Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Teuta dhe Kukesi “nje hap” drejt kualifikimit. Laci, humbje shokuese ne shtepi. Tifozet bardhezi:” Ndeshja u shit

by

”

Nga Albano Kolonjari

Nisi me supriza aventura e skuadrave shqiptare ne Kupat e Europes. Ekipi i Kukesit arriti nje barazim historik ne ndeshjen e pare nderkombetare ne Talin te Estonise. Ne minuten e 11-te ishte Post ai qe kaloi ne avantazh skuadren vendase Flora Talin 1-0. Pas golit te pesuar skuadra e Kukesit e drejtuar nga dyshja Armando Cungu dhe Sulejman Starova arriti te ballancoje lojen dhe ne te 79-ten minute ishte Gerhad Progi ai qe barazoi rezultatin ne 1-1. Ndeshja e kthimit do te luhet ne stadium in “Qemal Stafa” ne Tirane. Pak dite me pare UEFA ,e nje shkrim special i kushtoi nje vemendje te vecante ecurise se skuadres se Kukesit, e cila sezonin e kaluar u ngjit per here te pare ne kategorine Superiore dhe arriti te shpallej nenkampionia e Shqiperise. Skuara e Kukesit i ka te gjitha mundesite qe te kaloje ne turin tjeter. Barazimi 0-0 dhe cdo fitore minimale ndaj kundershtarit kalon skuadren kuksiane ne turin e dyte. Barazimi 1-1 ne ndeshjen e dyte ne Tirane, do ti detyronte te dyja skuadrat te luanin 30 minuta shtese, duke parashikuar edhe penalltite. Cdo fitore e kundershtarit, por edhe barazimet 2-2, 3-3, ..do te shuanin endern e kuksianeve per kalimin ne turin tjeter.

Luksemburgasit turperojne Lacin ne shtepi,

Laci-Diffidence (0-1). Perballja me nje skuader Luxemburgase i jepte skuadres se Lacit mundesine me te mire per tu kualifikuar per ne turin tjeter. Por ne stadium in “Skenderbeu” te qytetit te Korces, skuadra bardhezi zhgenjeu duke e humbur takimin me nje nga skuadrat me te dobeta te Europes. Skuadra e drejtuar nga Stavri Nica, krijoi nje volum te madh pune, por golin e ndeshjes e shenoi Lebrense ne te 84 minute duke shokuar futbollistet laciane. Skuadra e Lacit qe te kualifikohet per ne turin tjeter duhet te fitoje takimin e kthimit ne Luksemburg me nje rezultat mbi dy gola. Misioni eshte i mundur duke pasur parasysh cilesine e kundershtarit. Pas ndeshjes tifozat bardhezi akuzuan drejtuestit dhe futbollistet per shitje te ndeshjes.

Teuta “mbretereshe” per nje nate

Teuta e fitoi takimin e pare te luajtur ne “Niko Dovana” me rezultatin 3-1. “Djemt e Detit” kaluan te paret ne avantazh me ane te Xhafaj ne minuten e 29-te. Skuadra moldave Dacia arrin te barazoje rrezultatin 10 minuta me vone me ane te Pavlov. Pjesa e dyte flet e gjitha per durrsaket te cilet arrijne te shenojne dy here me ane te Dostit 68’ dhe Mancakut 73’. Rezultati 3-1 flet per nje kualifikum te mundeshem te Teutes. Por skuadra durrsake duhet ti ruhet humbjes 2-0, 3-0. Per kete aresye skuadra duhet te shikoje mundesine e shenimit ne fushen understate. Cdo barazim apo fitore e Teutes, kalon skuadren tone ne turin tjeter.

