Albano Kolonjari/

Lionel Messi një “amerikan” hyn në histori, fiton çmimin e 8-të.
Argjentinasi nuk tërhiqet: “Për sa kohë të jem mirë dhe në gjendje të konkurroj, do të vazhdoj ta bëj këtë”

Messi dhe Bonmatti kanë një shtëpi të përbashkët Barcelona.

Nuk dua të lë pa përmendur Haaland, Mbappé… ata patën një vit spektakolar, veçanërisht Haaland”, tha Lionel Messi në skenën e Théâtre du Châtelet në Paris, pasi mori Topin e tij të tetë të Artë nga David Beckham. “Nuk kam asnjë dyshim se ata do ta kërkojnë këtë çmim në të ardhmen. Ne shohim shumë talente të rinj këtu, dhe megjithëse e gjej veten në një fazë tjetër të karrierës sime, ne do të vazhdojmë ta shijojmë futbollin për shumë vite. Lojtarët vijnë dhe shkojnë, por niveli nuk bie kurrë. Ne do të vazhdojmë ta shijojmë edhe për shumë vite të tjera.” Kjo ka të ngjarë të jetë shtimi i fundit në koleksionin ilustrues të argjentinasit.

“Ky është i fundit dhe ndihem më i qetë dhe më i qetë,” vazhdoi ai. “Nuk e di nëse më ka mbetur pak apo shumë kohë në karrierë. Për sa kohë të jem mirë dhe në gjendje të konkurroj, do të vazhdoj ta bëj këtë”. Fjalimi i tij kishte një ton të qetë dhe të sinqertë, pothuajse një ndjenjë lehtësimi, duke vënë në mënyrë simbolike prekjen e fundit në karrierën e tij legjendare duke iu referuar hapur asaj ‘anës tjetër’ që ai përmendi. Në këtë kontekst, ku e tashmja ndërthuret me të ardhmen, Messi tashmë ka veçuar Erling Haaland dhe Kylian Mbappé si zgjedhjet e tij për procesin e trashëgimisë, i cili mbetet i hapur nëse nuk ka zhvillime të papritura.

Ndonëse i kishte përmendur tashmë, Lionel Messi aludoi edhe një herë drejtpërdrejt, në dy raste, për pasuesit e duopolit Messi-Cristiano Ronaldo që dominuan dekadën e fundit të futbollit: “Do të jetë një garë e bukur mes këtyre dyve dhe shumë të tjerëve. talentet e rinj këtu.
Aitana Bonmatí – Të dy e merituan këtë vit.”Ajo mori trofeun nga një tjetër fitues i botës në tenis, Novak Gjokovic, dhe vazhdoi të falënderojë të gjitha klubet për të cilat ka luajtur, me një përmendje të veçantë për “Barça, klubi im i jetës… Ne jemi një pikë referimi globale”. Dhe ajo e përfundoi fjalimin e saj të pranimit me një mesazh të fuqishëm se “si modele ne kemi një përgjegjësi brenda dhe jashtë fushës. Ne duhet të jemi më shumë se sportistë dhe të vazhdojmë të udhëheqim me shembull dhe të luftojmë së bashku për një botë më të mirë, paqësore dhe të barabartë.”Bonmatí, e lindur në Sant Pere de Ribes jo shumë larg Barcelonës, mbyll një vit historik me stil, një vit që e ka parë atë të vendoset si një nga emrat kryesorë në lojën e femrave. Statistikat janë mjaft mbresëlënëse, 18 gola dhe 21 asistime flasin vetë dhe mesfushorja ka marrë disa dallime të rëndësishme, si në nivel individual ashtu edhe në atë kolektiv.

Lojtarja më e mirë e femrave në botë është ende një blaugrana! Aitana Bonmatí është fituesja e Topit të Artë për vitin 2023, një çmim që e vendos mesfushorin në krye të botës së futbollit. Blaugrana mori çmimin në gala që u zhvillua në Teatre del Châtelet de Paris dhe ku Barça Women u shpërblye gjithashtu si ekipi më i mirë i vitit.

