Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Futbollisti shqiptar Bruno Kepi drejt SHBA

by

Bruno Kepi, një futbollist i ri shqiptar i nivelit ndërkombëtar, që luan në pozicionin e mbrojtësit do të jetë në rrugën e tij për në SHBA në një çështje javësh, kështu të paktën shpreson klubi “Forca e Anglisë – New England Force”, duke shtuar se “një ditë ai pritet të mbërrijë të luaj për ekipin ndeshjen e ardhshme miqësore në fund të qershorit në Nju Jork.

Nga BEQIR SINA, New York
ROHD ISLAND – New Egland : Dalë nga “ferrat e fshehtësisë” pothuajse të plotë, skuadra më e re e futbollit “New England Force” e kryeqytetit Providence, në ishullin Rohd Island në New England – bregdeti verilindor i oqeanit Atlantik në SHBA, ka nisur një faqe të re të historisë së futbollit europian në Amerikë. Ndoshta, kjo është skuadra më e re, e planetit, e cila ka nisur një “fushatë me synimin për të krijuar një ekip të madh futbolli…” në Amerikën e Veriut.
Drejtuesit e klubit të futbollit “New England Force”, e kanë nisur “adrenalin” e tyre në divizionet më të ulta; USL, NASL, dhe ndërsa tash ata kan kan aplikuar për divizionin e parë, Ligën e Madhe të Futbollit – Major League Soccer, MLS, në kampionatin e Futbollit të Amerikës së Veriut, që përfshinë SHBA dhe Kanadanë, ku simbas disa burimeve zyrtare ata tashmë e kan fituar të drejtën që të fillojnë të luajnë në Divizionin e Parë të SHBA, MSL, sesionin futbollistik, që fillon pranverën e vitit 2014.

Deklaruar sipas zyrtarve të këtij klubi, bëhet e ditur se ata do të stërviten në qendrën sportive Mount Vernon Sports Underdome në Nju Jork, Kurse shtëpia e mundshme e skuadrës më të re të futbollit “New England Force” do të jetë kryeqyteti Providence, në ishullin Rohd Island në New England – . Stadiumi “Bulldog Bryant Universiteti” në qytetin Smithfield me kapacitet 35 mijë spektatorë, do të jetë zyrtarisht “arena” ku do të luaj skuadra e futbollit “New England Force” .

Faqja e internetit e skuadrës së futbollit “New England Force”, tregon gjithashtu zyra e tyre, do të jetë në ambjentet e stadiumit, kryesisht me një staf profesionist të përbërë nga emra të njohur të futbollit në Divizioni e I-rë, të i futbollit Amerikan. Manaxher i ekipit dhe trainer i tij do të jetë Jonathon Langer, ish traineri i ekipit të Teksasit – “Austin Posse”, i ndihmuar nga traineri europian – spanjolli Javier Inglesias dhe David Wilder, që të tre trajner të mirë, të harmonishëm dhe jashtëzakonisht të certifikuar .

Sipas vetë zyrtarve të lart të ekipit, plani i ri i ekipit të futbollit “Forca Angleze”, është që të nënshkruajnë kontrata për kartonat dhe për të paguar lojtarët, që kanë përfunduar tashmë marrëveshjen me klubin e futbollit “New England Force” e kryeqytetit Providence, në ishullin Rohd Island në New England – bregdeti verilindor i oqeanit Atlantik në SHBA.

Ndërkohë, që në një faksimile të faqes zyrtare të klubit amerikan në internet, shkruhet se zyrtarët e ekipit New England Force – Forca Angleze”, kan thirrur edhe futbollistin shqiptar nga Shkodra, “Djepi i Futbollit” në Shqipëri, Bruno Kepi. I cili, tashmë pas Hamdi Salihut, goliadorit shkodran që luajti me ekipin e Washingtonit D.C. United, do të jetë shqiptari i dytë, për Divizionin e I-rë, Ligën e Madhe të Futbollit – MLS, në kampionatin e Amerikës së Veriut, që përfshinë SHBA dhe Kanadanë.
Kepi pritet të forcojë ekipin England Force

