhe atdhedashuri që Gjuha Shqipe mos të humbas nëpër udhët e emirgrimit, por të jetë pasuri dhe të ruhet si thesar, sepse Gjuha Shqipe është “Ashti I Kombit!

Gëzuar Shqiptarë Ditën e Shenjtë të Flamurit!

Autorja e shkrimit mban titullin e lartë: Kalorës i Urdhrit të Flamurit nga Presidenti i Republikës së Shqipërisë, Medaljen e Meritës Presidenciale dhënë nga Presidentja e Kosovës Vjosa Osmani. Është publiciste, shkrimtare, autore e tetë librave, mësuese dhe bashkëthemeluese e Shkollave Shqipe “Alba Life” në New York, Ambasador i Kombit, Gruaja e Vitit 2022, NY dhënë nga Motrat “Qiriazi”.

22 Nëntor, 2025

Staten Island, New York

Prof.As.Dr. Bernard Zotaj/

Dom Nikollë Kaçorri lindi në Krej të Lurës në vitin 1862, në një familje të njohur për ndjenja të forta fetare dhe atdhetare. Arsimin e parë e mori në Seminarin e Troshanit në Lezhë dhe më pas kreu studimet e larta për teologji në Kolegjin e Propagandës Fide në Itali, ku u dallua për zgjuarsi e përkushtim. Pas përfundimit të studimeve u shugurua prift dhe në vitin 1894 u emërua famulltar i kishës katolike të Durrësit. Në këtë qytet, përveç shërbesës fetare, Dom Nikolla kontribuoi edhe si mësues në shkollën fillore që u çel nga autoritetet austro-hungareze. Ish-nxënësit e tij kujtonin me mall:

“Na, nxanësit e Dom Nikollën e kemi dashë fort dhe e ndigjojshim me dëshirë. Ai i pari na ka shti në zemër atdhedashuninë. Gjithnjë, tue na mësue fenë, na fliste për historinë e vendit tonë, për bukuritë e natyrës dhe për dashurinë ndaj gjuhës shqipe.”

Veprimtaria atdhetare dhe kryengritjet

Në vitet 1905–1907, Dom Nikollë Kaçorri ishte ndër udhëheqësit kryesorë të Kryengritjes antiosmane të Kurbinit dhe mori pjesë në organizimin e kuvendit të Delbinishtit. Ai ndihmoi kryengritësit me armë e municione, të cilat i shpërndante përmes njerëzve të besuar. Arrestimi i një shërbëtori të tij me armë e letra nxitëse për rezistencë bëri që autoritetet osmane ta dërgonin në gjyq ushtarak dhe ta dënonin me burg, por as kjo nuk e ndaloi në përpjekjet për çlirimin kombëtar. Gazeta “Dielli” e Bostonit shkruante:

“Edhe pse i dënuar me burg, ai vazhdoi me punue për lëvizjen kombëtare.”

Puna në Durrës dhe roli në lëvizjen kombëtare

Dom Nikolla ishte një ndër themeluesit e shoqërisë “Bashkimi” të Durrësit, së bashku me dr. Neki Libohovën dhe patriotë të tjerë. Ai çeli kurse për mësimin e gjuhës shqipe dhe mbështeti krijimin e shoqërisë “Vllaznia”, që kishte si qëllim përhapjen e ndjenjave kombëtare. Brenda kësaj shoqërie ai ndihmoi në ngritjen e një teatri amator që drejtohej nga Stef Kaçulini, mik i ngushtë i tij.

Në nëntor të vitit 1908, u zgjodh delegat i Durrësit në Kongresin e Manastirit, ku bashkëpunoi ngushtë me figura të ndritura si Gjergj Fishta, Ndre Mjeda, Hilë Mosi e Luigj Gurakuqi. Një vit më pas, mori pjesë si delegat edhe në Kongresin e Elbasanit, duke dhënë kontribut për themelimin e shkollës Normale dhe përhapjen e arsimit në gjuhën amtare.

Për shkak të veprimtarisë patriotike, u arrestua disa herë nga pushtuesit osmanë. Arrestimi i tij më 1910 ngjalli protesta të forta në kolonitë shqiptare të Amerikës, Egjiptit e Bukureshtit. Në Boston, më 23 tetor 1910, shqiptarët protestuan kundër xhonturqve dhe dolën publikisht në mbrojtje të Dom Nikollës, protestë që u firmos nga Fan S. Noli.

Nga kryengritjet te Pavarësia

Në prag të Shpalljes së Pavarësisë, Dom Nikollë Kaçorri u bë një ndër udhëheqësit e Lëvizjes Kombëtare në Durrës dhe në gjithë zonën e Kurbinit. Ai bashkëpunoi me figura si Abdi bej Toptani, Preng Bibë Doda, Bedri Pejani e Mustafa Kruja për koordinimin e kryengritjeve me qendrat e tjera shqiptare. Në letërkëmbimin e tij me Bajram Currin, shprehet qartë dëshira për një rezistencë të bashkuar kundër planeve shoviniste të fqinjëve ballkanikë.