TURNEU i 5-të i GOLFIT NË NEW YORK PËR KATEDRALEN E NËNË TEREZËS NË PRISHTINË

by

202 lojtarë të golfit dhe qindra shqiptarë të tjerë marrin pjesë në turne bamirësie, i cili mblodhi 130 mijë dollarë donacione për Katedralen Nëna Tereze në Prishtinë/

Nga BEQIR SINA, New York /

Orangetown – New York: Në fushën e njohur të golfit “Blue Hill Golf Course” shtrirë mbi kodrinat e gjelbëruara të Liqenit Tappan në Pearl River, rrethinat e qytetit të Orangetown – New York, me qëllim vazhdimin e mbledhjes së ndihmave për nevojat e Katedrales Nëna Tereza në Prishtinë, të hënën u zhvillua turneu i 5-të i golfit “Golf Outing to help build Mother Tersesa Cathedral in Prishtina, Kosova”.
Një turne, ky i cili po bëhet tradicional u zhvillua përsëri në fushat e golfit “Blue Hill Golf Course”, aktivitet në të cilin konkuruan 202 golfist amator shqiptar, por edhe shumë miq të tyre amerikan. Në fund të turneut, u organizua edhe një spektakël në të cilin morën pjesë rreth 500 vetë – një mbrëmje Gala kjo shoqëruar me fjalime, muzikë, ushqime e pije të ndryshme.
“Qllimi i Turneut Vjetor të Golfit, është i dedikuar ndihmave, të cilat, po vazhdojnë të japin shqiptarët e Amerikës, për nevojat e Katedrales Nëna Terese në Prishtinë. Por, kësaj radhe për në ndryshim nga katër turnet e tjerë, tha iniciatori i këtij turneu, zoti Anton Raja, një shumë e konsiderueshme e të ardhurave, që u mblodhën nga ky turne, iu dërguan nëpërmjet Dom Rrok Gjonlleshaj, një familje në Kosovë, e cila ka operuar një femijë këtu në SHBA, dhe kërkonte ndihma jetësore “, tha ai.
Raja, theksojë se ky turne ashtu si dhe katër të tjerët janë mbajtur për të njëjtin qëllim, nën kujdesin e një grupi kordinator ose Bordit, duke filluar prej meje – kryetar, Leon Gjoni, Martin Pjetri dhe të gjithë antarët e Brodit drejtues. “Në këtë turne për herë të parë, tha zoti Raja, kanë marrë pjesë adhuruesit e golfit, shqiptar që kishin ardhur nga Florida, Detroti, Pensillvenia, Nju Xhersi, Kenektiket, Kalifornia, Teksasi dhe Çikago. Ai shtoi se nga turneu i së hënës u mblodhën më shumë se 130 mijë dollarë
Në emër të organizatorit, Raja, ka pasur shumë faleminderime dhe mirënjohje për të gjithë ata të cilët i kontribuan me ndihmën e tyre këtij aktiviteti. Për të gjithë ata që i kontribuan aktivitetit më së shumti duke përfshirë me këtë rast, një numër sponsorizuesish, si kompani shqiptaro amerikane prestigjioze makinash, restorante shqiptare, kompani shitje e blerje shtëpish, ndërtim banesash, dhe kompani të ndryshme tepër të njohura. Mes tyre edhe biznesmen dhe kompani amerikane, si kompania e madhe e shtijes së makinave të reja “Route 59 Interstate Toyota – Scion”.