Sokol Paja/

Kombi në festë. Shqipëria, leksion futbolli Çekisë. Kombëtarja shqiptare e futbollit arriti një fitore dhe rezultat historik në rrugën drejtë Europianit të Gjermanisë. Një fitore me goladë dhe dominim absolut 3-0 ndaj Çekisë e dërguan Shqipërinë në krye të Grupi E dhe praktikisht në Euro 2024. Një ndeshje e dominuar që nga minuta e parë u shpërblye me një fitore të jashtëzakonshme për të gjithë shqiptarët. Një ekip i fuqishëm që luan me besim dhe fantazi që ka përmbledhur djemtë kuq e zi nga çdo cep i trojeve etnike, mrekulloi çdo shqiptar me një fitore të pa imagjinueshme. Një ekip me temperament, personalitet, karakter dhe dinjitet fitoi thellë përballë Çekisë duke bërë një paraqitje mbresëlënëse. Perla e Asanit dhe rracionaliteti i Seferit ndezën zemrën dhe shpresën e madhe për një Shqipëri europiane. Eliminatoret e Grupit E kanë qenë nën shenjën e kombëtares sonë. Për herë të parë në histori, ne kryesojmë. Shqipëria shkëlqeu në çdo takim. Ekipi ka patur sukses dhe progres të hatashëm. Sylvinho e ka ndryshuar ekipin totalisht dhe lojën e skuadrës. Futbolli është kthyer në filozofi, loja në koncept e ekipi në skuadër. Një Shqipëri që të mrekullon. Fitores së magjishme iu shtua fitorja e Kosovës 3-0 ndaj Andorrës. Një natë e pa harrueshme për kombin tonë.

Kombëtarja shqiptare do rikthehet në aksion në muajin tetor, pasi ka në program ndeshjen kualifikuese të “Euro 2024” ndaj Çekisë dhe miqësoren me Bullgarinë. Ditën e sotme trajneri Sylvio Mendes Campos Junior ka shpallur edhe listën e futbollistëve që do të ketë në dispozicion.

Në listën e përbërë nga 25 futbollistë ka ndryshime të pakta në krahasim me sfidat ndaj Çekisë dhe Polonisë në shtator. Rikthehet me Kombëtaren sulmuesi Armando Broja, i cili e ka lënë pas dëmtimin në gju dhe së fundmi edhe ka luajtur me Celsin në Premier Ligë. Këtë herë do të mungojë Odise Roshi, ndërsa pjesa tjetër e futbollistëve janë konfirmuar nga ana e trajnerit brazilian të Kombëtares.

Shqipëria do të nisë zyrtarisht përgatitjet të hënën, më 9 tetor, në “Shtëpinë e Futbollit”. Lojtarët do të grumbullohen në kryeqytet, ndërkohë që është programuar që trajneri Sylvinho të dalë në konferencë për mediat ditën e shtunë prej orës 11:00 në sallën e konferencave në “Shtëpinë e Futbollit”.

Kombëtarja kuqezi do t’i luajë në “Air Albania” të dyja ndeshjet e tetorit. Fillimisht Shqipëria përballet me Çekinë më 12 tetor, prej orës 20:45, ndërsa më pas në program është miqësorja me Bullgarinë më 17 tetor, ora 18:00.

Fshf.org

Me datën 1 tetor, 2023, anëtarë të shoqatës Shqiptaro-Amerikane “ Skenderbej” Inc, u mblodhën së bashku, në parkun Seufert Badshell, në Queens, New York, për të zhvilluar kampionatin e dytë të shahut. Ky aktivitet u organizua nga kryesia e shoqatës.

Parku ndodhet në një kreshtë të lashtë në lagjen Queens, me pamje nga fushat jugore te gjirit të Xhamajkës. Ai u konceptua në vitet 1890 nga Frederick Law Olmsted, bashkëprojektuesi legjendar i Parkut Qëndror në Manhattan (Central Park). Parku Seufert Badshell, mbulon rreth 538 hektarë nga ku, 413 janë të pyllëzuara me lisat të kuq verior, pyje dushku, lisa të tjerë të bardhë, bimë kacavjerrëse apo qershi të zeza të egra, duke krijuar kështu, një ambjent tepër çlodhës dhe frekuentues për banorët e lagjes Queens si edhe vizitorë të tjerë të New Yorku-t dhe më gjerë.