Në nëntor 1912, ai priti dhe strehoi në Durrës Ismail Qemalin dhe bashkëpunëtorët e tij, përpara se ata të niseshin drejt Vlorës. Në 28 nëntor 1912, Dom Nikollë Kaçorri firmosi Aktin e Pavarësisë Kombëtare si delegat i Arqipeshkvit Imzot Bianki. Konsulli austriak Lejhanec në raportin e tij shkruan:

“Famulltari i Durrësit, Emzot Kaçorri, që kryesonte Kuvendin Kombëtar në krah të Ismail Qemalit, u zgjodh me brohoritje nënkryetar i Qeverisë së përkohshme të Vlorës.”

Roli në organizimin e shtetit të ri shqiptar

Si nënkryetar i Qeverisë së Vlorës, Dom Nikollë Kaçorri luajti një rol të jashtëzakonshëm në organizimin e administratës shqiptare. Ai mori pjesë në hartimin e rregulloreve të para të administratës civile dhe financiare, në përcaktimin e marrëdhënieve me prefekturat dhe komunat, si dhe në përpjekjet për krijimin e një ushtrie kombëtare. Më 29 janar 1913, së bashku me Ismail Qemalin dhe anëtarët e kabinetit, i drejtoi një thirrje krahinave të vendit për dërgimin e vullnetarëve në mbrojtje të Janinës, duke treguar përgjegjësinë dhe vizionin e tij shtetformues.

Fundjeta dhe vlerësimi

Pas vitit 1914, për shkak të mosmarrëveshjeve me hierarkinë kishtare dhe trysnisë politike, u largua nga Shqipëria dhe u vendos në Vjenë, ku vazhdoi të punonte për çështjen kombëtare. Vdiq më 29 maj 1917. Gazeta “Vllazëria” shkruante në nekrologjinë e saj: “Emzoti ynë i përmbledhte në vedi virtytet ma të mira të popullit shqyptar. Ai ishte trim, besnik dhe i palodhun për të mirën e kombit. Burgjet dhe vuajtjet nuk ia ndërruan mendjen, por deri në frymën e fundit mbajti nalt flamurin e Shqipnisë së lirë.”

Varrimi i tij u organizua nga kolonia shqiptare e Vjenës dhe më 2 qershor 1917 u kremtua një meshë përkujtimore në kishën “Maria Treu”. Dom Nikollë Kaçorri mbetet një nga figurat më të ndritura të klerit katolik shqiptar, një prift i ditur, patriot i pathyeshëm dhe burrë shteti me vizion, që i dha jetë dhe shpirt administratës së parë shqiptare pas Pavarësisë.

Shoqata Gjergj Kastrioti Zvicër/

Shoqata “Gjergj Kastrioti” Zvicër pati nderin dhe privilegjin që më 15 Nëntor 2025 të organizojë në Konsullatën e Republikës së Kosovës në Cyrih ekspozitën e madhe artistike “Nëntori i Parë”, në bashkëpunim të ngushtë me Konsullatën e Republikës së Kosovës, nën patronatin e Konsullit z. Vigan Berisha, të cilit i shprehim falënderimet tona për mbështetjen dhe mikpritjen vëllazërore.

Ky manifestim artistik e kulturor u zhvillua në kuadër të Festave të Nëntorit dhe mblodhi bashkatdhetarë nga Zvicra, Gjermania, Franca, Shqipëria e Kosova, duke krijuar një atmosferë mbresëlënëse që tejkaloi kapacitetet e hapësirës së Konsullatës një dëshmi madhështore e dashurisë së komunitetit tonë për Skënderbeun, artin dhe historinë shqiptare.

Hapje e bëri Konsulli Vigan Berisha dhe Kryetari i Shoqatës, Agim Pepaj, përshëndeti të pranishmit me një fjalim solemn kushtuar përvjetorëve të Nëntorit, figurës së Gjergj Kastriotit – Skënderbeut dhe misionit të shoqatës që prej themelimit në vitin 2018.

Aktiviteteve iu shtua vlera e jashtëzakonshme nga kumtesa e historianit të njohur Paulin Zefi, i cili mbajti fjalën e tij me temë:

“Kthimi i Gjergj Kastriotit–Skënderbeut nga Nishi, itinerari me 300 kalorësit dhe çlirimi i Krujës.”

Publiku dëgjoi me vëmendje dhe emocion rrëfimin historik që lidhi artistikisht dhe shpirtërisht ekspozitën me simbolikën e 28 Nëntorit 1443. Teksti kuratorial i profesorit Refki Gollopeni, mbi konceptin estetik të ekspozitës dhe filozofinë identitare të artit, i dha ngjarjes një dimension të thellë shpirtëror.