Aktiviteti i golfit “Golf Outing to help build Mother Tersesa Cathedral in Prishtina, Kosova”, ka marrë formën e një bashkimi të, të gjithë shqiptarve nga Kosova, Shqipëria, Maqedonia, Mali i Zi, Presheva, Bujanovci Mdevegja e Çamëria, pa dallim feje dhe krahine apo ideje
Ky aktivitet, i cili thotë se do të bëhet tradicional, ishte si një paradë e disa prej njerëzve me të sukseshëm të komunitetit Shqiptar në SHBA, sipas fushave të tyre. Në këtë aktivitet fondmbledhës, përveçse bashkë atdhetarve tanë, morën pjesë edhe golfistë amerikanë, klerikë, përfaqësues të Kishës, Katolike shqiptare Zoja e Shkodrës, lider të komunitetit, disa nga zyrtarët amerikanë përfaqësues institucionesh të kësaj zone, televizionet dhe gazetat shqiptare, në SHBA-ës. Ky aktivitet sipas organizatorit do ta shtrijë në të ardhmen shpërndarjen e ndihmave edhe për spitalet, familjet që kan nevojë për ndihma në Kosovë e Shqipëri, dhe fatkeqësitë natyrore.
Në turneun e 5-të të golfit, i ftuar special si përfaqësues i Katedrales Nëna Tereza në Prishtinë, ishte i dëreguari Ipeshkëvisë së Kosovës, famullitari i Katedrales dhe ekonomi i Ipeshkëvisë Don Rrok Gjonlleshaj,. Ndërsa e nderuan me pjesmarrjen e tyre edhe Dom Pjetër Popaj, famullitari i Kishës Zoja e Shkodrës në Hartsdale, New York, Dom Viktori, Konsulli i Përgjithshëm i Shqipërisë Dritan Mishto, konsulli i Kosovës Fatmir Zajmi, veprimtari i dalluar Harry Bajraktari si dhe vallëtari i mirënjohur i spektaktilit “Dancing with the Stars” Tony Dovolani.
Planifikimi i kësaj ngjarje të komunitetit shqiptarë të Amerikës, për t’a zhvilluar këtë aktivitet të bukur, në fushën e njohur të golfit “Blue Hill Golf Course”, jo vetëm se ka impenjuar seriozisht stafin profesional të këtij klubi, me përvojë, por për të kombinuar shërbimin e tyre të klasit botëror, me atë të shërbimit të lokaleve të tjera me bisnesmen shqiptarë, me shërbime dhe pajisje të mira për të siguruar që kjo ngjarje e veçantë të bëhet e paharrueshëme.
Anton Raja thotë se ” ashtu si dhe turneun e kaluar një ndihmesë të madhe ka bërë stafi i kuzhinës së lokalit të njohur, “Fiorino Ristorante” – Summit – New Jersey, dhe pronari, e veprimtari i dalluar i komunitetit zoti Sabit Bytyqi, anëtari i kryesisë së Vatrës, ushqimet e përgatitur me një shije të lartë profesionale e artistike dhe me një kujdes maksimal, nga shefi i Fiorino Ristorante – Xhilbertoja .Lokali Cena 2000 me Ragip Gjonbalajn, Three Angelina me Sal Haxhibrahimaj edhe ata ishin së bashku me restorantet e tjera, byrektoret dhe piceritë, pjesmarrëse shumë të aftë të përgatisën çdo pjatë me elementet me të plota të menuje restoranti dhe të kënaqin çdo pjesmarrës – të cilët marrin faleminderimet dhe mirënjohjen e çdo pjesmarrësi” tha në fund zoti Raja.
Oragnizatori i këtij aktiviteti fondmbledhës, për të plotësuar sado pak nevojat e ndihmave për Katedralen Nëna Tereze në Prishtinë, veprimtari dhe biznesmeni Anton Raja, vatrani i dalluar, së bashku me zotin Elmi Berisha, kryetar i Vatrës dega Hudson Valley, vatranët Simon Qafa dhe Gjekë Deçkaj, Zabit Bytyçi, Sejdi Husenaj, e tjer, thanë se për të mbyllyr me sukses këtë Turne ata, kishin bërë gjithëçka që tju krijojnë qindra pjesmarrësve, shumica shqiptarë, nga Shqipëria, Kosova, Mal i Zi, Maqedonia, Lugina e Preshevës, e Çamëria, të të tria besimeve fetare, një atmosferë të mrekullueshme, duke u orfuar atyre jo vetem relaksim, sport, por edhe një shije për ushqimin dhe pije të mirë, por natyrishtë dhe tju ofrojë sado pak dashurinë e mallin për vendlindjen: Grykën e Rugovës, Plavën e Gucinë, Malet e Sharit, Korabin, Shpiragun – Tomorin, dhe Alpet e Veriut të Shqipërisë.

Në fund të këtij aktiviteti, me pjesmarrësit, u organizua edhe një koktej si dhe një darkë festive me fjalime të shkurtëra e ndarje çmimesh. Gjatë të cilës, politikanë, dhe veprimtarë të komunitetit morën çertifikata, çmime dhe dhurata të ndryshme, për këtë aktivitet. Ndërkohë, që në fund tri dyshet më të mira, sipas pikëve të shënuara gjatë turneut të golfit, fituan edhe çmimet përkatëse sportive. Ndërsa me intersim u përcoll edhe loja e fatit për të fituara disa sende me vlerë. Ku golfisti shqiptar Zef Berisha fitoi 20.000 dollar ndërkohë që 5 mijë nga këto para, ia dhurojë të ardhurave të mbledhura gjatë këtij turneu.
Mes kësaj atmosfere festive në mbyllje të aktivitetit në mjediset e lokalit Blue Hill Golf Course , qindra shqiptarë, për të përmbyllur këtë fushatë të bukur fondmbledhëse, kaluan një mbrëmje që e “ndezi flakë” me këngë e valle, zëri i bilbilit të Tropojës , këngëtarit të mirënjohur Gezim Nika, dhe orkestrës së tij.