Kështu të paktën shkruan gazeta sportive e Rohd Island, ku thotë se ekipi “New England Force” janë duke pritur gjëra të mëdha nga arrdhja e një futbollisti shqiptar – Bruno Kepi, dhe prurjet e reja nga Europa. Sipas saj Kepi, është një futbollist i ri shqiptar, i nivelit ndërkombëtar, që luan në pozicionin e mbrojtësit. Kepi shkruan shtypi amerikan do të jetë në rrugën e tij, për në SHBA në një çështje javësh. Mbasi kështu të paktën shpreson klubi, shkruan kjo gazetë duke shtuar se “një ditë ai pritet të mbërrijë të luaj për ekipin që në shqip thirret “Forca e Anglisë” ndeshjen e ardhshme miqësore në fund të qershorit në Nju Jork.

Bruno Kepi shkruan gazeta amerikane “është në një pozicion të vështirë në skuadër, duke luajtur rolin e një mbrojtësi i talentuar me shumë eksperiencë, mbasi ai përfaqësoi Shqipërinë në të gjitha nivelet, duke filluar me U-16 dhe më lart. Sipas, kësaj gazete trajneri ekipit “New England Force”, Jon Langer, ka deklaruar se ne: “Ishim me fat që manaxheri ynë ishte në gjendje të sjell në ekipin tonë, mbrojtësin e talentuar shqiptar.”. Zoti Langer, është shprehur gjithashtu se ai e njeh futbollin shqiptarë, duke shtuar se ” Shumica e lojtarëve shqiptarë janë shumë të talentuar, dhe disa prej tyre kan pasur fatin të përfundojnë deri në disa prej ligave më të më mira, duke luajtur me disa nga ekipet më të forta në Europë. Më tej ai citohet të ketë thënë se, “Për shkak të komunikimeve tona të araxhmaneve, kemi synim dhe po bëjme përpjekje nga të gjithë vendet të grumbullojmë futbollist, duke përfshirë edhe ata në Shqipëri dhe Rusi. Në Shqipëri, jemi duke u bërë të gjitha përpjekjet tona, që të sjellim sa më parë Bruno Kepin, dhe për të marrë atë këtu jemi në trataiva për vizë me ambasadën e SHBA në Tiranë, që të na e sjellin sa më shpejt të jetë e mundur”, thotë zoti Langer.
Shkodrani Kepi drejt Amerikës!

Futbollisti shkodran Bruno Kepi, i cili krahas Vllazënisë së Shkodrës ka luajtur edhe për, Skënderbeun, Bylysin, Velipojën, Beslidhjen e Lezhës e tjerë , në Shqipëri, është shumë pranë kalimit për në Divizionin e I-rë të futbollit amerikan MLS. Lajmi bëhet i ditur edhe nga Federata Shqiptare e Futbollit – FSHF, e cila pranon se ditë e fundit, ajo ka marrë një kërkesë zyrtare nga ekipi New England Force, këtu në SHBA, për të mundësuar marrjen e kartonit që disponon shkodrani i talentuar Bruno Kepi.
Për shtypin sportiv shqiptarë vetë Kepi ka pranuar se ka pasë një ofertë prej ekipit New England Force në Divizionin e I-rë të MSL në SHBA. “Kam pasur një ofertëtë të tillë, thotë Kepi, përmes manaxherit tim Bujar Gjata, i cili është dhe President i Klubit të Futbollit Dardania në New York, për të luajtur me ekipin amerikan New England, ofert e mbrritur në ekipin tim Beslidhja e Lezhës dhe në Ambasadën amerikane në Tiranë, për vizë”.

Ai shprehet se është duke pritur më konkretishtë, mbasi nëpërmjet manaxherit të tij janë dhënë disa DVD, klubit pritës në Amerikë, të cilat, me sa duket janë pëlqyer edhe nga tranieri amerikan Langer. Andaj tash ai pret që nga momenti në moment të mbrrijë këtu në Shtet e Bashkuara, për tju bashkuar futbollit amerikan, dhe për të realizuar “ëndrrën e tij Amerikane” në futboll.