Në këtë takim të mirëpritur nga të gjithë anëtarët, dhe vecanarisht nga adhuruesit e sportit të shahut, morën pjesë Kryetari i shoqatës Shqiptaro-Amerikane “Skenderbej” Inc. zoti Imer Lacaj, anëtarë të kryesisë, si edhe miq e dashamirës të anëtarëve të shoqatës.

Zoti Imer Lacaj përshëndeti të gjithë të pranishmit për pjesëmarrjen. Ai theksoi se “ Aktiviteti i ditës po zhvillohet në Queens, New York, pasi fituesi i kampionatit të mëparshëm të shahut, ishte zoti Elton Xhaferri, banues i lagjes së Queens-it, New York”. “Kampionati i ardhshëm,vazhdoi ai, do të zhvillohet në lagjen e fituesit të ardhshëm të këtij viti.”

Grupi i punës së këtij aktiviteti, zotërinjtë Elton Xhaferri, Genti Veshi dhe Ervin Toro arritën të sistemojnë me shumë zhdërvjelltësi 16 konkuruesit e këtij aktiviteti. Ata i ndanë të pranishmit në grupe dhe shumë shpejt qetësia karakteristike e lojës së bukur të shahut, mbizotëroi për më se 4 orë në këtë aktivitet.

Ndeshjet ishin serioze dhe oponentët treguan karakteristika të forta në lojë si: shpirti luftarak, durimi, konfidenca, karakteri i fortë, organizimi dhe strategjia. Pas ndeshjeve së njëpasnjëshme të 16 lojtarëve në grupe u përcaktuan finalistët, zotërinjtë Gjovalin Marku dhe Elton Xhaferri.

Ndeshja finale ishte tepër emocionuese dhe u ndoq nga të gjithë të pranishmit me shumë vemendje. Oponentët treguan maturi në strategjinë e tyre pasi saktësia e cdo lëvizjeje, ndihmonte në përcaktimin e fitores.

Fitues i këtij kampionati u shpall zoti Gjovalin Marku i cili mori edhe cmimin prej 100 dollarësh të akorduar nga kryesia e shoqatës. Kryetari i shoqatës zoti Imer Lacaj i dhuroi një kuti shahu zotit Elton Xhaferri i cili zuri vendin e dytë në këtë kampionat.

Zoti Gjovalin Marku, falenderoi kryesinë e shoqatës për organizimin dhe shprehu kënaqësinë e tij për pjesëmarrjen në këtë ambjent vëllazëror. Ai u duartrokit nga të pranishmit.

Gjatë këtij aktiviteti pjesëmarrësit u ulën në tryeza te përbashkëta për t’u çlodhur dhe shijuar ushqime tradicionale shqiptare të sjella nga vetë anëtarët e kësaj shoqate. Ata bënë barbeque, luajtën lojëra të ndryshme sportive, zhvilluan bieseda shoqërore, kënduan e kërcyen. Ambjenti ishte tradicional, i zbukuruar me flamuj shqiptar dhe Amerikan.

Në fund, të pranishmit falenderuan njeri- tjetrin për kontributet që sollën në këtë aktivitet si edhe ndihmën që ata dhanë për t’a pasuruar atë. Aktiviteti ishte një tabllo gëzimi, shoqërie, konkurence, shpirti i së cilës, do të mbetet sërish një frymëzim për aktivitete të tjera.

Suksese shoqatës Shqiptaro-Amerikane “ Skenderbej” Inc. në aktivitete të tjera të rëndësishme të vitit.

Shoqata Shqiptaro-Amerikane “Skenderbej” Inc.

Staten Island, New York.

2 Tetor, 2023

13-vjeçarja Kler Çaku, me 7 fitore dhe 2 barazime, shpallet KAMPIONE EUROPE, në Kampionatin e Rapidit, që sapo mbaroi në Slloveni, për vajzat deri në moshën 14-vjeçare. Lajmin e bëri të ditur Federata Shqiptare e Shahut.