 

VETEM BARAZIM NE “QEMAL STAFA”, POR ENDRRA DREJT BRAZILIT VAZHDON

by

Ndeshja u mbyll, vazhdojne diskutimet ne studiot televizive, ne gazeta dhe rrjetet sociale. Ah, sikur! Cfarë? Sikur  kuqezinjtë të kishin qëndruar edhe 4 minuta! Mirëpo ajo që po e parandjenim të gjithë, … dhe të luteshim të mos ndodhte, na ra si bombë, norvegjezi më shtatshkurtër, gjuan i pambuluar brenda zonës dhe ëndrra për fitore kthehet në zgjëndërr. Ka vetëm barazim, edhe pse luajmë me treqendërmbrojtës pas nxjerrjes së Salihit dhe zëvëndësimin e tij më mbrojtësin Osmani. Pjesa e dytë s’ishte si e para, skuadra e ndjeu lodhjen,madje dukej e sfilitur

***

Valdet Rama ka qenë protagonist i Kombëtares shqiptare, në barazimin 1:1 ndaj Norvegjisë, në ndeshjen e zhvilluar sonte në stadiumin ‘Qemal Stafa’, e vlefshme për kualifikimet për Botërorin 2014.

Mesfushori kosovar ndihet i lumtur për golin, por e zhgënjen rezultati, pasi që Kuqezinjtë po udhëhiqnin deri në minutat e fundit dhe ishin shumë afër një fitoreje mjaft të merituar.

“Kemi bërë një lojë të mirë, kemi qenë 1:0 deri në fund. Kemi pasur raste të shkonim në 2:0, por fatkeqësisht e morëm golin në fund”, deklaroi Rama pas ndeshjes së dytë të tij me Kombëtaren.

“Normalisht, për mua është një ndjenjë shumë e mirë që shënova gol, kështu që do ndihej çdo lojtar. Por, një fitore eventuale do të më sillte ndjenja shumë më të bukura. Jam shumë i kënaqur që e ndihmova skuadrën me këtë gol”, vazhdoi futbollisti i Real Valladolidit.

Pas gjashtë xhirosh të zhvilluara, Shqipëria gjendet në pozitën e dytë me 10 pikë të grumbulluara, një më pak se kryesuesi Zvicra. Rama beson ende në kualifikim.

“Jemi në vendin e dytë, e cila është një pozitë shumë e mirë për momentin. I kemi edhe ndeshjet tjera, do të luftojmë, duhet ta japim maksimumin dhe duhet të besojmë deri në fund”, përfundoi Rama, i cili ia kushtoi golin djalit të xhaxhait të tij.

De Biasi: Është për të ardhur keq, humbëm dy pikë

 

Gianni De Biasi ndihet keq që Kombëtarja shqiptare e pësoi një gol që mund të evitohej në fund të ndeshjes me Norvegjisë, me të cilën barazoi 1:1, në ndeshjen e zhvilluar në stadiumin ‘Qemal Stafa’ në Tiranë.

Kuqezinjtë udhëhoqën deri në fund të takimit, kur e pësuan një gol, i cili ia mohoi dy pikë.

“Është për keqardhje, pasi mund të fitonim me rastet që patëm, një të pastër në pjesën e parë dhe një në të dytën me Salihin. Ju krijuam probleme atyre, ne po rritemi. Mendoj se ne humbëm dy pikë, me atë që e dhamë në fushë”, deklaroi trajneri italian pas ndeshjes.