Bruno Kepi, është një lojtar i futbollit shqiptar, ai aktualisht lot për KS Beslidhja, Lezhë. Bruno filloi karrierën e tij të futbollit me KS Vllaznia, në Akademinë e Futbollit të Shkodërs për të vazhduar me U12 , U17 dhe U21 dhe ekipin e Kombëtares së Shqipërisë. Ai është një lojtar i përkushtuar dhe i talentuar, i cili kryen shumë mirë çdo pozicion në fushën e blertë të lojës. Ndërsa, ai ishte duke luajtur me Vllazninë në fillimet e tij, ai u pikasë mirë nga specialistët e futbollit shqiptarë, nga ata të ekipit kombëtar shqiptar U17 dhe U21 për të veshur fanelën kuqezi. Pozita e tij më e preferuar në ekip, është si zakonisht mbrojtja, por specialsitët e futbollit në Shqipëri, thonë se “ne e kemi parë Kepin të papritur në çdo ekip me pozicione të shumta dhe herë – herë duke shënuar gola të habitshme, shumica e tyre ishin gola që e vendosën skuadrën ku ai luajti ai për vendet më të mira në kampionatin Futbollit të Shqipërisë .

 

 

TJETER REKORD: SHQIPERIA E DYZETETRETA NE BOTE

by

Tjeter rekord i Shqiperise, Rekordi duket si enderr.Shqipëria ka vendosur një tjetër rekord në renditjen e FIFA-s. Ajo tashmë renditet në vendin e 43, me 640 pikë, një pozicion historik ky.
Nëse për prillin vendosëm një rekord historik, duke ngjitur 16 vende njëherësh dhe pozicionuar të 48-t në botë, për majin kemi superuar edhe 5 vende të tjera. Një sukses i padiskutueshëm, sepse në vendin e 43-të Shqipëria nuk ka qenë kurrë në historinë e vet, ashtu sikurse nuk kishte qenë as në pozicionin e muajit të kaluar. Sipas përllogaritjes specifike të FIFA-s, kuqezinjtë tanë vlerësohen me 640 pikë, që “përkthehet” ndryshe me vendin e 43-të për muajin maj. Sa u përket rivalëve tanë në grupin kualifikues të “Botërorit 2016”, më lart qëndron Zvicra, në vendin e 14-të, me ngjitje një shkallë më tepër në krahasim me muajin paraardhës, ndërsa në vendin e 31-të është Norvegjia, që ka zbritur një pozicion krahasuar me prillin. Shqipëria lë pas Slloveninë në këtë renditje të FIFA-s, në vendin e 55-të, Islandën, në vendin e 73-të, dhe Qipron në vendin e 123-të. Të tria këto kombëtare kanë qëndruar në vend-numëro, pa lëvizur asnjë pozicion në renditjet mujore të prilit dhe majit 2013. Sikurse thamë edhe më sipër, në fakt kombëtarja shqiptare e futbollit kishte bërë një kapërcim rekord historik në renditjen e FIFA-s që në prill, duke ngjitur plot 16 shkallë. Vendi i 48-të ishte edhe arritja më e madhe e kuqezinjve tanë në këtë drejtim për momentin, por tashmë jemi edhe më lart.
Renditja:
1. Spanja
2. Gjermania
3. Argjentina
4. Kroacia
5. Portugalia
6. Kolumbia
7. Anglia
8. Italia
9. Holanda
10. Ekuadori
. . .
43 Shqipëria

44 Paraguaji
45 Turqi
46 Zambia
47 Australia
48 Kosta Rika
49 Uellsi
50 Burkina Faso

Kombetarja! Jurgen Gjasula (Gjermani), Andrea Tato (Greqi), Loret Sadiku (Suedi). “Tre musketjere” e rinj kuqezi. Talenti kosovar Fatos Ademi:”Dua te luaj per Shqiperine”.

by

Jurgen Gjasula, mesfushori 27-vjeçar i Duisburgut, është afrimi i radhës në
ekipin tonë përfaqësues. Ai është bindur përfundimisht të jetë pjesë e
kuqezinjve dhe për këtë është gati të heqë dorë edhe nga pasaporta gjermane.

Burime pranë FSHF-së pohuan se ka nisur puna për pajisjen e tij me
pasaportë shqiptare, ndërkaq, vetë babai i futbollistit pohoi për “Panorama
Sport” se tashmë ka nisur puna për pajisjen me dokumente.