Shoqata “Gjergj Kastrioti” Zvicër shpreh falënderime të thella dhe të sinqerta për:

Konsullin z. Vigan Berisha, për patronatin dhe mbështetjen institucionale;

Stafin e Konsullatës, për përkushtimin dhe bashkëpunimin e shkëlqyer;

Historianin Paulin Zefi, për kumtesën e tij të çmuar;

Profesor Refki Gollopeni, për punën e tij si kurator dhe tekstin kuratorial;

Moderatoren Luljeta Ademi, për drejtimin e programit;

Këngëtaret Fjolla Berisha dhe Anilë Neziri Tasholli, për interpretimet e tyre artistike;

Bashkëshorten e Heroit Agim Ramadani, znj. Shukrie Ramadani, për praninë e saj nderuese;

Fotografin Lulzim Hasi dhe kameramanin Frrok Kolaj, për dokumentimin profesional të mbrëmjes;

Organizatën “Shqiptaria”, z. Basri Beka;

Korporatën “Kryeziu”, z. Qendrim Kryeziu;

TV Arbëria, për prezencën dhe pasqyrimin mediatik;

Dhe së fundi, falënderime të veçanta për të gjithë artistët pjesëmarrës, të cilët me veprat e tyre e bënë këtë ekspozitë të paharrueshme:

Agim Ramadani (Hero i Kosovës) Augustin Peregega, Bujar Vani & Evis Kabilo, Bedrije Hamiti, Dorina Ukgjini, Dussi Sadriji, Florim Shaqiri, Jeton Lleshi, Marigona Toma, Naser Dushica, Rexhep Leci, Sak Muji.

Zëri i Shoqatës – misioni që vazhdon

Shoqata jonë synon ruajtjen dhe promovimin e figurës së Gjergj Kastriotit – Skënderbeut dhe vlerave të identitetit shqiptar përmes artit, historisë, edukimit dhe kulturës. Ekspozita “Nëntori i Parë” ishte një dëshmi e qartë se bashkimi ynë, arti ynë dhe dashuria jonë për historinë mund të krijojnë ngjarje që mbeten në kujtesën e komunitetit. Lavdi të gjithë atyre që dhanë jetën për Atdhe! Lavdi në jetë të jetëve të pamposhturit tonë, Gjergj Kastrioti – Skënderbeu! Rroftë Shqiptaria dhe shqiptarët kudo që janë! Me respekt dhe dashuri për të pamposhturin Gjergj Kastrioti-Skënderbeu.

Nancy Kajo/

On Friday, November 14, 2025, Bethany Hall at Seton Hall University was filled with over 300 guests for the 2nd Annual Albanian Independence Day Celebration, organized by the Albanian Student Organization under the leadership of its president and founder, Nancy Kajo. The evening brought together students from Montclair State University, Manhattan University, Rutgers University–Newark, Rutgers University–New Brunswick, Fordham University, and St. John’s University, as well as representatives from organizations such as Federsta Vatra, Shoqata Ulqini, Shoqata Dibra, the Albanian Knights Club, the Port Authority Police Department Illyrian Association, and the Albanian American Cultural Center of Riverdale.

The program opened with a solemn introduction by the Port Authority Police Department Pipes and Drums and Honor Guard, followed by the playing of the national anthems. The Albanian national anthem was beautifully performed live by Ilsi Ademi. Throughout the night, guests enjoyed live music by Edmond Nikolla and Dritan Papa, creating a festive and deeply patriotic atmosphere. Distinguished guests included Miss Globe USA Samantha Sarelli, Albanian social media personalities Rrok Merdita and Blerim Nikeziq, and professional boxer Reshat Mati, whose presence highlighted the strong connection between Albanian youth, culture, and global achievement.

The Guest of Honor and Keynote Speaker for the evening was Emina Cunmulaj Nazarian, whose powerful remarks inspired the audience and helped mobilize even greater support for the event’s charitable mission. All funds raised from the celebration will benefit the 24-hour Development Center for Persons with Disabilities in Vlorë, Albania, making the night not only a celebration of Albanian independence and identity, but also a concrete act of solidarity with some of the most vulnerable members of our community abroad.

A special acknowledgment is also due to Chief Gloria Frank, Chief of Agency Affairs, whose presence and support underscored the strong partnership between the Port Authority and the Albanian-American community at this event.

Opening prayers were then offered by Fr. Gerald Buonopane and Imam Gazmend Aga, setting a meaningful and unifying tone for the evening.

The work of the Albanian Student Organization’s executive board—Dr. Ines Murzaku, Nancy Kajo, Sylvia Bojkovic, Arta Boljevic, Matilda Mbrati, Denisa Zuta, Fiona Meto, Ari Kadrija, and Erjon Mersimi—was essential in making the evening a success.