“Megjithatë, besoj që skuadra bëri ndeshje të mirë, dha gjithçka që kishte. E vetmja e keqe është që luajtëm në qershor, në fund të sezonit, ndërsa ata ishin më të freskët, sepse e kanë nisur sezonin para katër muajsh. Përgjithësisht jam i kënaqur me paraqitjen”, vazhdoi De Biasi, i cili tha se në pjesën e dytë ekipi i tij pati një rënie, me ç’rast e pagoi këtë në fund.

Ai e përmendi faktin se Shqipëria e ka pësuar vetëm një gol në tri ndeshjet e fundit, fakt të cilin e vlerësoi lartë, ndërsa shpreson që edhe në ndeshjet e ardhshme Kuqezinjtë të pësojnë pak gola.

Ai beson se Shqipëria ka të ardhme të ndritshme, pasi ka grup të lojtarëve të talentuar, të cilët sipas tij mund të rriten dhe mund të japin gëzime edhe më të mëdha në të ardhmen për vendin.

Ai ndihet mjaft i kënaqur me lojtarët që zbritën në fushë, duke i zëvendësuar mungesat, por e shqetëson vetëm forma fizike, e cila ndikoi në këtë rezultat.

 

***

Kuqezinjtë kanë qenë në avantazh deri në minutën 87, por një pakujdesi në mbrojtje lejoi lojtarin më shtatshkurtër të norvegjezëve të shënonte me kokë golin e barazimit 1-1.

Kombëtarja jonë kaloi në avantazh në fund të pjesës së parë (41’) me autor Valdet Ramën, i cili depërtoi nga krahu i majtë dhe goditi me të djathtën brenda zonës, duke mposhtur portierin norvegjez. Në pjesën e dytë, kombëtarja u mbrojt shumë mirë dhe kur dukej se gjithçka do të përfundonte me fitore, Norvegjia arrin të barazojë, duke shfrytëzuar pikën e saj më të fortë: goditjet standarde. Por, nuk ishte asnjëri nga shtatlartët lojtari që na ndëshkoi, por ai më shtatshkurti i ekipit, Tomas Hogli. Krosimi i Henrikssen nga këndi gjeti pikërisht numrin 2 të Norvegjisë, i cili gjendej krejtësisht i vetëm në qendër të zonës dhe me kokë mposhti Ertrit Berishën.

Jemi sërish në vendin e dytë. Shqipëria, ngjitet në kuotën e 10 pikëve në grupin E të eliminatoreve të Botërorit “Brazil 2014”, duke mbajtur vendin e dytë, pasi Islanda u mund brenda në shtëpi nga Sllovenia me rezultatin 2-4. Eshtë me të vërtetë për të ardhur keq për mënyrën se si erdhi ndëshkimi në minutën e 86-të, kur një mbrojtës shtatshkurtër norvegjez, i dalë në ndihmë të skuadrës së vet, shfrytëzon hezitimin e mbrojtjes sonë dhe barazon shifrat. Një ndëshkim që na kujton kohët e vjetra në fakt, kur e pësonim në fund. Megjithatë, barazimi nuk i mbyll rrugët e Shqipërisë për Botërorin 2014, teksa e sheh veten në kuotën e 10 pikëve, një më pak se Zvicra e kreut të grupit tonë. Natyrisht, pjesa e mbetur e garës do të jetë tepër e vështirë për vetë faktin, se do të luajmë tri ndeshje në transfertë dhe një të tillë në shtëpi. Tej asaj që u zhvillua në kuadratin e blertë mes dy skuadrave ndërkombëtare “Qemal Stafa” kishte marrë vëmendjen e të gjithë shqiptarëve, kudo që jetojnë e punojnë, brenda dhe jashtë kufijve. Përveç atyre 17 mijë tifozëve që kishin siguruar një biletë dhe patën fatin ta përcillnin këtë kualifikuese “live” nga shkallët e stadiumit, miliona të tjerë mbajtën frymën para ekraneve televizivë. Ishte momenti i së vërtetës, një sfidë kyçe dhe tepër përcaktuese për këtë fushatë kualifikuesesh të kuqezinjve tanë.