“Jemi kontaktuar nga ndihmësi i De Biazit (Tramexani), i cili na ka shprehur edhe
interesimin që ka trajneri De Biazi, por edhe Federata. Jurgeni këtë herë e ka
vendosur që të luajë për Shqipërinë. Është 27 vjeç dhe mendoj se ka shumë për
t’i dhënë futbollit edhe për disa vite”, u shpreh për “Panorama Sport” Fatmir
Gjasula.  Nuk është hera e parë që Jurgen Gjasulës i bëhet ftesë që të
luajë me Shqipërinë, por duke qenë se shteti gjerman nuk lejonte dyshtetësinë,
ai, për motive familjare, nuk kishte pranuar të hiqte dorë nga pasaporta
gjermane. Tani, me sa duket, janë hapur spirale të reja sa u përket dokumenteve,
por edhe nëse nuk gjendet një rrugë e mesme, ai do të heqë dorë nga pasaporta
gjermane.  “Jurgeni e ka vendosur, do të luajë për Shqipërinë. Ne po
përgatitim gjithçka që ai të marrë pasaportën shqiptare. Shpresojmë që të gjejmë
një zgjidhje të ndërmjetme, pra që të mbajë edhe pasaportën gjermane. Një rast i
tillë është ai i Mërgim Mavrajt, i cili i ka të dyja pasaportat. Por edhe nëse
nuk gjendet një zgjidhje e tillë, ai sërish do të marrë pasaportën shqiptare”,
pohoi babai i futbollistit.

Dëshira e madhe është që Gjasula të jetë i
gatshëm për ndeshjen kundër Norvegjisë dhe sipas babait të tij, kjo gjë do të
realizohet.

“Besoj se Jurgeni do të jetë pajisur me pasaportë deri më 26
maj, kur edhe do të nisë grumbullimi. Shpresoj që gjërat të ecin mirë dhe të mos
kemi probleme burokratike”, u shpreh ai.

Ndërkaq, futbollisti i ka kaluar plotësisht problemet që pati në fillim të sezonit në zemër, për shkak të
mbilodhjes. Prej disa javësh ai është rikthyer të luajë rregullisht te
Duisburgu. Ai shquhet për vizionin që ka për lojën dhe shpesh herr është
cilësuar si pasues i Skelës.

 

Andrea Tato! “Ftesen ma ka bere Alban Bushi”

Himarjoti që po shkëlqen te skuadra greke e Atromitosit (është
në pronësi të Olimpiakosit, skuadër kjo që e ka dhënë te Atromitos në formë
huazimi), është ftuar të luajë me Shqipërinë.
Menaxheri i Kombëtares,  Alban Bushi, ka pasur disa telefonata të shpeshta me futbollistin 24-vjeçar dhe
deri tani bisedimet kanë ecur në rrugën e duhur. Mesfushori me tipare
sulmuese është edhe në fokusin e përfaqësueses greke, madje është thirrur disa
herë prej vitit 2011 me ekipin helen, por nuk është aktivizuar asnjë minutë.
Tato parapëlqen të luajë si i avancuar në të dy krahët e mesfushës dhe e
njeh mirë portën. Shpeshherë ka luajtur edhe si sulmues i dytë. Disa herë ai ka
zënë hapësira të konsiderueshme në median greke për paraqitjet që ka bërë këtë
sezon te skuadra e Atromitosit.  Tato është shqiptar që ka lindur në  Himarë, por familja e tij ka emigruar prej vitesh në
Greqi.  ka rënë parimisht dakord, pasi është bindur se në përfaqësuesen kuqezi mund të ketë më shumë hapësira dhe mund të vlerësohet shumë më tepër nga sa është vlerësuar deri tani te Kombëtarja greke. Bushi i ka premtuar se nëse pranon që të luajë për Shqipërinë, dokumentet do t’i bëhen në kohë rekord dhe se do të ketë mbështetje maksimale nga të gjithë. Andrea Tato është i huazuar te skuadra e Atromitosit, pasi kartonin e tij e zotëron Olimpiakosi, me të cilin ka kontratë deri në verën e vitit 2015.