Stadiumi “Qemal Stafa”, aty ku u luajt ndeshja Shqipëri-Norvegji, ka marrë vëmendjen e të gjithë shqiptarëve, kudo që jetojnë e punojnë, brenda dhe jashtë kufijve. Përveç atyre 19 mijë tifozëve që kanë siguruar një biletë dhe kanë fatin ta përcjellin këtë kualifikuese “live” nga shkallët e stadiumit, miliona të tjerë mbajnë frymën para ekraneve televizivë. Eshtë momenti i së vërtetës, një sfidë kyçe dhe tepër përcaktuese për këtë fushatë kualifikuese të kuqezinjve tanë. Një fitore ndaj Norvegjisë do të thotë një hap tjetër i madh drejt përmbushjes së ëndrrës së madhe, shkuarjes në finalet e Botërorit 2014, ndaj entuziazmi i tifozëve është i madh dhe i justifikueshëm. Të pranishëm në tribunën VIP është edhe Presidenti i Republikës, Bujar Nishani, dhe Kryeministri i Shqipërisë, Sali Berisha.

 

Futbollisti shqiptar Bruno Kepi drejt SHBA

by

Bruno Kepi, një futbollist i ri shqiptar i nivelit ndërkombëtar, që luan në pozicionin e mbrojtësit do të jetë në rrugën e tij për në SHBA në një çështje javësh, kështu të paktën shpreson klubi “Forca e Anglisë – New England Force”, duke shtuar se “një ditë ai pritet të mbërrijë të luaj për ekipin ndeshjen e ardhshme miqësore në fund të qershorit në Nju Jork.

Nga BEQIR SINA, New York
ROHD ISLAND – New Egland : Dalë nga “ferrat e fshehtësisë” pothuajse të plotë, skuadra më e re e futbollit “New England Force” e kryeqytetit Providence, në ishullin Rohd Island në New England – bregdeti verilindor i oqeanit Atlantik në SHBA, ka nisur një faqe të re të historisë së futbollit europian në Amerikë. Ndoshta, kjo është skuadra më e re, e planetit, e cila ka nisur një “fushatë me synimin për të krijuar një ekip të madh futbolli…” në Amerikën e Veriut.
Drejtuesit e klubit të futbollit “New England Force”, e kanë nisur “adrenalin” e tyre në divizionet më të ulta; USL, NASL, dhe ndërsa tash ata kan kan aplikuar për divizionin e parë, Ligën e Madhe të Futbollit – Major League Soccer, MLS, në kampionatin e Futbollit të Amerikës së Veriut, që përfshinë SHBA dhe Kanadanë, ku simbas disa burimeve zyrtare ata tashmë e kan fituar të drejtën që të fillojnë të luajnë në Divizionin e Parë të SHBA, MSL, sesionin futbollistik, që fillon pranverën e vitit 2014.

Deklaruar sipas zyrtarve të këtij klubi, bëhet e ditur se ata do të stërviten në qendrën sportive Mount Vernon Sports Underdome në Nju Jork, Kurse shtëpia e mundshme e skuadrës më të re të futbollit “New England Force” do të jetë kryeqyteti Providence, në ishullin Rohd Island në New England – . Stadiumi “Bulldog Bryant Universiteti” në qytetin Smithfield me kapacitet 35 mijë spektatorë, do të jetë zyrtarisht “arena” ku do të luaj skuadra e futbollit “New England Force” .

Faqja e internetit e skuadrës së futbollit “New England Force”, tregon gjithashtu zyra e tyre, do të jetë në ambjentet e stadiumit, kryesisht me një staf profesionist të përbërë nga emra të njohur të futbollit në Divizioni e I-rë, të i futbollit Amerikan. Manaxher i ekipit dhe trainer i tij do të jetë Jonathon Langer, ish traineri i ekipit të Teksasit – “Austin Posse”, i ndihmuar nga traineri europian – spanjolli Javier Inglesias dhe David Wilder, që të tre trajner të mirë, të harmonishëm dhe jashtëzakonisht të certifikuar .

Sipas vetë zyrtarve të lart të ekipit, plani i ri i ekipit të futbollit “Forca Angleze”, është që të nënshkruajnë kontrata për kartonat dhe për të paguar lojtarët, që kanë përfunduar tashmë marrëveshjen me klubin e futbollit “New England Force” e kryeqytetit Providence, në ishullin Rohd Island në New England – bregdeti verilindor i oqeanit Atlantik në SHBA.

Ndërkohë, që në një faksimile të faqes zyrtare të klubit amerikan në internet, shkruhet se zyrtarët e ekipit New England Force – Forca Angleze”, kan thirrur edhe futbollistin shqiptar nga Shkodra, “Djepi i Futbollit” në Shqipëri, Bruno Kepi. I cili, tashmë pas Hamdi Salihut, goliadorit shkodran që luajti me ekipin e Washingtonit D.C. United, do të jetë shqiptari i dytë, për Divizionin e I-rë, Ligën e Madhe të Futbollit – MLS, në kampionatin e Amerikës së Veriut, që përfshinë SHBA dhe Kanadanë.
Kepi pritet të forcojë ekipin England Force

Kështu të paktën shkruan gazeta sportive e Rohd Island, ku thotë se ekipi “New England Force” janë duke pritur gjëra të mëdha nga arrdhja e një futbollisti shqiptar – Bruno Kepi, dhe prurjet e reja nga Europa. Sipas saj Kepi, është një futbollist i ri shqiptar, i nivelit ndërkombëtar, që luan në pozicionin e mbrojtësit. Kepi shkruan shtypi amerikan do të jetë në rrugën e tij, për në SHBA në një çështje javësh. Mbasi kështu të paktën shpreson klubi, shkruan kjo gazetë duke shtuar se “një ditë ai pritet të mbërrijë të luaj për ekipin që në shqip thirret “Forca e Anglisë” ndeshjen e ardhshme miqësore në fund të qershorit në Nju Jork.

Bruno Kepi shkruan gazeta amerikane “është në një pozicion të vështirë në skuadër, duke luajtur rolin e një mbrojtësi i talentuar me shumë eksperiencë, mbasi ai përfaqësoi Shqipërinë në të gjitha nivelet, duke filluar me U-16 dhe më lart. Sipas, kësaj gazete trajneri ekipit “New England Force”, Jon Langer, ka deklaruar se ne: “Ishim me fat që manaxheri ynë ishte në gjendje të sjell në ekipin tonë, mbrojtësin e talentuar shqiptar.”. Zoti Langer, është shprehur gjithashtu se ai e njeh futbollin shqiptarë, duke shtuar se ” Shumica e lojtarëve shqiptarë janë shumë të talentuar, dhe disa prej tyre kan pasur fatin të përfundojnë deri në disa prej ligave më të më mira, duke luajtur me disa nga ekipet më të forta në Europë. Më tej ai citohet të ketë thënë se, “Për shkak të komunikimeve tona të araxhmaneve, kemi synim dhe po bëjme përpjekje nga të gjithë vendet të grumbullojmë futbollist, duke përfshirë edhe ata në Shqipëri dhe Rusi. Në Shqipëri, jemi duke u bërë të gjitha përpjekjet tona, që të sjellim sa më parë Bruno Kepin, dhe për të marrë atë këtu jemi në trataiva për vizë me ambasadën e SHBA në Tiranë, që të na e sjellin sa më shpejt të jetë e mundur”, thotë zoti Langer.
Shkodrani Kepi drejt Amerikës!

Futbollisti shkodran Bruno Kepi, i cili krahas Vllazënisë së Shkodrës ka luajtur edhe për, Skënderbeun, Bylysin, Velipojën, Beslidhjen e Lezhës e tjerë , në Shqipëri, është shumë pranë kalimit për në Divizionin e I-rë të futbollit amerikan MLS. Lajmi bëhet i ditur edhe nga Federata Shqiptare e Futbollit – FSHF, e cila pranon se ditë e fundit, ajo ka marrë një kërkesë zyrtare nga ekipi New England Force, këtu në SHBA, për të mundësuar marrjen e kartonit që disponon shkodrani i talentuar Bruno Kepi.
Për shtypin sportiv shqiptarë vetë Kepi ka pranuar se ka pasë një ofertë prej ekipit New England Force në Divizionin e I-rë të MSL në SHBA. “Kam pasur një ofertëtë të tillë, thotë Kepi, përmes manaxherit tim Bujar Gjata, i cili është dhe President i Klubit të Futbollit Dardania në New York, për të luajtur me ekipin amerikan New England, ofert e mbrritur në ekipin tim Beslidhja e Lezhës dhe në Ambasadën amerikane në Tiranë, për vizë”.