Loret Sadiku Në kuadër të përforcimit të përfaqësueses me elementë të rinj dhe cilësorë, një pjesë e mirë e stafit kuqezi është angazhuar maksimalisht për afrimin e lojtarëve shqiptarë që luajnë jashtë. Loret Sadiku është emri më i ri për mbrojtjen e Kombëtares shqiptare. Futbollisti i lindur në Kosovë, por i rritur në Suedi, është zbuluar nga menaxheri i përfaqësueses, Alban Bushi, dhe po ndiqet me interes të madh nga zyrtarët e FSHF-së. Ish-sulmuesi i ekipit kombëtar mësohet se ka qenë dy ditë më parë në Suedi për ta parë nga afër qendërmbrojtësin, i cili ka luajtur si titullar me Helsingborgun të shtunën teksa skuadra e tij fitoi 5-1 kundër Gelfes.

Një ndër repartet me më pak alternativa është ai i qendërmbrojtjes dhe pas kërkimesh intensive menaxheri Alban Bushi është bindur që të ndjekë me kujdes futbollistin e Helsingborgut. Pasi ka parë disa video të tijat, Bushi ka vendosur të shkojë ta shohë nga afër futbollistin, e në fakt ka mbetur i kënaqur nga performanca dhe të dhënat e 22-vjeçarit.

Pas ndeshjes Bushi është takuar me futbollistin dhe pasi i ka folur për projektin që ka Shqipëria për Kombëtaren, Sadiku i ka premtuar se do të jetë i gatshëm që të luajë me Shqipërinë. Sadiku ka luajtur tri ndeshje me përfaqësuesen U-21 të Suedisë, por ky problem është i zgjidhshëm sipas FSHF-së (kujtojmë rastin “Basha”). Pritet që gjatë ditëve të ardhshme të nisin procedurat për ta pajisur me pasaportë shqiptare lojtarin. Sadiku përveçse në qendër të mbrojtjes, është i aftë të luajë më së miri edhe si mesfushor shkatërrues. Për nga cilësitë, ai është i ngjashëm me Mavrajn

Fatos Ademi! Dua te jem kuqezi!

Është një emër për të cilin flitet shumë në Gjermani. Bëhet fjalë për talentin shqiptar të Hertha Berlin, Fatos Ademi.

Djaloshi i lindur në Prishtinë është shpallur kampion i Gjermanisë me Hertha U16 dhe U17, madje duke u shpallur dhe kryegolashënues. Tashmë, edhe pse vetëm 17 vjeç ai luan me Hertha U19, sulmues kryesor ku në 19 ndeshje ka shënuar 8 gola dhe ka dhënë 6 asistime. Numri 10 i akademisë kryeqytetase, në një intervistë të dhënë për Transfermarkt.de, ka folur rreth karrierës së tij tek klubi, por edhe për një ftesë të Kombëtares Shqiptare U19.

“Pata ftesë nga Kombetarja, dhe doja të  ikja, por me pengoi provimi i maturisë. Prandaj nuk munda të shkoja. Jam shumë  i mërzitur, sepse ishin 2 ndeshje shumë  të  rëndësishme  kundër  Bullgarisë  dhe Italisë. Do kishin qenë ndeshje shumë  të  mira për  mua për  të  treguar  çfarë  mund  të  bëja, por edhe për  të  ndihmuar  Kombëtaren  me eksperiencën  time që  kam marrë  tek Hertha. Ishte shumë  e vështirë  të  refuzoja  sepse  është  vendi  im dhe  dua  shume të luaj.  Ska asgjë  që  më  pengon. Shpresoj që do të ketë  sërish një ftesë për mua”.

17-vjeçari  që  si  shembull  në  karrierë  sheh  Mario Mandzukic, shihet si talenti më  i  madh  i  klubit që  vitin  tjetër  do  të  jetë  pjesë  e  Bundesligës.  Specialistët e  krahasojnë  me talentin  e  Gjermanisë  U21 Lassoga,  dhe pritet shumë  shpejt që  për  Ademin  të  ketë  një  ftesë  nga skuadra e parë ,  sigurisht duke kaluar më  përpara  tek  ekipi  i  dyte i Herthës.

Sidoqoftë, e ardhmja  për  të  duket  e  ndritur, dhe  kjo  vetëm  mund  të  gëzoj  tifozet kuq e zi, pasi një  lojtar  me  kaq  perspektivë  shumë  shpejt  do  të  veshë  fanellën  e  Kombëtares.

Miqesore! Shqiperi-Turqi luhet ne Zvicer.

 

Rendesia qe paraqet sfida e gjashte eliminatore “Brazil 2014” ka
detyruar trajnerin italian te mendoje nje grumbullim disa dite me te gjate dhe
larg vendit tone, per ta pasur sa me ne kontroll grupin kuqezi. FSHF eshte duke
kontaktuar me homologet turq per miqesoren qe eshte kerkuar nga De Biazi. Pas
konfirmimit paraprak, pritet te behet zyrtare edhe kjo ndeshje. Ne kete miqesore
trajneri kerkon te testoje disa lojtare, qe do te ftohen per here te pare.
Ndaj Norvegjise me 7 Qershor Shqiperise do te mungojne tre titullare,
Cana, Lila dhe Roshi, te s’kualifikuar per arsye kartonesh. Keshtu, trajneri
italian eshte ne dileme te madhe per te gjetur zevendesuesit e tyre. Jane disa
emra qe lakohen gjate diteve te fundit, kryesisht lojtare kosovare te cilet
luajne ne klube te ndryshme europiane. Megjithate, burime te sigurta nga kampi
kuqezi saktesojne se ka pak shanse qe te kete ndryshime te medha ndaj
norvegjezeve, ku pervec tre mungesave, te tjeret do te jene po ata qe siguruan
fitoren historike ne Oslo.  Edhe per repartin e mbrojtjes, trajneri
pritet te kete alternativa nga stoli. Elsied Hysaj, i cili eshte thirrur, Osmani
qe ka luajtur titullar ne miqesoret e kaluara, Curri qe pritet te rikuperohet
dhe ndoshta edhe Kace prej te cilit pritet nje pergjigje pozitive deri ne fund
te muajit, jane ata qe do te plotesojne 11-shen qe do t’i duhet Xhani De Biazit,
per te shkruar nje pjese tjeter te historise, nese fiton ndaj Norvegjise.

 

Kombetarja! New Entry..Ilir Berisha:”Jam i nderuar qe vishem kuqezi”

by

Ilir Berisha mund të de butojë me fanellën e Sh qipërisë kundër Norvegjisë.
Sipas të gjitha gjasave, qendërmbrojtësi kosovar do të thirret në takimin e
rëndësishëm ndaj “vikingëve”. Lajmin e kanë pohuar burime të sigurta pranë
FSHF-së, sipas të cilave, futbollisti që aktivizohet te skuadra e Orebros në
Suedi është i pari në listën e preferencave të trajnerit De
Biazi.

Ish-futbollisti i Prishtinës pritet të pajiset me pasaportë
shqiptare shumë shpejt. Federata Shqiptare e Futbollit ka nisur procedurat për
ta pajisur me dokumentet e nevojshme futbollistin 21- vjeçar. “Kanë nisur
procedurat për ta pajisur me pasaportë shqiptare futbollistin Ilir Berisha, i
cili aktivizohet në Kategorinë e Dytë suedeze. Kemi çuar në presidencë
dokumentet e nevojshme dhe tani presim që ai të mund të marrë pasaportën sa më
shpejt”, – ka deklaruar përgjegjësi i zyrës për shtyp në FSHF, Lirim Zalla.
Trajneri De Biazi e sheh si një alternativë të mirë në repartin e prapavijës, ku
Shqipërisë shpesh i kanë munguar mundësitë e zgjedhjes. Aktualisht në qendër të
mbrojtjes luajnë Cana, Mavraj dhe Osmani, ndërsa shpesh është aktivizuar edhe
Curri. Mungesa e Canës në takimin kundër norvegjezëve (për shkak të pezullimit
prej kartonëve) e ka bërë De Biazin që të hulumtojë për zgjidhje të
tjera.