Ai shprehet se është duke pritur më konkretishtë, mbasi nëpërmjet manaxherit të tij janë dhënë disa DVD, klubit pritës në Amerikë, të cilat, me sa duket janë pëlqyer edhe nga tranieri amerikan Langer. Andaj tash ai pret që nga momenti në moment të mbrrijë këtu në Shtet e Bashkuara, për tju bashkuar futbollit amerikan, dhe për të realizuar “ëndrrën e tij Amerikane” në futboll.

Bruno Kepi, është një lojtar i futbollit shqiptar, ai aktualisht lot për KS Beslidhja, Lezhë. Bruno filloi karrierën e tij të futbollit me KS Vllaznia, në Akademinë e Futbollit të Shkodërs për të vazhduar me U12 , U17 dhe U21 dhe ekipin e Kombëtares së Shqipërisë. Ai është një lojtar i përkushtuar dhe i talentuar, i cili kryen shumë mirë çdo pozicion në fushën e blertë të lojës. Ndërsa, ai ishte duke luajtur me Vllazninë në fillimet e tij, ai u pikasë mirë nga specialistët e futbollit shqiptarë, nga ata të ekipit kombëtar shqiptar U17 dhe U21 për të veshur fanelën kuqezi. Pozita e tij më e preferuar në ekip, është si zakonisht mbrojtja, por specialsitët e futbollit në Shqipëri, thonë se “ne e kemi parë Kepin të papritur në çdo ekip me pozicione të shumta dhe herë – herë duke shënuar gola të habitshme, shumica e tyre ishin gola që e vendosën skuadrën ku ai luajti ai për vendet më të mira në kampionatin Futbollit të Shqipërisë .

 

 

TJETER REKORD: SHQIPERIA E DYZETETRETA NE BOTE

by

Tjeter rekord i Shqiperise, Rekordi duket si enderr.Shqipëria ka vendosur një tjetër rekord në renditjen e FIFA-s. Ajo tashmë renditet në vendin e 43, me 640 pikë, një pozicion historik ky.
Nëse për prillin vendosëm një rekord historik, duke ngjitur 16 vende njëherësh dhe pozicionuar të 48-t në botë, për majin kemi superuar edhe 5 vende të tjera. Një sukses i padiskutueshëm, sepse në vendin e 43-të Shqipëria nuk ka qenë kurrë në historinë e vet, ashtu sikurse nuk kishte qenë as në pozicionin e muajit të kaluar. Sipas përllogaritjes specifike të FIFA-s, kuqezinjtë tanë vlerësohen me 640 pikë, që “përkthehet” ndryshe me vendin e 43-të për muajin maj. Sa u përket rivalëve tanë në grupin kualifikues të “Botërorit 2016”, më lart qëndron Zvicra, në vendin e 14-të, me ngjitje një shkallë më tepër në krahasim me muajin paraardhës, ndërsa në vendin e 31-të është Norvegjia, që ka zbritur një pozicion krahasuar me prillin. Shqipëria lë pas Slloveninë në këtë renditje të FIFA-s, në vendin e 55-të, Islandën, në vendin e 73-të, dhe Qipron në vendin e 123-të. Të tria këto kombëtare kanë qëndruar në vend-numëro, pa lëvizur asnjë pozicion në renditjet mujore të prilit dhe majit 2013. Sikurse thamë edhe më sipër, në fakt kombëtarja shqiptare e futbollit kishte bërë një kapërcim rekord historik në renditjen e FIFA-s që në prill, duke ngjitur plot 16 shkallë. Vendi i 48-të ishte edhe arritja më e madhe e kuqezinjve tanë në këtë drejtim për momentin, por tashmë jemi edhe më lart.
Renditja:
1. Spanja
2. Gjermania
3. Argjentina
4. Kroacia
5. Portugalia
6. Kolumbia
7. Anglia
8. Italia
9. Holanda
10. Ekuadori
. . .
43 Shqipëria

44 Paraguaji
45 Turqi
46 Zambia
47 Australia
48 Kosta Rika
49 Uellsi
50 Burkina Faso