Berisha konsiderohet si alternativë në rast se ndonjë nga dyshja
qendrore e mbrojtjes, Cana apo Mavraj, mund të mungojë. Shtatlarti 189 cm i
gjatë është i aftë të luajë me të dyja këmbët, ndonëse e preferuara e tij është
e djathta. Afrimi i tij mund t’i hapë “telashe” Tefik Osmanit, i cili në fakt
është treguar mjaft konstant në ndeshjet që ka zhvilluar së fundmi me
kuqezinjtë. Ilir Berisha karakterizohet për teknikë mbi nivelin mesatar të një
mbrojtësi, por sidomos për luftën në ajër. Ai e njeh mjaft mirë portën, pasi në
15 ndeshje të zhvilluara deri tani me Orebron, ka realizuar dy gola.

Ilir Berisha ka deklaruar se nuk është në dijeni të faktit që Federata Shqiptare e
Futbollit ka nisur procedurat për ta pajisur me pasaportë. “Është e vërtetë se
jam kontaktuar nga FSHF-ja dhe jam i nderuar për interesimin e tyre, por ende
nuk e di se çfarë do të ndodhë në të ardhmen”, – deklaroi Berisha për “Panorama
Sport”. Ai ka thënë se nëse do të marrë ftesë për ndeshjen kundër Norvegjisë, do
të përgjigjet pozitivisht. Qendërmbrojtësi 21-vjeçar është shprehur se është një
fans i zjarrtë i kuqezinjve, por kur është pyetur se në cilin pozicion pëlqen të
luajë më shumë mes Canës dhe Mavrajt, ai ka dribluar: “Mund të luaj në
qendër-djathtas, por edhe në qendër-majtas. Mos më pyesni se kujt mund t’i zë
vendin, sepse nuk do të ishte korrekte të flisja për këtë, ndërkohë që ende nuk
i jam bashkuar ekipit përfaqësueses”. Lojtari theksoi se nuk ka luajtur me asnjë
përfaqësuese tjetër në të kaluarën dhe se deri tani ka pasur ofertë vetëm nga
Shqipëria.

Kombetarja! De Biasi:”Ja G 8-ta ime”.

by

Vazhdon të ‘kosovarizohet’ Kombëtarja e Shqipërisë. Përzgjedhësi i ‘kuqezinjve’,
Gianni de Biasi në bashkëpunim me Federatën Shqiptare të Futbollit (FSHF) janë
në bisedime me lojtarë të rinj shumë të talentuar për t’i afruar në kampin
‘kuqezi’. Siç shkruan “Tribuna”, në listën e trajnerit italian janë disa
futbollistë kosovar, ndërsa ata që janë më afër ‘ëndrrës’ janë mbrojtësi i
Orebros, Ilir Berisha dhe sulmuesi nga Istogu, Azdren Llullaku, që luan tek Gaz
Metan në Rumani. Burime të gazetës pranë FSHF-së kanë bërë të ditur se
dyshja Lullaku-Berisha janë kontaktuar nga trajneri De Biasi, si dhe është nisur
procedurë për dhënien e pasaportës shqiptare.  Azdren Llullaku eshte nje
sulmues 25 vjecar qe luan ne kampionatin rumun. Ai ka shenuar pese gola ne 17
ndeshje kete sezon me Gaz Metan. Ai ka qene nje emer pothuajse i panjohur
sezonin e kaluar pasi luante me vite me rradhene kategorite diletante te
Italise. Por gjithesesi ai beri nje transferte surprize per ne Rumani dhe ka
bindur me sezonin e tij te pare. Ilir Berisha eshte mbrojtes 21 vjecar i
dale nga rradhet e skuadres se Prishtines. Ai u transferua vitin e kaluar te
Örebro SK dhe ka zene menjehere vend te formacion. Sezonin e kaluar ai shenoi
edhe tre gola ne 19 paraqitje ndersa ne sezonin aktual te Suedise ai ka luajtur
ne tre ndeshje.Është një Xhani De Biazi, që nuk rresht kurrë së kërkuari talente për Kombëtaren shqiptare.

Edhe pse deri tani ka grumbulluar më shumë se 40 futbollistë, nga të cilët gati gjysma për herë të parë, përsëri italiani kërkon ta forcojë skuadrën duke piketuar lojtarë, kryesisht  të lindur dhe rritur jashtë. Bëhet fjalë për Adnan Januzajn, Alban Bunjakun, Ili Azemin etj, të cilët luajnë në ligat e para europiane dhe janë në një moshë fare të re e premtuese. Shumë prej tyre janë në skuadrat e dyta të klubeve më në emër, siç është Januzaj te Mançester Junajtid, por që vështirë se do pranojë të luajë për Shqipërinë këtë periudhë. Bunjaku ka shanse, ashtu sikurse dhe Azemi, pavarësisht se ky i fundit ka refuzuar para disa kohësh që të luajë hë për hë për Shqipërinë.

Mesfushorët – Ndërkohë, një punë e madhe mësohet se po bëhet nga ana e trajnerit për të afruar në skuadër mesfushorin shqiptar të PAOK-ut, Ergys Kaçe. Sipas asaj që vetë trajneri italian ka pohuar më parë për “Panorama Sport”, lojtari nuk ka refuzuar të luajë për Shqipërinë, por ka kërkuar kohë që fillimisht të pajiset me pasaportë greke, e cila do t’i mundësojë që të luajë jo më si ekstrakomunitar. Në këtë këndvështrim, tekniku kuqezi e ka pritur, paçka se nga federata bëjnë me dije se De Biazi ka kërkuar që ta ketë Kaçen me patjetër me norvegjezët, në ndeshjen që do luhet në Tiranë më 7 qershor. Veç këtij të fundit, në të njëjtin rol, De Biazi ka shënjestruar Amir Abrashin. Mesfushori luan te Grashopers në Zvicër (në të njëjtën skuadër me Mërgim Brahimin, i cili refuzoi që të luante për Shqipërinë, paçka se ishte aktivizuar në një ndeshje jo zyrtare ndaj Iranit), por problemi i tij është se ai deri tani ka luajtur 11 ndeshje me përfaqësuesen U- 21 të Zvicrës dhe nuk ka qenë i pajisur me pasaportë shqiptare. Gjithsesi, ka të ngjarë që të përdoret skema “Basha” për ta afruar në Kombëtare.

Mbrojtësit – Me thuajse të njëjtën problematikë është edhe mbrojtësi i Sampdorias, Shkodran Mustafi. De Biazi e ka takuar futbollistin për ta bindur atë të veshë fanellën kuq e zi, paçka se ai nuk ka dhënë një përgjigje të prerë pozitive. Mustafi, i cili vetëm para pak ditësh mbushi 21 vjet, nuk posedon pasaportë shqiptare, ndërkohë që FSHFja ishte interesuar rreth një vit më parë për atë. Ai ka lindur në Bad Hersfeld të Gjermanisë dhe e nisi karrierën me të rinjtë e Hamburgut. Më pas kaloi në Angli me Evertonin, skuadër ku luajti si futbollist profesionist. Këtë sezon Mustafi kaloi në radhët e Sampdorias në Serinë A. Përveç Mustafit, një tjetër mbrojtës që pëlqehet nga De Biazi është shqiptari me pasaportë suedeze, Ilir Berisha, i cili luan tek Orebro (kategoria e dytë) në Suedi. Ky është një nga emrat më të rinj të listës së teknikut, i papërmendur më parë qoftë nga media, por edhe nga FSHF-ja. Sakaq, në listë është edhe Flamur Kastrati, sulmues me pasaportë norvegjeze, i cili luan aktualisht tek Erzgebirge Aue, në Bundesligën e dytë gjermane.

LISTA E DE BIAZIT

ILIR AZEMI Sulmues, luan te Grojter Fyrthi në Gjermani. Vjeç 21. ILIR BERISHA Mbrojtës, luan tek Orebro në Suedi. Vjeç 21. SHKODRAN MUSTAFI Mbrojtës, luan te Sampdoria në Itali. Vjeç 21. ERGYS KAÇE Mesfushor, luan te PAOK-u në Greqi. Vjeç 19. ARMIR ABRASHI Mesfushor, luan te Grasshoper në Zvicër. Vjeç 23. ADNAN JONUZAJ Mesfushor, luan te Mançester Junajtid në Angli. Vjeç 18. ALBAN BUNJAKU Mesfushor, luan te Sevilja II në Spanjë. Vjeç 18. FLAMUR KASTRATI Sulmues, luan tek Erzgebirge Aue në Gjermani. Vjeç 21.